المقررات الصيفيه يا شباب نزلت
 

السلام عليكم

الي مقدم على الدراسه بالصيف ترى المقررات نزلت على موقع الكليه الي يبي يتاكد ان مادته نزلت ولالا يروح الموقع

انا الحمد لله باقي لي ماده نظم تشغيل 2 ونزلت بس مدري اخذها عند م.عبدالرؤوف
أو عطا جروان

صراحه عطا جروان جربته في نظم 1

وعبدالرؤوف في امن الحاسبات وطلع شي
شكلي باخذ عبدالرؤوف


بالتوفيق

رد: المقررات الصيفيه يا شباب نزلت
 

شباب الحين ماني فاهم أنا تخصصي إدارة مكتبية و من ضمن المقررات اللي طلبتها عند التسجيل هو مقرر مقدمة تطبيقات الحاسب الآلي و لكن الآن بعد ما نزلوا المقررات ما اشوف المقرر موجود ضمن الأقسام الإدارية بل أشوفه في المقررات المخصصة لقسم الحاسب فهل أستطيع دراستها بالصيف أو لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رد: المقررات الصيفيه يا شباب نزلت
 

طيب يا اخوان انا اخذت مادتين
ونزلت ...اقدر اضيف ماده عليهم ؟؟
ومتى تنزل الجداول؟؟

رد: المقررات الصيفيه يا شباب نزلت
 

اذا ماعليك اختبارات .. روح شؤون المتدربين الصباح واسألهم أحسن لك ع شان تظمن اذا ايه ولا لا

رد: المقررات الصيفيه يا شباب نزلت
 

انا ابي احط دعم شبكات بدال مهارات دعم .. اقدرر ؟؟!!

رد: المقررات الصيفيه يا شباب نزلت
 

نفس السؤال ودي احد ماده بدال ماده او اضيف

اللي عنده علم يخبرنا

رد: المقررات الصيفيه يا شباب نزلت
 

اعتقد انك تقدر ..

رد: المقررات الصيفيه يا شباب نزلت
 

رحت للحلو د.عماد قصاص وبكل اخلاق مثل ماتعرفونه كلكم < اي هين .. قال امشيي وتعاا الاسبوع الجاي واحتمال نقدر نبدلك مو اكيد

رد: المقررات الصيفيه يا شباب نزلت
 

وين نزلت انا ماشفتها

ودي اشيك على المواد
بس ماني عارف:000:

رد: المقررات الصيفيه يا شباب نزلت
 

رح هنا act.gov.sa وبتلقى شريط اصفر فوق مكتوب المقررات الصيفيه

رد: المقررات الصيفيه يا شباب نزلت
 

معليش اخوي تعديل للرابط act.edu.sa

رد: المقررات الصيفيه يا شباب نزلت
 

مرحبا ساعدوني الله يعطيكم العافيه ....
أولاكيف أعرف المواد الصيفيه اللي نزلت دخل أخوي على الشريط الآصفر وشاف خيارات الآقسام بس مافتحت له المواد
ثانيا: كيف ادخل على نتائج الأختبار لكل ماده لآن دخل كلمة المرور وتطلع غلط ياليت تشرحون لي حتى يستطيع اخوي يدخل تكفوووون ,,,,,

رد: المقررات الصيفيه يا شباب نزلت
 

اختي سحابة بالنسبة للمواد اللي نازلين للصيف فتدخلين على الرابط اللي حطوه الجماعة فوق و هو رابط موقع الكلية بعدين تضغطين على الشريط الأصفر و لما تضغطين عليه بيطلع لج الأقسام اختاري القسم المطلوب بيجيج نافذة تحميل حطي منها اختيار فتح ( هنا لابد يكون عندج على الجهاز برامج الأوفيس لأنه بيفتح لج ملف برنامج الأكسل ) و إذا حطيتي فتح بيفتح لج الملف و تشوفين المواد


_ _ _ _ _

أما بالنسبة للنتائج فهي لحد الأآن ما نزلت لكن حتى لو نزلت تراها ما تطلع على موقع الكلية تطلع على موقع المؤسسة و خطوات الدخول كالتالي :
ادخلي على هذا الرابط : http://www.tvtc.gov.sa/ ثم تدخلين على بوابة المتدربين

بيطلع لج نافذة تسجلين فيها البيانات رقم المتدرب هو الرقم الأأكاديمي الجديد و كلمة المرور هو رقم السجل المدني المكون من 10 خانات و يمكن تغييره بعدها بيدخل لج على البوابة و بتلاحظين على جهة اليمين فيه خيارات اختاري منهم السجل التدريبي عربي بيطلع لج صفحة فيها جميع نتائج السمسترات الماضية طبعا تروحين إلى آخر الصفحة تشوفين آخر جدول موجود هل المواد اللي فيه حقين هذا السمستر او السمستر اللي طاف إذا كان حقين هذا السمستر فهذي نتيجتك أما إذا كانوا حقين السمستر الماضي فاعرفي انهم لسى ما نزلوا النتايج

و أي سؤال حاضرين أتمنى الشرح واضح

رد: المقررات الصيفيه يا شباب نزلت
 

ألف ألف شكر اخوي طالب تقنيه كفيت ووفيت بالشرح والله يوفقك ويفرحك بالنتائج:119: ....

_ _ _ _ _