|
الوضع صعب وما ينسكت عليه !
السلام عليكم ورحمة الله وبركاته ... ومن العايدين الفايزين ... وبعد بصراحة وضعنا صعب وما ينسكت عليه .. اللخبطه والعفسه بالانظمه خلتني اهنق ما ادري وش الوضع ومتى راح يتعدل ؟! مادة الاعمال الاليكترونيه مانزل لها ولا مناقشه ولا واجبات ولا مباشره الى الآن ! مادة النقود والبنوك نزل محاضرتين فقط وستة مناقشات .. كيف ؟ ما ادري ! غير لخبطة اسماء الدكاتره بين الانظمة والمحتوى ، وروابط المباشرة لا تعمل. بصراحة رح يشكل لنا ضغط على نهاية الفترة وانتم تعرفون وش معنى نهاية الفتره ... ضغط على النظام واضغط f5 وشلتها !! عموما أنا اعرف انكم تعانون نفس الاشكاليات .. لكن ياليت اللي يقدر يتواصل مع العمادة ينقل له الصورة .. لان خوفي اذا قربت الاختبارات ونبدا نتكلم بيرجعون اللوم علينا إن ما حد نقل لهم الصورة .. ونبدأ نلوم أنفسنا ... انا من جهتي حاولت اتصل بالرقم المجاني وكالعادة .. مشغولين في خدمة عملاء آخرين ! وسلاااااااامتكم :106: |
رد: الوضع صعب وما ينسكت عليه !
الله يسلمك
|
رد: الوضع صعب وما ينسكت عليه !
الله يعين
هذا حالنا مع كل ترم |
رد: الوضع صعب وما ينسكت عليه !
كل ترم من سوء الى اسوء
وياقلب لا تحزن ؟ ياليت الي يقدر يوصل مشاكلنا لهم له دعوه من القلب |
رد: الوضع صعب وما ينسكت عليه !
تخبط في تخبط
ننتظر وامرنا إلى الله تمنياتي للجميع التوفيق والنجاح |
رد: الوضع صعب وما ينسكت عليه !
كل سنة التخبط هذا موجود بس السنة هذي طولو كثير
وبعدها يحطون اللوم علينا على تحميل المحاضرات والمناقشات بنقص في درجاتنا |
رد: الوضع صعب وما ينسكت عليه !
مافي ألا إننا نأقلم نفسنا مع الوضع..
أطبع ملخصات المواد اللي دكاترتهم ثابتين،وتابع المحاضرات من اليوتيوب،ولاتعطل نفسك مع الأنظمة.. النقود والبنوك خلها آخر مادة تتابعها، عأساس لما ترجع لها تكون نزلت كل محاضراتها.. وبالنسبة للتحميل والحل.. حمل وحل الموجود،واللي فيه لخبطة خله آخر شي لحد مايتعدل.. وربي يسهل الأمور.. |
رد: الوضع صعب وما ينسكت عليه !
تعودنا علي الخبطة في كل ترم
ان شاء الله يعدي ها الترم علي خير |
رد: الوضع صعب وما ينسكت عليه !
الله يرحم ايامك يا ابن النجار
|
رد: الوضع صعب وما ينسكت عليه !
الله يعين بس الخبطه هل سمستر مش طبيعه تلف الراس ولا شي منزليه ولا شي مرتب خرابيط
وبنهاية السمستر الخطا بيكون احنا والجامعه ولاشي م اروعك صبرنا جمممميل الله المستعان |
رد: الوضع صعب وما ينسكت عليه !
عندي احساس هالترم بالنسبه لدرجات المشاركه .. بيصيرف فيها لخبطه كثير على مايبدو ..
المهم والمطلوب مثل ماقالت اختي نسيم الصبا .. حلو الموجود وتابعوا اللي جاي اول بأول .. لان بنهاية الترم اعتقد مافي فرصه النظام يوقف على رجلينه ويسجل درجات طالما هاللخبطه مستمره .. الترم هذا بكل صراحه غيرررررر !!!! |
رد: الوضع صعب وما ينسكت عليه !
اقتباس:
كلامك صح .. ولا يهون البقية ،، وحنا أصلاً متعودين عاللخبطه من اول ، لكن وصل الوضع إلى إن حتى جدول المتابعه اللي مسويه ما عاد يشفر معي !! لان فيه محاضرات تنزل ما نزل لها محتوى .. وبعد فتره القى المحتوى نزل .. يعني يحتاج مني اقعد افتح ملفات المواد بالجهاز حتى اشوف وش النقص وارجع عالنظامين اكمل النقص. وهذا بحد ذاته جهد إضافي ووقت مهدور بالفاضي .. من جد فيه لخبطه غير شكل هذا المستوى .. وصل الوضع الى إني مدري المشكله عندي والا عندهم والا عندنا كلنا؟ لكن الحل هو رد رسمي من الجامعه حول الاشكاليات الموجوده .. حتى يكون عندنا حجه ، على الاقل يمددون فترة رصد درجات المشاركة .. |
رد: الوضع صعب وما ينسكت عليه !
تخبط في تخبط
الله يخارجنا بس |
رد: الوضع صعب وما ينسكت عليه !
اقتباس:
النقود والبنوك ولا شي صار عليها الافتراضي ماتحدث اول مره اشوف جامعه زي كذا:mad: |
| All times are GMT +3. الوقت الآن حسب توقيت السعودية: 05:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام