|
ماذا تتوقعون باختبار نظم المعلومات؟
السلام عليكم
وش تتوقعون يجيب الاسئلة؟ يلعب فينا نفس ما لعب فينا بالتقنية؟ او انه بيجيب الاسئلة حق السنوات الماضية؟ اللي عندي شي من الدكتور يفيدنا :Cry111::Cry111::Cry111: |
رد: ماذا تتوقعون باختبار نظم المعلومات؟
والله ينخاف منه الله يسخره لنا ويجيب اسئله زي الناس
|
رد: ماذا تتوقعون باختبار نظم المعلومات؟
اتوقع اسئلة كل الخيارات توحي لك انها صحيحة و مناسبة للاجابة و تبلش يروح الوقت وانت تفكر وش تختار
|
رد: ماذا تتوقعون باختبار نظم المعلومات؟
الله يوفقنا وييسر امرنا فكرة انه يجيب من السنوات الماضيه انساها تمااااماً
|
رد: ماذا تتوقعون باختبار نظم المعلومات؟
انسى الفكرة ليش؟
هو قال بالتقنية انه مابيجيب نفس اسئلة الاعوام الماضية! لكن ما قال عن النظم فيمكن يجيب فيها :( |
رد: ماذا تتوقعون باختبار نظم المعلومات؟
ان شاء الله خير تفائلوا بالخير تجدوه ..
|
رد: ماذا تتوقعون باختبار نظم المعلومات؟
اتوقع صياغه الاساله راح تكون مثل الثقنيه
الاجابت تشوفها كلها صحيحه وراح يجيب كم سؤال من الاساله الاعوام راح يجيب سؤال عن البروتوكلات بانواعها واتوقع راح يجيب انواع نضم المعلومات الزبده راح يكون شامل نوعا ما وبالتوفيق :16::16: |
رد: ماذا تتوقعون باختبار نظم المعلومات؟
أتوقع بتكون قريبة كثير من نوع اسئلة التقنية
يعني لازم ننبش الملزمه صدق ونشيك على اسئلة السنوات الماضية الله يسخره لناا ي كريم ويفتح علينا ربي ويوفقنا ويسددنا |
رد: ماذا تتوقعون باختبار نظم المعلومات؟
*
طيب كيف كانت اسئله التقنيه معاكم .. انا مااخذتها هالسمستر .. هل جا من اللي فاتت بس لعب بصيغه السؤال ؟! ولا كيف كان اسلوبه ؟.. :rose: / |
رد: ماذا تتوقعون باختبار نظم المعلومات؟
اي والله كذا حسيت بالتقنية ، ان كل الاجابات تنطبق ، و بأنه يتعمد يجيب شي بالسؤال مرتبط بشي من احد الخيارات ويلا عاااااااد ، :( حتى لو السؤال واضح و مباشر تشك بنفسك ، استغفر الله بس ... يارب يكون الاختبار سهــل علينــــآآآ .. * اممم ، حسيته جاب كم سؤال سابق و مو بس اختباراته ، من اختبارات اللي قبلهه ، والله العالم .. |
رد: ماذا تتوقعون باختبار نظم المعلومات؟
* المحاضره المباشره الثالثه .. كان مركز ع الحاضره 9 و 10 .. بركز عليها اكثر .. فما ادري هل بالتقنيه المباشره كان يركز ع شيء .. وجابلكم منو ولالا .. :rose: / |
رد: ماذا تتوقعون باختبار نظم المعلومات؟
اعذروني على قسوة الكلمات ولكن الصدق منجاه ......
هاتين المادتين بثلاث ساعات لكل واحدة منهما والاهمال فيهما يؤدي لهبوط المعدل .. مادة التقنية مضت وأنتهت و أسئلتها كانت واضحه ولا بأس فيها لكل من ذاكر من المحتوى وركز على الجانب النظري فلا تلوموا دكتور المادة ولومو أنفسكم , فالحلطمة لن تفيد . ( الذي يعتقد ان المذاكرة فقط من اسئلة قديمة وكويزات هذا ما يعرف لا الدراسة ولا المادة اصلاً ) أنا تضررت من هذه الطريقة ولكن لحقت قبل الاختبار بمدة بسيطة وراجعت المذاكرة اسأل الله لي ولكم النجاح . موضوعنا الان ( مادة نظم المعلومات ) يوم الاثنين ونصيحة أخوية صادقه معكم يجب أن تذاكر من المحتوى وتوزع المنهج كا التالي _ = الاولى لوحدها . =الثانية + الثالثه =الرابعة + الخامسة + السادسة =السابعة + الثامنة + التاسعة = العاشرة + الحادية عشر + الثانية عشر = الثالثة عشر + الرابعة عشر و القراءة على مهل وفهم مايريد منك ان تفهمة , المادة دسمة و تريد سعة البال . مع ملاحظة ( المرور على الكويزات والاسئلة القديم بعد مذاكرة المحتوى لتثبيت المعلومات ) مع الإنتباه لأخطاء الاخرين . أدعو الله أن يلهمنا الصواب والبعد عن الغيبة في ظهر كل من أسدى لنا علماً وإن كان بأجر دمتم ودام الإسلام بعزة ومنعه . |
رد: ماذا تتوقعون باختبار نظم المعلومات؟
اقتباس:
ياخوي محمد الله يجزك خير وش نذاكر وش نخلي واكثرنا بلغ من الكبر عتيا والمخ مشغول في دوام ومصاريف وبيت ومذاكره ليش نكذب علي انفسنا مادخلنا انتساب علشان نحفظ من الجلده للجلدة ولاقلنا يعطني كلها من الاعوام السابقه حنا نبي اسلئه معقوله تكون تناسب اعمارنا وعقولنا التي الاتحمل من الحفظ الشي الكثير مهو يعطني اسلئه معقدة وهو ماعرف يشرح لنا وهي قدامه علي الشاشه الي كبر راسه كيف تبينا حنا نحلها في الاختبار :007: |
رد: ماذا تتوقعون باختبار نظم المعلومات؟
يا جعل من خلفك في الجنة يابو عبداللطيف /
انا تضررت ولكن عدت با اللوم على نفسي ومذاكرتي البسيطة وقدر الله سبق , موضوع حنا كبار سن و لدينا مسؤليات ليس عذر ( خصوصاً أن فرصة التعلم أتيحت لك بعد كنت محروم منها بحجج كثيرة وللعلم أنا منقطع عن التعليم أكثر من 25 سنة ( وهذا ليس عذر لي ) هناك من الدكاترة منهو متساعد وهناك من لا يقبل سوى رأية وهذا شكواه على الله , الاراء تختلف والجهود متمايزه وكلً يريد النجاح , ولكن لكل شئ ثمن فالنجاح مطلب للجميع ولو سألت من واصل مسيرة في الجامعة لوجدت الحماس والإصرار طبعه وأسلوبه . رأيت الكثير ممن يسأل عن الاختبارت السابقة حتى جعلوا من الحديث عنها في كثير من الاحيان ديدنهم وسؤالهم اصبح مفضوح لدى الدكاترة . اللوم يقع على من يأتي اخر الترم يبحث ويتكلم في المنتديات عن اسئلة الاعوام السابقة ,, اتوقع ولا أستبعد أن دكتور مثل هذا زار المنتديات ويعلم ماذا تتحدثون فيه واطلع على الكويزات والاسئلة السابقه فخالفها جميعها ... ليظهر للكلية حرصه وعدم إعادته للأسئلة مع أن ( نظم المعلومات ) تخدمنا في جانب المدخلات في هذا التعليم فا المناهج الان أصبحت معمولة على شكل اسئلة واجوبة وهذا من تقتيات التعليم الحديثه ولكنه ( يأبى الا أن يلف و و يدور ) وهذا يؤخذ عليه . الكلام يطول ولكن العتب على كل من يكرر على موضوع الاسئلة القديمة . |
رد: ماذا تتوقعون باختبار نظم المعلومات؟
ابد بنجيب العيد فيه مثل التقنيه
|
رد: ماذا تتوقعون باختبار نظم المعلومات؟
إحرصوا على ما ينفعكم ولا تنسوا الدعاء وفالي وفالكم التوفيق .. وتفألو بالخير تجدوه .
" اللهم إني أسالك فهم النبيين وحفظ المرسلين والملائكة المقربين، اللهم اجعل ألسنتنا عامرة بذكرك وقلوبنا بخشيتك وأسرارنا بطاعتك إنك على كل شيء قدير وحسبنا الله ونعم الوكيل " |
رد: ماذا تتوقعون باختبار نظم المعلومات؟
الله يعين
|
رد: ماذا تتوقعون باختبار نظم المعلومات؟
لاااا علومها زينها الله يسسسستر
|
رد: ماذا تتوقعون باختبار نظم المعلومات؟
ياربع
توكلو على الله وترا الامور سهاله اهم شي توكلو على الله وذكرو ماتستطيعون والباقي خلوها على ربكم اذا قال كن فيكون اذا لم يقول كن لن يكون يعني الامور طيبه وللجميع بخير خششششمممكم |
رد: ماذا تتوقعون باختبار نظم المعلومات؟
ان كان دكتورها الزول باقي .. الله يعينكم ,,, اسوء درجه جبتها عنده في مشواري الجامعي
انسان احسه يكتب الاسئله .. وهو نائم .. :24_asmilies-com: ثانياً ترا ما جاب ولا سؤال واحد من الاسئلة حقت الاعوام اللي يقبل . بس لا يمنع انكم تمرون عليها .. يمكن الكسسل يخلي يصلح نسسخ ولصق |
رد: ماذا تتوقعون باختبار نظم المعلومات؟
اعتقد ان اسئلته راح تلف روسنا :(312):
وليالي العيد تعرف من عصاريها والله لا يجزاه خير مقدماً |
رد: ماذا تتوقعون باختبار نظم المعلومات؟
انا من سمعت كلامه بالمحاضرات المباشره ونا غاسلن يدي ولا ذاكرت بس ابي اخذلي كم كويز الي منزلينها الشباب والله كريم
|
رد: ماذا تتوقعون باختبار نظم المعلومات؟
الحمد لله الأمور طيبة جداً حفظت أسئلة أم جهاد والواجبات والحين أنا أطبقها على الكويزات الموجودة للأخ منصور محمد جزاه الله خير :d5::*****_pleur: |
رد: ماذا تتوقعون باختبار نظم المعلومات؟
السلام عليكم ورحمة الله وبركاته ,,, أنا إختبرت سابقا هذه الماده وبالتحديد الترم السابق . ماده دسمه معلومات .. ولكن سهله جدا جدا .. واللي يحفظ ويركز لن يخيب ضنه .. الدكتور يكرر الأسئله ( وليس جميعها ) .. ولكن عدد كبير يكرره .. تابعو أم جهاد وحملو مرفقاتها ما قصرت وإحنا نشكرها من كل مكان على ما تقدمه ( فجزاها الله خير ) ووفق خطاها |
رد: ماذا تتوقعون باختبار نظم المعلومات؟
النظم مشكلتها معلوماتها كثيره مره ومتشعبه والمعلومات متصله بعضها من المحاضره الاولي الي المحاضره 12
اما عن توقعي اتوقع والله أعلم انه بيكون سهل وفي من اسئله الترم الفايت ومن الواجبات ولا تنسو اسئله المراجعه اشوف محد جاب لها طاري منكم حنا نتفائل واذا اخفقنا مو علامه مؤشر توقف الحياه بتكون عينا على المرحله اللي بعدها |
رد: ماذا تتوقعون باختبار نظم المعلومات؟
موفقين ياااارب
والله يسهلها انا مستوى سادس وتوني اخذ هالماده .. :) مثل م توقعت ب اختباراتي السابقه وقلت انها سهله جات سهله بس هالماده بتكون اسئلتها شوي معقده والله يعين انتوا ركزوا ع المحتوى واسئلة الواجب واسئلة الترم اللي راح مع اسئلةالعام بالتوفيق للجميع |
رد: ماذا تتوقعون باختبار نظم المعلومات؟
اقتباس:
* اخوي ابو زيد الله يعطيك العافيه ع كلامك .. مااتوقع احد بالماده هذه ح يعتمد فقط ع الكويزات واسئله الاعوام اللي فاتت .. واذا جا موضوع عنها فقط للمراجعه وليس للاعتماد .. بالنسبه لماده هي والله سهله ومن اغلب حياتنا اليوميه وخاصه انا نستخدم النت والحاسب .. بس المشكله فين لما الدكتور نفسه يلف بالسؤال ويحاول اقصى ماعنده ا نه يطمس هويه الجواب بكذا شيء .. وبالنهايه ايش يبغى ...؟؟؟... ع العموم الله يسهلها علينا ويسر ويعدي هالاختبار ع خير .. :icon1: / |
رد: ماذا تتوقعون باختبار نظم المعلومات؟
90%من الاسئلة غير واضح ومتشابه الله يعين على الزووووووووول
|
| All times are GMT +3. الوقت الآن حسب توقيت السعودية: 12:30 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام