|
قصيدتي الفكاهية جرس انذار
مساء الخير للجميع ....
اليوم راح أقدم لكم أحد أجد أشعاري الي من تأليفي وأهو فكاهي بعنوان (( جرس أنذار )):mh19: طبعاً شنو مناسبة الشعر أنه في كل مدارس البنات وحتى الأولاد يسوون لهم تدريب على جرس الأنذار طبعاً يكون وهمي لا حريقة ولا هم يحزنون فعاد تصير مواقف مافي أكثر منها الي تضحك والي مو بس تضحك ألا تموت من الضحك:003: طبعاً العام سووا لنا في المدرسة تدريب على جرس الأنذار وصادفتنا مواقف لخصتها بكم بيت من الشعر ووزعته في الفصل وكتبت تحته أنشرها ولك الأجر خخخخخخخخخخخ:lllolll: تفضلوا شعري وأنتوا حكموا.. (( جرس أنذار )) جـــــرس أنـــــــــــــــــــذار ...يطــــــق وقـــــت الحــــــرايق والأخطار جرس أنذار جرس أنذار يرعب النفوس ... ومـــــاتدري ياترى تروح يمين وله يسار جرس أنذار صــوته يذكرنا بجية صدام .... للكويت والحجي الي ذاك الوقت كله صار جرس أنذار ************************************** لــــي سمعناه الكل يوقف مفتزع.... يــــاترى هو صـــــــدام وله بوش مندفع وله شارون الي بلاه كله ينعرف ... ما أبي أذكر هالهوايل تراني منها أفتزع خلــــــــونا مـــــن السيـــــــاسية ... تــــــــرى ما أبــــــي كلامي ينسمـــــــع جرس أنذار ************************************** في المدارس كلنا في حالة تأهب ...والعقــــــل دايم تشوفه في حالة تبلد ننـــتــظر الهـــدة وكلنا في ترقب .. نكره الحصة والظغط علينا والتشدد نكره الدراسة والناظــــــرة الي ....مثــــــل القطـــــو زايد عليه التسود جرس انذار ************************************* فــــي يوم ٍ مـــن الأيام السعيـــــده ....العقل سرحان والغباء صايرفينا ميزة سمعنا صوت جرس الأنذار بدقيقة ... وبــــانت عليــــــنا بلحظـــــة الفزيعة افتــــــحوا الملاجئ بسرعة غريبة.... والكــــــل أفتزع حتـــــى الأبله فريدة جرس أنذار ******************************************** كـــــل وحدة صارت تناظر بأستغراب ... مو من الخــــوف ألا من الفرحة بالأنتصار لقــينا لنا مهرب من الحصة والأختناق ... ومـن تفتيش الواجب الي دايم يكون بأصرار انحشنا من الصف وماتشوف ألا الغبار.... والسعـــادة تغمــــــرنا والكـــــل برزقه طار جرس أنذار ******************************************* تعالـــــت صرخــــــــات البنات ... والأبـــــــلات مسرعــــــات خايفـــــات والبرود يحتوينا من كل الجهات ....وانمحت من علينا كل الملامح والسمات والكـــل يسأل شصاير منو مات ... قلنــــــا الهـــــدة لحقوا عليــــها يا البنات جرس أنذار ******************************************* بـــان علينا كـــــل الفرح الـي عرفوه.... وطقينـــــــا الطار لما الي بره سمعوه بعدها ضحكوا علينا وقالوا لناصــادوه.... مـــاكو لا حريقة بس تدريب تعرفوه بـــانت علينا كلناخيبة أمل وحســـــرة... ورجعنا لضيقة الخلق وعذابنا الي تخبروه جرس أنذار انشالله تكون القصيدة عجبتكم:mh001: وسامحوني توني في بدايتي في الشعر الفكاهي مع تحياتي: بنت ثنوي |
رد: قصيدتي الفكاهية جرس انذار
:003:
حلوة القصيدة ما شاء الله عليك استمري ... بـــ انتظار كل جديدك عزيزتي و نحو ابداع افضل دائما ان شاء الله تحياتي لك |
رد: قصيدتي الفكاهية جرس انذار
ان شاء الله دوم هالضحكة
ونورتي الموضوع وكل يوم تعالي :lllolll: |
رد: قصيدتي الفكاهية جرس انذار
هههههههه
خوش قصيدة وباللهجة الحساوية بعد :lllolll: اتذكر لما كنت بسنة أولى كان في تجربة وهمية وما صارت هالتجربة الا واحنا قاعدين نختبر والطلاب صدقوا و كلهم انحاشوا واوراق الاختبار بايدينهم وقام الغش على كيف كيفك . |
رد: قصيدتي الفكاهية جرس انذار
هههههههههه
اي اكيد بالحساوي حساوية وافتخر :d5: يااليت يسوون لنا في اختبار جان فرصة ههههههه مشكور اخوي محمد على المرور الجميل |
رد: قصيدتي الفكاهية جرس انذار
صــوته يذكرنا بجية صدام .... للكويت والحجي الي ذاك الوقت كله صار جرس أنذار اي و الله صدقتي:lllolll: ايام سودة مرت على الخليج و أهله افتــــــحوا الملاجئ بسرعة غريبة.... والكــــــل أفتزع حتـــــى الأبله فريدة يا سلاااااااااااام أبلة فريدة :222g: بعد اخترعت :003: لقــينا لنا مهرب من الحصة والأختناق ... ومـن تفتيش الواجب الي دايم يكون بأصرار انحشنا من الصف وماتشوف ألا الغبار.... والسعـــادة تغمــــــرنا والكـــــل برزقه طار خوش و الله سعادة و فكة من الروتين الممل :s3: ما شاء الله عليج يا بنت ثنوي أبدعتي و الله تسلم إيدينج :119: |
رد: قصيدتي الفكاهية جرس انذار
تسلمين لي بعد قلبي
على المرور العسل وعاد بالنسبة لصدام صج بلاويه بلاوي مع اني كنت صغيرة ولا اتذكر بس اسمعها من كلام الأهل وعاد السعادة والله لوتشوفينا كانت حصة رياضيات وابد يا نحشة كوني نحشة:lllolll: والأبلة فريدة كانت ابله تدرسنا هههههههه مشكورة مرة ثانية قلبي على المرور العسل |
رد: قصيدتي الفكاهية جرس انذار
بنت ثنوي ههههههههههههه:cheese: بصراحة أبدعتي .. ما شاء الله عليج بس شلون حالكن مو قادر أتخيله :lllolll: و يمكن الطالبات طلعن من المدرسة و بدون ما يلبسن الدفة من الروعة :003: |
رد: قصيدتي الفكاهية جرس انذار
من جد ضحكتيني
ذكرتيني بايام المدرسة كنا لمن نسمع جرس الانذار وكان شيئا لم يكن ندري انها تجربة فكل وحدة على راحتها تقوم مرة من المرات سوو التجربة بحصة الرياضيات وتدرين كل الاقلام في حصة الرياضيات مفتوحة وكل وحده قبل ماتطلع قعدت تسكر اقلامها واحد واحد ( عشان ما يجفون ) وتالي تطلع استمري وفي نفس الوقت اقرأي كثير عشان تستفيدي وركزي على القراءة بالتوفيق |
رد: قصيدتي الفكاهية جرس انذار
اخوي بو احمد
لا الله يسلمك ندري انها تجربة طلعنا في الساحة وكل وحدة تتمشى ويا ربعها :003: دكتورة سوسو ههههههههههههه قووية تسكرون قلم قلم شغلة صراحة بس وناسة ها هههههه تسلمون على المرور الجميل |
رد: قصيدتي الفكاهية جرس انذار
جميلة .. ولا تنسي تعملي بنصايح الدكتورة سوسو
تحيتي |
رد: قصيدتي الفكاهية جرس انذار
ههههههههههههههههههههههههههههه
من جد فله هالتجارب الي نصها فاشله ذكرتني يا محمد مذيك التجربه الي صارت بختبار الفيزياء بسنه اولى كان دكتور طيب حده وعلى نياته حتى الطلاب الي ما امداهم الوقت يقولون له الغي الأختبار بس اهو ابى الا يقبله شكله مو فاضي يسوي غيره قصيدتك حلوووووه حيييييييييل اختي ريم والله يوفقك موتتني من الضحك ننتظر جديدك المبدع بفارغ الصبر تحياتي |
رد: قصيدتي الفكاهية جرس انذار
مشكورين
reem ومرزوق على المرور الجميل وعساها دوم الضحكة:119: |
رد: قصيدتي الفكاهية جرس انذار
الف شكر يعطيك العافيه
|
رد: قصيدتي الفكاهية جرس انذار
الله يعافيج
وحياج الله |
| All times are GMT +3. الوقت الآن حسب توقيت السعودية: 07:56 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام