ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 2 (https://vb.ckfu.org/forumdisplay.php?f=306)
-   -   اللي مذاكرين اقتصاد كلي ؟؟ممكن.. عندي استفسار ؟؟ (https://vb.ckfu.org/showthread.php?t=176687)

dindo 2011- 5- 10 08:13 AM
اللي مذاكرين اقتصاد كلي ؟؟ممكن.. عندي استفسار ؟؟
 
صباحكم ومساءكم خير ..وبركة ..للجميع

انا لي 3 ايام اذاكر الاقتصاد بكل همة وجد .. والى يومكم ماتعديت المحاضرة الرابعة :icon9:..

كل ماأفتح هالمادة بالذات ..تنتابني حالة من الخمول ونعاس ثم نوووووووووووووووم :24_asmilies-com:واقول بكرة ببدأ بجد ومع ذلك ..نفس الحالة..رغم ان مذاكرة الأقتصاد من الكتاب ممتع مو مثل شرح الدكتور ..ماني عارفة اتغلب على هالشعور ..


سؤالي لكم ... هل كل ماهو موجود في الكتاب ولم يذكرة الدكتور في المحاضرة مطالبين بمذاكرته
لان الدكتور مختار بعض العناصر والعناويين ..يعني الباقي معنا ولى لا ؟؟

سؤالي الثاني ...في (المحاضرة الثالثة )
وخصوص مخفض الناتج المحلي الاجمالي
في قاعدة تقول ان الناتج المحلي الحقيقي =الناتج المحلي الأسمي /مخفض الناتج المحلي الاجمالي x 100
وكان هناك مثال
على جدول ؟؟السؤال من وين طلع قيمة المخفض الاجمالي 125


ربي يوفقكم :106:

سعد الساهر 2011- 5- 10 10:52 AM
رد: اللي مذاكرين اقتصاد كلي ؟؟ممكن.. عندي استفسار ؟؟
 
لان صوت الدكتور يجيب الصداع .. الله يهدييه يصارخ بس ما يوصل معلومه

أشواااااق 2011- 5- 10 10:59 AM
رد: اللي مذاكرين اقتصاد كلي ؟؟ممكن.. عندي استفسار ؟؟
 
+ أمس ذآكرت محاضرتين أوك

ورب الكون مافهمت ولا كلمه ! مدري وش أسوي !!!

مع إنو الكتآب والملخص قدآمي !! الله يسهل علينا يَ رب



>.<

حلآ الدوآلي 2011- 5- 10 11:09 AM
رد: اللي مذاكرين اقتصاد كلي ؟؟ممكن.. عندي استفسار ؟؟
 
من بدآية السنة مسوية دآفورة مشيت الـأولى والثانية ووقفت للثآلثة ليومكم هذا :biggrin: ..
ومتى رآح أككمل مسيرتي الله أعلم :tongue: ..
ربي يكون بعون الجميعع :icon9::icon9: ..

احساس الغروب 2011- 5- 10 01:19 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
كل شي بالكتاب مطالبين فيه معدى الفصل السابع النقود والبنوك مو معانا
العناصر والعناوين الي شرحها الدكتور ذاكري منه والباقي الي في الكتاب
اطلعي عليه وافهميه بالاخير الفصول الحمدلله زينه بس الفصول الست الاولى
لك عليها صعبه الله يعين وش بعد ايه المثال بلغ الناتج المحلي الاسمي في سنه 2000 ( 600)مليون دولار وكان مخفض الناتج المحلي للسنه ذاتها (125) مليون دولار من وين جت من نفسه المثال معطى:biggrin:
اتمنى افدتك ياقلبي بتوفيق:love080:

@أحلام بنفسجية@ 2011- 5- 10 01:46 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
والله نفس الحالة كل المواد عندي تهون بس ذي المادة كل ماقلت بذاكرها يجيني خمول وكسل مو طبيعي رغم الهم اللي في قلبي منها بس الله يسهلها ويعدي ذي المادة ذي على خييييييييييير..

Dream G!rl 2011- 5- 10 01:58 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
السؤال الثاني : ارقام افتراضيه معطاه في نفس المثال :smile:

سيدة الأسئلهـ 2011- 5- 10 02:01 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
^

تراه أهون بكثيييييير من الاقتصاد الجزئي وربي الاقتصاد الكلي جنبه ولا شي


الله يعين بس لايطلع لنا جزء ثالث اسمه اقتصاد عالمي :cheese:

ابن فـــهـــد 2011- 5- 10 02:21 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
اقتباس:
المشاركة الأصلية كتبت بواسطة سيدة الأسئلهـ (المشاركة 3453253)
^

تراه أهون بكثيييييير من الاقتصاد الجزئي وربي الاقتصاد الكلي جنبه ولا شي


الله يعين بس لايطلع لنا جزء ثالث اسمه اقتصاد عالمي :cheese:

لا والله وانا اخوك ظلمتي نفسك
العكس الجزئي اسهل بكثير فرق السماء عن الارض

الاقتصاد الكلي الاسم لحاله يبيله تفسير
فكيف بالكتاب

كان الله في الهلب :(107):

ابتسامة 2011- 5- 10 04:11 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
انا اشوفه اسهل من الجزئي .. بس ان شا الله الاسئلة سهلة ..

/

وبالنسبة للسؤال الثاني ، اتفق معك من وين عرفنا ان المخفض قيمته 125 ،، مو مكتوب بالجدول

كيف طلعناه ؟

شجون الروابي 2011- 5- 10 06:08 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 

كلنا نفس الحاله ..
الفصول الأولى متعبه و تآخذ وقت
بس أبشرك من بعد المحاضره السابعه بتصير اسهل و ابسط شوي :(204): .

بالنسبه للكتاب .. انصحك تذاكرينه كله و تركزين على النقاط اللي ذكرها الدكتور في المحاضره .
لا تنسين هذا بلغرسه مو اي دكتور :(269):
يعني حتى لو ذاكرنا الكتاب كله مو ملحقين على اسئلته :064:

وبالتوفيق للجميع يا رب ..

بنت الخضير 2011- 5- 10 06:20 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
هع
يعني مو بس انا اللي من افتح الكتاب انعس وما اشوف نفسي الا نايمه
ومحلك سر
الله يطمن قلبك طمنتيني على الاقل في احد مثلي

dindo 2011- 5- 10 07:10 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
مشكوريييييييييين على الردود يارب يوفقكم اجمعين ..مدري عطتيوني شوي حماس يمكن يكفي اني أعدي محاضرة وحدة اليوم :biggrin:
والله الواحد ايش ياخذ من هالدنيا غير الذكر الطيب والدعاوي الزينة لية مايكون الدكتو ر بلغرسة مثل الدكتور غسان
على طاري الدكتور غسان ..في وحدة سألته في المحاضرة المباشرة عن القطع ..قال له جبت لكم قطعتين ..قالت له ممكن تحدد لنا وشهي القطعتين ..انا احسة في اللحظة هاذي نتف شنبة :biggrin: قالها يرحم امكم لا لا لا حرام حرام <<<<<<<< هو ماقال يرحم امكم بس حسيت يقول عطيتكم وجه .. من جد شوي ونقول ارسل الأسئلة ..الله الله في محاضرته بكرة لااحد يكرر هالسؤال تكفوون ..


الذمة والضمير في التدريس بعض الاحيان متعب واعتقد بلغرسة حالف يمين بالاخلاص في العمل ..واحنا رحنا فيها
على العموم راح نعديها وننجح بأذن الله ....

نشوفكم على خير ..بكمل مذاكرة..:53:

شمعه أمل 2011- 5- 10 10:57 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
ربي يسهل علييينا



من جد هالماده جايبه العيد لنا كلنا



وانا حضرتي ماشريت الكتاب معتمده على خرابيطه


بشتري لي الكتاب وربي يسهل ان شاء الله

شمعه أمل 2011- 5- 10 11:02 PM
رد: اللي مذاكرين اقتصاد كلي ؟؟ممكن.. عندي استفسار ؟؟
 
اقتباس:
المشاركة الأصلية كتبت بواسطة dindo (المشاركة 3455886)
مشكوريييييييييين على الردود يارب يوفقكم اجمعين ..مدري عطتيوني شوي حماس يمكن يكفي اني أعدي محاضرة وحدة اليوم :biggrin:
والله الواحد ايش ياخذ من هالدنيا غير الذكر الطيب والدعاوي الزينة لية مايكون الدكتو ر بلغرسة مثل الدكتور غسان
على طاري الدكتور غسان ..في وحدة سألته في المحاضرة المباشرة عن القطع ..قال له جبت لكم قطعتين ..قالت له ممكن تحدد لنا وشهي القطعتين ..انا احسة في اللحظة هاذي نتف شنبة :biggrin: قالها يرحم امكم لا لا لا حرام حرام <<<<<<<< هو ماقال يرحم امكم بس حسيت يقول عطيتكم وجه .. من جد شوي ونقول ارسل الأسئلة ..الله الله في محاضرته بكرة لااحد يكرر هالسؤال تكفوون ..


الذمة والضمير في التدريس بعض الاحيان متعب واعتقد بلغرسة حالف يمين بالاخلاص في العمل ..واحنا رحنا فيها
على العموم راح نعديها وننجح بأذن الله ....

نشوفكم على خير ..بكمل مذاكرة..:53:
خخخخخخخخخخخخخخ


اووووما الاخلاص


حرااام تراه ياحااااول بس الناس قدرات


فديت الدكتور غسان والدكتور خاااالد


ودكتور الرياضيات 1 حننفي


لجاااو يشرحوووون يااااسلام



اووووما كدا والا بلالالاش


All times are GMT +3. الوقت الآن حسب توقيت السعودية: 07:30 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه