|
سؤال لكل منتظمه في كلية الاداب من مستجده
قوه شحالكم :rose::004: بدش بالموضوع :119: كلية الاداب فيها 1- دراسات الاسلاميه :rose: 2- اللغة العربيه :rose: 3- اللغة الانجليزيه:rose: 4- قسم التاريخ :rose: 5- قسم الجغرافيا :rose: 6- علم الاجتماع :rose: 7- قسم المكتبات :rose: مجموع الاقسام 7 < قليل :007: لكن كل قسم بعد التخرج شنو ممكن اكون غير المعلمة .! http://forums.hawalive.com/storeimg/...035689_990.gif رقم الجامعي يختص في المكافأه فقط او له استخدمات ثانيه .! http://forums.hawalive.com/storeimg/...035689_990.gif التنوره اي لون ....او في اللوان محدده والحد الي وين ميدي او طويل البلايز < مدري اسمها كذا ولا يكون لا وين نص كم ولا كامل وهل لى حرية اختيار الالوان و بنسبه الرسوم وصور و البلايز المشجره هل هي مخالفه ..؟ ويجب علينا الالتزام بان يكون ساده http://forums.hawalive.com/storeimg/...035689_990.gif بنسبه للجدول ( 1 ) الماده .............. الاستاذه الثقافه الاسلاميه ~> فقه السيره ~> التحرير العربي ~> النحو التطبيقي (1) ~> اللغة الانجليزيه العامه ~> مبادئ الاداره ~> مهارت التعليم والتفكير ~> مدخل الي التقنيه المعلومات ~> الصحة واللياقه ~> مجموع الكتب 9 ملاحضتك : .......... ( 2 ) المادة .......... الاستاذه التلاوة والتجويد ~> النحو التطبيقي (2 ) ~> التذوق الادبي ~> القراءه والمحادثه ~> اللغة الانجليزيه ( قراءه ) ~> اللغة الانجليزيه( كتابه ) ~> مبادئ علم الاجتماع ~> برامج الحاسب المكتبيه ~> مبادئ الاحصاء ~> مجموع الكتب 9 ملاحضتك : .......... http://forums.hawalive.com/storeimg/...035689_990.gif اتمنى من الكل بنت عندها خبره ان # تكتب اسم المعلمه # في اخر الجدول اكتبي ملاحضتك على معلمه نوع التعامل ( شديده , تجيب نوم , تفهم لكنها شديده ,تمشي الطالبات, غير ذالك ) ملاحظه : من المهم ان تكون متواجده في الكليه مو مثلا جايه تطبيق او متقاعده # في حال نسيتي اسم المعلمه اتمنى تعدين للي بعدها واتمنى ما تكتبي ( " في مصريه يمدحونها او ابتعدي عن الهنود ") معليش بس مراح نستفيد :sm5: من هالكلام # تنسيق الجدول " بالمنطق " بحكم ان نحن مستجدات وما عندنا خلفيه عن الموضيع والكتب تنسيق الجدول بحيث نقدر نستوعب مثال الاحصاء & وعلى الاجتماع ما ينفع نحط علم الاجتماع في ترم و ترم 2 احصاء هذا المقصد # اتمنى كل طالبه تعبر عن نفسها يعني لو كان الجدول هذا جدولك شنو راح تسوي .؟ حتى لو تلغى ماده... ( بحكم عندك خلفيه عن الكتب وجو التحضيري راح نستفيد حنا المستجدات ) # بنسبه للجدول اتمنى يتعدد التنسيق يعني كل بنت ترشح معلمه حتى لو في اختلاف الا ما يصير اتفاق او تشابه صار اتفاق الاغلبيه ان ( استاذه نسيبة العامري للفقة السيره / استاذه ايات الشرع لصحة واللياقة ) بكذا راح نقدر نجمع معلومات ونختار الاصح لنا http://forums.hawalive.com/storeimg/...035689_990.gif شاكره لكم حبايبي على تواجدكم والاطلاع على الموضوع وفي انتظر الردود التي تثلج الصدر :004::rose: |
رد: سؤال لكل منتظمه في كلية الاداب من مستجده
في شي بعد ادري زودتها بس تحملوني :bawling: كلية الاداب معروف عن سمعتها ماش يعني ما يدشنوها الا الاضعاف هيك بيقولو :mad::mad::mad::mad::mad::mad::mad: تنصحوني ان النقل الي تربيه ولا اضل :bawling: و تخصص ادراة اعمال في وين .؟ بنسبه لشهاده شنو اقوى شهاده .؟ و مرغوب فيها .؟ |
رد: سؤال لكل منتظمه في كلية الاداب من مستجده
1/انا بقولك عن قسمي
الا وهو الجغرافية ونظظم معلومآت تدريس+ ارامكو+مستشفيات+ بنوك ~> بعد مادخل فيه نظم معلومآت:biggrin: 2/ الرقم الجامعي يسوون لك بطاقة الكلية وماتدخلين الا فيهآ ولازم تحضرينهآ في اوقات الاختبارات ماتطلعين من المحاضره اذا كنتِ مضطره مثلا دورة المياه"اكرمكم الله" الا وانتِ ماعطتها المشرفة مثلا بتستأذنين لازم تكون عندك بطاقة جامعية....الخ يعني بختصار البطاقةة مهمةة جدا.. 3/ التنانير لو اسود الكحلي للعلوم:biggrin: البلايز اي لون لبسي عادي لكن مو جبنيز ولا شفاف والرسوم والصور لا مو ممنوع عادي اما ع الدكاترة في وقت تسجيلكم شوفي اسماء الدكاتره اللي بنظآم واحنا بننصحك يعني الحين يمكن نمدح لكم وبالنهايه مايدرسونكم وبشكل عام بتكلم لازم كل ماده تذاكرينها اول بأول +تحلين واجباتك+ تسوين البحوث+ ماتغيبين بالمحاضره الا اذا اضطريتي بيكون كل شي سهل ماعليك من البنات اللي يقولون هالماده صعبة لان ميولك غير ميولهم مثلا انا قسم جغرافيا يقولون اللي مايحبون القسم انةة صعب بس انا بالنسبة لي مررررره سهل يعني لاتهتمين بكلام البنات من ناحيةة السهوله والصعوبه انتي اللي تحددينهآ واذا بنصحك بشكل عام عبير النجار ومحمود ابو النجا عربي+ حمده العبدلله انجليزي+المبروك الشيباني دراسات+حسين عبدالفتاح واشرف حمودة احصاء |
رد: سؤال لكل منتظمه في كلية الاداب من مستجده
في شي بعد ادري زودتها بس تحملوني :bawling: كلية الاداب معروف عن سمعتها ماش يعني ما يدشنوها الا الاضعاف هيك بيقولو :mad::mad::mad::mad::mad::mad::mad: تنصحوني ان النقل الي تربيه ولا اضل :bawling: و تخصص ادراة اعمال في وين .؟ بنسبه لشهاده شنو اقوى شهاده .؟ و مرغوب فيها .؟ ________________________ نداء الصباح حبيبتي مو صحيح ذا الشى اصلا انتي م انقبلتي بجامعه االا لان معدلك تمام بالتحصيلي والقدرات والمدرسه عساس كذا قبلوك ولا انتي شايفه م يقبلوا بسهوله فحضك من السماء تعتبري بنات كثير نسبهم كبيره مره بس الحظ م وقف معهم هالبحر وكل شى يعتمد على النصيب يعني اللي تزعط بامها وتقول الاداب للكساله مو صحيح على فكره في متفوقات عندنا ويسووا لهم تكريم بخصوص نقلك للتربيه هذا شى يعتمد عليك انتي نحن قلنا لك شلون الانظمه وشنو التخصصات اللي موجوده لو في تخصص عاجبك بالاداب كملي وتوكلي على الله لو في تخصص م لقيتيه بالادب ولقيتيه بالتربيه انقلي بالنسبه للتخصصات لاتعتمدي على احد وش اتخصص ومادري ايش انتي وش طموحك من البدايه اتجهي له لو تبين انجليزي رفعي معدلك ذاكري زين نجحي بمواد الانجليزي اقلها c وبتتخصصي لو تبي جغرافيا نجحي بالاحصاء وبتتخصصي لو تبي علم اجتماع نجحي باعلم الاجتماع والمهارات ومبادى الاداره ولو تبي العربي نججحي بمواد العربي ولو تبي دراسات اسلاميه نجحي مواد الدين وكذا الحال على طووول خلي هذفك من البدايه واضح صحيح اهتمي بسسنه تحضيريه ومعدلك وتسذا بس خلي الهدف واضحك انا ابغى ذا التخصص عساس تعرفي ايش المواد اللي ترتبط بذا التخصص وتنجحي فيه والله يسهل عليكم والله ولي التوفيق اتمنى افدناك ودعواتك :004: |
رد: سؤال لكل منتظمه في كلية الاداب من مستجده
انا بعد قسم جغرافيا ونظم المعلومات :biggrin: شوفي ميولك لأي تخصص تبين بعدين تقررين تربية او اداب اذا بتشدين حيلك وماتحملين اي ماده يمديك تحولين تربية اما م تضمنين نفسك ف خليك بالاداب افضل لان قيد الخطه الجديده ست سنين بس وفالتربيه رح يدرسونك تحضيري من جديد طبعا بعد م تجيبين معدل كويس والحين كل العالم يبون التربيه ف يبيلك معدل مرتفع وعالعموم يمديك بعد م تتخرجين من الاداب تدرسين دبلوم تربية على حسابك بنسبة للبطاقة الجامعية ضرورية لأنك بتدخلين فيها يوميآ افضل لك من ورقة البريد وبعد لما تبين تستأذنين من المحاضرة الاغلب يطلبون بطاقتك ووقت الاختبارات احيانا يشددون عليها والي م تجيبها يكتبونها تعهد وبالنسبة للبس الي متشددين على قصة الرسوم والصور قسم دراسات والباقي عادي ممنوع اللبس الشفاف والجبينيز والالوان البسي الي تبين بس التنورة لون اسود والمكافأة عن طريق البنك بس تستخدمين رقمك الجامعي في انك تدخلين نظام البيبول سوفت وتدخلين الأيبان من ضمن معلوماتك الي بالنظام وبعد الرقم الجامعي بالاختبارات تكتبينه بورقة الاختبار عمومآ افضل دكاترة : قسم جغرافيا : طبعا مادة الاحصاء اشرف حمودة او حسين عبدالفتاح او ايمان عبدالصمد ويمدحون سودانية اسمها امل ياسين قسم دراسات : عن تجربة مبروك الشيباني وفيه كثير يمدحون شهرات ومحمود مبارك وشريفه الصافي قسم عربي : جمال عوض روعه يجيب لك في اخر المحاضره اسئلة اختياري ويجيب نفسها بضبط بالاختبار قسم تاريخ : هدى حسين كويسه ومحاضرتها جدا خفيفه قسم انجليزي : هدى عرار كويسه وافضل من غيرها قسم علم اجتماع ومكتبات م عندي اي خلفيه عنهم م اذكر الي درسني علم اجتماع :cheese: |
رد: سؤال لكل منتظمه في كلية الاداب من مستجده
بضيف من عندي
علم اجتماع : ايمان الشومان عسسسل تجنن تأشر لك وتذاكري منه ومجربتها وربي حسيت نفس التأشير ونفس الاسئله اللي تكتبهم نسخ لصق مبادى اداره : نجلاء الغامدي ان شاء الله ولدت وسهل عليها ربي وتدرسك بجد خفيفه دم ي ختي محاضرات الساعه 8 اتليكع عنها بس معها م احب اغيب اببببد بجد طيبه وتسهل وتحترمك مش انا دكتوره وانتي تبن الانجليزي : بدريه الشريف ترى تجنن وحبيبتي لمن نقولك ابتعدي عن لهنود بالعكس بتستفيدي اسأل مجرب ولاتسأل طبيب يمرمروك يتعبوك عدل مافي شرح زين اسلوب خايس انتي تبين دكتوره هنديه تقولي انطمي واجلسي هنا وكلي خراك طبعا م بترضي وربي درستني هنديه تحذف الاقلام بوجيه البنات وتقول stop shut your mauth يعني خلاص سدي حلجك م رح ترضي على نفسك غير كذا تبلع لحروف وماتنطق زززين وكل تقول معنا ومهم ولمن نروح لااستاذه سعوديه تقول لنا عكس ذلك تماما غير كذا مش هم اللي يحطوا الاسئله الاغلب سعوديه يعني انتي تبين دكتوره هي تعلمك وهي تحطط الاسئله عساس تعرفي شلون اسلوبها جبيبتي نداء الصباح م نقول لكم شى الا وبجد نحنا عانينا وقاسينا ومانبي لكم هالشى وانتي براحتك وبالتوفيق ي رب :004: |
رد: سؤال لكل منتظمه في كلية الاداب من مستجده
ايييوا وتبع الحاسب وتسذا البندري ومها القاضي مره تجنن
:004: |
رد: سؤال لكل منتظمه في كلية الاداب من مستجده
يعطيكم الف الف عافيه فديتكم:004::060: وفي انتظر المزيد :106: |
رد: سؤال لكل منتظمه في كلية الاداب من مستجده
بصرااااحه موضوع بططل .. مثل راعيته ومن جد نحن محتاجين لمواضيع مثل كيذا :58545: ياليت يتثبت لانه يستحححق بصراحه :(204): وبالتوفيق للجميع :58545::004: |
رد: سؤال لكل منتظمه في كلية الاداب من مستجده
صبآح الورد :004:
بخصوص تنقلين عشان افضل شهاده التربيه ، التربيه افضل شهاده للتدريس فقط لكن الاداب ممكن تدرسين سنةة تربيه وممكن تتوظفين برا المدارس ، أشوفهآ أحسن :tongue: بعدين حولي للكلية اللي فيها ميولك بالتخصص :sm5::004: آمممم المقررآت لآتسئلين الا عن السمستر الاول بدري على الثاني :tongue: و اذا طلعت لكم اسماء دكاتره اسئلي ونجاوبك من الافضل اللحين ممكن نتكلم ونعيد ونزيد ولا يدرسونكم :106::004: |
رد: سؤال لكل منتظمه في كلية الاداب من مستجده
-
انا كنت متخصصه جغرافيا بس الحمدلله طلبت تحويل لمكتبات وانقبلت يعني هالترم انا مكتبات :sm5: :004: بالنسبه للاقسام ترا مو العبره بكثره الاقسام العبره بحلاتها .. شوفي التربيه اللي بيموتون عليها البنات تراها كلها قسمين .. :biggrin: وكل قسم يختلف عن الثاني مكتبات وعلم اجتماع ماتصيرين معلمه ! ممكن اخصائيه اجتماعيه اذا دخلتي علم اجتماع ممكن بمدرسه بس حق شؤون الطالبات وكذا .. والمكتبات ممكن بشركات او بنوك اوووو لان دراسته كلا عن الحاسب وو هالاشياءات :biggrin: وقريبا قريبا بيفتحون قسم اعلام :004: بالنسبه لاسألتك .. اقتباس:
لا ي عزيزتي مو بس حق المكافأه .. انتي بتحتاجينه عشان تدخلين به الاختبار لان ثلاثه ارباع الاختبارات اذا مو كلهم لازم تكتبين رقمك الجاامعي على الورقه لان الدكاتره مايتعاملون بالاسم .. يتعاملون برقم الجامعي او الرقم التسلسلي حقك بالقاعه .. ورقمك الجامعي تدخلين به البيبل سوفت [ الموقع حق الجامعه ] .. وتسوين جدولك وتشوفين نتيجتك واغلب شغلك لازم برقمك الجامعي .. اقتباس:
عادي ميدي بس ميدي يكون مايل للطويل ... مثلا ميدي على بنت سيقانها ماشاءالله طويله غير ميدي على بنت قصيره :biggrin: البلايز عاادي اي لون وعادي فيهم رسمات وعادي اللي تبين بس المهم ماتكون لاشفافه ولا عااريه .. وحدك نص كم ... اذا كنتي نحيفه بعض الاحيان يسمحون بالجبنيز اللي هو الربع كم :biggrin: برب وراجعه :biggrin: |
رد: سؤال لكل منتظمه في كلية الاداب من مستجده
اي ابي اعرف ليش البنات يبون التربيه ؟:biggrin:
|
رد: سؤال لكل منتظمه في كلية الاداب من مستجده
اقتباس:
فقه السيره < انعام الدليجان .. شرح ممتاز بمعنى الكلمه وتساعد البنات لي اخر حد وتلاحقك عشان الدرجه .. بس اسألتها دقيقه وتأشر الماده .. تحب اللي تشارك والمؤدبه بس هي الماده نوعا ما دسمه يبيلها جد :biggrin: او اخذي ريم الملحم رروعه وحبوبه هالبنت :004: :004: تحرير عربي < درستني حصه الدوسري .. شرح ماش مساعده ماتساعد وبس تزف وتطرد ونجحت عندها برفسه :biggrin: [ عليك بدكتوره عبير النجار ] :004: درستني الترم الثاني تذوق روعه نحو تطبيقي 1 < درستني ساره الفايز .. اخخخ بس :biggrin: شررح ممتاز مااحط في ذمتي بالعكس شرحها روعه هالدكتوره .. بس تحب تهزأ البنات وتحملهم الماده ولاتعطي وجه :biggrin: انجليزي عام < درستني سلطانه ماانصحك فيها سعوديه رافعه خشمها وماتعرف تشرح مبادئ اداره < درسني عماد عبد الحليم شفت نجوم الظهر :biggrin: شرحه حلو بس مايحذف شيء واسألته نار :biggrin: لكن ماشاءالله يوزع درجات بالنسبه لي :biggrin: مهارات التعلم < درستها الترم الثاني .. وحده اسمها نيفين شرح روعه وتساعد بس خليك منتبهه لها وشاركي معها :biggrin: مدخل الى تقنيه المعلومات < درسني زيااد :sm5::004: كلمه يجنن هالدكتور قليله :004: يسساعد وقبل لاتشاركين تشوفين العشره حقت المشاركه مرتزه :biggrin: وشرحه حلو ويساعد البنات وحبوب :biggrin: صحه ولياقه < درستني ايات الشرع . تجنن سوريه هي هاادئه يادوب تسمعين صوتها .. لو تدخلين اخر عشر دقايق بالمحاضرة عادي :biggrin: سلمي واجباتك وبحثك اضمني النجاح :biggrin: مجموع الكتب تسعه :biggrin: بعض المواد فيها كتابين مثل انجلش :biggrin: بالنسبه لي شخصيا مااحسيت فيه ضغط بالترم :biggrin: وماانصح احد يحذف ماده لان الله لايقوله لو حملتي ماده او مادتين بتنزحمين بالتخصص انتي يادوب بعدين تلحقين المواد اللي عليك ف اتركي الدلع وجدي واجتهدي من البدايه احسن لك :biggrin: ملاحظه * : ترا مو كل دكتوره ذمو فيها معناته انها سيئه لا بالعكس ممكن هالبنت هذي هي نفسها مستهتره .. فأنا اعتبر هالشيء من وحده لوحده تختلف :biggrin: |
رد: سؤال لكل منتظمه في كلية الاداب من مستجده
موضوع مرتب ويختصر المواضيع الثانية
|
رد: سؤال لكل منتظمه في كلية الاداب من مستجده
لي رجعة :58545:
|
رد: سؤال لكل منتظمه في كلية الاداب من مستجده
تخصص الانجليزي له مجالات غير اني اكون مدرسه :tongue::004:
|
رد: سؤال لكل منتظمه في كلية الاداب من مستجده
تخصص الانقلش ممكن مترجمة في اي مكان مستشفى ..... << بنات التخصص ابخص :sm5:
تخصص علم الاجتماع مجالاته اخصائية اجتماعية في مستشفى ، مراكز التأهيل *للمعاقين ، الايتام ، كبار السن ، المدارس مرشدة طلابية ، بعض الدوائر الحكومية ، وهكذا موجود في موقع الجامعة الوظائف حق المتخصص هذا القسم ، وكل شيء عن قسمنا كتبته في موضوع مستقل تلقيه في ملفي :004: |
رد: سؤال لكل منتظمه في كلية الاداب من مستجده
وربي اعجز عن شكركم لكن الله يسهل عليكم ويحقق كل الاماني
بجد كل وحده ردة على الموضوع استفدت منها شي :tongue::004: نفسيتي ارتاحت نوعا ما :sm1: خصوصا تقبلت تخصوصات :wink: لانه عرفت ان اقدر اشتغل في كذا مجال :cheese: بتالي طموحي ارتقى بردودكم :060: وهم على بالي هتخصص اخرته معلمه واغلب اهلى بتعليم و من كثر ما اشوفهم محتسين :mad::mad: اكتسبت شحنه سلبي من المعناه سوء من صغير او كبير :007::007: عجبني نظم المعلومات و علم الاجتماع :tongue::004: عندي سوال بسيط انا هسنه بيكون عندي تحضيري بعد هسنه راح اتخصص :biggrin: هل بيكون فيه تخصص جديد بيفتح :sm5: وقسم الاعلام متي راح يفتح طال انتظري :Looking_anim: كل من مر من مستجده او طالبه مشكورين :004::tongue: وفي انتظر المزيد :tongue::004: |
رد: سؤال لكل منتظمه في كلية الاداب من مستجده
العام قالو بيفتحون الاعلام الا من سنتين وهم يقولون بيفتحونه
ولا فتحوه ان شاء الله ع سنتكم يفتحونه :004::004::004::004: |
رد: سؤال لكل منتظمه في كلية الاداب من مستجده
الموضوع مرآ بطططل وتسسلمين
يـ’ نداء الصباح جبتي الموضوع افدتي نفسسك وافدتينا كثير يعطيكم ربي الف الف عافيه وان شاء الله نتعلم منكم اكثر :biggrin: لاننا متسجدات تونا الله يحفظكم يارب :004::004: عسسسآكم ع القوهه .. ومرا عجبني قسسم علم الاجتماع والمكتبات وحبيت اسال كيف وضع التاريخ والجغرافيا ؟ سهل ولا ع حسب ميولي له :biggrin::004::004: انا عاجبني بس محتارهه ا اتمنى تفيدوني خواتي الله يجزاكم الجنةة |
رد: سؤال لكل منتظمه في كلية الاداب من مستجده
تسلمين ياصاحبة الموضوع
|
رد: سؤال لكل منتظمه في كلية الاداب من مستجده
بسم الله :33_asmilies-com:
ببداية الموضوع ذكرتي انه 7 أقسام قليل ,,, هالشئ صحيح مقارنة بجامعات عالمية :sm1: لكن لما تقارنيها بقبل 4 سنوات تقريبا , ماكان فيه الا 5 أقسام بهالكلية :sm5: بالنسبة لمجالات العمل , أي وحده حاطه في بالها انها تصير معلمة أتمنى تراجع نفسها :007: يعني من فترة بسيطة فتحوا باب التعيين للمعلمات واللي تعينوا كانوا خريجات صار لهم 10 و 15 سنة:(177): وأخذوا بالأقدمية . انتوا فاكرين كل 4 سنوات يبنوا مدرسة؟ هذا اذا كانت مدارس ماهي بيوت مأجره :(269): يعني تعيين المعلمات هالشئ ماهو ثابت ولا هو مضمون , غير العراقيل اللي فيه من تعيينات في مناطق نائية أول مره تسمعي فيها وبعد ما عظامك تتحلل:139: ممكن تقدمي نقل :41jg: المعلمات أكثر ناس يشقوا بحياتهم في هالزمن اللي فيه الطفل مايحترم لا أبوه ولا أمه فكيف بالمعلمة :mad: وحتى ألحين صار مو زي قبل تتعين على طول , ألحين فيه مقابلات وأشياء...:sm5: هذا كله عشان أجيبكم للنقطة الهااااااااامة في نظري وهي انه : لازم تشتغلي على نفسك , شهادة بمعدل ضعيف ما يأهلك للتفاضل مع غيرك , غير انه شهادتك ماتكفي, لازم تطوري من نفسك وشخصيتك , عندك 4 سنوات تكفي تتعلمي فيها حاجات وااااااااجد ,, روحي لدورات , اقرأي واتثقفي , ابذلي مجهود عشان تتوكلي على الله حق توكله, صحيح الرزق على الله , لكن علينا بذل الأسباب . مجالات العمل صارت أفضل من الأول بس يحكمها حاجات كثير منها الأهل , وعشان كذا قبل ماتخططي على قسم معين استشيري الأهل وشوفي وين حابه تشوفي نفسك بالمستقبل. أنا كلية الآداب عاجبتني وراضيه فيها...ولا أحب التربية وأشوف انه اللي يدخل تربية هم البنات اللي حابين يشوفوا نفسهم معلمات , والمعلمة عمل جميل للي يناسبها:biggrin:. كلية الآداب مناهجها علمية بحته يعني مافيها مواد تربوية ولا طرق تدريس ومناهج فهالشئ يناسبني:cheese:. العمل لو انت خريجة أي قسم ممكن يكون بقطاع حكومي أو قطاع خاص, فيه ألحين شركات , مستشفيات, ...الخ ألحين فيه خريجات من الآدا ب وسوو لهم مشاريعهم الخاصة وبدأوها سبحان الله من الكلية لما كانوا طالبات , سمعت عن وحده كانت طباخه مااااااااااااهره وسوقت لنفسها بين البنات وكانت تشترك بمشاريع ماشاء الله لين ما نفذت مشروعها محل للكيك:71: :biggrin: احنا بزمن ذكاء وابداع البنت هو اللي يجيب لها الوظيفة :58545: هذا غير اللي تدرس تصميم وقتوشوب وغرافيك وتصمم اعلانات :(204): عشان كذا اللي عندها هوايه تطورها لأن ممكن تكون هالهواية هي اللي تفتح لها مستقبل :58545: بالنسبة لقسم اللغة العربية ممكن تصير كاتبة, روائية , صحفية , محررة في جريدة , رئيسة تحرير مجلة , مثلا د. أمل الطعيمي تشتغل في جريدة اليوم وهي أصلا من قسم العربي , وللحين تدرس في كليتنا, وقسم الإنجليزي ممكن مترجمة في شركة أو في مستشفى, ممكن تشتغلي بأي شركة , ممكن تشتغلي من الإنترنت ترجمة , ممكن كاتبة في مجلات أو جرائد محلية صادرة باللغة الإنجليزية...الخ لاحظي كل هالوظائف بشكل عام تعتمد على شخصية البنت واطلاعها وثقافتها , يعني شهادة ومخ فاضي ماينفع لازم فعلا تتعلمي وتشتغلي على نفسك. لما تحطي في بالك قسم اسعي له واجتهدي مو بس أحلام وشئ ودك فيه :sm4: وحطوا في بالكم مو بس الدراسة حلوه فيه :sm4: شوفوا بعد ايش ممكن تتوظفوا وايش حابين تعملوا بعد التخرج . التخطيط حلو لكن انتبهوا تصرون على قسم بس عشان وظايفه أكثر , مثلا لو بنت حابه انجلش عشان وظايفه وهي أصلا ضعيفه بالإنجلش كيف راح تمشي بالقسم؟ ممكن تنفصل اذا هي ضعيفة ولا عندها أساس :139: لكن اللي ماقدرت تجيب معدل وتدخل قسم حابته لا تتحطم لأن ربي كاتب لها الأفضل , أتذكر أيام لما كانوا يقولوا الحاسب مطلوب وبعدها لقيت بعض بنات الحاسب يدوروا وظايف يعني سبحان الله كل شئ يتوفيق من ربي وهو يختار لك الأفضل . والبنات وأهدافهم مايتساوون:sm4: , فيه اللي جايه تكشخ وحياتها احتفالات يومية بالكلية ولا عمرها مسكت كتاب وتلقيها من اللي تقولك الكلية مالها مستقبل:sm5: وانه كل الدكاترة ظالمين :sm5: الكلية ماتجيب لك مستقبل , انت تسوي مستقبلك بإيدك بعد التوكل على الله بالنسبة لكليتنا هي مو أحسن كلية:139: لكن مو الأسوأ :sm4: الجامعة نفسها فيها كليات كثيرة , وهي أكبر جامعة من حيث عدد الكليات حسب رواية وكيبديا :cheese: منها كلية العلوم الإدارية , كلية التصميم , كلية العمارة والتخطيط , كلية الدراسات التطبيقية وخدمة المجتمع طبعا هذا غير قسم الإتصالات والإعلام هذا القسم راح يفتحونه على دفعتكم أو على الدفعات الجاية , انتوا وحظكم :tongue: وأتوقع برضوه كلية التربية أككككيد راح يفتحوا فيها أقسام ثانية:33_asmilies-com: لأنه حاليا فيها دراسات قرآنية و رياض أطفال , يعني الكلية جديدة وباقي لها كذا قسم كأني قريت بيفتحوا فيها تربية خاصة :(107): واحتمال تخصصات أكثر :33_asmilies-com: لأن شفت أقسام التربية بجامعة الدمام وكانوا حاطين قسم ادارة تعليمية وقسم مناهج وطرق تدريس وقسم تقنيات التعليم (شكل ذا القسم حلوو :cheese: ) بس مادري متى بيفتحوها واذا هي للبنات ولا بس للأولاد :sm5: |
رد: سؤال لكل منتظمه في كلية الاداب من مستجده
مممرا كويس الموضوع ، استفدت منه ..
|
رد: سؤال لكل منتظمه في كلية الاداب من مستجده
لبا قلوبكم الله يسلمكم فديتكم
شكر يرجع للعسولات لى افدوني وافدوكم بلا شك اني استفدت لكن حابه اضيف نقطتين 1 -> تسمعون كلمة تعارض في ساعات لكن توني افهمه لما يقولك تعارض يعني تكون عندك محاضره لعلم الاجتماع وعندك محاضره لمادة E كلا المادتين ساعه 10 لازم تنتبهي على ساعات لانه مو معقوله تاخذين انقلش و علم الاجتماع بنفس الوقت :sm5: لانه فيها تحديد اوقات المحاضره بشكل صحيح وهم تحديد درجات 2-> مقطع فيديو صغير جيد بحق ........... اتمنى ينال على اعجبكم http://www.youtube.com/watch?v=98lhb...hannel&list=UL سوري وانا احمل المقطع اخترب على اخر دقايق يصير بدون صوت :icon9::bawling: |
رد: سؤال لكل منتظمه في كلية الاداب من مستجده
بنات ابي رد على نقطه بنسبه لتخصاصات شنو ممكن اصير
عرفة علم الاجتماع انقلش ابي الباقي ياليت ما تبخلو على :rose: |
رد: سؤال لكل منتظمه في كلية الاداب من مستجده
ap
|
رد: سؤال لكل منتظمه في كلية الاداب من مستجده
الترم الاول 1
1 برامج الحاسب ~> مي محمد 2 مبادى الاداره ~> امل عبد الفتاح 3 مهارات التعليم والتفكير ~> نعمة عبد السلام 4 علم الاجتماع ~> ايمان شومان 5 مدخل تقنيه المعلومات ~> لايوجد 6 نحو تطبيقي1 ~> منى الرواجح 7 انجليزي عام ~> فدوه العساف _ احمد حسين 8 تلاوه و تجويد ~> شهرات 9 القراءه والمحادثه ~> لايوجد الترم 2 صحة و الياقة ~> ايات الشرع 2- مبادى الاحصاء ~> اشرف حمود 3- فقه السيه ~> فقة السيره 4- الثقافة الاسلاميه ~> لايوجد 5- تحرير العربي ~> مشاعل العلكى 6- نحو التطبيق 2 ~> منى الرواجح 7- تذوق الادبي ~> لايوجد 8 – انقلش قراءه ~> رزان خدام 9- انقلش كتابه ~>رزان خدام ملاحظتك : 1- انا احب اربط الاحداث على شان كذا اخذت كل المواد المترابطه بعض ( كا مثل فقه اضفت معها الثقافه ) 2- المواد لى احس مقدر انجزها اضفت معها مود سهله على شان اقدر نجز في الماده 3- تنسيق اعتمدة على عقليتي يعني لى اشوفه مناسب من وجهة نظري 4- حبيت يكون ترم ثاني اسهل من ترم الاول على شان ارتاح وهم على شان اركز على المود لى لى ماحبها 5- بنسبة للمعلمات واختيارهم من قبل البنات تم تجميع الاسامي والله ولى توفيق (: |
رد: سؤال لكل منتظمه في كلية الاداب من مستجده
صديقتنا نسقة جدول ~( زهور الاولي ) ~
الترم الاول 1 1مبادءى الاحصاء ~> 2علم الاجتماع~> 3 وفقه السيره~> اسماء الحسون 4 وثقافه الاسلاميه ~> سيد عرابي 5 ونحو تطبيقي ~> محمود عكاش 6 وتحرير عربي ~> مشاعل العكلي 7 وانجلييزي عام ~ > حمده العبدالله احسن من رزان 8 وبرامج الحاسب ~> 9 وصحه ولياقه ~> ملاحظتك : كذاسهل ونحو تطبيقي خدي محمود عكاش مرررره سهل ويدف الواحد وكذا تحرير عربي مشاعل العلكي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ شكر موصول لى اختي زهور ويعطيج العافيه :rose: |
رد: سؤال لكل منتظمه في كلية الاداب من مستجده
:106:العفو ياقلبي نداء شكرك واصل وهذا من واجبنا نساعد البنات المستجدات
|
رد: سؤال لكل منتظمه في كلية الاداب من مستجده
ابسا بالنسبة للاختبارات هل هي مقالية او اختياري
|
رد: سؤال لكل منتظمه في كلية الاداب من مستجده
:d5: موضوع مفيد جدا .. يعطيكم العافيةة
|
| All times are GMT +3. الوقت الآن حسب توقيت السعودية: 06:02 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام