|
بعد عِشرة سنين ... لا زلت سر خطير في حياة زوجي؟
السلام عليكم ورحمة الله وبركاته المشهد الاول يرن جرس الجوال يرد زوجي ... حلالي ... نصفي الاخر يا هلا والله كيفك يا بعدي تمام كيفكم طيبين فديتك .. ما انحرم منك بغيت كذا كذا كذا ابشري .. كيف العيال .. هاه درسوا .. وش قاعدين تسوون ؟ امورهم تمام مافيه مشاكل ..؟ ... تعشيتوا ... ناقصكم شي؟ فجأه .. يصادف احد اخوياه ... تنقلب النغمه .. ومعها موجةالتعامل .. خلاص خلاص .. انا الحين مشغول ... اذا خلصت شغلي كلمتَك وشفت وش تبي يالله .. اكلمَك بعدين .. سلام ياااااااااااااااه ... اكتشفت اني سر في حياة زوجي للحين محد يعرف انه يكلمني في الجوال؟ ..................................... المشهد الثاني طالعين نشتري مقاضي البيت .. متعودين نمسك كفوف بعض وما اثر فينا عدد السنين الحمد لله دخلنا السوبر ماركت ولا تزال ايدينا متشابكه مشينا بين الرفوف .. هو يدف العربه .. وانا متمسكه بذراعه كالمعتاد هو يذكرني بالأغراض ... طبعا ... مو هو اللي يعبي البيت بالخير كل شهر ؟ ويعرف متى اخر مره اشترى الشغله الفلانيه ؟ ما انحرم منك يابو عيالي.. فجأه وبدون سابق انذار يخرج لنا مديره في الدوام و بغمضة عين تتبخر كل الاجواء العائليه وينقلب الجو غيم وعواصف يفك يدي ويدف العربه قدام وتحمر عيونه ويقول طيري لآخر رف لايشوفني المدير معك لوهله .. أحسست اني متزوجه مسيار ؟ ......................... المشهد الثالث يوصل من الدوام تعبان اشوفه زي الجندي المحارب في جبهة القتال يتعب ليجيب لقمة العيش الكريمه .. استقبله بحنان غامر و نفسي اشيل تعبه عنه هيأت له كل شي ليرتاح ... يشكرني ويمدح في تعبي وحرصي عليه ما انحرم منك يا ام احمد انا من دونك اضيع اشعر بالرضا والحمدلله.. في نهاية الاسبوع ينادي اهله.. واتفاجأ فيه يذكر بعض المواقف التافهه اللي تحصل في كل بيت اتفاجأ فيه يناديني بإسمي حاف اتفاجأ فيه نبرته جافيه في الكلام اتفاجأ فيه من اول ما يدخلون لحد مايطلعون ؟ اشفيك يابو احمد متضايق مني ؟ لا.. بس وش تبينهم يقولون . اني لين خيخه معاك؟ خلهم يعرفون اني رجال !!! صار عمره خمسين وللأن يثبت لأهله انه رجل؟ يا حسايف ... زوجي يخبي حقيقة تعامله معاي .. الموضوع حتى بعد25 سنه زواج لا يزال سر!!!!!!!!! ................................. المشهد الرابع كنا في السياره متوجهين لمطعم .. تغيير للجو السياره تضج بأصوات العيال والسوالف والضحك والبسط والوناسه فجأه يرن الجوال زوجي : هشششششششششششششششششششششششش ولا صوت .. بنات قسم بالله لأتوطى في بطن اللي تتكلم .. وانتي لا يسمع حسك الرجال الو .. هلااااااااااااااااااااا بو فلان اخبارك عساك طيب .. سم .... لا والله ما عندي احد .. طالع اقضي مشوار !!!!!!!!!!!!!!!!!!!!!!!!!!!!!!!!!!!!!!!!!! بعد انتهاء المكالمه .. ايوه .. وش كنا نقول ... مع ابتسامه صفراء طيب يابو عيالي وش فيه لو سمع اصواتنا ؟ لا عيب .. وش تبينه يقول ؟ الى الان لا احد يعرف ان زوجي يقضي معي انا وبناته وقتاعائليا خاصا بنا؟؟؟؟؟؟؟؟؟؟؟؟ ................................ المشهد الخامس رجل رزقه الله بسبع بنات ومع ذلك ينادونه ابو عبدالرحمن !!!!!!!!! و زوجته ام عبير !!!!!!!! وامام الناس لا يفتأ يشتكي من هم البنات .. و كأن الولد لايحمل هموم؟ لا تزال حقيقة بر بناتي و روعتهم طي الكتمان !!! .................................... المشهد السادس كل مره نطلع نتقضى من أي مول تجاري لازم يكون بينا وبين زوجي مسافة عشرين متر !!! عيب يشوفونا معاه للآن ..لا زلت ادعو الله ان اذوق اليوم اللي يمشي زوجي بجنبي؟ ................................ المشهد السابع طالعين الكورنيش نتمشى اخترنا مكان راااااااااااااااااائع رفض ابو العيال ننزل الا بشرط يا اما نلف نفسنا بالرواق .. ( الساتر ) ونتفرج في السماء و نشم البحر بس او نروح مكان مافيه احد .. علشان لا سمح الله لا سمح الله لاسمح الله يمكن احد يمر يعرفه و يشوفنا معاه للآن .. تماشينا تحدث في ظروف امنيه مشدده ! ....................... و تطول قائمة المشاهد .. وابطالها للأسف .. منهم الطبيب .. المدرس.. المدير ... الضابط .. التاجر ... وموظفين حاملين جميع انواع الشهادات !! تساؤلي هنا : الى متى والزوجه والإبنه تبقيان في الظل وكأنهم عار او منكر يجب اخفاؤه ؟ في عصر وصل فيه التنوير ما وصل .. و تكاد تختفي الاميه !وللآن لا تزال هذه النظره قائمه ؟ لا اتحدث عن القيام بالواجبات وووووو سؤالي كما اسلفت : لمتى ما اقدر اكلم زوجي والا امشي بجنبه براحتنا قدام الناس؟ سؤالي للعضوات ودكم الوضع يتغير ؟ وللأعضاء لو تحط نفسك مكان زوجتك ... بيعجبك الوضع ؟ لا احد يقول غيره .. هذي وسوسه ... ماكان رسولنا الكريم صلى الله عليه وسلم ولا صحابته رضوان الله عليهم يسوونها ! ما سبق .. يحكي شيئا من واقعي ومن واقع الكثيرات .. سمعتها منهم بنفسي يعني .. مما رأيت وسمعت و عاصرت و مش منقول ... :wink: |
رد: بعد عِشرة سنين ... لا زلت سر خطير في حياة زوجي؟
يعطيك الف عافيه ياقلبي كلام ميه ميه :(204):
يلا ياحلوين يالرجال يا اولياء الامور ردو وين شجاعتكم :(107): |
رد: بعد عِشرة سنين ... لا زلت سر خطير في حياة زوجي؟
هي عآدآت وتقآليد تحكمنـآ لـآ أكثر ! وب الفعل كثير تحصل وأشوفهـآ ل الـآسف ~Mrs.ENGLI$H~ طرح رآئع وفّقْتِيِ http://up.tgareed.com/upfiles/sfE03314.gif |
رد: بعد عِشرة سنين ... لا زلت سر خطير في حياة زوجي؟
:hahahahahah::hahahahahah::hahahahahah:
ياكثر ماتحصل عندنا:icon9: بس الحمدالله خفت عن زمااان والسبب توضيح الامور لهم وتهدئت روعهم :hahahahahah: انه ماعلينا شر وحنا محتشمات وهم معنا:(269): وانه زي ماهم عندهم زوجه وعيال غيره عنده زوجه وعيال يعني مافيه شيء جديد ولا غريب ولاعيب وانه الواجب يفتخر لما يمشيء مع زوجته وهو الذي اختارها والواجب الكل يعرف انه عندة حياة عائليه مثل غيره اختي ابدعتي في طرحك:(204): |
رد: بعد عِشرة سنين ... لا زلت سر خطير في حياة زوجي؟
شكرر جزيلا للطرح الرائع ..
|
رد: بعد عِشرة سنين ... لا زلت سر خطير في حياة زوجي؟
و عليكم السلام ورحمة الله وبركاته ... راح ابدأ من اخر شي قلتيه .. اقتباس:
لا .. اللي ودي ان وضع البنات وتفكيرهم يتغير ..!! أسلوبك في الكتابة ما شاء الله سلس بس لاحظي معاي التعابير اللي استخدمتيها .. اقتباس:
لاحظتي الاسلوب في تهويل الموضوع شلون ؟ السالفة ابسط من كذا .. ليه يا معشر النساء نكبر السوالف ونضخمها ونعطيها اكبر من حجمها ليه نجيب القلق والنكد ؟ http://www.kuwaitup.com/vb/images/smilies/314.gif>>دورت فيس يبي ينتحر بس ماحصلت لي باك ان شاء الله راح احلل بعض المشاهد اللي ذكرتيها .. بس قبل ابغى منك تجاوبيني ع هالسؤال اقتباس:
ملاحظه : محدثتك متزوجه من خمس سنوات عشان ماتستغربين اسلوبي:biggrin: |
رد: بعد عِشرة سنين ... لا زلت سر خطير في حياة زوجي؟
:119:
لي عوده ... بس اخلص المحاضره |
رد: بعد عِشرة سنين ... لا زلت سر خطير في حياة زوجي؟
... معناها ع ماترجعين راح اعلق ع كم شغله بس اول شي حابة اقول لك -انا ماادعي اني خبيرة ولا اتصنع دور فوزية الدريع يا عيوني:biggrin: -ماادعي المثالية ومااتظاهر اني عايشة حياة شهرزادية ومافيها منغصات - انا مااهاجم النساء ولا اتكلم بلسان الرجال:wink: هي مجرد قراءة مختلفة للقصص اللي ذكرتيها .. اتفقنا ..:biggrin:. في كل هالامثلة االمتفق عليه ان هالرجال ادمي وطيب وشحليله جريمته انه تعامله رسمي مع حرمته قدام الاوادم ... هل هالشيء يستحق مني اني اقول اكتشفت اني سر خطير والا اقول واحسايف اللي تشوفه المراة انه جفاء اووو جفاف يمكن يكون عند الرجل نوع من الخصوصية وشوية حياء مع رشة مراعاة للذوق العام .. في المشهد الاول ... بالله وش تبيه يقول لها قدام خويه . يعني لازم يتغزل فيها قدامه .. وش الاضافة الخطيرة اللي راح تزين تاريخ علاقتهم المجيد لما يكلمها ويدلعها قدام خويه .. كل مافي الامر ان هالشي يعد من الخصوصيات ومش من الذوق .. ولما انهى المكالمة بسرعه معناها انه محترم خصوصية الكلام بينهم اوو يمكن في سالفة مهمة عنده مع خويه :biggrin: المشهد الثاني تبع السوبر ماركت . انا مدري ليه قال لها روحي بعيد . بس اذا كان قصده يبي يسلم ع المدير فمعاه حق .. وشو له تترز قدام الرجال ؟ بعدين السوبر ماركت رايحين يشترون ويطلعون خليكم عمليين:biggrin: المشهد مدري كم تبع بيت اهله بالله وش المفروض يقول لها قدام هالعجيز (امه وابوه):biggrin: يعني تشوفها حلوة منه يدلعها مثلا قدامهم .. ولما يناديها باسمها عادي احلا يبي يصغرعمرها مثلا :biggrin: اما المشهد الرابع كان بيجلطني طبيعي ومنطقي وذوقيا لما يرن الجوال الكل يسكت حتى لو انه جوال السواق راجيف:biggrin: اقتباس:
بعدين وش هالسؤال وش فيها ؟؟ لان صوتك عورة يا روح ابو عيالك ..!!:mad: بعدين لام يقول للمتصل انني اقضي وقتا لطيفا شاعريا مع عائلتي وذريتي :71: يعني انا اشوف انه تصرفات جدا عادية وطبيعية .. وبلاش سوالف واحسايف واااه منك يازوجي شوية موسيقى ونقلب فاتن حمامة ورشدي اباظة:tongue: الزبـــــــــــــــــــــدة : الحياة أبسط من كذا ولام نحترم خصوصية هالعلاقة .. و المكان والافراد اللي نتعامل معهم و من غير الانصاف بحق اي رجل اني انكر حسن معاملته لي عشانه بس يكلمني برسمية قدام الاوادم ولا تدققون كثير وتحللون كل موقف من الطرف الاخر .. واذا جا في بالي شي بجي اقوله:biggrin: |
رد: بعد عِشرة سنين ... لا زلت سر خطير في حياة زوجي؟
اقتباس:
بس ما ودي نكلم الشباب ونقول وين شجاعتكم :71: المسأله مو ( احجرهم بزاويه ) :biggrin: بس خلال الاسبوعين اللي فاتوا تكثفت هالشغله حولي ومعاي وانا اللي كنت فاكرتها اندثرت فكتبت الموضوع القميل ده :wink: اقتباس:
مررورك عطر متصفحي ... انتِ الاروع :106: اقتباس:
ههههههههههههههههه اعجبتني تهدئة روعهم ... قِددددددددددا :biggrin: وانا عندي كمان خفففت بس خلال اسبوعين رجعت الحاله وبكثافه عندي و عند اللي حولي :(107): اقتباس:
العفو يا عزيزتي :106::106::106: |
رد: بعد عِشرة سنين ... لا زلت سر خطير في حياة زوجي؟
اقتباس:
جدا اسعدني الحوار معك وللحديث بقيه :106::106::106::106::106::106::106::106::106: |
رد: بعد عِشرة سنين ... لا زلت سر خطير في حياة زوجي؟
لي عوده قريبا قِدّاً
:biggrin: |
رد: بعد عِشرة سنين ... لا زلت سر خطير في حياة زوجي؟
اقتباس:
تسلم اناملك... كلام زي الفُل... تحياتي لكـ:106: |
رد: بعد عِشرة سنين ... لا زلت سر خطير في حياة زوجي؟
انا مع الأخت مااااريا حنا كمجتمع لنا قيم وتقاليد تمنع بعض هالتصرفات انا صراحتآ اعجبتني طريقة طرحك وخيالك بس لب الموضوع مااعجبني واتقبلي رأيي بصدر رحب
لي باك للموضوع :24_asmilies-com: :24_asmilies-com: :24_asmilies-com: تصبحون على خير |
رد: بعد عِشرة سنين ... لا زلت سر خطير في حياة زوجي؟
قبل أقرأي اي حرف
ابي اقلك اشتقت لك:love080: أمس أقرأ موضوع بالليل مانيب جني :Cry111: أيام وذكريات :106: قلت لا زم أسئل عن الانجليزيه :tongue: لي عودة بعد قرأة الموضوع |
رد: بعد عِشرة سنين ... لا زلت سر خطير في حياة زوجي؟
:(269): ما لي علاقه بهذي السوالف
|
رد: بعد عِشرة سنين ... لا زلت سر خطير في حياة زوجي؟
وما التأنيث لاسم الشمس عيبٌ == ولا التذكير فخرٌ للهلال
فالدنيا مؤنثةٌ والرجال يخدمونها ، والذكور يعبدونها ، والأرض مؤنثةٌ ومنها خلقت البرية ، وفيها كثرت الذرية ، والسماء مؤنثةٌ وقد تزينت بالكواكب ، وحليت بالنجم الثاقب ، والنفس مؤنثةٌ وهي قوام الأبدان ، وملاك الحيوان ، والجنة مؤنثةٌ وبها وعد المتقون ، وفيها ينعم المرسلون ، كيف نستعيب من الاسم المؤنث وفيها جميع هذه الصفات وهي النصف الاخر !! مودتي:106: |
رد: بعد عِشرة سنين ... لا زلت سر خطير في حياة زوجي؟
اشكرك على الطرح الجميل:(204):
بصراحة مالي بهشغلات بس اسمع بعض النساء يشتكون منها الشيء المزعج لما يتغير التعامل 180 درجة ويكون الاسلوب عنيف وجاف طيب بالهداوة الامور تجي قول حبيبتي عندي مكالمة ممكن توطون صوتكم شوي وش بيخسر لما بيتكلم كذا :biggrin: تحياتي لكـ :106: |
رد: بعد عِشرة سنين ... لا زلت سر خطير في حياة زوجي؟
لي عوده :(204):
|
رد: بعد عِشرة سنين ... لا زلت سر خطير في حياة زوجي؟
الموضوع جميل وفتح دائرة نقاش أجمل ...إستمتعت واستفدت من الكل
دمتي بود:106: |
رد: بعد عِشرة سنين ... لا زلت سر خطير في حياة زوجي؟
اقتباس:
ماشاء الله تبارك الله .. عؤبال 1111 سنة:106: طيب 11 سنة وماتعودتي ؟؟ باين انك حساسة مرة وتوتر ابو الشباب مأثر عليك سلبيا ..وانت قلتي ... اقتباس:
والموضوع مو محتاج . يعني خليك كول و ريلاكس .:wink: . حتى لو هو متوتر . وشافك انك هادية والوضع ايزي راح يحس انه هو الوحيد اللي موتر جو الطلعة ..وبيبطل حركااااات:biggrin: اللي قصدته انه عشان نغير سلوك شخص ما .. لازم نغير ردة فعلنا اتجاه هالسلوك .. انتي جربتي النقاش وتحول اى مشادات .. جربي تصيرين هااادية .. وشوفي وش يصير ؟ اقتباس:
يمدحون الاس ام اس ... :biggrin: ولو نسى ؟ يسلم راسه صح ؟:119: اقتباس:
شفتي شلون ؟ مو مشكلة زوجك بس مشكلتك حتى انتي . ليه تشيلين هم ؟ لا تحطين ببالك انكم مراقبين او ان الناس تطالعكم >>ترى هم مادروا عنكم وو حتى لما تسمعين مثل هالتعليقات لا تتحسسين مرة خليك كوووول وبس طي هاااااا:wink: اقتباس:
قولي لها جد والله ؟:biggrin: كان جيتي اسلم عليك :biggrin: اووو قولي لها شفتي حوستنا مع العيال :biggrin: >>كل من سخفتي الاجابة راح تحس بسخافة سؤالها مع اني شخصيا احسه عاااااادي:119: اقتباس:
لا موكأنها . واذا خويك على سنة الله ورسوله:71: اقتباس:
قولي لها اوريك صورته بالجوال اذا ماشفتيه زين:biggrin: واذا هو اطخم بزيادة اقري المعوذات:tongue: صدقيني وانا اختك الموضوع ابسط من كذا .. صغريه يصغر:119: اقتباس:
مدري :(269): اقتباس:
نفسية :(269): اقتباس:
الله يسعدك :106: |
رد: بعد عِشرة سنين ... لا زلت سر خطير في حياة زوجي؟
كانت تحصل بقووووة قبل سنوااات اما الان 2012 الناس تفتحت وتثقفت وتركت عنهم ايام خيمة الشعر والجاهليه ههههههههههههههههههههههاي:lllolll:
اختي الله يسعدك مع زوجك ويبارك لكم وانا بعد ايام قليله بكووون زووج ان شاء الله عرفت اشياء ما كنت ادري عنها:119::biggrin: |
رد: بعد عِشرة سنين ... لا زلت سر خطير في حياة زوجي؟
يا حيااا الله الانجليزيه ..
:biggrin: يختي لك فقده بكبر السمااا .. برد باختصار الحين ولي عوده ... عارفه حنا شعب بغض النظر عن العادات والتقاليد وكل شي .. نفتقد للحريه الشحصيه ونحس اننا مراقبين .. ومن هالشعور تتولد ردات الفعل .. الغير منطقيه .. اتمنى من كل قلبي .. اننا نكون شعب عفوي .. يتصرف بطبيعته بعيدا عن التحسبات اللي ما زادتنا الاعقد .. اسلوبك يجنن .. :love080: لي باك اذا الله كتب .. |
رد: بعد عِشرة سنين ... لا زلت سر خطير في حياة زوجي؟
:71:
الغوالي زاروني فديتكم انتي واياها لي باك بس لاحقا ان شاء الله :love080::love080::love080::love080::love080::love 080::love080: |
رد: بعد عِشرة سنين ... لا زلت سر خطير في حياة زوجي؟
موضوع جميل ويستحق النقاش بالفعل .
نعم هذا شيء واقع في مجتمعنا ولايستطيع احد ان ينكر وجوده . هذا كله بسبب العادات والتقاليد الباليه التي لازالت تسيطر على عقول الرجال . واستسلام بعض النساء لهذه العاده الغبيه هو من شجع بعض الازواج على فعلها وتكرارها هؤلاء هم من ينبزون المرأه بالعوره ويتشأمؤن عند ذكرها في المجالس وتناسوا انها هي من انجبتهم وسهرت على راحتهم حتى اصبحوا رجال هذه الاعراف والتقاليد تسيطر على فكر ابناء القبائل خوفا من الفضيحه امام الاخرين ولكنها شبه معدومه بين ابناء العوائل من الحاضره وهي بلاشك بداءت تتلاشى بسبب الوعي والثقافه والفكر الحضاري . |
رد: بعد عِشرة سنين ... لا زلت سر خطير في حياة زوجي؟
^ صرت اخاف اعطي لايك :icon9:
|
رد: بعد عِشرة سنين ... لا زلت سر خطير في حياة زوجي؟
بارك الله فيك اسمحيلي بقليل من التفاءل اعتقد ان هذه المشاهد بدت تخف نعم هي موجوده
ولكن بدأت تخف كثير وسوف ان شاء الله تختفي شيئا فشئيا مع مثل هذا الموضوع الرائع :106: :106: |
رد: بعد عِشرة سنين ... لا زلت سر خطير في حياة زوجي؟
اقتباس:
اقتباس:
ملاحظتي ذكرتها بين ثنايا ردي عليك في الاعلى تأثر حكمك بالكلمات المستخدمه اكككككثر من الموقف نفسه إن احببتي ان تعيدي النظر في الحكم بدون الالفاظ فبها ونعمت لكن أي تصرف اقوم به .. واعتذر عنه لاحقا من الافضل ان لا اقوم به من الاساس .. صح؟ وهذا اللي صار بالرجال اعلاه يعتذرون .. المطلوب منهم انهم يتركون هذي التصرفات تماما ويكونون طبيعيين أكثر وسلامتكم :smile: |
رد: بعد عِشرة سنين ... لا زلت سر خطير في حياة زوجي؟
اقتباس:
تقبلت رأيك بصدر رحب يعني عادي يزمر ويصيح ويطيرك ويخبيك و يسوي فيها انك رجال وهو يكلمك و ناشف معاك قدام اهله :(107): اوكي ! إذا ماعليك أمر اوصفي لي ( لب الموضوع ) بطريقتك عشان افهم وش فهمتي :119: |
رد: بعد عِشرة سنين ... لا زلت سر خطير في حياة زوجي؟
اقتباس:
اقتباس:
لببببببببببببببى فؤادتس :wink: وحشتوني انتوا كمان بس الدراسه و تحضير زواج اختي اخذ الوقت كللللللللللله عقبال عندكم يارب ولو مالك عولاقه :biggrin: ...تخيلي لتس علاقه و اتحفينا برأيك ودي و حبي لتس:106::106::106::love080::love080::love080: |
رد: بعد عِشرة سنين ... لا زلت سر خطير في حياة زوجي؟
اقتباس:
الله الله الله .. هذا الكلام اللي يبرد القلب .. يسلم ايديك اقتباس:
هذي الفكره ... ليش القلق ؟ جد ليش القلق !... يا زوجي انا بفهم ان فيه رجل منكد عليك الجو .. انا بأحترم نفسي و ابعد مو تجي تنافخ ... مو ؟ اسعدني رأيك جدا :106::106::106::106::106::106: اقتباس:
اسسسسسعدني مرورك ..:106::106::106::106::106: حضوركم الاجمل:smile: |
رد: بعد عِشرة سنين ... لا زلت سر خطير في حياة زوجي؟
تدرين ليش لان الرجال اغبياء متخلفين و مهما بلغو من العلم تبقى نظرتهم للمرأة تحت و حنا مع الاسف رفعناهم فوق مادري ليش والله مايستاهلون
لا تلوموني مرة ثانية ان كرهت الرجال و قلت ما ابي اتجوز |
رد: بعد عِشرة سنين ... لا زلت سر خطير في حياة زوجي؟
اقتباس:
اقتباس:
واياك يارب |
رد: بعد عِشرة سنين ... لا زلت سر خطير في حياة زوجي؟
اقتباس:
|
رد: بعد عِشرة سنين ... لا زلت سر خطير في حياة زوجي؟
اقتباس:
الف مبارك الزواج .... والله يوفقكم ومشكور ع الدعاء اللطيف جدا بس تو الناس يتطورون هالسنه بس ؟:71: صدقني لا تزال المأساه قائمه عقبال مايجي اليوم اللي بجد تضمحل فيه هالخرابيط ؟ شاكره لك مرورك الرائع و بليز ماتعمل هيك بزوجتك :(204): اقتباس:
الله يكتب لك بهالباك :106: ولن اكتفي بهالرد نوهااااااااااااائيا هيني قولت الللك :wink: ياليت والله ماعاد نشوف تحسبات ابدا في انتظارك .. اقتباس:
كلام جميييييييييييل ويثلج الصدر ... اشكر لك مرورك ( متابعه لك من بعيد :wink: ) اقتباس:
مافهمت ؟؟؟؟؟؟؟؟؟؟ ليش؟ انتي مع ام ضد الموضوع ؟ اقتباس:
بإذن الله شاكره لك مرورك العطر |
رد: بعد عِشرة سنين ... لا زلت سر خطير في حياة زوجي؟
اقتباس:
لالالالالا التعميم فيه من الظلم والجور الشيء الكثير ذكرتيني بوحده من اعز زميلاتي ... قعدت تحلف ما تتجوز ع قولتك وهذي هي الحين جايبه خممممممممممسه ماشاء الله تبارك الله وكل ماذكرتها هاه وين اللي تكره الزواج تستحي وتضحك ياشيخه تعوذي من الشيطان امور بإذن الله ما تسبب كل هالكره :biggrin: |
رد: بعد عِشرة سنين ... لا زلت سر خطير في حياة زوجي؟
موضوع رائع
والحقيقة اني استمتعت بجميع المشااااهد بالتأكيد تصرف الرجل مع الاسف [ خطأ ] وهذا لايعني انه يكون زوج سيئ لان السبب هو المجتمع والعادات وليس جميع الازواج هكذا بل اليوم هناك وعي كبير بين الشباب ولم تععد لهذه الامور موجوده بينهم |
رد: بعد عِشرة سنين ... لا زلت سر خطير في حياة زوجي؟
:d5:
|
رد: بعد عِشرة سنين ... لا زلت سر خطير في حياة زوجي؟
اول شي حابة اوضح شغلة اقتباس:
ماقصدت كذا والسموحة اذا ضايقتك ..:106: اقتباس:
أكيد راح تأثر علي ..لان الكلام المكتوب هو الوسيلة الوحيدة اللي احكم فيها .. وكنت اشوف ان هالكلام كبير جدا ع المواقف المذكورة بس لما ذكرتي تفاصيل اكثر في تعليقك علي اتضحت الصورة اكثر اقتباس:
سؤالك هذا يختصر علي الشرح كل وحدة فينا جات من خلفية بيئية وتربويه واجتماعية مختلفة .. وكل حد فينا شاف الموضوع من وجهة نظره هو . .يعني الشي الي يستفزك هو شي جدا عادي عندي واللي انتي سميتيه ظاهرة في المجتمع ..انا اشوف انه حالات فردية وقليل ما اسمع بها وانا فهمت الموضوع انه تعامل الرجل برسمية مع زوجته قدام الناس .. وكنت اشوف ان المواقف اللي ذكرتيها عادية والمفروض تصرف المراه يكون تلقائي ماتنتظره يقول لها روحي بعيد اوو لا تتكلمون وانا اكلم ... بس لما يوصل الموضوع الىالغلظة في الكلام انا ضدها اكيد .. لا حظي انا مو ضد الموقف ضد اسلوب الكلام .. .. اقتباس:
اكيد انا ضد هالاسلوب في التعامل بس انتي ماذكرتي هالتفاصيل في موضوعك الاساسي اقتباس:
اقتباس:
اقتباس:
مو بس العمر حتى طريقة التفكير .. شوفي شلون اقتباس:
بس انا ولا عمري فكرت فيها كذا اذا ناداني باسمي .http://forum.z7mh.com/images/fisat/75.gif .. معناها يا ان في قلبه شي علي طول هالمدة اووو لان اسمي اجنبي كاشخ فيه خخخخخخ:biggrin: اقتباس:
وارد عليهم حياكم:biggrin: موقصدي اقارن بيننا بس عشان اوضح لك انا ليش رديت بهالطريقة ..:119: يمكن مااكون انا صح .. بس بعد مو غلط اقتباس:
لا مو كلها ... بس في امور اقدر اخذها عن حسن نية . اقتباس:
اقتباس:
هههه سلامة قلبك .. مو كل شي عادي قولي اشتري راحة بالي:(269): وو يمكن عادي عند جماعتنا :tongue: اقتباس:
اقتباس:
ترى اصدق :71: تسلمين ماعليك زود :106: اقتباس:
تنحت هنا .. ليش ؟؟ مافهمت ؟؟ شرحي لي ؟؟:000: |
رد: بعد عِشرة سنين ... لا زلت سر خطير في حياة زوجي؟
:hhheeeart4:
|
| All times are GMT +3. الوقت الآن حسب توقيت السعودية: 12:47 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام