ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - منطقة حائل (https://vb.ckfu.org/showthread.php?t=507430)

طلال متعب

2013- 10- 20 03:22 AM

منطقة حائل

السلام عليكم

صباح الخير

سؤال هل الجامعه لها مركز اختبار في محافظة بقعاء بمنطقة حائل؟

وشكرا

متفاائله

2013- 10- 20 04:59 AM

رد: منطقة حائل

والله ما اعرف بس هو بحايل بس ما ادري في اي محافظه

محمد الشمريـ

2013- 10- 20 05:08 AM

رد: منطقة حائل

لا ما فيه .
بالمستقبل يمكن ’’’
لكن وش الفرق 90 كم مهي شين خلال 12 يوم

عبدالله العـتيبي

2013- 10- 20 05:08 AM

رد: منطقة حائل

هلا طلال انا من طلاب بقعاء يقولون وافقو على فتح المركز بس باقي الموافقه من المحافظ ببقعاء ومادري وش صار بعدها

عبدالله العـتيبي

2013- 10- 20 05:13 AM

رد: منطقة حائل

اقتباس:

المشاركة الأصلية كتبت بواسطة محمد الشمريـ (المشاركة 9702683)

لا ما فيه .
بالمستقبل يمكن ’’’
لكن وش الفرق 90 كم مهي شين خلال 12 يوم

__________________________
اعوذبالله وش ها الحسد !! حنا لو حنا سالمين منكم كان ها الحين محافظتنا الحبيبه فيها كل الخدمات والامكانيات لكن انتم الي ماتتمنون لنا الخير !! مادري وش سبب كرهكم لنا !! لكن الحمدالله حنا مثبتين وجودنا غصبن عن الطيب والردي .... وبعدين كلن يتكلم عن نفسه انت ماجربت تداوم من بقعاء او حتي من تربه لحائل كان ماقلت ها لكلام

عبدالله العـتيبي

2013- 10- 20 05:19 AM

رد: منطقة حائل

والحمدالله الدولة ماهي مقصرة مع راحة المواطن وبأذن الله سوف يفتح بالقريب العاجل مركز في بقعاء وكذلك تربة والخطة وغيررررره من المحافظات وموتوو بغيضكم ايها الحساد .... الحاسد في الأرض والرزاق في السماء .. وعلى فكرة لو تلاحظ من الي رفع اسم حائل تجد 80 % أبناءالمحافظات التابعة لهاوالقرى

غريب إحساس

2013- 10- 20 05:53 AM

رد: منطقة حائل

الله يعينك .. وان شاء الله الاختبارات الجايه تختبر في بقعاء ..

وتعوذوا من إبليس ياخوان ..

white paper

2013- 10- 20 02:54 PM

رد: منطقة حائل

لا حول ولاقوة الا بالله العلي العظيم
حائل كلها واحد سواء محافظة بقعاء او الغزاله او غيرها مافيه فرق كلنا اخوة ونتمنى الكل يكون مرتاح
بالنسبة لمركز الاختبار لايوجد الان لكن على كلام الدكتور الفريدان ان كان عدد الطلاب يتجاوز ال20 يفتح مركز
فإن كان عدد كم بمحافظة بقعاء 20 اكتبوا خطاب بارقامكم وطالبوا بفتح مركز والله يوفق الجميع

عبدالله العـتيبي

2013- 10- 20 03:40 PM

رد: منطقة حائل

اقتباس:

المشاركة الأصلية كتبت بواسطة white paper (المشاركة 9703623)

________________________-
هلا وغلا اخوي .. اكيد كلها واحد بنسبة لنا واكيد كل واحد يتمني يكون مركز الاختبار قريب لبيته .. ولاتنسى اخوي مو بس محافظة بقعاء حتي فيه طلاب من تربة والأجفر وغيره يقطعون مسافة اطول من الي بمحافظة بقعاء وعددنا الحمدالله كبير جدااا بس الي من بقعاء تقريبا100 طالب فما بالك الي من القري التابعة لها والمحافظات !! لاكن الي يقهرك يجيك واحد مركز الاختبار قريب لبيته ويقولك 90 كيلو قريبه للمركز !! وهو اصلن مابيده اي شي المشكلة لو بيده شي كان متنا جوع ههههه ولاتنسى ان محافظة بقعاء محافظة فئة أ يعني اكبر محافظة تابعة لحائل ... وجامعة الأمام فتحو عندنا مركز اختبار ببقعاء الترم الي طاف وقبل شهر فتحو مركز اختبار كذالك للبنات يعني البنات يختبرون الترم هذا ببقعاء ماشاءالله اللهم لاحسد ... هذا مااود توضيحه وللتأكد من صحة كلامي اتمني قراءة الخبر http://hailnews.sa/news.php?action=show&id=20163

ام راكـان

2013- 10- 20 06:35 PM

رد: منطقة حائل

لاحول ولاقوه الا بالله وش هالكلام
حايل وحده سواء بقعاء ولا اي محافضه او قريه من كبرها اصلن يوم يحطون بقريه
لو يحطون بحايل فقط اللي يبي يجي ويختبر ومالها داعي الكلام الفاضي والي اصغر من عقولنا
كلنا ديره وحده ليتنا نسلم بعد لأني سمعت انه يكون زحمه ويستبعدون بعض الي اختارو متاخرين

عبدالله العـتيبي

2013- 10- 20 08:48 PM

رد: منطقة حائل

اقتباس:

المشاركة الأصلية كتبت بواسطة ام راكـان (المشاركة 9704157)

_____________________________________

لو سمحتي بقعاء مو قرية بقعاء اكبر محافظة تابعة لحائل . وماابي اكثر كلام معاك لاان بالمختصر (( جت الموافقة من الرياض بفتح مركز اختبار ببقعاء )) الف مبرووك لاابناء بقعاء وقراها :106: :106: ولاعزاء للحاقدين ^^ :(284):

ضحى الحارثي

2013- 10- 20 09:22 PM

رد: منطقة حائل

ياحبي لكم يا أهل حاايل .. والله يكتب لنا ولكم كل اللي فيه خير .. وأنا أقول لو تحطون خطاب للجامعه يكون أفضل عشان يستهمون شوي..

ضحى الحارثي

2013- 10- 20 09:25 PM

رد: منطقة حائل

تاج المملكه وراتس زعلانه بعدهم .. ماعاش من يررفع ضغطتس .. هذي آراء وخلي كل واحد يعبر عن اللي بخاطره وفي الاخير ما بيصير الا المكتوب.. :d

ابوخالدالحربي

2013- 10- 20 10:27 PM

رد: منطقة حائل

اقتباس:

المشاركة الأصلية كتبت بواسطة ضحى الحارثي (المشاركة 9704704)

هههه
تاج مرتفع ظغطة وانتي رفعتية شوي

:rose::rose::rose::rose::rose:
الله يكون بعونكم ياهل بقعاء اذكر السمستر الماضي كان هناك اعلان للمطالبة بفتح مركز عندكم
اخوي تاج ترى كثير من الطلاب والطالبات من المحافظات والقرى المجاورة
وياريت الجامعة تفتح مركز شمال ومركز جنوب حائل

عبدالله العـتيبي

2013- 10- 21 10:04 AM

رد: منطقة حائل

اقتباس:

المشاركة الأصلية كتبت بواسطة ابوخالدالحربي (المشاركة 9704966)

_______________________________________
لاعادي يمكن الرجال ماانتبه ... لكن بخصوص المركز ارجع لردودي فوق قلت فيه معانا من تربة تربة شمال بقعاء 100 كيلو يعني يضربون مشوار 200 كيلو للختبار !!! والأجفر كذالك وغيرره وغيرره واحنا يوم نطالب بفتح مركز مو بس علشان طلاب بقعاء فقط لا علشان القراى البعيده والمناطق .. حنا الحمدالله نحب الخيرر للجميع مو مثل ؟؟؟؟ ماني قايل :119:
_____________
والمركز بأذن الله سوف يفتح قرريب وافقو الجامعة بس باقي الأجرءاة البسيطة مثل موافقة الأمارة عندنا واختيار المكان .......

ضحى الحارثي

2013- 10- 21 02:01 PM

رد: منطقة حائل

ههههههههههههه تاج اعتذر ما انتبهت للجنس،،
يا اخي أنا ما أتخيل ان فيه شمالي يعصب ،،
خطيبي شمري وإذا هزأني في شيء اقعد اضحك ،،
هههههههه أحسه يستهبل مهب جاد

عبدالله العـتيبي

2013- 10- 21 02:41 PM

رد: منطقة حائل

اقتباس:

المشاركة الأصلية كتبت بواسطة ضحى الحارثي (المشاركة 9707001)

___________________________________________--
مو معصب ... وبعدين مقولة الشمالي مايعصب او مايزعل مو صحيح .. كل شخص يزعل ويعصب اذا شاف الظلم ...

All times are GMT +3. الوقت الآن حسب توقيت السعودية: 04:09 PM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه