ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 2 (https://vb.ckfu.org/forumdisplay.php?f=306)
-   -   [ استفسار ] المحاسبه 2 والدكتور محمد!! (https://vb.ckfu.org/showthread.php?t=747818)

almassh 2016- 4- 29 03:24 AM
المحاسبه 2 والدكتور محمد!!
 
السلام عليكم


بخصوص المحاسبه 2

مالقو يغيرون الدكتور الا على حظي؟


يوم كان عندي فرصه اخذها كنت متخوفه منها وهالترم تشجعت اخذها .. واخذتها وانكبت


الدكتور نايم
عجزت اتابع محاضراته والله كلما فتحتها انام


ضايق صدري مره من الماده اول مره احس اني برسب

فيه دكتورين لنفس الماده قديمين" حسيت انهم ساعدوني ع الاقل بفهم بعض الامور

السلايدات فيها اختلاف لكن المواضيع الاساسيه ثابته وفي بعض الزيادات اللي مشتتني فعليا


اللي مضيق صدري اكثر ان مافي اسئلة لنفس الدكتور عشان نعرف اسلوبه



وبنفس الوقت بالمحاضرات المباشره ماقال شي عن اسلوب اسئلته


طيب وش اسوي ياليت بيدي احذف الماده:Cry111:

والله فيني كمية دموع وخوف من الماده



صحيح الدكاتره القديمين شرحهم وتوصيلهم للمعلومه افضل بس الاسئله والاسلوب للدكتور محمد هي الاهم !!




عطوني دعم معنوي وش اسوي بالضبط


انا مشتته مابين الدكاتره القديمين والدكتور محمد

ومشتته مابين الملخصات القديمه والشروحات ومابين اليوتيوب والدكتور محمد


ليتني ماسجلت الماده


كان اهون علي احذفها وتروح فلوسها ولا اني انصدم وارسب فيها ويتأثر معدلي



الى الان احس اني ضايعه مب عارفه اعتمد ع شي ثابت بمذاكرتي او ع الاقل اعرف اسلوب اسئلة الدكتور


هي عميقه او واضحه او فيها لف ودوران!!

حسبي الله ونعم الوكيل

الجامعه تاكل فلوس الطالب

والطالب بالطقاق يفهم مايفهم مب مشكلتنا


الجامعه ماسمعت المحاضرات؟.

شرحه بارد ?
يجيب النوم?
فهمتو شي?


وش فايده الدكتور اذا بستعين باستاذ ثاني او مقاطع يوتيوب او ملخصات مشروحه !


انا سجلت الماده وتوهقت فيها :Cry111::Cry111:



على فكره

اول مره اكتب موضوع في ماده من المواد


فعلا هالماده نكبه وانا احتج لو رسبت او حتى نجحت ع الحفه


احتج ع الدكتور محمد والمفروض العماده تنظر في وضعنا


مو تاخذ فلوسنا وتنكبنا

انا محتاجه افهم عشان وظيفتي مو عشان الدرجات والنجاح وبس



:Cry111::Cry111:



خلونا ندعم بعض نفهم بعض اي شي تكفون

نساعد بعض

وش ذاكرتو منه
وش اعتمدتو عليه بالمذاكره


انا ضايعه وربي ضايعه

ماخذه اجازه من شغلي مخصصتها للمحاسبه لي اسبوع اذاكر الماده وللحين احس اني مو ثابته على شي بالمذاكره


وماثبت بمخي شي ، لو تجيني الورقه ماراح اعرف احل ،،

عــــبــــادي 2016- 4- 29 03:31 AM
رد: المحاسبه 2 والدكتور محمد!!
 
استهدي بالله ترى الماده مو نهاية الدنيا

ذاكري النظري والواجبات والمخاضرات المباشره و واسئلة الاختبار تبع الفصل الثاني للسنة 1436

لاتبذلين شي فوق طاقتك واذا حسيتي انك بتضيعين في مسئلة


جربي كل القواعد الي تعرفينهم على المسئلة ليين يطلع معك ارقم

الموجود بالاختيارات انا امشي على هالطريقه

واحاول استنتج بوقت الاختبار ووسعي صدرك

وربي ماراح يصير الا الي كاتبه الله لو كان ماكان وتمسكي بيد الامل

وترى احنا خوفونا الناس الي حابوا العيد فيها وخلك مريحه اعصابك


بذكرك فهذا الموضوع عن تقطيمك بعد الاختبار وبنفرح معك هنا ����

طولي بالك

ألفا 2016- 4- 29 03:32 AM
رد: المحاسبه 2 والدكتور محمد!!
 
اولا سمي بالله وتعوذي من ابليس:rose:

ثانيا الماده صعبه ولاسهله ما يهم اهم شي نذاكر ونسوي الي علينا وربي يسهلها:love080:

و بالنسبه لاسلوب الدكتور بالاسئله غالبا اساليبهم زي بعض و معلومه ترى مش شرط ان الدكتور يحط الاسئله:biggrin:

ممكن ياخذونها من السنوات السابقه :019:

انا لسا مافتحت الماده الا قبل شوي وباين صعبه بس نحاول :verycute:

و قالو على قناة في التليقرام لعبدالعزيز الصقار يقولو شرحه سلس ويفهم بس صراحه ماني عارفه كيف اضيف قناة عندي بالتليقرام :sm12:




انت دحين اخذتيها خلاص لا تفكري باي حاجه ثانيه:53:


الله يوفقنا جميعا

سالم الفيفي 2016- 4- 29 03:34 AM
رد: المحاسبه 2 والدكتور محمد!!
 
شاكي على باكي وربي جابت لي ارق هالماده ولكن مانقول الا الله ييسرها .......

almassh 2016- 4- 29 03:37 AM
رد: المحاسبه 2 والدكتور محمد!!
 
:Cry111:

ألفا 2016- 4- 29 03:43 AM
رد: المحاسبه 2 والدكتور محمد!!
 
تبكي نبكي معاكي

امواج هادئة 2016- 4- 29 03:45 AM
رد: المحاسبه 2 والدكتور محمد!!
 
اف اف اف كمية يأس مو طبيعية قريتها من بين حروفك .... لية كذا

شوفي اولا لازم تستعيني بربي وتوكلية امرك وتثقين أنة مارح يضيع لك تعب ومجهود بذلته

ثاني حاجة أنا كنت نفسك والمادة حملتها مرتين . ... من الخوف منها وتقصيري فيها ....

بس صحصحت لنفسي وتداركت الوضع وحطيت امامي هدف ولازم أوصلة وسعيت له ... وألف الحمدالله تحول كرهي للمادة الى حب غريب ...

وبقولك ليش :


لان القصور فينا ماقاعدين نعطي المادة حقها من المذاكرة والفهم والشرح ...
والله مسكتها من يومين فقط وأبشرك ختمتها الان ... واكتشفت قد إِيش بسيطة جدا بس تحتاج مجهود مكثف منك

افتحي المحاضرة وبيدك ورقة وقلم ومحاسبة
اول محاضرة ذاكري نقطة نقطة النظري اولا ذاكرية بفهمك وتلخيصك لة يثبت أسرع
روحي للمسائل وأقريها كويس واعرفي السؤال المطلوب منة وروحي ابحثي بالقانون وافهمية ....

وطبقي على المسأله وكرريها .... حتى تفهميها ....

وكذا بكل محاضرة

بعدها شوفي قفزات الكنغر تسهل عليك واختبر نفسك والكويزات جداااا تثبت المعلومة

وهذا اللي حبيت أفيدك فية ....

كمان فيه قناة بالتلجرام مشروحة المحاضرات فيها مره سهلت عليه بالمذاكرة تقدري تشاركي فيها وتستفيدي


الله يسهل عليك امر كل عسير ويكتب لنا التوفيق جميعا ....

ألفا 2016- 4- 29 03:51 AM
رد: المحاسبه 2 والدكتور محمد!!
 
ممكن تعلميني كيف اشترك في القناة

امواج هادئة 2016- 4- 29 04:08 AM
رد: المحاسبه 2 والدكتور محمد!!
 
ألفا أرسلت لك ع الخاص افتحي وتعاليني وأتس أضيفك

charlzma 2016- 4- 29 04:59 AM
رد: المحاسبه 2 والدكتور محمد!!
 
اقتباس:
المشاركة الأصلية كتبت بواسطة امواج هادئة (المشاركة 13351341)
اف اف اف كمية يأس مو طبيعية قريتها من بين حروفك .... لية كذا

شوفي اولا لازم تستعيني بربي وتوكلية امرك وتثقين أنة مارح يضيع لك تعب ومجهود بذلته

ثاني حاجة أنا كنت نفسك والمادة حملتها مرتين . ... من الخوف منها وتقصيري فيها ....

بس صحصحت لنفسي وتداركت الوضع وحطيت امامي هدف ولازم أوصلة وسعيت له ... وألف الحمدالله تحول كرهي للمادة الى حب غريب ...

وبقولك ليش :


لان القصور فينا ماقاعدين نعطي المادة حقها من المذاكرة والفهم والشرح ...
والله مسكتها من يومين فقط وأبشرك ختمتها الان ... واكتشفت قد إِيش بسيطة جدا بس تحتاج مجهود مكثف منك

افتحي المحاضرة وبيدك ورقة وقلم ومحاسبة
اول محاضرة ذاكري نقطة نقطة النظري اولا ذاكرية بفهمك وتلخيصك لة يثبت أسرع
روحي للمسائل وأقريها كويس واعرفي السؤال المطلوب منة وروحي ابحثي بالقانون وافهمية ....

وطبقي على المسأله وكرريها .... حتى تفهميها ....

وكذا بكل محاضرة

بعدها شوفي قفزات الكنغر تسهل عليك واختبر نفسك والكويزات جداااا تثبت المعلومة

وهذا اللي حبيت أفيدك فية ....

كمان فيه قناة بالتلجرام مشروحة المحاضرات فيها مره سهلت عليه بالمذاكرة تقدري تشاركي فيها وتستفيدي


الله يسهل عليك امر كل عسير ويكتب لنا التوفيق جميعا ....
مافي ملخص نفس حق ام جهاد مشروح المسائل فيه مابقى شي على الاختبار ولا فهمت شي اخاف احملها مرا ثنيه وصلت المستوى السابع ولا عديتها

امواج هادئة 2016- 4- 29 05:05 AM
رد: المحاسبه 2 والدكتور محمد!!
 
فيه من عشر أسئلة لام جهاد بس ماني عارفة ارسله هنا لأنة رابط عالتلجرام

Leader151 2016- 4- 29 05:10 AM
رد: المحاسبه 2 والدكتور محمد!!
 
ارسلي لنا الرابط ... الله يسعدك

امواج هادئة 2016- 4- 29 05:15 AM
رد: المحاسبه 2 والدكتور محمد!!
 
والله ماعرف ارسل روابط

لكن بدلكم على طريقة روحو لحساب عبد العزيز الصقار بتويتر تلاقونة منزل رابط قناة التلجرام للمحاسبة 2 تبع شروحات منال للمحاضرات جدا رح تفيدكم

وبتلاقون جميع الروابط المهمة هناك بالقناة كمان اسئلة ام جهاد من عشر اسئلة


سامحوني هذا اللي اقدر افيدكم فية والبنات تعالو خاص اعطيكم رقمي واضيفكم بقناة التليجرام

charlzma 2016- 4- 29 05:18 AM
رد: المحاسبه 2 والدكتور محمد!!
 
اقتباس:
المشاركة الأصلية كتبت بواسطة امواج هادئة (المشاركة 13351556)
فيه من عشر أسئلة لام جهاد بس ماني عارفة ارسله هنا لأنة رابط عالتلجرام
طيب ممكن رابط القناه ابي اضيفها

امواج هادئة 2016- 4- 29 05:19 AM
رد: المحاسبه 2 والدكتور محمد!!
 
برسلك خاص

منصور الشهري00 2016- 4- 29 05:45 AM
رد: المحاسبه 2 والدكتور محمد!!
 
شوفي الهمه ام من كل شي كل ما كانت همتك قويه كل ما صار كل شي قدامك سهل العزم والاصرار والاجتهاد من همتك فلا تحطمين نفسك

fofoso25 2016- 4- 29 06:23 AM
رد: المحاسبه 2 والدكتور محمد!!
 
عندي اسئله محلوله مع الشرح لام جهاد بس ماعرف نهائيا اجيبها هنا:mh318:

fofoso25 2016- 4- 29 06:34 AM
رد: المحاسبه 2 والدكتور محمد!!
 
لقيت الاسئله :d5:لام جهاد



http://www.ckfu.org/vb/attachment.ph...5&d=1447964623

امواج هادئة 2016- 4- 29 06:45 AM
رد: المحاسبه 2 والدكتور محمد!!
 
الحمدالله وأخيرا احد نزلها يعطيك العافية يا قلبي

مآريا 2016- 4- 29 12:47 PM
رد: المحاسبه 2 والدكتور محمد!!
 
حبيبتي انا كنت مثلك محبطه من الماده بس قلت لمتى ! الاختبآر مابقى عليه شي
واقوم طال عمرك وامسك ملف اسوم وملف طموح شايب جزاهم الله الف خير واحفظهم
وفيه ملف لميما العريني جعلها للجنه فيه حل أسألة الاختبار مع الشرح شوفي كل مسأله شلون حلتها وأي قانون طبقت وركزي وبأذن الله تمشي امورك تمام
هذا من ناحية العملي اما النظري فيه ملف لأم شهد الله يسعدها ويوفقها فيه أسألة النظري خذي لك فره عليه بعدين حلي كويزات النظري وبأذن الله نفرح كلنا بعد الاختبآر
وأهم شي أهم شي توكلي على الله ومافيه شي مستحيل احنا نصعبها على انفسنا
بالتوفيق للجميع يارب :icon19::icon19:

Mzoun 2016- 4- 29 01:16 PM
رد: المحاسبه 2 والدكتور محمد!!
 
مااااافي شي مستحيل ان شاء الله انا وضعي حاليا آخذ موضوع المحاضره واكتبه بقوقل وتطلعلي شروحات لكن مشتته حاليا ..وبالنسبة لشرح الدكتور صراحة سيء سيء سيء ايش هذا الشرح؟ وفعلا لمن افتح محاضرته يجيني صداع ونوم ..والله يكتب اللي فيه الخير يارب وان شاء الله ننجح بهالماده :verycute:

Noufa.3 2016- 4- 29 01:37 PM
رد: المحاسبه 2 والدكتور محمد!!
 
انا للحين م بديت فيها بس كل م اذكر اني كنت شايله هم الاخلاق وجا الاختبار خفيف ولطيف , اتفائل الصدق بالمحاسبة.:(269):
بدل م تحطمون انفسكم يخي تذكروا الخميس وشجعوا انفسكم < ي خوفي بعد ربع ساعه اجي اتشكى:g2: ..


المهم الله يوفقنا جميعاً وان شاء الله بكره نطلع من الاختبار مبسوطين
:d5:

ريم العمري 2016- 4- 29 03:09 PM
رد: المحاسبه 2 والدكتور محمد!!
 
اقتباس:
المشاركة الأصلية كتبت بواسطة مآريا (المشاركة 13352512)
حبيبتي انا كنت مثلك محبطه من الماده بس قلت لمتى ! الاختبآر مابقى عليه شي
واقوم طال عمرك وامسك ملف اسوم وملف طموح شايب جزاهم الله الف خير واحفظهم
وفيه ملف لميما العريني جعلها للجنه فيه حل أسألة الاختبار مع الشرح شوفي كل مسأله شلون حلتها وأي قانون طبقت وركزي وبأذن الله تمشي امورك تمام
هذا من ناحية العملي اما النظري فيه ملف لأم شهد الله يسعدها ويوفقها فيه أسألة النظري خذي لك فره عليه بعدين حلي كويزات النظري وبأذن الله نفرح كلنا بعد الاختبآر
وأهم شي أهم شي توكلي على الله ومافيه شي مستحيل احنا نصعبها على انفسنا
بالتوفيق للجميع يارب :icon19::icon19:

-




الله يعين بس الماده هذي حملتها من اول وتركتها لين اخر شي وعلى حظي تغير الدكتور:139: .
لكن بإذن الله معدينها :verycute: .
ياليت تعطيني ملف ام شهد تبع النظري اللي تتكلمين عنه :icon9::004: .

dosha2015 2016- 4- 29 04:31 PM
رد: المحاسبه 2 والدكتور محمد!!
 
مالنا الا نعدي الترم هذا ونغير التخصص لابوه من تخصص سؤالي نقدر نغير التخصص الى علم اجتماع

Majed-mmz 2016- 4- 29 04:55 PM
رد: المحاسبه 2 والدكتور محمد!!
 
ترا المحاسبه سهله 🚶

arwa1991 2016- 4- 29 05:04 PM
رد: المحاسبه 2 والدكتور محمد!!
 
وين غفزات االكنغر وين القاها بلييز

(ملكة المشاعر) 2016- 4- 29 07:13 PM
رد: المحاسبه 2 والدكتور محمد!!
 
تحصليها في ورشة المحاسبه

محماس مطيري 2016- 4- 29 07:15 PM
رد: المحاسبه 2 والدكتور محمد!!
 
ياجماعه الماده مو صعبه ولكن بتعاونا راخ تسهل جدا

(ملكة المشاعر) 2016- 4- 29 07:16 PM
رد: المحاسبه 2 والدكتور محمد!!
 
عفوا في تجمع الاختبار مقرر مبادئ المحاسبه

مآريا 2016- 4- 29 07:17 PM
رد: المحاسبه 2 والدكتور محمد!!
 
اقتباس:
المشاركة الأصلية كتبت بواسطة ريم العمري (المشاركة 13353185)
-




الله يعين بس الماده هذي حملتها من اول وتركتها لين اخر شي وعلى حظي تغير الدكتور:139: .
لكن بإذن الله معدينها :verycute: .
ياليت تعطيني ملف ام شهد تبع النظري اللي تتكلمين عنه :icon9::004: .
آسفه قصدي ميما جزآها ربي كل خير
تفضلي :icon19:
http://www.ckfu.org/vb/t747715.html

almassh 2016- 4- 30 12:01 AM
رد: المحاسبه 2 والدكتور محمد!!
 
المحاسبه سهله انا عارفه
وانا دارسه دبلوم مصرفي وناجحه بمرتبه الشرف والثانيه ع الدفعه

القصور مو بالماده
والخوف مو من الماده


الخوف من شرح الدكتور سيء جدا
وماعرف اسلوبه وماندري وش نركز عليه
شتتنا حيل الله يهديه

انا واثقه بقدراتي وادري اني اقدر بس ع الاقل اعتمد ع شي واحد بمذاكرتي

للامانه حاولت افتح محاضراته يجيني نوم وفي اشياء جديده علي واشياء ناسيتها

وهو ماساعدنا بالشرح الصراحه

انا ماعندي مشكله مع الماده حاولت اشياء شرحتها لنفسي واشياء استعنت باليوتيوب

بس للدكتور اسلوب بالاسئله من حقنا نعرفه

حتى المحاضرات المباشره ماقال شي عن الاختبار

وش ذا !

salem.mubark 2016- 4- 30 05:16 AM
رد: المحاسبه 2 والدكتور محمد!!
 
الله يعدي هالاختبار على خير من جد يجيب النوم انا من شفت المحاضرة المباشرة الاولى ساعتين غسلت يدي زين انتبهت انها مو كامله بس طلع شكله نسا التسجيل ربي يوفقنا

نورآ حمد 2016- 4- 30 07:37 AM
رد: المحاسبه 2 والدكتور محمد!!
 
-

تضخيمك للموضوع براسك ب يضيع منك درجات كثيره
انتي سوي اكثر شيء تقدرينه و الباقي ربي يعينك


All times are GMT +3. الوقت الآن حسب توقيت السعودية: 09:56 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه