ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   منتدى ماقبل الجامعه والاستفسارات الأكاديمية العامة للطلاب المنتظمين (https://vb.ckfu.org/forumdisplay.php?f=290)
-   -   [ جامعة فيصل ] : استفسارات بخصوص السكن الحكومي (https://vb.ckfu.org/showthread.php?t=647005)

sa8oon 2014- 12- 30 06:48 AM
استفسارات بخصوص السكن الحكومي
 
السلام عليكم ورحمة الله وبركاته

أنا طالبة في ثالث ثانوي ، ومن النوع الوسواس مرة
ولازم أتطمن على مستقبلي من الحين :16.jpg:

أبي أستفسر بخصوص السكن الحكومي في جامعة الملك فيصل بالاحساء
لأني بحثت كثير ومالقيت إللا مواضيع مرة قديمة

وهذي استفساراتي :mh318:
- السكن عليه رسوم ؟ وإذا إيه كم ؟
- السكن هذا مثل سكن جامعة الملك سعود ؟ بحيث انه يكون مكان كبير مافيه رجال واللي يبيعون في البقالات وكذا كلهم نساء يعني نقدر نطلع بدون عباية !
- كيف جودة السكن من حيث النظافة ، الأثاث ... ؟
- أقدر أحمل معاي أثاث ولا ممنوع ؟
- ممكن اطلب غرفة اكون فيها مع صاحبتي ؟ ولا هم يحطون عشوائي ؟
- ترتيب الطالبات في الغرف تكون على حسب التخصص ! ولا المنطقة ! ولا كيف !
- نقدر نطلع بدون ولي الامر ؟
- الجو بشكل عام هادئ ولا فوضوي ؟
- فيه أماكن نقضي فيها الاشياء الضرورية ؟ مثل سوبر ماركت ، محل ملابس ، مكتبة ...
- المطبخ والحمام يكونون مشتركين ولا في كل غرفة موجود ؟
- كيف التبريد في الصيف والشتاء ؟
- الملابس ، أقدر ألبس على كيفي ؟ ولا فيه أشياء ممنوعة ؟ "سمعت البنطلون ممنوع"

أدري كثرت بالاسئلة :16.jpg:
بس انتو فيكم الخير والبركة :verycute::icon19:

يارب سهل111 2014- 12- 30 09:16 PM
رد: استفسارات بخصوص السكن الحكومي
 
انا اعرف نظام الجمعات في الرياض

موفقه

مررجوج 2014- 12- 31 01:01 AM
رد: استفسارات بخصوص السكن الحكومي
 
موفقه اختي ~

يفيدونكك الاعضاء ~

rab3ah 2015- 1- 23 08:41 AM
رد: استفسارات بخصوص السكن الحكومي
 
الله يوفقك

sa8oon 2015- 1- 28 02:26 PM
رد: استفسارات بخصوص السكن الحكومي
 
مشكورين على ردودكم :)

ممكن أحد يرد على استفساراتي :(
السالفة فيها تحديد مصير

شعاع البنفسج 2015- 1- 29 11:38 AM
رد: استفسارات بخصوص السكن الحكومي
 
اممم والله مقدر افيدكك تماما ..
لكن عندي صاحبتي من القطيف وجات تدرس بفيصل .. بس انها ساكنه مع طالبات في سكن ع حسابها .. بس اكيد المبلغ مقسوم بين صاحباتها .. والسكن ذا خاص بطالبات الجامعه بس ماله علاقه بالجامعه طبعن .. لكن هو صاحب العمارة هيك مخليها للطالبات وموفر لهم سواق كل يوم ثلاثاء يوديهم اسواق المزرعه يشترون مقاضي وكل يوم أحد تقريبا يوديهم العثيم وهيكك

وتقول عادي مرتاااحه .. لأن البنات اللي معها تعرفهم وهيكك ..

سوسآ20. 2015- 1- 29 03:20 PM
رد: استفسارات بخصوص السكن الحكومي
 
وش اسم السكن واذا ممكن رقم ارسلي لي على الخاص

sa8oon 2015- 5- 19 06:52 PM
رد: استفسارات بخصوص السكن الحكومي
 
:(

ساره_1 2015- 7- 12 06:27 AM
رد: استفسارات بخصوص السكن الحكومي
 
ابي اسم السكن لوسمحتو ورقمه ، انا انقبلت بالجامعه وابي اسكن بالحسا بس مره مايمدحون سكن الجامعه نفسه

براآءة طفله 2015- 7- 14 06:14 AM
رد: استفسارات بخصوص السكن الحكومي
 
فيه سكن الخلف لطالبات ب الاحساء للاستفسارات : 0566145487


,اتمنى اكون افدتك ي خيتي
,والباص يجي كل ساعه ل السكن ويوم الثلاثاء يروحون المجمعات يقضون

Mohamme 2015- 7- 16 08:39 AM
رد: استفسارات بخصوص السكن الحكومي
 
انا جهه الطلاب ممكن افيدك بنص اسالتك ..

لك نقطتين من ناحيه السكن : 1-جديد 2-قديم .. 95 بالميه ان خلاص انقلوكم للسكن الجديد بداخل الجامعه ولو تم النقل خلال الصيف بيكون ممتاز لان السكن القديم البنات دايما يشكون منه مثل م اسمع من الاداره واخوات ربعي .. من الكهرب والمبنى نفسه مره مكسر .. وتقريبا كل شي محرومين


بس الجديد في بوابه وحراسه من امن الجامعه ( السكن القديم مافي الا حارس واحد من الجامعه وموقع السكن برا الجامعه عباره عن عماره )
وسمعت كثير من خدماته داخليه بقاله ومطاعم متفقه مع الجامعه وحديقه ..


ومثل ماشفت بعيني سكن مثل سكن الجامعه الجديد مابتحصلين اامن واجمل وارخص منه الا من ناحيه الحريه يعني اقصد طبخ وطلوع ..

اللبس سمعت كانوا ينزلون للمشرفه ببجايم والحين بيصير مخالفات الي ماتلبس عباه حتى لو بتنزل للمشرفه

الغرف بالقديم 2-3 مع بعض ولك القدره تختارين احد البنات لو في مجال . العيال متازمين كم هالنقطه لان في ناس نظيفه غصبن عنهم يسكنون مع ناس تشيش وتدخن او افارقه او ناس جدا وصخين وسوالف ماتنقال .( لحد هالحضه ما عجبني ولا روم مايت كل واحد اسوال من الي قبله:") -- لان انا من النوع الي كل يومه دراسه وهدوء وفلم ع الاب ماحب اي شي ثاني -- ماعلينا


السكن الجديد كل واحد لحاله غرفه صغيره فيها سرير وكبت وطاوله جداريه هذا الي اعرفه ..
من ناحيتي لا تخافين جدا جميل السكن الجديد لو قبلوك لاتردينه


الرسوم للسكن القديم 1125 ريال والجديد مدري كم بس بيغلوه شوي ..


و الاثاث الي تبين تجيبينه كان مسموح للسكن القديم بس مدري عن الجديد
والسكن الجديد والقديم ممنوع الاجهزه الكهربائيه - النساء ممكن استثناء لان السبراي والشسوار وكذا ماعرف-




ترتيب الطالبات عشوائي مو شرط الطب مع بعض بالسكن القديم .. الجديد مافي احد مع احد


الحمامات مشتركه بكل السكنين .
الطلوع من السكن ماعندي معلومه لعلمك بالسكن الجديد حتى العيال بحبسونهم بعد 11 الليل مافي طلعه.


وفي معلومه يوم كنت بعمرك مو فاهمها ( ترا السكن القديم موقت وكل البنات بينقلوهم للسكن الجديد لمن يخلص الجديد واخر الاخبار الي وصلت لي ان تم نقل الاداره النسائيه للسكن الجديد يعني رتبي امورك ع انك لحالك وظبطي امورك مع جاراتك ) بالتوفيق

طموح.14 2015- 7- 30 10:15 AM
رد: استفسارات بخصوص السكن الحكومي
 
اقتباس:
المشاركة الأصلية كتبت بواسطة mohamme (المشاركة 12557651)
انا جهه الطلاب ممكن افيدك بنص اسالتك ..

لك نقطتين من ناحيه السكن : 1-جديد 2-قديم .. 95 بالميه ان خلاص انقلوكم للسكن الجديد بداخل الجامعه ولو تم النقل خلال الصيف بيكون ممتاز لان السكن القديم البنات دايما يشكون منه مثل م اسمع من الاداره واخوات ربعي .. من الكهرب والمبنى نفسه مره مكسر .. وتقريبا كل شي محرومين


بس الجديد في بوابه وحراسه من امن الجامعه ( السكن القديم مافي الا حارس واحد من الجامعه وموقع السكن برا الجامعه عباره عن عماره )
وسمعت كثير من خدماته داخليه بقاله ومطاعم متفقه مع الجامعه وحديقه ..


ومثل ماشفت بعيني سكن مثل سكن الجامعه الجديد مابتحصلين اامن واجمل وارخص منه الا من ناحيه الحريه يعني اقصد طبخ وطلوع ..

اللبس سمعت كانوا ينزلون للمشرفه ببجايم والحين بيصير مخالفات الي ماتلبس عباه حتى لو بتنزل للمشرفه

الغرف بالقديم 2-3 مع بعض ولك القدره تختارين احد البنات لو في مجال . العيال متازمين كم هالنقطه لان في ناس نظيفه غصبن عنهم يسكنون مع ناس تشيش وتدخن او افارقه او ناس جدا وصخين وسوالف ماتنقال .( لحد هالحضه ما عجبني ولا روم مايت كل واحد اسوال من الي قبله:") -- لان انا من النوع الي كل يومه دراسه وهدوء وفلم ع الاب ماحب اي شي ثاني -- ماعلينا


السكن الجديد كل واحد لحاله غرفه صغيره فيها سرير وكبت وطاوله جداريه هذا الي اعرفه ..
من ناحيتي لا تخافين جدا جميل السكن الجديد لو قبلوك لاتردينه


الرسوم للسكن القديم 1125 ريال والجديد مدري كم بس بيغلوه شوي ..


و الاثاث الي تبين تجيبينه كان مسموح للسكن القديم بس مدري عن الجديد
والسكن الجديد والقديم ممنوع الاجهزه الكهربائيه - النساء ممكن استثناء لان السبراي والشسوار وكذا ماعرف-




ترتيب الطالبات عشوائي مو شرط الطب مع بعض بالسكن القديم .. الجديد مافي احد مع احد


الحمامات مشتركه بكل السكنين .
الطلوع من السكن ماعندي معلومه لعلمك بالسكن الجديد حتى العيال بحبسونهم بعد 11 الليل مافي طلعه.


وفي معلومه يوم كنت بعمرك مو فاهمها ( ترا السكن القديم موقت وكل البنات بينقلوهم للسكن الجديد لمن يخلص الجديد واخر الاخبار الي وصلت لي ان تم نقل الاداره النسائيه للسكن الجديد يعني رتبي امورك ع انك لحالك وظبطي امورك مع جاراتك ) بالتوفيق
جدًا الكلام مفيد من ناحية معلومات عامة .. طيب إذا تقدر تفيدنا من ناحية كيف نسجل فيه .؟' وَ وين نروح عشان نطلب السكن
بالإضافة يعني خلاص نطمأن أن السكن توفر وضامنين مكانا .؟ ولا نحط سكن بديل للطوارئ
فيه طلعات للمكتبة و السوبر ماركت بشكل دوري او لا .؟

rano0ona 2015- 7- 31 08:55 AM
رد: استفسارات بخصوص السكن الحكومي
 
مرحبا .. انا خريجة وسكنت بالسكن الجامعي
السكن من تدخلينه ماتطلعين يعني ممنوووع يجيك ولي امرك يطلعك او الي انتي مسويه له وكالة يطلعك بس
اللبس ممنوع تنزلين ببنطلون تحت تنوره او عبايه واذا نزلتي ببنطلون يعطونك مخالفة
الجوالات بالكاميرا ممنوعة والابتوبات لازم تصريح من المديره
كان فيه بقاله ومطعم ومكتبة
وفيه اوقات الباصات تقريبا كل ساعة
وبالغالب الي يقدمون مايطلع لهم على طول الا اذا عندك واسطة
حاليا اعرف بنات مقدمين صار لهم سنة ولسى ماطلع لهم
وساكنين بسكن خاص اسمه تدابير وماعندي فكره عن السكن الجامعي الجديد
وهذا اعلانهم
مجموعة تدابير للسكن الجامعي بالاحساء

يعلن سكن تدابير للطالبات بالإحساء عن استمرارية التسجيل للطالبات والذي يتميز بأحدث وارقي الخدمات والتجهيزات التي تتماشى وتتناسب مع متطلبات الجميع ..

مميزات السكن:
_ تنوع نظام الغرف
( آحادي 9500 ريال – ثنائي 5300 ريال - ثلاثي 3800 ريال ) ..
_ حراسة امنية على مدار (٢٤ ساعة ) ..
_ اشراف نسائي ..
_ اثاث كامل لكل شقة ..
_ خدمة الانترنت المجاني ..
_ توفر المواصلات للجامعة في جميع الاوقات ..
_ توفر بقالة ومكتبة داخل السكن ..
_ توفير كل ماتحتاجه الطالبة من ( المكتبات - الصيدلية - المغسلة - حجوزات القطار ... الخ )
_ خدمه التوصيل المجاني من وإلى سكة الحديد ..

للحجز والاستفسار الرجاء التواصل مع مسؤول السكن
محمود محمد الخميس ( ابو محمد )
0505934865

لمتابعتنا بالانستقرام
الحساب بإسم tadabeer404

http://instagram.com/tadabeer404

laylaa 2015- 7- 31 11:05 AM
رد: استفسارات بخصوص السكن الحكومي
 
انا صارلي اربع سنين بالسكن الجامعي وابد مو ممنوعه جوالات الكاميرا ولا اللاب واساسا حاطين لنا نت بالسكن وعلى اللبس برضو نلبس الي نبيه مو ممنوع البنطلون ... ومن ناحيه الطلعه برا السكن مانقدر الا اذا بنروح محطه القطار ولازم نطلع مع شخص احنا نوكله يطلعنا وطبعا هو من الجامعه نفسها او مع احد من اهلنا ... وحاليا بينقلونا للسكن الجديد لكن ماعرف عنه اي شي وان شاء الله بيقبلون بنات واجد فيه ...

نـــونـــي 2015- 7- 31 01:08 PM
رد: استفسارات بخصوص السكن الحكومي
 
طيب ماعندكم فكره كيف نقدم عليه أو متى ؟؟لأن مانزلوا أي إعلان بالموقع
وانتم متى بينقلونكم للجديد الترم ذا الجاي ولا ماقالوا ؟

rano0ona 2015- 7- 31 06:58 PM
رد: استفسارات بخصوص السكن الحكومي
 
اقتباس:
المشاركة الأصلية كتبت بواسطة laylaa (المشاركة 12582808)
انا صارلي اربع سنين بالسكن الجامعي وابد مو ممنوعه جوالات الكاميرا ولا اللاب واساسا حاطين لنا نت بالسكن وعلى اللبس برضو نلبس الي نبيه مو ممنوع البنطلون ... ومن ناحيه الطلعه برا السكن مانقدر الا اذا بنروح محطه القطار ولازم نطلع مع شخص احنا نوكله يطلعنا وطبعا هو من الجامعه نفسها او مع احد من اهلنا ... وحاليا بينقلونا للسكن الجديد لكن ماعرف عنه اي شي وان شاء الله بيقبلون بنات واجد فيه ...
ماشاء الله كويس والله تطورو .. كنا مخنوقين بشكل رهيب كل شي ممنوع :(177):

بالتوفيق يارب

طموح.14 2015- 8- 1 10:39 PM
رد: استفسارات بخصوص السكن الحكومي
 
اقتباس:
المشاركة الأصلية كتبت بواسطة laylaa (المشاركة 12582808)
انا صارلي اربع سنين بالسكن الجامعي وابد مو ممنوعه جوالات الكاميرا ولا اللاب واساسا حاطين لنا نت بالسكن وعلى اللبس برضو نلبس الي نبيه مو ممنوع البنطلون ... ومن ناحيه الطلعه برا السكن مانقدر الا اذا بنروح محطه القطار ولازم نطلع مع شخص احنا نوكله يطلعنا وطبعا هو من الجامعه نفسها او مع احد من اهلنا ... وحاليا بينقلونا للسكن الجديد لكن ماعرف عنه اي شي وان شاء الله بيقبلون بنات واجد فيه ...
اخيرًا أحد من السكن d:
طيب وَ إذا احتجنا اشياء من المكتبة ككتب الدراسة وَ كذا ما يحطون روحات للمكتبة بشكل دوري .؟'
وَ كيف كنتِ تسجلين في السكن .؟' ,وَ ايش الأشياء المطلوبة .؟' (يا ريت تفيدينا بالتفصيل) 3>

laylaa 2015- 8- 2 07:06 AM
رد: استفسارات بخصوص السكن الحكومي
 
قالو لنا مع بدايه السنه بينقلونا ان شاء الله .. وعلى الكتب انتي تشترينها بنفسك يعني مايودونك مكان واذا تبين شي ظروري ممكن توصين سواق يجيب لك الي تبينه وماتطلعين الا اذا بتروحين لمحطه القطار بس .. انا رحت لهم للسكن وقبلوني والاشياء المطلوبه ماذكررها كلها بس اذكر طالبين مكان السكن الي انا فيه ومكان شغل الوالد ماذكر كل شي ... بس هالسنه مدري يعني كيف بيكون التقديم الكتروني او انتي تروحين بنفسك واداره السكن يداومون مع اول اسبوع دوامات بس يصير شي عن السكن ان شاء الله بجي واكتبه لكم

طموح.14 2015- 8- 2 04:59 PM
رد: استفسارات بخصوص السكن الحكومي
 
مشكورة والله عسى ربي يوفقنا جميع :verycute:عندك ارقام تواصل مع المشرفات او ايميل .؟!

Treeek88 2015- 9- 2 12:18 PM
رد: استفسارات بخصوص السكن الحكومي
 
اقتباس:
المشاركة الأصلية كتبت بواسطة mohamme (المشاركة 12557651)
انا جهه الطلاب ممكن افيدك بنص اسالتك ..

لك نقطتين من ناحيه السكن : 1-جديد 2-قديم .. 95 بالميه ان خلاص انقلوكم للسكن الجديد بداخل الجامعه ولو تم النقل خلال الصيف بيكون ممتاز لان السكن القديم البنات دايما يشكون منه مثل م اسمع من الاداره واخوات ربعي .. من الكهرب والمبنى نفسه مره مكسر .. وتقريبا كل شي محرومين


بس الجديد في بوابه وحراسه من امن الجامعه ( السكن القديم مافي الا حارس واحد من الجامعه وموقع السكن برا الجامعه عباره عن عماره )
وسمعت كثير من خدماته داخليه بقاله ومطاعم متفقه مع الجامعه وحديقه ..


ومثل ماشفت بعيني سكن مثل سكن الجامعه الجديد مابتحصلين اامن واجمل وارخص منه الا من ناحيه الحريه يعني اقصد طبخ وطلوع ..

اللبس سمعت كانوا ينزلون للمشرفه ببجايم والحين بيصير مخالفات الي ماتلبس عباه حتى لو بتنزل للمشرفه

الغرف بالقديم 2-3 مع بعض ولك القدره تختارين احد البنات لو في مجال . العيال متازمين كم هالنقطه لان في ناس نظيفه غصبن عنهم يسكنون مع ناس تشيش وتدخن او افارقه او ناس جدا وصخين وسوالف ماتنقال .( لحد هالحضه ما عجبني ولا روم مايت كل واحد اسوال من الي قبله:") -- لان انا من النوع الي كل يومه دراسه وهدوء وفلم ع الاب ماحب اي شي ثاني -- ماعلينا


السكن الجديد كل واحد لحاله غرفه صغيره فيها سرير وكبت وطاوله جداريه هذا الي اعرفه ..
من ناحيتي لا تخافين جدا جميل السكن الجديد لو قبلوك لاتردينه


الرسوم للسكن القديم 1125 ريال والجديد مدري كم بس بيغلوه شوي ..


و الاثاث الي تبين تجيبينه كان مسموح للسكن القديم بس مدري عن الجديد
والسكن الجديد والقديم ممنوع الاجهزه الكهربائيه - النساء ممكن استثناء لان السبراي والشسوار وكذا ماعرف-




ترتيب الطالبات عشوائي مو شرط الطب مع بعض بالسكن القديم .. الجديد مافي احد مع احد


الحمامات مشتركه بكل السكنين .
الطلوع من السكن ماعندي معلومه لعلمك بالسكن الجديد حتى العيال بحبسونهم بعد 11 الليل مافي طلعه.


وفي معلومه يوم كنت بعمرك مو فاهمها ( ترا السكن القديم موقت وكل البنات بينقلوهم للسكن الجديد لمن يخلص الجديد واخر الاخبار الي وصلت لي ان تم نقل الاداره النسائيه للسكن الجديد يعني رتبي امورك ع انك لحالك وظبطي امورك مع جاراتك ) بالتوفيق
الله يعطيك العافيه
بغيت اسالك عن السكن حق الطلاب وش نظامه ومميزاته ؟

بدريه البهكلي 2015- 9- 2 01:14 PM
رد: استفسارات بخصوص السكن الحكومي
 
فتح التسجيل للسكن


https://apps.kfu.edu.sa/HousingRequest/login.aspx

بالتوفيق ��

طموح.14 2015- 11- 10 01:07 PM
رد: استفسارات بخصوص السكن الحكومي
 
عندي سؤال بالنسبة للأوراق المطلوب تعبئتها وَ نرفعها وَ نرسلها مع طلب الألتحاق عقد الإيجار فيه مكان للدكتور صاحب صندوق الطلاب وَ توقيعه لوين أوديه عشان يعبونه لي .؟


All times are GMT +3. الوقت الآن حسب توقيت السعودية: 02:43 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه