|
هنا توقّف القطار بـ ( طالب سعودي طموح ) .....
بسم الله الرحمن الرحيم أخواني أخواتي الكرام ... السلام عليكم ورحمة الله وبركاته وبعد أقدم لكم قصة حياتي بعد التخرّج من كلية العلوم الصحية بالدمّــام وأتمنى أن تستفيدو وأن تساعدوني بما تستطيعون به . تخرجت من الثانوية العامه في تاريخ 18 / 5 / 1427 ه بنسبة 94.58 % وإختبار قدرات بنسبة 79 % وتحصيلي بنسبة 76 % . تم قبولي في كلية العلوم الصحيه ولله الحمد . ( دراسه لمدة 3.5 سنوات) .... بعد عناء طويل تخرجت بمعدل 4.20 تخصص أشعه . في تاريخ 19 /2/1430 ه . اجتزت اختبار الهيئة السعودية للتخصصات الصحية بمعدل 59 % . و من هنا بدأت معاناتي ..... :Cry111: قمت بمراجعة وزارة التعلم العالي بعد شهر رمضان في تلك السنه لمدة 6 أشهر لغرض الحصول على بعثة لأني خريج دبلوم عالي أو قبولي على منحه داخليه . كل يوم معامله جديده تكبّدت خلال تلك الفتره عناء المشاوير اللي اقطع في المشوار الواحد مسافة 1100 كيلو من مكان سكني الاصلي . وخساره ماديه طائله وقلت لعيون الطموح عاادي نصبر و نصبر . المهم كانت الإجابه النهائيه من الدكتور خالد العنقري عندما دخلت عليه للمره السادسه وقبل أن أبدأ بالسلام عليكم ورحمة الله قال : ( أنت ؟ وش عندك هالمره ؟ لسى ما نزل برنامج لحملة الدبلوم . وهنا كانت الصدمه . تجاهلت كلامه وابتسمت وبادلته الحديث بخطاب طويل نهايته اريد ان اكمل دراستي . قال ما فيه روح على حسابك اذا كان هذا حب للسفر للخارج . المهم قلت شكرا وطلعت من عنده . و في اليوم التالي قصدت إمارة منطقة الرياض في موعد جلسة صاحب السمو الملكي الامير سلمان بن عبدالعزيز حفظه الله وقدمت خطاب لسموه قام بالتوقيع عليه واحالته للوزاره وكان الرد بنفس الصيغه نأسف عزيزنا الطالب . وذهبت لهيئة الديوان الملكي وقدمت معامله اخرى و قمت بمراجعتها في الرياض وتم احالتها لجده وذهب اليها هناك وكان الرد هو نفسه . وبعدها قدمت معامله لمكتب خادم الحرمين الشريفين ثم معامله لمكتب ولي عهده الامير سلطان ولم تعطي نتيجه للاسف . بعد هذا العناء ذهبت واخذت دوره في اللغه الانجليزيه وحصلت على الشهاده في احد المعاهد بدل ما اجلس فاضي ( طبعا الوظايف كلكم تعرفون حبيبتنا وزارة الخدمه المدنيه ) المهم رحت لكلية الغد عقب ما سمعت ان فيها منح وجيتهم في سنة 1431 وقالو اسفين التسجيل مغلق تعال السنه الجايه . قلت ما عليه ( ما بنكسر صابر ) نجيكم ان شاء الله السنه الجايه . جا قبل ثلاثه اسابيع من هذا اليوم ورحت للكليه وقدمت اوراقي وقلت عادي راح اسجل على حسابي الخاص ما فيه مشكله بس اهم شي اكمل دراستي . قالوا اسمع نبشرك فيه شروط جديده . قلت وشهي بشروني . قالو عشان تكمل دراستك لازم تختبر احد هالاختبارات اختبار توفل ورقي نسبة (000 ما ادري ناسي النسب ) أو اختبار توفل عبر الانترنت بنسبة (000) أو إختبار ايلتس نبسبة (00) أو اختبار الستيب في مكر القياس الوطني بنسبة ( 68 ) . وعقبها تعال نقبلك على طول . المهم رحت ركض ابي اسجل في التوفل ولقيت ان مواعيد اعلان النتايج راح تتأخر كثير ويمكن يفوتني التسجيل حسب تفكيري وخوفي وقلت ما لي الا مركز قياس واختبار الكفايات المهم سجلت وجا وقت الاختبار واختبرت و جلست انتظر النتيجه ولكن ........ جات النتيجه 58 وهم طالبين 68. وانصدمت ورحت للكليه وقلت لهم فزعتكم قالو اطلع مع الباب بالله وش رايكم ؟ طلعت مع الباب وانا اهز راسي واضحك واقول ( ما بنكسر صاابر ) وش تنصحوني فيه ؟ يا اخواني الاعزااااء ؟ ملاحظه / اللي يحتاج اي معلومه عن الاختبارات ( خصوصا اختبار الكفايات يامرني امر وراح اعطيه مراجع وتفصيل تام ان شاء الله ) او مراجعات الوزاره تراني صرت خبره بس تكفون دعواتكم ونصايحكم لا تنسوووني يالغالين . أخوكم / فني أشعة |
رد: هنا توقّف القطار بـ ( طالب سعودي طموح ) .....
الله يفتحها بوجهك ياخوى من حيث لاتعلم ولاتحتسب الله يرزقك العلم النافع فى الدنيا والاخره ويعطيك ماتتمنى و اكثر ,,,,
ومابعد الصبر الا النصر بأذن الله |
رد: هنا توقّف القطار بـ ( طالب سعودي طموح ) .....
حالتك حالة وربي
ربي يفتحها بوجهك حتى كليتنا السنعة ما استقبلتك :icon9: ما نقول غير حسبي الله ونعم الوكيل من كل مكان يسكرونها بوجهك ويقولون يحلون مشاكل توظيف الدبلومات << وين الحل مانشوف غير كلام ورق :icon9: وان شاء الله تلاقي الوظيفة عاجلا غير اجل وربي يفتحها بوجهك وتجي تبشرنا خل الثقة بالله قوية وعلى قولتك ( مابنكسر صابر ):(204): لك سؤال اخوي نتائج التوفل متى كانت راح تعلن ؟؟!! لك أمنياتي بالتوظيف السريع :106: |
رد: هنا توقّف القطار بـ ( طالب سعودي طموح ) .....
حيا الله هذا الطموح
ستجد مرادك بأذن الله لاتيأس،، ليس بعد الظلام الا النور ،، استمر واسعى خلف امنياتك وطموحاتك كل المعاناه التي عانيتها خلال هذه الفتره انت المستفيد منها اولا لأنك اخذت من كل يوم درسا وهكذا يولد الناجحون،، نصيحتي،،اعتبر ماسطرته اناملك هنا شي انتهى،لانك ان وضعت نصب عينيك هذه المعاناه والتعب فربما دب الى قلبك نوع من اليأس وهذا مالايريده فتى طموح مثلك،، اجعل كل اهتمامك مستقبل مشرق ،،ابدأ يومك باأبتسامه الرضى والتفاؤل ولاتنسى الدعاء فا الله قادر على تيسير كل الصعاب امنياتي لك بتحقيق ماتتمنى قريبا بأذن الله،،،* |
رد: هنا توقّف القطار بـ ( طالب سعودي طموح ) .....
قال تعالى : " وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ"
ان شاء الله انها خيره الواحد منا ما يدري وين الخيرة فيه . واذا لك رزق بتاخذة من غير نقصان . انصحك بسماع شريط لا تحزن للشيخ عائض القرني . |
رد: هنا توقّف القطار بـ ( طالب سعودي طموح ) .....
اقتباس:
الأخت الفاضله سلاحي طموحي بارك الله فيك ونفع بك والله يجزاك خير الجزاء عني يالأميره . والله يسمع منك أسعدني مرورك . |
رد: هنا توقّف القطار بـ ( طالب سعودي طموح ) .....
اقتباس:
الأخت الفاضله والمميزه هدوء البنفسج مشكوره ع المرور والله يسمع منك ويجزاك خير بالنسبه لسؤالك . هذا موقع عسى ان ينفعك وينفع كل من يبحث عن معلومات حول إختبار التوفل ( الموقع الرسمي لتوفل العالمي ) كل ما عليك هو أن تختار اسم دولتك في خانة الـ Location / country اختار Saudi Araibia http://www.ets.org/bin/getprogram.cgi?test=toefl&redirect=format بالنسبه لمواعيد النتائج فإختبار التوفل عبر الإنترنت تطلع نتيجته بعد أسبوعين إلى 18 يوم بالضبط . وإختبار التوفل الورقي تطلع النتيجه بعد خمسة أسابيع قابله للزياده . تحياتي وأي استفسار انا حاضر . |
رد: هنا توقّف القطار بـ ( طالب سعودي طموح ) .....
اقتباس:
الأخت الفاضله Khookha الله يجزاك خير الجزاء و نصيحتك على عيني وراسي مشكوره على المرور . تحياتي |
رد: هنا توقّف القطار بـ ( طالب سعودي طموح ) .....
اقتباس:
الأخ الكريم faisal911ksa جزاك الله خير و لا خلا و لا عدم ونصيحتك على عيني وراسي . تحياتي |
رد: هنا توقّف القطار بـ ( طالب سعودي طموح ) .....
يا شباب و يا بنات أتمنى من أي شخص يمر هنا وهو يعرف حل أو سامع طريقه حلوه اقدر اكمل دراستي من خلالها سواء بكلية الغد أو غيرها لا يبخل علينا . ترانا ما جينا هنا إلا من أجل :53:أن نفيد ونستفيد فلا تبخلون علينا . اللي يبخل بشي اليوم مصيره يحتاج بكره ويعرف معنى حاجة المساعده .
تحيااااااتي |
رد: هنا توقّف القطار بـ ( طالب سعودي طموح ) .....
اقتباس:
امم لو مقدم التوفل كان اريح لك طيب قدم مرة ثانية على هذا الاختبار انت قلت بتكمل على حسابك في كليتنا الموقرة ام انظمة جديدة :cool: يمديك التسجيل بس استفسر قبل ماتختبر انه فيه تجسير للأشعة لقسم البنين ربي معاك :106: التوفل والتفرغ من العمل << مطلعينه العام في كلية الغد :icon9: |
رد: هنا توقّف القطار بـ ( طالب سعودي طموح ) .....
هلا و غلا بالأميره هدووء البنفسج
أنتي لو إطلعتي على قائمة التوفل اللي في الرابط راح تلقين إن مواعيد الإختبار متأخره يعني أقرب إمتحان يمكن في القصيم ببريده بعد تسعه ايام واحسبيها متى تطلع النتيجه وبنفس الوقت ما تدرين أجيب الدرجه المطلوبه او لا لكن بأسجل ان شاء الله وأوافيكم بالأخبار مع العلم ان اصعب الاختبارات الدوليه في اللغه الانجليزيه هو اختبار التوفل لانه يعتمد على تكنيك خاص يعني حتى لو كان الشخص ممارس للغه بشكل ممتاز لازم يتدرب على التكنيك الخاص بالامتحان . وثانيا كليتكم الموقره يقولون ما نقدر نقبلك حتى لو على حسابك إلا باختبار اللغه فأنا شكلي راح أقدم على مكتب الآي دي بي بالخبر واعطيهم اوراقي واطلع ادرس براا لغه واذا جا قبول هنا رجعت وإن ما جا قبول كملت بس المشكله في المبلغ خايف اني اروح وما يحولونني ع البعثات ... لكن إن شاء الله تتيسر واللي يعرف احد بالكليه اللي تدرسون فيها اتمنى يسأل اذا يقدرون يمشوونني على هالدرجه اللي جبتها ويخلوني ادرس على حسابي اول سنه ويرد لي خبر يالغالين ... مشكوره على المرور يالغلا . |
رد: هنا توقّف القطار بـ ( طالب سعودي طموح ) .....
اخوي الله يوفقك
بس ليش ماتشتغل حتى لو مو تخصصك اي شي احسن من جلستك في البيت وراتبك ارجع ادرس شي ثاني او خذ دورات يعني انت شاطر طيب خذ قدرات وارجع قدم على الجامعه بكلوريس يمكن تحب شغل الي مو في تخصصك وتبدع فيه وتكمل ترى في ناس كثير تخرجت من تخصص واشتغلت شي ثاني مايدخل في تخصصهم |
رد: هنا توقّف القطار بـ ( طالب سعودي طموح ) .....
مو بس انت اللي مسدوده بوجهك الكل
الله يصبرنا :mh12: |
رد: هنا توقّف القطار بـ ( طالب سعودي طموح ) .....
أنا حزينة من أجلك .. فكثير من أمثالك الشباب الطموح .. يتم القضاء على طموحاتهم بواسطة القوانين السطحية وربما ايضا بسبب عدم التنظيم .. ولكن أخي أنا ليس لدي الخبرة الكافية لأشور عليك .. اتمنى أن يستمع أحد المسؤلين الى قصتك فربما تجد حلاً .. وفقك الله لما يحبة ويرضاة
|
رد: هنا توقّف القطار بـ ( طالب سعودي طموح ) .....
ربي ان احب عبد ابتلاه فاصبر اخوووووي والله يساعدك يااارب
ولا انا مع ماعندي الخبره الكافيه بس انصحك انك تختبر مره ثانيه وتحاوووول ووتااخذ لغه براا وارجع قدم وان شاء الله خير والله يوفقك يارب :119: |
رد: هنا توقّف القطار بـ ( طالب سعودي طموح ) .....
ما قصرو اعضاء المنتدى والله ما عندي زياده على كلامهم :119:
بس حبيت اهني روحك الحلوه وطموحك الرائع ولا تيأس ,, قدم على التوفل وان شالله ربي بيوفقك (ان الله مع الصابرين) وان ما جبت الدرجه المطلوبه وان شالله تجيبها يكفيك شرف المحاوله |
رد: هنا توقّف القطار بـ ( طالب سعودي طموح ) .....
(عسى انت تكرهوا شي وهو خير لكم) سبحان الله حالتك نفس حالتي بس انا مع الجامعات محد عطاني وجه ونسبتي 80 علمي والتحصيلي 73 يلامافي الا ع حسابي اهم شي المستقبل بس الخيره فيما اختاره الله لازم الانسان يكافح ويصبر مابعد الصبر الا الفرج الله يفتحها بوجهك وييسر امورك ويرزقك من حيث لاتحتسب ومن حيث تحتسب عاااااادي رزقك بيجيك فيه شباب قعدوا بالبيت 7 سنين بين مراجعات ورح وهات ومدر ي وش واللحين مبتعثين برى ومبسوطين الله يوفق الجميع وماقصروا الاخوان والاخوات كفو وووفوا واصل طريقك ومابنكسر صابر :d5::d5: |
رد: هنا توقّف القطار بـ ( طالب سعودي طموح ) .....
ي خي قسسم تمنيت اني مكان العنقري وخلصكك ’’’’’’’’ مفروض يفتخرروا بشاب طمووووح كذاااااا ,,,, وليش مايرد السلالالام بالله :cool: يوو لو انك داخل ع عميدتنااا حفصة البراك قسممم بتخلصك جد تصلح عميدة ولا وزيرة بعد تحيي الطمووح صدق ,,,,,, الله يسهل لك امورك وزي ماقالت الاخت قدم ع وظيفة ’’’’’’’ ولا جيبلك واسطة اذا تقدررر ,,,,,,, وتررا الواسطات انواع اذا جاتك من المكتب بس كانهابلاغ ماتنفع الي تمشي الي يكتب فيهاااا ’’’’’ الي من يهمة الامر ,,,,, ’’’’’’’’’’’’’والله يوفقكك اهنيك ع طموحك وصبررك
|
رد: هنا توقّف القطار بـ ( طالب سعودي طموح ) .....
وعليكم السلام ورحمة الله وبركاته ..
الله يعينك أخوي فني أشعة .. وأنت ما قصرت في بذل السبب لكن إلى الحين ما كتب الله لك باب لإكمال الدراسة .. ولو إني أشوف إنك ملزم على تكميل الدراسة واعتبار هذا الأمر هو الإنطلاقة أو نهاية المطاف أعتقد ممكن تعيد حساباتك من جديد .. ليه ما تجرب تشتغل بالمستشفيات الخاصة .. يمكن ينفتح لك باب رزق ما أقول إلا الله يعينك .. وأحسن الظن بالله وأكثر الدعاء والإلحاح .. فيوشك أن ينفتح الباب |
رد: هنا توقّف القطار بـ ( طالب سعودي طموح ) .....
اقتباس:
أول شي حياك الله وبياك يا حطموك يا قلبي كلامك عذب و واقعي ونصيحتك على عيني وراسي لكن المسأله ماهي ليش ما تشتغل المسأله في خطوات الوصول للطموح اللي كل درجه من سلم هالدرب تبي لها مده عشان اصلحها و الوقت يمشي عكسي و العمر يمضي أنا كل اهتمامي صراحه ينصب في تخصصي عشان احس اني سويت شي في حياتي . أما جمع المال فله مليون ومليون طريقه لكن يبي له وقت و الانسان اذا تشتت راحت اهدافه سدى . اشكرك الشكر الجزيل ع المرور ولا خلا و لا عدم يالغلا . |
رد: هنا توقّف القطار بـ ( طالب سعودي طموح ) .....
فني يافني
قبل اشوي اخوي ادمن في قسم كليتنا الموقرة كاتب عن الاختبارات وكل الدرجات المطلوب الحصول عليها وبصراحة جدا عاالية ماتوقعت كذا الله يعينيك :icon9: وغير كذا انا ماعرف طبيعة الاسئلة وانت تقول بتكنيك محدد ...ولا كان ساعدتك بالاسئلة !! وصحيح هالسنة ملزمين يطبقون الشروط حتى لو على حسابك مثلا اذا كانت نسبت القياس اقل من 65 مرح يقبلونك ونسبتك الثانوية اقل من 75 << اتوقع مرح يقبلونك والعام كانت فوضى في الكلية للمجسرين لانهم طالبوهم بالاختبار والتفرغ من العمل وانا كنت اعرف وحدة وكلمتها قالت مو على كيفهم يطبقون هالنظام واحنا مسجلين من قبل ومابقي غير سنة ونتخرج :(177): فأتوقع من هالسنة بدأ هالنظاام احضار اختبار التوفل او مايعادله للمجسرين حمدت ربي اني مسجلة العام :wink: وانت من كلامك تبي تطبق اللي درسته وبالقسم المحدد واهو الاشعة انا لو عندي واسطة كان مو بس خليتك تدرس الا يمكن خليتهم يوظفونك وانا درست ع الحكومة بجامعة فيصل بدل هالفلوس اللي ادفعهم وبدل المشوار اللي كل يوم اقطعه لكن مانقدر غير نوكل امرنا لله انت ادرس برى لغة وقدم وربي يكتب لك البعثة افضل لك من كليتنا واذا ماجات ارجع وقدم الاختبار وتذكر إن الله اذا احب عبدا ابتلاه |
رد: هنا توقّف القطار بـ ( طالب سعودي طموح ) .....
اقولك (( لا تنكسر وخلك صاابر ))
الله ييسر أمورك دنيا وأخره :106: |
رد: هنا توقّف القطار بـ ( طالب سعودي طموح ) .....
الله يوفقك ياخوي
وانشاء الله بعد الصبر الفرج حسبي الله ونعم الوكيل على كل جهات سدوا مستقبلك |
رد: هنا توقّف القطار بـ ( طالب سعودي طموح ) .....
. بصراحه كآفي لو مايجيك من درآستك إلا ثقافتك وقدرتك على التعبير واسلووبك .. كلها اشياء ماتكوّنت لو مادرسـت ..ناس كثير دراسات عليا ومكانه اجتماعيه وابسط اساليب التعبير مايملكونها ..تسلسل سوالفك عنك وترابطها بروحها بروحها لازم تخليك ماتنكسر / صآبر .. ! . . :106: |
رد: هنا توقّف القطار بـ ( طالب سعودي طموح ) .....
اقتباس:
الأخت الكريمه zozo h أولا مرحبا بك وبحضورك الرقيق في متصفحي هذا ثانيا أنا على يقين تام أن هناك من هم أكثر معاناة مني ويعانون أكثر مما أعانيه لازم نؤمن إن هالوضع اللي حنا فيه حاليا ربي اللي كاتبه لنا من قبل ما ننولد يعني كل واحد مرسوم في جبينه مسيرة حياته بلا شك . لكن ايماننا بهذا القدر لا يمنعنا من أن نعبّر عن مشاكلنا ليس من باب اليأس أو القنوط لكن من باب تحسين الأخطاء وكسب الراي الأمثل . عموما وأنا أخوك اضحكي وعيشي يومك بيومك وخلي بكره لموعده على الله . تحيااااتي |
| All times are GMT +3. الوقت الآن حسب توقيت السعودية: 09:19 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام