ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   المستوى الخامس - إدارة اعمال (https://vb.ckfu.org/f431)
-   -   [ النظام الأفتراضي ] : انطباعك (قبل) و بعد اختبار سلسلة الامدادات (https://vb.ckfu.org/t648066.html)

Dr. nsroon 2015- 1- 1 07:54 AM

انطباعك (قبل) و بعد اختبار سلسلة الامدادات
 
[align=center][table1="width:100%;background-image:url('http://www.ckfu.org/pic4u/uploads/ckfu1419922127031.jpg');"][cell="filter:;"][align=center]










السلام عليكم ورحمة الله وبركاته
صباح الجد والاجتهاد
ومساء الراحة بعد الاختبار


مثل ما تعودنا في كل سمستر نطرح موضوع الانطباعات لنقرأ انطباعاتنا قبل الاختبار ..
ونعود لنشارك بعد الاختبار قد يتغير الانطباع للاحسن او للأسوء


لذلك شاركونا بأنطباعاتكم

قبل الاختبار
انطباعك عن المقرر ؟ ومدى سهولته وصعوبته بالنسبة لك !

انطباعك عن دكتور المقرر ؟ وعن اسلوب شرحه ومدى تعاونه مع الطلبه

انطباعك عن مذاكرتك لهالمقرر وهل احتجت لوقت طويل او لا

وبعد الاختبار

شارك بإنطباعك عن الاختبار

كلمة موجهة لدكتور المقرر



تنبيه : التجريح ممنوع بأي شكل من الاشكال سواء لهيئة اعضاء التدريس او للاعضاء
يحق لأي عضو ابداء رأيه ايًا كان طالما انه ماتعدى على قوانين الملتقى

* الملتقى يطلع عليه اعضاء هيئة التدريس لذلك اكتب ما تتمنى ان يصل لهم .. وان كان نقد فيجب ان يكون نقد ايجابي عدا ذلك سيحذف
* الموضوع سيُفيد طلاب المستويات القادمة فلا تبخل برأيك عن المقرر او الدكتور او الاختبار

كل التوفيق لكم احبتي :rose:






[/align][/cell][/table1][/align]

مها ناصر 2015- 1- 1 08:00 AM

رد: انطباعك (قبل) و بعد اختبار سلسلة الامدادات
 
قبل الاختبار
انبطاعك عن المقرر ؟ ومدى سهولته وصعوبته بالنسبة لك !

هو سهل بس تحسينه صعب :hahahahahah: شلون عاد هذي ما أدري

أوضح اكثر سهل بس معلوماته تلحس المخ متشابه كثير

انبطاعك عن دكتور المقرر ؟ وعن اسلوب شرحه ومدى تعاونه مع الطلبه

الله يعطيه العافيه متعاون كثير وعلى قولة الطلبه و الطالبات بيجيب من الأختبار الفصلي و الواجبات 35 سؤال ماقصر

انطباعك عن مذاكرتك لهالمقرر وهل احتجت لوقت طويل او لا

ماخذت وقت طويل يعني نص ونص بس الله يستر ويوفقنا جميعاً

وفالكم ان شاء الله A+

وسلامتكم

أمواج... 2015- 1- 1 10:27 AM

رد: انطباعك (قبل) و بعد اختبار سلسلة الامدادات
 
-

قبل ؟
شخبط شخابيط لخبط لخابيط مسك الألوان ورسم ع الحيط
الله يسسهل يارب يارب ♡

&حنين الوجدان& 2015- 1- 1 10:35 AM

رد: انطباعك (قبل) و بعد اختبار سلسلة الامدادات
 

قبل الاختبار
انبطاعك عن المقرر ؟ ومدى سهولته وصعوبته بالنسبة لك !
حلو بس يحتاج شوية وقت وتركيز _متوسط مابين سهل وصعب قليل
انبطاعك عن دكتور المقرر ؟ وعن اسلوب شرحه ومدى تعاونه مع الطلبه
الله يعطيه العافيه ماقصر شرح ومساعده لطلاب وطالبات بشكل عام متعاون
انطباعك عن مذاكرتك لهالمقرر وهل احتجت لوقت طويل او لا
ماده حلوه بس دوخ شوي يحتاج لها تركيز
خذت وقت طويل
وان شاء الله بالتوفيق لنا



NoNa.H.S 2015- 1- 1 12:02 PM

رد: انطباعك (قبل) و بعد اختبار سلسلة الامدادات
 
قبل الاختبار
انبطاعك عن المقرر ؟ ومدى سهولته وصعوبته بالنسبة لك !

نوعا ما جيد ومقبول .. لا هو سهل ولا هو صعب نص نص ... يعني مشي حالك

انبطاعك عن دكتور المقرر ؟ وعن اسلوب شرحه ومدى تعاونه مع الطلبه

الله يعطيه العافيه ماقصر شرح جميل ومفهوم واسئلة مفهومة ومراجعات ومتعان ولا عليه اي كلام..
الوعد بعد الاختبار بالتكمله .. مالهم خاتمة الواحد مايضمن عمره ههههههه ..

انطباعك عن مذاكرتك لهالمقرر وهل احتجت لوقت طويل او لا

عن مذاكرتها يعني قراءة على السريع وما اخذت وقت لانه ياقله المنهج ..
والمراجعات مع الواجبات والاختبار ان شاء الله يوفي ..

بعد الاختبار

لي عودة والله يستر ويسهلها

sarh2 2015- 1- 1 02:10 PM

رد: انطباعك (قبل) و بعد اختبار سلسلة الامدادات
 
اتمنى التوفيق للجميع وان الله يسهلها نفس السلوك التنظيمي
والكل يطلع فرحان
متفائله خير بالماده

كائن غير طبيعي 2015- 1- 1 02:11 PM

رد: انطباعك (قبل) و بعد اختبار سلسلة الامدادات
 
أنطباع ...!!
أممممم ما ضنتي والله فيه أنطباع ...!!

الله يستر بس

Dr. nsroon 2015- 1- 1 02:12 PM

رد: انطباعك (قبل) و بعد اختبار سلسلة الامدادات
 
اما انا مش متفائلة ابدا
الدكتور يلعب بالاسئلة بشكل يخلي مذاكرتك بلوشي :sm1:

على قد ما احفظ ارجع احفظ وارجع احفظ
اذا جيت احل اسئلته تطلع معظمها خطأ

للأمانه ما يعرف يكتب اسئلة مباشرة لازم يلف ويدور بالاسئلة


ان شاء الله الاختبار يعكس كل توقعاتي عن الدكتور

صَعب 2015- 1- 1 02:14 PM

رد: انطباعك (قبل) و بعد اختبار سلسلة الامدادات
 
الله يستر بس ..

أدعوا ربي يسهلها من عنده والا الدكتور ما ظنتي حوله سهالات ..:sm1:

اﻷشقر 2015- 1- 1 02:25 PM

رد: انطباعك (قبل) و بعد اختبار سلسلة الامدادات
 
انطباعي قبل الاختبار
بنجيب العيد ونحتفل براس السنه في هذا الامدادات

الدكتور ما يحب المباشر
يحب الف والدوران


الله يكتب التوفيق ونطلع منها سالمين

_سنيوريتا 2015- 1- 1 03:30 PM

رد: انطباعك (قبل) و بعد اختبار سلسلة الامدادات
 
سهل ان شاءالله


موفقيين :53:

همسات رقه 2015- 1- 1 05:12 PM

رد: انطباعك (قبل) و بعد اختبار سلسلة الامدادات
 
بعد الاختبار
اختبار معقد جدا والحمدلله انو فيه شويه من الفصلي والواجبات الا كان مستويات الرسوب عاليه
وبعدين فيه اسئله صيغتها غلط اقرا السوال مفش مطلوب زي التكفله الكليه ومتوسط التكلفه صيغه السوال كانت خطا وماشفع لنا الا انه موجوده بالملزمه ومتذكرين الاجوبه

صاحب السعادة 2015- 1- 1 05:21 PM

رد: انطباعك (قبل) و بعد اختبار سلسلة الامدادات
 
تروح للاختبار ضامن الدرجه كامله
تشوف الورقه تضمن النص
تطلع من الاختبار تقول اهم شي النجاح
توصل للبيت حامل الماده

اللهم لك الحمد حتى ترضى ولَك الحمد اذا رضيت ولَك الحمد بعد الرضى

.

حُروف آنثوية 2015- 1- 1 05:31 PM

رد: انطباعك (قبل) و بعد اختبار سلسلة الامدادات
 
الجدول تبع التقديرات من وين جايبه اذكر المنهج فيه جدولين الزبده جمعت طرحت وخبصت ، الاسئلة لاعب فيها طريقه كتابه الاسئلة فااااشلة اجل حاط لي سؤال صح وخطأ فوق ولا بين المسائل مادري وش الهدف من التعقيد ومحاوله تصعيب ماده سهله مو شطاره والله
بالعكس الواحد يحصل دعاوي هو في غناء عنها ، وعلى اساس يقول بيجيب من الفصلي مدري الواجبات 35 سؤال ! الحمدالله سويت اللي علي ذاكرت كل شيء والباقي على الله وحسبي الله ونعم الوكيل

مُتفائله 2015- 1- 1 05:38 PM

رد: انطباعك (قبل) و بعد اختبار سلسلة الامدادات
 
انا ما اقول غير حسبي الله ونعم الوكيل .. انا ما ابكي على درجات الدنياء بس مره ذي نقهرت وين كلامه لعب الاسئلة لعب :Cry111:

نوآيف السليمان 2015- 1- 1 05:47 PM

رد: انطباعك (قبل) و بعد اختبار سلسلة الامدادات
 
حسبي الله ونعم الوكيل

مريوم 2 2015- 1- 1 05:56 PM

رد: انطباعك (قبل) و بعد اختبار سلسلة الامدادات
 
اختبارررررررررر مدري شاقول عنه على اني مذاكرة لين الفصل الخامس قبل الاختبارات الا انه الاختبار صعععب
وجدول حق الموردين مدري وشوه ماعرفت ولا شيئ منه حطيت من عندي والاختيارات تلخبط ماتدري وش تختار وش تخلي معققققققد مرررررة

خووخه المطيري 2015- 1- 1 06:18 PM

رد: انطباعك (قبل) و بعد اختبار سلسلة الامدادات
 
:sm1: الاختبار زفت ورايحه وعندي احساس انه صعب وفعلاً كان معقد

سد نفوسنا ويوم جت الرسمه الا مشقلبه الدنيا :hahahahahah: يا فرحه ما تمت

وأخلففف بالوعد شالفايده من التلاعب بالاسئله بالاخير هذا تقييم لنا مو تحدي

والجدول حق الوزن هذا مو موجود بالملخص ؟؟

نطلب من الله التوفيق والنجاح :Cry111:

الطالب × 2015- 1- 1 06:23 PM

رد: انطباعك (قبل) و بعد اختبار سلسلة الامدادات
 
كان الله في عونكم...
التاريخ يعيد نفسه ...
كأني اقرأ في ردردنا الترم الماضي عن اختبار نفس المادة.!!
معوضين خير يارب.

هنْد ! 2015- 1- 1 06:28 PM

رد: انطباعك (قبل) و بعد اختبار سلسلة الامدادات
 
زيييييي الخ.********
والله اني كنت متقائله بالماده
بس صدمني كل حقر بقرا قلي عمي وبعدين الجدول
الوزن ومدري وش من اي تبن جايبه انا جمعت عامود ب وطلع لي الجواب
وجمعت عامود ج مع بعض وطلع لي الجواب بس الله يسامحه وهي جت على الجدول
المهم انجحح ما ابغا احملها :o

jass 2015- 1- 1 06:29 PM

رد: انطباعك (قبل) و بعد اختبار سلسلة الامدادات
 
تم استخدام عامل الخبره وقانون عد العشره وطريقة غمض واختار الاجابه
�� بالله تسهلها

katchup 2015- 1- 1 06:31 PM

رد: انطباعك (قبل) و بعد اختبار سلسلة الامدادات
 
الاختبار جدا جدا صعب و ملخبط يشتت ويتوه
الله يسامح الدكتور
وان شاء الله ننجح فيها لو عالحفه
وجزا الله خير الجزاء لكل من تعب واجتهد في تجميع الاسئلة والكويزات
موفقين جميعاً

Dr. nsroon 2015- 1- 1 06:32 PM

رد: انطباعك (قبل) و بعد اختبار سلسلة الامدادات
 
الحمدلله على كل حال
من الفضاوة تركت الحل وجلست اعد

15 مسئلة ماقدرت احل منها الا 12
الرسومات 3 اسئلتها 11
الاختبار الفصلي و الواجبات بحدود 28 سؤال اذا مو اقل


اما الصح والخطأ لا تعليق :sm1:
ليش يسويه كذا !
مايعرف يحط كل سؤال وخياراته تحته يعني ؟
بغت تطير كم درجة مني لانه ماكنت منتبهه للاسئلة

الخط المستخدم ابدا غير مريح
ضامنه نجاحي ولله الحمد مع ذلك اسوء اختبار قدمته الى الان

moon2009 2015- 1- 1 06:42 PM

رد: انطباعك (قبل) و بعد اختبار سلسلة الامدادات
 
ان شاء الله الكل نجح او يزدونكم 6او10دجات مثل الادارة الماليه
اليوم كان عيدي مااخذت الماده من يوم شفت انطباع طلاب المستوى اللي قبلنا حذفت الماده قلت وش الفايده
بعدين ارجع ادرسها من جديد اصبر للسنه الجايه يمكن يتغير دكتور وائل
الله يكتب لكم اللي فيه الخير وتنجحون

ربك يعين 2015- 1- 1 06:49 PM

رد: انطباعك (قبل) و بعد اختبار سلسلة الامدادات
 
اﻻختبار جدا سيئ

طريقة الاساله جدا تخربط

واﻻساله دش تخلي عيونك تنحول عشان تعرفين ذا من الخيارات وﻻ سؤال جديد :mad:

عموما الله يستر ويبلغنا الفل مارك

zytoona 2015- 1- 1 06:50 PM

رد: انطباعك (قبل) و بعد اختبار سلسلة الامدادات
 
كنت رايحه وانا متفائله
بس انصدمت لمن استلمت ورقه الاختبار
كان مره صعب الاختبار
وبعض الاسئله مانتبهت لها
لازقه في بعض ابد مافي مساحه...

بس ضحكني بالاخير اسم الدكتور
مافي زخرفه ماحطها على اسمه:hahahahahah:

عبير المطيري 2015- 1- 1 06:54 PM

رد: انطباعك (قبل) و بعد اختبار سلسلة الامدادات
 
هذا يطقطق علينا يقول كلام ومايسويه خير والله يقهر على الاقل جيب 35 سوال الي هبدت صدرك تجيبها ولا كله كلام ...بس ابي افهم وش اسافد😰 والله جلست اقلب الصفحات اقول يمكن الي بعدها سهله ماش شكله كاتبها وهو زعلان😭😭😭

Olivia 2015- 1- 1 06:54 PM

رد: انطباعك (قبل) و بعد اختبار سلسلة الامدادات
 
انا مدري هو سهل ولا صعب :(136):
مدري هو دفاره مني ولا لاني مااعرف :(17):
المهم من كم درجة النجاح
70 ولا 50 ؟؟
يارب انها 50 ي رب
:confused:

مها ناصر 2015- 1- 1 06:54 PM

رد: انطباعك (قبل) و بعد اختبار سلسلة الامدادات
 
حليت وحليت وحليت

مدري عاد هو انا جايبه العيد ولا عدت

عبير المطيري 2015- 1- 1 06:55 PM

رد: انطباعك (قبل) و بعد اختبار سلسلة الامدادات
 
استفاد***** ��من الزعل اكلت الحروف

wejdan.s 2015- 1- 1 06:58 PM

رد: انطباعك (قبل) و بعد اختبار سلسلة الامدادات
 
امانه وش استفاد الحين هو واستاذ المحاسبه
يعني ليتهم يتعلمون من استاذ السلوك التنظيمي يمين بالله جتني البكيه وش ذا ليه طيب من مزعله الدكتور : (

عبير المطيري 2015- 1- 1 07:03 PM

رد: انطباعك (قبل) و بعد اختبار سلسلة الامدادات
 
لازم احد يكلمة يقوله وين 35 سوال😡 ي ربي والله كنت متحمسه واقول باذن الله بطلع اضحك طلعت معصبة وفوق كل ذا جاني خبر سئ وفاة شخص يقرب لي💔💔 الحمدالله

sarh2 2015- 1- 1 07:06 PM

رد: انطباعك (قبل) و بعد اختبار سلسلة الامدادات
 
الحمد الله الاختبار كان متوسط مو ذيك الصعوبه
واكثر من النص الاسائله واضحه
يوم شفت الكل يقول صعب خفت اني جايبه العيد بس الحمد الله شفت المحتوى
والحمد الله اطمنت
والجدوال التقديرات موجود في الفصل الخامس ومو ذيك الصعوبه يحلها لي ما ذكرها كل الدعوه جمع وضرب
الله يوفق الجميع

زريال 2015- 1- 1 07:09 PM

رد: انطباعك (قبل) و بعد اختبار سلسلة الامدادات
 
الاختبارجداً صعب والمشكلة يحط السؤال ويكتب اغلبية الاسألة ليس من ضمن
وشابك الصح والخطأ وسط الخيارات انا اول مرة آخذ ورقة ثقيلة بوزنها واسألة تجيب الهم

اتمنى لي ولكم التوفيق والنجاح

الحيمود 2015- 1- 1 07:15 PM

رد: انطباعك (قبل) و بعد اختبار سلسلة الامدادات
 
الاختبار صعب جدا

I Afnan 2015- 1- 1 07:20 PM

رد: انطباعك (قبل) و بعد اختبار سلسلة الامدادات
 
هههفففففف سديتو نفسي من المذاكرة ، مع إني ما أخذت هالمقرر :39:

والله شيء يضيق الصدر حسبي الله عليهم :verycute:

وطنيـ wtneat ـات 2015- 1- 1 07:22 PM

رد: انطباعك (قبل) و بعد اختبار سلسلة الامدادات
 
بيض الله وجهه
وجاد الله على من تكلف

Olivia 2015- 1- 1 07:29 PM

رد: انطباعك (قبل) و بعد اختبار سلسلة الامدادات
 
المهم الحين احد يجاوب من كم درجه النجاح
:)

عششقي الدراسسه 2015- 1- 1 07:36 PM

رد: انطباعك (قبل) و بعد اختبار سلسلة الامدادات
 
حسبي الله وكفى هذا اللي اقدر اقوله

عششقي الدراسسه 2015- 1- 1 07:37 PM

رد: انطباعك (قبل) و بعد اختبار سلسلة الامدادات
 
^
درجة النجاح ٦٠ ��

حلمي الوظيفه 2015- 1- 1 07:39 PM

رد: انطباعك (قبل) و بعد اختبار سلسلة الامدادات
 
الحمدلله الاختبار كان متوسط حليو وبعيد جدآ عن الصعوبه والله ماقصر الدكتور الله يعطيه العافيه

صاآلح البريكي 2015- 1- 1 07:55 PM

رد: انطباعك (قبل) و بعد اختبار سلسلة الامدادات
 
الاختبار بالبدايه كآان ككويس الى عششرين سؤال بعدها ماحليت اي فقره لين 67
كويسس اخر شي جايب جميع م سسبق كثيرر اخترتها وبس ههههههههه
المهم تخطيط الاسئله فاشل حاط مربعات وحركات لعب ببعيوني وضعنى
المهم انه صعب ويارب النجاحح

H A N O 2015- 1- 1 07:57 PM

رد: انطباعك (قبل) و بعد اختبار سلسلة الامدادات
 
اختبار سيء ، يارب ننجح بس

اصلا عادي 2015- 1- 1 08:00 PM

رد: انطباعك (قبل) و بعد اختبار سلسلة الامدادات
 
فيه اسئله سهله ووسط واغلبه صعب وماجاء الا كم سؤال تنعد بالاصابع من الاختبار الفصلي والواجبات الي قهرني انه عصب لما سالوه طلاب عن الواجبات والاختبار الفصلي ايه دا ياباشا

اصلا عادي 2015- 1- 1 08:01 PM

رد: انطباعك (قبل) و بعد اختبار سلسلة الامدادات
 
يارب بس درجت النجاح يارب

صَعب 2015- 1- 1 08:26 PM

رد: انطباعك (قبل) و بعد اختبار سلسلة الامدادات
 
أستغرب للي درس معه مقرر مبادئ التسويق ولا يعرفه باقي ؟؟!!!
ياخي المؤمن لا يُلدغ من جُحر مرتين .. اللي صدقوه وأعتمدوا على كلامه الله يعينهم صراحه ..
( أنا واحد ما صدقته ولا راح أصدقه وعطيته في وجه بالقاعه ..)

واللي يقولون إن شاء الله بس درجة النجاح حاب أقولهم إننا راح ننجح غصب عنه وعن غيره اذا على درجة النجاح بس ، ولكن حرام خسف المعدلات بالتصعيب المقصود اللي قاعد يتعمده بعض الدكاتره ، بنظام ( أتحدى واحد يجاوب )

وحاب أقولكم إننا اشتكينا ووصلنا صوتنا وصوت الجميع للعميد الدكتور صالح الراشد ، وحدد لنا موعد نقابله بعد الاختبارات إن شاء الله على طول عشان نشوف كل النتايج ونتفاهم معه في اللي قاعد يصير بشكل عام ..


إنسو الإختبار ذا وفكرو في الجاي وبإذن الله تعالى نعوض المعدل والدرجات فيهم ..

abu karaim 2015- 1- 1 08:26 PM

رد: انطباعك (قبل) و بعد اختبار سلسلة الامدادات
 
يا خرابي يا خرابي:Cry111::Cry111::Cry111::Cry111::Cry111: وحمد لله على كل حال والله يعوضكم خير ان شاء الله :106::106:

wed majed 2015- 1- 1 08:50 PM

رد: انطباعك (قبل) و بعد اختبار سلسلة الامدادات
 
الاختبار وايد صعب =(
اول صفحه استانست قلت بجيب a
قلبت الصفحه وشفت عجاج السنيني =0
يارب ننجح فيها بسسسس

wed majed 2015- 1- 1 09:02 PM

رد: انطباعك (قبل) و بعد اختبار سلسلة الامدادات
 
اقتباس:

أستغرب للي درس معه مقرر مبادئ التسويق ولا يعرفه باقي ؟؟!!!
ياخي المؤمن لا يُلدغ من جُحر مرتين .. اللي صدقوه وأعتمدوا على كلامه الله يعينهم صراحه ..
( أنا واحد ما صدقته ولا راح أصدقه وعطيته في وجه بالقاعه ..)

اتفق معاك .. المشكله اقول للبنات بس ماش محد مصدقني اقول لهم اسالته لف ودوران الحين صدقوني :(


عبير المطيري 2015- 1- 1 09:17 PM

رد: انطباعك (قبل) و بعد اختبار سلسلة الامدادات
 
يسعدك ربي ي صعب على هالرد الي يبرد الخاطر ������ اي تكفون خلونا نلخص من المادة ذي الزفت

أمواج... 2015- 1- 1 09:32 PM

رد: انطباعك (قبل) و بعد اختبار سلسلة الامدادات
 
-

ازفت اختبار :119:
ليه كذا ليه ؟
واللي اقولهم ابغى ابكي يقولون ماتو اللي يبكون على اختبار
تعاالوو شوفو هالردود جد تبكي < ترى استهبل ماببكي بس شيء يعبر عن افف :icon9:

المهم شكل الورق مززززعج وتوزيع الأسئله مو لطيف
الحين انا احل اختياري يجي واحد قزم (صح وخطأ) يقول انا هنااا حلووني
^
الوصف :lllolll:
ووووووين اللي يقول من الاختبار الفصلي والواجبات 35 سؤال ؟!
تراا جد طاح الدكتور من عيني لأنه ما وفى بوعده !

كلممة صعب قليلة عليه ،، ويلا اكمل....
شخبط شخابيط لخبط لخابيط مسك الألوان ورسم ع الحيط
قسسم بالله شخبط بالاختبار اليوم شخابييييط افف !

المربع الأول 2015- 1- 1 09:48 PM

رد: انطباعك (قبل) و بعد اختبار سلسلة الامدادات
 
كاد المريب يقول خذوني

وضع مجموعة من الأسئلة في البداية كانت تقرأ وتفهم وتحل بعدها عاد ومارس هواياته جلست كل سؤال اقرأة عشر مرات حتي افك الطلاسم وأقدر افهمة ! ما ان أخمن الاجابه حتي يأتي السؤال إلا بعده يقول إلا فوق خطأ الاسيئله اغلبها كانت عجيبة اقلب الصفحة من اربع الجهات لعلي افهم السؤال !!!!

يكاد المريب يقول خذوني حضر لنا القاعة وقال خليني اتغدى فيهم قبل ما يتعشوا فيني كان يبي يثبت انه صادق في كلامه مع ان ما حد ناقشه في الامر يكاد المريب يقول خدوني

تمنيت من الشباب إلا بالقاعة ما حد تكلم معاه لكن .....

NoNa.H.S 2015- 1- 1 10:02 PM

رد: انطباعك (قبل) و بعد اختبار سلسلة الامدادات
 
ما اقووول غير حسبي الله ونعم الوكيل ...

امرنا لله من قبل ومن بعد ..

وطريقة الدكتور للاسئلة ( وروني كيف بتحلووون )

Doo3a_al3bbad 2015- 1- 1 10:03 PM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة αмjαḋ (المشاركة 11892958)
-

ازفت اختبار :119:
ليه كذا ليه ؟
واللي اقولهم ابغى ابكي يقولون ماتو اللي يبكون على اختبار
تعاالوو شوفو هالردود جد تبكي < ترى استهبل ماببكي بس شيء يعبر عن افف :icon9:

المهم شكل الورق مززززعج وتوزيع الأسئله مو لطيف
الحين انا احل اختياري يجي واحد قزم (صح وخطأ) يقول انا هنااا حلووني
^
الوصف :lllolll:
ووووووين اللي يقول من الاختبار الفصلي والواجبات 35 سؤال ؟!
تراا جد طاح الدكتور من عيني لأنه ما وفى بوعده !

كلممة صعب قليلة عليه ،، ويلا اكمل....
شخبط شخابيط لخبط لخابيط مسك الألوان ورسم ع الحيط
قسسم بالله شخبط بالاختبار اليوم شخابييييط افف !

وانا عند ربي صادقه ماتو اللي يبكون عشان اختباار ..
تخيلي بكيتي اقسم بلله ماعرفك ..
انتي موودي لعاب براسسك مخليك دلع 10000 مو حلو علييك على برووك اوك بس عليك لا ..
:(269): :hahahahahah:

الزبده لا ترتيب الاسئله ولا اخراج الصفحه عجبنيي ولا التنسيق الا و
حسيته لحججي :icon120:
:verycute:

من طلعت من البيت وانا اقول قلبي مو متطمن
بس عارفين شغله لاتظلمونه تراه الجداول والرسمتين مره دايركت نفس اللي بالواجب
بس الباقي ما قوول الا
قفففز الارنب
:verycute::004::004:

رَذاذُ مَـطرْ 2015- 1- 1 10:11 PM

رد: انطباعك (قبل) و بعد اختبار سلسلة الامدادات
 

تعبيتي نفسانة منو لله :(
الاختبار كان مستنقع .. مايحتاج اكمل باقي الصورة
وبلاش نكون مؤدبين زيادة ونقول الدكتور "مالتزم" .. خلونا نكون صريحين ونقول "كذب" ...
وسلامة روسكم الطيبة من كل شر
..

وبالنسبة للجماعة اللي بتتكلم عن الجدول اللي جاء بالاختبار ومو موجود بالملخص الجديد
الجدول موجود في المحتوى وبالمحاضرات المسجلة ومشروح شرح كامل واللي ماتابع التسجيلات ذنبه على جنبه
العلة كانت في النقص أثناء التلخيص

د.العنود 2015- 1- 1 10:28 PM

رد: انطباعك (قبل) و بعد اختبار سلسلة الامدادات
 
مافي وصف يوصف صعوبه الاسئله ابدا ابدا
ليه اللف والدوران ................... الله يستر بس

حلمي الوظيفه 2015- 1- 1 10:30 PM

رد: انطباعك (قبل) و بعد اختبار سلسلة الامدادات
 
ي جماعة الخير انا اشوفه احسن من السلوك التنظيمي مو لهدرجه صعب:53:

Ndooshi 2015- 1- 1 10:40 PM

رد: انطباعك (قبل) و بعد اختبار سلسلة الامدادات
 
انطباعي سيئ جداَ:sm1:
ليه كذا ؟ ليه يعطينا كلمه وبعدين يخلف بوعده:119:
انا توقعت هذي الحركه ومع ذلك الاسئله بعد تضيق الصدر !


حسبي الله ونعم الوكيل:119:

عبق انثوي 2015- 1- 1 10:49 PM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة حلمي الوظيفه (المشاركة 11893136)
ي جماعة الخير انا اشوفه احسن من السلوك التنظيمي مو لهدرجه صعب:53:


بصراحه حرام مقارنة السلوك التنظيمي بختبار اليوم

صحيح كمنهج طويل وكتاب وملزمه ومايتخلص ولاكن الاسئله جدا سلسه ومنسقه

اما اختبار اليوم تحبيط تحطيم خصوصا الى كان مفكر ان راح ياخد + A

:71::71::71::71::71:


بصراحه طريقة الاسئله ماتبي ناس فاهمه ولا حافظه مثل الالغاز :(284)::(284):

المشكله كل ماسمعت له حسيته وجهه بريئ وان طيب :verycute::verycute::verycute:


وطلعنا بالاخير نحن المساكين :(177):

نفسي اعرف الي يقولون الاسئله سهله

ابيهم يرووزني كم المعدل حقهم بهدي الماده ادا طلعت النتايج على خير:mh318::mh318:

Hala,u 2015- 1- 1 10:51 PM

رد: انطباعك (قبل) و بعد اختبار سلسلة الامدادات
 
سبحان الله العظيم كان عندي احساس كبير انه بينكبنا وكنت حاسة انه بجيب اسئلة جديدة مال امها دخل باللي نردده ��و التركيز على الفصل الخامس بالذات اللي ماركزنا عليه اسئلة كثيرة ،،،، طب كان يقول اني رح اختار فصل وافص فص امه تفصيص ،،،،،،،. بس حسيت انه فيه لعبة ��وش هي او من اي زاوية بيهجم ��مدررررري؟؟؟؟؟!!!!!������

shima 2015- 1- 2 12:07 AM

رد: انطباعك (قبل) و بعد اختبار سلسلة الامدادات
 
اختبار جداً جداً جداً صعب و مايعرف يرتب الاسئله فجاءه بين الاختياري صح وخطاء خييير ��

Doo3a_al3bbad 2015- 1- 2 12:24 AM

رد: انطباعك (قبل) و بعد اختبار سلسلة الامدادات
 
:verycute::verycute:
رحمتكم الى الان تتحلطمون ومحد حولكم وسامع لكم ..
ركزو بالمواد الجايه معوضين خيرر ان شاء الله ..
ربي يعدي السنه والسمستر اللي باقيين على خير ..
:004::004:

sumai 2015- 1- 2 12:56 AM

رد: انطباعك (قبل) و بعد اختبار سلسلة الامدادات
 
,


اول شغله انطباعي قبل الاختبار للامانه كنت متفائله انو بيجيب من الفصلي والواجبات واجد
وكنت متوقعه انو بتجي كم فقره ما رح احلها يعني قلت ب آخذ b اذا مره :)
على ان البنات كلهم قالوا يلف ويدور قلت لا التسويق كان تمام شوي جاب من المراجعه :)

ويوم جت الورقه طبعاً بما ان فيه اجزاء ناقصه بالملخص و ما عرفتها الا بالكليه دورت عليها
وحليتها اول شي
وثم جت الجلطه الصح و الخطأ فجأه تطلع بين الفقرات ولا ب راس الصفحه انو صح او خطأ و السؤال بنهاية الصفحه ما
انتبهت الا لما جيت اظلل ما فيه جواب للفقره تنسيق وترتيب للفقرات مخيس ويلخبط جدداً خط مخيس :)
و الاختيار من متعدد زي الخ*** :) اقرا الفقره اكثر من مره واختار جواب ارجع اقراه مره2 واغيره كل شوي
لعب ب صيغ الاسئلة بطريقه تنرفز ،
للمعلوميه ذاكرت المخلص + الفصلي و الواجبات لحد يقول ما درستوا زين او ركزتوا على الواجبات والفصلي
يعني فيه شغلات ما مرت عليّ الا بالقاعه الحمدلله :smile:

ما نقول الا حسبُنا الله وكفى ...
مشكور صعب (انو كلمت الدكتور صالح) والكويزات
ششكراً نصرون على الكويزات :004:
شكراً كائن غير طبيعي على التجميع وشرحك للواجبات والفصلي :icon1:
مشكور طالب x على المراجعه اللي حطيتها لو ما نزلتها ما كان حليت اللي جاء منها :106:

واتمنى الدكتور صالح يتعاون معنا و نعدي جميعاً هالمقرر :verycute:
واسفه على الاطاله بس نرفززه معلييش :icon9:

يآس 2015- 1- 2 01:09 AM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة ѕЗв αɴѕαĸ (المشاركة 11892807)
أستغرب للي درس معه مقرر مبادئ التسويق ولا يعرفه باقي ؟؟!!!
ياخي المؤمن لا يُلدغ من جُحر مرتين .. اللي صدقوه وأعتمدوا على كلامه الله يعينهم صراحه ..
( أنا واحد ما صدقته ولا راح أصدقه وعطيته في وجه بالقاعه ..)

واللي يقولون إن شاء الله بس درجة النجاح حاب أقولهم إننا راح ننجح غصب عنه وعن غيره اذا على درجة النجاح بس ، ولكن حرام خسف المعدلات بالتصعيب المقصود اللي قاعد يتعمده بعض الدكاتره ، بنظام ( أتحدى واحد يجاوب )

وحاب أقولكم إننا اشتكينا ووصلنا صوتنا وصوت الجميع للعميد الدكتور صالح الراشد ، وحدد لنا موعد نقابله بعد الاختبارات إن شاء الله على طول عشان نشوف كل النتايج ونتفاهم معه في اللي قاعد يصير بشكل عام ..


إنسو الإختبار ذا وفكرو في الجاي وبإذن الله تعالى نعوض المعدل والدرجات فيهم ..

👌

الطالب × 2015- 1- 2 01:24 AM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة عبير المطيري (المشاركة 11892594)
لازم احد يكلمة يقوله وين 35 سوال😡 ي ربي والله كنت متحمسه واقول باذن الله بطلع اضحك طلعت معصبة وفوق كل ذا جاني خبر سئ وفاة شخص يقرب لي💔💔 الحمدالله


عظم الله لكم الأجر وألهمكم الصبر.
لله ما أخذ وله ما أعطى وكل شيء عنده بأجل مسمى.

احسن الله عزائكم.

اﻷشقر 2015- 1- 2 02:00 AM

رد: انطباعك (قبل) و بعد اختبار سلسلة الامدادات
 
السلام عليكم
حسبي الله ونعم الوكيل
الله يعوضنا في باقي المواد

saad ali 2015- 1- 2 02:31 AM

رد: انطباعك (قبل) و بعد اختبار سلسلة الامدادات
 
كذاب كذاب كذاب اكذب دكتور بالحيييياه
وبقولها كذا علني قهههرني حسبي الله عليه :007::007::007:
حسبي الله ونعم الوكيييييييييييييييييييييييييييييييييييييييييييييي يييييييل


انا د/روني ودخلت بحساب بابا مافيني ادخل ع حسابي :lllolll::(269):

فهد الخالدي911 2015- 1- 2 03:07 AM

رد: انطباعك (قبل) و بعد اختبار سلسلة الامدادات
 
الاختبار صعب والشي الثاني الي يخليك جد تستغرب مثل ماذكرو الاخوان ملخبط ام الدنيا صح وخطا تطلعلك بالنص واسئله في صفحه والجواب في صفحه ثانيه
لكن الله يعينا وياكم انسو الماده وفكرو با الي جاي

بالتوفيق للجميع

النادر فهد 2015- 1- 2 10:01 AM

رد: انطباعك (قبل) و بعد اختبار سلسلة الامدادات
 
السلام عليكم
حسبي الله ونعم الوكيل


اقتباس:

المشاركة الأصلية كتبت بواسطة فهد الخالدي911 (المشاركة 11893944)
الاختبار صعب والشي الثاني الي يخليك جد تستغرب مثل ماذكرو الاخوان ملخبط ام الدنيا صح وخطا تطلعلك بالنص واسئله في صفحه والجواب في صفحه ثانيه
لكن الله يعينا وياكم انسو الماده وفكرو با الي جاي

بالتوفيق للجميع


ال هنوف 2015- 1- 2 11:44 AM

رد: انطباعك (قبل) و بعد اختبار سلسلة الامدادات
 
-

في المختصر اختبار محيييييوس حوستن مالها اول ولا تالي :Looking_anim:
تأخرت في الحل كل اشوي احل ولما اركز يطلع غلط واغير :Looking_anim:


عاد والصح والغلط اللي مدسوسين هذي لحاله حكايه :no:


الله يعوضنا خيرر بس :16.jpg::rose:

وحسبي الله ونعم الوكيل :16.jpg::rose:

وششششششششكرا للكل من ساعدنا هينااااا :icon120: :icon19::icon19::icon19::icon19::icon19::icon19:


..


ibrahim alwan 2015- 1- 2 01:18 PM

رد: انطباعك (قبل) و بعد اختبار سلسلة الامدادات
 
الاختبار كان جدا جدا جدا صعب... خلانا نتمنى درجة النجاح بس

بنت الجبيل~ 2015- 1- 2 02:38 PM

رد: انطباعك (قبل) و بعد اختبار سلسلة الامدادات
 
مااقول غير حسبي الله ونعم الوكيل فيه من دكتور

الله لايحلله مايكفي اللي سواه فينا بالتسويق

انا ذاكرت المحتوى كامل والواجبات والمراجعه حقت السمستر العام والرسومات وانا مافلحت كيف اللي درسو

الواجبات والفصلي بس الله يكون بالعون

الدكتور ماهمه الا بس يزخرف اسمه بنهاية الورقه

:mad::mad:

alnourri A 2015- 1- 2 03:47 PM

رد: انطباعك (قبل) و بعد اختبار سلسلة الامدادات
 
:حسبي الله ونعم الوكيل
طلعت من القاعه لقيت الكل قاعد يدعي عليه
بالله وش استفاد الحين غير الدعاوي ؟؟؟؟؟
اوك عرفنا انه برفسور بس ليه يكذب...,,,؟؟؟؟

moon2009 2015- 1- 2 06:38 PM

رد: انطباعك (قبل) و بعد اختبار سلسلة الامدادات
 
بصراحه وبكل صدق ودي اشوي ايش انطباع الدكتور بعد ماقرا كلامكم عنه
وابغى اعرف ايش احساسه وهل حس بتأنيب الضمير وايش شعوره لمى طالب يقول له انت كداب وحسبي الله ونعم الوكيل ابي اعرف بصراحه احساسة وشعوره

تؤبوش ألبي 2015- 1- 2 06:40 PM

رد: انطباعك (قبل) و بعد اختبار سلسلة الامدادات
 
حسبنا الله وكفى

كائن غير طبيعي 2015- 1- 2 06:54 PM

رد: انطباعك (قبل) و بعد اختبار سلسلة الامدادات
 
إنطباعي عن الإختبار

تقييمي الشخصي
من بسيط ومتوسط بنسبة 10 إلى 25 %
ومن صعب بنسبة 75 %

أما تعليقي على الإختبار بوجه عام

وعدنا الدكتور على أنه سيكون هناك 30 إلى 35 سؤال من أسألة الإختبار هي من الواجبات والفصلي
والباقي سيكون من المحتوى

نعم قد وفى بوعده ,,, ولكن !!! وفائه كان في :

أولاً: بمسألة التكلفة الثابته وتوابعها والتي كانت بنفس القيم والأرقام الموجوده بالمحتوى
ثانياً: بمسألة التكلفة الأقتصاديه وتوابعها والتي أيضا كانت بنفس القيم والأرقام الموجود بالمحتوى
ثالثاً: بمسألة احتساب وقت الإنتاج أو التصنيع والتي تكرر منها أربع أو خمس أسأله

عندما تقدم أسهل قسم بالمنهج والذي لو لم يدرسه الطالب أو الطالبة لفهم طريقة حلها بمجرد النظر إليها كوفاء بوعد

هذا لايسمى في نظري وفاءً ... !!
بل يسمى الهدوء الذي يسبق العاصفة
أو يسمى الشعور الذي تريد أن توحي به في العقل الباطني للطالب بأنه نعم قد تم الوفاء بالوعد!!

ماذكرته سابقاً كان يخص الجزء السهل والمتوسط من الأختبار

دعوني استطرد لكم ما يخص الجزء الصعب والذي كان له النصيب الأكبر من الأختبار
يتميز الجزء الصعب بأنه :
مباشر .. فلم يخرج عن المحتوى
مباشر .. قد نسخ كما هو مكتوب بالمحتوى
نعم هذه الحقيقة ولا أحد ينكرها .. إذن أين المشكلة ..!!

المشكلة تكمن .. في أن النص نقل كما هو من المحتوى والذي في حال قرأه الطالب ربما يتذكر الطالب الذي قرأ المحتوى النص
بغض النظر هل تذكره حرفياً أم تذكر محتوى النص أو معناه
ولكن أن يقرأ الطالب النص فيتذكر أنه مره عليه وهو مطابق نوعاً ما لما قرأه
فيختارأجابته وإذا به يكتشف عند المراجعة بأن هناك كلمة قد تم تغييرها بكلمة أخرى ليصبح بذلك خيارة خطأً
هذه تسمى مشكلة !

المشكلة تكمن .. في أن الأسئلة التي طرحت في الإختبار لم يطرح لنا ولا سؤال واحد بنفس طريقتها في الواجبات والإختبار الفصلي
حتى يكون الطالب على درايه ومعرفه على الأقل بأسلوب الأسئلة التي يمكن أن تواجهه
بل طرحت لنا أسألة وأخبرنا بأن الأختبار سيكون بنفس الطريقة فنفاجأ بأمر مختلف
هذه تسمى مشكلة !

المشكلة تكمن .. في أن الفقرة بالمحتوى والتي تتحدث عن الأسعار أو التجارة العالمية أو المشتري أو المواصفات أو أو ..
في كل فقرة ثلاث إلى أربع أسألة بنفس الخيارات مع اختلاف المطلوب بالسؤال الأمر
الذي في حال أخطأت في 1 إلى 2 أصبح الباقي خطأ .!!
هذه تسمى مشكلة !


أختم كلامي

فيما يتعلق المشكلة الأخيرة .. ما الهدف من وضع 70 سؤال ..؟

الهدف حتى لو أخطأ الطالب أو الطالبة في سؤال لا تضيع عليه درجات كثيرة وهذا الأمر في مصلحة الطالب ..
المشكلة السابقة تتعارض تماما مع هذه النقطة بل تضيع فرصه كبيرة على الطالب
في أن يحصل على درجة نجاح من شأنها ترفع معدلة

وفيما يخص المشكلة الأولى أذكر في حديث خاص أجريناه مع الدكتور صالح الراشد في أحد المستويات أنا وبعض الأخوه تطرقنا لأمر هو :
"أن هدف الجامعة نقل الطالب من اللا معرفة إلى المعرفة،وأن يتخرج وهو على علم ودراية بالتخصص الذي درسه
بالطبع لن يكون متمكنناً ما لم يطبق مادرسه في حياته العملية وأننا سنعمل على أختبار الطالب معرفيا لا ذكائياً "

ماحدث في إدارة سلسلة الإمدادات هو أقرب ما يقال عليه إختبار قدرات وليس إختبار معرفة
وما أعلمه بأن القدرات له شأن آخر ونهج آخر وطريقة في التعامل آخرى ..
فأين المعرفة في ما أختبرناه .. !!

سؤال أخير ..

هل يفترض بناء الآن بعد الإختبار أن نقول كانت مادة رائعة ومعلومات قيمة زادت من رصيدنا العلمي !
ما أراه .. هو العكس تماماً لما يفترض أن يقال ... فمتى يعي العقلاء !!

اﻷشقر 2015- 1- 2 07:49 PM

رد: انطباعك (قبل) و بعد اختبار سلسلة الامدادات
 
نبيل ابداع في الوصف
ما اقول الا حسبنا الله وكفي

الوسيط المعتمد 2015- 1- 2 08:51 PM

رد: انطباعك (قبل) و بعد اختبار سلسلة الامدادات
 
والله العظيم اني مثلك يا خوي علي :
( أنا واحد ما صدقته ولا راح أصدقه وعطيته في وجه بالقاعه ..)

انا ما اقول غير حسبي الله ونعم الوكيل

ميران 2015- 1- 3 12:02 AM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة ѕЗв αɴѕαĸ (المشاركة 11892807)
أستغرب للي درس معه مقرر مبادئ التسويق ولا يعرفه باقي ؟؟!!!
ياخي المؤمن لا يُلدغ من جُحر مرتين .. اللي صدقوه وأعتمدوا على كلامه الله يعينهم صراحه ..
( أنا واحد ما صدقته ولا راح أصدقه وعطيته في وجه بالقاعه ..)

واللي يقولون إن شاء الله بس درجة النجاح حاب أقولهم إننا راح ننجح غصب عنه وعن غيره اذا على درجة النجاح بس ، ولكن حرام خسف المعدلات بالتصعيب المقصود اللي قاعد يتعمده بعض الدكاتره ، بنظام ( أتحدى واحد يجاوب )

وحاب أقولكم إننا اشتكينا ووصلنا صوتنا وصوت الجميع للعميد الدكتور صالح الراشد ، وحدد لنا موعد نقابله بعد الاختبارات إن شاء الله على طول عشان نشوف كل النتايج ونتفاهم معه في اللي قاعد يصير بشكل عام ..


إنسو الإختبار ذا وفكرو في الجاي وبإذن الله تعالى نعوض المعدل والدرجات فيهم ..



انا سويت نفسك وذاكرت كل شي و مع ذالك كان مرررره صعب بذات الاسئلة الي خياراتها زي بعض الله يكون بعون الي م درس الا الاختبار والواجبات

shohoaleid 2015- 1- 3 12:53 AM

رد: انطباعك (قبل) و بعد اختبار سلسلة الامدادات
 
حسبنا الله ونعم الوكيل

shohoaleid 2015- 1- 3 12:54 AM

رد: انطباعك (قبل) و بعد اختبار سلسلة الامدادات
 
حسبنا الله ونعم الوكيل فيه

shohoaleid 2015- 1- 3 12:55 AM

رد: انطباعك (قبل) و بعد اختبار سلسلة الامدادات
 
انشاءالله ننجح بس

shohoaleid 2015- 1- 3 12:56 AM

رد: انطباعك (قبل) و بعد اختبار سلسلة الامدادات
 
وربي صدددددددددددمه لازم ينجحنا بهالماده الغثيثه :Cry111:

الطالب × 2015- 1- 3 01:06 AM

رد: انطباعك (قبل) و بعد اختبار سلسلة الامدادات
 
[MEDIA]http://www.sabqk.com/contents/voicesm/24.mp3[/MEDIA]

http://www.sabqk.com/contents/voicesm/24.mp3

زين ما شغلها لكم الجرايحي في القاعة :sm1:
علشان تعيشون الجو :sm1:

_سنيوريتا 2015- 1- 3 01:09 AM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة الطالب X (المشاركة 11896399)
[MEDIA]http://www.sabqk.com/contents/voicesm/24.mp3[/MEDIA]


زين ما شغلها لكم الجرايحي في القاعة :sm1:
علشان تعيشون الجو :sm1:


:hahahahahah:

ايش هالكئابه الله يهديك مو ناقصين :no:

ان شاءالله بتنجحون وبنتيجه ترضيكم تفائلو خير وركزو عالجاي :love080:

Doo3a_al3bbad 2015- 1- 3 01:59 AM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة الطالب X (المشاركة 11896399)
[MEDIA]http://www.sabqk.com/contents/voicesm/24.mp3[/MEDIA]

http://www.sabqk.com/contents/voicesm/24.mp3

زين ما شغلها لكم الجرايحي في القاعة :sm1:
علشان تعيشون الجو :sm1:

هههههههههههههههههههههههههههههههههههههههه
:hahahahahah::hahahahahah:
زييين جووهم بس .
جعل ربي يسعدك قد ماخليتني اضححك ..
:hahahahahah:
تم وضعها نغمة المنبه عشان بس اسمعها اتذكر اليوم الاسود وجلس على طوول..
:verycute:ن:verycute:
ماقول الا يازيين طلاب دفعتي بس ..
رغم الجرح التسبير الا انو فيهم حييل ينكتوون بعد ..
:004::004::004::5aga:

كويك 2015- 1- 3 02:08 AM

رد: انطباعك (قبل) و بعد اختبار سلسلة الامدادات
 
الدكتور ما يحب المباشر
يحب الف والدوران


الله يكتب التوفيق ونطلع منها سالمين

بنت الجبيل~ 2015- 1- 3 02:21 AM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة الطالب X (المشاركة 11896399)
[MEDIA]http://www.sabqk.com/contents/voicesm/24.mp3[/MEDIA]

http://www.sabqk.com/contents/voicesm/24.mp3

زين ما شغلها لكم الجرايحي في القاعة :sm1:
علشان تعيشون الجو :sm1:


:hahahahahah::hahahahahah::hahahahahah::hahahahaha h:

الله يسعدك ياخوي :rose:

mahaAlgamdi 2015- 1- 3 05:51 AM

رد: انطباعك (قبل) و بعد اختبار سلسلة الامدادات
 
الاختبار صعب اكتفي ب حسبي الله ونعم الوكيل
واتمنى انهم يتعاونون معنا ولا نحملها

سبحان الله..... 2015- 1- 3 07:02 AM

رد: انطباعك (قبل) و بعد اختبار سلسلة الامدادات
 
خلاص اللي فات مات فكرو بالجاي
وانتم تفتحون المواضيع عشان تتحسرون ع الماده<<<< بتنكرش اليوم
المهم ركزو بالجاي
تمنياتي لكم بالتوفيق
وبس او اقول شسمه تقبلو مروري ولا تقعدون تتحسرون عشان مايجيكم شي

النادر فهد 2015- 1- 3 09:51 AM

رد: انطباعك (قبل) و بعد اختبار سلسلة الامدادات
 
:rose:

اقتباس:

المشاركة الأصلية كتبت بواسطة سبحان الله..... (المشاركة 11897010)
خلاص اللي فات مات فكرو بالجاي
وانتم تفتحون المواضيع عشان تتحسرون ع الماده<<<< بتنكرش اليوم
المهم ركزو بالجاي
تمنياتي لكم بالتوفيق
وبس او اقول شسمه تقبلو مروري ولا تقعدون تتحسرون عشان مايجيكم شي


رَذاذُ مَـطرْ 2015- 1- 3 12:19 PM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة الطالب X (المشاركة 11896399)
[MEDIA]http://www.sabqk.com/contents/voicesm/24.mp3[/MEDIA]

http://www.sabqk.com/contents/voicesm/24.mp3

زين ما شغلها لكم الجرايحي في القاعة :sm1:
علشان تعيشون الجو :sm1:


ياراااااقل :hahahahahah::hahahahahah::hahahahahah:
”شر البلية مايضحك“ تنطبق علينا حالياً :cheese::sm5:
منو لله اللي كان السبب :(269):

شوق العبدالله11 2015- 1- 3 07:18 PM

رد: انطباعك (قبل) و بعد اختبار سلسلة الامدادات
 
توقعت ان يكون متعاون معانا لدرجه مريحه كا طلاب وطالبات مثل ما كان متعاون معانا في التسويق
بس انصدمت بشكل مريب ان صياغه الاسئله غريبه لحد ما!
وهذا كان وعد منه ان 30 الى 35 سؤال بيجيب (الاختبار فصلي وواجبات) بس اخلف بوعده ..

وصح والخطا بشكل عشوائي ؟
واسئله تحت بعض يعني لو ما انتبهت للاسئله كويس كان راحت علي ..

والاختيارات جدا متشابهه يعني ما عرفت افرق الاجابات عن بعضها ...

ما اقول الا حسبي الله وكفى

همسات رقه 2015- 1- 3 08:15 PM

رد: انطباعك (قبل) و بعد اختبار سلسلة الامدادات
 
لحد يقول كان متعاون بالتسويق
شكلكم نسيتم والله
في كلا المادتين ع انها تنفهم وسهله
لكن غالبيه اسئلته ×××

كائن غير طبيعي 2015- 1- 3 08:34 PM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة همسات رقه (المشاركة 11898812)
لحد يقول كان متعاون بالتسويق
شكلكم نسيتم والله
في كلا المادتين ع انها تنفهم وسهله
لكن غالبيه اسئلته ×××××

الله يهديك بس

حلو الواحد يعبر عن رأيه ...
لكن ..
حلو بعد أنه يكون التعبير عن الرأي في حدود العبارات اللائقة التي تليق برواد المنتدى
تحياتي لك :106::106:

رهف الشهري 2015- 1- 3 09:26 PM

رد: انطباعك (قبل) و بعد اختبار سلسلة الامدادات
 
حسبي الله عليه تركت بنتي بالمستشفى تعبانه وفوق نفسيتي الاقي اسىلته الي اسميها المستحيله

كائن غير طبيعي 2015- 1- 3 09:42 PM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة رهف الشهري (المشاركة 11899025)
حسبي الله عليه تركت بنتي بالمستشفى تعبانه وفوق نفسيتي الاقي اسىلته الي اسميها المستحيله

الله يشفي بنتك ويقومها بالسلامه يارب

صَعب 2015- 1- 3 10:00 PM

رد: انطباعك (قبل) و بعد اختبار سلسلة الامدادات
 
اقتباس:

المشاركة الأصلية كتبت بواسطة رهف الشهري (المشاركة 11899025)
حسبي الله عليه تركت بنتي بالمستشفى تعبانه وفوق نفسيتي الاقي اسىلته الي اسميها المستحيله

لا بأس عليها طهور إن شاء الله ..



إبشروا بالخير ، كل الإنطباعات ذي وصلت للدكتور بشكل خاص وزياده كمان ، ولإدارة الجامعه بشكل عام ..


:agolakser:>> الدكتور طلب تأخير تصحيح الماده الى باكر الأحد وطلب من الكنترول يعطونه النتيجه قبل يسلمونها ويعتمدونها ، لانه راح يزود من عنده درجات ، هذا غير اللي وعدت فيه العماده


وأبشركم درجات السلوك التنظيمي لأغلب الطلاب كلها في العلالي .. :mh001::004:


يلا يلا ضفوا عفوشكم من هنا وخلونا نشوف سالفة الحبيب طويل العمر نظم المعلومات الاداريه .. كل واحد ع ملزمته ومحاضراته ولا تنسون الكويزات ، الله الله فيها .. :biggrin:

عبق انثوي 2015- 1- 3 10:42 PM

رد: انطباعك (قبل) و بعد اختبار سلسلة الامدادات
 
وااااااااو

ويلي هدي الاخبار الى تبرد الخاطر

الله يبرد خاطرك صعب انساك

شكرا على كل شيء هدا اقل القليل بحقك انت وكل من ساهم من الشباب معك:rose::(204):

بنت الجبيل~ 2015- 1- 3 11:03 PM

رد: انطباعك (قبل) و بعد اختبار سلسلة الامدادات
 
:mh001::mh001:

:71::71:

:53::53:

:(303)::(303):

:(89)::(89):


All times are GMT +3. الوقت الآن حسب توقيت السعودية: 04:10 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه