|
تصويت ضد المحاضرات المباشره و منتديات الحوار لعدم فعاليتها
السلام عليكم و رحمه الله وبركاته
شلونكم واخباركم وعلومكم اخواني طلبه وطالبات كلنا بعد تجربه المحاضرات المباشره تأكدنا بأن ما هنالك فائده مرجوه من متابعتها غير الربطه قدام الجهاز و ارتفاع الضغط و السكر و حالات من التوتر العام و اثاره البلبله و الاشاعات و الخوف والهلع من دخلت ولا دخلتي ليه خرجوني معلق ايش فيهم فانا اشجب واستنكر و اطالب بتكوين حزب لالغاء المحاضرات المباشره و تحويل ال10 درجات للواجب و تنلغي الفعاليات بالمنتدي و يصير الواجب ب30 درجه ويفكونا من الالزام بالحضور ومتابعه مالايستحق هم يخشون الملتقى ويقرون مواضيعنا و لا ماكان برر عميد الجامعه اعتراضنا على التقسيم انا اشوف ومن باب المصلحه العامه للجميع و الخاصه للمتزوجين والعاملين الغاء فعاليه المحاضره المباشره و التفاعل بمنتدى الحوار و جعل الواجب ب30 درجه و كل شخص حر مع نفسه يرسله وقت ما يبي مو ملزوم بوقت معين اللي موافق يرفع يده و نرسل رساله بعدها للعميد برغبتنا و ان شاء الله انها تطبق فمن يبي يرفع يده و يقول اوك ؟ هذي يدي :(204): وقبل انهي موضوعي احب اعتذر لاختي الطالبه المعذبه على سوء الفهم اللي حصل مني تجاهها و اقول لها السموحه يابنت الاجواد قسم بالله منتديات الحوار جابت لي تشويش في نخاع التركيز وحطيت حرتي فيك وهذي لك :m29asmilies-com: يالله يا امامير من يصوت نبيها جد نبي نلغي منتديات الحوار و المباشره حنا الطلاب مو هم :nono: و حنا اللي نقرر :049: |
رد: تصويت ضد المحاضرات المباشره و منتديات الحوار لعدم فعاليتها
[align=center]
.. أولا اسمحيلي اختي .. .. من متى الطلاب اللي يقررون ايش ندرس ايش معانا او ايش مو معانا ؟!! .. .. طول عمرنا ندرس المناهج المقررة علينا من الجهات المختصة .. والحمد الله نجحنا وعديناها .. .. ليش دايما نحط في بالنا الاشياء الصعبة ليه ما نسهلها .. .. وثانيا اختي اذا هالشي يثير بلبله وغيره كان بالامكان طرح موضوع مفيد في منتديات الحوار بدل طرح هالموضوع هنا .. .. اقلها كان ضمنتي درجة .. .. وغير كذا كلنا لما قررنا ندرس انتساب مطور عارفين ايش ظروفنا وايش امكانياتنا .. .. يعني اقلها من النظام الجديد نضمن 30 درجة باذن الله ويبقى 30 وقت الامتحان .. .. يعني فرصة النجاح بتزيد .. .. وحاجة ثانية ترى المحاضرات المباشرة حتى لو حضرتيها مسجلة تحتسب لك نفس الدرجة يعني ليه التعقيد من طرفكم ؟!! .. .. وثانيا هم ما قالولك كل يوم حطي موضوع وكل يوم ردي .. .. لو خصصتي لك ربع ساعة يوميا لكل مادة ماراح تخسرين شي .. واتوقع ربع ساعة ماهي كثيرة .. وهالموضوع تكرر وسبق ان تحدثنا فيه والقرار اجباري سواء رضينا او أبينا .. .. [ كان هذا رأيي بالموضوع واتمنى ما تاخذينه بحساسية ] .. .. تحياتي ،، ،، [/align] |
رد: تصويت ضد المحاضرات المباشره و منتديات الحوار لعدم فعاليتها
<<< تعدل الجسله عشان تعرف ترد عليك :33_asmilies-com:
حبيبة البي " انا عااارفه ان الكل وانا اولكم تعب من سالفه المحاضرات المباشره " لكن " ياقلبي لالالالازم نحضر او نحمل هالمحاضره مو عشان شي عشان القرار الجديد الي طلع لناا " وعشان هالـ 10 :(164): ويابعدهم لوو تدخلين المحاضره لمده ثااااااااااااااااااانيه وحده بس تعتبرين حاضره " ومنتدى الحوار لو تدخلينه بس كذا وما تكتبين فيه ولا حرف برضوو تعتبرين حاااضره " المحاضرات المباشره " لو قدرتي تحضرينها بوقتها حلو " ولو ماقدرتي تحضرينهاا ياابعدي راح تنزل لك ع البلاك بورد ومن هناك حمليها او شاهديها وبكذا ينحسب لك حضور " مابقى الا الواجب حليه وارسليه للدكتور خلصنآآ :(164): الأمور سهالات لا تصعبين عليك الأمور كلها 3 اشياء الي عليك تسوينها وان شاء الله تضمنين الـ 30 1- واجب حليه وارسليه 2- محاضره مباشره ان قدرتي تحضرينها اوك وام ماقدرتي حمليها من البلاك لا نزلت 3- منتدى الحوار ادخلي منتدى كل ماده وخذي فيه فره وخلاث " بس "" ماايبغآآآآ لهاااا "" المحاضره المباشره ما استفدناا منها وكثره بلبله ومدري ايش ليه هالكلام ؟؟ :(154): الدكتور جاي ومفضي نفسه لكم عشان تسألونه ان ماقدرتو تسألونه ارسلو له اميل وانتهت السالفه " مايحتاج لا تصويت ولا شي " لو تصوتون لييييييييييييييين بكرى هالقرار ماااراح يتغير " :(164): تقبلي مروري وكلماتي وتراها ( وجهة نظر ) ~ |
رد: تصويت ضد المحاضرات المباشره و منتديات الحوار لعدم فعاليتها
اقتباس:
وقلنا ندخل ربع ساعه ومدري ايش و اللي مادخل يدخل بعد تسجيلها وكل اللي قلتيه طيب ايش الفايده انا ابغى فايده مرجوه خليك من السهوله والصعوبه انا ابي فايده من الربع الساعه اللي قلتي عليها ندخل المنتديات الحواريه او الفايده من مشاهده المحاضرات المباشره او حتى بعد مايسجلونها ؟ ليه نتلاعب بالوقت والاساليب والطرق عشان بس نمشي نظام عقيم و انا ماقلت نتحكم في المقررات قلت نطالب بتغير النظام العقيم و اكيد لنا كلمه بعدين تقولين احطه في البلاك بورد ماينفع هنا يدخلون ويشوفون اول شي نتفق ثم بعدها نقرر كيف نتصرف و يابعدي انا مو فاضيه كل يوم اخش اتحنطر في المنتديات عشان بس اخذ 10 درجات خلاص يفكونا 30 درجه على الواجب ولو فنطيتها وبندتيها بعيد عن اساليب التلاعب في الحصول عليها زي خشي لك ربع ساعه و تضمنين الدرجه او خشي وحطي على مقروءه واخرجي او اسدحي لك كم موضوع اهم شي تذاكرين هذا كله تحايل و الثمن برضه حنا نخش و نتحمس ونقرا ويرتفع ضغطنا لييييييه طيب كل شي في هالحياه ان ما اتي ثماره ولا منه فائده مرجوه يستلزم التغيير و لا ليه حريه تعبير واستطلاع و انتخابات صح ولا مو ؟ |
رد: تصويت ضد المحاضرات المباشره و منتديات الحوار لعدم فعاليتها
اقتباس:
العميد مو قال لمصلحتكم ؟ خلاص لمايشوف انه احنا مو مستفيدين منها اكيد بيتفاعل هي قرار اداري ممكن يتغير مو قرار وزاري او على الاقل يستفيدون منه ويطبقونه للترم الجاي صح ولا مو |
رد: تصويت ضد المحاضرات المباشره و منتديات الحوار لعدم فعاليتها
اقتباس:
.. اختي اهنيكي اولا على قلبك الكبير ~ .. وثاني شي مو كل القرارت يلزمها تصويت .. الحين لما يحكمون على القاتل بحكم الاعدام يصوتون عليه .؟!! .. .. نظام الديموقراطية ما نقدر نطبقه في كل مجالات الحياة .. .. وغير كذا تعتبرين الواجب عليه 30 درجة ؟؟ كان طبقوها في المدارس قبل الجامعات .. .. نظام التوزيع هذا حتى في المدارس مع اختلاف الطريقة المتبعه .. .. لا تنسين احنا درسنا وكانت 10 درجات على المشاركة و 10 على الحضور والواجبات و 10 على النشاطات .. .. ليش حاطه في بالك انه هالشي صعب !! ليه ما تقولين بحاول ليه ما تجاهدين نفسك على المشاركة .. .. الفايدة من كل هذا نحصل على 30 درجة ونضمنها مو وقت الامتحان نحوس ما ندري كيف الاسئلة صعبة او سهلة .. .. يعني النتيجة مرضيه اولا واخيرا .. .. ومو مجبرة تحضرينها يوميا .. فيكي تخصصي يوم لكل المواد .. .. كل واحد ووقته .. ~ |
رد: تصويت ضد المحاضرات المباشره و منتديات الحوار لعدم فعاليتها
انا مدري شفيك ؟؟ :(164):
تقولين وين الفايده وليه وليه ونقعد ندور ونفتر احسك مكبره السالفه ع قله سنع " الفايده هي الــ 30 درجه ياقلبي " ع الأقل تضمنينها مو يجي الإختبار ويكون 50 سؤال السؤال الواحد بدرجتين لو غلطتي بـ 10 اسئله راحت عليك عشرين درجه " :(164): << الله لا يقوله " وش بقى ؟؟ انا قلت 10 تخمين في ناس يكونون شاكين بـ 20 سؤال و 10 متأكدين منها و20 يحسونها صح " اضمني الـ 30 وبوسي يدك وجه وقفآآ هالقرار من صالح الكل وابشرك ماراح يتغير الا اذا ربي كتب " روووووووووووقي لا تكبرين السالفه وتسوين حوسه :mad: |
رد: تصويت ضد المحاضرات المباشره و منتديات الحوار لعدم فعاليتها
اقتباس:
|
رد: تصويت ضد المحاضرات المباشره و منتديات الحوار لعدم فعاليتها
لا والله يا من اغلى ناسي فديتك انه صعب
جاريت في البدايه ولكن تعبت اخرها من كثر الضغط و المواضيع اللي تجيب الجلطه في منتديات الحوار غلطت على بنت هنا في المنتدى وانا مو من طبعي احب اغلط على احد و ندمت مع نفسي و تحسفت ليه هالضغط ليه مو ملزومين نتحمل و هذي جامعه مو مدرسه عشان نطبق نظام التثليث 30/3 و اصلا كل الجامعات نظام الانتساب فيها 100 درجه حبوا يساعدونا ويظمنون لنا 30 درجه كثر الله خيرهم لكن بما اننا في مستوى تعليمي عالي اجل يطبقون خطه علميه مدروسه و مفيده طيب ايش الفايده ادخل محاضره مسجله و كل اللي ينقال فيها عارفته بس اثبت حضور ؟ حتى لو بحضرها بعد التسجيل اجل اضحك على نفسي ويا قلبي المسئله مو مسئله سهوله وصعوبه هذي تتفاوت مسئله نظام مو مفيد واذا الترم هذا سهل عشان 5 مواد فكري في الترم الجاي 7 مواد و فكري في السنه الجايه واللي بعدها قوليلي وقتها كيف بتوزعين وقتك على المتابعه اليوميه ل7 او 8 مواد فكري لبعيد شويه النظام هذا لو استمر بيعيقنا |
رد: تصويت ضد المحاضرات المباشره و منتديات الحوار لعدم فعاليتها
[align=center]
شوفي اذا على المحاضرات المباشرة انا معاكي الى الان ما استفدنا منها باي شي تعرفين ليه ؟؟ لانه اغلب الاسئلة الكتاب ايش اسمه هل هو ضروري كيف الامتحان ..... ألخ اسئلة سابقة لاوانها وكانه الدكتور بيهج من عندهم .. .. مع احترامي للي سألوا .. .. اختي المحاضرات المباشرة هدفها الاستفادة هم قصدهم تسالون الاسئلة اللي ما تقدرين تطرحيها بالمنتدى مثلا شرح نقطة معينة في الدرس ما اتوقع الشرح الكتابي زي الشرح المباشر وجها لوجه .. .. لكن للاسف البنات ما استغلوها بهالطريقة ~ عالعموم اختي نصيحة تقبليها من اختك في الله .. .. لا تحطي شي في بالك انه صعب او مضيعة وقت وربي لو سهلتيها بتتسهل باذن الله .. .. والله يوفقنا ويوفقك لما يحبه ويرضاه } ،، [/align] |
رد: تصويت ضد المحاضرات المباشره و منتديات الحوار لعدم فعاليتها
القرار من مصلحة الجميييييييع
و يهون سالفه المحاضرات المباشرة لانه ينزلونه وتقدرين تشوفينه مسجل بس اللي يرفع الضغط فعلاً منتدى الحوار مدري وش يبي منا ؟ والبناااات ماغير ينزلون مواضيع والله انه مكرره عشرات المرات:tj4: و اسئله قديييييمه مثل الاسئلة الاختبار اختياري ولا تعاريف ؟ خخخخخ قسم احس الدكاترة بينجلطون من هاللي يصير وكل يوم على هالحالة مكرر مكرر ولا اللي تنزل نفس الموضوع بكل منتديات المواد الخمسه وش تحس فيه ؟:D:mh515: :) |
رد: تصويت ضد المحاضرات المباشره و منتديات الحوار لعدم فعاليتها
المحاضرات المباشره فقدت قيمتها بسببنا احنا
كل ماكانت اسئلتنا للدكتور وقت المحاضره ذات قيمه كل مااثرت المحاضره لكن يكلمونه 3 او 4 كلهم يدورون حول نفسس الموضوع وجوابه قبل لا يقوله الدكتور موجود بكل منتدى اما منتدى الحوار انا بعد ماحبيته بس وش نسوي وبالذات عاد عقب نظام ال 30 صار حووسه كلن بيدخل ويحط موضوع حتى لو ماعنده سالفه :(177): |
رد: تصويت ضد المحاضرات المباشره و منتديات الحوار لعدم فعاليتها
والله انا ضد التصويت ع هالنظام ..
الا بخصوص منتدى الحوار اللي مال امه الداعي حتى الدكاتره فالبدايه متحمسين ويردون ومن طلع النظام اختفو من كثر الاسئله المكرره .. يعني لو يحطونها ع الواجب ابرك لهم من يحطونها ع الحوار وربك يعين ..:24_asmilies-com: |
رد: تصويت ضد المحاضرات المباشره و منتديات الحوار لعدم فعاليتها
معذورة خيتو ومابين الاخوات أعتذر لبى قلبك ,,,, هذا أن ذل ذل على طيب أصلك
وانا كمان أسفة وهذة لك :m29asmilies-com: |
رد: تصويت ضد المحاضرات المباشره و منتديات الحوار لعدم فعاليتها
ولو فيه احد يصوت ضد مصلحته ؟؟
انا وحده اول ماعرفت الخبر انصدمت بس بعدها بدقايق انبسطت لانه من مصلحتنا انا قبل القرار كنت خايفة من اختبار ال100 درجة لاني اول مره ادخل اختبار زي كذا بس الحين باذن الله بيكون الموضوع اسهل من قبل |
رد: تصويت ضد المحاضرات المباشره و منتديات الحوار لعدم فعاليتها
اقتباس:
انا من جد وقتي ما يسمح لي بحضور المحاضرات المباشرة .. ومنتديات الحوار عندي مشاكل فنية مو قادر اشارك بسببها لا من خلال مواضيع ولا ردود .. ولا حتى اقدر اراسل الإدارة !.. ياليت تفيديني .... مع كل الشكر |
رد: تصويت ضد المحاضرات المباشره و منتديات الحوار لعدم فعاليتها
الطالبه المعذبه فديتك والله
و للجميع اللي رد و ناقشني امنت بالله قسم ما عندي وقت احك راسي وشورتكم وهدايه الله نشوف اخر الترم ايش بيصير و بسوي زي ماقلتوا بخش وبس ماني متصفحه ولا كاتبه شي و بعطي اخواتي كل وحده تلف لها لفه و المحاضرات بفتح عليها واسكر الصوت ما ابغى منهم شرح اداره - اقتصاد - قانون - يقرون لك الشرايح مافي غير المحاسبه والرياضيات يدرسون من قلب يستاهلون المتابعه و المباشره بشغل تسجيلها وانطله ان مشت الامور تمام خلاص خطه معتمده حتى يجد جديد و معليش موضوعي كان من ضغط لاني طبقت النظام بضمير الين مليت و تعبت :s9: |
رد: تصويت ضد المحاضرات المباشره و منتديات الحوار لعدم فعاليتها
أنا أصوت ضد منتديات الحواار ..
والله مال أمها داعي .. تضييع وقت فقط .. أنا رأيي أن يتم منع كتابة المواضيع في المنتدى وتحذف المواضيع السابقه .. والدكتور بس الي يحط المواضيع وأحنا نشارك بس .. يحط موضوع مثلا : هنا كل أسئلة الأختبارات .. هنا كل أسئلة حل الواجبات .. هنا كل أسئلة الأختبارات .. 3 مواضيع .. للأسئله وهنا يقدرون يستفسرون البنات راحتهم ... والباقي يكون مواضيع يحطها الدكتور .. أسئلة عن المحاضرات أول بأول .. وأحنا نجاوب ونشارك معاة .. هذا مثلا يعني .. أما زي الفوضى اللي صايره الحين من جد تسد النفس وتضيع الوقت .. أستفسار .. أستفساار مهم .. سؤال ضروري .. لوسمحت يادكتور .. أرجو الرد .. مهممممم وكلهم اللي فوق يسألون .. هل نذاكر من الكتاب والا نكتفي بالمحاضرة .. :24_asmilies-com: |
رد: تصويت ضد المحاضرات المباشره و منتديات الحوار لعدم فعاليتها
تعوورون قلبكوم تنااقشوون في موووضع حسموه وخلصووووووو
انااااا المحضارة المباشرة وبلعتهااااء بس المنتدى الي مال امه دااعي منين تصفح على سخاافاات ومنين اجبلهووم اسألة واناا معدي اساله من جد سخفيننن |
رد: تصويت ضد المحاضرات المباشره و منتديات الحوار لعدم فعاليتها
انا ادخل المنتدى افتح الصفحة واحددها واحط مقروء
ولا اقرا شي :(164): سخافة سالفة المنتديات اول يومين قعدت مسنترة ادور شي اكتبه .. سؤال اسأله ..جواب ارد فيه على اي سؤال مالقيت الا حلطمة حريم :mad: حامت كبدي وقسم انقلب المنتدى صار عالم حواء على غفلة مابقى الا يحطون طبخات :(175): اناااااااا اشجب واستنكر و اعلن اعتراضي و ماسكة العجرا <<< قولي قسم ؟ ترى محد درى عنك :mh01::mh01: لا جد والله سالفة توزيع الدرجات حلوة بس ليت النظام يساعد بصراحة ماعندي ثقة بالكلام اللي يقولونه ادخلي دقيقة وتنحسب لك حضور والا تصفحي وتنحسب لك ادري بنصدقها وبنتفاجأ اخر الترم من 30 درجة اذا خذنا عشرة الواجب زين هذا اذا عرفنا طريقة ارسال الواجب و نفذناها بشكل صحيح والا بعد عشرة الواجب مايندرى عنها :(154): والباقي يمكن درجة والا درجتين في حال كان النظام سليم 100% و يسجل فعلا النقاط وطبعا اشك فيها والله حتى اللي يشاركون يمكن حظهم شين يحطون مشاركاتهم بالمنتدى و النظام فيه مشكلة مايسجل وراح تعبهم على الفاضي لو فيه شي بالبلاك بورد ندخل عليه نشوف النقاط المحسوبة حلو بس ما اظنهم يحطونه عشان محد يعتمد عليه يدخل يشوف وضعه ولا جمع درجاته طنش المشاركة بالمنتدى او يمكن يشارك ويتعب و يحمل المحاضرات و يحضر المباشر و يلقى نقاطه ناقصة ويسوي لهم قلق :(164): والله مو تشاؤم بس الوضع اللي صاير يخلي الواحد يشك بكل شي مدري احس الفكرة غبية مالها داعي مع اني مؤيدة لها بشدة في حال كان كل شي مرتب لكن للأسف الفوضى اللي صايرة ماتطمن لذلك صرت افضل الدرجات تنحط على الواجب ويكون فيه طريقة نعرف ان الدرجة تسجلت و خلاص حتى لو يزودون الواجبات صح تعب علينا بس كذا اضمن ولا اني اعتمد على نظام الكتروني مسطل يلعب باعصابي ويضيع تركيزي وانا الاحق بال30 درجة و اضيع الوقت من وقت المذاكرة وتجيني النكبة بالاختبار مافي دعم فني نقدر نتواصل معاه اذا فيه مشكلة نقدر نحلها قبل مايفوت الأوان بصراحة قبل طرح هذي الفكر المفروض يأمنون فريق دعم فني 24 ساعة يرد على كل طالب وطالبة عندهم مشكلة بالنظام |
رد: تصويت ضد المحاضرات المباشره و منتديات الحوار لعدم فعاليتها
ما اصوت ولاضد شي لا ن ماحطو شي الا لمصلحتنا :(164):
|
رد: تصويت ضد المحاضرات المباشره و منتديات الحوار لعدم فعاليتها
الا الحمدلله حطو لنا هالنظام
30 درجه تاخذها وتدخل الاختبار ويبي لك بس 30 من الاختبار عشان تعدي الماده فيه احلى من كذا ؟ |
رد: تصويت ضد المحاضرات المباشره و منتديات الحوار لعدم فعاليتها
ههههههههههههههههههههههه هذاا أذ صدقوووو في كلمهوو اذا فترضننااء انهوووم صدقوووو
البلاك بوورد مووو على مستوووووى الي يقيمنننى يمكن نرسل شي وميحححسبه يمن ندخل ولا يسجلناا حضووووور |
رد: تصويت ضد المحاضرات المباشره و منتديات الحوار لعدم فعاليتها
:(204):
|
رد: تصويت ضد المحاضرات المباشره و منتديات الحوار لعدم فعاليتها
:(204)::mh12:ما اصوت ولاضد شي لا ن ماحطو شي الا لمصلحتنا
|
رد: تصويت ضد المحاضرات المباشره و منتديات الحوار لعدم فعاليتها
ياعزيزتي
30 باليد ولا 100 تحوسنآ :(81): |
رد: تصويت ضد المحاضرات المباشره و منتديات الحوار لعدم فعاليتها
هونوها وتهون ..
ماله داعي نعطي المسائل اكبر من حجمها .. ال30 درجه وطريقة توزيعها .. احنا مسيرين فيها وليس مخيرين . منتدى الحوار .,. مش ضروري كل يوم .. ادخلي بالاسبوع مره .. ومجرد تصفح بس. المحاضره المباشره .. افتحيها وروحي عنها لاتجلسين عندها .. او احضريها مسجله . الواجب حلي فقط 2 من مليون واجب عندك .. يعني الي ابي اوصله لك خذي االامور سهالات وانا اختك .. وسلامة قلبك . |
رد: تصويت ضد المحاضرات المباشره و منتديات الحوار لعدم فعاليتها
متابعه بصمت :(164):
|
رد: تصويت ضد المحاضرات المباشره و منتديات الحوار لعدم فعاليتها
30 درجه هديــــــــــــــــه من عندهم ليش نرفضها ؟؟؟؟؟؟
انا مااااااااااااره انبسطت بسالفه التوزيع .....وموافقه عليها ...وبعدين اهم مسوينها سهالااااات ليش نعصلقهاااااا الواجب (نسخ لصصصصق)المحاضره (حضرتيها بوقتها ولا بغير وقتها مو مشكله)المنتدى (ادخلي لا تردين ولا تقرين )يوووووه وش باقي بعد من جد حبيت الجامعه من بعد هالنظام الحلوووووو تفاصيل .............حركه كنت غافله عنها ...تحديد اني قريت المواضيع؟؟؟؟؟؟؟؟ ههه ضحكتيني <<جاري التطبيق :mh12: |
رد: تصويت ضد المحاضرات المباشره و منتديات الحوار لعدم فعاليتها
اقتباس:
|
رد: تصويت ضد المحاضرات المباشره و منتديات الحوار لعدم فعاليتها
[align=center]
أنا مع ال30 درجة أجل 100 بالنهائي النسبة او الرسوب بس 30 الحين راح تريحك في النهائي [/align] |
رد: تصويت ضد المحاضرات المباشره و منتديات الحوار لعدم فعاليتها
بصراحة كنت أظن ان نظام التعليم انتساب، يعني اسجل مواد اول الترم ، أدرس لوحدي و ربما أشاهد المحاضرات المسجلة ، ثم أختبر آخر الترم.
مسألة توزيع الدرجات قرار تشكر عليه الجامعة لأن فيه مصلحتنا و مساعدتنا على التحصيل، لكن كنت اتمنى ان يكونو أكثر وضوحا في كيف ننال تلك الدرجات ، يعني ماذا علي أن أفعل حتى أضمن العشرة في منتديات النقاش مثلا لأني فعلا و لسوء الحظ وقتي ضيق جدا يوميا، و حتى اولادي لا أراهم ، فكيف لي أن اذاكر و الخص و انزل المحاضرات و اركض وراء المحاضرات المباشرة و من ثم ادردش في منتديات النقاش من غير فائدة نظرتي هي ان الجامعة تريد زيادة النشاط على البلاك بورد و نظام التعليم المطور حتى تحصل على اعتماد من مؤسسة ما و استخدمت توزيع الدجات لزيادة الترافيك على نظام الجامعة، و ادعو الله ان يوفقها لما تصبو اليه |
رد: تصويت ضد المحاضرات المباشره و منتديات الحوار لعدم فعاليتها
اقتباس:
|
| All times are GMT +3. الوقت الآن حسب توقيت السعودية: 11:44 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه