|
أنا و خـــطـــيبــتي
لما كنت أجيب خواتي من الكلية يصادف خروج الطالبات و استغرب من كثرة هالبنات ..عيني عليهم باردة لا يكون أنظلهم و يوم جيت اخطب سبحان الله جميع هالبنات اختفوا بقدرة قادر و دخلنا في رحلة البحث عن حبيبة القلب ... احم احم .. اقصد البنت إللي بخطبها .. - الوالدة تدور من جهة و خواتي من جهة .. و دخلنا .. دوامة بس داومة حلوة بيني و بينكم ... المهم ما أبي اطول عليكم <<<< يا خوي خذ راحتك وش ورانا طيب إن شاء الله .. بصراحة أجمل شيئ كان توصيف الخوات الله يحفظهم ... زينب ( أختي الكبيرة) : و الله صديقتي في الكلية شعرها ناعم مرة و بيضاء و طويلة و مؤدبة و بنت ناس . - فاطمة (اكبر مني بسنة) : في زواج ولد عمنا شفتلك بنت تطيح الطير من السماء كنت قاعدة بس أطالعها طول الحفلة و سئلت عليها قالوا لي هذي منى بنت .... أيش رأيك نروح نخطبها لك. الوالدة : لا يا وليدي حلات الثوب رقعته منه و فيه (مثل سعودي صناعة حساويه) ما لك ألا بنت خالتك سعاد قمر الله يسلمها طالعة على أختي . بيني و بينكم كان ودي أسئل عن كل شيئ كبير و صغير عن حبيبة المسقبل بس ماش .. الواحد ذابح أمه هالحيا ( شدة الحياء) - بعد أخذ و رد رسينا على قمر .. أحم أحم ... أقصد على بنت نخطبها .. في ذاك اليوم شفت العم (أخو أبوي) ... - عمي : شف يا ولد أخوي لا تخلي هالحريم يقصون (يضحكون) عليك قلهم أبي (أريد) أشوفها .. لا يكون يعطونك جيكرة و لا شيئ . << جيكرة حسب قاموس لسان العرب هي القبيحة في العرف الحساوي و الخليجي و الاسكندنافي . المهم ... - أنا : و الله ودي بس تتوقع يرضون . عمي : و هو بكيفهم .. لازم تشوفها .. يعني تتزوج على عماها ... ما يصير . أنا : طيب كيف أقولهم .. يعني كيف أفاتحهم . عمي : عادي قل لهم أبي اشوفها نظرة شرعية .. و ما فيها شيئ هذا بنتي لما جات تتزوج طلب زوجها يشوفها صحيح أني رفضت بس يمكن غيري يوافق <<< العم بدأ يخوره تراه d: بعد هالمحاضرة المكثفة و النصايح الدسمة رجعت البيت علشأن افاتح الوالدة في الموضوع .. قصدي الشوفه .. أو النظرة الشرعية مثل ما قال العم .. بس المشكلة هالحيا إللي رابط اللسان الواحد ... أنا : يمه أنا .... الوالدة : خير يمه ... أنا : أنا ....... الوالدة : قول خير .. أنا : ترا مو أنا إللي قايل بس عمي يقول لازم تشوفها . الوالدة : من هي ذي ؟؟؟ أنا : ها ..... (طقني عقر بقر و لا أني عارف أقول شيئ) الوالدة : أييييه تقصد منى .... أي ما يخالف حقك بكلم أمها اليوم و بشوف موعد معها و ما اعتقد ان عندهم مانع . في يوم ثاني و كان يوم أثنين الوالدة قالت لي تقول أمها تعالى ****ر (غداً) بعد صلاة المغرب. <<< ما صدقت عن الله يالشين طبعاً ما أقولكم ذيك العصرية مرت علي مثل سنة و في الليل رحت الاستراحة و سهرت لين أذان الفجر ... علشان بس أنام ما أصحى ألا استوى المغرب .. عدت ذيك الساعات .. رحت بيت منى .. يا ربي يا زين هالأسم يسرسح على القلب ههههه طقيت الباب و طلع أبوها .. و أبوها الله يوفقه أول مرة يتشرف بخشتي فما عرفني : أنا : السلام عليكم . الأب : و عليكم السلام .. أمر ؟؟ أنا : أمي قالت أنو أروح <<<< تروح وين ؟؟؟؟ الأب : أيييه أنت الخطيب .. حياك يابوك حياك .. قلطني (دخلني) المجلس و جلست اسكب الغترة و العقال و شبجت الكبك و رتبت أموري <<<< يا شيخ على الكشخات كنت جالس و منزل راسي الأرض يعني أسم مؤدب ... كان المجلس له بابين باب يطل على الباب الخارجي و باب يطل على داخل البيت .... أنا من طبيعتي إذا صرت متوتر او مستحي أقعد العب في الغترة ما أقدر اترك طرف الغترة و صدقوني الغترة صارت هريسة من كثر التوتر ... - فجأة لقيت المجلس نور و دخلت .. سبحان الله على ذاك الجمال أنا إلى ذاك الوقت مستحيل أصدق ان القمر ممكن ينزل على الأرض .. بس ذاك اليوم شفته نزل و جلس معي في ذاك المجلس ... كان ودي أنزل رأسي بس صدقوني ما قدرت اشيل عيني عليها <<< طبيعي ما ذقت الذوق بتعلمني عنك عارفك أبوها : ها .. شفتها أنا : ها ... أبوها : أقول شفتها أنا : سم عمي <<<< الرجال ضايع لا تلومونه ما شاف جمال من قبل .. - أبوها : أقول شفتها أنا : .. أيييه عمي ... << ما اسرع ما صار عمك يالعيار منى .. كانت جالسة و امن الحيا مو عارفة شتسوي فديتها و أنا طبعاً غضيت عيني <<< و ربي أنك نصاب .. غضيت عينك ها .. غضيت عينك و ألا سويت لها أسكان من فوق لتحت . أنا إللي أعرفه أن معدل دقات القلب الطبيعي 60 – 100 في الدقيقة بس صدقوني يمكن قلبي ضرب 3435 دقة في الدقيقة .. ما أدري ليش <<< يا عم أطلع من دول بأئه مش عارف ليه . لما كنت أدرس درسنا أن السبب في المد و الجزر هو جاذبية القمر و كنت استغرب كيف يصير هالشيئ ... بس لما شفت هالقمر اللي قدامي تأكد لي أن القمر مو بس يقدر يسبب المد و الجزر بس .... بل يسبب الفيضانات و الزلازل و البراكين و كل شيئ كان ابوها يطالعني كأنه صقر بيهجم على فريسته و توه بيقول لـ منى قومي دخلي داخل ... فجأة طررررررررررخ (صوت حادث) .. اشوي و دخل اخوها محمد محمد : يبه قوم بسرعة ، اخوي احمد (10 سنوات) شغل السيارة و صقع سيارة الشيخ إللي يصلي في المسجد إللي جنبنا . أبوها : ايش ( وقام بسرعة يركض يشوف المصيبة إللي صارت) <<< صحيح حظ الكافر وافر .. أنا طبعاً ما صدقت عن الله .. . و مثل ما قلت لكم طبعاً أنا كنت منزل رأسي في الأرض و مستحي <<< يا عم اكفايه بكش بائه .. هو احنا تايهين عنك ..ئول ئول الوضع كان حرج و الواحد بدأ يتصبب عرق كان النشاف (مناديل) قريب يم منى فقمت علشأن بأخذ نشاف ، البنيه مسكينه لم شافتني جاي جهتها أختبصت و ما تدري شتسوي ... ألا بدخلت اخوها خالد شافني رايح لها .. - خالد : شبتسوي ؟؟؟ أنا : لا .. انا صراحة .. بأخذ نشاف بس خالد : و أين ابوي .. ليش تارككم الحالكم .. وين راح ؟؟ أنا : الحمدلله اصدموا سيارته و راح .. خالد : إيش ؟؟ !! أنا : لا .. قصدي الحمدلله أنها سلامات ما جاء أحد شيئ بس انصدمت سيارته. خالد : طيب طيب .. أقعد محلك و لا تتحرك لين اجي . أنا : أن شاء الله .. أن شاء الله <<< أقول قطو طقوه بمصير - كانت منى فديت عمرها جالسة و ما تدري شتسوي تظل .. تقوم .. تدخل داخل ... الخجل و التوتر مدودهها (محيرها) ، و طبعاً ودي أقوم بس أمي قالت روح شوفها و ما حددت كم وقت الشوفه ساعة .. يوم .. سنــتـين ، و تدرون بي على نياتي <<<< يممه بتطيح السماء علينا أنت على نياتك .... يا شيخ خاف ربك بس ، خاف ربك. - ظليت بعد ما طلع أبوها تقريباً نص ساعة و أنا بموت من الحيا و الخجل حتى أني ندمت إني طلبت أشوفها <<< عيني في عينك ... ندمت و لا ودك تنام عندهم هههههه بعدها دخل أبوها ، و تفاجأ لم شافني جالس معها ... - أبوها : و انت للحين جالس . أنا : ها أبوها (ألتفت على منى) : أيه انت قومي دخلي داخل . قامت المسكينة و بقت تطيح و هي تمشي و أدخلت داخل البيت ... أحرجها أبوها <<< أبوها إللي أحرجها و ألا أنت يا اللزقه .. ما صارت نظرة شرعية ساعة متنصب قدام هالمسكينه. - بعدين أبوها طلع من المجلس و غاب أشوي و لقيت دخل مع الشيخ اللي أصدموا سيارته ، و هو يقول له و لا يهمك شيخنا ترى ما جاك بوجهي و السيارة بدخلها الورشة و أنا مستعد لتصليحها من الريال إلى الألف . - أنا في الحقيقة سمعت عن شلل نصفي و شلل أطفال بس عمري ما سمعت عن شيئ أسمه شلل خطوبة ، أرجولي رافضة تمشي.. و لأني قادر اطلع من هالبيت سبحان الله بيت نفسياً أرتحت له << < أرتحت للبيت ها .. ماشي أعديها لك هالمرة كمّـل . - أبوها (ألتفت لي) : أتعشى معنا يا ولدي ، ترى العشاء استوى . أنا : أنعم الله عليكم و كثر خيرك عمي .. أنا صراحة ودي أقول شيئ ما دام الشيخ الله يحفظه موجود .. إذا تسمح لي . أبوها (ينتظر ما أقول ) : ......... أنا : الله يطول عمرك يا عم إذا ممكن يعني و ما عندكم مانع .. ...... أبوها : خير يا ولدي شتبي تقول ؟؟؟ أنا : أنا أقول خير البر عاجله .. و إذا البنيه موافقة .. يعني بعد أذنك ممكن نعقد القرأن الحين و خاصة الشيخ موجود و الشهود موجودين ؟ أبوها : ... أنتظر لحظة أشاور البنيه ... قام أبوها و دخل عند الحريم و بعد أشوي رجع . أنيس النفوس نهاية الجزء الأول ... نلتقي مع الجزء الثاني و احتمال يكون الأخير إن شاء الله |
رد: أنا و خـــطـــيبــتي
حررااااااااااااااام ننتظر بعد
كمل السالفه ماحب التقطيع انا اندمجت بالقصه ننتظر اجزء الا وراه |
رد: أنا و خـــطـــيبــتي
ووااي...ليش ياانيس النفوس؟؟
اندمجت بالسالفه تكفى لاتطول علينا... لي رجعه |
رد: أنا و خـــطـــيبــتي
صراحه حمستني للقصه ياليت تكمل بأسرع ووووقت:119:
|
رد: أنا و خـــطـــيبــتي
حمستنااااااااااااا للسالللللللفه
نتمنى انك تكمممممممممممممممممممممممل ؟؟ |
رد: أنا و خـــطـــيبــتي
رررررررررررائع ... الله يعطيك الف عافيه في انتظار البقية ..... وشكراً لك ،،،، |
رد: أنا و خـــطـــيبــتي
وووينك ياانيس
طولت علينا... ننتظر.....لي رجعه |
رد: أنا و خـــطـــيبــتي
آسف جداً ... شكلي علقتكم ... بس ترى أنا معذور و السبب في تجزيئ القصة أنها .. القصة جديدة و أنا مازلت أكتب فيها و انزل اللي اكتبه أول بأول .... و اللي حاب يقراها كاملة يدخل على القصة بعد اسبوع تكون إن شاء الله اكتملت ،،، و أرجو أني ما ازعجتكم بتجزيئها .... مرحباً من جديد ... وآسف على التأخير في طرح الجزء الثاني ... أنا : أنا أقول خير البر عاجله .. و إذا البنيه موافقة .. يعني بعد أذنك ممكن نعقد القرأن الحين و خاصة الشيخ موجود و الشهود موجودين ؟ أبوها : ... أنتظر لحظة أشاور البنيه ... قام أبوها و دخل عند الحريم و بعد أشوي رجع . أبوها (دخل و جلس) و الأنظار كلها متوجهه له و كنت أنا أنظر له كأني طرار على مسجد ههههههه :hahaha_2008: أبوها : البنيه موافقه .. بس لي كم شريط (تصغير شرط) . أنا : سم ... عمي أنا تحت أمرك . أبوها : البنيه تدرس في الكلية و باقي لها سنتين و أبقاها تكمل تعليمها خاصة أنها ادخلت التخصص اللي تبيه ، وثانياً أنا ما عندي بنات تطلع مع خطيبها الحالها تبي تطلع معها بعد الملكة لازم واحد من أخوانها يطلع معكم ، و في شيئ ثاني أن ما تطول فترة الخطوبة أكثر من شهر . <<< أقول ما جبت شيئ جديد الرجال هذا اللي يبيه أنا : ما يخالف و أنا الشقة جاهزة بأثاثها .. بس باقي العروس تختار غرفة النوم و الستائر . الشيخ : على البركة ... على البركة ... الله يتمم على خير ... بعد أذنكم أجيب دفتر الأنكحة (الدفتر الخاص بكتب الكتاب). خرج الشيخ و بعد اشوي جاب الدفتر و جلس و قال لبوها سوى طريق خلني أخذ وكالة العروس ..... و دخل الشيخ علشأن يأخذ وكالة منى نظرة أبوها لي تغيرت من يوم قلت أبقي الملكة الليلة و كان يطالعني بود و عطف و أبتسامة رضا وكل أشوي يلتفت علي فرحان بي ... .. عرف أنه بيأخذ رجال نشمي مستقيم و يستاهل ويقدر المراة و يحافظ عليها و معجب بمسلسلات سانشيرو و يموت في عدنان ولينا <<< ندري ما يحتاج تقول ... ياشينك إذا مدحت نفسك :hahaha_2008: المجلس كان فيه أخوها خالد و محمد ، و أحمد (إللي صدم) في السيارة و سبحان الله أن حبيت هالأحمد لأنه صدم بسيارة أبوه وكان سبب تعجيل موضوع الزواج <<<<<<< أدري أيبك ما يحتاج تقول :119: في هالوقت من السنة يكون الجو في الحسا حار .. بس ما أدري فجأة الجو ذيك الليلة صار لطيف ناعم و حلو .. أحس أن كل شيئ جميل و أحب كل شيئ في هالدنيا .... سبحان الله حتى الألوان قمت أشوفها بشكل مختلف الوردي شكله غير و الأبيض شكله أجمل و الأحمر صار يجذبني ... ما أدري يمكن هذا اللي يسمونه حب ... ما أدري صراحة لما كنت أطالع المسلسلات المصرية و أشوف هالأمور عن الحب و الهيام و العشق كنت أظن المسئلة كلها خيال في خيال .... بس الحين حتى تفكيري تغير .. جا الشيخ من داخل و قام أخوها محمد و صب له القهوة و قرب منه صينية الفواكه و المكسرات . الشيخ (كان فاتح دفتر الأنكحة) : لا .. خلها بعد أشوي ، كما المهر ؟ أنا : أللي يامرون به أنا حاضر . أبوها : أحنا بنات عائلتنا مهورها عادة 25 ألف ، بس أحنا شارين رجال و اللي يجي منك بركة . أنا : الله يسلمك و يطول عمرك ... أنا بأدفع لها مهر 30 ألف مع طقم ذهب .. زين ؟ أبوها : ما قصرت بيض الله وجهك تمت الملكة و اتقهوينا بعدها طلع الشيخ و طلع أخوها محمد و خالد و بقى أبوها و أخوها الصغير أحمد ، و كنت أنا جالس يم أبوها و أحمد جالس يم الدلال يقهوينا .. الحين صارت الساعة 10 ... و ظليت أنا ساعة أشرب قهوة ساعة شاي و ساعة بأكل مكسرات و كل من حسيت أبوها بيستأذن أو بيلمح لي أمشي كلت شيئ <<< قلنا لكم لزقة ما صدقتوني .... هههههه :hahaha_2008: أبوها : تبي تشوف مرتك <<<<<< الرحمة زينة الرجال شرب دلتين شاي و قهوة علشأن ما تطردونه يا أخي حس ... أنا: ....... ( صار وجهي كتشب من الحيا) أبوها : البنيه راحت المشغل بعد أشوي بتجي أنا : ...... ( طالعت أبوها بنظرة شكر و أمتنان) ررررررررن (صاح جوالي) طالعت الجوال شفت رقم أمي أمي : هلا يمه ما جيت ؟؟؟ أنا : أنا في بيت ..... ما بعد أخلص أمي : الساعة عشر ما خلصت من شوفتها ؟ !! أنا : هههههههه .. لا السالفة طويلة إذا جيت أقول لش . أمي : زين أشيل لك عشى ؟ أنا : لا يمه ما يحتاج ... تعشيت <<< أدري بتقول شوفت منى عن ذبيحة ما يحتاج تقول أمي : طيب مع السلامة أنا : مع السلامة . أبوها مسكين عند دوام و هو موظف أرامكو و عنده شفت ليل وده يقوم بس مو قادر يتركني الحالي و كل حين يطالع الساعة <<<< أقول يبيك تحس يالشين .. بس ماش ههههه الساعة صارت 11 في الليل ... و أنا بديت انعس ودي أروح أنام <<< أقول أترك عنك العيارة و ربي ما في عينك ذرة نوم أبوها (ألتفت على ولدها أحمد) : و قال قم أبيك ... وقف معه في التهوية القريبة من المجلس و سمعته يوصي أولده ... يقوله شف أنا بروح الدوام و إذا جات اختك خلها تجلس مع زوجها و يا ويلك إذا تركتها الحالها معه .. مو يقولون لك رح اشترى بيبسي أو جب ماي تترك المجلس ..دير بالك بعدين جا أبوها و سلم علي و استأذن لأنه مضطر يروح الدوام و قال لي أن العروس جايه في الطريق .... <<< أبسط يا عم من أدك ... العروس جايه ...و الجو فضي ليك ... شكلك مش حتسيب البيت إلا الصبح ...ههههه :hahaha_2008: ظليت جالس مع اخوها أحمد ربع ساعة تقريباً .. و بعدها جات منى ... ادخلت قلبي ... أحم أحم ... أقصد أدخلت المجلس .. ذاك المجلس أللي شهد ولادة حبي الأول و نبضات العشق و الهيام و الوله ...... اشوفكم في الجزء الثالث .... و لا تستعجلون علي :119: .... تصبحون على خير |
رد: أنا و خـــطـــيبــتي
زين عنكم نظرة شرعية
من حقكم الصراحة عندنا في القطيف يطردونك من على باب اذا قلت تبي تشوفها :hahaha_2008: والعقد عندنا عادي يطول اذا كان غريب من العائلة يجلسو تقريباً 8 اشهر أو اقل اذا كان من العائلة يجلسو اكثر من سنة والبعض 3 ثلاث سنوات وعادي تطلع مع خطيبها آيام العقد ويجلسو مع العقد سمعت عنكم اهل الحسا استغربت كيف ترضو على اولاد الحسا :119: صديقتي اللي من الحسا زوجها ولد عمها ابوها ما رضى يشوفها الا ليلة العرس قلت لها قوية الصراحة مستحيل في القطيف تصير بعد شهر من العقد ما يصبر ورقة الطلاق توصلها بيت اهلها نتظر التكلمة |
رد: أنا و خـــطـــيبــتي
يعطيك العافيه اخوي انيس
ننتظر تكملة القصه لي رجعه |
رد: أنا و خـــطـــيبــتي
يعطيك العاافيه اخووي.. وبانتظاار الجزء الثالث .. <~ تقبل مروري http://www.zhor-al7b.com/up//uploads...1b9831e209.gif |
رد: أنا و خـــطـــيبــتي
مرحباً بكم ... وآسف على التأخير في طرح الجزء الثالث ... أكمل لكم القصة ... ظليت جالس مع اخوها أحمد ربع ساعة تقريباً .. و بعدها جات منى ... ادخلت قلبي ... أحم أحم ... أقصد أدخلت المجلس .. ذاك المجلس أللي شهد ولادة حبي الأول و نبضات العشق و الهيام و الوله ...... بقول لكم شيئ .. شفتوا لم يكون عندكم صورة قمر و حطيتوا عليها هالة نور بالفوتوشوب أشلون يتضاعف حلاها .. أهي صارت كذا بعد ما جات من المشغل أنا اتلخبطت و فزيت لها ... قدامي الصحن اللي فيه الماي و الكاسات دست عليه و أندفق الماء ... أخوها احمد تفاجأ من حركتي و ظل يطالع مبحلق اعيونه و ما يدري أيش السالفة .... أهي لما شافت كذا أبتسمت و أمتلى وجهها حيا و زاد الحيا جمالها نور على نور ، لما جلسنا ... ظليت ربع ساعة اطالع فيها كأني مسبـبه (مسودن) و هي تطالعني بين كل حين و حين من تحت لتحت بس أحس بهالنظرات تدقدق قلبي و وجداني و كان قلبي يردد أناشيد الحب و الولاء : . حبيب الروح منك الروح تخجل يلي من بان لي خدك شعاعه تدلل يا قمر ليلي تدلل وانا لك بالامر سمعن وطااعه ودادك من غدير القلب ينهل سباني حبكم والدمع ذاعه عساك تزورني ساعه وتسأل عن امابي وقلبي والتياعه انابي نار وسط اليوف تشعل واردد ونتي في كل ساعه من الحرمان حالي صار ينحل سهير الليل واسهرت الجماعه حبيبي لا تعذبني وتبخل على من فالهوا لك مد باعه عليك العين بالعبرات تهمل غرام القلب صوبك واندفاعه عطاك الله وصف الشمس واجمل تنير الكون كله واتساعه . أحمد اخوها لما شاف الماي اندفق .. أحمد (وقف ) : أجيب لكم فوطة تنشفون الماي << < خوش اللي بتحمي اختك أقول من هالحين ... هههه أنا : أييه الله يخليك جيب فوطه بسرعة راح أحمد و جاب فوطه و قام ينشف الماي و بعدها جاب ماي بداله و توه جالس . أحمد (أخوها ) : تبون أشتري لكم بيبسي <<<<<< و ربي أن هالولد ينحب قلت لكم .. ههههههه أنا : هااااااااا <<<<< أقول ما صدقت عن الله يالدعله أحمد أخوها : أشتري لكم بيبسي أنا ( و أنا أطالع مني زي أللي أشاورها ) : أقول لااااااا .... ما يحتاج . أحمد : طيب أقوم أنام ؟؟؟؟؟؟ أنا : ........... ( بقـقـت أعيوني متفاجئ بشكل كبير) <<< و ربي ان أمك داعي لك ... ما أصدق أللي يصير ... ههههه :icon_neutral: . أنا حقيقة كان ودي يفضى الجو بس أكيد أحمدوه بيقول لأبوها عن اللي صار و خفت السالفة تنقلب غم ، فقلت له ما يحتاج تشتري شيئ . طالعت الساعة لقيتها صارت 2:30 ليلاً ، فقلت لازم أمشي فقلت لها بعد أذنش و وقفت هي بعد ... أنا : مع السلامة تصبحين على خير . هذي الجملة مع أني قلتها مئات المرات من قبل بس صدقوني هالمرة أقولها من قلب و اعني و احس بكل حرف فيها منى : مع السلامة أنا : مع السلامة تصبحين على خير . منى مبتسمه و منزل رأسها : ....... أنا : مع السلامة و تصبحين على خير . يمكن تستغربون ليش كررت العبارة ... صدقوني ما قدرت أقول غير هالكلمات ... أحياناً كثيرة أتذكر ذيك الليلة و أحداثها و أحس بالسعادة و أحياناً أضحك على المواقف اللي صارت فيها .....أنتهت ذيك الليلة الجميلة ...من الزمن لكن ظلت محفورة بقلم الحب في صفحات العشق ... يوم ثاني الساعة 1:30 الظهر ... كنت أدق عليها جوال مرة و مرتين و ثلاث ما ترد معقول للحين نايمه .. لا يمكن مستحيه .. أكيد مستحيه ترد .. فقمت أرسلت لها مسج ... لي متى هذا التردد والخجل = لي متى ساكت ولا ودك تقول تفضحك عين حوت شوق وغزل = يفضحك رمش على خدك خجول أنتظرت عشر دقائق و انا اضرب اخماس في اسداس فقلت إذا ما ردت إلى الساعة 2:00 أنا رايح بيتهم ... رايح .... فجأة دق الجوال ... منى : آلو....... أنا : آلو ... صباح الخير منى : .......... (مسكينة مستحيه ما قدرت ترد) أنا : و ينش حياتي ... أنا خفت عليش من نص ساعة ادق ما تردين . منى : .......... أنا : حياتي .. أيش رايش نطلع نتعشى مع بعض الليلة . منى : أللي أتشوفه .. بس أبوي يقول أحمد لازم وياكم . أنا : أصلاً لو ما قلتي .. أنا أللي بقول جيبيه معك <<< طبيعي صاير معك على الدين .. ههههههه :119: وصلنا المطعم و دخلنا قسم العوائل .. من الأشياء اللي تعجبني في المطاعم أن يكون عندهم خبز تنور و الأكل يجي بسرعة ... دائماً إذا رحت أقول للقرصون ... شوف جيب لي الشيئ الجاهز أول و خل المشويات لأنها تطول ...... في مدخل المطعم في قسم يبيع بوظة (آيس كريم) ، و شاشة كبيرة 32 بوصة و كان في ذاك الوقت يذيعون أحد المباريات . أحمد : خلوني أطالع المباراة أنا : لا ما يصير أبوك يقول لازم تصير معنا <<<< يا نصاب ... مو هذا اللي تبيه ... هههههه :icon_neutral: أحمد : لا ما راح أقول أني تركتكم الحالكم . أنا : خلاص روح أقعد و أنا برسلك عشاك هنا . جلسنا أنا و منى في انتظار العشاء .. و بديت أسولف معاها و أخذ و اعطي طق الباب القرصون و جاب المقبلات و البطاطس المقلي و البيبسي .. و الكوكتيل إللي اطلبته منى ، و أحنا نأكل بالصدفة أحتكت يدي بيدها و سرت حرارة لطيفة دافئة بينا ... طالعنا بعضنا و أبتسمنا ....... أنا : سمعت ابوش يقول أنك في الكلية و باقي عليش سنتين ، شسم تخصصك ؟ منى : أنا أدرس آدب أنجليزي أنا : وات از يور نيم <<<<< أقول ما يحتاج تتفلس ندري تعرف انجليزي منى : .......... ههههه ، تعرف انجليزي أنا : أفكورس ، بس في كلمة دايم اشوفها بس ما اعرف اقرئها ، ممكن تساعديني فيها .؟؟؟ منى : .......... ( ارتسمت على وجهه علامات الاستفهام) أنا : ........... ( اخذت قائمة الطعام و كتبت عليها I Love You ) بعدين عطيتها القائمة و قلت لها هلكلمة ما ادري اشلون ما ني عارف اقولها تقدرين تقرأينها لي <<<<<<< يا اخي تكفى تعطيني دورة في العيارة ...... ههههههه منى (من غير ما تنتبه لمعناها ) : هذي I love you ... أنا : أنت متأكدة منى : .......... (مبتسمه و تطالعني بحب و حنان) تعتبر شركة ارامكو السعودية من اكبر شركات النفط في العالم و خصصت لموظفيها منطقة على شاطئ الخليج العربي للنزهة و الترفيه ... اسمها القرية ، و طبعاً لأن أبوها موظف ارامكو فيحق لنا الاستفادة من هذا الشاطئ .. و هذا اللي رحنا فيها يوم ثالث الملكة و على فكرة جبت لكم صور من الشاطئ .. . . . . . http://www.up-00.com/oqfiles/vCy34176.jpg هذي صورة عدنا و لينا الله يخليهم البعض http://www.up-00.com/oqfiles/orC34176.jpg و هذا نامق كان شرير بس بعدين تاب http://www.up-00.com/oqfiles/UOg34176.jpg و هذا عبسي رفيق عدنان الروح بالروح [/align] طبعاً بتسئلوني عن علام ليش ما حطيت صورته ... لأني ما طيجه .... الله لا يوفقه لا دنيا و لا آخرة .. أهو اللي تسبب في موت جد لينة ، حسبي الله عليه ..... أيش فيكم تطالعوني كذا قلت شيئ غلط <<< طبيعي يطلعون كذا يأأخي أيش دخل عدنان و لينا في شاطئ القرية .. أرجع للسالفة . أي سالفة <<<<< يا أخي سالفة منى أيش فيك منى أحبها أيش فيها <<<< يا أخي ندري أنك تحبها كمل سالفتك و ياها أييييه .. آسف ترى أنا أحياناً أخوره .. أمسامحه على قولت حبايبنا البحارنه ... اكمل لكم السالفة .. ، رحنا أحنا و أهلها إلى شاطئ القرية ، و كان راكب معي طبعاً في السيارة مع منى أخوها الحبيب أحمد سمعته يقول : أحمد : أخوي خالد بيطبخ لنا اليوم منسف أنا : اشلون يعني منسف ؟ منى : المنسف هذا طبق مشهور جداً في الأردن مثل الكبسه عندنا . أنا : و أيش رايك فيه زين ؟؟ منى : طبعاً اهو لذيذ جداً . انا : مثــــلش ؟؟؟؟ منى : ............ (أبتسمت و هي مستانسة عليه) <<< أكيد بتستانس ما مرة شافت لوتي مثلك ، سبحان الله ان ما ادري من وين تجيب هالكلام ... :icon_neutral: . بعد وجبة المنسف اللي بجد اطلعت شيئ عجيب في منتهى اللذة و الروعة ... لقيت اخوها احمد جايب لي بيبسي ، آثاريها جايب لي و لها بس .... بيبسي ، ما أدري ليش <<<<<<< بعديها لك هالمرة ...ما تدري ليش هاااااا ... هههههه فقلت لأحمد قلها تطلع برا الخيمة علشأن نتمشى .. راح و لقيتها اطلعت و رحت اتمشى معها ..... الجو كان جميل عند الغروب و المد و الجزر كان كعازف كمان جاي يسعدنا انا ومنى بألحانه العذبة .. كنا نمشي جنب بعض و غصباً علي لقيت يدي في يدها ... و لأول مرة أعرف ان في لغة تخاطب يمكن تكون عن طريق غير اللسان كانت النظرات تكفي بيني و بينها علشأن توصل جميع كلام الدنيا بيني و بينها .... اشوف بعيونها كلام و ارد بعيوني كلام .... يعني أقلوبنا أهي اللي كانت تتكلم من غير صوت ... منى : ........... (أنت احلى شيئ صار لي في حياتي) أنا : ............ ( انت حياتي و احلى شي في الوجود ) منى : .......... . ( يوم شفتك في النظرة كنت مرتبكة حيل) أنا : ........ ... ( صحيح شلـلي جا في تفكيرك ) منى : ............. ( ما أدري كنت متوترة ، يمكن خايفه اني ما اعجبك) أنا : ............... ( أقول عن الغلط ........... ) منى : .............. ( ابتسامة حب و إعجاب ) <<< تكفون علمونا شيئ ... شكلنا بنخطب و بنعفس الدنيا .... :011: أنا : ............ .. ( صحيح لم جيت بأخذ النشاف من يمش شلي جا في بالش ؟؟) منى : ............. ( ما جا في بالي شيئ بس خفت ، ما كنت متوقعة هالحركة منك ) أنا : ............. .. ( طيب قولي لي أمانة عجبتش ) منى : ............... ( صراحة ........ يعني بدون زعل ) انا اهنيه توقفت .... و التفت لها و طالعت في اعيونها و مسكت يدها الثانية كأني طفل خايف أمه تتركه ... منى : ................ ( أنا سمعت خواتك يتكلمون عن وسامتك بس ما توقعت انك حلو لهالدرجة ) أنا : ................... ( هدأ توتري و أنبسطت ) <<< برد على قلبك يا ولد .... من قدك هههههه :119: ما زلت ماسك أيديها بين ايديني و انا حاسس أن ملكت الوجود و بديت اقرب .. اقرب أقرب و أنا على وشك ....... ألا صوت مزعج شق ذاك الهدوء الجميل ... و هو صوت أبوها .. الله يسامحه بس .. أبوها : يا عيال .. يا عيال انا : سم ... سم أبوها : يالله مشينا استوى الليل<<<<<< هذا وقته يا شيخ احنا مندمجين ...ههههه :icon_neutral: أنتهى الجزء الثالث ..... ان شاء الله يكون عجبكم ... و أشوفكم في الجزء الأخير .. |
رد: أنا و خـــطـــيبــتي
أسلوب رائع في درج القصه .. يجبر القارئ على القراءه ... أكمل ... بإنتظار الجزء الأخير.. |
رد: أنا و خـــطـــيبــتي
قصه جميله واسلوب رائع وتفاعل اجمل
لا عدمنا مواضيعك اخوي انيس:119: |
رد: أنا و خـــطـــيبــتي
بانتظار التكمله..........:119:
|
رد: أنا و خـــطـــيبــتي
قصة رائعة جدددا
بإنتظار التكملة |
رد: أنا و خـــطـــيبــتي
بانتظااااار الجزء الاخييييييييييييييييييير
|
رد: أنا و خـــطـــيبــتي
قصـــه رااائعه < < ومندمجه بقوووهـ
باانتظاار الجزء ويعطيك العاافيه |
رد: أنا و خـــطـــيبــتي
ما زلت ماسك أيديها بين ايديني و انا حاسس أن ملكت الوجود و بديت اقرب .. اقرب أقرب و أنا على وشك ....... ألا صوت مزعج شق ذاك الهدوء الجميل ... و هو صوت أبوها .. الله يسامحه بس .. . . أبوها : يا عيال .. يا عيال انا : سم ... سم أبوها : يالله مشينا استوى الليل<<<<<< هذا وقته يا شيخ احنا مندمجين ...ههههه صراحة انزعجت من تصرف ابوها ، و تغير وجهي منى لاحظت هالشيئ : منى : زعالللللت (اتقولها و هي خايفه ) أنا (منزل راسي و متضايق ) : ............................ منى : الله يخليك لا تزعل من أبوي أنا : ..................... منى : علشان خاطر لا تزعل أنا : .............. <<<<< أقول عاجبك الدلع هااااااا :119: منى (أحضنت أذراعي بحب و مسكت يدي) : ترى ابوي قلبه طيب و مو قصده يزعلك أنا : ................. <<<<<<< يا عيني على الثقل هالكلمتين إللي قالتهم لي منى طيروا الزعل مرة وحدة ونسيت الموضوع ما ادري ليش تأثير هالبنية عليه قوي و غريب <<< في ذمتك ما تدري ..... هههههههه . رجعنا الحسا و يوم ثاني دقيت عليها جوال لأن متفق معها انروح نختار غرفة النوم و الستائر ، و لاحظت شيء ثاني جميل فيها و هو ذوقها الرائع و الجميل في اختيار الالوان <<< طبيعي تمدح ذوقها لانها اختارتك ... ما تجوز من العيارة ..... :icon_neutral: صحيح جبت لكم صور غرفة النوم و الستائر <<< أقول ليكون تجيب لنا عدنا و لينا مرة ثانية :) لا هذا الصور عندي مصورهم بالجوال ... شوفوهم . . . . . من عينكم اختفت الصور ،،، خلاص اترك لخيالكم العنان علشأن تتصورونها ،،، اكمل القصة ،،، بعد أيام كانت الشقة جاهزة و أخذت منى و امها و وريتهم الشقة و اتفقت مع امها ان الزواج ان شاء الله بعد اسبوع .. حجزت الصالة لحفلة الزواج و جهزنا العدة كاملة و بدينا في الاستعداد للزواج ، ابوها كان مستعجل يبي الزواج يتم بأسرع وقت ما ادري يمكن متضايق من احمد أنه كل معانا ؟؟ <<< لا .. يا شيخ ... ابوها اللي متضايق من احمد ... هااا ... خلال هالليالي اللي سبقت الزواج كانت كل ليلة منى تتصل علي و نسولف لين الصبح .. أقولها ارتاحي حبيبتي روحي نامي ما ترضى <<< أهي اللي تتصل بك هاااا ، و الا انت اللي خربت تلفونها من كثر ما تدق .... هههههه :hahahahahah: قبل ليلة الزواج بيوم دقيت على منى .. انا : آلو منى : آلو أنا : اشلونش حياتي منى : ............ أنا : ليش ما تردين منى (مستانسه باتصالي) : أنا بخير بوجودك أنا : تعرفين انا مهتم بالإنجليزي بس نسيت الجملة اللي قلتيها في المطعم شسمها منى : ها ها ها (مستحية و مستانسة) << طبيعي حت انا اللي ما لي دخل مستانس ههههههه أنا : علشأن خاطري قوليها منى : وت از يور نيم (عارفه قصدي بس تمزح) أنا : لا مو هذي ..هذي عارفها منى : I love you أنا : يا زينها من لسانش .. تصدقين اني لو اسمع القاموس كله منش حفظته منى (مبتسمه ) : لا عاد لا تبالغ أنا : صدقيني ... أنت أجمل قاموس أنجليزي شفته بحياتي منى : ....... أنا : أشلون غرفة النوم اعجبتش عسى ؟ منى : أييه والله حلووه و تجنن أنا : مو اكثر منش منى (مبسوطة ) : ............ انا : الستائر اشلونها .. زينه الالوان مالتها ؟ منى : ما اتوقع فيه احلى منها أنا : انت احلى منى : ............. أنا : تصبحين على خير ..حياتي منى : و انت من أهله هالايام كل احلامي عن الزواج و الخطوبة تتوقعون هالاحلام أضغاث و لا اكلم انيس النفوس يفسرها لي ... ::hahahahahah: مقر عملي أبعيد عن بيت منى و طريقي لبيتنا ما يمر على بيتها بس دائماً و انا رايح بيتنا امر على بيتها .. لازم اتطمئن على نظافة شارعهم <<<<< يا عم على مين .. ألعب غيرها .... :hahahahahah: قبل الملكة كنت اكره صوت التلفون و ما ارد عليه أما الحين كل من ضرب جرس التلفون اشوف دقات قلبي تزيد اظاهر أنه فيه شيئ << عارفين اشفيك يالشين ... ما يحتاج تقول ... ::hahahahahah: لما يحس الواحد بأنه اسعد انسان في الوجود .. لما يصير كل شيء في حياته مرتبط بشخص معين .... دائما على بالك تفكر فيه ... تسرح معه في الخيال تتذكر كل كلمة قالها ... تحس بالبهجة و السعادة إذا طرا على بالك و تتحول كل المفاهيم اللي مرتبطة بالحب بذاك الشخص ... تتوقعون أبعيد الشر عني أني احب ........::119: [/align] لما يحس الواحد بأنه اسعد انسان في الوجود .. لما يصير كل شيء في حياته مرتبط بشخص معين .... دائما على بالك تفكر فيه ... تسرح معه في الخيال تتذكر كل كلمة قالها ... تحس بالبهجة و السعادة إذا طرا على بالك و تتحول كل المفاهيم اللي مرتبطة بالحب بذاك الشخص ... تتوقعون أني احب ........ :119: ...في مثل حساوي يقول إذا بقيت ترفه نفسك تذكر ايام عرسك و هذا المثل قاعد اعيشه الحين لحظة بلحظة ..... جا يوم الزواج و رحت مع اقاربي إلى عين مشهورة عندنا في الحسا اسمها ام سبعة تقع قرب قرية البطالية ، هذا عادة عندنا الحساويه ان نسبح المعرس (العريس ) في يوم الزواج طبعاً الربع في الاستراحة وزعت عليهم بطاقات زواج بس ذكرت في بطاقة الزواج أن موعد الزواج بعد ثلاثة أيام من موعده الأصلي ، تعرفون ليش لأنهم حالفين يسوون فيني مقلب في يوم الزواج ... لما جاو في موعد الزواج المذكور في البطاقة استغربوا ما في سيارات و لا في أحد في البيت طقو البيت ظهر لهم ابوي ، اسئلوا عسى خير ما نشوف احد جى العرس ابتسم الوالد و قال لهم اتفضلوا (كان عارف القصة) و قدموا لهم الغدا و بعدين قال لهم أن ولدي تزوج من ثلاثة ايام و راح مع عروسه شهر العسل أضحكوا .. و اعرفوا اني انا اللي سويت فيهم مقلب مو هم <<< و الله ما احد يقدر عليك انت ،، الله يكفينا شرك بس ههههههه :hahahahahah: بعد ما خلصنا سباحة رحت البيت ارتاح إلى الساعة تسع بعدها رحت صالة الافراح و بدت الناس تهنيني و انا ذيك الليلة ما طرت على بالي منى ابداً <<<< يا نصاب ... ما طرت على بالك هاااا .. :hahahahahah: الساعة اثنعش في الليل دخلت إلى قسم النساء و كانت القمر .. أحم أحم .. أقصد منى ... جالسة في الكوشه توجهت لها و مجرد اني جلست جنبها حسيت اني ملك توا منصب على عرشه .. احساس غريب جميل رائع ملئ كياني ذيك الساعة ما اقدر اوصفه لكم ، و بدت عماتي و خالاتي يجون يصورون معي و يباركون لي و الاطفال قاعدين قدامنا في الدرجة التحتيه من المنصة ... و حدة من عماتي خفيفة دم مثلي قربت لي تحاكيني في أذني : عمتي : هني اللك هالقمر يا قمر .. أنا (الضحكة شاقة خشتي) : الله يسلمش عمتي : و هني لها بعد خذت واحد مزيون مثلك أنا : الله يخليش <<<< يا حبك للمدح ....... ::119: و قالت لي بعد اني اجملي من حسين فهمي و من ليوناردو دي كابريو ، و في شبه كبير من زورو ... بس اعتقد انها تجامل اشوي <<< تجامل اشوي هاااا ... ماشي ماشي ... أقول كمل بس كمل ... ههههه :hahahahahah: بعد إنتهاء الحفلة رحنا الشقة ، منى ظلت واقفة مستحية و جهه صاير وردي من الحيا ... أنا : حياتي استريحي الشقة شقتش اشفيش منى : ......... أنا (و انا مبتسم ) : مستحيه منى : ............ أنا : أجيب لك عصير منى (وهي متوترة) : لا أنا : .............. منى (منزله رأسها ومغمضه اعيونها : ....... أنا : إرفــعــي ســهــم الـمـنـايــا يـالـعـيــون ** مـابـقــى فـيـنــي مــكــان(ن) لـلـطـعــون كـــل شـبــر(ن) فـــي حـيـاتــي إنــجــرح ** و الــــذي شــقّــوا خـفـوقــي يـشـتـكــون يـــا الـعـيـون الطـاغـيـه خــفّــي عــلــي ** كـبــرت الـلّــي بـــاوّل ايــامــي تــهــون فــــي عـيــونــي دمـعـتـيــن واقــفـــه ** ردّت الايــــــام دمـــعـــي بـالـجــفــون بـالـغَــت فـيــنــي تـبــاريــح الــهـــوَى ** وأسـتـبــدّت بــــي الـمـواجـيـع الـظـنــون خـبّـريـنـي يـــــا غـــــرام الـعـاشـقـيـن ** كـيــف يسـتـهـوي هـــل الـعـشـق الـمُـنُـون إرحــمــي قــلــب(ن) تـجـاريـبـه قــســت ** فــي زمــان(ن) مـاعــرف يـــوم(ن) حـنــون الـلـســان يــخــون و الـبـسـمـه كُــــذُوب ** واصــــدق التـعـبـيـر نــظــرات الـعــيــون منى (أرفعت رأسها و طالعتني بحب ) : ......... أنا قلت : غردي بالحب يا لحظة هواي = و العبي تطريب يا نجــــــمة مســـاي واحضني خفقات قلبي لا يطير = و اجمعي رقصات فرحي فــي خلاي إزدحم في صدري الشوق العظيم = و الهوى في قلبي أبعد من مداي فيني أكبر من غرام العاشقين = و الامل يسبق من الفرحـــــــة رجاي و أنتِ ألما في حياتي و الهوا = و أنتِ أرضي و الوطن و انت سماي أتظـــــلل فيتـــــــك قيظ الحياة = و اتـــدثر دفـــــوتك ليــــــــلة شتاي من أجمل الأشياء اللي ممكن ان تحدث للشخص في هذا الكوكب هو اقترانه بشخص يبادله الحب حباً بحب و وفاءً بوفاء و عشقا بعشق ... يوم ثاني طرنا على فرنسا لقضاء شهر العسل و الحمدلله اني أعرف كلمتين من اللغة الفرنسية :hahahahahah: و يمكن منى تعرف كلمة فنمشي روحنا ابها .... ... حلقت الطائرة معلنة نهاية حياة العزوبية و الدخول إلى القفص الذهبي مع احلى عصفورة اقدرت بجدارة تحتل قلبي المحب العاشق . الفأل لكل العزاب و العازبات ،،،،و ان شاء الله اعجبتكم القصة ،،، و طبعاً القصة من نسج الخيال ...و تصبحون على خير ،،، بالمناسبة الابيات الشعرية هي من اشعار الأمير الشاعر خالد الفيصل أمير الريشة و القلم |
رد: أنا و خـــطـــيبــتي
تسلم أخوى على هالقصة الرااائعة جدا
والطرح مرة روووعة يخليك غصب عنك تكمل بإنتضار قصتك الجديدة >>>مصدقة حالى لالالالا يمكن فى قصة ثانية تحياااااتى ..مليكة |
رد: أنا و خـــطـــيبــتي
اقتباس:
،،، و لك تحياتي ،،،، |
رد: أنا و خـــطـــيبــتي
طبعاً سبق وتم قراءة الجزء الأخير من قِبلي قبل لا يتقفل المنتدى .. وتنحذف بعض الردود والمواضيع.. أخي الكريم أنيس النفوس ... كتبت فأحسنت الكتابه فإبدعت حقاً... أسلوب جداً رائع وشيق .. نتظر جديدك.. |
رد: أنا و خـــطـــيبــتي
شكراً لك اختي الفاضلة / برستيج
شكرا على تشريف الموضوع بردك المميز ،،، و تقبلي تحياتي ،،،، |
رد: أنا و خـــطـــيبــتي
ههههههههههههههههه
الحمد لله اني قريت كل الأجزاء ورا بعض عشان لا اجلس على نار:cheese: حركات يا أنس كنت افتكرك تحكي قصتك طلعت من الخيال .. يلا عقبال خطوبتك واذا متزوج عقبال الزواج الثاني ههههههههههه امزح مو تصدق:hahahahahah: يعطيك العافيه |
رد: أنا و خـــطـــيبــتي
والله انا بعد أول شى افتكرتة يحكى قصة واستغربت بعدين انتبهت انهاقصة خيالية |
رد: أنا و خـــطـــيبــتي
تسلم الأيااااااااااااااادي أخووي
الصرااحة روعـه القصة واسلوبك بالحسااوي حلوو مرة <<<<اكيد في سبب لأنهاا حساويه لاعدمناا قصصك القاادمة |
رد: أنا و خـــطـــيبــتي
يعطيك العافيه
.................... ع القصه الرائعه. |
رد: أنا و خـــطـــيبــتي
:d5::d5::d5:
|
رد: أنا و خـــطـــيبــتي
انيس النفوس ..
وااااااااي روعه روعه قصتك تصدق عبالي قصتك حقيقي ههههههه وربي انك تصلح كاتب روايات ههههه يعطيك العافيه |
رد: أنا و خـــطـــيبــتي
اش هالروعة اش ها القصة
بصراحة أنا أندمجت مع القصة لدرجة اني ماحسيتها خيال أبدا حسيتها حقيقية وان البطل انت ألف شكر ابداع :g8: |
رد: أنا و خـــطـــيبــتي
قصة راااااااااااااااائعة جداً كتبت فأبدعت هنيئاً للأحساء الحبيبة بك بجد اندمجت فالقصة وتوقعتك قاعد تحكي قصتك بجد قصة جمييييييييييييلة واسلوب جداً شيييييييق سلمت يمناك أخي العزيز تقبل مروري في صفحتك الراقية ..:119: نور البتول:119: |
رد: أنا و خـــطـــيبــتي
ماشالله علييييك مفصصصل كنك عاايش الووضع هع هع
روووووووعه وبانتظااااار جديدك:119: |
رد: أنا و خـــطـــيبــتي
واااااااااااااااااااااااااااو
ما شاء الله عليك ابداااااااااع وربي.. تسلم اناملك على مانسجته من كلمات لها أروع المعاني والاسلوب الشيق.. تقبل مروري: أحلام تتحقق:119: |
رد: أنا و خـــطـــيبــتي
يعطيك الف عافية |
رد: أنا و خـــطـــيبــتي
:119:
قصة حلوة كثير قدرت توصل لنا المشاعر بأسلوبك وما ألوم الأعضاء في تحمسهم ربي يسلمك وبإنتظار جديدك :g8: |
رد: أنا و خـــطـــيبــتي
وانا كمان انتظر جديدك يعط الف عافيه ماشاء الله عليك انسان مبدع اتمنا لك التوفيق والنجاح
|
رد: أنا و خـــطـــيبــتي
الله يعطيك الف عافية ررررررررررررررررررررائع جداً شكراً لك على هذا الإبداع |
رد: أنا و خـــطـــيبــتي
:d5::d5::d5::d5:
قصه متسلسله غير ممله خفيفة الظل وهذا ان دل يدل على كاتب فذ رائع بروعة الاسلوب الشيق مشاءالله تمتلك مواهب عديده هنئا لنا هذه المواهب التي تمتلكها دمـــــــــ بود ـــــــــــت |
رد: أنا و خـــطـــيبــتي
يسلمووووووووووووو
|
رد: أنا و خـــطـــيبــتي
ابدعت في الكتابه
كنت متوقعه ان انت البطل فيها القصصه متتاليه ماتقدر تقوم الا وقاريها كلها هذا الا حصل معي ذوقك وايد حلو في اختيار هذه القصه لسردها هنا تقبل مروري ننتظر الجديد |
رد: أنا و خـــطـــيبــتي
السلام عليكم
بصراحة القصة قمة في الروعة :g8: بس انا عندي ملاحظة صغيرونة اللي هي لاحظت انك تقول ( ما صدقت عن الله) وهذي الجملة ما يجوز نقولها لان الله على كل شيء قدير واتمنى انك تتقبل ملاحظتي هذي بصدر رحب :s11: ومشكور عالقصة :g8: |
رد: أنا و خـــطـــيبــتي
السلام عليكم
بصراحة القصة قمة في الروعة:g8: بس انا عندي ملاحظة صغيرونة واللي هي لاحظت انك تقول( ما صدقت عن الله ) وهذا ما يجوز لان الله على كل شيء قدير واتمنى انك تتقبل ملا حظتي بصدر رحب:s11: ومشكور على القصة:g8: |
رد: أنا و خـــطـــيبــتي
قصة حلللللللللللللللللللللللللللللللللللللوة مرة ...........زواضح تأثرك بعدنان ولينا
|
رد: أنا و خـــطـــيبــتي
مرررررررررررررررره
حلوة القصه والاسلووووووووووووب اروع وبدون مبالغه تمنيت لو في تكمله لها لان اسلوبك صراحة ما ينمل ومشكوووووووور على القصه الحلوه ولا تحرمنا من جديدك:m22asmilies-com: |
رد: أنا و خـــطـــيبــتي
اسلوب اكثر من رائع<<شعنها الأخت تتكلم بالفصخى
مشكووووووور :m22asmilies-com: |
رد: أنا و خـــطـــيبــتي
( صار وجهي كتشب من الحيا)
:c8: مشكووور الله يعطيك الف عافيه قمه في نسج الخيال:g8: |
رد: أنا و خـــطـــيبــتي
شكراً لكم على روعة التعليقات
|
رد: أنا و خـــطـــيبــتي
،،،
من قوانين القسم يمنع رفع المواضيع القديمة ،،،، ننتظر مشاركتكـ بموضوع جديد ،،، |
| All times are GMT +3. الوقت الآن حسب توقيت السعودية: 10:37 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام