ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   اجتماع 3 (https://vb.ckfu.org/forumdisplay.php?f=426)
-   -   وين نتتقل (https://vb.ckfu.org/showthread.php?t=464715)

ع عبدالله 2013- 5- 21 07:33 PM
وين نتتقل
 
السلام عليكم ورحمة الله وبركاته
ياخوان الحمد الله خلصنا المستوء الثاني
طيب ذالحين وين نتتقل مافيه
مستوى ثالث ولا مع جميع تخصص علم الاجتماع
ويارب نفرح بالنجاح كلناء
واستودعكم الله:16:

@بوفهد 2013- 5- 21 07:49 PM
رد: وين نتتقل
 
اقضب مكانك :9:
واركد فديتك :22:
بدري :32:


انا لسه ما خلصت من ثالث لا تزاحمني ...وتشغلني

اجابة على سؤالك كل الاقسام راح يقفلونها ويفتحون الساحة العامة فقط



الا يا اهل ثالث عندي لكم خبر
ماراح تفرحون برابع زي فرحتكم بثالث لانكم فى نفس الفصل ههههههههههههه

صارت لى فى اول ثانوي غيروا الفصول ودرست ثاني ثانوي بنفس فصلي حق اول ثانوي
والله ماتصدقون الاكتئاب اللى صار لي والانفصام الاهبل اللى صار في شخصيتي وكل الشلة طبعا
حسينا ان احنا عدنا اول ثانوي ...وخذيناها طقطقة على بعض يجي شهر ...وبعدين مشيناها لكن ما مشت
الى اليوم ...احس اني ما درست ثاني ثانوي :42:

Turning point 2013- 5- 21 08:13 PM
رد: وين نتتقل
 
حياك الله اخ ع عبدالله ..

هنا قسم الاجتماع لثالث ورابع ...

ابو فهد ولا يهمك راح نغير ونسوي ديكورات وديزانات جديده ...

وراح يجونا ناس جدد واكيد طرحهم غير...

اقولك على سالفه ..
يوم كنت في ابتدائي الابله قالت ارسموا الكعبه الشريفه ..وكلنا رسمناها سوداء ..
وجات بنت مارسمت وقالت ساعدوني وقلت لها غيري لا تخلينها سوداء خليها حمرا ..

ولونتها باحمر فاقع .. واكلتلي هوشه وملاسنه في الصرفه .. ليش تضحكين عليا الابله والبنات ..

هههه .. اهم شي الاخلاق ... :11::11::11:

الفيـصل 2013- 5- 21 08:25 PM
رد: وين نتتقل
 
بو فهد
تورنينق

ضحكتووووووووني

لا تعليق :5::5::5::5:

@بوفهد 2013- 5- 21 08:32 PM
رد: وين نتتقل
 
ههههههههههههه
اما كعبة حمراء :hahahahahah:

اقولك سالفة ثانية

انيس منصور رحمة الله عليه قال المدرس لهم ارسموا قزازة كلونيا يقول كل الطلاب رسموا الا انا قعدت ابكي !! استغرب الاستاذ خصوصا لما قالوا الطلاب هذا الاول على الفصل ....لانه كان فقير وما يعرف قزازة الكلونيا ....ياحرام


انا صارت لى نفس القصة فى ثالث قال الاستاذ ارسموا (خزان الرياض) طبعا كان فى وقته هو التحفه الاولى فى السعودية لا يضارعه عبقرية الا تمثال الحرية فى اميركا :8:
طبعا عمري ما شفت الخزان ولا شافني
ايه لكن ما بكيت (احساسي مش عالي زي فليسوفنا انيس منصور ولا كنت الاول على الصف ) بس بصراحة خنقتني العبرة وكرهت الاستاذ والمادة وكنت اختلس النظرات واحاول ان ارسم اي شيء قريب من اللى طلبه استاذ الغفلة
ورسمت نموذج لا هو مستطيل ولا مربع ولونته بألوان صفراء عجيبة ولكنني لم اسلم من استهزاء الاستاذ الغبي

ايييه كانت ايام

http://www.0000a.com/ksa-gallery/dat...8/riadh_67.jpg

Turning point 2013- 5- 21 08:42 PM
رد: وين نتتقل
 
ابو فهد .. اسقاطي لقصة الكعبه .. مو بس عشان تضحك وتتونس عليا ...

