|
حسبي الله ونعم الوكيل
والله ماقول الا حسبي الله ونعم الوكيل على السبب
بمشكله الخارطه الاكاديميه الي دمرتنا وبكل مستوى تشتتنا الواحد يتعب ويجلس على الجهاز ايام وساعات وبالاخير يفتح الخارطه ويلقى ثلاث ارباع تعبه ضايع سدا وارجع واحمل من جديد ونفس الشي !! اعترف يالفريدان لو مره ان الخلل من جامعتك ومن نظامها الوضيع مو بكل سنه تحط اللوم على الطلبه اخطاء متواصله وبكل ترم جايبين نظام غريب يضر الطالب بدال ماينفعه . يجب علينا مانسكت عن حقنا . يجب على كل من انضر بالخارطه ان يعترض ولانخلي حقوقنا ضايعه , طفح الكيل ورب البيت متى افتك من هالجامعه التعيسه الفاشله . الذي لاهم لها سوى المال فقط تسجل ماده ب500 . تحذف الماده ماترجع الرسوم لماذا ؟؟؟؟ وش يحللها لكم ؟ الموقع يقفل بالايام ويا النظام واذا اعترض الطالب العذر جاهز انتم تاخرون وتضغطون الموقع تسجل ماده . بعد فتره تحصلهم حاذفين الماده هالترم والسبب المنهج يحتاج لتعديل ويجبرونك عليها الترم الجاي عشان مايرجعون الفلوس ولايفتحون لك مجال تسجل ماده اخرى صارت معي بفقه السيره قبل سنه ونص شتتكم شوي بس والله مانلام الواحد مهيى نفسه للاختبارات يبي يذاكر وينصدم من هالخاربه الذهنيه |
رد: حسبي الله ونعم الوكيل
.
انا بعد حملتهم تاني و ما زال اكس يمكن لان حملتهم بنفس الوقت..! ما اعرف * معك حق بكل كلمة بس الله يصبرنا والشكوى لله الحل اجلس ذاكر وخلي اللاب يمك وحمل محاضره محاضره بكذا م تضيع وقتك او احد ثقه يحملها لك صح وحده وحده |
رد: حسبي الله ونعم الوكيل
يا مغاط لا تكذب الكذب حرام
تسجيل المادة بـ 165 ريال وليس بـ 500 ريال كما كذبت وايام فقه السيرة يا كذوب صحيح اتأجلت المادة للمستوى اللاحق ولكن بنفس المبلغ مادفعنا عليها مبلغ اضافي وهذا ايضاَ عند حذف المادة في الوقت المسموح به بداية الترم والنظام نادراً يتقفل او ينضغط يا كذوب واذا مو عاجبتك الجامعة اسحب منها وريح نفسك |
رد: حسبي الله ونعم الوكيل
اقتباس:
|
رد: حسبي الله ونعم الوكيل
يلعن ام القهر مستاجر فندق عشان النت قوي يفتح معي واخر شي ماتحسب يشمتت ابلا طازا فية
|
رد: حسبي الله ونعم الوكيل
ام ليــآلي خلي عندك اسلووب ب الكلام حبيبتي هذا وانتي ( أم )!!
اجل وش خليتي للصغار اللي توهم متخرجين من الثانوي؟!! .. . الله يكوون بعونك اخووي مغاط وبعون الجميع من جد هالجامعه ظلمتنا كتير بس وش نسوي الشكوى لله :004: |
رد: حسبي الله ونعم الوكيل
ام ليالي يا ريت تختاري الفاظك بعدين ترا المادة ب 165 وملزمة و مشاوير توصيل وطباعة وانترنت ويمكن ماعنده نت يروح مقهى بالساعه وبعضهم يجيب مدرس يعني كل واحد ادرى بنفسه فخليك بحالك وخلي الرجال يفضفض
|
رد: حسبي الله ونعم الوكيل
اقتباس:
تدرس جامعة ولا عندها احترام ولا تقدير وماحد جبرك ترد ولا المصيبة مستوى سابع الله يعين اللي عندك على عقلك |
رد: حسبي الله ونعم الوكيل
ام ليالي عيب عييييييييييب :41jg:
واخوي مغاط صادق الساعه165 ريال والمادة 3ساعات 495ريال للماده الوحده فيه مواد على ساعتين بس قليله من غير اشتراك النت من غير البرامج الي كل شوي نحدث عشان اذا صار النظام مزحوم تدخل بطيب بالغصب من غير الطابعات والحبر وفوق كل الخساير هذي وقتي مابين الدوام و الا بتوب :sm4: |
رد: حسبي الله ونعم الوكيل
اقتباس:
رديت عشان اوضح كذبه واقول الصدق , والله يعينكم توقفون بصف الكذاب وانتم تدرون انه كذاب بس انا لازم اتكلم فالساكت عن الحق شيطان اخرس |
رد: حسبي الله ونعم الوكيل
اقتباس:
هو انجليزي واغلب المواد ساعتين ولو حذفت الماده بتبقى فلوسها للترم القادم مو مثل ماقال تروح عليك فلوسها |
رد: حسبي الله ونعم الوكيل
صادقة يام ليالي من ناحيت الماده المحذوفه
بس احنا زملاء نواسي بعضنا ومغاط لوماكان قلبه مرتاح لنا مأشتكالنا ولافضفضلنا ربي يوفقك بختباراتك وتفرح ليالي بتخرجك |
رد: حسبي الله ونعم الوكيل
طيب ايش انسوي
|
رد: حسبي الله ونعم الوكيل
أم ليالي الظاهر مزعلها أبو ليالي و طاحت في مغاط مسكين ..
مسكين يا مغاط تلقاها من الخاربة الذهنية ولا من المنتدى .. |
رد: حسبي الله ونعم الوكيل
ترا انا نفس الوضع العام والحمدلله درجاتي المشاركه كامله انت دام سويت شغلك مزبوط ماعليك من الخارطه الاكاديميه يمكن ماتحدثت من وقت انت ماحملت او فيها خلل اهم شي تاكد انك ماخليت محاضرات ولامناقشات وبس ..
|
رد: حسبي الله ونعم الوكيل
بنهاية كل ترم تفتح مواضيع الصياح!!
لي سنتين ونص ما عانيت من أيه مشكله مع الجامعه أو الخدمات الطلابيه تدري ليه لأني أخلص كل شئ قبل ما تنضغط السيرفرات وتصير المشاكل اللي تصايحون منها وعلى كثر المشاكل اللي تصير من ضغط السيرفرات بنهاية الترم ما تحاولون تتفادون المشاكل الترم اللي بعده بالعكس تستمرون على حالكم وبنفس الاسلوب حسبي الله عليك يالفريدان جامعة مخيسة!! ......... إلخ طبعاً بتقولي اني انسان فاضي علشان اتابع الموقع دايما واخلص اشغالي انا متزوج وعندي عيال وأداوم طبعاً قلت هالكلام حتى ما تتعذر بأيه شئ والله لو أنا من الفريدان على هالكلام اللي يكتب عنه والتغريدات اللي تجيه بتويتر لاحذف الـ 30 درجه لاعمال السنه علشان افتك من صياحكم اللي كل ترم |
رد: حسبي الله ونعم الوكيل
ترا انا نفس وضعك السنه اللي فاتت والحمدلله درجات المشاركه كامله انت خلص شغلك كامل وماعليك من الخارطه الاكاديميه يمكن ماتحدثت من وقت ما حملت ويمكن فيه خلل بس الاكيد اذا حملت كل شي حتى لو فيه اكس في الخارطه ان شاء الله تنحسب لك
|
رد: حسبي الله ونعم الوكيل
اقتباس:
اول شي الساعة ب165 اضربها في ثلاثه = 495 ريال المادة ثلاثه ساعات . والمقصد من حذف فقه السيره يوم اشرت له ، أني كنت أخذ 7 مواد مع فقه السيره وبدايه الترم حذفوها وأجلوها الترم الي بعده يعني مفتوح مجال أسجل ماده اخرى . ولاقلت انهم اخذوا فلوس مره ثانيه |
رد: حسبي الله ونعم الوكيل
اقتباس:
ودامك تقولين اغلب مواد الانجليزي ساعتين اجل ماعندك سالفه والنقاش عقيم . انتهى |
رد: حسبي الله ونعم الوكيل
اقتباس:
وبعد مارجعت ضروف نقل من بيت للبيت وانت اخبر بالامور . |
رد: حسبي الله ونعم الوكيل
اخواني نصيحه حل المشاركات والواجبات أول بأول على أساس ماتواجه أي أشكاليه لامن الموقع ولا من الجامعه هاللي امتحنتوها بالانتقادات ماشين اول بأول وأوضاعنا طيبه ولا واجهنا مثل ماواجهتو أما تجلس ا1ا بقى ثلاث ايام تجى تتذمر وتنتقد هالجامعه مو معقوووووول وشكراا
|
رد: حسبي الله ونعم الوكيل
اقتباس:
العام كله لمن تحدثت الخارطة عندي صح بكل موادي لان كنت احلها قبل تفتح الخارطة بس هالسمستر انشغلت بالمذاكره واجلت اخر اربع محاضرات لبعض المواد تقريبا قبل اسبوع حملتها :Looking_anim: صح يمكن ضغط السيرفرات هو الي يخلي بيها مشكلة و الماده نفسها الي ناقصه بيها هي الي حملتهم اخر شئ - نقطة مهمه الله يسعدك و ان شاء الله السمستر الجاي ماكو تاجيل ابدا :icon1: |
رد: حسبي الله ونعم الوكيل
الخارطه مو صحيحه اذا انت عامل لنفسك جدول متابعه وكملت تحميل وحلول للواجبات والمناقشات خلي جدولك هوا خارطتك
وخلاص بلاش تضيع وقتك عليها واستفيد من وقتك في المذاكره وربنا يوفقك وتتخرج بسلام .. |
رد: حسبي الله ونعم الوكيل
صراحة الردود على المطفوقه ريحت بالي
اعوذ بالله من الجهل ومن الطفاقة والمطامر ! ما أدري وش فايدة الدراسة والجامعة والواحد لا يعرف حتى شيء اسمه أدب الحوار الله ييسر أمورك أخ مغاط ويعينك على الجامعة وعلى المطافيق والملاقيف والجهلة |
رد: حسبي الله ونعم الوكيل
أنا في المستوى 9 ! وخريج بإذن الله ولم يمر علي طوال دراستي شيء يذكر ولكن هذا الشيء لا يعطيني الحق في سب خلق الله أو الانتقاص منهم أو تكذيبهم ..
فهناك طلاب كثر مرت عليهم بلاوي وظلموا في الجامعة وليس من العدل أن أظن الناس مثلي ماشية أمورهم لذا : من لم يمر بمشكلة يحمد ربه ويترك خلق الله في حالهم ..فقد يعافيهم الله ويبتليك وتنشب وتبكي وتصيح من جد ... |
رد: حسبي الله ونعم الوكيل
الخارطه للأسف مااحتسبت ولا محاضره حملتها الا وحده لإنها بصيغة الجوال والباقي بصيغة الصوت مااحتسب لي:(
من جد الجامعه صارت للنهب بس ننتهي من مشاكل التحميل والحلول نجي للمركز حق الإختبار عندنا في الزلفي أنواع قلة الأدب حاطينا بمكان أشبه بالحضانه صالة ألعاب حاطين فيها كراسي لإختبارنا وكل من جت تختبر جابت بزرانها ينططون ويزعجون وحنا الضعيفين ماندري نحل وإلا نبكي وخاصه الانجلش يبي لنا جو فيه هدوء علشان نركز مافيه مكان مهيء صح:( للأسف الجامعه ماتراعي إلا جيبها |
رد: حسبي الله ونعم الوكيل
طيب انا مظبطه اموري أول بأووول وبرضووا المحاضراات فقققط هي االلي عليها اكس
وكل ماده يمكن محاضره او محاضرتين اللي متحمله مع انهم نفس الصيغه وكل حاجه اتمنى انه فعلا تكون خارطه خاربه وتكون درجاتنا محسوبه والله حرااام |
رد: حسبي الله ونعم الوكيل
يا ام ليالي مدري يا ام ...
وش هالالفاظ الزباله يامريضه وكذاب كذاب اسلوب البرزارين مسويه تدافعين الرجال صادق بكل كلمه قالها ووش عليك منه قليلة تربيه صراحه كيفه ويبي يفضفض ويقول الي بصدره صراحه الله يعين اللي عندك كيف متحملينك واخ مغاط الله يعينك وييسر امرك ي رب الخارطه بهذلت الكل وضيعت وقته .. |
رد: حسبي الله ونعم الوكيل
اقتباس:
يالطيييف:Cry111::Cry111: |
رد: حسبي الله ونعم الوكيل
اقتباس:
فقه السيره انا مثلك اتضررت منه يوم حذفوه واجلوه للترم اللي بعده وسمحو لنا نسجل عشرين ساعه وانا سجلتها كلها , ولكن هذيك المشكله صارت بسبب تصعيد الطلاب ومطالباتهم بتغيير المنهج وانا اول واحده وقفت ضد الطلاب وقتها ولكن الموضوع اتصعد للصحافة واضطرت الجامعه تأجل المادة ( فقه السيرة ) وانا مستوى سابع انجليزي ونعم اغلب المواد ساعتين 12 مادة فقط ثلاثة ساعات يعني 36 ساعه من اصل 132 ساعه |
رد: حسبي الله ونعم الوكيل
اقتباس:
نعم اغلب اللي قاله كذب واتحدى تثبتين غير كذا يا استغفر الله |
رد: حسبي الله ونعم الوكيل
ام الليال راقبي الله في كلامك لا يبتليك في المستقبل *=== (( ما يلفظ من قول إلا لديه رقيب عتيد )) ===* *=== (( ما يلفظ من قول إلا لديه رقيب عتيد )) ===* |
رد: حسبي الله ونعم الوكيل
الله يهديكم صلو عالنبي.. احنا طلبة جامعيين واغلبنا قرب يتخرج اتكلموا بتحضر اكتر من كدا.
|
رد: حسبي الله ونعم الوكيل
الساعه ب 165 احسبيها عدل
|
رد: حسبي الله ونعم الوكيل
كل الشكر للأعضاء ( المحترمين ) الذين شاركوا بهذا الموضوع
وكل الأسف للأعضاء ( الذين احترمتهم ) ولم يقدروا هذا الاحترام. |
رد: حسبي الله ونعم الوكيل
اقتباس:
ام ليالي الله يشفيك :hhheeeart4: اخوي مغاط عز الله ما كّزبت بشي واسال الله ييسهل عليك وعلييينا كل صعب :106: |
رد: حسبي الله ونعم الوكيل
اقتباس:
يامغاط اسالك بالله لها حق عندك ؟؟؟؟؟ وش حقه اللي تتكلمين عنه يابنت الناس يقول لك المادة بها 3 ساعات يعني 3 ضرب 165 يساوي 495 وكلام الرجال صحيح وش بلاك فيك شي الللللللللللللللللللللللللللللهم لا شماته عدد خلقة |
رد: حسبي الله ونعم الوكيل
اللي يقول لا تنتظر لنهاية الترم , الجامعة اعطتنا فترة لاحتساب المشاركات الى تاريخ محدد سواءً حليت المشاركات اول بأول او انتظرت الى فترة بسيطة قبل تنتهي الفترة فهذي حريتي الشخصية ومو من حق الجامعة تحرمني من الدرجات بحجة اني ما حليت الا في آخر الوقت .. هذا اولاً
ثانياً انظمة الجامعة فاشلة ومضروبة وتحتسب الدرجات بالمزاج , ممكن تحمل محاضرات 1 - 2 - 3 بالترتيب , ويحتسب لك المحاضرة 1 و 3 ولا تحتسب 2 ! ثالثاً واخيراً الجامعة الحين حذفت صيغة الصوت للمحاضرات واللي عنده انترنت ضعيف راح يواجه مشكلة في تحميل المحاضرات لأن حجم الفيديو لبعض المحاضرات يوصل اكثر من 300 ميجابايت للمحاضرة الوحدة !! اما حجم نسخة الجوال فيوصل 100 ميجابايت .. بالله هذا مو ظلم ؟؟؟ ولكن ما نقول الا مثل ما قال "مغاط" في عنوان الموضوع حسبنا الله ونعم الوكيل |
رد: حسبي الله ونعم الوكيل
حتنى شيكت الحين على اشياء حليتها بعد التحديث الاول تخيلوا لمن شفتها الحين بعضها عندها صح اخضر وبعضها باقي اكس المشكلة اني حليتها كلها سوى والمحاضرات منزلتها عندي على سطح المكتب كيف كذا !!! + البلاك بورد جزء المحاضرات المباشرة والمسجلة ماتظهرلي جميع الخانات عنده بس خانه وحده تحت كل مادة والمفروض انها 14 خانة للمسجلة و3 خانات للمباشرة(يعني مو مفروض يجي المحاضرة الاولة الثانية الثالثة ...)انا مافيه كذا بس مربع واحد وغيرت المتصفح والاجهزة نفس الشي هيا الحين كيف اعرف اذا الثلاث محاضرات مباشرة تحملت وهو ماطلعلي الا خانة وحدة فقط ؟!ماادري الكل مثلي ؟؟ |
| All times are GMT +3. الوقت الآن حسب توقيت السعودية: 03:33 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام