|
لانحتاجك انتي كبيره في السن !!!
بسم الله الرحمن الرحيم
الحمد لله تخرجت هذا الترم وراسلت اكثر من شركه وبعضها واسطات مجرد ما اذكر سني يقولون كبيره مانوظفك !! للمعلوميه عمري 37 سنه تتوقعون خلاص مالي امل 😭 لما كنت ثانويه كانوا يقولون نبي جامعية درست الجامعه قالو انتي كبيرة اروح انتحر !! :verycute::Cry111: |
رد: لانحتاجك انتي كبيره في السن !!!
قاعدين يدورون اي عذر بس عشان مايوظفون
انا اشوف سنك مو كبير لدرجة انهم يرفضون توظيفك استعيني بالله ولاتيأسي بتلقين ان شاء الله وظيفة احلامك |
رد: لانحتاجك انتي كبيره في السن !!!
العمر مكتوب والرزق مقسوم .
اولاً = العمل الوظيفي (حكومي - خاص ) 37 سنة - 60 سنة = 23 سنة خدمة . ( صالحة للعمل) ثانياً = العمل الخاص ( الشخصي ) العمر مفتوح .... ثالثاً = انتساب او انتظام او غيره الكل لديه معيقات ...... الخلاصة = السعى من اجل الرزق والنجاح (........ حتى الرمق الاخير ) الله يرزقك الجميع من واسع فضله |
رد: لانحتاجك انتي كبيره في السن !!!
الله يرزقنا ويرزقكم
|
رد: لانحتاجك انتي كبيره في السن !!!
توي شايف إعلان إنتهى وقته من شهرين تقريبآ
وظايف في بلدية محايل عسير طالب موظفات سعوديات والعمر بين 24 و40 سنة ..! طبعآ موعد التسجيل إنتهى لكن اللي يبغى الرابط اجيبه عادي بس الشاهد من الكلام هذا صحيح غالبية الشركات والوظائف تطلب موظفين صغار لكن كمان فيه وظائف يقبلون أعمار الى آخر سنوات الشباب فل نتوكل على الله ونبعد اليأس ونعمل بجهد وإحنا مؤمنين بأن الخيره فيما يختاره الله |
رد: لانحتاجك انتي كبيره في السن !!!
وش تخصصك ماعرفنا
اذا ادارة اعمال توجهي للقطاع الخاص ربي يرزقك بالتوفيق |
رد: لانحتاجك انتي كبيره في السن !!!
الله يرزقك
أتوقع اللي قالولك تصريفه توك شباب لا يلعبون عليك |
رد: لانحتاجك انتي كبيره في السن !!!
هذي طريقة معروفه عشان يصرفونك
ولو كان عمرك اصغر كانو جابو عذر ثاني خلي ثقتك بالله كبيره وبأن الرزق منه وحده واذا جاء رزقك والله مايرده لا عمر ولاغيره |
رد: لانحتاجك انتي كبيره في السن !!!
اعذار بليد لو كان السن عائق لما كان شرط الترشح للرئاسة الامريكية يتوجب ان لا يقل العمر عن ٤٥ سنة الأن دونالدو ترامب مترشح وعمرة ٧٣ سنة وقس على ذالك اغلب الوزاء عندنا فوق الستين والعمر يعتبر خبرة حياة اذا كانوا يعرفون معنى الحياة قوم الواسطات
|
رد: لانحتاجك انتي كبيره في السن !!!
وش كبيره عز الشباب تصريفه بس
|
رد: لانحتاجك انتي كبيره في السن !!!
في ناس أكبر منك وتوظفوا
طبيعي جهات كثيرة تتشرط في العمر، لكن الوظائف موجودة والبحث يحتاج منك صبر واستغلي الوقت بأخذ دورات انجليزي وكمبيوتر حتى لو قصيرة إن أمكن |
رد: لانحتاجك انتي كبيره في السن !!!
بالعكس ٣٧ سن القوة وعز العطاء موفقه باذن الله العمر قدام بس اجتهدي وتوكلي على الله والرزق بيد الله الكريم ان شالله ماتخببين
|
رد: لانحتاجك انتي كبيره في السن !!!
رحت اوروبا و شفت العجب العجاب .. شياب يشتغلون في كل مكان ... حتى مضيفات الطيارة في الرحلات الداخلية عجايز كهلات ...طيب انتي قادرة على العمل ....العمر مو معناه القدرة ...في شباب كسالى و هم حقين شغل و في شياب نشيطين و حقين كرف ..
|
رد: لانحتاجك انتي كبيره في السن !!!
سبحان الله عندنا يالعرب نعطي العمر اهمية بالغة
سواء بالتوظيف بالزواج ... في اوروبا37 لسى ماتزوجت وعايشة حياتها واللي يسمعهم يقول قدمت ع العسكرية الموهيم لاتيأسي و قدمي كذا مرا الله يفتح لك الرزق و يوفقك والجميع |
رد: لانحتاجك انتي كبيره في السن !!!
أخيه،،
الحياة ماتوقف مع أول تجارب ،، راح يرفضونك مره ومرتين وثلاث،، ورح ترفضينهم بالمقابل مره ومرتين وثلاث،، ،، ،، لاتستسلمين،،وتتحطمين من الآن،، كل خطوة تخطينها،،أعتبرينها تجربة وشركة رزقك ماهو فيها،، ،، لاتضعين العمر حاجز ،، ولاتقولين انا عمري كذا!! بالطبع في شركات من شروط القبول العمر،، وبالتأكيد العكس متاح،، ،، تأكدين رزقك في مكان ما،، ووظيفتك،،تسعين ،،وتبحثين ،، رب العالمين هو الرزاق،، وليس العباد،، الله يوفقك |
رد: لانحتاجك انتي كبيره في السن !!!
توكلي على الله وان شاء الله بتتوظفين في وظيفه ما كنتي تحلمين فيها ..
|
رد: لانحتاجك انتي كبيره في السن !!!
ابتكار اعذار لعدم القبول ،، تخصص قسم ادارة الموارد البشرية
حاولي في وظائف اخرى وان شاء الله تضبط Sent from my HTC One_M8 using Tapatalk |
رد: لانحتاجك انتي كبيره في السن !!!
السلام عليكم
العالم الان كله في حالة انكماش اقتصادي ومن الطبيعي في هذه الحالة ان اغلب الشركات والمؤسسات تضع شروط تعجيزية وذلك لخفض التوظيف , وقد تلجأ بعض الشركات والمؤسسات الى الاستغناء عن بعض موظفيها ولكن مهما كان نحن مؤمنين ولله الحمد بأن الرزق عند الله واللي الله كاتبه لك بيجيك فقط يجب علينا الاجتهاد وبذل الاسباب وكثرة الاستغفار يقول الله سبحانه وتعالى : ( فقلت استغفروا ربكم انه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم انهارا ) وفق الله الجميع |
رد: لانحتاجك انتي كبيره في السن !!!
37 كبيرة بالسن !!!! توك شباب ماعليك منهم رزقك بيجيك لاتفكرين ماعندهم سالفة
|
رد: لانحتاجك انتي كبيره في السن !!!
حسبي الله عليهم .... الرزق ماله عمر
كيف يحكمون على الاوادم انهم ما يصلحون للعمل .... علشان فارق كم سنه عن المطلوب |
رد: لانحتاجك انتي كبيره في السن !!!
اقتباس:
من سكان الرياض ؟ اذا من الرياض فيه مبنى جنوب مستشفى دلة على طريق الامام فيه مدخل جهة الغرب اسم المبنى نطاقات روحي لهم عسى الله يوفقك وجميع الاخوان والاخوات |
رد: لانحتاجك انتي كبيره في السن !!!
افضل شركه ناجحه بالسعوديه هي ارامكو وانا امس اتكلم مع موظف في ارامكو ( مانجر ) قالي بالحرف قبل فتره وظفنا شخص عمره 45 سنه في قسم الامن ( ماشاء الله وذلك لحاجة جميع اقسام ارامكو للخبرات ولا ينظرون للسن بالمقام الأول...
كلامي هذا دليل على ان العمر ماهو عائق ولو تبين نصيحتي اختي ( بحكم اني قريب منك بالعمر ) كملي ماجستير ولو فيه امكانيه دكتوراه وراح ينفتح لك المجال لو عمرك 50 سنه |
رد: لانحتاجك انتي كبيره في السن !!!
الله يرزقك من واسع فضله والله يوفق الجميع
|
رد: لانحتاجك انتي كبيره في السن !!!
الله يرزقنا وياك وكل مسلم
على طاري الوظيفه ليش الملتقى مافيه قسم للاعلان عن الوظائف ونفيد بعضنا لكي يستفيد المتخرج !! اتمنى من الاداره يعملون قسم |
رد: لانحتاجك انتي كبيره في السن !!!
إذا كان العمر مشكله إذا لازم تغطينه بالخبره والشهادات العاليه لاتيأسين قدمي على وظائف و في نفس الوقت خذي دورات في مجالك أو قدمي ماجستير.
|
رد: لانحتاجك انتي كبيره في السن !!!
مانتي كبيره والعمر بس رقم
دوري شركات ثانيه .... ذيلي مايستاهلونك |
رد: لانحتاجك انتي كبيره في السن !!!
الدنيا ماوقفت ع هـ الكم شركة اللي رحتي لها !
ورزقك ماراح يجيك لعندك وانتي جالسه لازم تسعين وتبحثين وان شاء الله بتحصلين وبعد الـ cv تبعك عبيه شهايد من دورات ومعاهد وكليات واذا انت طموحه قدمي ع الماستر . بالتوفيق :106: |
رد: لانحتاجك انتي كبيره في السن !!!
النظام هذا معروف من زمان في الشركات والبنوك وهو استقطاب صغار السن وتدريبهم وابتعاثهم والاستفادة منهم اكبر قدر ممكن
اسأل الله ان يرزقك من فضله وكرمه |
رد: لانحتاجك انتي كبيره في السن !!!
حسبي الله ونعم الوكيل فيهميعني يقولو اسباب تانيه:41jg:
مويجلسو على العمر(متلا مكتفين _ نتمني لك التوفيق بمكان اخر) :eek: اختي لاتحطمين عمرك وترى مو من اول مره بتوظفين ؟!:16.jpg: اكيد ربي كاتب لك رزق بمكان تاني وبتوصلين للمكان دا:icon19: انتي مالك شهرين متخرجه وتحطمتي بلعكس خليكي متفائله كنتي معاك التانوي ودحين جامعه :Looking_anim: فكري بالايجابيات لاتفكري بالسلبيات:icon19: وباامكانك تفتحي مشروع خاص فيك وهناك مشاريع كثيره اتمني لك التوفيق :icon19::verycute: |
رد: لانحتاجك انتي كبيره في السن !!!
اقتباس:
السلام عليكم أعرفي وتأكدي بأن الرزاق ربي وتوكلي عليه أولاً وأخيراً ولا تتقاعسي دوري وابحثي وفكري على مشروع صغير واستخدمي جميع ماتعلمتيه واجعليه معاون لك على تحقيق اهدافك . وأولاً وأخيراً توكلي على الله واعملي بجميع ما أوتيتي من قوة ولاتحطمي نفسك رزقنا الله واياكم من واسع فضله |
رد: لانحتاجك انتي كبيره في السن !!!
ياكبرها ذي التصريفه واكيد الي قالك ذا الكلام عجوزه بعصاتها والله قاعده اضحك على التصريفه الجديده ذي من متى واحنا ننظر للعمر بالوظايف ؟؟؟؟؟؟؟؟ والله كل الي اشوفهم موظفات بنطاق الجامعات كباااااار في السن كبااااااار لكن معليه يوم لهم ويوم لينا
|
رد: لانحتاجك انتي كبيره في السن !!!
ماعليك منهم وانتي بالعمر هذا في اوج عطائك وشبابك
ولا كنك سمعتي شى واصلي تقديماتك في كل مكان والرزق مو بيدهم بيد رب العالمين ( وياجبل مايهزك ريح ) |
رد: لانحتاجك انتي كبيره في السن !!!
موو شرط العلم للوظيفه بتستفيدي منه في حياتك العمليه مثل ماقالوا العلم نور
|
رد: لانحتاجك انتي كبيره في السن !!!
طموحك لا يوقف ابدا .. تأكدي انك في الق شبابك وقوتك ونضجك ..وصدقيني الجهات الي تتشرط وترفض بسبب العمر لا حسافة عليها هذا دليل سطحيتهم وانتي اكيد ارقى بطموحك منهم ..
امثلة واقعية شفتها بعيني في الاربعين ووقدموا وظايف وانقبلوا في وظايف رائعة .. توكلي على الله وتوجهي لشركات ومجاالات عالية وراقية ومتنوعة تنظر للمؤهل والشخصية مو شكل وعمر |
رد: لانحتاجك انتي كبيره في السن !!!
شكراً لدعمكم للتوضيح معي دورات كثيييييير
ومن فتره طويله وانا اقدم حتى بأكثر من مقابله يقولون امممممم العمر يعني صار نظام للأسف مو هنا عندنا التعجيز من مميزات ربعنا انا خريجه علم اجتماع وخدمه تقديري ماشاء الله ممتاز الحمد لله على كل حال اكيد ما راح اتوقف عن البحث لكن مجرد مشاركه حسيت بقهر |
رد: لانحتاجك انتي كبيره في السن !!!
اقتباس:
تعبت ودرست تتوفر لي وظيفه ردك كأنك تقول افقدي الامل 😂 |
رد: لانحتاجك انتي كبيره في السن !!!
لا قدمي ع الخدمة المدنيه ... بتلقين وظايف والتقاعد الى عمر 60 سنه
|
رد: لانحتاجك انتي كبيره في السن !!!
السلام عليكم كيف حالك اختي ان شاء الله بخير أختي لا تتحطمين ولا تياسين هذه هذ المشكله عن الناس الشركات تضع أشياء تعجزيه اختي انا كمان خلصت الثانويه و بعدها رحت الكليه ودرسنا وحصلنا ممتاز وبعدها ضليت ابحث عن الوظيفه صحيح انا لا يقولون لي العمر انا كل ما اروح مقابله يقولون عندك خبره اذا ما عندك اخرج ولكن انا الحين دخلنا الجامعه لاني واثق ان الله سوف يعطيني ما اريده كما قلت لكي اختي عمرك الحين في عز شبابك لا تياسي وثابري حتى لو تاخر وان شاء الله تحصلين على وظيفة التي تحلمين فيها انتي تقدمي على طاقات و جدارة و شركات يمكن وبقدرة الله يبحانه يفتح لكي ابواب الرزق وكما قلت لكي لا تنقهرين يا اختي الله سوف يحقق لكي كل ما تتمني الله يحفظك واسف على الكلام الطويل هذا حبيت فقط اقول يمكن يجعلكش تهدأين يا اختي موفقه |
رد: لانحتاجك انتي كبيره في السن !!!
ما أزيد على كلام الزملاء إلا بالخير محاكيك دخل الأربعين والحمد لله
أكره إختلاق الأعذار بهذه الطريقه الفجه مجرد تنويع في التصريف لو جاهم أصغر بالعمر قالوا له جب خبره عموماً الرزق بيد الله سبحانه واعلمي أن ما أصابك لم يكن ليخطئك وما أخطأك لم ليكن ليصيبك وبالتوفيق |
رد: لانحتاجك انتي كبيره في السن !!!
اضافه بسيطه اختي انا لدي شهادة طيران تجاري معتمد من الطيران المدني ولما قدمت قالوا لي الخطوط نفس الرد
والحمد لله لم أحبط وها أنا أدرس معكم سعة الأفق ، الفخر بالإنجاز .. أحاسيس ترافقك طيلة حياتك فلا تندم عليها |
رد: لانحتاجك انتي كبيره في السن !!!
اقتباس:
لعل في الأمر خيره لك |
رد: لانحتاجك انتي كبيره في السن !!!
اقتباس:
لا تتحطميـن وتقولين مايبوني لأني كبيره بالعمر ، ياما ناس كبار بالعمر تم قبولهم بالشركات والقطاعات الخاصه مثل البنوك والـخ ، أنتي توك في زهره شبابك وأنا أعرف لي رجل شخصيا وصل عمره فوق 50 سنـه وكان عسكري ودرس جامعه والأن مستشار في الأمن الصناعي في أحـد قطاعات الشركات الكبرى المعروفه ف السعوديـه أنتي لك الأن مثل ما للرجال من وظائـف ومن مرتبات والخ ، ف لا توقفين وكملي دراسـه وباذن الله التوفيـق حليفك ، ومن جد أتمنى لك الخير |
رد: لانحتاجك انتي كبيره في السن !!!
كملي ماجستير و لا تتوقفين و قدمي في اكثر من مكان بدون توقف عن التقديم
|
رد: لانحتاجك انتي كبيره في السن !!!
ذكرتيني بواحد من الشباب قدم على الحرس طبعن مواهلاته أعلى من المطلوب قالوله رجلك مفلطحه ماتدخل البسطار الحين عنده مستشفى برياض دكتور
|
رد: لانحتاجك انتي كبيره في السن !!!
الله اكبر عليهم
بلغي مكتب العمل |
رد: لانحتاجك انتي كبيره في السن !!!
غلطتك اختي ، ارسلتي لهم ، لاترسلين اي شي. لاي شركة ، مدرسه موسسة لاترسلين افضل شي تروحين بنفسك لهم وتخلينهم يشوفونك
صديقتي عمرها 38 مطلقه عندها 4 اطفال توظفت بشركة نسائية ، راحت لهم ، دوامها من الساعه 8 الصبح الى الساعة 5 العصر ، شهادتها ثانوي تكمل جامعه الحين تخصصها انجليزي ، راتبها ماشاء الله تبارك 9000 الالالف ريال تقول مارسلت لاي شركة انا بنفسي رحت وقدمت على كذا شركة ومؤسسة ، لاترسلين شي ، روحي خليهم يشوفونك ، وهالكلام لكل بنت تبي وظيفه. روحي بانفسكن قدمو لاترسلون شي على البريد لاي شركة او موسسة او مدرسة او حتى مجرد اتصال ، ا لانو ( الشكل ) له تاثيره بالوظائف ، روحي للمدارس والشركات والجمعيات الخيرية وقدمي والله يكتب لتس اللي فيه خير يارب |
رد: لانحتاجك انتي كبيره في السن !!!
اقتباس:
هم صادقين هذا يبغاله تفصيل بصطار |
رد: لانحتاجك انتي كبيره في السن !!!
37 شايبه الله المستعان
|
رد: لانحتاجك انتي كبيره في السن !!!
الشكو لله وانا يقولون لما يكون عمرك ٢٥ تعالي
يصرفوووونا هههههههه |
رد: لانحتاجك انتي كبيره في السن !!!
لا للحزن يا اختي ومثل ما ذكرو قبلي الاخوان والاخوات الموضوع مزاجي انا شخصيا اعرف واحد مستقيل من شركة وعمره اكثر من 45 سنه وتوظف وظيفة حكومية رسمية .. والثلاثينيات هي احلى مراحل عمر الإنسان لانه بقمة شغفه ونشاطه وحبه للعمل ولكن من يقدر للأسف ! |
رد: لانحتاجك انتي كبيره في السن !!!
والله حسبت عمرك ب40او 50 طلع 37 عز الشباب ماشاءالله حسبي الله ونعم الوكيل إذا أن قصدهم يصروفونك
|
رد: لانحتاجك انتي كبيره في السن !!!
ماعليش اخوي عبدالله الحربي أخذت عليك لما ضحكت عالاخ اللي رجله مفلطحه هذي خلقه الله استغفر الله لايجوز الضحك
والاستهزاء بالآخرين اسف جدا اذا ازعجك كلامي لكن هذا من باب الحب والاخوه والتناصح موفقين جميع الله يرزقكم ويعطيكم جميع فوق ماتتمنون آمين يارب العالمين.... |
رد: لانحتاجك انتي كبيره في السن !!!
نجلاء الله يوفقج والعمر عمره ماكان حاجز لتحقيق اهدافنا
|
رد: لانحتاجك انتي كبيره في السن !!!
ليش الشركات للعمل واﻻ للراغبين في الزواج ..وش دخل العمر مادام تحت سن التقاعد
|
رد: لانحتاجك انتي كبيره في السن !!!
اقتباس:
|
| All times are GMT +3. الوقت الآن حسب توقيت السعودية: 02:35 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام