ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   تكفون الله يرحم والديكم ادخلو الموضوع :( (https://vb.ckfu.org/showthread.php?t=467435)

سكبهه 2013- 5- 29 10:24 AM
تكفون الله يرحم والديكم ادخلو الموضوع :(
 
لا اجيد المقدمه :

اخواني انا الآن بتخرج من الثانويه العامه ومحتار ومادري شسوي !

احد اقاربي كلمني وراح يدخلني بوظيفه حكوميه راتبها 3000

انا ماعندي مشكله ادخلها وبالراتب هذا !!

بس مشكلتي اني بكمل جامعه (انتساب) ومادري الشيء هذا راح يخدمني مستقبلاً ؟

اذا الله وفقني وعطاني عمر وتخرجت بالشهادة الجامعيه (ادارة اعمال انتساب) !

هل راح تجيني ترقيه بوظيفتي البسيطه ويرفعون مرتبتي ؟؟؟؟؟؟

تكفوون جاوبوني وبسرع وقت ... انتظركمممممممممم :40:

Adel F 2013- 5- 29 10:26 AM
رد: تكفون الله يرحم والديكم ادخلو الموضوع :(
 


هلا بالسكبه ..
راتب 3000 ؟ على بندر الأجور ؟ أو رسمي على مرتبه ؟
عموماً الشهادة تنفعك لكن حدد نوع الوظيفة عشان تعرف نوع الفائدة .

..*

الناشي 2013- 5- 29 10:27 AM
رد: تكفون الله يرحم والديكم ادخلو الموضوع :(
 
توكل على الله وعليك بجامعة الملك فيصل
وربي يوفقك

سكبهه 2013- 5- 29 10:28 AM
رد: تكفون الله يرحم والديكم ادخلو الموضوع :(
 
بالأماره

على بند اول كم سنه وبعدها اترسم

@الصبر@ 2013- 5- 29 10:28 AM
رد: تكفون الله يرحم والديكم ادخلو الموضوع :(
 
توكل على الله

ماتخيب

بيعدلو وضعك إن شاء الله

لينكس 2013- 5- 29 10:29 AM
رد: تكفون الله يرحم والديكم ادخلو الموضوع :(
 
الشهادة راح تنفعك ثقافياً وعلمياً وفي المسابقات الوظيفية على المرتبة السادسة


موفق ’’’

سكبهه 2013- 5- 29 10:31 AM
رد: تكفون الله يرحم والديكم ادخلو الموضوع :(
 
اخوي يعني افهم من كلامك اذا اخذت الشهادة على طول تجيني ترقيه ؟؟ للسادسه ؟؟؟؟

فضيل 2013- 5- 29 10:31 AM
رد: تكفون الله يرحم والديكم ادخلو الموضوع :(
 
ثلاثة، مثل قلتها، حاول تدرس انتظام وتشتغل في العصر او الليل، شوف لك مطاعم سريعة، ماهو عيب الشغل في المطاعم في امريكا، يشتغلون في المطاعم مع الجامعة

الانتساب مو قد كذا، ولاهو معترف فيه زين

شوفني انا تخرجت وافكر ادرس انتظام برا ، مره ثانية:42:

سكبهه 2013- 5- 29 10:34 AM
رد: تكفون الله يرحم والديكم ادخلو الموضوع :(
 
اخوي انا استفسر عن الشهادة هل راح تجيني ترقيه ؟؟؟

بالعربي الوظيفه موجوده .. هل اذا انتسبت الشهادة راح تنفعني ؟؟؟

يعني على كلامك ماراح يعترفون فيها وماراح يرقوني بالوظيفه !!!

لينكس 2013- 5- 29 10:35 AM
رد: تكفون الله يرحم والديكم ادخلو الموضوع :(
 
اقتباس:
المشاركة الأصلية كتبت بواسطة سكبهه (المشاركة 9053755)
اخوي يعني افهم من كلامك اذا اخذت الشهادة على طول تجيني ترقيه ؟؟ للسادسه ؟؟؟؟

اخوي كلامي واضح جداً ،،، المسابقات الوظيفية


أو في حال جه قرار بترسيم اصحاب البنود

كنق الرياض 2013- 5- 29 10:40 AM
رد: تكفون الله يرحم والديكم ادخلو الموضوع :(
 
أكيد تنفعك

:21:

لينكس 2013- 5- 29 10:40 AM
رد: تكفون الله يرحم والديكم ادخلو الموضوع :(
 
اقتباس:
المشاركة الأصلية كتبت بواسطة سكبهه (المشاركة 9053763)
اخوي انا استفسر عن الشهادة هل راح تجيني ترقيه ؟؟؟

بالعربي الوظيفه موجوده .. هل اذا انتسبت الشهادة راح تنفعني ؟؟؟

يعني على كلامك ماراح يعترفون فيها وماراح يرقوني بالوظيفه !!!

اصحاب البنود مايحتجون لشهادة عليا تكفي حتى الثانوية

وكل اربع سنوات يترقى

مثلا انت تعينت مستخدم 31 بعد اربع سنوات تترقى إلى مستخدم 32



وهكذا


الشهادة راح تفيدك في حال صدور قرار بترسيم اصحاب البنود في هذه الحالة راح تترسم على المرتبة السادسة ، غير هذا ماراح تفيدك الا بالمسابقات الوظيفية التي تطرح من قبل الادارات الحكومية

سكبهه 2013- 5- 29 10:40 AM
رد: تكفون الله يرحم والديكم ادخلو الموضوع :(
 
^الله يجزاك خير اخوي

طيب شلون اترسم ؟؟

سكبهه 2013- 5- 29 10:46 AM
رد: تكفون الله يرحم والديكم ادخلو الموضوع :(
 
هل الترسيم سهل الحصول عليه ؟

لينكس 2013- 5- 29 10:46 AM
رد: تكفون الله يرحم والديكم ادخلو الموضوع :(
 
اقتباس:
المشاركة الأصلية كتبت بواسطة سكبهه (المشاركة 9053785)
^الله يجزاك خير اخوي

طيب شلون اترسم ؟؟
زي ماقلت في حال صدور قرار بترسيم اصحاب البنود


أو استحداث وظائف رسمية وطرحها للمسابقة الوظيفية في الامارة مثلا

أو جهة حكومية أخـــرة

سكبهه 2013- 5- 29 10:48 AM
رد: تكفون الله يرحم والديكم ادخلو الموضوع :(
 
الله يجزاك خير ويرحم والديك ويرفع قدرك :16:

سكبهه 2013- 5- 29 10:50 AM
رد: تكفون الله يرحم والديكم ادخلو الموضوع :(
 
بنتظار اراء الاخوه الغالين ..:1:

رانيا ع 2013- 5- 29 10:54 AM
رد: تكفون الله يرحم والديكم ادخلو الموضوع :(
 
يعتمد الموضوع اذا انت حابب تضل على مكانك وفي نفس الوظيفه..

فيه ناس ياخذون الشهاده جنب الوظيفه علشان يطلعون لمكان افضل من اللي همه فيه براتب افضل وبدالات افضل او حابين شغلهم والمكان اللي همه فيه بس يبغون يترقون بوظايفهم وفيه ناس ياخذونها لمجرد انهم حابين يتعلمون ويضيفون تحدي جديد لهم.. واعلم يا اخي كل ماكان لك خبره بعدد سنوات لا يقل عن 3 كل ما صار لك طلب في سوق التوظيف والعمل وبراتب افضل من 3000 اصبر على الراتب وثابر واشتغل باكثر من وظيفه وجيب معدل مرتفع علشان تفرض نفسك بسوق العمل وتصير مطلوب براتب فوق ال10.000 باذن الله..

شرط الراتب الاساسي ابو 10.000 معدل عالي في اكثر الشركات..

لينكس 2013- 5- 29 10:58 AM
رد: تكفون الله يرحم والديكم ادخلو الموضوع :(
 
اقتباس:
المشاركة الأصلية كتبت بواسطة سكبهه (المشاركة 9053814)
الله يجزاك خير ويرحم والديك ويرفع قدرك :16:
ويرحم والديك ويرفع قدرك ان شاء الله


موفق ’’’


:16:

ابلد بليد 2013- 5- 29 11:06 AM
رد: تكفون الله يرحم والديكم ادخلو الموضوع :(
 
اخوي اللي لازم تعرفه ان الشهادة لا تقدم لا تاخر هي ليست الا سبب يبذله الانسان لقوله تعالى ((وجعلنا لكل شي سببا فاتبع سببا )) واما التوفيق والرزق والنجاح فهي بيد الله سبحانه وتعالى وتذكر قول الله تعالى ((ان الله لا يضيع اجر من احسن عملا))

سماء أرض 2013- 5- 29 11:08 AM
رد: تكفون الله يرحم والديكم ادخلو الموضوع :(
 
الله يوفقك ويرزقك من واسع فضله

ويحقق لك اكثر مما تتمنى


مجرد تفكيرك بالدراسة الجامعية تعتبر نقطة ايجابيه في حياتك


توكل على الله واستخير وبإذن الله تتوفق

سكبهه 2013- 5- 29 11:10 AM
رد: تكفون الله يرحم والديكم ادخلو الموضوع :(
 
الله يجزاكم خير ماقصرتو

اختي رانيا ع :

تقصدين معدل في الجامعه ؟ يعني اذا اخذت الشهادة راح تكون فيها اتي متخرج وبمعدل كذا من كذا ؟؟

ولا بس شهادة ؟؟؟

المصباح 2013- 5- 29 11:18 AM
رد: تكفون الله يرحم والديكم ادخلو الموضوع :(
 
السلام ،،،

اخي الكريم طبعاً انصحك بالدراسة انتظام فأن لم تسطيع فعليك الانتساب بجامعة فيصل

بخصوص الشهادة هل تنفع ؟ في نظام الخدمة المدنية ما دري هل استبدل ام مازال قيد التنفيذ اذ حصلت على موهل علمي لا بد ان تفصل عن وظيفك الحالية هذا اذ كنت رسمي وتقدم من جديد ... لكن اذ كنت على بند التشغيل الصيانة ... الخ . تسطيع المسابقة على وظيفة رسمية بما تستحقه شهادتك وخبرتك ، اما في القطاع الخاص تعتمد على المدير . والشركات الكبير تتطلب منك موافقة عند بداية الدراسة .

لكم فائق احترامي

تيتشر ريماز 2013- 5- 29 11:23 AM
رد: تكفون الله يرحم والديكم ادخلو الموضوع :(
 
اذا كان معدلك حلو ويقبل تدخل جامعه انتظام ليش ماتكمل دراسة الجامعة انتظام افضلك واظمن لك صراحة مافي مثل الانتظام هم لهم الاولوية في كل شيء وانشاء الله في الانتساب الخير والبركة والرزق ع الله قبل كل شيء لكن انصحك اذا تقدر انتظام افضلك وبالتوفيق *

Adel F 2013- 5- 29 11:29 AM
رد: تكفون الله يرحم والديكم ادخلو الموضوع :(
 


شوف وأنا أخوك ..
الآن أنت موظف على بند ، ممتاز ؟
لنفترض أخذت الشهادة وأنت مازلت موظف على بند ، أوكي ؟
بهالشكل اذا وصل لك الترسيم ( التثبيت على مرتبة ) راح تحسب لك الشهادة في المرتبه السادسة ..

لكن ، لنفترض حاجة ثانية .. أنك أخذت الشهادة لكن أخذتها بعد ماترسمت وصرت في مرتبة ، أوكي ؟
بهالشكل الشهادة راح تنفعك بالترقية من مرتبة الى مرتبة .. يكون لك الأفضلية على غيرك لانو معك شهادة ..

وصلت الفكرة ؟

..*

رانيا ع 2013- 5- 29 11:56 AM
رد: تكفون الله يرحم والديكم ادخلو الموضوع :(
 
اقتباس:
المشاركة الأصلية كتبت بواسطة سكبهه (المشاركة 9053890)
الله يجزاكم خير ماقصرتو

اختي رانيا ع :

تقصدين معدل في الجامعه ؟ يعني اذا اخذت الشهادة راح تكون فيها اتي متخرج وبمعدل كذا من كذا ؟؟

ولا بس شهادة ؟؟؟

ايوه يا اخي معدل في الجامعه لما يسلموك الشهاده راح تلاقي معدلك ان فلان ابن فلا اخذ معدل 5/5 يعني خمسه من خمسه وباذن الله تاخذها واحنا ناخذها معاك

عاشق ومحروم 2013- 5- 29 12:01 PM
رد: تكفون الله يرحم والديكم ادخلو الموضوع :(
 
اخوي مدامها في الاماره توكل على الله وتوظف
وسجل الترم الجاي في الجامعة انتساب والله يوفقك
طبعاً الشهاده الجامعية تساعدك في تحسين مرتبتك

فضيل 2013- 5- 29 12:28 PM
رد: تكفون الله يرحم والديكم ادخلو الموضوع :(
 
اقتباس:
المشاركة الأصلية كتبت بواسطة رانيا ع (المشاركة 9054055)
ايوه يا اخي معدل في الجامعه لما يسلموك الشهاده راح تلاقي معدلك ان فلان ابن فلا اخذ معدل 5/5 يعني خمسه من خمسه وباذن الله تاخذها واحنا ناخذها معاك
مادام الواحد قوي كذا، يسجل انتظام اقوى واكمل:17:

كنق الرياض 2013- 5- 29 12:54 PM
رد: تكفون الله يرحم والديكم ادخلو الموضوع :(
 
تأخذها قبل الترسيم أفضل من أنك تأخذها بعد الترسيم

م ب ع ث ر 2013- 5- 29 12:59 PM
رد: تكفون الله يرحم والديكم ادخلو الموضوع :(
 
وانا اخوك انصحك تكمل انتظام

واذا مالك رغبه تكمل ادخل هالوظيفه وسجل بالجامعه مثل حالتنا

ولا انت خسران شي بالعكس ان شاء الله راح تفيدك في مستقبلك

اهم شي ادرس ادرس ادرس

سكبهه 2013- 5- 29 01:59 PM
رد: تكفون الله يرحم والديكم ادخلو الموضوع :(
 
الله يجزاكم الجنه ويحقق مطالبكم ماقصرتوا ولله :1:

سما الخلود 2013- 5- 29 02:09 PM
رد: تكفون الله يرحم والديكم ادخلو الموضوع :(
 
اقتباس:
المشاركة الأصلية كتبت بواسطة فضيل (المشاركة 9053756)
ثلاثة، مثل قلتها، حاول تدرس انتظام وتشتغل في العصر او الليل، شوف لك مطاعم سريعة، ماهو عيب الشغل في المطاعم في امريكا، يشتغلون في المطاعم مع الجامعة

الانتساب مو قد كذا، ولاهو معترف فيه زين

شوفني انا تخرجت وافكر ادرس انتظام برا ، مره ثانية:42:

فعلا كلامك صحيح بعد ما كملت مستوين قدمت شهادة انى خلصت سنة دراسة ( الايقونة الى بـ الخدمات الطلابية ) لما عطيتها المدير قال وش اسوى فيها ورماها على الارض :24::44::12:

mo7ammo 2013- 5- 29 02:10 PM
رد: تكفون الله يرحم والديكم ادخلو الموضوع :(
 
يا خوي نصيحة اذا انت رجال مو محتاج وظيفة خل عنك الانتساب ودرس انتظام افضل لك وخل عنك الوظيفه لان الوظيفة راح تشغلك عن الدراسة لذا خلها عنك وركز في دراستك عشان تطلع بعلم وشهادة في نفس الوقت

لكن اذا انت مو قادر تصرف على نفسك ولا عندك من يصرف عليك هذا شي ثاني

والشهادة راح تنفعك في كل الاحوال

mo7ammo 2013- 5- 29 02:12 PM
رد: تكفون الله يرحم والديكم ادخلو الموضوع :(
 
اقتباس:
المشاركة الأصلية كتبت بواسطة سما الخلود (المشاركة 9054493)
فعلا كلامك صحيح بعد ما كملت مستوين قدمت شهادة انى خلصت سنة دراسة ( الايقونة الى بـ الخدمات الطلابية ) لما عطيتها المدير قال وش اسوى فيها ورماها على الارض :24::44::12:
كانت اخذتيها ورميتيها في وجهه :32: ولو انك قوية كان لحقتيها الشنطة وخليتي وجهه ينشب في الجدار :8:

سكبهه 2013- 5- 29 02:15 PM
رد: تكفون الله يرحم والديكم ادخلو الموضوع :(
 
الله يعين ويكتب الخيره لنا :2:

(خالد) 2013- 5- 29 02:35 PM
رد: تكفون الله يرحم والديكم ادخلو الموضوع :(
 
انتظام :21:

لاتضيع مستقبلك من شان 3الاف ريال :42:

سكبهه 2013- 5- 31 01:21 PM
رد: تكفون الله يرحم والديكم ادخلو الموضوع :(
 
والله مادري وش اقول

محتار محتار محتار :22:

alaeda 2013- 5- 31 01:34 PM
رد: تكفون الله يرحم والديكم ادخلو الموضوع :(
 
اخوي سكبه اذا ماتجيد المقدمة في حديثك فعليك بالسلام اولاً ويكفي
بخصوص موضوعك اذا انت بالرياض توجه لوزارة الخدمة المدنية وهناك تجد الاجابة الوافية........انتبه تاخذ الاجابة من اقرب موظف وتقفي بعض الاخوان في الوزارة مايعرف وين جامعة الملك فيصل قابل المسؤل او المدير المختص.......والله يوفقك.


All times are GMT +3. الوقت الآن حسب توقيت السعودية: 11:14 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه