ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   تربية خاصة 8 (https://vb.ckfu.org/forumdisplay.php?f=390)
-   -   [ مواد مشتركة ] : انتم غير ملزمين بتغطية حصص المعلمين المتغيبين عن عملهم (https://vb.ckfu.org/showthread.php?t=501969)

آبوو شهد 2013- 9- 26 11:32 PM
انتم غير ملزمين بتغطية حصص المعلمين المتغيبين عن عملهم
 

السلام عليكم

تنبيــــــــــــــــــه

الطالب المكلف بالتطبيق بالمدرسة غير ملزم بحصص الانتظار

اذا كلموكم المدير او الوكيل بخصوص تغطية حصص المعلمين الغائبين ارفضوا


انتبهوا توافقون وتبلشون بالطلبة وتورطون انفسكم والي بعدكم


المدير كلمني بخصوص ساعات الانتظار والتغطية ورفضت واخبرت ان وقتي مايسمح واني موظف

ويالله احضر عشان التطبيق




الكلام هذا مو من راسي

مدير مدرسة اخبرني بان مدرس صعوبات التعلم او ضعاف السمع ومدرسي التربية الخاصة عموماً

غير مكلفين بالتغطية عن المعلمين الغائبين

+

حذرني من التساهل مع المدرسين حتى لايحرجوني ويطلبون مني تغطية حصصهم


ترا بعض المدرسين والمدرسات متسيبين ويستغلون الطلبة الي يطبقون حتى يتهربوا من حصصهم




هذا مجرد نصيحة

غصة الم 2013- 9- 27 12:54 AM
رد: انتم غير ملزمين بتغطية حصص المعلمين المتغيبين عن عملهم
 
صدقت ،، اجل شكل المعلمه راح تستغل الوضع لانها طلبت مني التطبيق 10 اسابيع

الفصول الأربعه 2013- 9- 27 01:22 AM
رد: انتم غير ملزمين بتغطية حصص المعلمين المتغيبين عن عملهم
 
نعم ١٠ اسابيع
تدرون الغلط من الجامعه
ماوضحت عدد الايام التطبيق بالخطاب
فقط ٦٠ ساعه هذولا بالله عليكم يفهمون بالساعات

الفهيدية 2013- 9- 27 01:26 AM
رد: انتم غير ملزمين بتغطية حصص المعلمين المتغيبين عن عملهم
 
الله يجزاك خير بو شهد ..

اجل لعلمك من ندخل المعهد ووقع حظور على طول دفتر الانتظار والتوقيع يناديني كل يوم حصتين انتظار !!

وقلت معليش الحمد لله كلها 10 ايام وتنتهي لانها بصراحة بيض الله وجهها خوش مديرة روعه بالتعامل خبرتها بوظعي اني امر بظروف ولدي محد يمسكة وولدي مريض ربو وهذا وقت ازمة الربو عندة بين البرادين

والله ماقصرت معي عشان كذا جالسه اخذ انتظار واسكت ..

حياة 2 2013- 9- 27 01:36 AM
رد: انتم غير ملزمين بتغطية حصص المعلمين المتغيبين عن عملهم
 
حسبي الله والله مايقهرني إلا اللي يستغلك ولا انا ودي اساعدهم ماعندي مانع لكن الخوف من الاستغلال يردني خصوصآ انها مرت علي تجربه سيئه

الفهيدية 2013- 9- 27 01:42 AM
رد: انتم غير ملزمين بتغطية حصص المعلمين المتغيبين عن عملهم
 
مين قال التطبيق 10 اسابيع !!!!!!!!!!!!!!!!!!!!!!

انا كلمت الدكتور حالنا حال الي تخرجو زميلاتي 10 ايام وان طالت تكرما منا 20 يوم

دفء المشاعر 2013- 9- 27 01:56 AM
رد: انتم غير ملزمين بتغطية حصص المعلمين المتغيبين عن عملهم
 
صحيح غير ملزمين
بس ف بنات يحبو ياخذو خبره ف التدريس
والاخذ والعطا مع الطالبات
وبدل مالواحد يكون فاضي والجلسه ف هالمدرسه

التعب منسي 2013- 9- 27 02:38 AM
رد: انتم غير ملزمين بتغطية حصص المعلمين المتغيبين عن عملهم
 
تنبيه مهم تشكر عليه

فيض المشاعر ،،، 2013- 9- 27 03:00 AM
رد: انتم غير ملزمين بتغطية حصص المعلمين المتغيبين عن عملهم
 
بالنسبة لي الله يعطيك العافية ياخوي بو شهد المعلم كان يضن التطبيق على طول الترم وكان يبي اتعاون معه بالحالات ومع انه ذوا اخلاق حلوه وحبوب هو والمدير بس انا وضحت له أنه حنا ونظامنا بما ان فينا موظفين فقط مسموح لنا60 ساعة مقسمه 5 ساعات يوميا فتكون 5×12 يوم = 60 ساعة يعني وضحت له اني معهم فقط 12 يوم مو اكثر وللتأكيد رحت وطبعت له التعميم مرفق بأسمي من إدارة التعليم بالاحساء وموضح فيها خطيا 12 يوماً فقط . مع اني حاب استفيد وافيد بس حنا موظفين وعندنا التزامات ثانية أما مشكلة بعض الاخوان الطلاب والخوات الي يبون منهم اكثر من 12 يوم انهم مو قادرين يلزمون مدارسهم بالـ60 ساعة مع ان المسالة واضحة دوام المدرسة الرسمي 5 ساعات يوميا لمدة 12 يوم تكون 60 ساعة الا من حب يقسمها أو من كان متفرغ وحاب يستفيد هذا شي ثاني انا اول يوم تطبيق وبينت للمعلم هاللكلام عشان ما يرسم خطط في باله . موفقين
فيض المشاعر

رغد الشرقية 2013- 9- 28 03:15 AM
رد: انتم غير ملزمين بتغطية حصص المعلمين المتغيبين عن عملهم
 
1 مرفق
اقرو البند الخامس

بوبديـــــْع 2013- 9- 28 04:49 AM
رد: انتم غير ملزمين بتغطية حصص المعلمين المتغيبين عن عملهم
 
1 مرفق
اقتباس:
المشاركة الأصلية كتبت بواسطة الفصول الأربعه (المشاركة 9624923)
نعم ١٠ اسابيع
تدرون الغلط من الجامعه
ماوضحت عدد الايام التطبيق بالخطاب
فقط ٦٠ ساعه هذولا بالله عليكم يفهمون بالساعات

وضحت ادارة التعليم للمدرسة 12 يوم بس... وهذا صورة من خطاب ادارة تعليم الحسااا الى مدارسهاااا بالاحساء...للتوضيح ..

فيض المشاعر ،،، 2013- 9- 28 05:52 AM
رد: انتم غير ملزمين بتغطية حصص المعلمين المتغيبين عن عملهم
 
صح خوي بو بديع نفس الشي انا كان المعلم يضن انه تطبيقي اكثر من 12 يوم ووضحت له الصوره ورحت يم ادارة التعليم وجبت صوره من التعميم المرفق وموضح فيه 12 يوم فقط ويوم الاحد ابعطيهم التعميم عشان يعرفون ان حنا مو ملزمين باكثر من هيك وورانا التزامات ثانية وهذا المفروض اساس كل طالب يسويه انه يبين لمكان تطبيقة عدد الايام الي بيطبقها بالظبط .
فيض المشاعر

αтзьйч αℓ-Jя7 2013- 9- 28 06:00 AM
رد: انتم غير ملزمين بتغطية حصص المعلمين المتغيبين عن عملهم
 


الله يسعدك يابوشهد
وشكرآ ع التنبيه

عن نفسي دخلوني حصتين احتياط :(
والبنات ماسكتوا وطلعوا عيوني معهم ,,

تعبوني من جدددددددددددد
بس دامها كذا ابارفض هالشي خلاص ,,

النك غير متاح 2013- 9- 28 07:34 AM
رد: انتم غير ملزمين بتغطية حصص المعلمين المتغيبين عن عملهم
 
والله المدير مش ولابد وفي يده ٣٥ درجه والمدرسه الي انا فيها اكثر من خمس مية طالب ونخاف اذا رفضت يستقعد لي ومايعطي الدرجه كامله بس بحط المدرس المتعاون في الوجه والله ييسرها

فيض المشاعر ،،، 2013- 9- 28 07:51 AM
رد: انتم غير ملزمين بتغطية حصص المعلمين المتغيبين عن عملهم
 
خوي النك توكل على الله وسو الي يطلبونه منك بالنظام وبس أما الدرجات فأذا بيضلمونك لانهم يبيونك أيام زود فهذا شي ثاني هذا يعتمد على ضميرهم اهم شي انت تسوي الي لك وعليك .
فيض المشاعر

آبوو شهد 2013- 9- 28 09:17 AM
رد: انتم غير ملزمين بتغطية حصص المعلمين المتغيبين عن عملهم
 
واجهتني مشكلة مع المدير يطلب مني الدوام يوميا والتطبيق طوال الفصل


اعطيته خطاب لادارة التعليم الي طبعته وموضح فيه اننا مطالبين ب 60 ساعة فقط



والحمدلله اموري تمام الان وافتكيت من ساعات الانتظار

L-A 2013- 9- 28 10:24 AM
رد: انتم غير ملزمين بتغطية حصص المعلمين المتغيبين عن عملهم
 
طيب انا معي 28 يوم ومن الاداره
والله اني ضايعه راح اقولكم السالفه
رحت ادارة التربيه والتعليم عطتني ورقه اعبيهاا فيها الاسم ورقم الجوال واسم المدرسه الي ابيهاا ومن اي وقت لاوقت وكل التواريخ بحدود كذا ف اخترت محرم اقرب شي وهو من 2-1 الى 30-1 وبس
وعطيتهم الثلاث خطابات ولا اخذت منهم اي ورق بخصوص التوجيه الى المدرسه
وكيف اقولهم اني اب اطبق اسبوعين واي تعميم الي تتكلمون عنه
كذا اموري تمام ولا شلون ؟

ام جووجو 2013- 9- 28 11:24 AM
رد: انتم غير ملزمين بتغطية حصص المعلمين المتغيبين عن عملهم
 
هون المشكله خلونا نحدد الفتره من والى وبيمسكونها علينا
واما عن امسك انتظار والله اذا بعطوني درجات كامله امسكها اما فيها لعانا وش
نسوي فيهم والله يستر

آبوو شهد 2013- 9- 28 12:07 PM
رد: انتم غير ملزمين بتغطية حصص المعلمين المتغيبين عن عملهم
 
اقتباس:
المشاركة الأصلية كتبت بواسطة آبوو شهد (المشاركة 9626103)
واجهتني مشكلة مع المدير يطلب مني الدوام يوميا والتطبيق طوال الفصل


اعطيته خطاب لادارة التعليم الي طبعته وموضح فيه اننا مطالبين ب 60 ساعة فقط



والحمدلله اموري تمام الان وافتكيت من ساعات الانتظار
تطبعين الخطاب الي فيه جدول صغير فيه اسمك وموجهه لاادارة التربية والتعليم


ثم تروحين لهم ويكون معك اكثر من اسم مدرسة ، عشان تختارينها اذا مافيها احد قبلك راح لها


يعطونك الادارة خطاب للمدرسة الي اخترتيها وتروحين لها مباشرة وتطبقين عندهم


طبعا البنات مادري وين الادارة الخاصة فيهم


اسالي وبتعرفين


موفقه

white paper 2013- 9- 28 12:17 PM
رد: انتم غير ملزمين بتغطية حصص المعلمين المتغيبين عن عملهم
 
والله بعض المدراء الله يسامحهم ان رفضت خسف بك بالتقييم والواحد مو مستعد يبي يقول سمعا وطاعه عشان الدرجات وكلامك صحيح كل اللي يطبقون المعلمات يستغلونهم في القيام باعمالهن حتى الوسائل يكلفونهن يسونها هذا غير تزيين المدرسة والمواظبه. وهن لاحول ولاقوة يبن يقلن سمع وطاعه

L-A 2013- 9- 28 12:34 PM
رد: انتم غير ملزمين بتغطية حصص المعلمين المتغيبين عن عملهم
 
مشكور ابو شهد ماقصرت ياخوي
انا اتوقع هم يرفعون الاسماء الى المدرسه او يكلمونا جوال
انا ممكن أسوي من نفسي بس اسلوب استغلال بحجة الدرجات يبطوون واذا حسيت بشي من هذا اعرف اداويهم
موفقين.

قهررر 2013- 9- 28 12:51 PM
رد: انتم غير ملزمين بتغطية حصص المعلمين المتغيبين عن عملهم
 
أختي a.l
إنت أي منطقة
ترى الأحساء ماأخذوا ولا ورقة من اللي بالايقونه وكان التوزيع عشوائي ما خيرونا ولا شيء بس رحنا وسألت عن الإسم وقالت وين حنا
أما بالنسبة للطلاب ما شاء الله نازل تعميم بأسماء هم والمدارس الموجهين لها

shmoo5y 2013- 9- 28 01:00 PM
رد: انتم غير ملزمين بتغطية حصص المعلمين المتغيبين عن عملهم
 
اقتباس:
المشاركة الأصلية كتبت بواسطة رغد الشرقية (المشاركة 9625374)
اقرو البند الخامس
اهاااا عددددل

انا عطيت المديررة هالبند عشان تقيمني عليه


وفي نفسس اليووم جاتني المساعدة قالتلي تقولك المديرة طبعي الورقه بالكمبيوترر وكذا هههههه استغرربت وش يدخلني اناا


اثااررري من الشرط بالتقيمم من المديرة التعااون مع الادارة هههههههههههههه

فيض المشاعر ،،، 2013- 9- 28 01:08 PM
رد: انتم غير ملزمين بتغطية حصص المعلمين المتغيبين عن عملهم
 
مشكلة الطالبات انهم استعجلو وراحوا بدون التوجيه حنا الطلاب والي اشوفه الاغلب وخصوصا حنا بادارة التعليم بالاحساء انتضرنا التوجيه ومن ثم رحنا لادارة التعليم وهم وجهونا بتعميم نزل على اجهزة المدارس الخاصة االكمبيوتر طبعا بالمدارس كافة لان ما عاد فيه الحين ورقة كل شي بالجهاز والتعاميم المفروض واصلة المدارس لاكن حنا تاكيد منا بعض الطلاب طبعوا التعميم الخاص فينا من ادارة التعليم وتوجهنا فيه للمدرسة وهذا افضل انا اشوف انه الي مو حاب يطول اكثر من 12 يوم يروح لادارة التعليم بمنطقتة ويحاول ياخذ صورة من التعميم الموجه للمدارس عامة .

L-A 2013- 9- 28 01:11 PM
رد: انتم غير ملزمين بتغطية حصص المعلمين المتغيبين عن عملهم
 
اقتباس:
المشاركة الأصلية كتبت بواسطة قهررر (المشاركة 9626602)
أختي a.l
إنت أي منطقة
ترى الأحساء ماأخذوا ولا ورقة من اللي بالايقونه وكان التوزيع عشوائي ما خيرونا ولا شيء بس رحنا وسألت عن الإسم وقالت وين حنا
أما بالنسبة للطلاب ما شاء الله نازل تعميم بأسماء هم والمدارس الموجهين لها
أنا بالخبر حبيبتي
لا يالغلا احنا كان فيه اوراق واسماء مدارس وتواريخ
أجل هذا هو هم الي ياخذون اوراقناا ع المدارس بس احنا نروح بتاريخ المحدد
بالتوفيق:rose:

دلوعه ابوهااا 2013- 9- 28 01:11 PM
رد: انتم غير ملزمين بتغطية حصص المعلمين المتغيبين عن عملهم
 
يمه جد قلبي يرقص خبيتي الله يعينكم
بسالكم بالله 35 عرفت وش له الباقي وين كيف يقييموني
الا25 وش يقيموني عليه ترى تقيمي الترم الجاي بس احتياط
هههه:p

L-A 2013- 9- 28 01:14 PM
رد: انتم غير ملزمين بتغطية حصص المعلمين المتغيبين عن عملهم
 
اقتباس:
المشاركة الأصلية كتبت بواسطة فيض المشاعر ،،، (المشاركة 9626658)
مشكلة الطالبات انهم استعجلو وراحوا بدون التوجيه حنا الطلاب والي اشوفه الاغلب وخصوصا حنا بادارة التعليم بالاحساء انتضرنا التوجيه ومن ثم رحنا لادارة التعليم وهم وجهونا بتعميم نزل على اجهزة المدارس الخاصة االكمبيوتر طبعا بالمدارس كافة لان ما عاد فيه الحين ورقة كل شي بالجهاز والتعاميم المفروض واصلة المدارس لاكن حنا تاكيد منا بعض الطلاب طبعوا التعميم الخاص فينا من ادارة التعليم وتوجهنا فيه للمدرسة وهذا افضل انا اشوف انه الي مو حاب يطول اكثر من 12 يوم يروح لادارة التعليم بمنطقتة ويحاول ياخذ صورة من التعميم الموجه للمدارس عامة .

فيض عادي اطبع التعميم الي منزله أخوي بو بديع هي كذا كذا صوره صح ولا شلون؟

سارة* 2013- 9- 28 01:18 PM
رد: انتم غير ملزمين بتغطية حصص المعلمين المتغيبين عن عملهم
 
ان اافكر اطبعها بعد

سارة* 2013- 9- 28 01:20 PM
رد: انتم غير ملزمين بتغطية حصص المعلمين المتغيبين عن عملهم
 
انا بالدمام ينفع اطبعها ولا لاا

L-A 2013- 9- 28 01:21 PM
رد: انتم غير ملزمين بتغطية حصص المعلمين المتغيبين عن عملهم
 
كم يوم تدريبك سارا من تاريخ كم لاكم ؟؟
عشان لازم التغير يصير من الاداره لان احنا كتبنا هالشي بالاستماره تطبيعنها وع الادارهـ

فيض المشاعر ،،، 2013- 9- 28 01:22 PM
رد: انتم غير ملزمين بتغطية حصص المعلمين المتغيبين عن عملهم
 
لا اختي l-a ما اظن ينفعك لانه موجه لمدارس الاحساء واكيد بيكشفونها الافضل انه تتوجين لادارة التعليم انتي او من ينوب عنك وياخ صورة للتعميم او انك شوفي المدرسة نفسها الي وجهوك لها ادارة التعليم هل وصلها تعميم بالجهاز اذا اي بيكون موضح فيه 12 يوم واذا لا فاهي غلطه لانه ادارة التعليم الخاصة بالبنات على الي عرفته انهم ما جاهم وجهوه لاي مدرسة وباختياره ولا ردوا حد يعني ما كان فيه قرار رسمي ومجدول ومطبوع زينا حنا مثلنا باداراة تعليم الاحساء وهالشي اكيد بيتعبكم شوي ويمكن راح يماطلون فيكم بعدد الايام والحل الوحيد هو طباعة التعميم الي فيه توجيهكم على اساس توجيه الجامعة من الدكتور الفريدان .

سارة* 2013- 9- 28 01:24 PM
رد: انتم غير ملزمين بتغطية حصص المعلمين المتغيبين عن عملهم
 
انا قريت ان التدريب 21 يوم والتاريخ كتبته غلط لاني نسيت اجازة عيد الاضحى

هل اعدل التاريخ او اخليه ؟؟

يعني الخطاب لازم ييكون من التاريخ الي انا اختره ؟؟

L-A 2013- 9- 28 01:26 PM
رد: انتم غير ملزمين بتغطية حصص المعلمين المتغيبين عن عملهم
 
أخوي هو مو باسم واحد من الاشخاص او خاص بجهه معينه هو بس يعني انو مجرد اثبات قدام الجهه انو في تعميم يعني بس تصير عندهم فكرا
فيض الاداره محددين 28 يوم وانا كتبت هالفترا بالاستماره يعني المدرسه راح تمشي ع الشي المكتوب
اتوكل ع الله وش رايك

L-A 2013- 9- 28 01:30 PM
رد: انتم غير ملزمين بتغطية حصص المعلمين المتغيبين عن عملهم
 
اقتباس:
المشاركة الأصلية كتبت بواسطة سارة* (المشاركة 9626704)
انا قريت ان التدريب 21 يوم والتاريخ كتبته غلط لاني نسيت اجازة عيد الاضحى

هل اعدل التاريخ او اخليه ؟؟

يعني الخطاب لازم ييكون من التاريخ الي انا اختره ؟؟

طبعا تروحين تعدلينه سارا لانه كله محسووب
واحسن الي صار كذا عشان تروحين مرا وحداا وصار عندك علم بالستين الساعه اساليهم عن هذا التعميم وقوليلهم ان التاريخ غلط
بالتوفيق

فيض المشاعر ،،، 2013- 9- 28 01:30 PM
رد: انتم غير ملزمين بتغطية حصص المعلمين المتغيبين عن عملهم
 
والله رايي يا اختي انه جايز تعدي معكم انتوا الطالبات واحتمال ضعيف لانه باين فيه المنطقة لاكن الي اعرفة انه مستحيل تعدي عندنا الطلاب مثلنا لان الرجال راح يعقدونها اكثر بس راح يسوي لك هالشي احراج لو جبتي التعميم الصحيح مثلاً لو ردوا هذا فأشوفه صعبه يصير بصراحه .

L-A 2013- 9- 28 01:32 PM
رد: انتم غير ملزمين بتغطية حصص المعلمين المتغيبين عن عملهم
 
صحيح كلامك أخوي
خلاص بطلب هالشي من الاداره بكرا ان شاء الله
ومشكور تعبتك معي.

فيض المشاعر ،،، 2013- 9- 28 01:36 PM
رد: انتم غير ملزمين بتغطية حصص المعلمين المتغيبين عن عملهم
 
العفو اختي l-a بالتوفيق يارب لك وللجميع كافة .

ذكريني ترى انسى 2013- 9- 28 07:48 PM
رد: انتم غير ملزمين بتغطية حصص المعلمين المتغيبين عن عملهم
 
بالنسبه لي ماراح ارفض اذا عطوني حصص انتظار
لاني بشتغل معهم بس فترة التطبيق وهي ايام معدوده ، ف ماله داعي ارفض ويمسكونها علي
ان شاءالله ناويه اتساهل معهم ( بس بحدود ) عشان ان شاءالله هم بعد يتعاونون معي


(( مجرد وجهة نظر ، والله يعطيك العافيه على النصيحه )) :rose:

سوووونيا 2013- 9- 29 07:22 PM
رد: انتم غير ملزمين بتغطية حصص المعلمين المتغيبين عن عملهم
 
الف شكرلك وبالتوفيق لك وللجميع ان شاء الله0

•¦[ٱبيڪَ قٌربيے 2013- 9- 30 11:21 PM
رد: انتم غير ملزمين بتغطية حصص المعلمين المتغيبين عن عملهم
 


()

مشكور اخوي ابو شهد ع النصيحةة..




اقتباس:
المشاركة الأصلية كتبت بواسطة غصة الم (المشاركة 9624792)
صدقت ،، اجل شكل المعلمه راح تستغل الوضع لانها طلبت مني التطبيق 10 اسابيع

:sm5::sm5:

10 اسابيع من جدك؟! وين ب الضبط؟!

اقتباس:
المشاركة الأصلية كتبت بواسطة L-A (المشاركة 9626712)
أخوي هو مو باسم واحد من الاشخاص او خاص بجهه معينه هو بس يعني انو مجرد اثبات قدام الجهه انو في تعميم يعني بس تصير عندهم فكرا
فيض الاداره محددين 28 يوم وانا كتبت هالفترا بالاستماره يعني المدرسه راح تمشي ع الشي المكتوب
اتوكل ع الله وش رايك


()

انا اخترت الوقت اللي اباشر فيةة من البدايةة فقط اللي هو 12/20 يعني مً حددت لين كم:(269):

الفصول الأربعه 2013- 9- 30 11:46 PM
رد: انتم غير ملزمين بتغطية حصص المعلمين المتغيبين عن عملهم
 
انا قالت لي المديره لك حصه وحده في اليوم انتظار اذا على كذا اوكي

آبوو شهد 2013- 10- 1 07:13 AM
رد: انتم غير ملزمين بتغطية حصص المعلمين المتغيبين عن عملهم
 
ع العموم مجرد نصيحة

والتعاون مطلوب

الي اقصدهـ انا كموظف ان الموظفين يستغلون الشخص الجديد في التغطية على اعمالة والهروب من عملهم


وهالشئ صاير في المدراس


التعاون مطلوب لكن بحدود :10111:

white paper 2013- 10- 3 06:07 PM
رد: انتم غير ملزمين بتغطية حصص المعلمين المتغيبين عن عملهم
 
اقتباس:
المشاركة الأصلية كتبت بواسطة white paper (المشاركة 9626490)
والله بعض المدراء الله يسامحهم ان رفضت خسف بك بالتقييم والواحد مو مستعد يبي يقول سمعا وطاعه عشان الدرجات وكلامك صحيح كل اللي يطبقون المعلمات يستغلونهم في القيام باعمالهن حتى الوسائل يكلفونهن يسونها هذا غير تزيين المدرسة والمواظبه. وهن لاحول ولاقوة يبن يقلن سمع وطاعه
انا من جيت وشيل بهالاحتياط والمعلمات غياب بالهبل
وانا احتياط وازعاج الطالبات لايحتمل
واليوم رفضت اوقع
وش صااار ؟
المديرة نادتني وقالت مو من حقك ترفضين واذا جاك امر لازم تنفذينه والا مو من صالحك !
قلت لها بس انا مااتحمل ذنب غياب المعلمات انا قايمه بكل واجباتي بالمدرسه من حصص وتحضير وطابور وحضور لكن الاحتياط زاد عن حده ولازم تحطين حد لمعلماتك عشان مايغابن قالت كل وحدة وذمتها وانتي تحضرين الاحتياط والا انتي الخسرانه📢
حسبنا الله ونعم الوكيل
الله يستر من تقييمها لي
دعواتكم

}{}{ مسك }{}{ 2013- 10- 4 11:54 AM
رد: انتم غير ملزمين بتغطية حصص المعلمين المتغيبين عن عملهم
 
اقتباس:
المشاركة الأصلية كتبت بواسطة white paper (المشاركة 9656533)
انا من جيت وشيل بهالاحتياط والمعلمات غياب بالهبل
وانا احتياط وازعاج الطالبات لايحتمل
واليوم رفضت اوقع
وش صااار ؟
المديرة نادتني وقالت مو من حقك ترفضين واذا جاك امر لازم تنفذينه والا مو من صالحك !
قلت لها بس انا مااتحمل ذنب غياب المعلمات انا قايمه بكل واجباتي بالمدرسه من حصص وتحضير وطابور وحضور لكن الاحتياط زاد عن حده ولازم تحطين حد لمعلماتك عشان مايغابن قالت كل وحدة وذمتها وانتي تحضرين الاحتياط والا انتي الخسرانه📢
حسبنا الله ونعم الوكيل
الله يستر من تقييمها لي
دعواتكم
هذا اللي كنت خايفه منه😭 الله يستر بس

white paper 2013- 10- 4 05:06 PM
رد: انتم غير ملزمين بتغطية حصص المعلمين المتغيبين عن عملهم
 
ايو والله المديرات ظلمهن ظلم وتخيلي عاد اذا الطالبات ماتدرسينهم ماتقدرين عليهم قسم بالله هالاسبوع حبه بنادول ورا الثانيه بسبتهم اللي تقوم من مكانها واللي تبي دورةًالمياه واللي تسمحين لي اروح للمعلمه الفلانية اففف
وظيفة المعلم زفت ولا له اي حقوق انا شرهانه على الجامعة المفروض حفظت حقوقنا ووضحت بالخطاب انه مالنا خص بالاحتياط ناقصين غثا احنا من هالطالبات المزعجات

آبوو شهد 2013- 10- 4 07:06 PM
رد: انتم غير ملزمين بتغطية حصص المعلمين المتغيبين عن عملهم
 
اصبري 12 يوم

انتي تورطتي ولاتقدرين تطلعين من ورطتك

الاهم ماتقعدين عندهم اكثر من 60 ساعه

حاولي تشغلين نفسك مع معلمتك المساعدة

وكلميهآ تساعدكـ وتشغلك باي شي يخص تخصصك >> عشان تتخلصين من حصص الانتظار او تقللين منهآ

الصفا 2013- 10- 4 07:27 PM
رد: انتم غير ملزمين بتغطية حصص المعلمين المتغيبين عن عملهم
 
يا ابو شهد
انا كلمت المشرف بهذا الكلام
قال عادي
امم و انها ساعه اخذتيها
فعادي اخذ حصة متغيبه المدرسه عنها
بس المشكله .. عندي في العوق الفكري ، فجأه البنت تفصل بنفسيتها
عشان كذا صار صعب اعطي حصه لحالي

الله يوفق و ييسر يا رب

white paper 2013- 10- 5 11:04 AM
رد: انتم غير ملزمين بتغطية حصص المعلمين المتغيبين عن عملهم
 
ابغى اسأل اذا كنت اداوم من ٧الصباح الى ١٢ونصف كم يحسب لي يوم في المدرسه
هل يحسب اليوم كامل او بس الحصص اللي ادخلها
اففف متى اخلص بس وارتاح
قسم وظيفة المعلم ماتشجع ابدااااا

عاشقة القمر 2013- 10- 5 11:44 AM
رد: انتم غير ملزمين بتغطية حصص المعلمين المتغيبين عن عملهم
 
^

عن جد أزمه الأنتظآر من أول مآنقبل عليهم عطونآ حصص آلأنتظآر من أول آلدوآم إلى أخر آلدوآم

طيب أنآ متدربه وعندي حصص عندي تجهزآت مشآريع و أشياء كثيره ,, أبد مآيرآعون هالشي


شكلي بحط لهم حد ,, لآن آلوضع يجيب آلمغص :( , ونحن مو مجبورين , وهذآ طيب منآ نسآعدهم بأمورهم :/




هالملتقي له وحشه من زممممآن عنكم :)

آبوو شهد 2013- 10- 6 07:25 AM
رد: انتم غير ملزمين بتغطية حصص المعلمين المتغيبين عن عملهم
 
اقتباس:
المشاركة الأصلية كتبت بواسطة white paper (المشاركة 9663337)
ابغى اسأل اذا كنت اداوم من 7الصباح الى 12ونصف كم يحسب لي يوم في المدرسه
هل يحسب اليوم كامل او بس الحصص اللي ادخلها
اففف متى اخلص بس وارتاح
قسم وظيفة المعلم ماتشجع ابدااااا

يحسب لك خمس ساعات

حضورك اليومي يحسب لك خمس ساعات حتى لو ماقعدتي الا اقل من هذا *_*

نسقي مع مدرستك تضبطكـ وتحسب لك خمس ساعات يومياً

خليك مع المتعلمه المتعاونه على طول وهي بتساعدك

موفقين


All times are GMT +3. الوقت الآن حسب توقيت السعودية: 12:03 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه