ملتقى طلاب وطالبات جامعة الملك فيصل,جامعة الدمام - السنة التحضيــرية هنآ آلإستفسآر عن دكآترة السنه آلتحضيريه~

صفحة 1 من 5

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- منتدى كلية الآداب بالدمام (https://vb.ckfu.org/forumdisplay.php?f=63)

- - [ السنة التحضيــرية ] : هنآ آلإستفسآر عن دكآترة السنه آلتحضيريه~ (https://vb.ckfu.org/showthread.php?t=353210)

P!nk~❥

2012- 7- 29 03:45 PM

هنآ آلإستفسآر عن دكآترة السنه آلتحضيريه~

السلآم عليكم ورحمة آلله ,

الموضوع مخصص لطرح آستفسآر عن دكآترة السنه التحضيريهـ

قبل طرح السؤآل , آبحثي في [ قوقل الملتقى ] لآختصآر الوقت

فـ لربمآ كآن الآستفسآر متكرر . .

http://www.ckfu.org/pic4u/uploads/ckfu13368388211.png

بالتوفيق . .:rose:

معاني ورد

2012- 7- 30 02:31 AM

رد: هنآ آلإستفسآر عن دكآترة السنه آلتحضيريه~

بينك :53:

ليش ماتثبتوا كل مواضيع الإستفسارات لأنها مرات تجي بالصفحة الثانية أو الثالثة ومايشوفوها ويروح يحطوا 10 مواضيع عن نفس الإسم :sm5:

اممون

2012- 7- 30 03:05 AM

رد: هنآ آلإستفسآر عن دكآترة السنه آلتحضيريه~

موضوع جاء بوقته فديت اللي فتح هالموضوع

للسنه التحضيريه اسالو واحنا نجاوووب :cheese:

لون إرجوآني..!

2012- 7- 30 03:54 AM

رد: هنآ آلإستفسآر عن دكآترة السنه آلتحضيريه~

:lllolll:
نبي نعرف كل ماده ايش اسمها ..
وأييش احسن دكآتره بهم ..!:biggrin:

c!nema

2012- 7- 30 04:09 AM

رد: هنآ آلإستفسآر عن دكآترة السنه آلتحضيريه~

-

مبروك يااسنه تحضيريه :biggrin:

بتدرسون 9 مواد الترم الاول و 9 مواد الترم الثاني ..

نحو تطبيقي 1
ثقافه اسلاميه <- يارب تدرسكم شهرات فيصل تهبل :004: :004:
فقه السيره <- درستني دكتوره انعام الدليجان روووعه :004:
انجليزي عام <- يارب تدرسكم دكتوره يسرى ياسين :004:
مبادئ اداره <- درسني عماد عبد الحليم اااخخخخ بس :biggrin:
صحه ولياقه <- دكتوره ايات الشررع تهبل سوريه هي بس شسمه كيوت وهادئه :biggrin:
علم اجتماع <- دكتوره ايمان اتوقع اسمها مصريه هي بس روعه الروعه :004::sm5:

في بعد مادتين بس انا مخي قفل صار لي سنتين :biggrin:

لون إرجوآني..!

2012- 7- 30 05:33 AM

رد: هنآ آلإستفسآر عن دكآترة السنه آلتحضيريه~

c!nema
ي لبى قليبتس آنتي ..
مسآعدتني كتيير :biggrin:

تيب احنا نحدد الدكآتره ولآ كمان همآ يختآروهم لنآ مثل الجدآول !!:cool:

ديم السحاب

2012- 7- 30 05:54 AM

رد: هنآ آلإستفسآر عن دكآترة السنه آلتحضيريه~

-

عندكم موآد مثل :
آحصاء <- حومةة تسبد
وقراءة ومحادثه <- احسن واسخف مآده :icon120:
وتلاوة وتجويد حليوة هالماده :004::004:
علم آجتماع ايمان الشومان وانتي مغمظه :icon120::icon120::icon120::icon120::icon120::004: :004::004:
مهارات تعلم والتفكير :tongue:
وفيه مادتين عن الحاسب الترم الاول نظري والثاني عملي سهله جدن :icon120::004:

والله يوفق الجميع :rose:

لون إرجوآني..!

2012- 7- 30 07:05 AM

رد: هنآ آلإستفسآر عن دكآترة السنه آلتحضيريه~

ثآنكيو كتيير .. ديموو

تيب غناتيآ ديم .. هل اني يلي اختار إيمان ولآ هم يحطونهآ لي ؟!:Looking_anim:

بسووو

2012- 7- 30 07:27 AM

رد: هنآ آلإستفسآر عن دكآترة السنه آلتحضيريه~

شوفي اذ تبين تجيبن في المود ممتاز انا اقول لكم ايش تسوووون
علم اجتماع
مني محروووووس تحدد والي تحدده يجي كله وايمان يمدحوها
ثقافه
سجلي عند دكتوره اسماء الحسون وربي تجنن وتسااااااعد وطيبه حيل
وش بعد يااااااربي
اممممممممم
وحاااااسب
عند عذاري ونتي مغمضه
والنحو وماااااااااادراك مالنحو
ونتي مغمضه نرجس عجمه او سهي الشلووووي
والتذوق الادبي عند هيفاء الحسين
والنجويد ععععاااااااااااااد احلي ماده صراحه اكثرهم رهيبين زي مني الخالدي وامينه ومها السبيعي ومني العيناء
والاداره
عند نجلاء الغامدي
والمهارات
نعنمه عبد السلام مره طيبه وتساااااااعد
والقراء والمحادثه
اصلا ماااادده سخيفه وتاقه حقت بزارين يعني سجلي عند اي وحده واذ فيه سهيه الشلوي احسن شي فديتها بس
وماده الانقلش اهم شي سجلي عند وحده سعوديه لا يكون تسجلين عند الهنود يصير انقلش علي هندي
والصحه والياقه
ايات الشرع
وش بعد يارررررربي
اممممممممممممم
والاحصاء
ماده صعبه والي يدرسونها سودانيات ودي افيدك بس انا حامله الماده
واممممم وش بعد
شوفي بنات تحضيري طبعا اول الترم تجين ع جدولك جاهز ولابعد يسوووون لك يوم اف يحليلهم والترم الثاني انتو تسوووون
والله يوفكم ايه صح لا زم تجيبون معدل مره عاااااااااااااااااااالي عشان تتخصصون
اتمني انكم استفتو شي:10111::10111::10111::10111::10111::10111::10111 ::10111:

اممون

2012- 7- 30 09:36 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة لون إرجوآني..! (المشاركة 6956610)

:icon120: للاسف هم يختارون لكم الجداول

طبعا هالكلام في السمستر الاول

اما الثاني انتو تسجلون موادكم :(269):

موفقين :106:

senyorita

2012- 7- 30 10:24 AM

رد: هنآ آلإستفسآر عن دكآترة السنه آلتحضيريه~

احصاء << عليه عثمان ماتتنازل و ممكن ترسب ، رسبتني مرتين.

علم اجتماع << شيخه الشريف ركزززي معها تبيك تهذرين تحب الهذره الواجد و ما يعجبها المختصر ، ودقيقه بس تعطيك حقك راعية ذمه .

صحه ولياقه <<آيات الشرع نامي بالمحاضره و ألعبي و بالنهايه تنجحين هع

نحو تطبيقي 1 << شسمها نسيت نوال الحسين يااااكرهي تجيب النوووووووووم رسبت عندها ، تفتح لك الكتاب ع البروجكتر و تتكلم متواااصل لمدة ساعتين و اللمبات مطفيه ولا وبالنهايه رسبتني .

انجلش عام << ثيرو مالا ياااااااااالبى تفهم و تخليك تحبين الأنقلش مع انها هنديه بس تفهمك وتخليك تحبين اللغه .
اما الثانيه فازنثي هنديه بعد لاااا هاذي احيانا طيبه احيانا نفسها خايسه و رسبتني .

بس هاذا اللي اتذكر و بالتوفييييق :004:

مآوفيتكـ

2012- 7- 30 10:51 AM

رد: هنآ آلإستفسآر عن دكآترة السنه آلتحضيريه~

حلو موضوع راح يستفيدون منه المستجدات و مبروك قبولكم :icon120:

طبعاً آلتحضيري مررره حلوو بس لازم تشدين حيلك من البدايه عشان ترتاحين طول السنين

أول ترم لازم تجيبين معدل كويس
لان كل مراحل الجامعه راح يعتمد على أول مستوى لك :004:

يعني 4 وفوق تصير أمورك بالتمام :icon120:

ومافيه شي صعب اهم شي تركزين وتعرفين اسلوب الدكتور أو آلدكتورهـ

وتسألين عن الماده وكيفية صياغة الاختبارات سواء كانت الميد تيرم أو الفاينل

عشان تعرفين كيف تذاكرين :biggrin:

المهم

أول سمستر تاخذين 9 مواد

طبعا يجيك الجدول جآآهز

فيه نحو تطبيقي 1
ماده حلوه بس انا م احب النحو بس الحمدالله مشيت فيها ونجحت
واخذتها عند عبير النجار مره متعاونه وتساعد البنات وتعطيك درجات على طول :004:

ولازم تنجحين فيها عشان الترم الثاني فيه نحو تطبيقي 2

آنقلش عام :
نفس حق الثانوي و حلوو مره واخذتها عند حمده العبدالله وهـ تجنن هالاستاذه الله يوفقها :icon120:

صحه ولياقه:

هذي ما اعتبرها ماده .. مررره سهله وكأني في محاضرة عن التغذيه :Looking_anim:
يعنيي عموما اي دكتوره راح تسلكين معها
والاختبارات كلها اليه مايجي شي تكتبينه في هالماده الا اسمك بس :cheese:

( اليه : يعني اختياري :icon120:)

مهارات التعلم والتفكير :

محاضره ممتعه جداً مع دكتوره نعمه عبدالسلام :004: الله يوفقها

تحرير عربي:

مثل الاملاء واخذتها عند ............:Looking_anim:
نسيت الاسم بس وحده اردنيه وحليوه ماعليها :biggrin:
الماده حلوه مب صعبه

مدخل الى تقنية المعلومات

مادة حاسب حلوه
بس انا ما احب مواد الحاسب النظري احب الشي العملي :cheese:
ودرستني وحده سودانيه مي تميم تضحك والمحاضره خفيفه
بس شاركي كم مره و راح تضمنين الدرجات :019:

فقه السيره :

هالماده حلوه بس متعبه شوي وطويله

اخذتها عند فتحيه القحطاني .... في وقت الاختبارات تطولييييين وانتي تذاكرينها:Looking_anim:

فـ نصيحه ابدي فيها من قبل هي مثل القصه اقري المحدد .. وتضمنين النجاح:004:

الثقافه الاسلاميه

كنت عند دكتور اسمه جمال نور الدين مررره خطير :icon120:

و المحاضره خفيفه و هو خفيف دم :cheese:

مبادىء الاداره :

كنت عند نجلاء الغامدي يآزينهآ تجنن الله يوفقها :004::004:

المآآده حلووووه كثير وممتعه ونذاكر من عرض بوربوينت هي ترسله لنا ونطبعه

يعني مره تسهل على الطالبات

عموماً هذي مواد أول سمستر

و احلى شي كل الاختبارات موحده يعني لاتشيلين هم اذا دكتورتك تقول بجيب اسئله صعبه

راح يكون الاختبار سهل لان معها لجنة التحضيري كلهم يحطون الاسئله :cheese:

المهم انا طولت برجع بعدين اكمل الترم الثاني والمواد :biggrin:

Nahed |

2012- 7- 30 11:00 AM

رد: هنآ آلإستفسآر عن دكآترة السنه آلتحضيريه~

علم إجتماع " شيخه وَلا غير أبد الماده دسمه وَ معاها تصير سهله :004::004::004:
وَ نصيحه مني لا أحد يسجل علم إجتماع عند دكتوره موزه والله تعب والله :icon9::icon9::icon9::icon9:

تلاوه وَ تجويد درستني منى الخالدي تهبل تهبل تهبل :004::004::004:

قراءه وَ محادثه أستاذه مريم الحسين شي جمييل مرره :004::004::004:

صحه وَ لياقه دكتوره أيات الشرع تشرح مع نفسها محد يسمعهاَ مسكينه :icon9: وَ مرات تحضر وَ تقول اللي يبغى يطلع هو حر :wink:

نحو درستو عند دكتوره ناسيه أسمها يارب شلوىَ مدري شليوه نسيت بس كذا اسم صعب تهبل تهبل تهبل يارب انها تهبل :004::004::004::004:

حاسب عذاري الراجحي إنسانه جميله مررررررررره :004::004: درستني برامج الحاسب المكتبيه بالسمتسر الثاني السمستر الأول كنت عند دكتوره أردنيه وَ أساسا كانت ماده نظريه مَ تفرق عند مين تدرسي أحفظي وَ تعالي :cool:

فقه السيره كنت عند دكتوره سعاد الذكير بطله مرره :(204): بس تحب الجد وَ الإجتهاد يارب تكون موجوده لإنها راحت فجأه :icon9:

نحو 2 يمدحون نرجس عجميه مرره بس أنا درست عند ساره الفايز مَ آفهم عليها مره وَ شديده كثير .. :mad:

أنجليزي الماده العامه درستو عند بتول بخاري يالله كم هيَ جميييله هي أجنبه باكستانيه تهبل شرحها ممتاز مو كلو بالأنجليزي تشرح شوي عربي عشان تفهمك خصوصا أنكم تحضيري وَ تجنن غصب تفهمي الماده يمكن عشان أنا شاطره بالأنجليزي مدري صراحه بس تهبببببببببببببل :004::004::004::004::004:

مدري مين كمان ناسيه بس أنا شرحت دكاتره لسمستر الأول وَ الثاني معاً :icon120:
إذا في خاطركم شي أسألو :10111:

Nahed |

2012- 7- 30 11:03 AM

رد: هنآ آلإستفسآر عن دكآترة السنه آلتحضيريه~

بالنسبه لمبادئ الأداره ماراح تلاقو أستاذه نجلاء الغامدي :bawling::bawling:
الإنسانه اللي تهبل والله يسعدها وَ يوفقها يارب وَ يخليها لعيالها وَ زوجها يارب العالمين :icon9::icon9::icon9:
أخر دفعه درستها دفعتنا أنتو الله يعينكم يارب تجيكم وحده زيها :icon9::icon9::icon9:

نبضات هادئه

2012- 7- 30 08:28 PM

رد: هنآ آلإستفسآر عن دكآترة السنه آلتحضيريه~

شنو رايكم في دكتور احمد حسن نحو2

مها السويح

2012- 7- 30 08:56 PM

رد: هنآ آلإستفسآر عن دكآترة السنه آلتحضيريه~

بسوو الله يرضى عليك غيري الخط عميتي عيوني ..:Cry111:

rosy+

2012- 7- 30 11:08 PM

رد: هنآ آلإستفسآر عن دكآترة السنه آلتحضيريه~

من قالكم ان مواد السنة التحضيرية 9 .؟

انا الي اعرفه انها ست مواد بكل ترم

[ انبلاج ! ]

2012- 7- 31 12:07 AM

رد: هنآ آلإستفسآر عن دكآترة السنه آلتحضيريه~

الله يعينكم و ييسر اموركم ()
انا طالبة دراسات و في خدمتكم ^^
اي بنت تبي تسأل عن اي دكتوره او دكتور بهالقسم حياها ()

و المواد التحضيري الفصل الأول 9 و الثاني 10 ..
من وين جبتوا 6 الله يصلحكم ذذ

الماسه..

2012- 7- 31 12:25 AM

رد: هنآ آلإستفسآر عن دكآترة السنه آلتحضيريه~

احححم :biggrin:

بسسم الله ابدأ ..

انجليزي : ثيرومالا :004: هنديه بس طيبه جدا وتحرص انها ماترسب احد بس اهم شي نطي لها كل شوي ب سؤال وهزي راسك ب الحصه على انك فاهمه وهي راح تستانس علييك :biggrin: :004:

النحو التطبيقي : احمد حسسن صحيح سوداني بس ينجح :004:

علم الأجتماع : ابعدو عن شيخهه الشريف :biggrin:

فقه السيره : عمر مكحل اسئلته صعبه احسه يجيب من وسسط الكتاب بسس مدري كلن وشطاارته :004:

مهارات التعلم والتفكير : نعمه عبد السلام تعشق الواجبات والسوالف بس عن نفسي ماحبيتها :biggrin:

وهذا الي اتذكرهم :rose::rose:

مزيونه

2012- 7- 31 12:26 AM

رد: هنآ آلإستفسآر عن دكآترة السنه آلتحضيريه~

انتوا من السنوات القديمه

انا توني مخلصه تحضيري الترم الاول و الترم الثاني 9 مواد خذيت

يعني 18

rosy+

2012- 7- 31 12:36 AM

رد: هنآ آلإستفسآر عن دكآترة السنه آلتحضيريه~

اوووف كثير طيب الناس كيف تذاكر
الله يعين :icon9:
ينفع احذف كم مادة واخذ ترم صيفي .؟

[ انبلاج ! ]

2012- 7- 31 12:38 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة الماسه.. (المشاركة 6962138)

احححم :biggrin:

فقه السيره : عمر مكحل اسئلته صعبه احسه يجيب من وسسط الكتاب بسس مدري كلن وشطاارته :004:

وهذا الي اتذكرهم :rose::rose:

يجيب المرض باختصار :"(
نصيحة لحد ياخذ عنده ><
الله يعينكم عليه و يعيننا عليه ><

[ انبلاج ! ]

2012- 7- 31 12:45 AM

رد: هنآ آلإستفسآر عن دكآترة السنه آلتحضيريه~

لا حبيبتي لا تحذفين شيء و شدي حيلك و الله تتوهقين بعدين !
صديقاتي الحين يتمنون انهم ماشين ع الخطة من اول يبون يتخرجون بس عندهم مواد كثيييييييير ><
شدي حيلك و ذاكري زين و بتمشين بإذن الله ()

rosy+

2012- 7- 31 12:48 AM

رد: هنآ آلإستفسآر عن دكآترة السنه آلتحضيريه~

وربي مابي اكتب هذي المشاركة عشان مااسبب لكم احباط
بس خفت لما قرأت 9 مواد :icon9::icon9::icon9:
بروح اسوي موضوع طريقتك في المذاكرة لمواد السنة التحضيرية :biggrin:

لولوة الحلوة

2012- 7- 31 12:58 AM

رد: هنآ آلإستفسآر عن دكآترة السنه آلتحضيريه~

ما عليككككم بنـــــــــات اسنه اتحضيرية مش صعبة نفر افر بس انتم ذاكرووا من البدايه وكل شئ بيمشي زي ما تبوون واحسسن كمااان :004:

[ انبلاج ! ]

2012- 7- 31 12:58 AM

رد: هنآ آلإستفسآر عن دكآترة السنه آلتحضيريه~

ما يخوف حبيبتي :")
أنا الحين المستوى السابع وكل سمستر آخذ 9 مواد ^^
و الحمدلله معدلي مرتفع و لا قد حملت مادة و ماشية يارب لك الحمد ()
شدّي حيلك و بتجيبين نتيجة ^^

rosy+

2012- 7- 31 01:04 AM

رد: هنآ آلإستفسآر عن دكآترة السنه آلتحضيريه~

إن شاء الله بذاكر اول بأول :10111:
شكل مافيه سهر اول سنة ولا قعدات بالساعات على النت :060:

لولوة الحلوة

2012- 7- 31 01:07 AM

رد: هنآ آلإستفسآر عن دكآترة السنه آلتحضيريه~

ايووووون هييييك وإذا تبين مسااعدة شئ مافهمتييه نحن حاضرين نعين ونعاون

rosy+

2012- 7- 31 01:14 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة اممون (المشاركة 6957721)

متأكده ياقيمر لاتخليني ابتلش واعتمد على كلامك :(269):

rosy+

2012- 7- 31 01:16 AM

رد: هنآ آلإستفسآر عن دكآترة السنه آلتحضيريه~

لولوة الحلوة ، انبلاج!

بارك الله فيكم واشكركم كثيراً على الرد

:rose::rose:

c!nema

2012- 7- 31 04:41 AM

رد: هنآ آلإستفسآر عن دكآترة السنه آلتحضيريه~

-

اللي خايفه من المواد :biggrin:

ماااعليك تراها مو كلها صصعبه
عندك ماده صحه ولياقه لو تروحين مو مذاكره بتنجحين :biggrin:
بس اغلب دكاتره سنه تحضيريه يسساعدونكم كككثير مو كل المنهج معاكم واللي داخل معكم يحددونه بعد
لاتخافون انتوا بس شدو حيلكم واي واجبات او بحوث سووها بوقتها وشاركوا
وبتحصلون على الشيء اللي يسسركم ان شاءالله :004: :004:

الحلا ريما

2012- 8- 1 12:40 AM

رد: هنآ آلإستفسآر عن دكآترة السنه آلتحضيريه~

بنات فيدوني لو سمحتوا بمادة التذوق الادبي مين اخذ عنده هذي الماده الافضل ويساعد وسهل موب عسسسر :cheese:باسمة العيسى
منى العيسى
حنان مشعل
سلامة محمد علي
منى النصر
منال بسيوني
بلييييييييييييييييييز

مآوفيتكـ

2012- 8- 1 03:17 AM

رد: هنآ آلإستفسآر عن دكآترة السنه آلتحضيريه~

انا ماخذتها عند منال بسيوني

مصريه ومفهيه وتجيب النوم بس تمشيك وتنجحك :019:

الحلا ريما

2012- 8- 1 03:55 AM

رد: هنآ آلإستفسآر عن دكآترة السنه آلتحضيريه~

اخاف مفهيه ومن الفهاوه ترسبني :Cry111:
انا وحده تبي تخلص بسرعه من الكليه << من مايبي يخلص خخخخخخ:33_asmilies-com:

لولوة الحلوة

2012- 8- 1 04:06 AM

رد: هنآ آلإستفسآر عن دكآترة السنه آلتحضيريه~

مفهيه عااد حرام علييكم يعني مانصج تسجليين عندهااا شووفي لج وحدة ثاانيه :004:

لولوة الحلوة

2012- 8- 1 04:17 AM

رد: هنآ آلإستفسآر عن دكآترة السنه آلتحضيريه~

المادة ما فيها امتحان نهائي على ما اذكر بس امتحان شهري وبحث هي مثل ما قالت الاخت انها تنجح بس يعني انا احس انها ما تعطيج حقج يعني بالبحث هو من 80 على ما اذكر يني انتي لمن تقدمين بتكونين واقه قدامها وبتسألج عن البحث من العرض اللي انتي تسوينه يعني تسوين البحث ومع البحث عرض فا اقوولج صديقتي كانت شاارحه لهاا شرح وبنهاية مو مذكره درجتها بس تقريبا 60 يعني ما احسانها تعطي حقج وبعدين العرض والبحث هي تبيه مرتب وجميل وتبي البحث ما ادري كيييف يعني اشياء احسها معقده
من الاخر ما اصحج في منال بسيووني:004:

victory ..

2012- 8- 1 05:15 AM

رد: هنآ آلإستفسآر عن دكآترة السنه آلتحضيريه~

بنات انا درسني فالتحضيري مادة نحو جمال عوض
ممممممره يجنن اذكر كان يعطينا اسئلة كل نهاية محاضره
وبالاختبار يجيب نفسها بضبط حتى الامثله وكل شي
وصديقاتي يبون يدخلون نحو عنده
بس م عاد صار يدرس نحو :icon9:
هل عندكم فكرة عنه ي بنات قسم عربي ؟

الحلا ريما

2012- 8- 1 12:33 PM

رد: هنآ آلإستفسآر عن دكآترة السنه آلتحضيريه~

بنات يالله عطوني رايكم كافي تقفلت علي الشعب
انتظر ردكم عشان اسجل الماده بسسسسرعه الله يخليكم :Cry111:
بنات فيدوني لو سمحتوا بمادة التذوق الادبي مين اخذ عنده هذي الماده الافضل ويساعد وسهل موب عسسسر باسمة العيسى
منى العيسى
حنان مشعل
سلامة محمد علي
منى النصر
منال بسيوني
بلييييييييييييييييييز

Ďσα'α♔

2012- 8- 1 12:39 PM

رد: هنآ آلإستفسآر عن دكآترة السنه آلتحضيريه~

انا شفت البنات حيل يمدحون الدكتوره حنان مشعل:biggrin:

الحلا ريما

2012- 8- 1 01:42 PM

رد: هنآ آلإستفسآر عن دكآترة السنه آلتحضيريه~

يسسسعدك ربي تم التسجيل:):cheese::biggrin:

ranaQ

2012- 8- 8 05:44 PM

رد: هنآ آلإستفسآر عن دكآترة السنه آلتحضيريه~

شكرا للافاده لنا من الجميع :53:

معاني ورد

2012- 8- 8 07:50 PM

رد: هنآ آلإستفسآر عن دكآترة السنه آلتحضيريه~

بتلاحظوا فيه مواد لللترم الثاني منزلينها بالترم الأول والعكس
زي الإحصاء وعلم الإجتماع ..:(107):
أتوقع هذي على عدد معين من الطالبات بعدها يسكروه ويبدلون بالترم الثاني للي مادرسوها بالترم الأول
يعني اذا حابه مواد معينه تدرسيها بالترم الأول وتفتكي انتبهي لموعد التسجيل وسجلي بسرعة عشان ماتتسكر عليك الشعب :58545:

طبعا هذي المواد اللي مالها متطلبات :sm4:
بس اللي تكون متطلب لازم تدرسي متطلبها الأول ما تأجليه :sm4:

RoOoR

2012- 8- 9 03:08 AM

رد: هنآ آلإستفسآر عن دكآترة السنه آلتحضيريه~

بنااااات .. الحين نحن بنسوي الجداول
فبليز تكككلموا اكثر عن المدرسين

تفااؤل

2012- 8- 9 03:11 AM

رد: هنآ آلإستفسآر عن دكآترة السنه آلتحضيريه~

يعني الحيين يحطوا لنا الـــ18 ماده واحنا نختار اللي نبي ندرسسسهم بالترم الاول؟؟؟؟؟؟؟؟؟؟

RoOoR

2012- 8- 9 03:13 AM

رد: هنآ آلإستفسآر عن دكآترة السنه آلتحضيريه~

^^^
نفس السوال :(269):

ياليت احححد يفيدنا :icon9:

ALjrooo7

2012- 8- 9 03:14 AM

رد: هنآ آلإستفسآر عن دكآترة السنه آلتحضيريه~

بليييييييييييز بنات ابي اعرف افضل دكتووور/ه لمادة الاحصاء ..والتذوق الادبي..:cheese:

c!nema

2012- 8- 9 03:15 AM

رد: هنآ آلإستفسآر عن دكآترة السنه آلتحضيريه~

-

ابتعدو عن ساره الفايز عربي
عماد عبد الحليم مبادئ اداره او حاسب

عليكم بدكتور زياااد :biggrin: :004::004:
دكتوره ريم الملحم دين او انعام الدليجان :004:
دكتوره يسرى ياسين انجلش او منى الرواجح :004:
دكتوره ايمان شومان علم اجتماع :004: :004::004:

المشكله ان مخي فاصل ناسيه دكاتره تحضيري :biggrin:
بس هذول اللي جو في بالي :sm5: :004:

ALjrooo7

2012- 8- 9 03:16 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة تفااؤل (المشاركة 7016297)

يعني الحيين يحطوا لنا الـــ18 ماده واحنا نختار اللي نبي ندرسسسهم بالترم الاول؟؟؟؟؟؟؟؟؟؟

اييييييوه السمستر الاول 9والثاني 9...وعااااد انتي رتبيهم على كيفك..:biggrin:

c!nema

2012- 8- 9 03:17 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة ALjrooo7 (المشاركة 7016322)

بليييييييييييز بنات ابي اعرف افضل دكتووور/ه لمادة الاحصاء ..والتذوق الادبي..:cheese:

احصااء دكتور اشرف حموده وانتي مغممممضه :sm5: :004:

تذوق ادبي دكتوره عبير :004::004: :sm5:

RoOoR

2012- 8- 9 03:21 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة c!nema (المشاركة 7016340)

مشكوووره حبيبتي ماقصصصرررتي
يارب تجيبين معدل 5 .. امين :cheese::004:

بانتظار البقيه :biggrin:

Ďσα'α♔

2012- 8- 9 03:25 AM

رد: هنآ آلإستفسآر عن دكآترة السنه آلتحضيريه~

السلآم عليكم

بنات انتم خذو مواد السمستر الاول هم 8 موآد هذه هم
http://im29.gulfup.com/2012-08-09/1344471644491.png

قد ماتقدرون درسو الموآد كلها لكل سمستر وحاولو ماتحملون ولا مآدةة

بنصحكم بكم دكتور ودكتوره

النحو التطبيقي الدكتور محمد الزين او محمود ابو النجآ
التحرير عبير
الانجليزي العام حمدةة العبدلله
هذه اللي اذكرهم

Ďσα'α♔

2012- 8- 9 03:28 AM

رد: هنآ آلإستفسآر عن دكآترة السنه آلتحضيريه~

ع فكرة التحو التطبيقي ساعتين مو ساعةة شكلهم غلطانين:biggrin:

RoOoR

2012- 8- 9 03:28 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة عـذبة الـروح..! (المشاركة 7016466)

مشكوووره حبيبتي :106:
بانتظار البقيه :biggrin: << طمااعه ههههه

:rose: << امسكووو :biggrin:

ALjrooo7

2012- 8- 9 03:29 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة c!nema (المشاركة 7016360)

احصااء دكتور اشرف حموده وانتي مغممممضه :sm5: :004:

تذوق ادبي دكتوره عبير :004::004: :sm5:

مششششكورة خييتو ماا قصرتي ..:004::004:

RoOoR

2012- 8- 9 03:30 AM

رد: هنآ آلإستفسآر عن دكآترة السنه آلتحضيريه~

مافهمت سالفة الساعات :Looking_anim:
يعني ساعتين كل يوم ؟؟
ولا ساعتين بالاسبوع

ALjrooo7

2012- 8- 9 03:31 AM

رد: هنآ آلإستفسآر عن دكآترة السنه آلتحضيريه~

طيب اناا سسمعت انو لازم عدد معين من الساعات ..كمم لازم يكووون ؟!!:cheese:

روح قلبـي

2012- 8- 9 03:31 AM

رد: هنآ آلإستفسآر عن دكآترة السنه آلتحضيريه~

مبروك للمقبولات البنات م قصروا بس حبيت افيدكم يعني وربي يوفقكم

نحو تطبيقي 1 : رزان خداام مره تهب بس لو لقيتها بالنحو التطبيقي 2 ااااخ بس قهههر م درستني وربي تهبل تسسسهل عيك كل محاضره لها ورقه وتحلي معها بالنهايه تجمعيهم بملف وتاخذي 30 بالساهل
ثقافه اسلاميه <- عندك هيله وشهرات مره يجننوا
فقه السيره <- درستني معيده استاذه سميه مره طيوبه وسهله
انجليزي عام <- بدرية الشريف مره تجنن ي ختي ترد الروح تساعد وغصب عنك تفهممي لها
مبادئ اداره < نجلاء الغامدي وان شاء الله اولدت بالسلامه وسهل عليها وتدرسكم
صحه ولياقه <- احممم سوري يعني بس بخصوص اللي يقولوا نامي بذي الماده او شى وتنجحين مو صحيح مافي شى يجي بالساهل وكل دكتوره وراها مراجعه وراها يعني م رح تعطيك 60 درجه مجااان مستحيل ذيلي اللي يناموا ماعليك منهم ذيلي بالنهايه يصيروا دوافير ويركضوا ورى الاستاذه وصدق هالحكي لان مروا على بنات تسذا
علم اجتماع <- ايمان الشومان تجنن تأشر وتخطط وشرحها حلو وتساعد حيل اسألتها مره بايخه
تقنيه الحاسب :: البندري او مها القاضي مره حلوين ذيلي

دعواتكم :106::106:

victory ..

2012- 8- 9 03:32 AM

رد: هنآ آلإستفسآر عن دكآترة السنه آلتحضيريه~

الاغلب ساعتين لكل مادة
وعموما مواد السمستر الاول لتحضيري كل مادة ساعتين

Ďσα'α♔

2012- 8- 9 03:33 AM

رد: هنآ آلإستفسآر عن دكآترة السنه آلتحضيريه~

كل ماده في الاسبوع مره وحده وتكون ساعتين
عدا الانجليزي مرتين بالاسبوع
ترتبون جدولكم بالكثير 3 مواد باليوم
وتخلون لكم يوم واحد اوف
مثلا
السبت 3 محاضرات
الاحد محاضرتين
الاثنين محاضرتين
الثلاثاء محاضرتين
الاربعاء اوف

روح قلبـي

2012- 8- 9 03:33 AM

رد: هنآ آلإستفسآر عن دكآترة السنه آلتحضيريه~

كل ماده لها ساعتين بالاسبوع
وبعض المواد لها 4 ساعات مثل انجليزي قراءه يومين بالاسبوع وبكذا يصي 4 ساعات

روح قلبـي

2012- 8- 9 03:34 AM

رد: هنآ آلإستفسآر عن دكآترة السنه آلتحضيريه~

يصير **:060:

RoOoR

2012- 8- 9 03:39 AM

رد: هنآ آلإستفسآر عن دكآترة السنه آلتحضيريه~

من ججد بنات انا ماكنت فاهمة شى
بس معااكم حسيت اني فهمت سالفة الجداول والساعات

جد جد الله يجازكم خخخير
شوفوا كم وحده بتستفيد من كلامكم

اححححبكم :biggrin::004:

تفااؤل

2012- 8- 9 03:41 AM

رد: هنآ آلإستفسآر عن دكآترة السنه آلتحضيريه~

مممن جد ربي يعطييهم العاافيه

والله يكتبلكم الاجـــــــــــــــر

Ďσα'α♔

2012- 8- 9 03:51 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة ALjrooo7 (المشاركة 7016548)

طيب اناا سسمعت انو لازم عدد معين من الساعات ..كمم لازم يكووون ؟!!:cheese:

لاحبيبتي انتم تحضيري عادي
لان لسى مادرستو شي اما السمستر الثاني عدد الساعات تكون معينه
ع حسب المعدلات
مثل ماهو موضح بالجدول
http://im25.gulfup.com/2012-08-09/1344473721181.png

لكن انتم حاولو قد ماتقدرون تاخذون معدلكم 3 فووق
لان في السنوات الجايه يالله بيرتفع المعدل ببطئ ويعتبر معدل تحضيري هو الاساس

روح قلبـي

2012- 8- 9 04:00 AM

رد: هنآ آلإستفسآر عن دكآترة السنه آلتحضيريه~

حبتكم العافيه ولنا ولكم الاجر هم انتم من اسألتم استفادوا كثير من المشاهدين اللي م طرحوا الاسئله مثلكم
ودعوتكم مررره حلوووه ربي يحقق لكم اللي ببالكم ويوفقكم :004:

RoOoR

2012- 8- 9 04:02 AM

رد: هنآ آلإستفسآر عن دكآترة السنه آلتحضيريه~

^^^^

امممين الله يسمع منك :004:

وبانتظار البقيه :biggrin:

دلال السويدي

2012- 8- 9 06:42 AM

رد: هنآ آلإستفسآر عن دكآترة السنه آلتحضيريه~

سلام ياحلوين ابي اسالكم سنه تحضيري في الاداب تسجل موادها ولايعطونها الجدول جاهز
الله يسعدالي ترد:119:

تفااؤل

2012- 8- 9 06:43 AM

رد: هنآ آلإستفسآر عن دكآترة السنه آلتحضيريه~

لا تسسسجلها موادها بنفسسسها

Ďσα'α♔

2012- 8- 9 06:43 AM

رد: هنآ آلإستفسآر عن دكآترة السنه آلتحضيريه~

لآ حبيبتي انتِ تسجلين موآدك
وبيفتح التسجيل تاريخ 7 شوآل

دلال السويدي

2012- 8- 9 06:47 AM

رد: هنآ آلإستفسآر عن دكآترة السنه آلتحضيريه~

طيب شلون اسجل جدول تحضيري

Ďσα'α♔

2012- 8- 9 06:49 AM

رد: هنآ آلإستفسآر عن دكآترة السنه آلتحضيريه~

http://www.ckfu.org/vb/t352150.html

هينا الطريقةة

تفااؤل

2012- 8- 9 06:49 AM

رد: هنآ آلإستفسآر عن دكآترة السنه آلتحضيريه~

ابيكم تسسساعدوني وترششحون لي افضل المدرسسسين للمواد..

رتبتها تقريبا ع حسسب اختيار البنات لافضل دكاترة درسسسوهم.....

علم الاجتماع
ايمان الشومان

مبادئ الادارة
نجلاء الغامدي

نحو تطبيقي 1
رزان الخدام

تذوق ادبي
حنان مششعل

انجليزي عام
حمده العبدالله

مهارات التعلم
نعمه عبدالسلام

حاسسب
مها القاضي

فقه السيرة
سميه

ثقافه اسلاميه
هيله

الاحصاء
اششرف حموده

صحه ولياقه
ايات الشرع

تلاوة وتجويد
مها السبيعي

قراءة ومحادثه
مريم الحسسين

تحرير عربي
عبير

مدخل الى تقنيه المعلومات
مي تميم

واذا في ماده نسسسيتها اكتبوها ...

بلييز كذا تمام ولا بحسسب خبرتكم فيهم:106:

انتظرككككم:biggrin::004::biggrin:

Ďσα'α♔

2012- 8- 9 06:50 AM

رد: هنآ آلإستفسآر عن دكآترة السنه آلتحضيريه~

اية وبقولك ترى بعد حنان مشعل مررررررررره مدحوهآ:biggrin:

تفااؤل

2012- 8- 9 06:50 AM

رد: هنآ آلإستفسآر عن دكآترة السنه آلتحضيريه~

حذفوا موضوعي :Cry111:

المممشكله لاحطيتيه هنا بضيع من كثر اسسئله البنات :biggrin:

b12	2012- 8- 9 06:57 AM

رد: هنآ آلإستفسآر عن دكآترة السنه آلتحضيريه~

يخربط :icon9:
ينفع اسوي مثل جدولهم اللي كالعاده وبس ؟ :icon9:

جد جنيت

2012- 8- 9 07:07 AM

رد: هنآ آلإستفسآر عن دكآترة السنه آلتحضيريه~

http://www.youtube.com/watch?v=Zgx-J...feature=relmfu

http://www.youtube.com/watch?v=sujNK...eature=related

http://www.youtube.com/watch?v=q11C7...feature=relmfu

http://www.youtube.com/watch?v=3IPXX...feature=relmfu

كل ما يخص التسجيل وحل لمشكلات التسجيل ..

P!nk~❥

2012- 8- 9 07:09 AM

رد: هنآ آلإستفسآر عن دكآترة السنه آلتحضيريه~

علم الاجتماع ايمان الشومان >> آنآ مآ جربتهآ بس كثير يمدحونهآ

مبادئ الادارة نجلاء الغامدي <<رووووووووووووووووعهه

نحو تطبيقي 1 رزان الخدام>> م آعرفهآ آنآ درست عند عبير النجآر رووووووووعه

تذوق ادبي حنان مششعل << م آعرفهآ ,
انجليزي عام حمده العبدالله >> رووووووعه ومرررررررره طيوبه

مهارات التعلم نعمه عبدالسلام<<:(204):

حاسسب مها القاضي >> م آعرفهآ

فقه السيرة سميه << م آعرفهآ

ثقافه اسلاميه هيله >> م آعرفهآ

الاحصاء اششرف حموده << كثييييييييييير يمدحونهه

صحه ولياقه ايات الشرع >>م آعرفهآ

تلاوة وتجويدمها السبيعي << م آعرفهآ

قراءة ومحادثه مريم الحسسين >> م آعرفهآ
تحرير عربي عبير<< آذآ كآنت عبير النجآر فهي رووووعهه

مدخل الى تقنيه المعلومات مي تميم >> آتوقع سودآنيهه :(177):

جد جنيت

2012- 8- 9 07:14 AM

رد: هنآ آلإستفسآر عن دكآترة السنه آلتحضيريه~

هيله روووووووووووووووووووعه اخذت عندها تلاوة وتجويد ..

جد جنيت

2012- 8- 9 07:19 AM

رد: هنآ آلإستفسآر عن دكآترة السنه آلتحضيريه~

http://www.youtube.com/watch?v=twVj8...feature=relmfu

وهنا طريقة تحديث البيانات ..

Drop honey

2012- 8- 9 07:28 AM

رد: هنآ آلإستفسآر عن دكآترة السنه آلتحضيريه~

بالعكس مي تميم اكثر من الروعه
تجمعي درجات على كيفك :(284):
شاركي وقولي عطيني درجة وتحطها قدامك درجتين 3 او اربع كل محاضرة
تدخلي النهائي وانت اصلا ناجحة يعني جبتي 60 :sm5:
تراها رووووعه وطيوبه وشرحها كويس كثييييير :004:
بس اهم شيء حسسيها انك مهتمه ولا تسولفي بالمحاضرة
وشاركي ولا تغيبي عن المحاضرات
وسلمي واجباتك اول بأول وشوفي :sm5:

b12	2012- 8- 9 08:08 AM

رد: هنآ آلإستفسآر عن دكآترة السنه آلتحضيريه~

مهارات التعلم والتفكير
تذوق ادبي

> ابي الاحسن اللي يدرسون هالمادتين :004:

Khadija Salman

2012- 8- 9 09:59 AM

رد: هنآ آلإستفسآر عن دكآترة السنه آلتحضيريه~

وش رايكم بدكتورة ليلى الحسن لمادة انجليزي كتابة <<من الأحسن لهالمادة :139:

تفااؤل

2012- 8- 9 10:40 AM

رد: هنآ آلإستفسآر عن دكآترة السنه آلتحضيريه~

بنات اذا اخترت جدولي ورتبته

كيف اعرف السساعه كم المحاضرة تبتدي وبكون مممن اختياري ولا....

c!nema

2012- 8- 9 05:15 PM

رد: هنآ آلإستفسآر عن دكآترة السنه آلتحضيريه~

-

بنات .. ماده الحاسب ..

عندكم تهاني الراجحي - مها القاضي - عذاري الراجحي - البندري العامر
اخذووهم وانتوا مغمضين والله قمه بالرووعه :004::004:

سرادق

2012- 8- 9 05:17 PM

رد: هنآ آلإستفسآر عن دكآترة السنه آلتحضيريه~

بنات بسالكم المواد نزلت ولا كيف طلعتوها
ساعدوني
ولا ترتبون فى ورقه بس
:Cry111:

c!nema

2012- 8- 9 05:19 PM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة تفااؤل (المشاركة 7019600)

بنات اذا اخترت جدولي ورتبته

كيف اعرف السساعه كم المحاضرة تبتدي وبكون مممن اختياري ولا....

انتي بترتبين جدولك على اساس محاضراتك متى تبدا ومتى تنتهي

-

امسكي ورقه وقلم وخططي جدول :biggrin:

واكتبي يوم السبت من الساعه 8 الى 9,40 واختاري الماده اللي تناسبك
يوم السبت من 10 الى 11,40 واختاري الماده اللي تناسبك
يوم الاحد الساعه كذا واختاري الماده
ومثلا يوم الاربعاء تبين اووفك .. لاتختارين فيه مواد :biggrin::004:

انتي بتلقين المواد كل ماده مرتبه بجدول كل جدول فيه شعب مفتوحه بعدد ساعات معينه
اختاري اللي تناسبك من وقت و دكتوره ...

ولازم يكون جنبك ورقه وقلم عشان ماتتلخبطين ويصير عندك تعااارض ..

[ تعارض يعني مادتين بوقت واحد ] :biggrin:

على العموم حتى لو غلطتي السستم بيهبل فيك مابيرضى يدخل ماده متعارضه :biggrin:

c!nema

2012- 8- 9 05:25 PM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة Khadija Salman (المشاركة 7019538)

وش رايكم بدكتورة ليلى الحسن لمادة انجليزي كتابة <<من الأحسن لهالمادة :139:

سمعت عنها حلوا

بس اذا تبين نصيحتي اختاري دكتوره يسرى ياسين
بصراحه حبيت المااده وعشقتها منها :biggrin: :004:

RoOoR

2012- 8- 9 05:26 PM

رد: هنآ آلإستفسآر عن دكآترة السنه آلتحضيريه~

كملووووو بليز
نبي معلووومات اكككككثر :biggrin:

RoOoR

2012- 8- 9 08:43 PM

رد: هنآ آلإستفسآر عن دكآترة السنه آلتحضيريه~

ووورفع :(269):

Ďσα'α♔

2012- 8- 9 08:47 PM

رد: هنآ آلإستفسآر عن دكآترة السنه آلتحضيريه~

RoOoR

وش المعلومات اللي تبون تعرفونهآ
عشان البنات يقولون لك
:biggrin:

RoOoR

2012- 8- 9 08:49 PM

رد: هنآ آلإستفسآر عن دكآترة السنه آلتحضيريه~

هههههه ابي اعرف عن الدكاتره اككككثر
عشان ابدا اكتب اساميهم
ابي احسن الدكاتره ابي ناس ماتطلعين من حصتهم
الا وانت صصصامه الكتاااب هههههههههه

البنات ماقصروا .. لكن انا طممماعه ابي تتكلمون اكثر :biggrin:

Ďσα'α♔

2012- 8- 9 08:54 PM

رد: هنآ آلإستفسآر عن دكآترة السنه آلتحضيريه~

ههههههههههههه فديتك
يمكن الدكاتره اللي نقولك اسمآئهم مو موجودين من ظمن الدكاترة
الموجودين بالنظآم يعني يوم التسجيل شوفي اسماء الدكاتره وقولي هم للبنات
وهم بيفيدونك من الافضل بينهم :106:

RoOoR

2012- 8- 9 08:56 PM

رد: هنآ آلإستفسآر عن دكآترة السنه آلتحضيريه~

اهااااا :biggrin: :004:

جامعة الاداب

2012- 8- 9 10:35 PM

رد: هنآ آلإستفسآر عن دكآترة السنه آلتحضيريه~

الف الف مبروك للمقبولات وشدوا حيلكم عشان المعدل
المواد والدكاتره الحلوين
تلاوه وتجويد الماده حلوه وسهله وفرصه انك اتجيبين فيها a عشان المعدل وغير كذا انك كل المحاضره راح اتسمعي سوره من جزء 29 ونهاية السمستر راح اتسمعينينهم كلهم بالقرعه اخذتها عند سميه الاسويدان
تذوق ادبي الماده سهله نوعا ما وشدوا حيلكم بالبحث لانها مافي اختبار نهائي اخذتها عند منال البسيوني
قراءه ومحادثه عند رزان خدام مالها داعي وتافهه
حاسب تافهه وحلوه الماده
هذولا المواد اللي مالهم اختبار نهائيي وفرصتك انك اتجبين فيهم درجات عاليه وتاخذي تقدير a-b كذا معدلك راح يوصل ل4او 5
اما المواد اللي راح اتعبك اشوي ولازم اتجيبي فيهم على الاقل c لانd او d+راح اتنزل معدلك وبكذا ماراح تتخصصين التخصص اللي بينه
الاحصاء مو مره صعب بس يبيله تركيز مذاكره اول باول
علم اجتماع الماده دسمه وكلها حفظ في حفظ بس خذيها عند ايمان الشومان وراح تضمنين الاختبار
نحو تطبيقي 2 دسم وحفظ اخذته عند محمود عكاشه
وانجليزي قراءه وكتابه انا مادرستهم عشان كذا ماراح اتكلم فيهم ولا اعرف دكاترها
هذولا المواد حقون السمستر الثاني بس بعض الشعب كانوا ياخذون الاحصاء واتذوق وعلم اجتماع السمستر الاول عشان كذا بديت فيهم بس مادام انكم راح اتسوون جدولكم بنفسكم ما اعرف ايشلون راح تاخذون المواد
المواد السمستر الاول اتذكر المواد بس الدكاتره ما اذكرهم والبنات ماقصروا افادوا بمافيه الكفايه عن مواد السمستر الاول وبالتوفيق لكم

معاني ورد

2012- 8- 10 04:14 AM

رد: هنآ آلإستفسآر عن دكآترة السنه آلتحضيريه~

قبل موعد التسجيل بيوم أو يومين ادخلوا على النظام واكتبوا أسماء الدكاتره هنا بهالموضوع عشان تستفيدوا لأنه مرات لو جمعتي المواد بدكتور واحد معين يمكن تتسكر شعبته ولا تقدري تسجلي عنده تضطري تشوفي بديل آخر

P!nk~❥

2012- 8- 10 05:10 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة khadija salman (المشاركة 7019538)

وش رايكم بدكتورة ليلى الحسن لمادة انجليزي كتابة <<من الأحسن لهالمادة :139:

آذآ فيهه حمده العبدالله آو منال الخضر خذي عندهم :(204)::004:

Ďσα'α♔

2012- 8- 10 05:12 AM

رد: هنآ آلإستفسآر عن دكآترة السنه آلتحضيريه~

حتى ليلى الحسن يمدحونهآ
يقولون سوريه واسألتهآ سهله وطيوبه

:biggrin:

جد جنيت

2012- 8- 10 05:20 AM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة جامعة الاداب (المشاركة 7022186)

يسلموا حبيبتي بس حبيت أصحح شي ..
مادة التدوق الأدبي الحين مش بس بحث ..
فيها أختبار نهائي بعد ..
الترم اللي راح نزلوا قرار والطالبات أختبروا نهائي ..
كانت بيوم الثلاثاء الاسبوع الاول من الاختبارات النهائيه ..

вαчaи.вeит.o

2012- 8- 10 09:52 AM

رد: هنآ آلإستفسآر عن دكآترة السنه آلتحضيريه~

أيوا التذوووق أختبارنا فييه كنا أول دفعه أختببار
الاحصاء أمل ياسين
النحو رنا الدوسري روووووووعه
علم الاجتتماع يمدحون المطيريه
مواد الدين خذي عند منيره الدوسري
انقلش حمده العبدالله كثثير يمدحونها بس الافضل خديحه الفضيلي أفضل وهذا كلام بنات خديجه مرا روووعه وهي بنت مو دكتوره
مبادئ الادراة بنات الغامدي مرا كويسين
صحه وأللياقه يمدحوون أيات الشرح
الحاسب لا تتحاتون كلهم حلوووين بس انا خذيتها عند عذاري كثيير مدووحها وهالسنه بأخذ دلهي العتيبي كثيير مدوحها وعندك البندري عامر
:060::060:
موووفقات

b12	2012- 8- 10 10:58 PM

رد: هنآ آلإستفسآر عن دكآترة السنه آلتحضيريه~

اقتباس:

المشاركة الأصلية كتبت بواسطة b12 (المشاركة 7019146)

مهارات التعلم والتفكير
تذوق ادبي

> ابي الاحسن اللي يدرسون هالمادتين :004:

:biggrin: ؟

All times are GMT +3. الوقت الآن حسب توقيت السعودية: 08:37 AM.

صفحة 1 من 5

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه