ملتقى طلاب وطالبات جامعة الملك فيصل,جامعة الدمام - كيف دراسه الانقلش مع الدكاتره والاساتذه هل هي ممتعه

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - كيف دراسه الانقلش مع الدكاتره والاساتذه هل هي ممتعه (https://vb.ckfu.org/showthread.php?t=207833)

المسآفرة

2011- 8- 12 04:40 PM

كيف دراسه الانقلش مع الدكاتره والاساتذه هل هي ممتعه

السلام عليكم

اخواني واخواتي

ابغى استفيد منكم ومن خبراتكم

اللي دخل هالقسم كيف كانت بدايته مع اللغه ؟؟ من ناحيه الفهم والاستيعاب ومن ناحيه المخزون لديه من الكلمات والقاعدات ؟

ثاني شئ كيف دراسه الانقلش مع الدكاتره والاساتذه هل هي ممتعه والله تحسون انكم مثل الاطرش بالزفه:mh12:

انا احفظ تقريبا كم قاعده وكلمات حوالي 40 كلمه قراءه وكتابه هل تخارجني ؟؟
مع العلم اني احاول اكون جمل بس تطلع فيها احيانا اخطاء :000:

ياليت تفيدوني
لان اخترت هالقسم رغبه ثانيه وبخاطري اغير واحطه رغبه اولى بس اخاف اتوهق وابنط فيه كم سنه :hahahahahah:

متخصص إنجليزي

2011- 8- 12 07:05 PM

رد: طالبات وطلاب قسم الانجليزي تعالو كلكم الله يعتقكم من النار

والله ياأختي أنا ولله الحمد ماعانيت كثير مع المستوى الأول بحكم أنني أملك لغة جيدة ، درست في معهد لمدة سنتين قبل حوالي 5 سنوات وأمارس اللغة في العمل بحكم تواجد كثير من الجنسيات المختلفة عشان كذا ماواجهت صعوبة ولله الحمد ، أيضا الدكتور غسان كان ممتاز للغاية وساعدنا في آخر الترم ولكنه للأسف قدم إستقالته من الجامعة ، إذا كان عندك إستطاعة إنك تدرسين في معهد لغة إنجليزية فترة مسائية راح يساعدك ، وإذا ماكنتي قادرة أنا أنصحك أنك تختارين تخصص ثاني لأن ربما ستواجهين صعوبة في الفصول القادمة .....

بالتوفيق إن شاء الله ...

Remember me..!

2011- 8- 12 07:31 PM

رد: طالبات وطلاب قسم الانجليزي تعالو كلكم الله يعتقكم من النار

وعليكم السلام..
أهلاً فيكِ اختي :smile:
بالنسبة لتخصص الانجليزي ممتع أهم شي تكون عندك إرادة..وأنا تقريباً مثل حالتك لاجيت أركب الجمل أسوي حركات :064:بس الحمدلله من أول مادخلت الجامعه مع المحاضرات كل شي صار أوكي :oao::(204):
اختاريه رغبة أولى :mh35:

s3eed

2011- 8- 12 07:38 PM

رد: طالبات وطلاب قسم الانجليزي تعالو كلكم الله يعتقكم من النار

:d5:

لاتخافي ولاشي ... حتى انا مثل حالتك . ويمكن انتي احسن حافظه من القرامر 40 كلمة .. عاد انا مو حافظ .. ولكن ممارس للغة مع قليل من التكسير التفويت :biggrin: يعني لو بتخاطب مع احد انقلش يادوب اخارج نفسي ..

بس عشقي لهذه اللغه هو اللي محمسني رغم ضعف حفظي لها ..

ومع ذلك تجاوزنا المستوى الاول بنجاااح والحمدلله ..

والخير جاااي ...

اهم شي تكسري حاجز الخوف ومثل ماقال اخونا .. ادعمي دراستك في الجامعه بدراسه بمعهد انقليزي ومانتي خسرانه ان شاء الله

زهوور

2011- 8- 12 08:14 PM

رد: طالبات وطلاب قسم الانجليزي تعالو كلكم الله يعتقكم من النار

الاراده شي مطلوب .. قولي إنك قدها وتوكلي على ربك ,,

أعرف وحده ماتعرف بالانقلش شي وتخصصته وماشي الحمدلله بس لو ماظروفها القاهره كآن تمام ..

عموماً هو بيفيدك مستقبلاً جداً يعني دراسته ماهو خساره :biggrin:

بالتوفيق

~Mrs.ENGLI$H~

2011- 8- 12 08:40 PM

رد: طالبات وطلاب قسم الانجليزي تعالو كلكم الله يعتقكم من النار

عفوا ولكن اربعين كلمه وش بتفيدك فيه ؟

المحاضره من اولها لاخرها انقليزي ! هل بتقدرين تاخذين كل محاضره وتترجمينها ؟ وتحفظين كل كلمه ؟ مع العلم انك كل ترم تقريبا حتاخذين يمكن سبع مواد انقلش ( مع بداية التخصص ) اضربي ١٤ محاضره من كل ماده في سبع مواد يطلع لك الناتج ٩٨محاضره في الترم كل محاضره قد تتراوح مدتها ما بين ١٠ دقايق ( ومع التعمق في التخصص اعتقد حتختفي هالعشر دقايق وتصبح ساعه ع الاقل ) الى ساعه ونصف تقريبا

احسبيها صح

ودي كل انسان يحب الانقلش ويتمنى يتخصص فيه انه فعلا يحصل اللي بباله بس لازم ع الاقل يكون عنده اساس يمشيه في التخصص

عموما موفقه اختي والله ييسر لك الخير حيث كان ولو فعلا تخصصتي وحبيتي مساعده لن اتردد طالما اقدر :106:*

~Mrs.ENGLI$H~

2011- 8- 12 08:41 PM

رد: طالبات وطلاب قسم الانجليزي تعالو كلكم الله يعتقكم من النار

والكل في هالتخصص على قلب واحد ماشاء الله:love080:

عـــــ بـنـت ـــــز&

2011- 8- 12 09:03 PM

رد: طالبات وطلاب قسم الانجليزي تعالو كلكم الله يعتقكم من النار

لازم تعتمدين على نفسك كثيييير لان المحاضرات لوحدها ما تكفي

عشان تتقني اللغه تمام ,,, يمكن تفهمي القرامر بس صعب تترجمي

كل كلمه عشان تفهمي المحاضره كااامله

هذا رأيي وانتي حره وادرى نفسك

المحترف7

2011- 8- 12 09:16 PM

رد: طالبات وطلاب قسم الانجليزي تعالو كلكم الله يعتقكم من النار

ياخي الانجلش وش حلاته

انا ماني دافور في الانجلش لكن مستواي حلو

والحمد لله كملت اول سمستر والان رايح المستوى 2

وعاتي مافي اي مشاكل من ناحية تغيير التخصص لان اول سمستر راح تاخذون مواد عامه فقط وعددها 8 اذا ماراح يغيرون الخطه

بالتوفيق

LastBreath

2011- 8- 12 09:56 PM

رد: طالبات وطلاب قسم الانجليزي تعالو كلكم الله يعتقكم من النار

الحمدلله و من انا صغير و اهلي مشددين علي بالانجليزي و غير اني سكنت برا السعوديه و غير الاجانب اللي اعرفهم بالجامعه الاسلاميه
و في دروس لغه انجليزيه باليوتيوب رهيبه
زهذا مثال للمبتدئين
http://www.youtube.com/watch?v=6f_FtzgL9y4
و حملي برنامج الوافي للترجمه عن نفسي استفدت منه كثير
و اذا بتحملي فلم امريكي حملي معاه ترجمه عربيه و انجليزيه :biggrin:

و معليش خرجت عن الموضوع:tongue:

m.c.p

2011- 8- 12 10:03 PM

رد: طالبات وطلاب قسم الانجليزي تعالو كلكم الله يعتقكم من النار

انا اقول اذا عندك رغبه راح تمشين سواء في الانجليزي او غيره .
استمري وتوكلي على الله وكل شي يتيسر.
بس نصيحه ذاكري اول بأول لاتخلين المحاضرات تتراكم عليك نصيحة مجرب.
ولايحتاج لامعهد ولاغيره وتريها ممتعه دراسة الانجليزي.

وبالتوفيق للجميع والبنات ماشاءالله عليهم ماعليهم خوف مجتهدات ومثابرات من بداية الترم
وخليك باستمرار في المنتدى لانك راح تستفيدين كثير من الاعضاء وملخصاتهم.

سمو الإحساس

2011- 8- 12 10:24 PM

رد: طالبات وطلاب قسم الانجليزي تعالو كلكم الله يعتقكم من النار

بالنسبة لتخصص اللغة الانجليزية
الشروحات في المحاضرات ممتازة واللي ناوي يطور نفسه ويتعلم اكيد راح يتعلم ويستفيد
المهم تطبيق كل اللي تاخذه في كل مستوى بالمحادثة والحرص على فهم القواعد وراح يسهل عليك كل شي ان شاء الله .

ماراح تواجه اي صعوبه حتى المستوى الرابع
لأن المستوى الأول والثاني والثالث كلها اعادة للي سبق دراسته في المتوسط والثانوي ،،

خلال هذي الفتره بامكانك تطور مستواك وانصحك بحفظ الكلمات للاستفادة منها بشكل مباشر مو بس للدراسه
اتوكل على الله وقدامك سنه كامله اذا شفت نفسك ماقدرت تطور نفسك باللغة ففيه امكانية للتحويل من تخصص انجليزي الى تخصص ثاني .

bi Rain

2011- 8- 13 02:21 AM