لا لا :(269)::(107):
التغيير مو دايماً صح ... ساعات يكون :23:


ههههه استاذك لازم تشكره عشان عرفك على معالمنا ..

ترا والله البرج مميز بدزاينه الكلاسيكي ..:14:

@بوفهد 2013- 5- 21 08:48 PM
رد: وين نتتقل
 
اقتباس:
المشاركة الأصلية كتبت بواسطة turning point (المشاركة 8999181)
ابو فهد .. اسقاطي لقصة الكعبه .. مو بس عشان تضحك وتتونس عليا ...

لا لا :(269)::(107):
التغيير مو دايماً صح ... ساعات يكون :23:


ههههه استاذك لازم تشكره عشان عرفك على معالمنا ..

ترا والله البرج مميز بدزاينه الكلاسيكي ..:14:
ههههههههههههههههههههههههههههههههههههههههههههههه


انا كنت في وقتها (على بن الجهم )

ما اعرف الا البيئة المحيطة بعالمي البدائي

واعتقد 99% من الطلبة نفس النظام

:41:

roqa 2013- 5- 21 09:20 PM
رد: وين نتتقل
 
^
^

" هلوسات ممزوجه ..هلوسة مابعد الاختبارات ....هلوسات بداية الاجازة " ...

:42:

بســوووم 2013- 5- 21 09:21 PM
رد: وين نتتقل
 
*:13:*


ربي يسٌعدكم من جد ضحكت,مدري مبسوطه بسم الله علي على اخر يوووووووووووم :42:

ربي يبلغنآ نجآحنآ ونجآحكم يآرب وأعلى المعدلآت :love080:

أجل احنآ انتهى الأجآر تبعنآ فَ رح نلقط اغرآضنآ ونلملم عفشنآ ورآيحين عشآن يوسٌعكم المكآن :21:

Turning point 2013- 5- 21 09:28 PM
رد: وين نتتقل
 
بسووم والله انكم اقدع ناس ...



راح توحشونا .. :004:

ترم ولاحقينكم ان شاء الله ..:5:

بســوووم 2013- 5- 21 09:40 PM
رد: وين نتتقل
 
**




حيآتي انتي يآ نُقطه :love080:

والله انتي إللي أضٌفتي للمكآن هذآ حلآوه , ربي يحفظك ويعطيك العآفيه على كُل جهودك ولمسٌآتك الرآئعه :love080::icon1:

ايه ننتظركم بإذن الله :21: وترآنآ بدور اللي فوقكم بأه زورونآ :42:

دحوم الدرعية 2013- 5- 21 09:42 PM
رد: وين نتتقل
 
[flash1=http://dc09.arabsh.com/i/02454/wyhhh3qvhirw.swf]width=900 height=800[/flash1]

عبقور 2013- 5- 21 11:16 PM
رد: وين نتتقل
 
هههههههههههههههههههه الله يسعدكم دنيا وآخره
توري انتي حبيتي تساعديها وجبتي العيد لو أدري البنت اللحين تقول ليتني غايبه ولامشاورة توري:5::5::5:

اما بوفهد حكاية ثانيه :5::5::5:

iss1999 2013- 5- 21 11:37 PM
رد: وين نتتقل
 
هلااااااااااااااااااااااااااااااااااااا اعتقدت ان انا بس اللي فاصله اثاريكم فاصلين واون لاين بعد
الله يسعدك يا ابو فهد

أسماء عبدالعزيز 2013- 5- 21 11:38 PM
رد: وين نتتقل
 
خلكم من الفصلات على جنب وطمنوني لمين راح يعاد اختبار حاضر العالم الإسلامي :42:

Turning point 2013- 5- 21 11:49 PM
رد: وين نتتقل
 
اقتباس:
المشاركة الأصلية كتبت بواسطة أسماء عبدالعزيز (المشاركة 9002516)
خلكم من الفصلات على جنب وطمنوني لمين راح يعاد اختبار حاضر العالم الإسلامي :42:
ليش ينعاد .. ايش صار :31::31:

احنا في السليم .. محد راح يعيد لنا شي

abo0000nawaf 2013- 5- 21 11:52 PM
رد: وين نتتقل
 
انا سمعت انه راح ينعاد لطلاب الاحساء فقط

عبقور 2013- 5- 21 11:53 PM
رد: وين نتتقل
 
اتوقع الاعاده لاهل الاحساء اللي طفى عندهم الكهرب

حواء ال المدينة 2013- 5- 21 11:57 PM
رد: وين نتتقل
 
http://www.msha3ry.com/vb/images/smile2/s16.gif

رايحين نبقى بنفس الفصل والعريفة كمان ماراح تتغير http://www.msha3ry.com/fisat-abtsama...20%2829%29.gif <<< هذي العريفة http://www.msha3ry.com/vb/images/smile2/tongue.gif

مستوى ثاني تو الناس على الانتقال مسرع http://www.msha3ry.com/vb/images/smile2/s61.gif حنا ماجينا بدري كنا لازقين بمستوى ثاني

سحبونا بالقوة منه http://www.msha3ry.com/fisat-abtsama...%20%287%29.gif
خلونا شويات نبقى لحالنا ماصدقنا بعد طلوع رابع نبي نهيص ونعمل حفلات ونولع لمبات http://www.msha3ry.com/fisat-abtsama...0%28118%29.gifhttp://www.msha3ry.com/fisat-abtsama...0%28115%29.gif

ابو كريم2012 2013- 5- 22 12:00 AM
رد: وين نتتقل
 
روكا قسم انجليزي

بس مو داعيها قلبها تترك قسم علم الاجتماع

عادي في مجال نستقبلك في كراسي فاضيه

أسماء عبدالعزيز 2013- 5- 22 12:02 AM
رد: وين نتتقل
 
طيب كيف نتأكد إنه لنا والا موب لنا,,

لأن سالفة يمكن ماتمشي

امي اغلى البشر 2013- 5- 22 12:03 AM
رد: وين نتتقل
 
الا شخبار حسين ههههههههههههههههههههههههههه
تذكرت موضوعه

عبقور 2013- 5- 22 12:14 AM
رد: وين نتتقل
 
أسماء حبيبتي تطمني اللي عندهم الاختبار دقو عليهم
واتوقع الاعاده للاولاد لاني كني سمعت ان البنات شغلوا للهم ع طول وكملوا

abo0000nawaf 2013- 5- 22 12:14 AM
رد: وين نتتقل
 
خلاص انا يوم السبت باروح صف رابع
هههههههههههههههههههههههه

mnoosha 2013- 5- 22 12:23 AM
رد: وين نتتقل
 
يالا قدام ع مستوى خآآآآمس :11:

عبقور 2013- 5- 22 12:41 AM
رد: وين نتتقل
 
بونواف تراني حجزت الكرسي الثاني جنبي تورينق
الاول طبعا لمصطفى :5:وجنبه الفيصل
بوفهد الاخير عشان لاجاء يتقهوى محد يصيده

abo0000nawaf 2013- 5- 22 12:43 AM
رد: وين نتتقل
 
اهم شي باكون جنب الشباك

عبقور 2013- 5- 22 12:47 AM
رد: وين نتتقل
 
ليه بتعد العصافير:30:

abo0000nawaf 2013- 5- 22 12:55 AM
رد: وين نتتقل
 
لا علشان الشردة

أبن خلدون 2013- 5- 22 01:09 AM
رد: وين نتتقل
 
هههههههه

اما تورنق وابو فهد تركو الموضوع الاساسي وخلوها جلست ذكريات

طيب بما انه حنا جالسن في ذى القسم او الفصل بس بيغيرون اللوحة

ليه ما نفتح موضوع خاص لنا حتى لو قفلو القسم نجلس في الارشيف على الارض

ونسميه مصيف مستوى ثالث

وتكون دردشة وجلست ذكريات

ونتعرف على المواهب المدفونه

اجل الكعبه حمرا:20:

عبقور 2013- 5- 22 01:12 AM
رد: وين نتتقل
 
أنا أأيد سعد
""" أفتحوا لنا قسم صيفي ""

حواء ال المدينة 2013- 5- 22 01:15 AM
رد: وين نتتقل
 
متى بيقفلوا القسم ؟

abo0000nawaf 2013- 5- 22 01:16 AM
رد: وين نتتقل
 
لكن ما احد يجيب كتابه معه
هههههههههههههههههههه

عبقور 2013- 5- 22 01:18 AM
رد: وين نتتقل
 
حواء شكله اليوم ولاباتسر
ياخوفي سعد يجيب ملخصات خامس ويقعد يناقشنا فيها:24:ماشاءالله
:13:
سويت تعديل وكتبت ماشاءالله

حواء ال المدينة 2013- 5- 22 01:21 AM
رد: وين نتتقل
 
هههههه مع نفسه انا عن نفسي برابط بموضوع فهد لين يحنوا علينا بحتة موضوع والا قسم :42:

abo0000nawaf 2013- 5- 22 01:22 AM
رد: وين نتتقل
 
ماشاء الله تبارك الله

عبقور 2013- 5- 22 01:23 AM
رد: وين نتتقل
 
تدرين حواء انا مااطلع الاقسام الثانيه الترفيهيه والادبيه حدي هنا ومستوى 2 عشان الانقلش
واذا طلعت اطلع اذا جاني تنبيه
أحس ماعندي وقت واذا دخلت القسم الادبي مارح اطلع ابد لين اسقط

حواء ال المدينة 2013- 5- 22 01:27 AM
رد: وين نتتقل
 
عبقور انا كنت زيك بيتوتيه حدي حد القسم بس لما قفلوا القسم حق تاني وقتها
عملي ابو فهد تنبيه على مشاركة له في موضوع ادب طلعني من البوتقة الي كنت فيها ههه
عجبني حديثهم خاصة اني بحب الكتابة والادب

عبقور 2013- 5- 22 01:35 AM
رد: وين نتتقل
 
من الصباح صاحية بس الحمدالله ع العطله :3:بروح اناااام:35:
وربي يعز علي فراقكم ...خايفه انام اجي بكره وهالبيت مقفل :39:
أستودعكم الله:16:

Turning point 2013- 5- 22 01:36 AM
رد: وين نتتقل
 
اما انا في كل الاقسام الف وادور في المدونات عندي مدونه ..
وفي الملتقى العام ههه قبل اشرافي اخذت التميز عليهم مرتين ..
وفي الترفيهي لو احد اعطاني تنبيه
وفي ملتقى الفنون الادبيه مرابطه هناك ..
وفي الرياضي .. ليا مشاركات
والخيمه الرمضانيه ومع مسابقات ابو محمد اقوى شي .. :19:
ياااااه مثقف جداً ابو محمد يجيب اسئله من المريخ نقعد يوم كامل ندور حلها مانلاقي..
لا في العم قوقل ولا في الموسوعات
في رمضان الماضي نزلت مسابقه لكامل المصحف .. لكل احزاب القرآن 60 سؤال ..
يالا اتنشطوا ...
يمكن فيه مفاجاءات قادمه ... :33:

عبقور 2013- 5- 22 01:39 AM
رد: وين نتتقل
 
ماشاءالله تبارك الرحمن توري انتي مبدعه
حمستوني اروح البيوت الثانيه بس خايفه أدمن
لاني ادمنت منتديات ثانيه :44:خاصه الادبي:11:

حواء ال المدينة 2013- 5- 22 01:43 AM
رد: وين نتتقل
 
اسحبيني معك يمكن يتغير هالمزاج المتقلب :6:
حلو لما يكون في ابتكار يولد تحدي
الاسئلة المكررة بتملل ومابتحمس
ان شاء الله اقدر اشارك ولايشغلني شئ

abo0000nawaf 2013- 5- 22 01:46 AM
رد: وين نتتقل
 
اقتباس:
المشاركة الأصلية كتبت بواسطة turning point (المشاركة 9004706)
اما انا في كل الاقسام الف وادور في المدونات عندي مدونه ..
وفي الملتقى العام ههه قبل اشرافي اخذت التميز عليهم مرتين ..
وفي الترفيهي لو احد اعطاني تنبيه
وفي ملتقى الفنون الادبيه مرابطه هناك ..
وفي الرياضي .. ليا مشاركات
والخيمه الرمضانيه ومع مسابقات ابو محمد اقوى شي .. :19:
ياااااه مثقف جداً ابو محمد يجيب اسئله من المريخ نقعد يوم كامل ندور حلها مانلاقي..
لا في العم قوقل ولا في الموسوعات
في رمضان الماضي نزلت مسابقه لكامل المصحف .. لكل احزاب القرآن 60 سؤال ..
يالا اتنشطوا ...
يمكن فيه مفاجاءات قادمه ... :33:

ما شاء الله عليك
شكلك اللاب ما يفارقك حتى عند النوم وشغل ردود ومواضيع وقتك كله تستاهلين الاشراف والتميز ووووو..........الخ مبدعة بصراحة الله يعطيك العافيه

عبقور 2013- 5- 22 01:48 AM
رد: وين نتتقل
 
:no::sm12::019:

حواء ال المدينة 2013- 5- 22 01:51 AM
رد: وين نتتقل
 
هههههه انتي ميتة نوم وانا مااراح يكفيني شهر نوم

Turning point 2013- 5- 22 01:52 AM
رد: وين نتتقل
 
اقتباس:
المشاركة الأصلية كتبت بواسطة abo0000nawaf (المشاركة 9004867)
ما شاء الله عليك
شكلك اللاب ما يفارقك حتى عند النوم وشغل ردود ومواضيع وقتك كله تستاهلين الاشراف والتميز ووووو..........الخ مبدعة بصراحة الله يعطيك العافيه
لا هاذي الاقسام بس في الاجازه ..
او لو جاني تنبيه ..

بس ملتقى الفنون الادبيه اللي اروح ..
لاني متربطه مع اصحاب في بعض المواضيع ..قيل اشرافي ..

الكتابه والرد عندي سهله .. لا اتكلف الردود .. فما تاخذ وقت ..

Turning point 2013- 5- 22 01:56 AM
رد: وين نتتقل
 
مدونتي ماكتبت فيها حرف بعد اشرافي .. مو فاضيه ..:33:

حواء ال المدينة 2013- 5- 22 02:07 AM
رد: وين نتتقل
 
قرأتها بشكل سريع وكنت وقتها طالعه بس قلت برجع لها ونسيت
ولأول وهلة ومن الحروف الاولى تجلت شخصيتك واضحة
برجعلها لأنها تستحق المتابعه :21:
وفتوشوبي العزيز الي هملته كل هالفترة :24:

abo0000nawaf 2013- 5- 22 02:24 AM
رد: وين نتتقل
 
ياليت عندي وقت كافي كان شاركتكم لكن ياالله لي اقدر اجمع هنا وهناك وخاصة مع الصيف والتفلاك ان شاء الله نتفلك اكثر اذا شفت النتيجه الحلوووووووووووووووووووووووووووووووووووووووووووووو ووووووووووه

roqa 2013- 5- 22 09:42 PM
رد: وين نتتقل
 
اقتباس:
المشاركة الأصلية كتبت بواسطة ابو كريم2012 (المشاركة 9002917)
روكا قسم انجليزي

بس مو داعيها قلبها تترك قسم علم الاجتماع

عادي في مجال نستقبلك في كراسي فاضيه
من مليار المستحيلات اغير عن الانجليش حبيب ألبي :37:..

لكن طلبة دفعتي مايشجعوا للسوالف والحركات حقتكم يالاجتماعيين ..

وفيكم الخير والبركة من الاصدقاء والتنبيهات يلي تجيني لهالقسم قضيت معكم وقت حلو من المستوى الاول والثاني ...

ولا استطيع ان اترككم بسهولة :cheese: الا اذا عندكم مانع !!!

memo12 2013- 5- 22 10:29 PM
رد: وين نتتقل
 
اجل مراح الاقي مستوى ثالث راح يكون دمج وانا ادور احد من مستوى ثالث يعلمني وش السهل من الصعب في موادهم ابي اخذ فكرة وابي اعرف المواد انا انزلها على كيفي يعني ماتكون اجبارية زي مستوى ثاني واول

roqa 2013- 5- 22 10:47 PM
رد: وين نتتقل
 
اقتباس:
المشاركة الأصلية كتبت بواسطة memo12 (المشاركة 9012613)
اجل مراح الاقي مستوى ثالث راح يكون دمج وانا ادور احد من مستوى ثالث يعلمني وش السهل من الصعب في موادهم ابي اخذ فكرة وابي اعرف المواد انا انزلها على كيفي يعني ماتكون اجبارية زي مستوى ثاني واول
يس المواد على كيفك ..تقدري تحددي عدد المواد يلي تبيها ..وتقدري تنزلي من تخصصات متقدمة بشرط مايكون في تعارض بالجدول اثناء الاختبار ....

اقصى شي 8 واقل شي 4 ...ادخلي عالخدمات الطلابية واطلعي عالخطة بشكل عام ...

وانصحك انك تتقيدي بالجدول من غير تخبيص :42:

@بوفهد 2013- 5- 22 10:56 PM
رد: وين نتتقل
 
اقتباس:
المشاركة الأصلية كتبت بواسطة roqa (المشاركة 9012719)
يس المواد على كيفك ..تقدري تحددي عدد المواد يلي تبيها ..وتقدري تنزلي من تخصصات متقدمة بشرط مايكون في تعارض بالجدول اثناء الاختبار ....

اقصى شي 8 واقل شي 4 ...ادخلي عالخدمات الطلابية واطلعي عالخطة بشكل عام ...

وانصحك انك تتقيدي بالجدول من غير تخبيص :42:
روكا متأكده انه اقل شيء 4 ساعات

كنت ناوى اخذ مادة وحدة

abo0000nawaf 2013- 5- 22 11:36 PM
رد: وين نتتقل
 
اقتباس:
المشاركة الأصلية كتبت بواسطة @بوفهد (المشاركة 9012778)
روكا متأكده انه اقل شيء 4 ساعات

كنت ناوى اخذ مادة وحدة

ليش ابو فهد تاخذ مادة وحدة كذا راح تلخبط عليك الجدول
وتتاخر في التخرج

@بوفهد 2013- 5- 22 11:40 PM
وين نتتقل
 
هلا ابو نواف

اللي اقدر اخذها قواعد بيانات ونظرية المعرفه
المشكله كلهم اختبارهم اول يوم

memo12 2013- 5- 23 12:14 AM
رد: وين نتتقل
 
الله يجزاك كل خير مشكورة ماقصرتي:16:

نوف بنت سعود 2013- 5- 23 01:52 AM
رد: وين نتتقل
 
وشلون يعني مستوى رابع راح يكونون معنا احنا مستوى ثالث تونا جايين وفرحانين وتقولون دمج بيننا :39: طيب اذا اسرار وسواليف بينا عقب مستوى ثاني مابعد خلصانا وشلون يعني تسمعونها كذا معنا :38:اجل غمضوا عيونكم اذا جينا نسولف :31:

Turning point 2013- 5- 23 02:30 AM
رد: وين نتتقل
 
اقتباس:
المشاركة الأصلية كتبت بواسطة نوف بنت سعود (المشاركة 9014218)
وشلون يعني مستوى رابع راح يكونون معنا احنا مستوى ثالث تونا جايين وفرحانين وتقولون دمج بيننا :39: طيب اذا اسرار وسواليف بينا عقب مستوى ثاني مابعد خلصانا وشلون يعني تسمعونها كذا معنا :38:اجل غمضوا عيونكم اذا جينا نسولف :31:
هههه حياكم ... شوفوا اسرارنا كمان .. هذه بتلك ..:16.jpg::16.jpg:

abo0000nawaf 2013- 5- 23 02:36 AM
رد: وين نتتقل
 
السر أذا طلع من اثنين مو سر

نوف بنت سعود 2013- 5- 23 02:49 AM
رد: وين نتتقل
 
طيب ياأهل مستوى ثالث سابقا عطونا فكرة كم مادة هالترم وايش الصعب وايش السهل لأني ناوية اخذ مادة من مستوى ثالث ومادة من مستوى رابع في الصيفي:2::2:

ابو كريم2012 2013- 5- 23 05:01 PM
رد: وين نتتقل
 
اقتباس:
المشاركة الأصلية كتبت بواسطة @بوفهد (المشاركة 9013084)
هلا ابو نواف

اللي اقدر اخذها قواعد بيانات ونظرية المعرفه
المشكله كلهم اختبارهم اول يوم

تقريبا في قضايا ثقافية معاصرة

@بوفهد 2013- 5- 23 05:21 PM
وين نتتقل
 
ابو كريم انا شيكت بس تأكد ورد لي خبر

Turning point 2013- 5- 23 05:25 PM
رد: وين نتتقل
 
اقتباس:
المشاركة الأصلية كتبت بواسطة @بوفهد (المشاركة 9012778)
روكا متأكده انه اقل شيء 4 ساعات

كنت ناوى اخذ مادة وحدة
ابو فهد روكا لا تتحدث عن الصيفي انما عن الترم الفصلي ..

و4 مواد في الفصلي ممنوع اقل شي 12 ساعه .. قد تسجل في خمس مواد مادتين 3 ساعات

لكن هناك استثناءات للي عندهم واسطات...ويسجلون اربع مواد باقل من 12 ساعه ..
واعرف روكا عن من تتحدث .. ب 4 مواد جابوها بواسطه كانوا يريدون الانسحاب .. :8: وليس بالانظمه المطبقه ..:34:

الصيفي الغالبيه يسجل مادتين واكثر منها جنون .. وهبوط في المعدل ..
كلها شهرين وربما اقل مع الاختبار..

ماده وحده فكره ممتازه اذا النظام يسمح :14:

@بوفهد 2013- 5- 23 05:29 PM
وين نتتقل
 
اقتباس:
المشاركة الأصلية كتبت بواسطة turning point (المشاركة 9018147)
ابو فهد روكا لا تتحدث عن الصيفي انما عن الترم الفصلي ..

و4 مواد في الفصلي ممنوع اقل شي 12 ساعه .. قد تسجل في خمس مواد مادتين 3 ساعات

لكن هناك استثناءات للي عندهم واسطات...ويسجلون اربع مواد باقل من 12 ساعه ..
واعرف روكا عن من تتحدث .. ب 4 مواد جابوها بواسطه كانوا يريدون الانسحاب .. :8: وليس بالانظمه المطبقه ..:34:

الصيفي الغالبيه يسجل مادتين واكثر منها جنون .. وهبوط في المعدل ..
كلها شهرين وربما اقل مع الاختبار..

ماده وحده فكره ممتازه اذا النظام يسمح :14:
كلامك منطقي
لكن كل المواضيع عن الصيفي ماردوا على سؤالي
ويتكلمون عن انه ٤ او ٦ ساعات ماطروا ساعتين
وهذا اللي ادوشني
والجامعة تاركتنا نضرب اخماس في اسداس

مشكورة توري

roqa 2013- 5- 23 08:47 PM
رد: وين نتتقل
 
اقتباس:
المشاركة الأصلية كتبت بواسطة @بوفهد (المشاركة 9018178)
كلامك منطقي
لكن كل المواضيع عن الصيفي ماردوا على سؤالي
ويتكلمون عن انه 4 او 6 ساعات ماطروا ساعتين
وهذا اللي ادوشني
والجامعة تاركتنا نضرب اخماس في اسداس

مشكورة توري

انا كنت بتكلم عن الفصل الدراسي مو الصيفي :29: ..بس نياله يلي اخد عقلك :(269):

بالنسبة للصيفي تاخذ على عدد الساعات مو المواد صرح الفريدان الحد الاقصى 6 ساعات...يعني تقدر تاخذ 3 مواد ساعتين ساعتين ...

انت شاغلتك قواهد البيانات ونظرية المعرفة ...على كل حال حتى لو كان فيه تعارض ...اعرف وحده اختبرت مادتين متعارضة بنفس الوقت ..حلت الاختبار الاول سلمت الورقة وبدأت بالتاني ......

مادري بس احسها حركة جريئة والوقت غير مضمون ....


All times are GMT +3. الوقت الآن حسب توقيت السعودية: 09:17 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه