ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 1 (https://vb.ckfu.org/f310)
-   -   ارجو المسـاعده (https://vb.ckfu.org/t275509.html)

ı sαяαв• 2012- 1- 1 09:39 AM
ارجو المسـاعده
 
السلام عليكم ورحمه الله وبركاته

انا طالبه بكليه العلوم بالدمام افكر اسحب ملفي وادرس انتساب مطور
ابي نصيحتكم امم معدلي التراكمي 94 ممكن انقبل او لا ؟؟
وهل الدراسه برسوم ؟؟ والدراسه صعبه او سهله ؟؟ ونظام الاختبارات كييف ؟؟

ويعطيكم العافيه

kem 2012- 1- 1 09:48 AM
رد: ارجو المسـاعده
 
اقتباس:
المشاركة الأصلية كتبت بواسطة ı sαяαв• (المشاركة 5369044)
السلام عليكم ورحمه الله وبركاته


انا طالبه بكليه العلوم بالدمام افكر اسحب ملفي وادرس انتساب مطور
ابي نصيحتكم امم معدلي التراكمي 94 ممكن انقبل او لا ؟؟
وهل الدراسه برسوم ؟؟ والدراسه صعبه او سهله ؟؟ ونظام الاختبارات كييف ؟؟


ويعطيكم العافيه

ممدري احسس حرام تحولين انتساب ..

المعدل قابلين لناسس نسبهم بالستين .. اكيد راح يقبلونك ..
والدراسسه برسوم ..
والدراسسه صعبه ولا سهله ... عن ادارة الاعمال اشوفه سهل بسس يبي له اول باول ..

والاختبارات مافهمت ايش تقصدين بسؤالك
بس احنا ماعندنا الا اختبارات نهائيه ..

New LiFe 2012- 1- 1 09:57 AM
رد: ارجو المسـاعده
 
هلا اختي .. اكيد ماودنا تحولين من انتظام لانتساب لأن معدلك جداً ممتاز ماشاء الله ... طبعاً في حالة
ان عندك ظروف تضطرك تحولين انتساب فما نقدر نقول شي .. انتي ابخص وانا اخوك :106:

افضل قسم بالانتساب حسب وجهة نظري والكل يبيه هو ادارة اعمال .. الدراسة ماهي صعبة ولا هي سهلة تعتمد على المتابعة الاسبوعية أقل شي ، نظام الاختبارات كل مادة 100 درجة مقسمة ، 30 درجة اعمال سنة و 70 على الاختبار النهائي ، اعمال السنة تشمل 10 درجات واجبات تنزل بالبانر كل شهر تقريباً اثناء الترم على شكل ثلاث واجبات الاول 3 والثاني 3 والثالث 4 درجات ، و 10 درجات مشاركة اللي تسمى بالجامعة نقاش سؤال بعد كل محاضرة ينزله الدكتور بالبانر وتجاوبين عليه سواء كانت اجابتك صح او خطأ تحسب لك الدرجات ، وأخيراً 10 درجات الحضور ويقصد بها عندنا تحميل المحاضرات المسجلة من النظام ومايهم الوقت لك الترم كله وبأي وقت فيه تحملينها .. يعني ان شاء الله ماراح تدخلين الاختبار النهائي الا وانتي ضامنة 30 درجـة ...

الاختبار النهائي 70 سؤال كل سؤال اختيار متعدد / بعض المواد العلمية 50 سؤال مثل الرياضيات والمحاسبة ،، ووقت الاختبار مدته ساعتيـن بالضبط ،، بوسط الترم يعطونك خيار تحددين المدينة اللي تبين تختبرين فيها دمام رياض جده اي مكان تحبينه

مع ناحية قبولك ان شاء الله مقبولة مافيها كلام معدلك جداً ممتاز ، من ناحية الرسوم حسب نظام الساعات ،، كل ساعة 165 ريال فقط ،، يعني مثلاً سجلتي 3 مواد هالترم وكل مادة 3 ساعات 3 ضرب 3 = 9 ساعات تضربينهم في 165 ويطلع لك المبلغ المستحق دفعه لاكمال تسجيل المواد ودراسة الترم


أخيراً .. الله يوفقك سواء استمريتي انتظام او انضميتي معنا بالانتساب :106:

وادي زاعم 2012- 1- 1 10:07 AM
رد: ارجو المسـاعده
 
New LiFe انشهد انك وفيت وكفيت , شرح ممتاز ومفهوم فالك وفالها التوفيق والنجاح

ı sαяαв• 2012- 1- 1 10:07 AM
رد: ارجو المسـاعده
 
يعطيكم العافيه

امم طيب متى يبدأ التسجيل ؟؟
اقدر ابدأ الدراسه من الفصل الثاني ؟؟

Ameerh..~ 2012- 1- 1 10:10 AM
رد: ارجو المسـاعده
 
للأسف التسجيل توه منتهي بس في تسجيل ثآني برمضآن
بالتوووووفيق:106:

New LiFe 2012- 1- 1 10:12 AM
رد: ارجو المسـاعده
 
اقتباس:
المشاركة الأصلية كتبت بواسطة ı sαяαв• (المشاركة 5369098)
يعطيكم العافيه

امم طيب متى يبدأ التسجيل ؟؟
اقدر ابدأ الدراسه من الفصل الثاني ؟؟
للأسف خيتو ،، فترة التسجيل للترم الجاي خلصت قبل سبوعين تقريباً
والآن الطلاب اللي قدموا حسب علمي جاهم قبول مبدئي وبدوا يرسلون شهاداتهم
وقريب راح يتم القبول النهائي ،، مالك الا تنتظرين نهاية الترم الجاي وتقدمين على التسجيل
بالاجازة الصيفية والله يوفقك :106:

ı sαяαв• 2012- 1- 1 10:16 AM
رد: ارجو المسـاعده
 
يالله :Cry111:

المشكله انا عندي ظروف ومااقدر ادرس انتظام بالعلوم
وهم عندي مشكله ماديه مااقدر ادفع على كل ماده :icon9:

اذا احد يعرف تخصص اي شي بأي جامعه
اقدر ادرسه انتساب يساعدني
مابي اضيع دراستي :bawling:

انقبلت بالدراسات التطبيقيه دبلوم اقدر ادرسها انتساب وهل هي برسوم بعد ؟؟

New LiFe 2012- 1- 1 10:20 AM
رد: ارجو المسـاعده
 
اختي شفيك متضايقة الامور سهالات ان شاء الله :106: ..

انا بصراحة ما أييد العجلة الدراسة لاحقه عليها الترم الجاي .. منها تدخلين ادارة اعمال اللي دراستها افضل من غيرها .. وماتدرين يمكن من الحين الى رمضان تتحسن ظروفك وتقدرين تدرسين بكارليوس انتساب مطور

انا اذكر لما خلاص نويت ادرس تفاجأت مثلك ان التسجيل قفللل وقلت علها خيرة ننتظر للترم الجاي .. واللهم لك الحمد انتظرت وسجلت وقلت الحمد لله اني سجلت متأخر .. لاني توافقت مع شباب وبنات هنا بدفعتي ماشاءالله تبارك الله حرررررررررريقة بالمساعدة والتواصل مع بعض .. اي تأخيرة فيها خيرة ان شاء الله اختي :106:

ı sαяαв• 2012- 1- 1 10:24 AM
رد: ارجو المسـاعده
 
مو مسأله العجله مسأله اني اخاف اسحب ملفي من جامعه الدمام
ولاانقبل وبصراحه دراسه برسوم ماقدر :Cry111: ولاانا ودي بهالتخصص
محتاره حيل ومب عارفه ايش اسوي اختباراتي الاسبوع الجاي وللحين ماقررت على شي

وادي زاعم 2012- 1- 1 10:29 AM
رد: ارجو المسـاعده
 
اقتباس:
المشاركة الأصلية كتبت بواسطة ı sαяαв• (المشاركة 5369137)
مو مسأله العجله مسأله اني اخاف اسحب ملفي من جامعه الدمام

ولاانقبل وبصراحه دراسه برسوم ماقدر :cry111: ولاانا ودي بهالتخصص

محتاره حيل ومب عارفه ايش اسوي اختباراتي الاسبوع الجاي وللحين ماقررت على شي
انت الان ادخلي اختباراتك وشدي حيلك فيها , ما تدري بكره وش يصير ممكن ظروفك تتعدل وتكملي وان حولتي انتساب تنفعك ها المواد بمعادلتها

New LiFe 2012- 1- 1 10:31 AM
رد: ارجو المسـاعده
 
مثل ماقال حبيبنا وادي زاعم نصيحتنا اختبري الحين ولا تسحبين ملفك وتستعجلين .. وبعد الاختبارات اجلسي وفكري وقرري ،، وعلى فكرة مدري هالمعلومة تفيدك او لا .. اللي عندهم ضمان اجتماعي يعفونهم من الرسوم ويدرسون انتساب بدون مايدفعون ريال واحد

ı sαяαв• 2012- 1- 1 10:33 AM
رد: ارجو المسـاعده
 
انا مب بجامعه الملك فيصيل انا بجامعه الدمام اذا اختبرت وسحبت الملف ماكاني سويت شي
والمشكله الكليه الي ادرس فيها مافيها انتسـاب بس تأجيل ترم

New LiFe 2012- 1- 1 10:35 AM
رد: ارجو المسـاعده
 
ندري وانا اخوك .. حنا نقصد لا تسحبين ملفك من الحين وانتي ماتدرين وش بيصير معك بعد اختباراتك .. يمكن بعد اختباراتك ربي يكتب لك وتقررين تكملين دراستك اللي انتي فيها .. وقتها اذا ماختبرتي بتصيرين راسبة !! .. والمشكلة لسى ماقررتي وين تروحين لذلك خلك على وضعك وعدي اختباراتك وعقبها يحلها الحلاااااااال ياتكملين او تسحبين الملف

ı sαяαв• 2012- 1- 1 10:38 AM
رد: ارجو المسـاعده
 
كيف يعني ضمان اجتماعي ؟؟

لا انا ساحبته ساحبته مستحيل اكمل بهالكليه 4 سنوات :bawling:

New LiFe 2012- 1- 1 10:40 AM
رد: ارجو المسـاعده
 
ههههههههه والله مدري شقول دامك تقولين ساحبته ساحبته :biggrin:

الضمان الاجتماعي حق الحكومة مخصص شهري ينزل بالحساب هذا ينفع للبعض .. اذا انتي لسى ماتزوجتي وابوك او امك مسجلين بالضمان انتي تصيرين داخله معهم بالضمان فتعطينهم شهادة الاثبات انك داخله بالضمان فما يطالبونك برسوم

ı sαяαв• 2012- 1- 1 10:43 AM
رد: ارجو المسـاعده
 
اممم مدري والله عن هالشي

احس اني ضايعه ومدري ليه حابه هالتخصص وابي ادرسه
امم هو كم ماده ؟؟ :biggrin:

New LiFe 2012- 1- 1 10:47 AM
رد: ارجو المسـاعده
 
روحي لهالصفحة

http://www.kfu.edu.sa/ar/Deans/elear...es_tables.aspx

وانزلي تحت بتلقين كلية ادارة اعمال وتحتها المستويات من الاول للرابع ( لان لسى اقدم طالب عندنا توه مخلص الرابع وبيدخلون خامس هالترم الله يوفقهم ) المهم لما تضغطين عليها
بتشوفين المواد اللي ندرسها

ı sαяαв• 2012- 1- 1 10:48 AM
رد: ارجو المسـاعده
 
اووك يعطيك العافيه

ı sαяαв• 2012- 1- 1 10:52 AM
رد: ارجو المسـاعده
 
حسيت المواد صعبه :000:

وادي زاعم 2012- 1- 1 10:59 AM
رد: ارجو المسـاعده
 
اقتباس:
المشاركة الأصلية كتبت بواسطة ı sαяαв• (المشاركة 5369228)
حسيت المواد صعبه :000:

انا اول ما جتني ملازم مواد مستوى اول جلست اتصفحها وقلت اييييه هين والله ما راح اشوف النجاح وش هذه المواد , ولكن مع الوقت ومساعدة الاخوان هنا بالمنتدى هان كل شيء , انتي مشكلتك تسبقي الوقت , لا تقرري من اول نظره , هوني على نفسك ومع الوقت بتلاقي كل الامور متيسره بعون الله

ı sαяαв• 2012- 1- 1 11:07 AM
رد: ارجو المسـاعده
 
ان شاءالله الله يكون بالعون

يعطيكم العافيه :106:

ı sαяαв• 2012- 1- 1 11:35 AM
رد: ارجو المسـاعده
 
امم عندي سؤال
الحين ادراه الاعمال الدراسه كم سنه ؟؟
والمتوى الاول يعني فصل الاول ولا سنه ؟؟
وخلصتو اختبار النهائي ولا باقي ما بدت ؟؟

وادي زاعم 2012- 1- 1 11:49 AM
رد: ارجو المسـاعده
 
اقتباس:
المشاركة الأصلية كتبت بواسطة ı sαяαв• (المشاركة 5369371)
امم عندي سؤال
الحين ادراه الاعمال الدراسه كم سنه ؟؟
والمتوى الاول يعني فصل الاول ولا سنه ؟؟
وخلصتو اختبار النهائي ولا باقي ما بدت ؟؟

4 سنوات , اي بكالرويس لازم 4 سنوات اذا كنتي شاطره , المستوى الاول يعني النصف الاول (نص سنه) او الفصل الاول ,نعم انتهينا دايما حنا اختبارتنا قبل الانتظام وسالتنا كلها اختياري عباره سؤال و4 فقرات وتختاري منها واحد

ı sαяαв• 2012- 1- 1 11:58 AM
رد: ارجو المسـاعده
 
لاكن هنا
http://www.kfu.edu.sa/ar/Deans/elear...es_tables.aspx

في بس 4 مستويات
والمستوي تقول انه فصل دراسي يعني بس سنتين

New LiFe 2012- 1- 1 12:01 PM
رد: ارجو المسـاعده
 
اقتباس:
المشاركة الأصلية كتبت بواسطة ı sαяαв• (المشاركة 5369434)
لاكن هنا
http://www.kfu.edu.sa/ar/deans/elear...es_tables.aspx

في بس 4 مستويات
والمستوي تقول انه فصل دراسي يعني بس سنتين
هذا لأن الجامعة مافتحت الدراسة فيها انتساب مطور الا قبل سنتين
فأول دفعة لسى توها مخلصة المستوى الرابع .. وبتطلع الترم الجاي للخامس وهكذا
يعني بعد 4 سنوات بتلقين هالصفحة فيها موجودة المستويات للثامن ان شاء الله

ı sαяαв• 2012- 1- 1 12:14 PM
رد: ارجو المسـاعده
 
اها
اووك انا قررت سجل فيها بس ان شاءالله مايروح علي التسجيل
امم اخر سؤال :mh318:
المذاكره كيف من ملازم محلوله الاختيارات ولا كلام دش

واسسسفه اشغلتكم معاي ويعطيكم العافيه
دعوااتكم :106:

ı sαяαв• 2012- 1- 1 05:13 PM
رد: ارجو المسـاعده
 
؟؟؟

COMMONER 2012- 1- 1 05:26 PM
رد: ارجو المسـاعده
 
وجهة نظر خاصه بي


اتمنى ان تكملي دراستك بانتظام

واسال الله ان يفرج اموووووووووورك

والانتساب ملحووووووق عليه باي وقت


الانتظام اهم اهم حفظك الرحمن

ı sαяαв• 2012- 1- 1 07:28 PM
رد: ارجو المسـاعده
 
والله احترت

يعني ماتنصحوني باداره اعمال ؟؟؟

ı sαяαв• 2012- 1- 1 08:42 PM
رد: ارجو المسـاعده
 
بليز ابي مساعدتكم ورايكم :bawling:


All times are GMT +3. الوقت الآن حسب توقيت السعودية: 06:47 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه