ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 8 (https://vb.ckfu.org/f419)
-   -   [ المناقشات ] : رد عبدالله الفريدان عن موعد تسليم الوثايق خريجي الفصل الأول (https://vb.ckfu.org/t556359.html)

وهـج مطير 2014- 2- 4 09:03 PM
رد عبدالله الفريدان عن موعد تسليم الوثايق خريجي الفصل الأول
 
السلام عليكم ورحمه الله وبركاته


كيف حالكم حبايبي أتمنى أن تكونوا بخير .



أولا تواصلت مع العميد بخصوص استلام الوثايق

فرد علي الاستلام بعد ثلاث الى اربعه اسابيع


فسألته مره ثانيه ي دكتور ليش كل هالتأخير طلبه من دفعات مختلفه من خريجي الصيفي استلموها ليش احنا راح نتأخر بالاستلام يعني الشهاده لاغبار عليها


رد التأخير من الكليه


فسألته هل سيزيد المده عن المحدده سابقا قال

التأخير بسبب الدقيق من قبل المجالس المختصه

ــــــــــــــــــ



نبي رايكم ي جماعه الصراحه هالموضوع نرفزني مانبي نكون مثل الطلبه خريجي الصيفي مااستلموا وثايقهم الا بعد تقريبا أكثر من 6 أشهر

جريح الصمت 2014- 2- 4 09:21 PM
رد: رد عبدالله الفريدان عن موعد تسليم الوثايق خريجي الفصل الأول
 
يعطيك العافية وهج على اهتمامك المتواصل

فعلاً الجامعة تتاخر كثير بالنتايج

والمشكلة ان اغلب الجامعات قرب تسجيل الماستر

بحاول اروح الجامعة اخذ وثيقه مؤقته وتوصيات

وهـج مطير 2014- 2- 4 09:29 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة جريح الصمت (المشاركة 10481350)
يعطيك العافية وهج على اهتمامك المتواصل

فعلاً الجامعة تتاخر كثير بالنتايج

والمشكلة ان اغلب الجامعات قرب تسجيل الماستر

بحاول اروح الجامعة اخذ وثيقه مؤقته وتوصيات

الله يعافيك فهد

فهد الحين انا محتره بخصوص التأخير نبي رده فعل قويه

فكر معاي ليش هالتأخير لو احنا اول دفعه قلنا صح بس فيه دفعه قبلنا استلموها وخصوصا خريجي صيفي واستلموها متأخر حيل وخلاص ليش التأخير بعرف ي ناس


الشهاده هي نفسها ليش يكون فيه تدقيق للمجالس المختصه

ولمح بعد ماسألتها هل راح تتأخر عن اربع اسابيع قال

التأخير من الكليه يعني يمكن يطول بعد عن الشهر



مااقول الا الله يعيينا بس

ذكرياتي تحتويني 2014- 2- 4 09:32 PM
رد: رد عبدالله الفريدان عن موعد تسليم الوثايق خريجي الفصل الأول
 
الله يعين يارب ويووفقكم

جريح الصمت 2014- 2- 4 09:48 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10481403)
الله يعافيك فهد


فهد الحين انا محتره بخصوص التأخير نبي رده فعل قويه

فكر معاي ليش هالتأخير لو احنا اول دفعه قلنا صح بس فيه دفعه قبلنا استلموها وخصوصا خريجي صيفي واستلموها متأخر حيل وخلاص ليش التأخير بعرف ي ناس


الشهاده هي نفسها ليش يكون فيه تدقيق للمجالس المختصه

ولمح بعد ماسألتها هل راح تتأخر عن اربع اسابيع قال

التأخير من الكليه يعني يمكن يطول بعد عن الشهر




مااقول الا الله يعيينا بس
انا نفسك مفروض الوثائق تطلع بسرعه لان الطلبه مرتبطين بتسجيل دراسات عليا او وظائف وترقيات

لكن مشكلة الجامعة كل عمادة ترميها على عمادة ثانيه

مع ان مرجعنا عمادة التعليم الالكتروني وهي المسئولة عن التنسيق مع باقي العمادات لما فيه مصلحة الطالب وسرعة حصوله على حقوقه

زي ما حصل معانا بالخطه تاخرت اربع سنوات وكل عماده تقول الثانيه هي السبب

وحتى طريقة تسليم الوثائق غبيه تعال الجامعة وخذ اخلاء طرف واستلم وثيقتك

المفروض يتعاقدون مع شركة زي فيدكس او ارامكس وتوصلها للطلاب

زي جامعة الامام متعاقدين مع شركة يسلمونها الوثائق مع صور طبق الاصل وشهادة الثانوية وتتصل بالطالب تساله عن العنوان وتوصل الوثيقه

من كثر المشاكل صابنا تبلد

لكن الحمد لله خلصنا منهم

فهد~ 2014- 2- 4 10:02 PM
رد: رد عبدالله الفريدان عن موعد تسليم الوثايق خريجي الفصل الأول
 
مافي شي يستوجب التأخير

تأخيررررررررررررررررررررررررررر بقوووه

وهـج مطير 2014- 2- 4 10:16 PM
رد: رد عبدالله الفريدان عن موعد تسليم الوثايق خريجي الفصل الأول
 
الحين نبي نفكر شنسوي عشان يستعجلون

اطرحوا آرائكم مانبي نسكت عن حقنا التأخير ي عالم قد يطول أكثر من المده اللي حددها الفريدان


طالب ذكي 2014- 2- 4 10:38 PM
رد: رد عبدالله الفريدان عن موعد تسليم الوثايق خريجي الفصل الأول
 
وانتي صادقه اختي وهج مطير لازم نشوف لنا حل بتاخير وثائق التخرج لنا هالحين حوالي الشهر وانا كل يوم مره ومرتين اشيك على اعلانات العمادة ولا جديد كالعادة

طالب ذكي 2014- 2- 4 10:41 PM
رد: رد عبدالله الفريدان عن موعد تسليم الوثايق خريجي الفصل الأول
 
الزملاء اللي اختبروا معانا بالترم الصيفي برمضان استلموا وثائقهم بعد ستة شهور !!!!!!


اختبروا برمضان واستلموا الوثائق بشهر ربيع اول


حتى واحد من الزملاء يقول نسيت اني متخرج من الجامعة سجلوا العالم ماجستير وتوظفوا واحنا ننتظر ؟؟؟؟؟

وهـج مطير 2014- 2- 4 10:43 PM
رد: رد عبدالله الفريدان عن موعد تسليم الوثايق خريجي الفصل الأول
 
لوسمحتوا ابي أي أحد من الخريجين من الاحساء عند المقدره للتواصل مع الجامعه يكلم العميد يوصل صوتنا للعميد

أو على الاقل يرسل خطاب مشمول فيه جميع اسامي الخريجين

المتظلمه من تأخير استلام الوثايق بدون أي سبب ؟


نبي نتعاون لو سمحتوا مانبي نسكت عن حقنا.





الزهرة البيضاء 2014- 2- 4 11:14 PM
رد: رد عبدالله الفريدان عن موعد تسليم الوثايق خريجي الفصل الأول
 
وهج مطير الله يعطيك العافيه
ممكن رقم او الايميل الي تواصلتي فيه مع العميد

صَمْتّ مُؤْلِمْ 2014- 2- 5 04:19 AM
رد: رد عبدالله الفريدان عن موعد تسليم الوثايق خريجي الفصل الأول
 



كثير مررررررة شهر


كل تسجيل الماستر راح يغلق على كذا وماراح نقدر نسجل بشيء ؟

هتان 2 2014- 2- 5 05:58 AM
رد: رد عبدالله الفريدان عن موعد تسليم الوثايق خريجي الفصل الأول
 
الف مبرووك التخررج عقبالنا ياررب العالمين :)

badercom 2014- 2- 5 06:08 AM
رد: رد عبدالله الفريدان عن موعد تسليم الوثايق خريجي الفصل الأول
 
لا حول ولا قوة الا بالله .. اجل التأخير من الكلية الله يسامحه بس ..

قموره بكيفي 2014- 2- 5 06:14 AM
رد: رد عبدالله الفريدان عن موعد تسليم الوثايق خريجي الفصل الأول
 
من جد لازم نشوف حل للتاخير

ياخوفي ما يعطوننا ياها الا السنه الجايه

KFU STUDENT 2014- 2- 5 06:24 AM
رد: رد عبدالله الفريدان عن موعد تسليم الوثايق خريجي الفصل الأول
 
كليه ادارة أعمال نايمه

الحل انكم تتواصلون مع عميد الكليه والله يسهل اموركم

المصباح 2014- 2- 5 07:13 AM
رد: رد عبدالله الفريدان عن موعد تسليم الوثايق خريجي الفصل الأول
 
السلام عليكم

اتوقع ان كلام الفريدان صحيح لهذا عليكم التواصل مع كلية ادارة الاعمال وحبذا لو يكون التواصل مباشر اي شخصياً ويكون عدد من الطلاب مبرمجين يوم محدد لهم للحضور الى مقر الكلية .

