ملتقى طلاب وطالبات جامعة الملك فيصل,جامعة الدمام - مـــمــــكــــن اعــــطــــــائــــــــي فـــــــكـــرهـ عــن الــــمــــســــتــــوى الـــثــــانــــي

صفحة 1 من 14

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- إدارة أعمال 2 (https://vb.ckfu.org/forumdisplay.php?f=306)

- - مـــمــــكــــن اعــــطــــــائــــــــي فـــــــكـــرهـ عــن الــــمــــســــتــــوى الـــثــــانــــي (https://vb.ckfu.org/showthread.php?t=337163)

بعيد النظرهـ

2012- 5- 23 10:22 PM

مـــمــــكــــن اعــــطــــــائــــــــي فـــــــكـــرهـ عــن الــــمــــســــتــــوى الـــثــــانــــي

السلام عليكم ورحمة الله وبركاته

فتحت الموضوع هذا لكسب فكره عن المستوى الثاني واتمنى منكم افادتي

1- كم ماده تدرسو في المستوى الثاني

2- اذا عندكم نماذج اسئله او ملخصات اعتمدتو عليها وافادتكم بختباراتكم اتمنى تنزيلها لي

3- مهي الملخصات الى اعتمدتو عليها ومهي المواد الى تعتمد على المحتوى

وشكراً

:rose: واتمنى لكمـ التوفيق والنجاح :rose:

nouf.m

2012- 5- 23 10:29 PM

رد: مـــمــــكــــن اعــــطــــــائــــــــي فـــــــكـــرهـ عــن الــــمــــســــتــــوى الـــثــــانــــي

هههههههههه اصبر خل نتنفس تونا مخلصين :Looking_anim:

هتان الشريف

2012- 5- 23 10:30 PM

انا عنى اقولها ومن واقع خبره احفظ المحتوى كامل تجيب فل مارك وانتهى..ولا تعتمد كثيرا على ملخص اى طالب لانة الاغلبيه اخطاء او تغيرت بعض الدروس او غير كامله او تغير دكاترتها خلك على المحتوى من بدايه الترم تجيب درجة كامل المحتوى اللى ينزله دكتور المادة

بعيد النظرهـ

2012- 5- 23 10:33 PM

اقتباس:

المشاركة الأصلية كتبت بواسطة هتان الشريف (المشاركة 6632238)

يعطيك العافيهـ

اهم شي ارتب لي جدول من الحين ما ابي اتوهق مثل المستوى الاول اخر اسنه ندور وش نذاكر

أبان	2012- 5- 23 10:35 PM

انصحك لا تسجل رياضيات 2 إلى أن يتغير الدكتور الطاهر إبراهيم إلى دكتور آخر

بعيد النظرهـ

2012- 5- 23 10:35 PM

اقتباس:

المشاركة الأصلية كتبت بواسطة nouf.m (المشاركة 6632229)

هههههههههه اصبر خل نتنفس تونا مخلصين :looking_anim:

الحمد لله اهم شي خلصنا من قلق الاختبارات كلنا

بس انا قلت الحق وباقي عندكم معلومات والاسئله معكم نلحقها ونستفيد منكم ونعرف منكم وش لنا وش علينا

Richou x

2012- 5- 23 10:38 PM

خلك من الدراسه الحين :sm12: ابي اسوي غسيل مخ :icon120:

دافنشي كود

2012- 5- 23 10:41 PM

اقتباس:

المشاركة الأصلية كتبت بواسطة بعيد النظرهـ (المشاركة 6632153)

السلام عليكم ورحمة الله وبركاته

وعليكم السلام ورحمة الله وبركاته

فتحت الموضوع هذا لكسب فكره عن المستوى الثاني واتمنى منكم افادتي

1- كم ماده تدرسو في المستوى الثاني
اكثر شي 18 ساعه

انا اخذت 7 مواد

2- اذا عندكم نماذج اسئله او ملخصات اعتمدتو عليها وافادتكم بختباراتكم اتمنى تنزيلها لي
ارجع لأرشيف المستوى الثاني تلاقي فيه كلل شي

3- مهي الملخصات الى اعتمدتو عليها ومهي المواد الى تعتمد على المحتوى
كل المواد ذاكر من المحتوى
تابع المحاضرات أول بأول

وشكراً

:rose: واتمنى لكمـ التوفيق والنجاح :rose:

بالتوفيق

دافنشي كود

2012- 5- 23 10:42 PM

اقتباس:

المشاركة الأصلية كتبت بواسطة أبان (المشاركة 6632289)

انصحك لا تسجل رياضيات 2 إلى أن يتغير الدكتور الطاهر إبراهيم إلى دكتور آخر

هذا يبي اللي يشرح له الرياضيات من أول .. بجد ما فهمنا عليه ...

Abu Jood

2012- 5- 23 10:43 PM

ماشاء الله عليك ذكرتني بأختنا ام دانه http://www.ckfu.org/vb/t275135.html#post5361935

اميرة بدلعي

2012- 5- 23 10:45 PM

انا اخذت 7 مواد
المذاكره في ملخصات حلوه وبتفيدك
وفي طلاب ماقصرو شرحو بعض المعلومات والمواد
ماعرف كيف ممكن افيدك بس مايختلف كثير عن المستوي اللي قبله غير بالمواد
بس نصيحه للكل
كل ماكان في تعاون ومحبه واخوه كل ماكنت هم الدراسه وتعبها اهون
واذا احد احتاج معلومه ممكن افيده فيها ماراح اقصر ان شاء الله
اذا احد عندو سوال عن مستوانا الحلو:biggrin: يسئله

د. نملة

2012- 5- 23 10:45 PM

بالنسبة لعدد المواد مو محدد

تقدر تنزل من 12 إلى 18 ساعة

>> يعتمد على معدلك

بالنسبة للملخصات ونماذج الاسئلة حاليا تقدر تبحث بمواضيع القسم

وراح تلاقيها غنيـــــــة بمواضيع الملخصات والاسئلة

سواء اسئلة المستويات السابقه او اجتهادات الطلاب والطالبات

ومع بداية المستوى الجاي ان شاء الله بنفيدكم بالملخصات اللي موجوده عندنا بمواضيع مرتبه

زي ما ساعدونا اخوانا اللي قبل خاصه اخونا ابو يزن

اما بالنسبة لسؤالك الاخير

كل المواد تعتمد على المحتوى والاسئلة ما تطلع عن المحتوى

>> يعني لا تفكر تشتري كتب ما بتستفيد شي

واذا بتذاكر ملخصات لا تعتمد عليها اعتماد كلي ممكن تكون كـ مراجعه

الا في حال ضيق الوقت ممكن الاعتماد عليها

والاهم من اييييي شي

انك تطلع على اسئلة المستويات اللي فاتت حتى لو تغير الدكتور

بس عشان يكون عندك فكره عن طريقة الاسئلة اللي تجي بهالماده

وهالشي بيساعدك كثير بالمذاكره

اتمنى اني افدتك

واعتذر على الاطالة

وادي زاعم

2012- 5- 23 10:45 PM

اقتباس:

المشاركة الأصلية كتبت بواسطة بعيد النظرهـ (المشاركة 6632292)

الحمد لله اهم شي خلصنا من قلق الاختبارات كلنا

بس انا قلت الحق وباقي عندكم معلومات والاسئله معكم نلحقها ونستفيد منكم ونعرف منكم وش لنا وش علينا

ودك تلاقي الخير ان شاءالله لا تخاف ولا تستعجل , الميزه اللي بالمستوى الثاني انك تختار المواد وطبعا اعلى ما تاخذه هو 18 ساعه بالترم , اهم شيء تاخذ مواد مرتبطه بمواد اخرى مستوات اعلى مثل محاسبه 2 وهي اسهل من محاسبه 1 ودكتورها رائع جدا , تقنية المعلومات ................... , وبالتوفيق ان شاءالله

Silent Light

2012- 5- 23 10:47 PM

أهم شي إنكم وقت الإختبارات

(( لا تـــســـربــــون الأســئــلـــه ))

ولا تساعدون على تسريبها .. وإن تسربت لا تفشون فيها

وإن فعلتم .. سوف يتم تسريب عقولكم

هذا أهم ما في المستوى الثاني

:

تحيتي

بعيد النظرهـ

2012- 5- 23 10:49 PM

يعطيكم العافيهـ

S.L.Z

2012- 5- 23 10:49 PM

عدد الساعات 18 ساعه

اخذتها كلها

مهارات الاتصال بسطه وحليوه ذاكرت من الملخص ناسيه لمين بس روعه

العقيده حلووووه اول 7 محاضرات معروفه والباقي عن القايديه والصهيونيه والماسونيه والعلمانيه ومدري ايش بعد

الرياضيات اذا من النوع اللي تحب الفهم نزلها وذاكرها من البدايه الطاهر شرحه مو ذاك

الاقتصاد انا ذاكرت اسئلة العام + موضوع نتبادل فيه الاسئله لكبرياء انثى الله يعطيها العافيه
والحمدلله الاسئله حلوه ومكرره والمدرس يمدحون شرحه بس انا ماتابعته

المحاسبه ممتاز شرح الدكتور

تقنيه ماده حشو وكلامها كثير بس الدكتور ماقصر الاسئله مو بذاك الصعوبه

نظم معلومات ماده دسمه دسمه دسمه انهلكت منها بس الله يجزا الدكتور الجنه
كان متعاون معنا ويشارك بالمنتدى وقالنا لنا عن موضوع الشقلبه

واننا نركز على جزئيات اسئلة العام يغير بالاسئله يعني جاب الترم اللي راح سؤال هالسنه يقلبه جواب

انصحك بالمذاكره اول باول عشان ماتتعب وقت الامتحانات

والله اني مهدود حيلي تعبت تعب هالترم بس الحمدلله عدى على خير الحمدلله

ودامكم غزيتوا بيتنا بننقل لبيتنا الجديد بإذن الله

والله يوفقكم ويسهلها عليكم

مدرك	2012- 5- 23 10:54 PM

اني داعٍ فأمنوا
الله لا يقطك في يد الدكتور الطاهر ابراهيم
الله لا يقطك في يد الدكتور خالد عطيه
قول امين

بعيد النظرهـ

2012- 5- 23 10:55 PM

اقتباس:

المشاركة الأصلية كتبت بواسطة s.l.z (المشاركة 6632414)

يعطيك الف عافيه ما قصرتي
بس حبيت اخذ فكره لنكم توكم مخلصين بتجي اجازه تضيع فيها المعلومات وكل واحد ينسى وش سوى وفينا الى يبي يفرمت جهازه ويروح كل شي فيه مثلي <<

هذا غز ضيف بعدين نصير من اهل الدار

امنيات

2012- 5- 23 10:57 PM

أولاً نورت قسمك الجديد بذن الله :119:

حنى تونا لكن

نصيحه لا تاخذ مواد كثير

يعني خلك على 5 مواد أبركلك

لا تكثر لا تاخذ 7 ترا شوي ضغط

الا اذا كنت عادي شي ثاني

أذا أنت من نفسك تفهم الرياضيات من غير
ماحد يفهمك حلو عادي اما اذا لازم أحد يفهمك
لا تاخذه لين يتغير الدكتور ....

أما عن الملخصات

الرياضيات والمحاسبه والعقيده من المحتوى

والصحه وللياقه أتوقع اذا ماتغير الدكتور المحتوى وسئلة الاختبار
هذي الماده جداً حلوه

للتنبيه بس ...

أذا جيت ترتب جدولك أنتبه لجدول الاختبارات كيف بيكون ....

كلها تساهيل بس هونها وتهون

أتمنى أني أفدتك

موفق :rose:

أبان	2012- 5- 23 10:59 PM

اقتباس:

المشاركة الأصلية كتبت بواسطة مدرك (المشاركة 6632463)

اني داعٍ فأمنوا
الله لا يقطك في يد الدكتور الطاهر ابراهيم
الله لا يقطك في يد الدكتور خالد عطيه
قول امين

آمين

Abu Jood

2012- 5- 23 11:02 PM

اقتباس:

المشاركة الأصلية كتبت بواسطة مدرك (المشاركة 6632463)

اني داعٍ فأمنوا
الله لا يقطك في يد الدكتور الطاهر ابراهيم
الله لا يقطك في يد الدكتور خالد عطيه
قول امين

انا اعارضك على الدكتور خالد أما الدكتو طاهر ما اقدر احكم عليه بس موب شين
اما الدكتور خالد بصراحة شرحه ممتاز جداً ونهاية كل محاضرة يسوي اختبر نفسك ويشرح كل نقطة بالتفصيل ، بالنسبة لي هو افضل من اللي قبله مع العلم ان اللي قبله كان ممتاز برضه بس عيبه مركز على الكتاب كثير أما الدكتور خالد لو الواحد يتابعه اكيد راح يستفيد

بعيد النظرهـ

2012- 5- 23 11:02 PM

اقتباس:

المشاركة الأصلية كتبت بواسطة امنيات (المشاركة 6632498)

أولاً نورت قسمك الجديد بذن الله :119:

حنى تونا لكن

نصيحه لا تاخذ مواد كثير

يعني خلك على 5 مواد أبركلك

لا تكثر لا تاخذ 7 ترا شوي ضغط

الا اذا كنت عادي شي ثاني

أذا أنت من نفسك تفهم الرياضيات من غير
ماحد يفهمك حلو عادي اما اذا لازم أحد يفهمك
لا تاخذه لين يتغير الدكتور ....

أما عن الملخصات

الرياضيات والمحاسبه والعقيده من المحتوى

والصحه وللياقه أتوقع اذا ماتغير الدكتور المحتوى وسئلة الاختبار
هذي الماده جداً حلوه

للتنبيه بس ...

أذا جيت ترتب جدولك أنتبه لجدول الاختبارات كيف بيكون ....

كلها تساهيل بس هونها وتهون

أتمنى أني أفدتك

موفق :rose:

النور نوركم وبوجودكم

ويعطيك الف عافيه

اهم شي نستفيد لو شي بسيط من خبرتكم في المستوىالثاني
قبل ما نسافر ونضيع كل شي براسنا

ابوهاجر

2012- 5- 23 11:04 PM

متحمس يالحبيب ؟؟

ROUZ	2012- 5- 23 11:05 PM

:004:

الله يسهلها علينا وعليك بس انا اشوف المستوى الثاني اصعب من الاول
يبي له تركيز لان اسئلة الدكاتره تلخبط شوي
والدكتور الطاهر تبع الرياضيات مايشرح زين واسئلته صعبه
انا بصراحه ماسمعت له الا المحاضره الاولى وبعدها رحت لمدرسه خصوصيه تشرح لي
الله يوفقك

%كل الغلا%

2012- 5- 23 11:06 PM

أهم نقطه بلفت نظرك لها الجدول ثم الجدول راعي يكون بين مادة ومادة يوم او يومين واياك ومادتين بنفس اليوم

بعيد النظرهـ

2012- 5- 23 11:07 PM

اقتباس:

المشاركة الأصلية كتبت بواسطة ابوهاجر (المشاركة 6632572)

متحمس يالحبيب ؟؟

متحمس للفايده يخوي نبي نستفيد لو شي بسيط

S.L.Z

2012- 5- 23 11:09 PM

اقتباس:

المشاركة الأصلية كتبت بواسطة بعيد النظرهـ (المشاركة 6632477)

للاسف احذف اول باول الاسئله والملخصات هالسنه جتني من خويتي

ماحملت ولاملخص الا المهارات فقط

بس كل شي موجود ماراح يضيع شي بإذن الله

نصيحه لاتحمل نفسك فوق طاقتها مو شرط تاخذ 18 كامله لانه تعب وارهاق

اخر شي بقوله اذا بتنزل لك مواد شوف جدول الامتحانات واترك بين كل امتحان والثاني يومين

وللمعلوميه تقدر تنزل مواد من مستوى 3 و 4 و5 و6

جولـــي

2012- 5- 23 11:23 PM

اقتباس:

المشاركة الأصلية كتبت بواسطة Silent Light (المشاركة 6632399)

ههههههههههههه

إيـــــه واللـــــه ..... وربي صارت كلمـة الإعــادة فـوبيــا ,,

انا بالنســبه لي الملخصات افضل من المحتوى ,,بس تاخذ ملخصات معتمده
وتتابع مع الدكتور في المحاضرات ,,,لان اغلب كلام الدكتور مايكون مكتوب بالمحتوى ..

وبــالتوفــيق للـجميع ,,:rose:

ملك الشـوق

2012- 5- 23 11:23 PM

هلا أخوي
أول شي مبروووك المستوى الثاني وإن شاء الله كل المستويات

ثانيا
المستوى الثاني يختلف عن الأول
طبعا أنت اللي راح تنزل موادك
عندك من 12ساعة إلى 18ساعة
حسب معدلك

نصيحتي لك قبل ماتنزل المواد اطلع ع جدول ألأختبارات
لاتنزل مادتين يكون أختبارهم بنفس الفترة
ولا مادتين قويه في نفس اليوم
تقدر تنزل من المستوى الثالث
وتأجل من المستوى الثاني

الخلاصه / قبل لاتنزل المواد تأكد من جدول الأختبااااراات
اتمنى لك التوفيق:rose:

sawsan2012

2012- 5- 23 11:56 PM

ايوه والله ياليت تعلمونا لاني حيست حوسه الله العالم لاكن ابغ اسال ياليت تردون علي انا ابغ اركز بس على المحتوى يكفي مابغى اعتمد على ملخصات ومع اسله ختبارات بس يفيد ولا وكيف تنظمون وقتكم في المداكره الله يوفق الي يرد رد يريحني

سلطان بن حامد

2012- 5- 23 11:58 PM

الله يوفقك ان شاء الله

بس اعمل حسابك انك ممكن تختبر المحاسبة والانجليزي مرتين :biggrin:

بعيد النظرهـ

2012- 5- 24 12:15 AM

اقتباس:

المشاركة الأصلية كتبت بواسطة سلطان بن حامد (المشاركة 6633081)

الله يوفقك ان شاء الله

بس اعمل حسابك انك ممكن تختبر المحاسبة والانجليزي مرتين :biggrin:

متأثرين باعادت الاختبار الله يعين

طموح انسان

2012- 5- 24 12:56 AM

بنسبه لي اعتمدت الخطه الموضوعه من قبل الجامعه مع حذف الانجليزي لاني ضعيفه فيه وكان اختباره مع المحاسبه وكويس اني ماخدت الماده ولا كان جالي انهيار عصبي مع خبر الاعاده
وفي ماده ثانيه وهي الصحه كان اختبارها مع الرياضيات بس انا اموري جيده مع الرياضيات لكن واجهة صعوبه في مذاكرة المادتين مع بعض
فمنهج الصحه طويل والاختبار شامل الملزمه والمحتوى والمحاضرات فأذا نويت تاخذها ذاكر الملزمه من بدري
اما الرياضيات فهي صعبه يبغالها مذاكره اول باول والدكتور شرحه جيد بس ممل والاختبار كان من المحتوى باستثناء بعض الاسئله
والبقيه من المحتوى بس
الاقتصاد مره سهل ركز على الاختبارات السابقه

بعيد النظرهـ

2012- 5- 24 01:03 AM

اقتباس:

المشاركة الأصلية كتبت بواسطة طموح انسان (المشاركة 6633767)

يعطيك الف عافيه

gnoony

2012- 5- 24 01:22 AM

يعطيك العافيه بعيد
سبقتني:biggrin:
عندي اسائله
س/ من وين نعرف الجدول.؟
س/انتم اتفقتو على جداولكم قبل المستوى الثاني يعني رتبتو ايش تبون وايش ماتبون مع بعض ولا كل واحد بلحال؟
س/ اذا احد ماخذ غير مواد من مستويات ثانيه ابي اعرف عن مدى صعبوتها سهولتها تعتمد على الفهم الحفظ ؟
:rose::rose:

بعيد النظرهـ

2012- 5- 24 01:36 AM

اقتباس:

المشاركة الأصلية كتبت بواسطة gnoony (المشاركة 6634084)

ايوه جنون هذا الى نبيه نبي نعرف وش ناخذ وش نترك بالمستوى الثاني واذا فيه شي نضيفه من الثالث

نبي نرتب لنا شي ونبي نمشي عليه

ان شاء الله نلقى لنا جدول عندهم حلو
ما قصرو عطونا فكره مبدئيه عن المستوى

gnoony

2012- 5- 24 01:45 AM

شفت الخطه الدارسيه انت بعيد
http://www.kfu.edu.sa/ar/Deans/elear...es_tables.aspx

مادري ودي احذف منها الانقلش والعقيده واستبدله بشي من مستوى ثاني
طبعا اذا ماحملت اي ماده:biggrin::biggrin:

وينكم ياربع عطونا رايكم ندري حايسين وتوكم خلصتو بس نبي نطمن احنا:000:

امال المستقبل

2012- 5- 24 01:52 AM

نصيححححححه لا تاخذ الرياضيات الحين الى ان يتغير الدكتور طاهر
وتاخذها بعدين احسسن
وبالتوفيق ..

أحلم بقربك

2012- 5- 24 01:57 AM

أخوي العزيز نصيحه اخويه
حاول تاخذ المواد السهله

لان المستوى الثاني بحاجه لرفع المعدل
انصحك
في
الصحه واللياقه
وتقنية المعلومات
هذي المواد الي مرت علي سهله

و40% من ألاسئله نفس الترم السابق ما ابي ابالغ واقول اكثر

بس المادتين سهله

وشف الاخوان الي اخذو المواد الثانيه

واتمنى لك التوفيق

gnoony

2012- 5- 24 01:57 AM

هذا الجدول مايتغير

http://im22.gulfup.com/2012-01-17/1326820639671.jpg

:icon120::icon120:

gnoony

2012- 5- 24 01:59 AM

اقتباس:

المشاركة الأصلية كتبت بواسطة أحلم بقربك (المشاركة 6634485)

يب سمعت الصحه والياقه مره سهله:rose:
غيرووه شو ناخذ :biggrin:

gnoony

2012- 5- 24 02:00 AM

اقتباس:

المشاركة الأصلية كتبت بواسطة امال المستقبل (المشاركة 6634421)

نصيححححححه لا تاخذ الرياضيات الحين الى ان يتغير الدكتور طاهر
وتاخذها بعدين احسسن
وبالتوفيق ..

الرياضيات انا معه اصحاب ان شاءالله مانختلف
بس كيف اسائله الدكتور:biggrin:

المســافر

2012- 5- 24 02:08 AM

:d5::d5::d5:
ما شاء الله عليكم

اتابع بصمت

فهد الظهران

2012- 5- 24 02:11 AM

شوف اذا مستواك حلو خذ من 15 وحولها
والاهم والاهم والاهم

لاتاخذ الا مادة في اليوم
وحاول ان يكون يوم بعد يوم
يعني
الاختبار يكون خمس سبت اثنين اربعاء سبت اثنين اربعاء
او من السبت والباقي انت كمله

بتقول لي وشلون اعرف اختبار المادة وانا في بداية الترم

هم راح طال عمرك يعطونك المواد اللي يحق لك تاخذها ويحق لك تاخذ اي مادة من مستوى ثاني وثالث واربع وخامس

ويعطونك جدول الاختبارات للمواد هذي وانت تنسق تشوف اي يوم وتشوف بعد مايكون في تعارض بينهم

اكتب لك بسرعه وملخبط كلامي شوي والله سهران ومواصل
بس مابغيت ابخل بنصيحه

gnoony

2012- 5- 24 02:12 AM

هذا الجدول ثابت مايتغير؟؟

http://im22.gulfup.com/2012-01-17/1326820639671.jpg

على اساسه ناخذ الخطه ولاشو؟؟

بعيد النظرهـ

2012- 5- 24 02:12 AM

هذا المواد حق المستوى الثاني صح

الصحة والياقه ساعتين
اللغة الانجليزيه 3 ساعات
العقيده الاسلاميه والمذاهب المعاصره ساعتين
مبادئ المحاسبه 2 3 ساعات
مبادئ الرياضيات 2 3 ساعات
مبادئ الاقتصاد الكلي 3 ساعات
تقنية الملعلومات 1 3 ساعات

amo0on_o

2012- 5- 24 02:13 AM

اخوي المستوي الاول اسهل بكتير من المستوي التاني
وانصحك ماتاخذ مادتين بنفس اليوم
موفق يارب

amo0on_o

2012- 5- 24 02:14 AM

اقتباس:

المشاركة الأصلية كتبت بواسطة بعيد النظرهـ (المشاركة 6634654)

هذا المواد حق المستوى الثاني صح

الصحة والياقه ساعتين
اللغة الانجليزيه 3 ساعات
العقيده الاسلاميه والمذاهب المعاصره ساعتين
مبادئ المحاسبه 2 3 ساعات
مبادئ الرياضيات 2 3 ساعات
مبادئ الاقتصاد الكلي 3 ساعات
تقنية الملعلومات 1 3 ساعات

ايه صح هذه المواد

gnoony

2012- 5- 24 02:14 AM

اقتباس:

المشاركة الأصلية كتبت بواسطة فهد الظهران (المشاركة 6634645)

:biggrin::biggrin::biggrin:
الحين فهمت يسلموووو يالغلااا ماقصرت الله يوفقك يارب:rose:

al-saary

2012- 5- 24 02:16 AM

اقتباس:

المشاركة الأصلية كتبت بواسطة s.l.z (المشاركة 6632414)

الله يجزاك خير ويوفقنا واياكم للمستويات الاعلى حتى نيل الشهادة اللي ترضيكم ...

gnoony

2012- 5- 24 02:16 AM

س/انتم اتفقتو على جداولكم قبل المستوى الثاني يعني رتبتو ايش تبون وايش ماتبون مع بعض ولا كل واحد بلحال؟
س/ اذا احد ماخذ غير مواد من مستويات ثانيه ابي اعرف عن مدى صعبوتها سهولتها تعتمد على الفهم الحفظ ؟

:icon9::icon9:

gnoony

2012- 5- 24 02:17 AM

ادري اسال واجد بس بعرف ترى بيطق عرق الفضول فيني:biggrin::biggrin:

أحلم بقربك

2012- 5- 24 02:19 AM

اقتباس:

المشاركة الأصلية كتبت بواسطة gnoony (المشاركة 6634512)

يب سمعت الصحه والياقه مره سهله:rose:
غيرووه شو ناخذ :biggrin:

تقنية المعلومات 1 سهله

بالنسبه للعقيده الاسلاميه الي يقدر يحفض بتكون عليه سهله

الاقتصاد الكلي سهل ولاكن يبغى له متابعه من اول باااول

المحاسبه 2 اذا كان نفس الدكتور يعطيكم اختبر نفسك نهاية اكثر من محاضره اذا فهمت اختبر نفسك اعتبر نفسك اخذ درجه ممتازه
الرياضيات ما اخذتها
الانجليزي ما اخذته
هذا الي اقدر افيدكم فيه

بالنسبه للمعدل

نصيحه اخواني المستويات الاولى خذو المواد السهله لان المعدل يرتفع بسهول

في النهايه اذا اخذت مواد سهله والا صعبه ماتقدر ترفع معدلك بالسهوله صعب رفع المعدل في نهاية المستويات

فهد الظهران

2012- 5- 24 02:19 AM

لا الجدول اللي انطرح في المووضوع لاتعتمد عليه راح ينزل جدول جديد بتاريخ جديد وتبني عليه جدولك

بعدين لاتخاف اهم شي نسق موادك صح ولاتاخذ مادتين في يوم واحد

انا من الطناخه ماخذ مواد من ثالث ورابع
وبغيت اتهور اخذ من خامس بس بالاخير صرت ذيب قلت خامس مساكين هم اللي يجربون عليهم الدكاتره لانهم اول دفعه يعني مافي اسئله الترم الماضي واسلوب المدرس

وشي اخير اذا انت دارس كليه او معهد او اي شي تعادل المواد اللي درستها بحد اقصى 15 ساعه

فهد الظهران

2012- 5- 24 02:22 AM

بجاوبك على الاتفاق والاختلاف

يقول لك اتفق العرب الا يتفقوا

اللي صار الترم اللي راح كل واحد حط جدوله ويقول هذا افضل من جدول خويي

وبالاخير شفت خلاصة جداولهم

الجميع اتفق على المواد الاساسية ( اللي هي ثلاث ساعات)

مبادي محاسبة 2
رياضيات 2
اقتصاد جزئي
وانقلش
وتقنية

وبعدين كل واحد سكل طريق اللي حط صحه ولياقه واللي حط دين والي حط بحث وتفكير

انا حطيت موارد بشرية سنه رابع كيفي:biggrin:

رتب امورك انت والباقين ماعليك منهم راح تلقى بالاخير نفسك واذا اختلفتوا راح تختلفون في مواد سهله تقدر تقول عنها حفظ

gnoony

2012- 5- 24 02:23 AM

العقيده عن ايش مثلا انا ماحفظ واجد:139:

الانقلش ملغي من الحين:biggrin:

فهد شو اخذت مواد وكيف فهم ولاحفظ:rose:

gnoony

2012- 5- 24 02:27 AM

حلو ناخذ مع بعض حتى لو صرنا 3 قروب او 4
عشان نقدر نساعد بعض ويكون فيه روح تنافس بين القروبات:biggrin:

على اعلى معدل

يعني الي يحفظ اكثر جدول والي يفهم اكثر جدول :biggrin:

شو رايكم مخ صح :biggrin:

<من جنبها:biggrin:

gnoony

2012- 5- 24 02:28 AM

فهد موارد بشريه حفظ صح:Looking_anim:

فهد الظهران

2012- 5- 24 02:33 AM

شوفي كلمة اني ماحفظ كلمة اني استبعد مادة عشان مدرسها ماينفع

انا عادلوا لي الحمد الله 10 ساعات عشان كذا رحت واخذت ساعات من ثالث ورابع

انتي خليك المواد اللي في مستوى ثاني

اذا كان في مادتين في يوم واحد استبعدي وحدة وخليك على وحدة

الدين سهل
يتكلم عن انواع التوحيد الالوهيه والربوبيه والاسماء والصفات بعدين راح لاركان الاسلام
بعدين تغير المسار ويتكلم عن العلمانيه والماسونيه والصهيونيه والمقدونيه

تحسي بمتعه مع الحفظ

في اخوان لنا هنا حطوا مبادي محاسبه 2 وانقلش مع بعض

مع انه في بداية الترم عندهم خبر انه اختبارهم في يوم واحد مثل ماقلت لك راح يصدر الجدول الاختبارات عشان تبني عليه جدولك

اذا صار الترم القادم نفس الترم الجاي
استبعدي عاد انتي الانقلش وخليه السنه الجايه
وتقدرين تعوضينه في مادة ثانيه مش علميه مثل صحه ولياقة بحث وتفكير ( مواد بشرية ابعدي عنها حاره شوي ومدرسها خبيث:biggrin:)

نورة ة

2012- 5- 24 02:34 AM

بالنسبه لك تقدر تاخذ اغلب مواد مستوى ثاني الي منزلتها الجامعه

انا اخذتها كلها لكن اجلت الانجليزي لمستوى ثالث واخذت من مستوى ثالث مهارات اتصال

بالنسبه للمواد السهله بالاختبار التقنية وصحة ولياقه واقتصاد كلي كلها كانت مره سهله والمذاكره كانت من اسئلة الاعوام السابقة وقراءة الملخص الي اهو عبارة عن المحتوى لكنه بملزمه اشتريتها من مكتبة تميم

كتب لاتشتري لاي ماده منت مستفيد

اشتر الملازم الي اهي المحتوى ومن هنا اخذ نماذج الاختبارات وحلها لكن انتبه بعض انماذج حلها غلط فيه مواضيع مكتوبه نماذجها بالحل الصحيح ومكتوب عند الصيغه الحل الصحيح لما تجي تحملها

لو عندي الروابط الجميع المواد كنت نسختها لك هنا لكن اعذرني لاني فقط مصورتها

اتمنى افدتك وبالتوفيق .

gnoony

2012- 5- 24 02:34 AM

احد اخذ مهارات البحث والتفكير؟

لمــى

2012- 5- 24 02:37 AM

ماشاءالله عليك بعيد النظرة :(204):بعد النتائج ان شاءالله وجاء وقت الشسمة المستوى الثاني
ودي انك تفتح موضوع يفيدنا بتنزيل المواد ونكون كلنا نفس هذا المواد:mh12:>>دمدري وش تبي من الحياة :mh12:

فهد الظهران

2012- 5- 24 02:39 AM

مواد بشرية وبحث وتفكير كلهم حفظ

وكلهم مايجون خمسين ورقه

بس مكثفه ونقاط كثيرة وكل نقطة مرتبطة بالاخرى وتتشعب لعدة نقاط
بس اللي صعب علينا المادة الله يهديهم مدرسين المادة

يجيبون اسئله من تحت الاسطر
انا كنت مستهزئي في المادتين ولما ذاكرت وخلصتهم في فترة بسيطه رحت للاسئله قلت بحل

طلعت من جنبها ورجعت ثاني مره وذاكرت من جديد على اسلوب المدرس بعد ماشفت طريقة اسئلته

واحد من المدرسين هو اللي طلعتوا تصايحون منه في مبادي الادارة :hahahahahah:

انا من قالوا لي كذا قلت لاتطلع مثلهم تصايح والحمد الله بعد الاسئله والمذاكرة المركزة عديت

تخيلي سؤال يقول لك
في اغلب الاحيان
او في كافة الاحيان

يعني اذا مو حافظها نصاً ماراح تجيبها
من ضمن الخيارات

ايوووه عرفت المدرس اللي

gnoony

2012- 5- 24 02:39 AM

اقتباس:

المشاركة الأصلية كتبت بواسطة فهد الظهران (المشاركة 6634869)

:139::139::139:

اشك اني احس بمتعه مع الحفظ انا ماحفظ اتعذب اذا حفظت والله جد بالموت احفظ
لا الانقلش بخليه اخر مستوى مابيه الحين:icon9:
اجل دكتورها خبيث:biggrin:
مصيرنا بناخذها:icon9:
افكر اخذ مهارات بحث وتفكير بدال الانقلش اذا ماحملت اي ماده والله يستر:lllolll:

gnoony

2012- 5- 24 02:43 AM

اقتباس:

المشاركة الأصلية كتبت بواسطة فهد الظهران (المشاركة 6634917)

:hahahahahah::hahahahahah:

ماصايحت انا منه وحسيت اسائله فله :biggrin:

<الله يستر ومااحملها:lllolll:

اوما حفظ نصا بنجلط ليش هي مهاره تفكير مو مهاره حفظ شو هذا:017:

فهد الظهران

2012- 5- 24 02:43 AM

اقتباس:

المشاركة الأصلية كتبت بواسطة لمــى (المشاركة 6634905)

حياك في مستوى ثاني وان شاء الله موفقه خير

ع العموم فكرة انكم توحدون موادكم صعبه
بس مثل ماقلت مسبقا المواد العمليه راح تتوحدون فيها والمواد النظرية كل واحد وبراحته

وفي حاجه ثانيه راح تفرق بينكم

لاسمح الله لو اكون انا حامل مادة رياضيات 1 واقتصاد جزئي 1

من باب اولى اني ارجع اعيدهم من جديد
ومن البديهيه اني ماراح انزل رياضيات 2 واقتصاد كلي 2 وانا باقي ماعديت الجزء الاول

مع ان نظام الجامعة يسمح انك تطامر في المواد اللي تبي

نورة ة

2012- 5- 24 02:45 AM

جدولي كان

السبت / مهارات اتصال و عقيد اسلامية

الاحد / مبادئ محاسبة ٢.

الثلاثاء / تقنية معلومات :

الخميس / اقتصاد كلي

الاحد / رياضيات و صحة ولياقه

. ما اثر علي انه يكون مادتين بيوم واحد مع اني ماكنت اذاكرها الا متاخر

.

فهد الظهران

2012- 5- 24 02:46 AM

اقتباس:

المشاركة الأصلية كتبت بواسطة gnoony (المشاركة 6634920)

اقتباس:

المشاركة الأصلية كتبت بواسطة gnoony (المشاركة 6634947)

انا بعد عندي مشكله في الحفظ لو اجلس ساعه احفظ سطر مستحيل احفظه نصاا اجيب منه كلمات اوكي

وتعبت بصراحه السمستر هذا

فصرت وش اسوي اسوي لي خارطه في مخي
هذي الشي اجيب منه هذا الشي وهذاك اجيب منه هذاك واكتبها في الورقه قبل مابدا في حل المادة
لان لو بديت بالحل بيطير كل شي

الله يوووووووووووفقكم يارب
واي استفسار او حاجه اسالوا ولا يهمكم انا والاخوان هنا ماراح يقصرون
كل واحد يحب يمد يده ويساعد الجميع

gnoony

2012- 5- 24 02:47 AM

اقتباس:

المشاركة الأصلية كتبت بواسطة نورة ة (المشاركة 6634965)

جدولي كان

السبت / مهارات اتصال و عقيد اسلامية

الاحد / مبادئ محاسبة 2.

الثلاثاء / تقنية معلومات :

الخميس / اقتصاد كلي

الاحد / رياضيات و صحة ولياقه

. ما اثر علي انه يكون مادتين بيوم واحد مع اني ماكنت اذاكرها الا متاخر

.

مهارات اتصال حفظ
<محد يكره الحفظ:biggrin:

لمــى

2012- 5- 24 02:48 AM

ماشاءالله عليك نورة بس لاتنسين الواحد احيانن يكون مرتبط بالاتزامات وظيفة مايقدر يتابع المحاضرات كلها عني 5مواد كل مستواى تكفيني :(107):

gnoony

2012- 5- 24 02:49 AM

اقتباس:

المشاركة الأصلية كتبت بواسطة فهد الظهران (المشاركة 6634971)

:rose::rose::rose::rose::rose:
ماقصرت وربي انت والبقيه ريحتني شويات على الاقل اعرف راسي من رجولي <مدري وش يقولون:biggrin:
ويارب تعدوون هالمستوى باعلى الدرجات:rose:

فهد الظهران

2012- 5- 24 02:50 AM

مدام فيها هياط وتسديح جداول بسدح جدول الترم هذا بس نصيحه لاحد يمشي عليه
لاني كنت غلطان حاط المواد ورى بعض وهذا تعبني مره في المراجعه

السبت دين
الاحد الاحصاء في الادارة ( مستوى ثالث) طبعا هالمادة حاملها حاملها بركاتك ياعميد الجامعة يالنجار هو اللي يدرسنها:biggrin:
الاثنين مبادي محاسبه
الخميس اقتصاد كلي
السبت موارد بشرية ( مستوى رابع)
الاحد صحه ولياقة ( مستوى ثالث)
الاثنين بحث وتفكير( مستوى ثالث مدري رابع)

لو تلاحظون مافي مادة ارتحت في مذاكرتها الا الاقتصاد الكلي وموارد البشرية

اما الباقي سردتها ورى بعض وتووبه اسويها لو ماخذ الا 12 ساعه الترم الجاي

لمــى

2012- 5- 24 02:52 AM

:000:تعب كذا لازم فية راحة بين المواد ولا وش رايكم زملائي مستوائ اول :wink:

gnoony

2012- 5- 24 02:52 AM

باذن الله اذا ماحملت مواد يمكن كذا جودلي راح يكون:rose::rose:

عقيد اسلامية

مبادئ محاسبة 2.

تقنية معلومات

ا اقتصاد كلي
رياضيات
صحة ولياقه
مهارات البحث والتفكير<باقي افكر فيها خايفه منها بس حاسها اسمها ممتع:biggrin:

لمــى

2012- 5- 24 02:55 AM

:Cry111:اوو سبع مواد طيب الاختبارات كيف >>تبي تصير مثل جدولها:mh12:

فهد الظهران

2012- 5- 24 02:56 AM

اقتباس:

المشاركة الأصلية كتبت بواسطة لمــى (المشاركة 6634987)

لمى الجدول الترم الجاي يعتمد على معدلك
الظاهر من 3 ونص يحق لك تاخذين 18 ساعه
وكل ماقل المعدل تاخذين ساعات اقل

طبعا اقل ساعات 12 ساعه
واكثر ساعات 18 ساعه

وكل مادة له ساعات معينه
مثل الرياضيات 3 ساعات المحاسبه 3 ساعات الاقتصاد الكلي 3 ساعات الدين ساعتين الانقلش 3 ساعات مهارات اتصال ساعه
لو تحسبينهم يطلعون لك 15 ساعه

طيب واحد جايب معدل طيب ومعدله يخليه يختار 18 ساعه

بس هو ماهو فاضي وعنده مشاغل ويقول باخذ 12 ساعه يحق له
ايوه يحق له الحد الاعلى 18 والحد الادنى 12

طيب واحد ثاني عكسه منيلها بستين نيله:hahahahahah: ويبي ياخذ 18 ساعه

نقول له ياحبيبي انت ماتاخذ الا فقط 12 او 15 ساعه حسب معدلك واحمد ربك ولاتهايط علينا :biggrin:

اتممنى وصلت الفكره

gnoony

2012- 5- 24 02:58 AM

صح تقنيه معلومات حفظ ولافهم:mh12:

عندها عقده

gnoony

2012- 5- 24 02:59 AM

اقتباس:

المشاركة الأصلية كتبت بواسطة لمــى (المشاركة 6635059)

:Cry111:اوو سبع مواد طيب الاختبارات كيف >>تبي تصير مثل جدولها:mh12:

:004: هذا تفكيري المبدىء بس لاكن لما اشوف جدول الاختبار والمعدل اقرر
يمكن ماخذ الاخمس:icon9: <الله لايقولها

فهد الظهران

2012- 5- 24 03:02 AM

اقتباس:

المشاركة الأصلية كتبت بواسطة gnoony (المشاركة 6635034)

حلوو كذا
ترى في مادة حليوه اسمها مهارات الاتصال معادلينها بساعه تقدرين تحطينها اذا احتجتي تضيفين كذا مادة
بعدين وين مادة المحاسبه 2 ماضفتيها
هو ياتنزلينها او تنزلين الانقلش وانتي براحتك
انا اشوف الافضل انك تاخذ المواد العمليه اول باول لاتخلين شي متخلف عليك من السابق
احسن لك من مهارة وتفكير وصحه ولياقة

http://www.kfu.edu.sa/ar/Deans/elear...es_tables.aspx

هذا الرابط فيه المواد في كل مستوى والساعات المقابله لها

http://www.kfu.edu.sa/ar/BannerSystem/Pages/login.aspx
وهذا الرابط اذا موخربان :hahahahahah:
بعد ماتختارين المواد كل مادة قادمها كود معين
تروحين وتضيفين المواد اللي تبينها عشان يعتمدونها لك وتسددين رسومها

نوره | ~

2012- 5- 24 03:02 AM

يا ويلك من الرياضيات و المحاسبه

حبيب الشمس

2012- 5- 24 03:06 AM

اقتباس:

المشاركة الأصلية كتبت بواسطة بعيد النظرهـ (المشاركة 6632153)

السلام عليكم ورحمة الله وبركاته

فتحت الموضوع هذا لكسب فكره عن المستوى الثاني واتمنى منكم افادتي

1- كم ماده تدرسو في المستوى الثاني

2- اذا عندكم نماذج اسئله او ملخصات اعتمدتو عليها وافادتكم بختباراتكم اتمنى تنزيلها لي

3- مهي الملخصات الى اعتمدتو عليها ومهي المواد الى تعتمد على المحتوى

وشكراً

:rose: واتمنى لكمـ التوفيق والنجاح :rose:

وعليكم السلام ورحمة الله وبركاته

حياك الله بدارك الثاني المستوى الثاني

صراحه احيي فيك روح الحماس

بس والله لاحق لا تعني عمرك .. والله يانت بحوس وتلف هالمواضيع وتحمل وتدور
وبترتاح لتعبك ويمكن تمله بس فيه وناسه كثير ومواقف مسلية اكثر هي ملحة عناه

وبعدها بيجيك واحد متحمس توه مخلص اختباراته يسألك

نفس السؤال !!
بس ياترى ممكن يكون ردك عليه بوقتها
نفس السؤال ؟

مستعجل ليه ؟

اتمنى لك التوفيق والنجاح واهلا بك :rose:

تفضل المواضيع المثبته فيها خير وفير :rose:

فهد الظهران

2012- 5- 24 03:06 AM

اقتباس:

المشاركة الأصلية كتبت بواسطة gnoony (المشاركة 6635086)

صح تقنيه معلومات حفظ ولافهم:mh12:

عندها عقده

تقنية معلومات عادلوها لي :biggrin:
لاني متخرج من الكلية التقنية اختصاص برمجه يعني لعبتي لو يخلوني ادرس الطلاب ماعندي مشكلة :hahahahahah:

انا قريت المادة من باب الفضول بشكل سريع
اتوقع تخص الحاسب واسئله عن وتكلم بعد عن برامج الاوفس الاكسل والورد

لمــى

2012- 5- 24 03:06 AM

نشوفكم على خير بعد النتائج :004:

gnoony

2012- 5- 24 03:07 AM

اقتباس:

المشاركة الأصلية كتبت بواسطة نوره | ~ (المشاركة 6635131)

يا ويلك من الرياضيات و المحاسبه

:Looking_anim::Looking_anim:

ليش من دكتوركم بالمحاسبه مو زهران؟؟

جنون الحياه

2012- 5- 24 03:07 AM

أررررررررررررررررحبوآ ,,,حي الله من جآآء :biggrin:

مستوى أول عندنآ,,منوورين,,:004:

مآ قصروآ جميعآآآآآآ يعطيهم العآآفيه,,,

عندكم اي سؤال استفسار حتى لو بسيط أسألوآ وأنآ حآآضره :biggrin:

أهم شيء مثل مآ قالوآ لكم الجدول ثم الجدول ثم الجدول :biggrin: رتبوه زين وخلوآ ايام بين الموآد ولا تآخذون مآدتين مع بعض,,

طبعآ مو مثل مستوى اول يومين و3 ايام بين الموآد خلاص مآ في كذآ :biggrin:

أنآ الحمدلله جدولي كان مره عآجبني ومريحني ,,,ومآ اخذت مآدتين مع بعض ولا يومين ورى بعض اختبار,,

مآ عدآ الانجلش اخذته مع المحاسبة لاني احبه وهو سهل’’’وكان مره مريح ما تعبني الا عشانهم سووآ اعاده للاختبارين,,

بعيد النظرهـ

2012- 5- 24 03:08 AM

انشغلنا ورجعنا بصراحه رسمت جدول براسي بس يبيلي اتاكد من جدول الاختبارات كم يوم بينها واهم شي اني ما اكون حامل ماده الله يستر

ويعطيك العافيه فهد ما قصرت على توصيل الملعومه
بس تعرف حنا جاين على تخصص جديد بنسبه لنا
طبيعي بنكون متوترين ومترددين في بعض الاشياء وبتكثر اسئلتنا

لمــى

2012- 5- 24 03:10 AM

شكرا فهد الظهران عارفة انا الجدول والمعدل اشتغل بجامعه وعارفة النظام >>:biggrin:قالت قصة حياتها:060:المهم انا ابي ناس تكون معي فهمت علي يعني نمشي نفس شسمة الجدوول

gnoony

2012- 5- 24 03:10 AM

اقتباس:

المشاركة الأصلية كتبت بواسطة فهد الظهران (المشاركة 6635164)

اجل درسني:biggrin:
ان شاءالله اخذها دام حاسب وهيك شغلات:biggrin:

جنون الحياه

2012- 5- 24 03:10 AM

اقتباس:

المشاركة الأصلية كتبت بواسطة gnoony (المشاركة 6635086)

صح تقنيه معلومات حفظ ولافهم:mh12:

عندها عقده

:hahahahahah: :hahahahahah: مثلي بالضبط,,عقده من الحفظ,,

بس مآ عليك هي حفظ بس انتي حاولي تفهمينهآ وبتكون سهله,,والاختبار كان حلووو,,

كلهآ عن الحاسب اول المحاضرات بعدين اخرهآ عن برنامج الوورد والاكسل عملي يعني كيف تفتحين صفحه وكيف النسخ وكيف تسوين حفظ ,,,,,,الخ :biggrin:

gnoony

2012- 5- 24 03:12 AM

اقتباس:

المشاركة الأصلية كتبت بواسطة جنون الحياه (المشاركة 6635176)

يالله حيها رفيقتنا الدائمه ومنقذتنا:004::004:
لبى العرب:004::004:
جدولك فيه احصاء صح:icon9:

صعب الاحصاء

gnoony

2012- 5- 24 03:13 AM

اقتباس:

المشاركة الأصلية كتبت بواسطة بعيد النظرهـ (المشاركة 6635179)

بعيد اسدح جدولك الي بمخيكك بشوف تفكيرك:biggrin:

فهد الظهران

2012- 5- 24 03:15 AM

اقتباس:

المشاركة الأصلية كتبت بواسطة بعيد النظرهـ (المشاركة 6635179)

حياااك يابعدي شي طبيعي التوتر والتردد في بداية الامر يومين بالكثير بتضبط احلا جدول
انا جلست يومين اشيل وحط وبالاخير استقريت على جدولي اللي كتبته في الموضوع
بس كان اكبر خطا عندي يوم ورى يوم

وفي الخدمة ياحبيبي

اقتباس:

المشاركة الأصلية كتبت بواسطة لمــى (المشاركة 6635197)

شسمه الجدول ولا عشان تبين شي جاهز ومجهز :biggrin: << يعني ماعمرك سويتها

اقتباس:

المشاركة الأصلية كتبت بواسطة gnoony (المشاركة 6635199)

اجل درسني:biggrin:
ان شاءالله اخذها دام حاسب وهيك شغلات:biggrin:

خلاص بس بجيب معي محرم:hahahahahah:
انتي تاكدي من اللي درسوا المادة لاني قلت لك اخذت لفه سريعه ولا درست المادة
اخاف بكره تدعين علي :biggrin:

بعيد النظرهـ

2012- 5- 24 03:15 AM

اقتباس:

المشاركة الأصلية كتبت بواسطة جنون الحياه (المشاركة 6635176)

الله يحيك النور بوجودك

بنطفشكم اسئله الله يصبركم علينا

جنون تقدري تعطينا جدولك يمكن نستفيد
طبعا بيكون فيه تغير بيكون على حسب جدول الاختبارات بيكون
بس نبي فكره لو بسيطه عن جدولك وعلى وش اعتمدتي

جنون الحياه

2012- 5- 24 03:17 AM

اقتباس:

المشاركة الأصلية كتبت بواسطة gnoony (المشاركة 6635217)

يالله حيها رفيقتنا الدائمه ومنقذتنا:004::004:
لبى العرب:004::004:
جدولك فيه احصاء صح:icon9:

صعب الاحصاء

يحيك ربي ,,يسعدك ربي,,:004:

نو نو :icon120: أحصآء هذا حبيبتي مستوى ثالث,,,

ان شاء الله المستوى الجاي رح اخذه,,

ألحين تآخذين الاساسيه الي عندك لا تخبصين الدنيا بالجدول وتآخذين موآد كثيره من مستويات ثانيه,,

حاولي تآخذين موآد مستوى ثاني الاساسيه وترتبين باقي الموآد على حسب ايامهآ وترتيبهآ :biggrin:

atat	2012- 5- 24 03:18 AM

نصيحتي لك أن تبحث عن جامعة أخرى

gnoony

2012- 5- 24 03:18 AM

اوما ادعي عليك:hahahahahah:

لا خلاص باذن الله ناخذها دام قالت جنونه:004: حلوه وعملي هذا الي نبيه:biggrin:

gnoony

2012- 5- 24 03:20 AM

اقتباس:

المشاركة الأصلية كتبت بواسطة جنون الحياه (المشاركة 6635258)

مابي انقلش:icon9::icon9:
باخذ بداله شي ثاني مثل مهارات بحث وتفكير

gnoony

2012- 5- 24 03:21 AM

اقتباس:

المشاركة الأصلية كتبت بواسطة atat (المشاركة 6635269)

نصيحتي لك أن تبحث عن جامعة أخرى

بيضيع العمر واحنا نبحث:icon9:

غشمر	2012- 5- 24 03:21 AM

يعنني خبره بالمستوى الثاني
أشوى انكم كلكم جايبين العيد:biggrin:

فهد الظهران

2012- 5- 24 03:23 AM

الاحصاء انا اللي اخذته :biggrin:
يدرسك عميد الجامعة بكره يعني بتنجح مافي امل اسئلة من الراس الكبير :hahahahahah:

يالله استاذنكم وان شاء الله الاخوان ماراح يقصرون معكم

صلاة ونوم
وبكره مسافر دعواتكم

سلاااام:rose:

All times are GMT +3. الوقت الآن حسب توقيت السعودية: 10:32 AM.

صفحة 1 من 14

الأخيرة »

عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه