السلام عليكم ورحمة الله وبركاتة
ياليت يا زملاء كل واحد يكتب افضل طريقة للمذاكرة لكل ماده وحس انه فهم الماده بسهولة مع ذكر افضل ملخص او ملزمة ورونا تجاربكم عشان نستفيد وهذا من باب التعاون في الخير ان شاءالله لان اغلبنا بداء الان يذاكر للاختبار بسبب مشاغلة
واي ماده تحتاج وقت اكثر من غيرها وجدول المذاكرة واي وقت افضل
وفالكم النجاح والتوفيق ،،،

المشاركة الأصلية كتبت بواسطة meem-24 (المشاركة 9892226) بما اني ماذاكرت الا مادة المحاسبه فبقولكم طريقتي بمذاكرتها اول شي عندي ملزمة ابو موزه طبعا قبل ما ابدا باي محاضره اشوف محتوى المحاضره حقت دكتورنا واذا مطابقه لنفس محتوى المحاضره بالملخص ابدا افتح شرح د علاء زهران ع اليوتيوب واتابع المحاضره كلها وبعدها احل التمارين لوحدي واتاكد من حلي بالمحاضره اللي بعدها لانه يحل التمارين ببداية كل محاضره , اتمنى اني افدتك بهذي الماده

المشاركة الأصلية كتبت بواسطة ابو العايض (المشاركة 9894263) كم تخصصين من وقتك للمذاكرة في هذي المادة في اليوم وكم محاضرة تخلصين فيها بهذي الطريقة وشاكر لك وفالك النجاح والتوفيق يارب

المشاركة الأصلية كتبت بواسطة يابعدهم (المشاركة 9896998) السلام عليكم كيفكم انشالله كويسيننن بتكلم عن المحاسبه شوي طبعا درستها قبل كدا بالانقلش وكنت احبها لكن ماقدرت استوعبها بالعربي ابدنن المهم وقررت اني افهما:confused: وضروري كمان خخخخ المهم وانا احوس لقيت واحد الله يعطيه العافيه كاتب عن دكتور باليوتيوب اسمو هاني عثمان محاسبه ودخلت وتفرجت ع المحاضرات ومن شرحو جميل وممتع وبدات افهم واحب الماده حمدلله عموما الي حايس بهالمادة زيي يدخل يتابعو 10 محاضرات بس وقصيره بس جدا مفيده وادعولييييي :d

المشاركة الأصلية كتبت بواسطة meem-24 (المشاركة 9897205) يبيلها تركيز وفهم وحفظ كنت امسك الماده مرتين باليوم ساعتين العصر وساعتين بالليل وكنت باليوم اختم محاضرتين او ثلاث لان مخلص ابو مزه كثير بس شامل وان شاء الله هالشي بيساعدنا وقت الاختبار والعفو وفالنا التفوق والدرجات العاليه

المشاركة الأصلية كتبت بواسطة capitan (المشاركة 9897542) السلام عليكم عني انا بديت بالقانون لانه هو اول اختبار عندي ومخصص 3 محاضرات كل يوم وبديت فيها اليوم كل محاضره ساعتين ماخذها طقطه يقرق علي الدكتور ساعه وساعه لي وبعد كل محاضره اطلع اسئله شامله وانزلها بالمنتدى كوزات للي يبي يستفيد منها ويختبر نفسه عن كل محاضره طبعا الساعتين لكل محاضره شامله الشاهي والقهوه والتمغط والنقنقه على الخفايف يعني مشروع تسمين الله وكيلك هههههههه اهم شيء اني ماخذها بسعة صدر واذا ستصعب علي شيء اسجله عندي بالنوته وان رجعت له كان بها وان مارجعت له ما يضره ان شاء الله

المشاركة الأصلية كتبت بواسطة ابو العايض (المشاركة 9897550) فكرة حلوه تبداء بالقانون اول شي بس لازم تحدد ايام معينة وتشوف غيره المحاسبة والرياضيات والاقتصاد الجزئي يبيلها شغل ومن ناحية مشاريع التسمين لابد منها المذاكرة والتركيز تحتاج تسكيت للمعدة عشان ما تسوي قلق وعساه بالعافية على قلبك وفالك النجاح والتفوق يارب

أنآآ عني افتح المحتوىى مع المحآآضره واتآبع مع الدكتور واذآ زآد كلآلآم اكتببهه وبعدهآ ابدآ اذآككر ..

كنت اذآككر من المحتويآت والوآجبآآت ونمآذج الاختبآرآت السآبقه والحمدلله كله تمام .

السلام عليكم ^_^
انا خلصت الرياضيات والحمدلله جدا كانت ممتعة ..
اهم شيء المحتوى يكون معك لا جيت تحضر المحاضرة وحل التمارين اللي بعد كل محاضرة
ادخل المنتدى وحل كويزات الاخ تركي مرره مفيدة ..
القانون خلصت فيه 10 محاضرات و وقفت وبكمله بعدين ..~
بديت بالمحاسبة وتعبانه مع هالدكتور الله يهداه شرحه تعبان وذاكرت معه 4 محاضرات وحسيت نفسي مضيعة شفت ناس تمدح في شرح هاني عثمان واليوم شفت له 4 محاضرات وان شاء الله السهرة تحلى معه ابخلص وبعدها برجع لمحاضرات دكتورنا الفاضل لانه ما امداني اشتري ملخصات ابو موزه ف بمشي ع المحتوى والله يسهل ع الجميع يارب ..~
موفقين الجميع بإذن الله وان شاء الله a+