لكم فائق احترامي

InSpIRe 2014- 2- 5 08:12 AM
رد: رد عبدالله الفريدان عن موعد تسليم الوثايق خريجي الفصل الأول
 
بدت الخووووره ..
وشو 3 اسابيع ! طيب الماستر شلون نقدم عليه لانو ينتهي بتاريج 22 فبراير ! لو النجار موجود كان ساعدنا والظاهر بتواصل معه يمشينا في الجامعه الالكترونيه :007:!!

أبو إبراهيم 2014- 2- 5 08:38 AM
رد: رد عبدالله الفريدان عن موعد تسليم الوثايق خريجي الفصل الأول
 
صباح الخير

نبي نعرف منو عميد كلية ادارة الاعمال

جريح الصمت 2014- 2- 5 08:47 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة أبو إبراهيم (المشاركة 10483705)
صباح الخير



نبي نعرف منو عميد كلية ادارة الاعمال
http://www.kfu.edu.sa/ar/Colleges/Ma...B%E2%80%AC.jpg

محمد آل فهاد 2014- 2- 5 09:24 AM
رد: رد عبدالله الفريدان عن موعد تسليم الوثايق خريجي الفصل الأول
 
يا الشقاوي ما نبـــــــى تأخــير في حل القضيه
وايش مصلوحك من التأخير في وضـع الشهاده

العرب وصلت إلى سطح القمر والشمس حيه
والسعودي في البلد يطمح إلى شغل الرياده

تحياتي للجميع اخوكم محمد حمدان آل فهاد

عبر الاثير 2014- 2- 5 09:45 AM
رد: رد عبدالله الفريدان عن موعد تسليم الوثايق خريجي الفصل الأول
 
طيب السؤال المحرج هل يوصلون الوثائق بالبريد
والا نتلطع وندقها مشوار للأحساء

يارب يردون :)

شــامخة الآفـق 2014- 2- 5 02:10 PM
رد: رد عبدالله الفريدان عن موعد تسليم الوثايق خريجي الفصل الأول
 
المشكله كل امورنا متوقفه عليهم سواء بموضوع التوظيف او اكمال الماستر
ياليت مجموعه من الطلاب يروحون لعميد الكليه ويتفاهمون معه

وعندي سؤال بخصوص الوثيقه المؤقته في حد اخذها او لا ؟؟

شــامخة الآفـق 2014- 2- 5 02:19 PM
رد: رد عبدالله الفريدان عن موعد تسليم الوثايق خريجي الفصل الأول
 
هنا موجود رقم المكتب و البريد الالكتروني

http://cdn.top4top.net/i_2ae19bb7921.jpg

http://www.kfu.edu.sa/ar/Colleges/Ma.../Pages/10.aspx

ღ وَاَثٍقُ اْلخُطْوًهـ ღ 2014- 2- 5 02:44 PM
رد: رد عبدالله الفريدان عن موعد تسليم الوثايق خريجي الفصل الأول
 
بديت اتحطم وانا اخر مستوى الله يستر من الجامعه ذي

وهـج مطير 2014- 2- 5 03:41 PM
رد: رد عبدالله الفريدان عن موعد تسليم الوثايق خريجي الفصل الأول
 
يا أخواني وخواتي صدقوني الجامعه لو حست فيه إهتمام منكم راح تستعجل
مانبي نتكلم اهني وبس نبي فعل
أولا فيه عده طرق أول شي نرسل خطاب اساءه من تأخير
لاستلام الوثايق لعميد الكليه اداره الأعمال
ثانيا نرسل خطاب للعميد الفريدان


والخطاب أحد يقدر يسويه أي أحد منكم
أنا بوكلك المهمة يا فهد لو ماعليك أمر ولك حريه الاختيار
بالارسال من عدمه



صدقوني الشهايد راح تتأخر أكثر من شهر
وهالكلام لمحته من العميد لانه قلتله اكيد ي دكتور عبدالله

فرد اذا كان هناك تأخير فيكون من الكليه
يعني للحين يتعذرون بأسم الكليه

فالعماده ماله أي حق تتأخر لانه فيه دفعه تخرجت قبلنا حتى لو كان أعدادهم قليله بس بنفس المسمى وبنفس التوصيف المقررات يعني ليش هالتدقيق وعرضها على
المجالس الخاصه !

فالحين أبيك فهد اذا سمحت وأعرف أنت راعي مواقف ويمكن تفيدنا من هالناحيه ترسل خطاب بالنيابه عن كل خريجي الفصل الأول لتخصص اداره الأعمال وترسله عبر البريد الجامعه

مانفع الخطاب نصعده مشكلتنا ونتوجه للإعلام .


بانتظار الرد,

وهـج مطير 2014- 2- 5 03:46 PM
رد: رد عبدالله الفريدان عن موعد تسليم الوثايق خريجي الفصل الأول
 
اللي يبي ايميل الفريدان

afridan@kfu.edu.sa

وهـج مطير 2014- 2- 5 04:04 PM
رد: رد عبدالله الفريدان عن موعد تسليم الوثايق خريجي الفصل الأول
 
تواصلت مع الدكتور محمد وكيل كليه اداره الاعمال

وبانتظار الرد.

تعاونوا جميعا نبي تفاعل منكم لحد يعتمد ع الثاني نبي الكل يشارك .

فيصل ( ابو محمد 2014- 2- 5 08:04 PM
رد: رد عبدالله الفريدان عن موعد تسليم الوثايق خريجي الفصل الأول
 
صح لسان شاعرنا الأخ محمد ال فهاد
والى الامام ......................... ونحن في خطاكم.

الباراتون 2014- 2- 5 09:59 PM
رد: رد عبدالله الفريدان عن موعد تسليم الوثايق خريجي الفصل الأول
 
الحل و هو التواصل المباشر مع معالي مدير الجامعة بالأيميل
د. الفريــــدان لو فيه خير للطلبه كان ما سمح بمهزلة تأخر شهادة المتخرجين الصيفي 6 شهور
و عمل اللازم في إستعجالها

ناوي الماستر 2014- 2- 5 10:55 PM
رد: رد عبدالله الفريدان عن موعد تسليم الوثايق خريجي الفصل الأول
 
يعطيكم العافية جميعا ,,, وعودا حميدا لجميع الزملاء الخريجين ,,,

بالنسة لموضوع الوثيقة ,,,

اليوم كنت بالعمادة و سألت الدكتور الفريدان عن موعد متوقع لصدور الوثائق ,,,

قالي ما اقدر افيدك بالضبط وان شاء الله بيكون خلال الشهر القادم ,,, والتأخير يكون من كلية ادراة الاعمال ,,,

طبعا انا ذهبت للكلية ,,, وقابلت كذا مسئول وافادوني بان سبب التاخير ,,,

راجع للتدقيق والاجراءات اللتي تتبعها الكلية ,,, وللأمانة شاهدت التدقيق لخريجين الانتظام توى منتهين منها ,,,

وافادني الدكتور بلالي ان اوراق الانتساب لسى لما تصل لديهم ,,, وان شاء الله راح ينتهون منها حال وصولها ,,,





ملاحظة مهمة للزملاء : لا تكن الوثيقة عائق لديكم للوصول الى اهدافكم ,,,

عليكم الذهاب للجامعة والحصول على ((أفادة بالتخرج )) وهي كافية ووافية وتعتبر وثيقة مؤقتة ,,,

وعن طريقها يمكنكم التقديم في اي جهة مرغوبة ,,,


تحياتي لكم وفالكم التوفيق والسداد . :(204):

سنآتيكـ .. 2014- 2- 5 11:24 PM
رد: رد عبدالله الفريدان عن موعد تسليم الوثايق خريجي الفصل الأول
 
طيب بخصوص التوصيات كيف نقدر ناخذهم ؟ ):
خصوصاً البنات ؟؟؟

نوره بنت حمد 2014- 2- 6 12:51 AM
رد: رد عبدالله الفريدان عن موعد تسليم الوثايق خريجي الفصل الأول
 
اول شي مبروووووك التخرج للجميع

والي بيكمل للماستر ربي يوفقه


الصراحه سالفه الوثيقة شاغله بالي الى الان بحكم اني اشتغل

و المشكله سؤ التخطيط من البدايه ما دخلنا الى الان


الحين في احد استلم من دفعتنا ولا لا ؟

وطريقتهم كيف راح تكون عن طريق الايميل ولا الحضور شخصيا ؟؟

جريح الصمت 2014- 2- 6 04:49 AM
رد: رد عبدالله الفريدان عن موعد تسليم الوثايق خريجي الفصل الأول
 
قمت بارسال هذه الرسالة للفريدان وانتظر الرد
اقتباس:
سعادة /عميد التعليم الالكتروني والتعليم عن بعد المحترم
السلام عليكم ورحمة الله وبركاته
نشكر لكم حرصكم على كل ما فيه مصلحة أبنائكم الطلبة ونتمنى النظر فيما دون أدناه بعين الأب كما عودتمونا
بشان تأخر وثائق التخرج وإفادتكم لبعض الزملاء أن تأخرها بسبب كلية إدارة الإعمال ولان عمادتكم هي مرجعنا نأمل من سعادتكم التنسيق مع الكلية بسرعة اعتمادها وتسليمها لنا لحاجتنا الماسة لما يثبت تخرجنا لارتباط البعض بمواعيد التقديم على الدراسات العليا بمنتصف الشهر الجاري . وكما تعلمون أن عدم تمكننا من التقديم بهذا الوقت سوف يؤخرنا للسنة القادمة مثل هذا الوقت وهذا ما يترتب عليه ضياع سنة من أعمارنا . وكذلك حاجة البقية للتقديم على وظائف أو الترقيات بمجال عملهم .
وكذلك نرجو إن يتم التعاقد مع إحدى شركات البريد السريع لإرسال الوثائق كما هو الحال بالجامعات الأخرى المقدمة للتعليم عن بعد والانتساب حيث تقوم باستلام الوثيقة من الجامعة وشهادة الثانوي وصور طبق الأصل وتقوم الشركة بالاتصال بالطالب لتزويدهم بعنوانه وإيصالها له وذلك تسهيلاً على الطلبة والجامعة وخصوصاً أن طلبتكم منتشرين على مستوى المملكة والخليج وصعوبة حضور البعض للجامعة لاستلام وثيقته.
وتقبلوا فائق التحية والاحترام

طلاب كلية إدارة الإعمال

Ali2010 2014- 2- 6 09:06 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة شــامخة الآفـق (المشاركة 10484463)
المشكله كل امورنا متوقفه عليهم سواء بموضوع التوظيف او اكمال الماستر
ياليت مجموعه من الطلاب يروحون لعميد الكليه ويتفاهمون معه

وعندي سؤال بخصوص الوثيقه المؤقته في حد اخذها او لا ؟؟
هلا اختي شامخة
مبروك التخرج ،

انا إستلمت الوثيقة المؤقتة ( عبارة عن خطاب مختوم من الجامعة موقع ومختوم من العميد )
مع السجل الاكاديمي مختوم من مدير مكتب العميد الرجل الخلوق الله يسعده الاستاذ احمد الشعيبي
الكلام هذا كان يوم 2014/1/28
قدمت الخطاب لشركة ارامكوا
وامس بتاريخ 2014/2/5 دخلت على نظام ارامكوا ولقيت في معلوماتي اني حامل لدرجة البكلريوس في ادارة الاعمال
هالكلام يعني ان ارامكوا تقبل الوثيقة المؤقتة،

والاخوه الي يسئلوا عن التوصيات الدكاتره يعطوك على طول وتروح تختمها من عند الاستاذ احمد الشعيبي

وهـج مطير 2014- 2- 6 09:26 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ناوي الماستر (المشاركة 10486602)
يعطيكم العافية جميعا ,,, وعودا حميدا لجميع الزملاء الخريجين ,,,

بالنسة لموضوع الوثيقة ,,,

اليوم كنت بالعمادة و سألت الدكتور الفريدان عن موعد متوقع لصدور الوثائق ,,,

قالي ما اقدر افيدك بالضبط وان شاء الله بيكون خلال الشهر القادم ,,, والتأخير يكون من كلية ادراة الاعمال ,,,

طبعا انا ذهبت للكلية ,,, وقابلت كذا مسئول وافادوني بان سبب التاخير ,,,

راجع للتدقيق والاجراءات اللتي تتبعها الكلية ,,, وللأمانة شاهدت التدقيق لخريجين الانتظام توى منتهين منها ,,,

وافادني الدكتور بلالي ان اوراق الانتساب لسى لما تصل لديهم ,,, وان شاء الله راح ينتهون منها حال وصولها ,,,





ملاحظة مهمة للزملاء : لا تكن الوثيقة عائق لديكم للوصول الى اهدافكم ,,,

عليكم الذهاب للجامعة والحصول على ((أفادة بالتخرج )) وهي كافية ووافية وتعتبر وثيقة مؤقتة ,,,

وعن طريقها يمكنكم التقديم في اي جهة مرغوبة ,,,


تحياتي لكم وفالكم التوفيق والسداد . :(204):

الله يعطيك العافيه


ابي العميد الله يحفظه مايعرف يتواصل مع الكليه يطلب منهم السرعه في انتهاء من التدقيق شنو الاعضاء ينامون على الشهايد مااتوقع التدقيق يتطلب كل هالوقت وخصوصا ان السجل الاكاديمي كل واحد عنده نازل بالكامل مايتحاج الا شهاده وتوقيع المسئوليين


أبي أعرف ليش مطولينه

وبعدين أتمنى إنها تكون شهر ومااطول عن هالمده بس نبي نعرف راح تزيد عن هالوقت ولا لاء ؟!!!

وهـج مطير 2014- 2- 6 09:31 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10488524)
هلا اختي شامخة
مبروك التخرج ،

انا إستلمت الوثيقة المؤقتة ( عبارة عن خطاب مختوم من الجامعة موقع ومختوم من العميد )
مع السجل الاكاديمي مختوم من مدير مكتب العميد الرجل الخلوق الله يسعده الاستاذ احمد الشعيبي
الكلام هذا كان يوم 2014/1/28
قدمت الخطاب لشركة ارامكوا
وامس بتاريخ 2014/2/5 دخلت على نظام ارامكوا ولقيت في معلوماتي اني حامل لدرجة البكلريوس في ادارة الاعمال
هالكلام يعني ان ارامكوا تقبل الوثيقة المؤقتة،

والاخوه الي يسئلوا عن التوصيات الدكاتره يعطوك على طول وتروح تختمها من عند الاستاذ احمد الشعيبي

مشكور أخوي ع توضيح لنا هالنقطه بس راح تقبله الجامعات وقت التقديم للماستر الجامعه راح تقفل وقت التقديم وبعدين راح تدقق على المستندات وجامعتنا الموقره للحين مااستلمنا وثايقنا يعني الموضوع يمكن راح يطول .

وهـج مطير 2014- 2- 6 09:59 AM
رد: رد عبدالله الفريدان عن موعد تسليم الوثايق خريجي الفصل الأول
 
بسألكم انا عندي رقم مكتب للعماده مرسلي احد الموظفين عشان اسال

فارسل لي رقم مكون من خمسه ارقام شلون اتصل على الرقم اول مره اشوف رقم مكون بس من خمس ارقام وهاتف ارضي حق مكتب عمل الموظف

اللي عنده معلومه يفيدني جزاكم الله خير .


وهـج مطير 2014- 2- 6 10:00 AM
رد: رد عبدالله الفريدان عن موعد تسليم الوثايق خريجي الفصل الأول
 
فهد تبي تروح للجامعه عشان التوصيات ولالاء

محمد آل فهاد 2014- 2- 6 12:15 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10488524)
هلا اختي شامخة
مبروك التخرج ،

انا إستلمت الوثيقة المؤقتة ( عبارة عن خطاب مختوم من الجامعة موقع ومختوم من العميد )
مع السجل الاكاديمي مختوم من مدير مكتب العميد الرجل الخلوق الله يسعده الاستاذ احمد الشعيبي
الكلام هذا كان يوم 2014/1/28
قدمت الخطاب لشركة ارامكوا
وامس بتاريخ 2014/2/5 دخلت على نظام ارامكوا ولقيت في معلوماتي اني حامل لدرجة البكلريوس في ادارة الاعمال
هالكلام يعني ان ارامكوا تقبل الوثيقة المؤقتة،

والاخوه الي يسئلوا عن التوصيات الدكاتره يعطوك على طول وتروح تختمها من عند الاستاذ احمد الشعيبي
يسعد اوقاتك بكل خير بالنسبه لصيغة الخطاب هل تختلف عن الصيغه إللي موجوده في الخدمات الطلابيه والتي تفيد بانه تم اكمال 136 اي ما يعادل اربع سنوات ومدة الدراسه هي اربع سنوات اما ماذا لو تكرمت الايضاح وشكرا مع تمنياتي للجميع بالتوفيق ان شاء الله

محمد آل فهاد 2014- 2- 6 12:16 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة فيصل ( ابو محمد (المشاركة 10485695)
صح لسان شاعرنا الأخ محمد ال فهاد
والى الامام ......................... ونحن في خطاكم.
صح بدنك واشكر لك مرورك دمت بود تحياتي وامنياتي لك بالتوفيق

Ali2010 2014- 2- 6 01:08 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة محمد آل فهاد (المشاركة 10489081)
يسعد اوقاتك بكل خير بالنسبه لصيغة الخطاب هل تختلف عن الصيغه إللي موجوده في الخدمات الطلابيه والتي تفيد بانه تم اكمال 136 اي ما يعادل اربع سنوات ومدة الدراسه هي اربع سنوات اما ماذا لو تكرمت الايضاح وشكرا مع تمنياتي للجميع بالتوفيق ان شاء الله
هلا اخوي محمد
مبروك التخرج

وثيقة الخدمات الطلابية ما اعترفوا فيها الكرير
الله يعينك على المشوار،

محمد آل فهاد 2014- 2- 6 02:59 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10489235)
هلا اخوي محمد
مبروك التخرج

وثيقة الخدمات الطلابية ما اعترفوا فيها الكرير
الله يعينك على المشوار،
هلا والله وايضا مبروك تخرجك والله يوفقك ان شاء الله وشكرا لك والله يعطيك الفافيه

عبر الاثير 2014- 2- 6 04:00 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ღ وَاَثٍقُ اْلخُطْوًهـ ღ (المشاركة 10484580)
بديت اتحطم وانا اخر مستوى الله يستر من الجامعه ذي
اسمك واثق الخطوة وتتحطم !
:)

H N O O 2014- 2- 6 04:57 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10488657)
بسألكم انا عندي رقم مكتب للعماده مرسلي احد الموظفين عشان اسال

فارسل لي رقم مكون من خمسه ارقام شلون اتصل على الرقم اول مره اشوف رقم مكون بس من خمس ارقام وهاتف ارضي حق مكتب عمل الموظف

اللي عنده معلومه يفيدني جزاكم الله خير .



آضغطي قبلها فتح الخط ل الشرقيه 013


وبعدها الرقم اللي من خمس ارقااام :106:

وهـج مطير 2014- 2- 6 05:55 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة h n o o (المشاركة 10490049)
آضغطي قبلها فتح الخط ل الشرقيه 013


وبعدها الرقم اللي من خمس ارقااام :106:

يعطيج العافيه

بس انا متواصله معاهم بالمكتب العماده بجامعه بجده

جم رقم فتح الخط جده

جريح الصمت 2014- 2- 6 10:44 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة جريح الصمت (المشاركة 10488078)
قمت بارسال هذه الرسالة للفريدان وانتظر الرد
رد الفريدان http://www.ckfu.org/vb/images/icons/icon13.gif

اقتباس:
الاخ الكريم ينتهي دور العمادة بارسال قوائم الخريجين للكليات ومجالس الكلية هي من تخرج الطلبة بعد اعتمادها لديهم

جريح الصمت 2014- 2- 6 10:45 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10490185)
يعطيج العافيه


بس انا متواصله معاهم بالمكتب العماده بجامعه بجده


جم رقم فتح الخط جده
اذا من السعودية 012
اذا من الكويت 0096612

وهـج مطير 2014- 2- 6 11:15 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة جريح الصمت (المشاركة 10491128)
اذا من السعودية 012
اذا من الكويت 0096612


ثانكس فهد



فهد متى تبي تروح للجامعه ؟

وهـج مطير 2014- 2- 6 11:28 PM
رد: رد عبدالله الفريدان عن موعد تسليم الوثايق خريجي الفصل الأول
 
Ali2010 يعطيك ألف عافيه وحمدالله ووالله يبشرك بالخير

ان شالله بغيت أسألك عن الوثيقه المؤقته
أولا شنو أخذت معاك لمارحت الجامعه؟

وأقدر يروح أحد بالنيابه عني ولالازم حضوري؟

وأنسب وقت ويوم عشان التوصيات؟

وهل تتوقع تعتمدها الجامعات الوثيقه المؤقته وقت تقديم الماستر؟






جريح الصمت 2014- 2- 7 08:13 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10491239)
ali2010 يعطيك ألف عافيه وحمدالله ووالله يبشرك بالخير


ان شالله بغيت أسألك عن الوثيقه المؤقته
أولا شنو أخذت معاك لمارحت الجامعه؟

وأقدر يروح أحد بالنيابه عني ولالازم حضوري؟

وأنسب وقت ويوم عشان التوصيات؟

وهل تتوقع تعتمدها الجامعات الوثيقه المؤقته وقت تقديم الماستر؟




الوثيقة المؤقته تمشي بالتقديم بس لازم سجل اكاديمي مو بس وثيقه

الافضل تروحين انتي او اذا بيروح احد بدالك لازم معاه وكاله

جريح الصمت 2014- 2- 7 08:16 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10488524)
هلا اختي شامخة
مبروك التخرج ،

انا إستلمت الوثيقة المؤقتة ( عبارة عن خطاب مختوم من الجامعة موقع ومختوم من العميد )
مع السجل الاكاديمي مختوم من مدير مكتب العميد الرجل الخلوق الله يسعده الاستاذ احمد الشعيبي
الكلام هذا كان يوم 2014/1/28
قدمت الخطاب لشركة ارامكوا
وامس بتاريخ 2014/2/5 دخلت على نظام ارامكوا ولقيت في معلوماتي اني حامل لدرجة البكلريوس في ادارة الاعمال
هالكلام يعني ان ارامكوا تقبل الوثيقة المؤقتة،

والاخوه الي يسئلوا عن التوصيات الدكاتره يعطوك على طول وتروح تختمها من عند الاستاذ احمد الشعيبي
يعطيك العافية والف مبروك

بالنسبة للتوصيات نطبع النموذج الخاص فيها او نحصله عند الدكتور

شــامخة الآفـق 2014- 2- 7 04:10 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة جريح الصمت (المشاركة 10492485)
يعطيك العافية والف مبروك

بالنسبة للتوصيات نطبع النموذج الخاص فيها او نحصله عند الدكتور
يختلف الموضوع من دكتور لثاني
بعض الدكاترة تكون التوصيه عندة جاهزة ماعليه بس الا يكتب اسمك فيها
والبعض يعطيك توصيه باللغه الانجليزيه هو هنا يطلب منك الاسم مثل ماهو مكتوب بجواز السفر الخاص بك
الافضل تطبع النموذج كذا نسخه في حال ان الدكتور ماعندة نموذج جاهز

وعلى فكرة حتى لو اخذت b+ او b بمادة الدكتور
هو يكتب لك توصيه عليها ماهو ضروري تاخذ بمادته a

جريح الصمت 2014- 2- 7 07:04 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة شــامخة الآفـق (المشاركة 10493318)
يختلف الموضوع من دكتور لثاني
بعض الدكاترة تكون التوصيه عندة جاهزة ماعليه بس الا يكتب اسمك فيها
والبعض يعطيك توصيه باللغه الانجليزيه هو هنا يطلب منك الاسم مثل ماهو مكتوب بجواز السفر الخاص بك
الافضل تطبع النموذج كذا نسخه في حال ان الدكتور ماعندة نموذج جاهز

وعلى فكرة حتى لو اخذت b+ او b بمادة الدكتور
هو يكتب لك توصيه عليها ماهو ضروري تاخذ بمادته a
يعطيك العافية على الافادة

Ali2010 2014- 2- 7 08:17 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10491239)
Ali2010 يعطيك ألف عافيه وحمدالله ووالله يبشرك بالخير


ان شالله بغيت أسألك عن الوثيقه المؤقته
أولا شنو أخذت معاك لمارحت الجامعه؟

وأقدر يروح أحد بالنيابه عني ولالازم حضوري؟

وأنسب وقت ويوم عشان التوصيات؟

وهل تتوقع تعتمدها الجامعات الوثيقه المؤقته وقت تقديم الماستر؟




هلا اخت وهج ,,

اختي الوثيقة المؤقتة ما تحتاج وكالة ,,
اذا عندك احد تعرفينة يروح للاستاذ احمد الشعيبي ,, الرجل جداً متفاهم وعملي وبشوش ,,
ماهو دعاية له ولا تطبيل ,, هي شهادة حق,, اقسم بالله شفته بعيني كيف يتعامل بإحتراف مع اكثر من شخص ويطلعوا كلهم مبتسمين وبعضهم جايه معصب ,,
شفته كيف يحرص على اخواتنا الطالبات من الزحمه ,, يطلع من مكتبه يشوف وش تبغى يقولها روحي لسيارتك يخلص اوراقها ويرسلها لها ,,

نرجع لموضوعك ,,
ارسلي اي شخص له وهو يطلعها لك بأذن الله ,,
او اذا وصل الشخص عنده يدق عليك وقولي له يعطي الاستاذ احمد الجوال ,, ما يقدر يرد على مكالمات المكتب من الزحمه ,,,
وكلمي الاستاذ احمد ووضحي له وضعك
بيطلب منك الرقم الجامعي ورقم السجل المدني ,, وهو بيعطي الي ارسلتيه على طول ..
خذي الافادة (الوثيقة المؤقتة ) والسجل الاكاديمي وتأكدري ان كل ورقة من الاوراق مختومة بختم الجامعة من عند الاستاذ احمد .
انا شفته اعطى اكثر من شخص الافادة بدون حضور ,, بس ما ركزت قرابة الشخص للطالبة ,,
(هذا الكلام بدون وكالة ) ..

او قولي لشخص يعطية رقمك الجامعي بس ,, وهو بيطلعها لك هي والسجل الاكاديمي ,,
انا ما اخذت ولا شي,, حتى بطاقة احوالي ما طلبها مني.

بالنسبة للجامعات وهل يقبلوا الافادة المؤقته صراحه ما جربت ,,
بس الافادة تعتبر رسمية ومكتوب فيها انك حاملة لدرجة البكلريوس ادارة اعمال من كلية ادارة الاعمال بجامعة الملك فيصل ,, والجامعة في صدد استخراج الوثيقة الرسمية.
اعطاني افادتين واحده عربي والثانية انجليزي.
أنا قدمتها على الشركة الي اعمل فيها وقبلوها,,
الماستر انا عندي مهمة عمل الحين في منطقة نائية (كلها فقع :biggrin:) واذا رجعت ببداء بالتوفل وبعدين الله ييسر كل صعب ,,

واذا لقيتي جامعة زينه للماستر ياليت تعطونا خبر على شان نكمل,
ترا انا مستانس انهم ما طلعوا لكم الوثائق :33_asmilies-com:.. على شان اخلص هالمهمه وارجع نكمل الماستر سوا :biggrin:.

موفقة اختي ,, اتمنى لك التوفيق انتي وكل دفعتنا ..

وهـج مطير 2014- 2- 7 09:00 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10493976)
هلا اخت وهج ,,

اختي الوثيقة المؤقتة ما تحتاج وكالة ,,
اذا عندك احد تعرفينة يروح للاستاذ احمد الشعيبي ,, الرجل جداً متفاهم وعملي وبشوش ,,
ماهو دعاية له ولا تطبيل ,, هي شهادة حق,, اقسم بالله شفته بعيني كيف يتعامل بإحتراف مع اكثر من شخص ويطلعوا كلهم مبتسمين وبعضهم جايه معصب ,,
شفته كيف يحرص على اخواتنا الطالبات من الزحمه ,, يطلع من مكتبه يشوف وش تبغى يقولها روحي لسيارتك يخلص اوراقها ويرسلها لها ,,

نرجع لموضوعك ,,
ارسلي اي شخص له وهو يطلعها لك بأذن الله ,,
او اذا وصل الشخص عنده يدق عليك وقولي له يعطي الاستاذ احمد الجوال ,, ما يقدر يرد على مكالمات المكتب من الزحمه ,,,
وكلمي الاستاذ احمد ووضحي له وضعك
بيطلب منك الرقم الجامعي ورقم السجل المدني ,, وهو بيعطي الي ارسلتيه على طول ..
خذي الافادة (الوثيقة المؤقتة ) والسجل الاكاديمي وتأكدري ان كل ورقة من الاوراق مختومة بختم الجامعة من عند الاستاذ احمد .
انا شفته اعطى اكثر من شخص الافادة بدون حضور ,, بس ما ركزت قرابة الشخص للطالبة ,,
(هذا الكلام بدون وكالة ) ..

او قولي لشخص يعطية رقمك الجامعي بس ,, وهو بيطلعها لك هي والسجل الاكاديمي ,,
انا ما اخذت ولا شي,, حتى بطاقة احوالي ما طلبها مني.

بالنسبة للجامعات وهل يقبلوا الافادة المؤقته صراحه ما جربت ,,
بس الافادة تعتبر رسمية ومكتوب فيها انك حاملة لدرجة البكلريوس ادارة اعمال من كلية ادارة الاعمال بجامعة الملك فيصل ,, والجامعة في صدد استخراج الوثيقة الرسمية.
اعطاني افادتين واحده عربي والثانية انجليزي.
أنا قدمتها على الشركة الي اعمل فيها وقبلوها,,
الماستر انا عندي مهمة عمل الحين في منطقة نائية (كلها فقع :biggrin:) واذا رجعت ببداء بالتوفل وبعدين الله ييسر كل صعب ,,

واذا لقيتي جامعة زينه للماستر ياليت تعطونا خبر على شان نكمل,
ترا انا مستانس انهم ما طلعوا لكم الوثائق :33_asmilies-com:.. على شان اخلص هالمهمه وارجع نكمل الماستر سوا :biggrin:.

موفقة اختي ,, اتمنى لك التوفيق انتي وكل دفعتنا ..




الله يعطيك ألف عافية :119:

وهـج مطير 2014- 2- 7 09:23 PM
رد: رد عبدالله الفريدان عن موعد تسليم الوثايق خريجي الفصل الأول
 
ماأِشوف أي تجاوب من أحد منكم بسبب تأخير الوثايق


عالعموم انا بسكت لانه مافي الا قليل تجاوب معاي


وأعتقد اداره العماده مايهزها الا الصوت القوي





ننتظر ونشوف آخرتها !

شــامخة الآفـق 2014- 2- 8 01:36 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10488524)
هلا اختي شامخة
مبروك التخرج ،

انا إستلمت الوثيقة المؤقتة ( عبارة عن خطاب مختوم من الجامعة موقع ومختوم من العميد )
مع السجل الاكاديمي مختوم من مدير مكتب العميد الرجل الخلوق الله يسعده الاستاذ احمد الشعيبي
الكلام هذا كان يوم 2014/1/28
قدمت الخطاب لشركة ارامكوا
وامس بتاريخ 2014/2/5 دخلت على نظام ارامكوا ولقيت في معلوماتي اني حامل لدرجة البكلريوس في ادارة الاعمال
هالكلام يعني ان ارامكوا تقبل الوثيقة المؤقتة،

والاخوه الي يسئلوا عن التوصيات الدكاتره يعطوك على طول وتروح تختمها من عند الاستاذ احمد الشعيبي
ان شاء الله خلال هالاسبوع اخذ الوثيقه المؤقته
انا الان اخذت توصيتين من الدكتور ملفي و عيسى حيرش
وان شاء الله الباقي خلال هالاسبوع اذا ربي كتب

جريح الصمت 2014- 2- 8 01:54 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10494187)
ماأِشوف أي تجاوب من أحد منكم بسبب تأخير الوثايق


عالعموم انا بسكت لانه مافي الا قليل تجاوب معاي


وأعتقد اداره العماده مايهزها الا الصوت القوي





ننتظر ونشوف آخرتها !
المشكلة مو فينا الجامعة اذن من طين واذن من عجين وكل عمادة ترميها على الثانية

حتى الفريدان مرسله تعجيل الوثائق وارسالها للطلاب وجاوب انها عند كلية الادارة وترك اقتراح ارسالها

كلنا متضررين لكن مافيه حل

انا بحاول اروح الجامعه هالاسبوع اخذ وثيقه مؤقته واشوف الفريدان

ابو ريان سليمي 2014- 2- 8 03:01 AM
رد: رد عبدالله الفريدان عن موعد تسليم الوثايق خريجي الفصل الأول
 
السلام عليكم

بالنسبه لي ماخذ صيفي عشان اتخرج بسبع اترام واخر شي يأخرون
استلام الوثيقه

الافضل لنا وللجميع كتابة شكوها لمدير الجامعه افضل
وللجميع كليات التعليم عن بعد افضل
لان التاخير عام للجميع

شووشوو999 2014- 2- 8 04:16 AM
رد: رد عبدالله الفريدان عن موعد تسليم الوثايق خريجي الفصل الأول
 
انا معك الشكووي افضل الحل ... والافاده المؤقته سهلت الامورر ولكن صعبه علي كثير وخاصة الطالبات
وفي مناطق تبعد عن الاحساء كثير ...طيب التوصيات عادي اخذهم مع استلام الوثيقه لانه مافي مجال نروح الاحساء مرتين ....
ربي يوفقكم اجمعين ..

Ali2010 2014- 2- 8 04:24 AM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة شــامخة الآفـق (المشاركة 10495120)
ان شاء الله خلال هالاسبوع اخذ الوثيقه المؤقته
انا الان اخذت توصيتين من الدكتور ملفي و عيسى حيرش
وان شاء الله الباقي خلال هالاسبوع اذا ربي كتب

عليك بالدكتور مصدق ..

يالبية يالدكتور مصدق :rose:

قابلتة وكلمته عن التوصية ,, قال اعطيت طلاب كثير اليوم ,, ومكتبي مفتوح لكل طالب ,, والتوصيات جاهزه.
وقال اذا واجهت مشكلة كلمني اساعدك ..
هالمصدق ميه ميه ,, http://www.ckfu.org/vb/images/icons/icon14.gif

الزهرة البيضاء 2014- 2- 8 05:22 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10495656)
عليك بالدكتور مصدق ..

يالبية يالدكتور مصدق :rose:

قابلتة وكلمته عن التوصية ,, قال اعطيت طلاب كثير اليوم ,, ومكتبي مفتوح لكل طالب ,, والتوصيات جاهزه.
وقال اذا واجهت مشكلة كلمني اساعدك ..
هالمصدق ميه ميه ,, http://www.ckfu.org/vb/images/icons/icon14.gif

التوصية نموذج او خطاب من الدكتور
وممكن ايميله لان رراسلت دكاتره وماردو :139:

وهـج مطير 2014- 2- 8 05:27 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10495656)
عليك بالدكتور مصدق ..

يالبية يالدكتور مصدق :rose:

قابلتة وكلمته عن التوصية ,, قال اعطيت طلاب كثير اليوم ,, ومكتبي مفتوح لكل طالب ,, والتوصيات جاهزه.
وقال اذا واجهت مشكلة كلمني اساعدك ..
هالمصدق ميه ميه ,, http://www.ckfu.org/vb/images/icons/icon14.gif


أخوي مشكور على افاده الجميع


بسألك لو ماعليك أمر توصفلي مكان العماده بالتفصيل عن العماده موقعهم و وبأي مبني ؟


وبسألك عن أحمد الشعيبي هو موظف موالدكتور اللي يدرسنا صح ؟

شــامخة الآفـق 2014- 2- 8 06:37 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10495656)
عليك بالدكتور مصدق ..

يالبية يالدكتور مصدق :rose:

قابلتة وكلمته عن التوصية ,, قال اعطيت طلاب كثير اليوم ,, ومكتبي مفتوح لكل طالب ,, والتوصيات جاهزه.
وقال اذا واجهت مشكلة كلمني اساعدك ..
هالمصدق ميه ميه ,, http://www.ckfu.org/vb/images/icons/icon14.gif
دكتور مصدق هو الي درسكم موضوعات خاصه في الادارة والا لا

مااذكر حد بهذا الاسم :(107):

Ali2010 2014- 2- 8 06:56 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10497241)
أخوي مشكور على افاده الجميع



بسألك لو ماعليك أمر توصفلي مكان العماده بالتفصيل عن العماده موقعهم و وبأي مبني ؟



وبسألك عن أحمد الشعيبي هو موظف موالدكتور اللي يدرسنا صح ؟

مكان العمادة في وسط الحرم الجامعي لجامعة الملك فيصل بالهفوف ,,

مبناها حديث ومكتوب من الخارج عمادة التعليم عن بعد و التعليم الالكتروني
هي قريبة من (اكبر دوار داخل الحرم) الجامعي

الاستاذ احمد الشعيبي هو مدير مكتب عميد التعليم الالكتروني
هو الشخص الواقف قريب من التلفزيون.
الاول من اليمين وقوفاً
http://www.alsharq.net.sa/wp-content.../07/513834.jpg


الدكتور احمد بن عبدالله الشعيبي .. الذي كان سابقاً عميد التعليم الالكتروني قبل الدكتور عبدالله النجار وقبل الدكتور عبدالله بن عبدالواهاب الفريدان
هو الان معالي مدير معهد الادارة العامة ,,


هذا الدكتور احمد الشعيبي
http://www.al-jazirah.com/2013/20130923/lp_197_1.jpg

Ali2010 2014- 2- 8 06:57 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة شــامخة الآفـق (المشاركة 10497514)
دكتور مصدق هو الي درسكم موضوعات خاصه في الادارة والا لا

مااذكر حد بهذا الاسم :(107):

ايه هو الله يحفظه ,,

ونعم الرجل ,,

شــامخة الآفـق 2014- 2- 8 07:11 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ali2010 (المشاركة 10497596)
ايه هو الله يحفظه ,,

ونعم الرجل ,,
والنعم
انا مااخذت المادة عندة اخذت هالمادة عند يحضيه سملالي

شــامخة الآفـق 2014- 2- 8 07:19 PM
رد: رد عبدالله الفريدان عن موعد تسليم الوثايق خريجي الفصل الأول
 
عندي سؤال
مين درسنا ادارة التغيير
نسيت اسم الدكتور

الد11هيه 2014- 2- 8 07:46 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة شــامخة الآفـق (المشاركة 10497687)
عندي سؤال
مين درسنا ادارة التغيير
نسيت اسم الدكتور
أحمد بلالي

شــامخة الآفـق 2014- 2- 8 09:18 PM
رد: رد عبدالله الفريدان عن موعد تسليم الوثايق خريجي الفصل الأول
 
هذة ايميلات الدكاترة للي يبغى يتواصل معهم بخصوص التوصيات
وماشاء الله متعاونين

اقتباس:
المشاركة الأصلية كتبت بواسطة ابونوآآآف (المشاركة 10491136)
وعليكم السلام ورحمة الله وبركاته

د.ملفي الرشيدي
kfu.me@hotmail.com
------------
د.نور الدين خبابة
nkhababa@kfu.edu.sa
--------------
د.ابراهيم الطاهر
esalim@kfu.edu.sa
-------------
د.عيسى حيرش
aissah@hotmail.com
مرره متعاون حتى انه رجع ارسل لي مرة ثانية يوم مارديت عليه يأكد فيها بأنه بيعطيني التوصيه وطلب ارسل له احد في الجامعه يوم الاثنين او الاربعاء صباحا واعطيه اسمي الانجليزي كامل صحيح ر وطلب السجل الاكاديمي

-------------
د.عبد الله النجار
aalnajjar@seu.edu.sa
كمان مررة متعاون ارسل لي التوصية عبر الايميل

--------
د.محمد حجاج
ترى مو متأكده اذا اسمه محمد بس اللي متأكده منه حجاج المهم هو حق المحاسبة الادارية
mohhos25@yahoo.com
-------------
د.الحماد
ناسية اسمه بس هذا ايميله
aalhammad@kfu.edu.sa
-------------
د.محمد الجيزاوي
mgezawi@gmail.com

بعض الايملات نسختها من جواب قديم لاختي ابوي نبض قلبي

اقتباس:
المشاركة الأصلية كتبت بواسطة ابوي نبض قلبي (المشاركة 10491446)
قضايا ثقافية
blahcene@hotmail.com

وتعاقد وتفاوض وادارة المشاريع وموضوعات خاصة في الادارة تو هالمستوى بآخذهم اذا فتح البلاك بورد ان شاء الله ونزلوا لي المواد بحط ايميلاتهم لك هنا
عذراً وهج قلبنا موضوعك :16.jpg:

شــامخة الآفـق 2014- 2- 8 10:34 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة الد11هيه (المشاركة 10497792)
أحمد بلالي
لا خطأ
الي درسنا يحضيه سملالي
توا تأكدت الان
مشكووور ع ردك
والله يوفقك

ليدي لندا 2014- 2- 8 10:52 PM
رد: رد عبدالله الفريدان عن موعد تسليم الوثايق خريجي الفصل الأول
 
يعني اقدر اخذ توصيات في كل موادي من اول سمستر الى اخر سمستر
يعني تقريبا كل المواد؟

محمد آل فهاد 2014- 2- 9 08:17 AM
رد: رد عبدالله الفريدان عن موعد تسليم الوثايق خريجي الفصل الأول
 
السلام عليكم ورحمة الله وبركاته
بالنسبه للتوصيات المطلوب من دكتورين فقط حسب الشروط بالنسبه للي يبي يكمل الماستر وشكرا للجميع

ابو عشوان 2014- 2- 9 08:44 AM
رد: رد عبدالله الفريدان عن موعد تسليم الوثايق خريجي الفصل الأول
 
شي محبط للامانة

وهـج مطير 2014- 2- 9 03:05 PM
رد: رد عبدالله الفريدان عن موعد تسليم الوثايق خريجي الفصل الأول
 
شامخه الأفق لا أخذي راحتج دامج تفيدين الجميع


بس بسألج الوالد راح واستلم بدالج صح ابي اعرف شنو اخذ بالضبط

( بطاقه او رقمج الجامعي او سجل الاكاديمي .....إلخ

وبعدين ترى الأفضل تآخذون التوصيات مواد التخصص موأي دكاتره مواد العامه


وثانيا ابي الدكاتره يرسلون التوصيه عبر الايميل ولالاء اتمنى تفيدينا ابي الدكاتره المواد التخصص

ثالثا لو بدرس برا لازم التوصيات بالانجليزي عادي اطلب منهم من كل دكتور توصيه بالعربي والتوصيه بالانجليزي .

شــامخة الآفـق 2014- 2- 9 04:52 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10500679)
شامخه الأفق لا أخذي راحتج دامج تفيدين الجميع


بس بسألج الوالد راح واستلم بدالج صح ابي اعرف شنو اخذ بالضبط

( بطاقه او رقمج الجامعي او سجل الاكاديمي .....إلخ

وبعدين ترى الأفضل تآخذون التوصيات مواد التخصص موأي دكاتره مواد العامه


وثانيا ابي الدكاتره يرسلون التوصيه عبر الايميل ولالاء اتمنى تفيدينا ابي الدكاتره المواد التخصص

ثالثا لو بدرس برا لازم التوصيات بالانجليزي عادي اطلب منهم من كل دكتور توصيه بالعربي والتوصيه بالانجليزي .

هلا وهج
بخصوص الوالد اخذ معه رقمي الاكاديمي و السجل المدني و السجل الاكاديمي
وراح للعمادة للاستاذ احمد الشعيبي والحمدلله اليوم اخذت الوثيقه المؤقته

بخصوص التوصيات ماادري اذا ممكن او لا من نفس الدكتور توصيتين
لكن انا اخذت من الدكتور عيسى حيرش توصيه بالانجليزي
وبااخذ بعد من الدكتور عبدالله النجار توصيه بالانجليزي واتوقع ان بيرسلها لي ع الايميل
لكن لازم اوديها للعمادة عشان يتم ختمها
انت راسلي الدكاترة واسئليهم اذا ممكن او لا افضل لك عشان تتأكدين :119:

مشعل الأحمد 2014- 2- 9 04:56 PM
رد: رد عبدالله الفريدان عن موعد تسليم الوثايق خريجي الفصل الأول
 
الله يوفقكم

ابوي نبض قلبي 2014- 2- 9 06:14 PM
رد: رد عبدالله الفريدان عن موعد تسليم الوثايق خريجي الفصل الأول
 
1 مرفق
عبد الله النجار ماارسلت لا سجلي وحتى علاماتي نسيت احطها له لاني ماتوقعت يرسلها على طول كنت كاتبه له استفسار عن طريقة التواصل معه عشان اخذها ورد علي ماقصر بأنه استحق التوصيه وارفقها لي عبر الايميل بس كان فيه خطأ بسيط بالاسم وراسلته ورد ماقصر انه بيرجع يشوفها على العموم هذه صوره لها بالمرفقات ممكن تجيب على تساؤلاتكم

وهـج مطير 2014- 2- 9 10:23 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة شــامخة الآفـق (المشاركة 10501134)
هلا وهج
بخصوص الوالد اخذ معه رقمي الاكاديمي و السجل المدني و السجل الاكاديمي
وراح للعمادة للاستاذ احمد الشعيبي والحمدلله اليوم اخذت الوثيقه المؤقته

بخصوص التوصيات ماادري اذا ممكن او لا من نفس الدكتور توصيتين
لكن انا اخذت من الدكتور عيسى حيرش توصيه بالانجليزي
وبااخذ بعد من الدكتور عبدالله النجار توصيه بالانجليزي واتوقع ان بيرسلها لي ع الايميل
لكن لازم اوديها للعمادة عشان يتم ختمها
انت راسلي الدكاترة واسئليهم اذا ممكن او لا افضل لك عشان تتأكدين :119:

الله يعطيج العافيه ي قلبي ماأتوقع يحتاج توقيع من العماده لانه اكثر الطلبه اللي سألتهم قالوا أخذوها من الدكاتره مباشره مع توقيع الدكاتره او ختمهم

أنتي أسألي النجار عن الختم ضروري ولا لاء

وبالنسبه للتوصيات الوالد راح للجامعه كان أخذهم مره وحده ليه شغلج بالاقساط :icon120:

قموره بكيفي 2014- 2- 9 11:07 PM
رد: رد عبدالله الفريدان عن موعد تسليم الوثايق خريجي الفصل الأول
 
بالنسبة للوثيقه المؤقته تنفع اذا قدمنا على بعثة الملك

اخاف ما نستلم وثاًئقنا لوقت التقديم

شــامخة الآفـق 2014- 2- 9 11:32 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10502633)
الله يعطيج العافيه ي قلبي ماأتوقع يحتاج توقيع من العماده لانه اكثر الطلبه اللي سألتهم قالوا أخذوها من الدكاتره مباشره مع توقيع الدكاتره او ختمهم

أنتي أسألي النجار عن الختم ضروري ولا لاء

وبالنسبه للتوصيات الوالد راح للجامعه كان أخذهم مره وحده ليه شغلج بالاقساط :icon120:
ههههههههههه
من ناحيه اقساط صادقه :16.jpg:
راح للجامعه مرتين والا حصل الدكاترة الي ابغى منهم توصيات
خلال هالاسبوع يمكن اخذ باقي التوصيات ان شاء الله
وباللنسبه للختم بسئل بكرا النجار بخصوصه وبعطيك خبر :icon1:

انوبي 2014- 2- 10 12:02 AM
رد: رد عبدالله الفريدان عن موعد تسليم الوثايق خريجي الفصل الأول
 
الله يزينها انشالله

وهـج مطير 2014- 2- 10 10:09 PM
رد: رد عبدالله الفريدان عن موعد تسليم الوثايق خريجي الفصل الأول
 
اليوم كلمت وكيله عماده جامعه القصيم لدراسات العليا انصدمت من تأخير الوثايق في جامعتنا

قالت غريبه وليش ! ! !

وقالت الوثايق تآخذ وقت بس موهدرجه


الله يكون بالعون بس

ناوي الماستر 2014- 2- 10 11:35 PM
رد: رد عبدالله الفريدان عن موعد تسليم الوثايق خريجي الفصل الأول
 
بالنسبة للتوصيات ,,, تقدرون تاخذونها من اللي درسونا بعد ما يشوف السجل الاكاديمي ,,,

ويشوف الدرجة اذا كانت عالية او لا ,,, والمهم في الموضوع لازم تاخذون التوصية من مواد التخصص ,,,

و بالنسبة للختم ,,, موجود في مكتب العميد لكلية ادارة الاعمال ,,, والافضل تاخذون عدة صور ,,,

لكي يختمها طبق الاصل ,,, وفي الغالب بتكون التوصية بالانجلش ,,,


بالتوفيق لكم جميعا .

البرج1 2014- 2- 11 10:36 AM
رد: رد عبدالله الفريدان عن موعد تسليم الوثايق خريجي الفصل الأول
 
الله يسهل الامور
يعطيك العافيه اخت وهج علي المبادره
تحياتي

سلمان, 2014- 2- 11 03:00 PM
رد: رد عبدالله الفريدان عن موعد تسليم الوثايق خريجي الفصل الأول
 
السؤال هنا هل الافاده المؤقته تخولني للحصول على التوصيات من الدكاتره

وهـج مطير 2014- 2- 11 04:36 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة البرج1 (المشاركة 10516242)
الله يسهل الامور
يعطيك العافيه اخت وهج علي المبادره
تحياتي

الله يعافيك أخوي

وهـج مطير 2014- 2- 11 04:41 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ناوي الماستر (المشاركة 10507337)
بالنسبة للتوصيات ,,, تقدرون تاخذونها من اللي درسونا بعد ما يشوف السجل الاكاديمي ,,,

ويشوف الدرجة اذا كانت عالية او لا ,,, والمهم في الموضوع لازم تاخذون التوصية من مواد التخصص ,,,

و بالنسبة للختم ,,, موجود في مكتب العميد لكلية ادارة الاعمال ,,, والافضل تاخذون عدة صور ,,,

لكي يختمها طبق الاصل ,,, وفي الغالب بتكون التوصية بالانجلش ,,,


بالتوفيق لكم جميعا .


ميخالف أخوي تحملنا شوي انا معقده لانه سبق الاخوان اخذوا التوصيه واعتقد اغلبهم مااختموها

بعرف كل شي قبل لا أروح الجامعه أول شي أقدم طبعا السجل الأكاديمي للدكاتره اللي ابي منهم توصيه ويتأكدون من النتيجه الماده ويعطوني التوصيه ففي هاذي الحاله التوصيه مومختومه

اروح العماده كليه اداره الاعمال منو اتوجه اهني للاستاذ احمد الشعيبي عشان يختم التوصيات ولا منو



ثانيا بالنسبه لإفادة التخرج هل أروح مباشره مكتب أحمد الشعيبي وأخذها وهل هي مختومه من عنده ولا تحتاج ختم العميد


هالنقاط مهمه مانبي ننسى شي أرجو الرد أخوي ناوي ماستر .:106:

وهـج مطير 2014- 2- 11 04:44 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة سلمان, (المشاركة 10517031)
السؤال هنا هل الافاده المؤقته تخولني للحصول على التوصيات من الدكاتره

أخذ السجل الأكاديمي معاك والماده المرتفعه فيها درجتك a+ أو ِِa أطلب منهم توصيه والأفضل مواد التخصص


وبالتوفيق .

ناوي الماستر 2014- 2- 11 09:30 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة وهـج مطير (المشاركة 10517453)
ميخالف أخوي تحملنا شوي انا معقده لانه سبق الاخوان اخذوا التوصيه واعتقد اغلبهم مااختموها

بعرف كل شي قبل لا أروح الجامعه أول شي أقدم طبعا السجل الأكاديمي للدكاتره اللي ابي منهم توصيه ويتأكدون من النتيجه الماده ويعطوني التوصيه ففي هاذي الحاله التوصيه مومختومه

اروح العماده كليه اداره الاعمال منو اتوجه اهني للاستاذ احمد الشعيبي عشان يختم التوصيات ولا منو



ثانيا بالنسبه لإفادة التخرج هل أروح مباشره مكتب أحمد الشعيبي وأخذها وهل هي مختومه من عنده ولا تحتاج ختم العميد


هالنقاط مهمه مانبي ننسى شي أرجو الرد أخوي ناوي ماستر .:106:
اوك ولا يهمك ولكن ركزي معي اشوي ,,,

اولا / وعلى حسب علمي غير مسموح للصبايا الدخول في اقسام الرجال ,,, يعني الله يعينك تشوفين احد من قرايبك يروح ويخلص الموضوع ,,,

ثانيا / لازم تفرقين بين التوصية و الافادة للتخرج ,,,

لان التوصية / تاخذينها من الدكاترة في كلية ادارة الاعمال ,,, والله يعينك تدورينهم واحد واحد :icon120:
وبعد ما تستلمين التوصية الختم موجود في مكتب عميد كلية ادارة الاعمال بالدور الارضي ,,,

اما افادة التخرج / تاخذينها من عمادة التعلم عن بعد ( الانتساب ) مكتب سكرتير العميد : احمد الشعيبي ,,,
وهو راح يختمها ويعطيك معها السجل الاكاديمي مختوم كمان ,,, :53:


طبعا كلية ادارة الاعمال قريبة من عمادة الانتساب ,,, هذا مالدي و بالتوفيق لك .

وهـج مطير 2014- 2- 12 04:17 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة ناوي الماستر (المشاركة 10518802)
اوك ولا يهمك ولكن ركزي معي اشوي ,,,

اولا / وعلى حسب علمي غير مسموح للصبايا الدخول في اقسام الرجال ,,, يعني الله يعينك تشوفين احد من قرايبك يروح ويخلص الموضوع ,,,

ثانيا / لازم تفرقين بين التوصية و الافادة للتخرج ,,,

لان التوصية / تاخذينها من الدكاترة في كلية ادارة الاعمال ,,, والله يعينك تدورينهم واحد واحد :icon120:
وبعد ما تستلمين التوصية الختم موجود في مكتب عميد كلية ادارة الاعمال بالدور الارضي ,,,

اما افادة التخرج / تاخذينها من عمادة التعلم عن بعد ( الانتساب ) مكتب سكرتير العميد : احمد الشعيبي ,,,
وهو راح يختمها ويعطيك معها السجل الاكاديمي مختوم كمان ,,, :53:


طبعا كلية ادارة الاعمال قريبة من عمادة الانتساب ,,, هذا مالدي و بالتوفيق لك .



يعطيك الف عافيه ع التوضيح

لا ان شالله اخوي بيروح بس ابي اهم شي الافاده نبي يختم عليها العميد موأي أحد يختمها عليها لاني لما نقدمها تكون معتمده للجامعات ثانيه عشان الماستر


جريح الصمت 2014- 2- 12 05:07 PM
رد: رد عبدالله الفريدان عن موعد تسليم الوثايق خريجي الفصل الأول
 
اليوم مريتهم واخذت وثيقة مؤقته وسجل
ورحت لكلية الادارة عشان التوصيات
بالبداية جيت الدكتور محمد الدوغان (اعتقد انه رئيس قسم الادارة)وقالي مشغول تعال بعد الظهر
رحت للدكتور يحضية سملالي قال ما اعطي توصيات وامس عندنا اجتماع عشان التوصيات .. الخ
ورحت للدكتور عيسى حيرش وما قصر عطاني توصيه
وكمان الدكتور نذير عليان عطاني توصية
والدكتور مصدق حسن برضه عطاني توصيه
ما قصروا جزاهم الله خير
ومريت مدير مكتب عميد كلية الادارة وختمتهم

وهـج مطير 2014- 2- 12 05:20 PM
رد: رد عبدالله الفريدان عن موعد تسليم الوثايق خريجي الفصل الأول
 
فهد ماسألت أحد عن استلام وثيقه متى يكون

بخصوص إفاده تخرج منو ختمها أحمد الشعيبي ولا ختم

العميد الفريدان

اما بخصوص الدكاتره

الأخ يحضيه بكيفه مايعطي التوصيات ليش الدكاتره يعطون الااهو
دكتور جبان !

أما عيسى حيرش حبيب الكل يمدحه الله يوفقه ان شالله ويطول بعمره مسهل ع الطلبه


جريح الصمت 2014- 2- 12 05:29 PM
رد: رد عبدالله الفريدان عن موعد تسليم الوثايق خريجي الفصل الأول
 
^^^^^
كلية الادارة يقولون لسى ما وصلت وتبي تدقيق

الوثيقه المؤقته والسجل رحت احمد الشعيبي وقال عطني رقمك الجامعي وطبعها وقال تأكد منها
وقلت ابي وثيقه لاختي وقال عطني رقمها وطبعها
وقال رح للفريدان يوقعها ويختمها
ورحت ووقع الوثيقه وختمها وختم السجل

التوصيات يحضيه مارح يعطي توصيات يقول ما نعرفكم وتناقشت معاه قلت مو مشكلتنا انكم ما تعرفوننا
لكن الدكتور مصدق حبيب جداً طبعلي توصيه وتكلمت معاه شوي وقال اي شئ تبيه تفضل
والدكتور حيرش ونذير ماقصروا

التوصيات كلها انجليزي

الدوغان قال تعال بعد الضهر وما جيته لاني مشيت

وهـج مطير 2014- 2- 12 05:37 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة جريح الصمت (المشاركة 10522363)
^^^^^
كلية الادارة يقولون لسى ما وصلت وتبي تدقيق

الوثيقه المؤقته والسجل رحت احمد الشعيبي وقال عطني رقمك الجامعي وطبعها وقال تأكد منها
وقلت ابي وثيقه لاختي وقال عطني رقمها وطبعها
وقال رح للفريدان يوقعها ويختمها
ورحت ووقع الوثيقه وختمها وختم السجل

التوصيات يحضيه مارح يعطي توصيات يقول ما نعرفكم وتناقشت معاه قلت مو مشكلتنا انكم ما تعرفوننا
لكن الدكتور مصدق حبيب جداً طبعلي توصيه وتكلمت معاه شوي وقال اي شئ تبيه تفضل
والدكتور حيرش ونذير ماقصروا

التوصيات كلها انجليزي

الدوغان قال تعال بعد الضهر وما جيته لاني مشيت


ها اختك معانا وماعرفتنا عليها بأ يتخصص اهي

جريح الصمت 2014- 2- 12 05:40 PM
رد: رد عبدالله الفريدان عن موعد تسليم الوثايق خريجي الفصل الأول
 
^^^^^^
لا اختي بكلية التربية

وهـج مطير 2014- 2- 12 05:42 PM
رد: رد عبدالله الفريدان عن موعد تسليم الوثايق خريجي الفصل الأول
 
اقتباس:
المشاركة الأصلية كتبت بواسطة جريح الصمت (المشاركة 10522406)
^^^^^^
لا اختي بكلية التربية

عسى الله يوفقها ويوفق الجميع ان شا الله

وهـج مطير 2014- 2- 12 05:47 PM
رد: رد عبدالله الفريدان عن موعد تسليم الوثايق خريجي الفصل الأول
 
فهد انت تقول كليه الاداره تقول للحين ماصولت الوثايق عندهم


تدري العميد شقالي الحين

العمادة تقوم بارسال قوائم الخريجين للكليات وتحاول متابعة الموضوع والتسريع به




ترى فعلا ضعنا بالطوشه كل واحد له كلام وتعرف هالشي مولصالحنا

قولي من رايك شنسوي صدقني انا حاس الموضوع راح يطول حييل أكثر من شهر ونص !!!

غدوو} 2014- 2- 12 05:58 PM
رد: رد عبدالله الفريدان عن موعد تسليم الوثايق خريجي الفصل الأول
 
رحت اليوم آخذ توصيات و إفادة بالتخرج
دخلنا أنا و أختي و أبوي الكلية
و بسم الله الرحمن الرحيم
ممنوع ممنوع ممنوع
وشو اللي ممنوع
ممنوع دخول الحريم طيب لحظة خل نتفاهم ...أبدا
المهم طلعنا و شرحت لأبوي وش أبغى
راح للدكتور محمد حجاج دكتور المحاسبة الإدارية و رفض يعطي توصية يقول كان عندهم اجتماع امس ولسه ماقرروا يعطون توصيات أو لا
راح بعدين للدكتور يحضيه وقال له نفس الكلام
بعدين رحنا لعمادة التعليم الإلكتروني قلت بروح و بستلم إفادتي و إفادة شيماء عندي توكيل من شيمااء يعني لازم أدخل
الأستاذ أحمد الشعيبي شافنا من الشباك و طلع قال رجعوا السيارة قال له أبوي طيب بيسألونك عن شيء قال أجيهم للسيارة تفضل ياعم و الطالبات أجيهم
بس و أخذ الإفادتين و رجعنا للكلية
أخذنا التوصيات من الدكتور عيسى حيرش و الدكتور نذير عليان و الدكتور محمد الدوغان
بدون نماذج توصية ولا شيء هم عندهم نماذج بس يكتبون الاسم و يطبعونه و يوقعونه وبعدين يختمه من سكرتير عميد الكلية

و رجعنا الدمام ولله الحمد


All times are GMT +3. الوقت الآن حسب توقيت السعودية: 01:45 PM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه