|
رايكم بجدولي لمستوى رابع .. ادارة اعمال
السلام عليكم ورحمة الله بوركاته انا قررت ان يكون هذا جدولي لمستوى رابع ادارة http://im38.gulfup.com/ScWLA.png طبعا عندنا ادارة مالية 2 وادارة التسويق ورا بعض على كذا ماراح اخذ التسويق وانا عندي من قبل مواد ما اخذتها وهي العقيدة الاسلامية + نظم المعلومات + مهارات اتصال + الاخلاق الاسلامية وباذن الله راح اخذ مهارات اتصال في هذا الفصل علما اني اخذت فقه السيرة من مستوى خامس والحمد لله عديتها وناوية اخذ السلوك من مستوى خامس وان شاء الله التسويق واحد المواد المتبقيه اخذهم بالمستوى الخامس فكرت وفكرت وحست بالجدول وما شفت غير هذي الطريقه رايكم يهمني في الانتظااار ... :16::16: |
رد: رايكم بجدولي لمستوى رابع .. ادارة اعمال
والله اشوف الجدول ولا ادري وش السالفه ..
بس حركة الالوان خطيره شوي < موظف + طالب جديد انتساب |
رد: رايكم بجدولي لمستوى رابع .. ادارة اعمال
أساليب كمية + مالية 2 + التحليل الإحصائي ( فيها مسائل و محتاجة جهد من البداية + مراجعة وحل اسئلة الأترام السابقة+ سماع المحاضرات أول بأول - صوري الملخصات من البداية وابدأي بالإستماع للمحاضرات وكتابة أي ملاحظات وحل المسائل مع الدكتور وإعادتها فيما بعد)
السلوك التنظيمي + إدارة الموارد البشرية + مهارات الإتصال + مهارات البحث والتفكير ( رغم انها نظرية ولكن معلوماتها كثيرة وفيها مواضيع متداخله - تحتاج الى تركيز وحل اسئلة السنوات السابقة) الجدول متعب شوي --- ولكن اذا بتذاكري أول بأول ما عندك مشكلة. توكلي على الله وفالك التوفيق |
رد: رايكم بجدولي لمستوى رابع .. ادارة اعمال
اقتباس:
ههههه احنا مثلك يوم كنا بمستوى اول كنا ما ندري وش السالفه الالوان هذا فنن :8: ع العموم اشكرك لتواااجدك |
رد: رايكم بجدولي لمستوى رابع .. ادارة اعمال
اقتباس:
الف شكر ع النصيحه كنت ابي اعرف الففهم من الحفظ وماقصرت بارك الله فيك انا الحمد لله من النوع اللي اذاكر اول باول ومابي ااجل في المواد اخاف تتراكم علي :16: |
رد: رايكم بجدولي لمستوى رابع .. ادارة اعمال
صح اكلام لكن يقولون التحليل موت وانا خايفه اخذه فكيف تاخذين سبع موات بموتين وبينزل المعدل اذا كنت ماشبه عالخطه بعدد الساعات لاتضغطين نفسك ينزل المعدل ماتظمنين نظامهم وش بيسوي
|
رد: رايكم بجدولي لمستوى رابع .. ادارة اعمال
اقتباس:
طيب لو ما اخذته راح تتراكم علي المواد وبكون متاخره مادتين من مستوى رابع الله ييسر امورنا ويكتب لنا كل مافيه خير لنا :16: |
رد: رايكم بجدولي لمستوى رابع .. ادارة اعمال
والله مدري ايش اقولك ياخيه هو زين والا موبزين .
لاني ماعندي اي فكره عن المواد اللي اخترتيها لاكن نظام جدولك اشوفه ممتاز لاني مع اللي نظريته خذ الدسم والصعب في البدايه ترتاح بالنهاية وجدولك شكله دسم حبتين ويبقى مع الجد والاجتهاد مافيه شي اسمه صعب وبالتوفيق . |
رد: رايكم بجدولي لمستوى رابع .. ادارة اعمال
ماقصرو الاخوان
بس شوفي عندك مادتين بنفس اليوم كميه عند دكتور ملفي الرشيدي شرحه واسئلته :21: مهارات رغم انها ساعه ومتفرق كثير في المعدل الا ان د. بلالي واسئلته :23: بس دامك مأجله نظم انصحك تاخذنيها للحين تقولين دكتورها راح يتغير التحليل راح يتغير واذا راح نتبع هالموال مامشينا في الاترام موفقه |
رد: رايكم بجدولي لمستوى رابع .. ادارة اعمال
بالنسبة للتحليل الاحصائي تتحتاجون الى:
متابعة المحاضرات مع الدكتور أول بأول. حل التمارين بأنفسكم أكثر من مرة. حل اسئلة السنوات السابقة.... اغلبها محلول. بالتوفيق للجميع |
رد: رايكم بجدولي لمستوى رابع .. ادارة اعمال
ناخذ الجدول حبه حبه أولاً فكرة سبع مواد في مستوى واحد شيء متعب جداً جداً جداً سبق اني مريت فيها ثانياً السلوك التنظيمي مادة تحتاج الى مجهود وغير محببه في الدراسة أرى أنك تلغينها وتاخذين مكانها وحده من المواد السهله من المستويات السابقة اللي ما سبق اخذتيها مثل الاخلاق في الاسلام او العقيدة الاسلامية لأنها مواد تحتاج يومين مذاكرة فقط رابعاً: إدارة الموارد البشرية مادة نظريبة بحته ودكتورها وضع كل المادة على شكل تعاريف ونقاط وفروع وهذا اكثر شيء يحسوني في الدراسة وأشوف ان التعامل معها في حال كان مقدرة الحفظ عندك ضعيفه ان يكون لديك ذاكرة تصويرية ، أي نظرة عامة على الشرائح وحفظها على شكل صورة في ذاكرتك وتفريغها في وقت الاختبار، ان شاء الله تكون الفكرة وصلتك الاساليب الكمية ومهارات الاتصال انا اشوف ان مافيه مشكلة حتى لو كانت مادتين في يوم واحد لأن الدكتور ملفي شرحة ممتاز ومنهج المادة غير طويل وكل المادة عبارة عن فكرة واحدة ويتم في كل محاضرة إضافة جديدة عليها وبتشوفين ان مهارات الاتصال اصعب منها سادساً : مهارات البحث والتفكير ما اقدر افتي فيها لاني مادرستها إدارة مالية 2 وهي امتداد لإدارة مالية 1 واذا كانت الإدارة المالية 1 سهله بالنسبة لك فماراح تواجهين مشكلة فيها ان شاء الله سابعاً التحليل الاحصائي :7::7: المشكلة الحقيقية ليست المادة بل دكتور المادة مستحيل الواحد يفهمها بسبب شرحه وسمعت ان دكتورها بيتغير واذا تم الشيء هذا بيكون شيء ممتاز وان شاء الله تجتازينها وفي حال ما تم تغيير الدكتور فمالك الا الاعتماد على تدريس خصوصي واسئلة الاعوام السابقة هذا الحل الوحيد لاجتياز المادة الفصل الماضي واجهنا مشكلة كبيرة فيها وهي ان الاسئلة كانت من خارج المنهج واشتكينا وطالبنا الانصاف والغاء الاسئلة الخارجية والحمد لله ومع الاسف فيه نسبة رسوب كبيرة في المادة وان شاء الله الجامعة ترحم طلابها وتحاول تسهل المادة شوي |
رد: رايكم بجدولي لمستوى رابع .. ادارة اعمال
الله يوفقنا يارب
|
رد: رايكم بجدولي لمستوى رابع .. ادارة اعمال
يعطيك العافيه بن عاقول على الشرح ماقصرت كفيت ووفيت :16:
|
رد: رايكم بجدولي لمستوى رابع .. ادارة اعمال
يعطيك العافيه بن عاقول على التوضيح وكلامك سليم من ناحية التعب والجهد
بس مضطرين ناخذ سبع مواد او اكثر لاننا فيه بعض المواد ماخذنها من قبل مستعده اضغط نفسي شوي ولا اخذ ترم زياااااااده ،، سراب جدولك مدري والله بس من رائي انو مادتين في يوم واحد صعبه حيل وترى ماتفرق عن المادتين اللي وراء بعض اللي هي ادارة ماليه وادارة تسويق تقريبآ نفس الشي بس هذي في يوم واحد وانا اشوف انو احنا نمشي على خطة الجامعه وكل ترم اذا امكن نضيف ماده من المواد اللي مااخذناها نضيفها وترى الترم هذا مره طويل يعني يمدينا نخلص مذاكره عشره مرات :8:,,, يعطيكم العافيه:2: |
رد: رايكم بجدولي لمستوى رابع .. ادارة اعمال
سراب جدولك جدا صعب
مادة سلوك تنظيمي اخذتها مادة مايستهان فيها معلوماتها فيها فروقات بسيطة عن بعض ويبغالها تركيز ما ادري اذا الدكتور نفسه او تغير انا اخذتها مستوى ثاني وكانت اسئلته من بين السطور التحليل الاحصائي لوحدة هذا كوم ويبغاله شدة حيل مع العلم اني الحمدلله انهيت مادة الاحصاء في الادارة وجبت 98 فيها (حبيت اقولك نتيجتي عشان تعرفي اني مو من الطلبه اللي تضخم الامور وتشتكي من اسئلة الدكتور والتقصير منها) طبعا باقي المواد من الخطة وانا كمان راح انزلها بالاضافه لمهارات الاتصال وللعلم هيا مادة من ساعة وحدة لكن يبغالها حفظ وشده حيل زيها زي مواد التخصص وعلى ماقرات دكتورها اسئلتة دقيقه من رأيي تحذفين مهارات البحث والتفكير او السلوك التنظيمي و16 ساعة ترى كويسه وماراح تتأخري في التخرج ولا الضغط ونزول المعدل وكلامي من تجربة مستوى اول ومستوى ثالث ماتجاوزت 16 ساعة ومعدلي فيها عالي جدا بينما مستوى ثاني اخذت 18 ساعة ونزل المعدل عن الطموح شوي واسفة كثرت كلام بس حبيت اقول رأيي بما انك طلبتي |
رد: رايكم بجدولي لمستوى رابع .. ادارة اعمال
موفقهه اختي هيك ولا هيك اخذي المواد الي بتقدري تدرسيها وتذكريها وانتي مخذتها مخذتها :1::1:
|
رد: رايكم بجدولي لمستوى رابع .. ادارة اعمال
انصحك في إعادة التفكير بجدولك
والله يوفقك |
رد: رايكم بجدولي لمستوى رابع .. ادارة اعمال
جدولك جداً ممتاز, خصوصاً أنك من الطالبات التي تذاكر أول بأول, وبعد هذا الجدول إنشاء الله بتخف عليك المواد الصعبة.موفقين.
|
| All times are GMT +3. الوقت الآن حسب توقيت السعودية: 04:39 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه