ملتقى طلاب وطالبات جامعة الملك فيصل,جامعة الدمام - أنا البرستيج .. مدري أودعكم ولا.......

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- قسم المحذوفات و المواضيع المكررة (https://vb.ckfu.org/forumdisplay.php?f=33)

- - أنا البرستيج .. مدري أودعكم ولا....... (https://vb.ckfu.org/showthread.php?t=43454)

البرستيج

2009- 8- 21 09:25 PM

أنا البرستيج .. مدري أودعكم ولا.......

يسعد مساء الجميع ...

مُبارك عليكم الشهر ... وكل عام وأنتم بخير ..

الله يعينا ويبلغنا صيام الشهر وقيامه .. ويجعلنا من الفائزين فيه بكل خيراته ...

* الموضوع راح أكتبه بالعامي عشان المتمرد لا يتملل من قراءته وبصراحه أنا ودي الجميع يقراء الموضوع ويعلق كذلك ..

* أخذ الموضوع على محمل الجد لا على محمل الهزل...

* لا أحد يسئلني عن نوع الجراحه ..:119:

بصراحه ياجماعه أنا صحتي على قدي.. وعندي جراحه في شهر رمضان تاريخ 23 / 9
بس مابعرف شنو يحصل معي يمكن تنتكس صحتي وما أقدر أدخل ويمكن بعد ما أعمل الجراحه ماأرد لكم ..

في حين لو أني أنرخصت من المستشفى ونجحت الجراحه وكنت بإتم الصحه والعافيه راح أرد لكم في نهاية الشهر وأن حصل عكس هالشيء...

فإتمنى من الجميع أن يسامحني ويحللني ويبريني بالذمه ...

بصراحه كنت أتمنى أني أقدم لكم شيء بس ما الله أراد كانت لي خطط كثيره لملتقى المانع:119::cheese:

فإنا كتبت لكم هالموضوع عشان أجعله لكم صفحه تكتبون فيها بحريتكم الكامله .. عني أنا..
في حين لو كان عندكم أنتقاد لي ... إي شيء بخاطرك عليّه أكتبه لي ولا تترد ..
ورحم أمرئ أهدى إليّ عيوبي..

وماراح أزعل من أي حد ...

وإذا هم تبون مني شيء أقدمه لكم بخلال هاي الفتره إللي أنا موجوده فيها معكم صدقوني وَحَيِاَتْكُم لو قدرت ماراح أقصر معكم إبداً....

وإذا الله عطاني الصحه والعمر المديد .. يمكن إذا رديت لكم أعلملها لكم ..

لإن أمنيني أن أجعل من ملتقى المانع .. ملتقى شامخ بإعضائه الكرام وكلنا فينا الخير ..

أبي أنكون كلنا قلب واحد وكلنا واحد وواحدنا للكل والكل للواحد ..:119::119::119:

إبي أي حد يتصفح ملتقى المانع يحس بإجواء أخوتنا يحس فعلاً أنو حنّا مثل أخوه وأكثر وأن الملتقى يمثل لنا البيت الثاني ...

أكرر مره ثانيه .. أتمنى إي شخص غلطت بحقه بإي شيء أو شيء يسامحني .. ويخبرني.. يمكن أنا أكون أقصد شيء أو قصدي شيء وهو فهم شيء..

مثل ماخبرتكم .. الموضوع لكم إبيكم تتكتبون كل إللي بخاطركم عليه ...

outlaws

2009- 8- 21 09:41 PM

رد: أنا البرستيج .. مدري أودعكم ولا.......

كان لي الشرف اكون اول شخص اردك على موضوع

تناقلت بين حروفك وتألمت لتلك الحروف ماراح اقولك يا مشرفتنا .... بقولك اختي البرستيج

ما تشوفين شر ان شاء الله والف سلامه عليك وان شاء الله تسوين العمليه ويكون حلفيهاالنجاح وترجعين لينا وانتي بأتم صحة وخير ونشوف ابداعاتك ثاني مره في منتدى معهد المانع

الف سلامه عليك يا ربي وان شاء الله نلتقي فيك ثاني مره في نفس الموضوع ونبارك لك بنجاح العمليه وخروجك باذن الله من المستشفى

تحياتي لك وتقبلي مروري

المتمرد

2009- 8- 22 01:22 AM

رد: أنا البرستيج .. مدري أودعكم ولا.......

[CENTER]اهلين اختي البرستيج

والله حزنت على موضوعك يعني بصراحه تعودنا عليك وعلى ردورك بمواضيعنا :bawling:

ماتشوفين شر يارب وانشاء الله ترجعين لنا بصحة وعافيه انتي اشوفك تحاتين الموضوع العملية كثير ان شاء الله انها سهلة

ومراح ينتكسوون واهم شي تشوفين الدكاتره <<<<شيكي على شهاداتهم ليكون نجارين وسابكين :hahaha_2008:

في تاريخ 23/9 راح امسك الغة العربيه بالمثابه عنك الين ماترجعين لنا بالسلامه[/CENTER]

O¨° Joory°"O

2009- 8- 22 02:39 AM

رد: أنا البرستيج .. مدري أودعكم ولا.......

اهلين اختي البرستيج منور المنتدى فيك

انشاء الله تقومي بسلامه يارب وانشاء الله راح ادعيلك ولا راح انساك في هذا اليوم 23/9 ابدا انا اعرفك بس انتي ماتعرفيني :119: بس انشاء الله اول ما تبدا الدراسه في الكليــــــــه (الله يقومك بســــــــــــلامه ويعطيك الصحه والعافيه) راح اشــــــــــــوفك

اهم شيء ماتخافي من اي شيء ولا تحاتي العمليه لاتقولي يمكن مااشوفكم

قل لن يصيبنا الا ما كتب الله لنا هو مولانا وعلى الله فل يتوكل المومنون

البرستيج

2009- 8- 22 06:15 PM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة outlaws (المشاركة 497319)

كان لي الشرف اكون اول شخص اردك على موضوع

وأنا سعيده جداً بإنط موجود بصفحتي ..

تناقلت بين حروفك وتألمت لتلك الحروف ماراح اقولك يا مشرفتنا .... بقولك اختي البرستيج

خذ راحتك..ناديني بإللي الشيء إللي يريحك:cheese:

ما تشوفين شر ان شاء الله والف سلامه عليك وان شاء الله تسوين العمليه ويكون حلفيهاالنجاح وترجعين لينا وانتي بأتم صحة وخير ونشوف ابداعاتك ثاني مره في منتدى معهد المانع ب

إن شاءالله ببركة دعواتكم ..

الف سلامه عليك يا ربي وان شاء الله نلتقي فيك ثاني مره في نفس الموضوع ونبارك لك بنجاح العمليه وخروجك باذن الله من المستشفى

بصراحه .. هو الدكتور خبرني بإن نسبة نجاح العمليه مش كبيره .. لكن الله كريم ..:119:
تحياتي لك وتقبلي مروري

إهلا وسهلا فيك ..

بصراحه يابو ساهر .. أنا غرت كل واحد وإهديته هديه إلا أنا ..

صحيح قلت لك أنا مش جرئيه في تنزيل البرامج بس عاد مو حاله دي :cheese::cheese::cheese:

البرستيج

2009- 8- 22 06:23 PM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة المتمرد (المشاركة 497496)

[CENTER]اهلين اختي البرستيج

هلا والله بيك ..

والله حزنت على موضوعك يعني بصراحه تعودنا عليك وعلى ردورك بمواضيعنا :bawling:

هم أنا تعودت عليكم وايد..

ماتشوفين شر يارب وانشاء الله ترجعين لنا بصحة وعافيه انتي اشوفك تحاتين الموضوع العملية كثير ان شاء الله انها سهلة

ماخبي عليكم أنا أحتايها وايد وايد وخايفه من مابعد الجراحه وبعدين لأنو نسبة نجاحها مش كبير ..
وإللي مخليني أحاتي وايد لأنو قبل سنتين عملوا لي جراحتين .. وشفت الموت فيهم :119:
ومراح ينتكسوون واهم شي تشوفين الدكاتره <<<<شيكي على شهاداتهم ليكون نجارين وسابكين :hahaha_2008:

يبلي بصراحه كافي عليّ إللي حصل قبل:cheese:
في تاريخ 23/9 راح امسك الغة العربيه بالمثابه عنك الين ماترجعين لنا بالسلامه

هالله هالله فيها تراها عزيزه وغاليه على قلبي مره ..

بس كذا تحرجني ترى والله أنا مش معطيتها حقها ..لالزلت إجهل الكثير فيها ..[/CENTER]

وبصراحه أنت مره جرحت أحساساتي ..في إحد ردودك في موضوع لك:011:

البرستيج

2009- 8- 22 06:32 PM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة O¨° Joory°"O (المشاركة 497552)

اهلين اختي البرستيج منور المنتدى فيك

ومنور بوجود وبوجود أمثالك الطيبه ..

انشاء الله تقومي بسلامه يارب وانشاء الله راح ادعيلك ولا راح انساك في هذا اليوم 23/9 ابدا

لاتقصرين .. كنت أتمنى أن أكون موجوده بهذا اليوم بإتم الصحه والعافيه ......................

انا اعرفك بس انتي ماتعرفيني :119: بس انشاء الله اول ما تبدا الدراسه في الكليــــــــه (الله يقومك بســــــــــــلامه ويعطيك الصحه والعافيه) راح اشــــــــــــوفك

أنا شاكه فيك .. شكلك إنتِ إلا هذاك اليوم سئلتك أنتِ جوري لما كنت أكلم بنت الفيلسوف وقلتِ لا ومشيتي...!!!
اهم شيء ماتخافي من اي شيء ولا تحاتي العمليه لاتقولي يمكن مااشوفكم

مأحد ضامن عمره وأنا أختش ..
قل لن يصيبنا الا ما كتب الله لنا هو مولانا وعلى الله فل يتوكل المومنون

ونعم بالله ..

البرستيج

2009- 8- 22 06:36 PM

رد: أنا البرستيج .. مدري أودعكم ولا.......

[align=center]

غناتيه جوري لاتزعلي مني .. وسلميلي لى بنت الفيلسوف وخبريها بإن لاتزعل مني ..][/align]

إضاءات

2009- 8- 22 06:43 PM

رد: أنا البرستيج .. مدري أودعكم ولا.......

أهلللين اوخيتي

كل عام وأنتِ بخير
تقومين بالسلامة ونشوفك بأتم صحة بإذن الله

حبيبتي انتبهت لشغلة وحبيت أنبهك عليها أكيد مانتبهتي

اقتباس:

وَحَيِاَتْكُم لو قدرت ماراح أقصر معكم إبداً....

الحلف بغير الله مثل قول وحياتكم وراسك ومعزتك بقلبي مايجوز

اقتباس:

فقول القائل: "وحياة أبي"، "وحياة جدي"، فهذا من الحلف بغير الله وهو شرك، وفي الحديث: "من حلف بغير الله فقد أشرك" (الترمذي: 1535، وابوداود:3251، وغيرهما وهو صحيح)، وقال صلى الله عليه وسلم: "لا تحلفوا بآبائكم ولا بالأنداد، ولا تحلفوا إلا بالله ولا تحلفوا إلا وأنتم صادقون" (النسائي: 3769، وأبوداود: 3248 وغيرهما وهو صحيح).

والله يحفظك حبيبتي

نـورهـ

2009- 8- 22 09:31 PM

رد: أنا البرستيج .. مدري أودعكم ولا.......

البرستيج 000الله يشفيك ويقومك بالسلامة ويردك لاهلك سالمه آآآمين يارب العالمين 00
عندك ليلة 23 ادعي فيها وانتي ساجده والله يستجيب دعائك الحي على الله بالدعاء لاتنسين ان نحن بشهر رمضان 00 بضيافة الرحمن 00ومايرد ضيوفه خايبين سبحانه المنعم المتفضل 00
وان شاء الله مالك شـــــــــــر 0000

انتي ماقصرتي ومسموحه اختي 00 وننتظر جديدك 00ماعليك من كلاام الدكتور 000
كل شي بامر الله الله يسهل عليك كل عسير ويسر امورك يارب العالمين 00

اهم شي التفائل حياتي 00خلك دايم متفائله وثقتك بالله قووووويه 00حطي بمخك انو كل مايصيبنا من خير وشر فهو بالنهايه من صالحنا 00الله العالم وين الصالح فيه اختي 000يااااارب يستجيب دعااائك :s12:

♥╠ טּـقآء !

2009- 8- 22 09:44 PM

رد: أنا البرستيج .. مدري أودعكم ولا.......

الله يقومش بالسلامه أختي
المهم صحتش
وتأكدي بننتظرش ترجعي لينا أحسن من الأول
ربي يكون معاش .. ويعينش
ومبروك عليكم شهر رمضان

المتمرد

2009- 8- 22 09:55 PM

رد: أنا البرستيج .. مدري أودعكم ولا.......

وبصراحه أنت مره جرحت أحساساتي ..في إحد ردودك في موضوع لك

والله يالبرستيج مااذكر بني اّدم نساي يليت تذكريني

انا اقدم لك اعتذاري ولا تزعلين علي

انتي عندك عملية جراحيه ورايحه تتعالجين ربي يشفيك وتردين لنا احسن من اوول

وانا جرحت احساسك والله مدري واعالجك بالاسف

تقبل مروري واعتذااري

outlaws

2009- 8- 22 10:42 PM

رد: أنا البرستيج .. مدري أودعكم ولا.......

بالنسبه لطلبك يمكن لأني ما لقيت برنامج يستاهلك لحد

ويمكن لأني انا مااعرف ايش تستهوين من البرامج

لكن هديتك راح توصل لحد مكانك وان شاء الله تعجبك

تقبلي تحياتي ودعواتي معاك يا ربي

البرستيج

2009- 8- 23 12:47 AM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة إضاءات (المشاركة 497838)

أهلللين اوخيتي

كل عام وأنتِ بخير
تقومين بالسلامة ونشوفك بأتم صحة بإذن الله

حبيبتي انتبهت لشغلة وحبيت أنبهك عليها أكيد مانتبهتي

الحلف بغير الله مثل قول وحياتكم وراسك ومعزتك بقلبي مايجوز

والله يحفظك حبيبتي

أهلين عزيزتي إضاءات ...

مبارك عليكِ الشهر ..
وأشكركِ ع التنبيه .. :119:

بس هي كلمه عفويه مني:000:.....

تحياتي لكِ ..

البرستيج

2009- 8- 23 12:51 AM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة نـورهـ (المشاركة 497930)

البرستيج 000الله يشفيك ويقومك بالسلامة ويردك لاهلك سالمه آآآمين يارب العالمين 00

آمين يارب..

عندك ليلة 23 ادعي فيها وانتي ساجده والله يستجيب دعائك الحي على الله بالدعاء لاتنسين ان نحن بشهر رمضان 00 بضيافة الرحمن 00ومايرد ضيوفه خايبين سبحانه المنعم المتفضل 00
وان شاء الله مالك شـــــــــــر 0000

أكيد عزيزتي..

انتي ماقصرتي ومسموحه اختي 00 وننتظر جديدك 00ماعليك من كلاام الدكتور 000
كل شي بامر الله الله يسهل عليك كل عسير ويسر امورك يارب العالمين 00

اهم شي التفائل حياتي 00خلك دايم متفائله وثقتك بالله قووووويه 00حطي بمخك انو كل مايصيبنا من خير وشر فهو بالنهايه من صالحنا 00الله العالم وين الصالح فيه اختي 000يااااارب يستجيب دعااائك :s12:

:119::119::119:

مشكوره عزيزتي نورة ..

البرستيج

2009- 8- 23 12:53 AM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة ♥╠ טּـقآء ! (المشاركة 497939)

الله يسلمك عزيزتي.. زأنبسطت كثير بوجودك ..

والله يبارك لك بهاي الشهر الفضيل..

البرستيج

2009- 8- 23 12:56 AM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة المتمرد (المشاركة 497950)

:cheese::119::119:

يالمتمرد ياخوي .. عادي مشت خلاص وعدت :cheese:...

لاتحاتي .. وماراح أقول أسفك قبلته لأنو كان شيء وأنتهى بالنسبه لي...

بس أنتَ أحرجتني لما كتبت لي تمللت من قراءة ردي :119::cheese:...
لأنو بالفصحى فسببت لي عقده من حينها :011:

البرستيج

2009- 8- 23 12:59 AM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة outlaws (المشاركة 497973)

هلا أخوي بو ساهر ..
تدري هاي غيرة فتيات وبس...:cheese:..

بس ودي بيك تشوف لي حل مع إيميلي المسروق وغذا فيه شيء أعمل حمايه على إيميلاتي :cheese:..
أكون لك من الشاكرين ...

بصراحه أحسك فلته بهاي الأمور..
ولا وش قولك ..؟؟

outlaws

2009- 8- 23 01:29 AM

رد: أنا البرستيج .. مدري أودعكم ولا.......

اذا انتي شايفه كذا اعتبرها شهاده وبحط لها برواز واعلقها عندي

وابشري من عيوني ان شاء الله ما يصير خاطرك إلا طيب

البرستيج

2009- 8- 23 01:33 AM

رد: أنا البرستيج .. مدري أودعكم ولا.......

تسلم بو ساهر ...

وأنت مش بحاجه إلى كلامي .. في النهايه أنت أفعالك تثبت أقوالك..

O¨° Joory°"O

2009- 8- 23 02:27 AM

رد: أنا البرستيج .. مدري أودعكم ولا.......

هلا اختي البرستيج انا يعني صايره ازعل لا بس مو زعلانه منك
المهم الله يقومك بسلامه ونشوفك
بس ترى مو انا الي سئلتني اذا كنت جوري ولا بلعكس لو سئلتني بقولك ليش اخبي:cheese:
انشاء الله راح اوصل سلامك لبنت الفيلسوف :119:

جيـــفآآرآ

2009- 8- 23 02:32 AM

رد: أنا البرستيج .. مدري أودعكم ولا.......

الله يقومك بالسلاامه ومااتشوفي شر اختي وتقومي بالسلامه وتكوني مشرفتنااا واخت لناا وزميله
دعوااتي لك اختي
قلوبنا معك
والله معك

@الحبيب المعذب@

2009- 8- 23 03:24 AM

رد: أنا البرستيج .. مدري أودعكم ولا.......

الله يقومش بالسلامة انا من جدي زعلان عليكي تعودنا عليش

وتعودنا على مشاركاتش الجميلة وانتي اختنا مهما حصل

تروحين وترجعين بالسلامة

@الحبيب المعذب@

7wooor

2009- 8- 23 04:41 AM

رد: أنا البرستيج .. مدري أودعكم ولا.......

والله حزنت عليكي اختي

الله يقومك بالسلامه .. وان شاء الله مايصير الا الخيير

وتفائلي بالخييييرر .. وخلي ايمانك بالله قوي

الله معااك ... وقلوبنا معاك :119:

البرستيج

2009- 8- 23 01:38 PM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة O¨° Joory°"O (المشاركة 498240)

أهلين جوري..
تسلمي .. مدري أجل هذيك البنت ماعبرتني لما سئلتها مع أنا أغلبية الفتيات يعرفوني بإني أنا البرستيج كيف مدري :000:..

بس تبين الصراحه أول ما أشتركت هنا ماحبيت إي أحد يعرفني عشان أخذ حريتي بالتعبير والمشاركه ..
لكن طبعاً صديقتي منور عرفتني من أسلوبي مع أني كنت أحاول أغير أشويه من أسلوبي لكن مانفع:no2:..

إلا ماجاء هذاك اليوم وكنت أسولف مع حساويه مشهوره وتسئلني أنتِ من تكوني بالمنتدى قلت لها حزري ...
طبعاً عرفت بالأخير أنو أكو بنت معنا تقول أهيا البرستيج:000::g2:.!!

فعشان كذا قلت بلاها حرية التعبير:cheese: ...

وتسلمي مره ثانيه..

البرستيج

2009- 8- 23 01:40 PM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة جيـــفآآرآ (المشاركة 498244)

جيفآرآآ ياهلا والله وينك مختفي صار لك يومين ...؟؟؟؟

تسلم وماتقصر وسعيده بتواجدك هنا .. وبدعواتك الطيبه لي..
لاحُرمت منكم جميعاً..

البرستيج

2009- 8- 23 01:44 PM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة @الحبيب المعذب@ (المشاركة 498300)

أهلا وسهلا بالحبيب المعذب ...

بصراحه الحلو فيك بإن ماتتقطع المنتدى مره وحده حتى لو غبت لك يومين لو أسبوع ترد ...
بس تأكد تماماً بإنو نحنُ نشتاق لك .. ونريدك هنا دوم مش يوم ...

وأنا هم تعودت عليكم وايد وايد...

إلا بسئلك أنت يالحبيب من وين أشوفك تختم كلامك بالشين ..:cheese::g2:..؟؟

وبعدين شنو سالفة عمرك هذي 9 :000::cheese::cheese: صدقتك ...!!

وتسلم لي ع التواجد ..
لاتنسانا من صالح دعائكم..

البرستيج

2009- 8- 23 01:45 PM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة 7wooor (المشاركة 498391)

:119::119:

الله يسلمك عزيزتي حور ..

وماقصرتي وإن شاءالله كل خير يحصل ببركة دعواتكم جميعاً ..

بنت الفيلسوف

2009- 8- 25 01:14 AM

رد: أنا البرستيج .. مدري أودعكم ولا.......

هلا والله يالبرستيج
تقومي بالسلامة وبترجعي وبصحة وعافية ان شاء الله
وعلينا الدعاء وعلى الله الاستجابة وبحق هالشهر الفضيل
وبقولك اخديها مني :
الزعل ياختي في طريق واني في طريق وربي ماازعل من احد
وانتي اختي لاتتوقعي ازعل منك واذا بزعل ازعل يوم وارضى بلحالي :cheese:
ياالله هالله هاالله بصحتك وبتردين للقسم وانتي بااحسن حال
الله يوفقك يارب وسامحيني ادا ضايقتك

البرستيج

2009- 8- 26 02:12 AM

رد: أنا البرستيج .. مدري أودعكم ولا.......

أهلين بنت الفيلسوف ...

مبسوطه لأنك موجوده هُنا ..

مبسوطه.. منك هالدعوه الطيبه ..

مبسوطه .. من هالقلب الكبير ..

متخرج

2009- 8- 27 01:32 PM

رد: أنا البرستيج .. مدري أودعكم ولا.......

:Cry111::Cry111::Cry111::Cry111::Cry111::Cry111:

من جد ضاق صدري وانا اللي ماعرفتك الا من يوم:Cry111::Cry111::Cry111::Cry111:
الله يقومك بالسلامة

البرستيج

2009- 8- 27 02:06 PM

رد: أنا البرستيج .. مدري أودعكم ولا.......

الله يسلمك اخوي متخرج ..
ويحفظك ويسلمك من كل شر وسوء..

وإن شاءالله ببركة دعواتكم راح ارد بصحه وعافييه

وينـ ؟!

2009- 9- 10 05:34 AM

رد: أنا البرستيج .. مدري أودعكم ولا.......

الف سلآمة على قلبكـ بروستيج

ويارب عوافي

ماعليج شر

لاتخافين الامل بالله ومادامه بالله فما في خوف لان ربكـ رحمن رحيم وربكـ هو المعافي

معافاة ان شاء الله ع ــيـني:love080:

ترآنيمـ الروح..}

2009- 9- 10 06:03 AM

رد: أنا البرستيج .. مدري أودعكم ولا.......

ما تشوفين شر ان شاء الله والف سلامه عليك
وان شاء الله تسوين العمليه ويكون حلفيهاالنجاح
وترجعين لينا وانتي بأتم صحة وخير
ونشوف ابداعاتك ثاني مره في منتدى معهد المانع,,,

البرستيج

2009- 9- 16 04:15 AM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة وينـ ؟! (المشاركة 510328)

الله يسلمك ويحفظك واشكر لك..تواجدك الطيب..

البرستيج

2009- 9- 16 04:16 AM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة white rose (المشاركة 510360)

الشر مايجيك ..

وتسلميلي ..

وردهـ ذبلانهـ

2009- 9- 16 04:25 AM

رد: أنا البرستيج .. مدري أودعكم ولا.......

هلا االبرست

ماتشوفين شر يابعد قلبي

ربي يقومك بالسلامه ويخليك لنا
,,,,,,,سوريجاية متااخره على الموضوع

نـورهـ

2009- 9- 16 05:38 AM

رد: أنا البرستيج .. مدري أودعكم ولا.......

الحمد لله على سلااااااااااامتك البرستيج >>>> ماعنده سالفه ارعبك http://jewelsuae.com/gallery/data/media/14/v_157.gif

O¨° Joory°"O

2009- 9- 16 05:41 AM

رد: أنا البرستيج .. مدري أودعكم ولا.......

الحمد الله على سلامتك نورتي المنتدى:119:

البرستيج

2009- 9- 16 05:16 PM

رد: أنا البرستيج .. مدري أودعكم ولا.......

اقتباس:

المشاركة الأصلية كتبت بواسطة O¨° Joory°"O (المشاركة 517068)

الحمد الله على سلامتك نورتي المنتدى:119:

الله يسلمك عزيزتي..

All times are GMT +3. الوقت الآن حسب توقيت السعودية: 04:00 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه