|
تعبت ما تخرجت ... مشورتكم
السلام عليكم ورحمة الله وبركاته وحي الله الجميع كلن بأسمه وأسأل الله لكم العون والتوفيق والسداد ودوام الصحة والعافية إخواني الغالي ... إخواتي الغاليات عندي مادتين مبهذلتني وهذه هي المرة الثالثة أحملها وهي : مادة الانجليزي قراءة مادة الانجليزي كتابة كل المواد خلصتها إلا هالمادتين والمفروض متخرج قبل سنة ونص قابلت أحد المحاضرين في كلية التقنية ويعرف عميد بجامعة الملك سعود وشرح له وضعي وقال يطلب من جامعته طلب طالب زائر ويختبر عندنا في جامعة الملك سعود وقمت وخاطبت عميد التعليم عن بعد الدكتور عبدالله الفريدان عبر البريد الالكتروني ورد علي ( للأسف لا يوجد طالب زائر ) علماً بأن الجامعة يوجد عندهم طالب زائر وبرفقة الرابط اللي يدل على وجود طالب زائر فتحملوني شوي وطولت عليكم وأبي الحل من الله ثم منكم والله ودي أتخرج وأخلص وشاكر ومقدر تعاونكم . أخوكم : ابومعاذ |
رد: تعبت ما تخرجت ... مشورتكم
اتمنى لك التوفيق لكن تواجدك امام العميد سيكون له تعاطف كبير وستكون هناك فرصة اكبر لقبول ماتريد افضل من المراسلة الالكترونية نصيحة مجرب لموضوع أشد من ذلك
|
رد: تعبت ما تخرجت ... مشورتكم
انا مررره ما ادبر شي في الانجليزي القراه حفظت الاجوبه بدون اسئلهويوم جتني الورقه حقت الاسئله صرت اشوف الاختيارات وادور اللي حفظته والحمد لله جبت درجة النجاح وزياده
زبدة كلامي احفظ بس ما فيه شي فهم في هالماده وبتحصل الدكتور منزله اسئلة مراجعه احفظها ،،،،،،،،،،،،،،،،،،،، الانجليزي كتابه مدريه وشو نزلته هالمستوى ولابدريت فيه للاسف |
رد: تعبت ما تخرجت ... مشورتكم
عافاكم الله جميعاً وأسأل الله لكم العون والتوفيق والنجاح . |
رد: تعبت ما تخرجت ... مشورتكم
يوه �� انا اصلا ما أخذتها للحين يارب سترك اخوي مالك الا تذاكر أسئلة الأعوام السابقة والكويزات وأخذ لك مدرس يشرح لك وذاكرها قبل الإختبار بشهر الله يسهل امورك ويبشرك بتخرجك ويبشرني بعد
|
رد: تعبت ما تخرجت ... مشورتكم
طيب ياعزيزي يا منتعش هالترم اسمع ششوري وبتنجح بإذن اللي ما تنام عينه،
أولاً اعتمد وتوكل على الله ،، ثانياً، باقي اسبوع كامل على اختبار انجليزي كتابة،، أبيك تسوي شيء واحد ادخل المحاضرات المباشرة الأربع،، وشوف الدكتور وش يقول،، واحفظ اللي يقوله ولا تسوي شيء غيره،، وابشششششششششششر بالنجاح بإذن الله وأنا أخوك. |
رد: تعبت ما تخرجت ... مشورتكم
والله كلنا مانفهم انجليزي وذاكرناها والحمدلله نجحنا ....وصدقني الاسئلة مكرررررررررررررره وراح تجتازها بكل سهولة بس انت اشتهد شوية ......وبالنسبة للطالب الزاير كله اختبار سوا كان في فيصل ولا سعود ماشوف اي فائدة انت فقط اجتهد
|
رد: تعبت ما تخرجت ... مشورتكم
E قراءه بسيطط مايبغاله الا تاخذ الجمله وتبحث عنهاوبالقطعه وبتلقا الجواب مافيها شي يحفظ الا الكلمات وعكسها والكلمات ومعناها واذا تبغى درجه النجاح مايحتاج تحفظهن اسمع المحاضرة المباشره الدكتور شارح وشلون تطلع الجواب من القطعه ويارب تتخرج .
|
رد: تعبت ما تخرجت ... مشورتكم
اذا تبي نصيحتي روح انت وقابل الدكتور الفريدان شخصياً وان شاء الله مايقصر معك انا هالمادتين والله مادرستهم ابد وباخذهم معي للمستوى الثامن والله ييسر |
رد: تعبت ما تخرجت ... مشورتكم
وزي ماقالو الاخوان ترى فيه اشياء ان اشاء سهله و تنحل خاصه مع القطع اللغه الانجليزيه العامه قلت اني راسب فيه بس والله عديتها بدرجه ماتوقعتها
|
رد: تعبت ما تخرجت ... مشورتكم
الله يسعدكم ويوفقكم والله حمستوني وشجعتوني وشاكر ومقدر تعاونكم وتفاعلكم وحرصكم الله ينجحكم ويحقق مرادكم . |
رد: تعبت ما تخرجت ... مشورتكم
ركز على المباشراااات ، والاسئلة واحفظ ذا يجي مع ذا إذا مستصعبها والمادتين ترفع المعدل لأنها تكرار غالباً . واذا عندك أرقام الدكاترة نفسهم كلمهم متعاونين جداً. ولا تبهذل نفسك بالنقل على مادتين . واكثر من الحولقة ،موفق |
رد: تعبت ما تخرجت ... مشورتكم
اللغة الانجليزيه قراءة سهله ، بس كتابة مع حقك بهالشي .. الله يوفقك ان شاء الله وتتخرج
|
رد: تعبت ما تخرجت ... مشورتكم
والله اني متخوف خوف شديد من الانجلش كتابة .. بس اهم شي اخوي منتعش ذاكر في المحاضرات المباشرة ، وذاكر اسئلة العام الماضي .. وان شاء الله تبشرنا بالتخرج تحياتي
|
رد: تعبت ما تخرجت ... مشورتكم
بيض الله وجيهكم وما قصرتم |
رد: تعبت ما تخرجت ... مشورتكم
اسأل الله لك التوفيق والنجاح
|
رد: تعبت ما تخرجت ... مشورتكم
طيب راسل الدكاتره يمكن تمشي امورك
|
رد: تعبت ما تخرجت ... مشورتكم
جزاكم الله خير وما قصرتم |
رد: تعبت ما تخرجت ... مشورتكم
الله يسرررررررها. |
رد: تعبت ما تخرجت ... مشورتكم
اللهم آمين أخوي الغالي : فهد ابسألكم متى تسجيل المواد للفصل القادم ؟ أخاف أتأخر وينتهي التسجيل مثل ما حصل لي لهذا الفصل . وأخيراً : أسأل الله أن يوفقكم جميعاً وينجحكم وييسر أموركم جميعاً . |
رد: تعبت ما تخرجت ... مشورتكم
ابسألكم متى تسجيل المواد للفصل القادم ؟ أخاف أتأخر وينتهي التسجيل مثل ما حصل لي لهذا الفصل . |
رد: تعبت ما تخرجت ... مشورتكم
طيب هالمستوى نجحت فيهم اولا
|
رد: تعبت ما تخرجت ... مشورتكم
راح علي التسجيل وما أختبرت . |
| All times are GMT +3. الوقت الآن حسب توقيت السعودية: 01:21 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام