|
للمنتسبين الموظفين .. وش وضعكم مع الدوام ؟
السلام عليكم ورحمه الله
اتمنى النجاح للجميع بعد نهايه الامتحان ولاتعبتو بالنسبة للموظفين وش وضعكم مع الدوام بايام الاختبارات يعطونكم اجازه امتحان او من عندكم تقدمون اجازه او اجازه باليوم اللي عليك امتحان فقط لانها مو متواصلة كل موظف يقولنا وضعه مع جهة عمله |
رد: للمنتسبين الموظفين .. وش وضعكم مع الدوام ؟
بالنسبة لي كـ موظف حكومي على "مرتبة"
اخذ اجازة تبدأ من اول يوم امتحان وتنتهي مع اخر يوم امتحان يعني اسبوعين كاملة وطبعا هي تختلف على حسب الادارة اللي تتبع لها لأن بعض المدراء الله يهديهم يعقدها وهي ماتسوووى وبعض المدراء يكون متعاون ويعطي الموظف اجازة كاملة طيلة فترة الاختبارات وبعضهم لا يقولك فقط ايام الامتحان واليوم اللي مافيه امتحان تداوم |
رد: للمنتسبين الموظفين .. وش وضعكم مع الدوام ؟
اقتباس:
طيب انت تقدم الاجازه بنفسك من رصيدك والا تطبع لهم ورقه من الجامعه بخصوص الامتحان عشان يعطونك اجازه امتحانات؟ |
رد: للمنتسبين الموظفين .. وش وضعكم مع الدوام ؟
والله اداوم واختبر ، باالبدايه كنت الوحيد الي يدرس ويعطوني اجازه اما الآن زاد العدد ولافيه اجازات
|
رد: للمنتسبين الموظفين .. وش وضعكم مع الدوام ؟
اقتباس:
شغلك حكومي او خاص؟ |
رد: للمنتسبين الموظفين .. وش وضعكم مع الدوام ؟
نظام الخدمة المدنية تمنح اجازه اسبوعين كاملة طيله فتره الاختبارات واذا استقعد لك المدير اقصى شي يقدر يسويه لك يخليك تداوم بعد اخر اختبار بجدولك يعتي مثل اخر ماده تخلص قبل نهاية اختبارت الجامعه بيومين تداوم
|
رد: للمنتسبين الموظفين .. وش وضعكم مع الدوام ؟
نظاما اجازة الاختبارات من حق اي موظف سواء حكومي او قطاع خاص وصادر فيها مرسوم ملكي
الاجازة تكون للايام الفعلية للاختبارات وليس لفترة الاختبارات كاملة وتقدم الاجازة مرفق جدول الاختبارات قبلها 15 يوم هذا النظام وترجع بالاول والاخير للادارة التي تنتمي لها البعض يمنح الموظف اجازة طوال فترة اختباره والبعض الاخر يطالب الموظف بالعمل في الايام التي ليس فيها اختبار |
رد: للمنتسبين الموظفين .. وش وضعكم مع الدوام ؟
نظام وزارة العمل الجديد للشركات والمؤسسات
يحق للموظف أخذ اجازة بأيام الاختبارات الفعليه من رصيده السنوي او إجازة غير مدفوعة الاجر وفي حال رغبة الموظف أخذ اجازة مدفوعة الاجر من قبل عمله يجب عليه اخذ الموافقة من قبل جهة عمله يعني بإختصار انت يحق لك اجازة بأيام الاختبارات الفعليه سواء رصيد سنوي او غير اجازة بدون راتب او توافق المنشأة الي تعمل فيها على اعطائك اجازة مدفوعة بكلا الحالات لازم تطلع اجازة. |
رد: للمنتسبين الموظفين .. وش وضعكم مع الدوام ؟
السلام عليكم .. بالنسبه لي موظف حكومي .. كل أختبارات أطبع لهم من موقع الجامعه وتحديداً أيقونة شهادة لحضور الأختبارات بدون جدول الأختبارات يكون واضح فيها التاريخ بالهجري والميلادي تبدا من كذا وتنهي في كذا وآآخذ اجازه طوال هالأسبوعين والحمد لله الأمور تمام ,, ومعاي في الدوام كذا شخص برضوه منهم في جامعتنا والبعض من جامعة الأمام ولا فيه مشاكل ولا تعقيد . اليوم أول يوم دوام بعد الأختبارات :) |
رد: للمنتسبين الموظفين .. وش وضعكم مع الدوام ؟
بالنسبه لي اطبع الجدول واعطيه المديره وهي ماتقصر تقول روحي وقت تخلصين اختبار تداومين طبعا اجازه من غير اجازاتي السنويه
بالاول والاخير يرجع لمدير عملك اذا كان متفهم وضعك او نفسيه ويحب التدقيق والتعقيد .....واليوم اول يوم دوام :d5: |
رد: للمنتسبين الموظفين .. وش وضعكم مع الدوام ؟
بالنسبه لي ك ( قطاع خاص)
أكيد نطبع جدول الاختبارات اللي مسجل عليه التواريخ من والى وارفعه للاداره اليوم اللي اختبر فيه عليهم واليوم اللي جالس فيه وماعندي اختبار مخصوم من رصيد إجازاتي السنويه والاجازة قصبن عنهم سواء كان خاص أوعام ( ماهو بكيفهم هو شرط الزامي تاخذ اجازة لو بيوم الاختبار اذا ماعطاك كامله ) وإذا مانفع معهم عندك مكتب العمل اذا كنت خاص او الخدمه المدنيه ان كنت موظف عام وبالتوفيق |
رد: للمنتسبين الموظفين .. وش وضعكم مع الدوام ؟
إجازة مدفوعة فقط باليوم الذي يتم فيه الإختبار
بالتوفيق للجميع |
رد: للمنتسبين الموظفين .. وش وضعكم مع الدوام ؟
نفس يوم الاختبار مايحاسبوني عليه من وزارة العمل مصرح للجميع يختبرون
اما الايام الي بينهم اداوم والله ييسر لنا |
رد: للمنتسبين الموظفين .. وش وضعكم مع الدوام ؟
اجازه وقت الامتحان هالترم اخذت15 يوم
9ايام اختبارات ويومين اجازه اسبوعيه و4ايام حسم من اجازتي السنويه بس يسوون زحمه اطبعي جدول اكتبي خطاب كم يوم تبين حسم:mad: وهاتي ورقة تعريف من الجامعه انك طالبه عندهم:Looking_anim: واصلا ضيعوا جدولي وانا جيبته اول وحده>>>>قصة حياتي :16.jpg: واضطريت اطبع من جديد :139:بس سويت لهم مشكله فاضيه لكم انا كل شوي اطبع:mad: |
رد: للمنتسبين الموظفين .. وش وضعكم مع الدوام ؟
بالنسبة لي قدمت لهم ورقة الامتحانات والمدير ما قصر كان متعاون جداً
أعطاني من قبلها يوم لين أخر يوم بالامتحانات يعني الحين أكتب مشاركتي وانا بالعمل :) اسبوعين كاملة اجازة ولا تخصم من رصيد الاجازات . |
رد: للمنتسبين الموظفين .. وش وضعكم مع الدوام ؟
بتكلم بالنسبة للقطاع الحكومي .. هناك نظام للإجازات معتمد يسمى ( إجازة إمتحان موظف ) وهو صادر بقرار من مجلس الوزراء من أيام الملك فهد رحمة الله عليه وينص بضرورة منح الموظف الدارس إجازة أثناء الإمتحانات (من غير أن يمس الرصيد الإعتيادي) إجازة مدفوعة الأجر , طيب نجي عند التطبيق / بالبداية تبلغ مديرك - حسب التعامل مع المدير - شفوياً أو رسمياً بخطاب و بإشعار حضور الإختبار (من موقع الجامعة ) لاحظ أن الخطاب أو المحادثة مع المدير ليست إستئذان أو سؤال بل هو مجرد تبليغ منك إنك راح تغيب ..
ثانيا / إحتساب الإجازة : إدارة شؤون الموظفين راح تحسب لك الإجازة على معيار (داخلي أو خارجي) داخل المدينة اللي تعمل فيها أو خارجها , الداخلية يطلب منك العمل في الأيام الخالية من الإمتحان , أما الخارجية يتم حسمها إجازة كاملة من تاريخ أول إمتحان لديك وحتى آخر تاريخ آخر إمتحان لديك . طبعا إنت قل أختبر بالإحساء عشان يعطونك إجازة كاملة . وسلامتك |
رد: للمنتسبين الموظفين .. وش وضعكم مع الدوام ؟
الله يسهلها .. من رصيدي وبعد تفحيط طبعا .. الله لا يعقدها على مسلم .
|
رد: للمنتسبين الموظفين .. وش وضعكم مع الدوام ؟
اقدم لهم الجدول مع شهادة حضور الإختبار الإجازة منهم على عدد أيام الاختبارات فقط. بس من وزارة العمل أسبوعين و طبعا إذا زادت عنها فتخصم من الراتب بالنسبة لي أخذ كل فترة اختباراتي + يومين قبل ويوم بعد بالتوفيق للجميع |
رد: للمنتسبين الموظفين .. وش وضعكم مع الدوام ؟
بالنسبة لي موظف عسكري النظام يقول من حق
كل موظف عسكري يأخذ اجازة اختبارات ولاتعتبر من رصيده بشرط حصولك على موافقه بإكمال الدراسه يعني اول ماتسجل بالجامعه وتقبل تأخذ إفادة من الجامعه انك طالب منتسب وترفع اوراقك وتجيك موافقه بناء عليها وعلى جدول الاختبارات ترفع كل ترم للشؤون الإدارية ويصدر لك قرار اجازة بمسمى إجازة أداء اختبارات ( اجازة مدرسية) ومالها دخل برصيد اجازاتك السنوية طبعا الاجازة تبدأ حسب جدولك وتنتهي آخر يوم اختبار عندك الأيام الي ماعندك اختبار تعتبر اجازة لأن قرار الاجازة يكون من تاريخ كذا إلى تاريخ كذا |
رد: للمنتسبين الموظفين .. وش وضعكم مع الدوام ؟
وعليكم السلام
طبعاً من حقك اذا كان اختبارك برا المنطقه الي انت فيها تاخذ فيها اجازه كامله من بداية يوم الاختبار إلى نهايته واذا كنت تختبر بنفس منطقتك عملك اليوم الي ماعليك فيه اختبار تداوم فيه وبرضوا ع حسب تساهل عملك معك وبالتوفيق،،" |
رد: للمنتسبين الموظفين .. وش وضعكم مع الدوام ؟
بالنسبة للقطاع الحكومي اللي أنا أداوم فيه
يعطونك يوم الإختبار فقط ماتداوم وكل التوفيق لك |
رد: للمنتسبين الموظفين .. وش وضعكم مع الدوام ؟
مساء الخير بحكم إني اشتغل في جامعة فهم عارفين النظام ماقدمت الجدول والتعريف إلا مرة وحدة خلال ثلاث سنوات لأنهم يعرفون إن عندي اختبارات والإجازة تبدأ مع أول يوم اختبار وتنتهي بنهاية آخر يوم وما تخصم من رصيدك كموظف حكومي يعني اليوم مداوم الحمد لله بالنسبة لي ضغط الدوام ولا ضغط الاختبارات |
رد: للمنتسبين الموظفين .. وش وضعكم مع الدوام ؟
بالنسبه لي كموظف بأحد المصارف
فالنظام يحق لي بإجازة مدفوعه بيوم الإختبار فقط خصوصا ان الاختبار بنفس المدينه واذا تبغى زياده خلال فترة الاختبارات كامله قدم على اجازه من رصيدك اللي كلها 29يوم بالسنه |
رد: للمنتسبين الموظفين .. وش وضعكم مع الدوام ؟
في عملي القديم كنت اداوم حتى في نفس يوم الاختبار واطلع ع الساعه 11 تخيلوا
ولما غيرت شغلي الحمدلله اخذ اسبوعين اجازة مخصومة الراتب ههههههه بس فدا درجاتي |
رد: للمنتسبين الموظفين .. وش وضعكم مع الدوام ؟
بدون تقديم اجازه ... مجرد تطبع جدول الاختبارات من الجامعه وتعطيها لمديرك عشان يعدلها في نظام البصمه اذا كان نظام الحضور والانصراف بالبصمه... فيه ايقونه خاصه بالموظف المجاز اجازة اختبارات...
الوظيفه : حكومي |
رد: للمنتسبين الموظفين .. وش وضعكم مع الدوام ؟
قبل الامتحانات اديهم جدولي مع الافاده انو انا من طالبات فيصل
واكمل اسبوعين م اداوم واليوم تاني يوم دوام وربنا يوفقنا ونتخرج بصحه وعافيه |
رد: للمنتسبين الموظفين .. وش وضعكم مع الدوام ؟
انا موظف حكومي وعلى مرتبة اخذت اجازة قبل الاختبارات يومين
ومعي الاختبارات كلها إجازة واخر يوم الاختبار يحسب بعدها يومين اجازة من عندهم علماً أنها ماتخصم من رصيدي الاعتيادي أبد , وتراها على حسب المتابعة عند الجهة |
رد: للمنتسبين الموظفين .. وش وضعكم مع الدوام ؟
فيه قرار من وزاره الخدمه المدنيه يفيد بان الطالب المنتسب سوا ثانوي او جامعه يمنح اجازه من بدايه الاختبار الى نهايته
انا موظفه بقطاع حكومي امنح اجازه من يوم الاختبار الى اخر يوم طبعا انا عندي رصيد اعتيادي اخذه قبل الاختبار ب اسبوع واذا انتهيت من الاختبار أخذ يومين اضطراري اريح فيهم وأجمع طاقتي لدوام وممارسة العمل |
رد: للمنتسبين الموظفين .. وش وضعكم مع الدوام ؟
اقتباس:
ماشاء الله .. بمدرسة او وزارة |
رد: للمنتسبين الموظفين .. وش وضعكم مع الدوام ؟
ياريت الكل يعطينا طبيعه عمله
مو شرط يحدد بالاسم ..بس مثلا على الاقل المهنه ومكان العمل مثلا وزارة او مدرسة او هيئه او شركه كذا |
رد: للمنتسبين الموظفين .. وش وضعكم مع الدوام ؟
النظام يسمح لك إنك تكمل دراستك في أي مرحلة من المراحل
بعد قبولك في الجامعه تدخل الخدمات الطلابيه وتطبع الأوراق اللي تثبت إنك تدرس في الجامعه وترفعها لمرجعك مع معروض خطي من قبلك إنت شخصياً وتجيك الموافقه بإكمال الدراسة وتاخذ إجازة " أداء أمتحان دراسي " مالها علاقه في إجازاتك الأخرى بالتوفيق لك وللجميع |
رد: للمنتسبين الموظفين .. وش وضعكم مع الدوام ؟
بالنسبه لي انا عسكري وأخذ اجازه قبل الاختبارات بأسبوع وبعدها لكن اجازه من غير رصيد اجازه لأن مديري متفاهم وانا المفروض اداوم اليوم بس قالوا لي داوم الأحد هي بالاخير ترجع على مديرك وخوياك
|
رد: للمنتسبين الموظفين .. وش وضعكم مع الدوام ؟
بالنسبة لي عملت سابقا لمدير ادراه شئون الموظفين
ولا يحق لمديرك ان يخصم عليك رصيد اجازاتك اذا رغبت في مواصلة الدراسة طبعا اول شي ترفع خطاب للمدير بأنك ترغب في مواصلة الدراسة وبعض المدراء متساهل جداً ولايدقق اطبع له الجدول واشعار الحضور بعد الاختبار انا اتكلم عن القطاع الحكومي |
رد: للمنتسبين الموظفين .. وش وضعكم مع الدوام ؟
والله على حسب مديرك
انا رحت ابي اجازه قالو مافيه خذ من رصيدك ولا بدون راتب ورحت للمدير حقي قال رح واذا خلصت اختباراتك تعال بيض الله وجهه ماقصر |
رد: للمنتسبين الموظفين .. وش وضعكم مع الدوام ؟
اقتباس:
وطوال فترة الامتحانات اعتبر مجاز حتى تنتهي ثم اعود للعمل :106: وطبعا لايخصم من رصيدي نهائياً :no: لأنها تعتبر اجازة ممنوحة من الخدمة المدنية ومثل ماقلت هالموضوع يحكمه عدة اعتبارات للموافقة على الاجازة الكاملة مثل : * تعامل المدير مع موظفينة * وجود موظفين يغطون عليك خلال فترة اجازتك < وهذه النقطة بالذات مهمة حتى مايتعطل العمل في غيابك *والاهم من ذلك كله يجب رفع افادة لمرجعك تثبت انك تدرس في الجامعة ليكونوا على علم وهذه النقطة تسهل عليك بقية الاجراءات موفق |
رد: للمنتسبين الموظفين .. وش وضعكم مع الدوام ؟
بالنسبه لي قطاع خاص قدمت الاجازه اخذت يومين قبل الاختبار
ولا خصمو علي شي راتبي وصل كامل على حسب المدير |
رد: للمنتسبين الموظفين .. وش وضعكم مع الدوام ؟
اشتغلت في ثلاث شركات في فترة دراستي
وكلها كان يعطوني الاجازه بمرتب وحتى الايام اللي مافيها اختبار ماداومها .. ولا تخصم من رصيد اجازاتي :) |
رد: للمنتسبين الموظفين .. وش وضعكم مع الدوام ؟
السلام عليكم ،،،
الصراحة هي تعتمد ع الإدارة وتفكيرها ،،، طبعاً إذا فيه موافقه من الشركة يصير القسم مجبور يعطيك إجازة إختبارات ،،، الشركة اللي أنا فيها فيه أقسام يعطون أسبوعين وفيه أقسام يعطون يوم الإختبار وطبعاً فيه أيقونه خاصه بإجازة الإختبارات مالها علاقة برصيد الإجازات السنوية ،،، بالتوفيق ،،، |
رد: للمنتسبين الموظفين .. وش وضعكم مع الدوام ؟
بالنسبه لي عسكري وما اخذ اجازه غير من رصيدي
اللي هيا ال10 ايام الاضطراري وماتاخذ غير يوم الاختبار ولازم يكون يتعارض وقت الاختبار مع شفت العمل يعني دوام الصباح ودوام الليل اداوم يعني بعض الاختبارات اكون مداوم صباح اطلع من الدوام الساعه 2 واروح للاختبار الساعه 4 اذا كان فتره اولى وحاله الله لا يمضيها على مسلم واخر شي اذا جات الاسئله صعبه يجيك واحد فالملتقى يقول الدكتور ماله ذنب انك ماتشد حيلك وتذاكر الحمد لله على كل حال |
رد: للمنتسبين الموظفين .. وش وضعكم مع الدوام ؟
النظام يقول يحق للموظف التغيب .. ركزو فيها يعني مهيب اجازه ترفعها وتنتظر موفقتها ... تغيب الفترة كامله وتجي بعد الاختبارات بالجدول واثبات الحضور الاجازه فيها مرسوم ملكي يعني موافقه الجهه مالها اي فايده اذا صار بينك وبين مديرك مشكله ارفع خطاب تظلم للخدمه المدنيه والله ان ياكلها مديرك لاتعطون اي مدير اكبر من حجمه
|
| All times are GMT +3. الوقت الآن حسب توقيت السعودية: 05:34 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه