ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   E6 (https://vb.ckfu.org/f321)
-   -   [ استفسار ] جدول المستوى السابع..! (https://vb.ckfu.org/t595211.html)

...mlak 2014- 5- 21 03:01 PM
جدول المستوى السابع..!
 
..............................

السلام عليكم..

نتمنى نتعاون في مسألة تغير الجدول للمستوى القادم ..الجدول مضغوط مرره ..و بعض المواد محتواها دسم وتحتاج ع الأقل ليوم قبل الإختبار للمراجعه والإستذكار..


وش رآيكم؟
واعطونا لاهنتو ارقام للجامعه يردون علينا لأني عجزت وانا ادق ع رقمهم المجاني..


.............................

Another day 2014- 5- 21 03:47 PM
رد: جدول المستوى السابع..!
 
شلون مضغووط ؟! هذا وانا ناويه اخذ 22 ساعه ان شاءالله
تعبت باختبار نظرية المعرفه كان قبلها اختبار وانكبت
يا ليت اذا فيه امل يعدلونه لنا تدقون عليهم يعطيك العافيه ملاك انتبهتي للشغله هذي :106:

...mlak 2014- 5- 21 03:52 PM
رد: جدول المستوى السابع..!
 
.......................

تفدرين تاخذين مادتين زياده فيه فراغ لكن مواد المستوى اللي وضعتها الجامعه ورا بعض..

شوفي هنا ..
http://im34.gulfup.com/0tt5K.png

في بعض المواد مثل اللغه الأجتماعي والمسرحيه ..صادف قبلها يوم جمعه ..هذا الشي الحلو ..

لكن لو جات ورا بعض مشكله..

والنقد الأدبي يقولون دسم بس مافي قبله يوم ..

مع ان الجدول فيه ايام فاضيه مفروض يرتبونه عدل..يحطون بين كل ماده وماده يوم ..

.............................

nsayim 2014- 5- 21 05:07 PM
رد: جدول المستوى السابع..!
 
من جد مضغوط الجدول

Another day 2014- 5- 21 05:27 PM
رد: جدول المستوى السابع..!
 
انا اخذت الترجمة الابداعيه واجلت لغويات تطبيقيه راح اخذها هالمستوى ان شاء الله
وراح ااجل علم اللغة الاجتماعي ما اقدر صراحه يكون عندي اختبار يومين ورا بعض
وبكذا راح يكون عدد الساعات ١٤ساعه ماكانها شوي؟!!

um Abodi 2014- 5- 21 05:42 PM
رد: جدول المستوى السابع..!
 
مضغوط الجدول ع عيني وراسي بس الحين احنا من مستوى ثاني بادين نضبط جداولنا ع هالجدول ، الا اذا كان فيه تغيير بسيط بمادة او مادتين ،
لا تنكبوني الحين يتغير الجدول ويصير مع مواد ما اخذتها بترم ثاني او تصير بنفس الفترة وتنعفس خطتي :139:
يعني جالسة انسق ع حسب هالجدول عشان اقدر اخلص لو اضغط ع نفسي بكل مستوى واخذ مادتين ، بس انه يتغير بعد ما صار مافيه الا مستويين ونخلص !!!!!
لا لا لا لا يرحم والديكم :sm4:
فكونا من بعض الافكار ان كانت بتكون مضبوطه لكم ترى بتنكبون مجموعه كبيرة منا انا من ضمنهم ،،،
زي الجدول يوم تغير اخر مرة واحد كان بيتخرج بس وافق التغيير مادتين بنفس الفترة كلهن ما اخذهن ، وبعدها ع اساس تنسيق الجدول صار بياخذ كم ساعه من مستوى جديد عشان تغيير بسيط !!! يعني تغير من طلب مجموعه بسيطة وصلر فيه واحد او مجموعه ماندري عن عددهم ياخذون ترم تاسع عشان هالسبب !

ويكون بمعلومكم انا عندي كم مادة بنفس اليوم بس احمد ربي واشكره ان كل وحدة تختلف عن فترة الثانية عشان اقدر اخذهن واخلص بثمان مستويات مو بتسعه :verycute:

والله اني ادعي كل مدة انه يارب ما يتغير الجدول ويخرب علي كل تخطيطي للتخرج بثمان مستويات :cool:

um Abodi 2014- 5- 21 05:46 PM
رد: جدول المستوى السابع..!
 
اقتباس:
المشاركة الأصلية كتبت بواسطة another day (المشاركة 11104398)
انا اخذت الترجمة الابداعيه واجلت لغويات تطبيقيه راح اخذها هالمستوى ان شاء الله
وراح ااجل علم اللغة الاجتماعي ما اقدر صراحه يكون عندي اختبار يومين ورا بعض
وبكذا راح يكون عدد الساعات 14ساعه ماكانها شوي؟!!
شوي يا حبيبتي صح بس لا تنسين مشروع التخرج بياخذ كثير من وقتنا حتى فترة الاختبارات وان شاء الله مع هذا يعجب الدكتور وان شاء الله ننجح بهالمادة
مع انه وحدة اعرفها اخذتها الترم الصيفي عشان تتفضى لها وتغفر همّها بس ما نجحت فيها مع انها كانت مع الدكتور اول باول و ع كلامها اعجبه كل بدايه بدتها بس يوم طلعت النتيجة سقطها فيها.

...mlak 2014- 5- 21 06:06 PM
رد: جدول المستوى السابع..!
 
اقتباس:
المشاركة الأصلية كتبت بواسطة um Abodi (المشاركة 11104493)
مضغوط الجدول ع عيني وراسي بس الحين احنا من مستوى ثاني بادين نضبط جداولنا ع هالجدول ، الا اذا كان فيه تغيير بسيط بمادة او مادتين ،
لا تنكبوني الحين يتغير الجدول ويصير مع مواد ما اخذتها بترم ثاني او تصير بنفس الفترة وتنعفس خطتي :139:
يعني جالسة انسق ع حسب هالجدول عشان اقدر اخلص لو اضغط ع نفسي بكل مستوى واخذ مادتين ، بس انه يتغير بعد ما صار مافيه الا مستويين ونخلص !!!!!
لا لا لا لا يرحم والديكم :sm4:
فكونا من بعض الافكار ان كانت بتكون مضبوطه لكم ترى بتنكبون مجموعه كبيرة منا انا من ضمنهم ،،،
زي الجدول يوم تغير اخر مرة واحد كان بيتخرج بس وافق التغيير مادتين بنفس الفترة كلهن ما اخذهن ، وبعدها ع اساس تنسيق الجدول صار بياخذ كم ساعه من مستوى جديد عشان تغيير بسيط !!! يعني تغير من طلب مجموعه بسيطة وصلر فيه واحد او مجموعه ماندري عن عددهم ياخذون ترم تاسع عشان هالسبب !

ويكون بمعلومكم انا عندي كم مادة بنفس اليوم بس احمد ربي واشكره ان كل وحدة تختلف عن فترة الثانية عشان اقدر اخذهن واخلص بثمان مستويات مو بتسعه :verycute:

والله اني ادعي كل مدة انه يارب ما يتغير الجدول ويخرب علي كل تخطيطي للتخرج بثمان مستويات :cool:
.................................

اصلا الجامعه تنكبنا دايم في الجداول عادي تعودنا والصيفي مافيه ونكبونا زياده ..بس كل مستوى المفروض من الجامعه تخطط صح تحط بين كل ماده وماده يوم ..وتترك الخيار للطلاب في اضافة اي ماده اخرى ..شوفي مثلا جدولنا في هذا المستوى مرره روعه ماعدا الشعر والنظريه جات وراء بعض والأغلب حاس في المذاكره وعدم كفاية الوقت

اشوف انها صعبه يوم وراء يوم عندنا يومين فاضيه بالبدايه ويومين في نص الاسبوع ليش ماتتوزع المواد..

انا معك في نقطة ان الكل وزع مواده ع كذا..عندي مادتين من قبل مدري وين اوديهم..ومابي اضغط ع عمري عشان ابغى معدل..ولا ابي اخذ ترم تاسع :sm1:


ماندري وش السوات؟

عني ابغاهم يضيفون يومين زياده مع ترتيب افضل للمواد..


.............................

...mlak 2014- 5- 21 06:17 PM
رد: جدول المستوى السابع..!
 
اقتباس:
المشاركة الأصلية كتبت بواسطة another day (المشاركة 11104398)
انا اخذت الترجمة الابداعيه واجلت لغويات تطبيقيه راح اخذها هالمستوى ان شاء الله
وراح ااجل علم اللغة الاجتماعي ما اقدر صراحه يكون عندي اختبار يومين ورا بعض
وبكذا راح يكون عدد الساعات 14ساعه ماكانها شوي؟!!
......................

إلا شوي ..يعني كذا ما أستفدنا من 22 ساعه اللي يقولون ..انا بيصير لي 17 ساعه مع المنظومه لاني مااخذتها ..

و مافيه مجال لو ناخذ ماده من ثامن ونعكس مع سابع عشان نظبط الوضع ..

والمستوى الثامن يبغاله مواد قليله عشان البحث.. والله مشكل كبير

......................

ندى العالم 2014- 5- 21 06:19 PM
رد: جدول المستوى السابع..!
 
تكفوووووون أنا بآخذ النحو واترجمة الإبداعية في مستوى سابع لا تغيرووون مكانها في الجدول بيتلخبط جدولي بأجل النقد للمستوى الثامن

وليد باوزير 2014- 5- 21 06:20 PM
رد: جدول المستوى السابع..!
 
ودي استفسر عن مشروع التخرج

ندى العالم 2014- 5- 21 06:21 PM
رد: جدول المستوى السابع..!
 
فكروا زين لاتعفسوون الخطة وحطوا أفكاركم وترتيبكم هنا قبل ماتتناقشون مع العمادة

وليد باوزير 2014- 5- 21 06:24 PM
رد: جدول المستوى السابع..!
 
وبخصوص الجدول لا يتغير لانوا ممكن ننقي من سابع وثامن بحيث يكون يوم ويوم الجدول

...mlak 2014- 5- 21 06:33 PM
رد: جدول المستوى السابع..!
 
اقتباس:
المشاركة الأصلية كتبت بواسطة ندى العالم (المشاركة 11104729)
تكفوووووون أنا بآخذ النحو واترجمة الإبداعية في مستوى سابع لا تغيرووون مكانها في الجدول بيتلخبط جدولي بأجل النقد للمستوى الثامن
.............................

ماراح يأثر ان شاء الله في خطتك احنا بس نقول قبل النقد يكون فيه يوم فاضي ..يعني بإختصار كل شيء يقعد مكانه بس يتغير اليوم ..
يعني بدال ماهو دش وراء نبغاه يضبطون الأيام ..ماتوقع يأثر ع الجامعه يضيفون يومين ويعدلون الوضع شوي
او خلاص يخلونه ع وضعه بس راح يتأثر الجميع من المواد وراء بعض ولاتنسون المواد شوي دسمه ..وتحتاج وقت ..

وبالنسبه لك ..

بيكون اللغه النفسي
بعدين الإجتماعي
بعدين النحو


كلها وراء بعض..صعبه اشوفها كذا؟ ولا عادي عندك؟؟!!

.........................

...mlak 2014- 5- 21 06:39 PM
رد: جدول المستوى السابع..!
 
اقتباس:
المشاركة الأصلية كتبت بواسطة ندى العالم (المشاركة 11104740)
فكروا زين لاتعفسوون الخطة وحطوا أفكاركم وترتيبكم هنا قبل ماتتناقشون مع العمادة
...........................


انا مافتحت الموضوع إلا عشان نتناقش ..وإن شاء الله ماراح نلخبط احد..ولاراح نكلم العماده إلا بعد التشاور..

بس ودي ع الأقل اللغه النفسي يكون اول يوم بدال فضاوه يومين..
وبعده يوم فاضي ثم
اللغه الإجتماعي وهكذا يوم ايه يوم لا..

عشانكم وعشاني ..مانبي نضغط ع انفسنا ...

.............................

...mlak 2014- 5- 21 06:44 PM
رد: جدول المستوى السابع..!
 
اقتباس:
المشاركة الأصلية كتبت بواسطة وليد باوزير (المشاركة 11104760)
وبخصوص الجدول لا يتغير لانوا ممكن ننقي من سابع وثامن بحيث يكون يوم ويوم الجدول
........................

الجدول في مستوى ثامن المفروض مايتغير عشان بحث التخرج بياخذ وقت منا..
ومواد مستوى سابع تحتاج جهد..فصعبه نلخبطها وبعدين ماندري عن الجامعه ..توها السنه اللي راحت غيروا جدول مستوى ثامن..

اذا بيعطونا وعد انهم مابيغيرون ..شكلي بخربط الخطه كلها واخذ بحث التخرج الترم السابع مع المواد الزينه
واحذف بعض المواد للثامن..

بس المشكله طرق البحث وتصميم الأبحاث ما اخذناها مانقدر نقدم البحث عليها :000:

الله ييسرها ويفرجها من عنده
...........................

мαяịαм 2014- 5- 21 07:13 PM
رد: جدول المستوى السابع..!
 
انا مرتبه باقي موادي ع الجدول اللي حطته الجامعه اخر مره
والحين حسبت متى اختبارتنا الترم الجاي اذا نفس كل مره بيكون قبل اختبارات المدارس بعشرين يوم
راح يكون يوم ثلاثاء 1436/2/24

وانتي رتبي موادك الباقيه ع الترمين الجايين ع خير

وان شاء الله تتسهل

ماجد الخرج 2014- 5- 21 07:26 PM
رد: جدول المستوى السابع..!
 
انا شوف خلونا على وضعنا هذا لا احد يلخبط احد وعاد الشكوه علي الله كلن يضغط نفسه كلها ترمين ونتخرج بحول الله لانه فعلا في ناس بتتلخبط خطتهم فخلوها علي مبني الشايب والله يوفقنا ونعدي علي خير ان شاءالله

...mlak 2014- 5- 21 07:37 PM
رد: جدول المستوى السابع..!
 
اقتباس:
المشاركة الأصلية كتبت بواسطة мαяịαм (المشاركة 11104985)
انا مرتبه باقي موادي ع الجدول اللي حطته الجامعه اخر مره
والحين حسبت متى اختبارتنا الترم الجاي اذا نفس كل مره بيكون قبل اختبارات المدارس بعشرين يوم
راح يكون يوم ثلاثاء 1436/2/24

وانتي رتبي موادك الباقيه ع الترمين الجايين ع خير

وان شاء الله تتسهل
................................

لو كان يوم ثلاثاء بيصير في مادتين وراء بعض اللغه الإجتماعي بعده النقد وعندنا فراغ اول يومين ليش مايستغلونه.. ولو كان تبدأ الإختبارات سبت او احد بتصير ثلاث مواد وراء بعض ..

صعبه جدا جدا ..الأفضل تكون تبدأ يوم الثلاثاء عشان يوم الجمعه ولا بداية الإسبوع..لكن ماندري عن خطة الجامعه

ننتظر إلى وينزل جدول الإختبارات ونشوف الوضع ..عشان مانتلخبط كلنا,,
والله ييسر لنا ولكم ..

...............................

nsayim 2014- 5- 21 07:41 PM
رد: جدول المستوى السابع..!
 
انا الحمد لله مرتبه جدولي بس ترا صدق مضغوط يعني مو زي المستويات اللي راحت لكن الحمد لله

ام ليالي 2014- 5- 21 08:20 PM
رد: جدول المستوى السابع..!
 
عن نفسي ودي بس يتغير النقد الأدبي ويصير اول يوم


النقد الادبي اصعب مادة في مستوى سابع , لازم كلنا نراسل العميد عشان يخليها الثلاثاء اول يوم

Al-Kathiri 2014- 5- 21 08:26 PM
رد: جدول المستوى السابع..!
 
انا ورطان في مواد ما اخذتها بسبب التعارض من اول ومدري وش السواة فيها :-
قضايا ثقافية معاصرة (عندي مجال احطها في السابع اليوم الاول)
قواعد البيانات .. (بحطها في جدول الثامن)
علم اجتماع.. (ما عندي مجال الا في السابع وبكذا يكون عندي اربعة ايام متتالية )(ورطه):(312):

الحين ما يمديني اتخرج حتى اخذها,,,,,,,,,,؟؟؟

shush.saud 2014- 5- 21 08:28 PM
رد: جدول المستوى السابع..!
 
انا ماخذه من اول علم لغه اجتماعي ونظام اجتماعي
يبقالي 5 مواد

يمكن ازيد عليهم ويمكن لا
ع حسب المواد سهله صعبه وسط وشي زي كذآ ...

احب الانجليزي 2014- 5- 21 08:54 PM
رد: جدول المستوى السابع..!
 
والله انها ممممممره يقهر الجدول والله يعيينا

ام احمد20 2014- 5- 21 09:29 PM
رد: جدول المستوى السابع..!
 
انا شايفه الجدول اوكي بس لو علم اللغه الاجتماعي يكون اول يوم اللي هو الثلاثاء افضل ويكون في بريك للنقد الادبي

احب الانجليزي 2014- 5- 21 09:36 PM
رد: جدول المستوى السابع..!
 
اقتباس:
المشاركة الأصلية كتبت بواسطة ام احمد20 (المشاركة 11105638)
انا شايفه الجدول اوكي بس لو علم اللغه الاجتماعي يكون اول يوم اللي هو الثلاثاء افضل ويكون في بريك للنقد الادبي


هذا الي يقهر مافي اختبار اول يوم

ضــامية حــنين 2014- 5- 21 09:39 PM
رد: جدول المستوى السابع..!
 
لا الجدول بصراحه لا يتغير

عندي الانماط ما اخذتها ولا الشعر الانجليزي وبضطر ااجل علم اللغه الاجتماعي بسبب النقد

بيصير جدولي بعد التاجيل بين كل اختبار يوم اف الا اخر يومين بيكون الشعر وبعدها النظام الاجتماعي بالاسلام

وبيكون عندي 20 ساعه

اهو ضغط بس وش اسوي

قبل كل شي لازم نتاكد من الفريدان انه ماراح يغير شي في الجدول

واذا بغير لازم نعطيه خبر انه يخالف المواد من مستوى ومستوى اخر

يعني اذا مستوى سادس اول يوم عندهم ماده يكون المستوى السابع بعد بيوم عندهم ماده

والمواد العامه عادي تكون نفس اليوم مع مادة تخصص من مستوى ثاني للي يبغى يكون عنده فترتين

فهمتوا علي ؟؟

او لا يغير بالجدول ويخليه علشان ما يعميها

...mlak 2014- 5- 21 10:05 PM
رد: جدول المستوى السابع..!
 
اقتباس:
المشاركة الأصلية كتبت بواسطة ام ليالي (المشاركة 11105312)
عن نفسي ودي بس يتغير النقد الأدبي ويصير اول يوم


النقد الادبي اصعب مادة في مستوى سابع , لازم كلنا نراسل العميد عشان يخليها الثلاثاء اول يوم

..................

إي والله هذي الماده بالذات ودي يأجلونها..هي المهمه وتحتاج وقت في المذاكره..

...................

...mlak 2014- 5- 21 10:09 PM
رد: جدول المستوى السابع..!
 
اقتباس:
المشاركة الأصلية كتبت بواسطة al-kathiri (المشاركة 11105352)
انا ورطان في مواد ما اخذتها بسبب التعارض من اول ومدري وش السواة فيها :-
قضايا ثقافية معاصرة (عندي مجال احطها في السابع اليوم الاول)
قواعد البيانات .. (بحطها في جدول الثامن)
علم اجتماع.. (ما عندي مجال الا في السابع وبكذا يكون عندي اربعة ايام متتالية )(ورطه):(312):

الحين ما يمديني اتخرج حتى اخذها,,,,,,,,,,؟؟؟
...................


إذا حطو ترم صيفي السنه الجايه بإذن الله بتقدر ونقدر نلحق ع التخرج..هذا إذا حطو هالمواد أترام صيفه ..الله ييسرها


...................

Another day 2014- 5- 21 10:09 PM
رد: جدول المستوى السابع..!
 
اقتباس:
المشاركة الأصلية كتبت بواسطة ام احمد20 (المشاركة 11105638)
انا شايفه الجدول اوكي بس لو علم اللغه الاجتماعي يكون اول يوم اللي هو الثلاثاء افضل ويكون في بريك للنقد الادبي
عشان كذا بضطر أأجلها للمستوى الثامن مستحيل اخذ مادتين ورا بعض

...mlak 2014- 5- 21 10:11 PM
رد: جدول المستوى السابع..!
 
اقتباس:
المشاركة الأصلية كتبت بواسطة ام احمد20 (المشاركة 11105638)
انا شايفه الجدول اوكي بس لو علم اللغه الاجتماعي يكون اول يوم اللي هو الثلاثاء افضل ويكون في بريك للنقد الادبي
.........................

حلو ..لكن قلنا النقد عشانه ماده غثيثه وودنا نفتك منها ..اللغه الإجتماعي يقولون كويسه الماده..

المهم عني إهم شي يكون فيه يوم قبل الإختبار..

..........................

...mlak 2014- 5- 21 10:19 PM
رد: جدول المستوى السابع..!
 
اقتباس:
المشاركة الأصلية كتبت بواسطة ضــامية حــنين (المشاركة 11105699)
لا الجدول بصراحه لا يتغير

عندي الانماط ما اخذتها ولا الشعر الانجليزي وبضطر ااجل علم اللغه الاجتماعي بسبب النقد

بيصير جدولي بعد التاجيل بين كل اختبار يوم اف الا اخر يومين بيكون الشعر وبعدها النظام الاجتماعي بالاسلام

وبيكون عندي 20 ساعه

اهو ضغط بس وش اسوي

قبل كل شي لازم نتاكد من الفريدان انه ماراح يغير شي في الجدول

واذا بغير لازم نعطيه خبر انه يخالف المواد من مستوى ومستوى اخر

يعني اذا مستوى سادس اول يوم عندهم ماده يكون المستوى السابع بعد بيوم عندهم ماده

والمواد العامه عادي تكون نفس اليوم مع مادة تخصص من مستوى ثاني للي يبغى يكون عنده فترتين

فهمتوا علي ؟؟

او لا يغير بالجدول ويخليه علشان ما يعميها

.............................

اووه الله يعينك..ع كذا الانماط عندك اول يوم..يعني مايصير نطلب تغير مكان اي ماده..

بس نبغى وبصراحه يحطون بين كل ماده وماده يوم ..:no: عادي لو قعدنا ثلاث أسابيع نختبر بس المهم اننا ننجح ونجيب معدل كويس..اتمنى للمستوى السابع والثامن يحطونهم ثلاث أسابيع عشان ان مسموح لهم التسجيل إلى 22 ساعه ..فصعبه الطلاب والطالبات يهلكون أعمارهم بساعات ومواد فوق طاقتهم

الله ييسر لنا ولكم..

.............................

احب الانجليزي 2014- 5- 21 10:36 PM
رد: جدول المستوى السابع..!
 
اقتباس:
المشاركة الأصلية كتبت بواسطة ...mlak (المشاركة 11105877)

.............................

اووه الله يعينك..ع كذا الانماط عندك اول يوم..يعني مايصير نطلب تغير مكان اي ماده..

بس نبغى وبصراحه يحطون بين كل ماده وماده يوم ..:no: عادي لو قعدنا ثلاث أسابيع نختبر بس المهم اننا ننجح ونجيب معدل كويس..اتمنى للمستوى السابع والثامن يحطونهم ثلاث أسابيع عشان ان مسموح لهم التسجيل إلى 22 ساعه ..فصعبه الطلاب والطالبات يهلكون أعمارهم بساعات ومواد فوق طاقتهم

الله ييسر لنا ولكم..

.............................


هذا الحححححححححححححل
والله ودي 3اسابيع ولا اكل هوا

...mlak 2014- 5- 21 10:40 PM
رد: جدول المستوى السابع..!
 
اقتباس:
المشاركة الأصلية كتبت بواسطة احب الانجليزي (المشاركة 11105935)
هذا الحححححححححححححل
والله ودي 3اسابيع ولا اكل هوا
........................

ياليت..تخيلي يسونها..:71: ياسلام..

.......................

um Abodi 2014- 5- 21 10:54 PM
رد: جدول المستوى السابع..!
 
اقتباس:
المشاركة الأصلية كتبت بواسطة ...mlak (المشاركة 11105830)
...................


إذا حطو ترم صيفي السنه الجايه بإذن الله بتقدر ونقدر نلحق ع التخرج..هذا إذا حطو هالمواد أترام صيفه ..الله ييسرها


...................
حبيبتي انتم تقدرون تاخذون صيفي في ناس ماعندهم احد يوديهم ويجيبهم وانا من ضمنهم عندي عيال عندهم مدارس واختبارات ، ومن حطو هالوزير طالع لهم كل شوي باختبار شكل ، وفوق هذا عندي بيت ودوام مو ع كيفنا الدنيا ناخذ صيفي ،،،
راعو ان فيه ناس ظروفهم اصعب من ظروفكم فيه ناس فاضية للدراسة وفيه ناس مشغولة وعندها برضو دراسة
و ع فكرة عندي ثلاث ايام اباخذهن المستوى الجاي ان شاء الله ثلاث ايام ع مادتين وابضطر اخذهن عشان ما يصير فيه تغيير ولخبطة واتوهق اذا صادفت فترات بنفس الوقت بعد اي تغير مفاجىء

um Abodi 2014- 5- 21 10:59 PM
رد: جدول المستوى السابع..!
 
اقتباس:
المشاركة الأصلية كتبت بواسطة احب الانجليزي (المشاركة 11105935)
هذا الحححححححححححححل
والله ودي 3اسابيع ولا اكل هوا
حبيبتي اختباراتنا اللي فاتت ثلاث اسابيع ،،
اختبرت يوم الثلاثاء اول يوم وخلصت الثلاثاء الثالث اللي هو قبل امس ، رجاءاً فكونا من بعض الافكار ، لا تتسببون علي بضغط اكثر من ضغوطاتي :000:

منى* 2014- 5- 21 11:00 PM
رد: جدول المستوى السابع..!
 
الله يعينكم
انا ماشيه ع الخطه باقي لي بس مواد سابع وثامن
ماعندي مواد من مستويات ثانيه الحمدلله

بالنسبه للجدول : تقولون النقد صعب فإحتمال أأجل علم اللغه الاجتماعي لثامن او احتمال اخذها وعادي اذاكر النقد قبل بفتره
من هنا لوقت تسجيل المواد يمدي قررت

بالتوفيق :rose:

احب الانجليزي 2014- 5- 21 11:16 PM
رد: جدول المستوى السابع..!
 
اقتباس:
المشاركة الأصلية كتبت بواسطة um Abodi (المشاركة 11106053)
حبيبتي اختباراتنا اللي فاتت ثلاث اسابيع ،،
اختبرت يوم الثلاثاء اول يوم وخلصت الثلاثاء الثالث اللي هو قبل امس ، رجاءاً فكونا من بعض الافكار ، لا تتسببون علي بضغط اكثر من ضغوطاتي :000:
والله وانا وختك ماني صاحبة القرار:16.jpg:

وبالعكسسس الضغط اني اذاكر في نفس اليوم الي اختبرت فيه
وين المشكله؟!!!
ويكون فيه راحه ....محنا ميتين ع الاجازه:019:


All times are GMT +3. الوقت الآن حسب توقيت السعودية: 05:45 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه