ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   اجتماع 6 (https://vb.ckfu.org/forumdisplay.php?f=425)
-   -   [ محتوى مقرر ] : دفعتنا العزيزة .. نصيحة نزلوا مادة النظريات الإجتماعية (https://vb.ckfu.org/showthread.php?t=754116)

محمدالفهد 2016- 5- 12 12:06 AM

دفعتنا العزيزة .. نصيحة نزلوا مادة النظريات الإجتماعية
 
السلام عليكم ورحمة الله وبركاته
بالنسبة لمادة النظريات الإجتماعية هي إحدى مواد مستوى ثامن.
اللي عنده مجال ينزلها بمستوى سابع، نصيحة ينزلها عشان يفتك
منها، بشرط انه مايكون معها مادة بنفس اليوم لأنها مادة دسمة وغثيثة
وزاد من مغثتها ان دكتورها علة اللي هو الخريف.
أشبه هالمادة بمجموعة تقابلوا بمجلس، وكل منهم قال له سالفة، وفي المقابل
فيه مجموعة ثانية مرخين أذانيهم يستمعون لسوالف المجموعة الأولى، بعد فترة
قامت المجموعة الثانية تردد سوالف المجموعة الأولى : واحد يقول فلان قال كذا
والثاني يقول لا : فلان عارضه وقال كذا، نط ثالث وقال أصلاً أغلب كلام المجموعة
الأولى مدوج.
يعني بإختصار : المادة سرد حتسي، كله ممل وغثيث.
الله لايعطيه عافية من فرض هالمادة علينا، وإذا كان فيها نظريات
بتفيدنا في تخصصنا، المفروض اختصروها لنا وفكونا من قولة
فلان وفلنتان.
نزلوها لأن الخريف صار له كم سنة وهو جاثمٍ عليها، وتقريباً
أغلب الأسئلة اللي نزلها في اختبارات الأترام السابقة شاملة
للمادة.
لأنه ممكن يحطون عليها دكتور جديد ويحوسكم،
ساعتها بتقولون : ياحليل الحجاج عند ولده.

مــنى 2016- 5- 12 12:22 AM

رد: دفعتنا العزيزة .. نصيحة نزلوا مادة النظريات الإجتماعية
 
ههههههههههههههههههه
يعطيك العافية ع النصيحة يامحمد
بس نظريات ومشروع :icon120:
ابد والله مو وارد عندي اضيفها بسابع
بخليها مكانها والي فيها فيها

Dr.Ray 2016- 5- 12 12:23 AM

رد: دفعتنا العزيزة .. نصيحة نزلوا مادة النظريات الإجتماعية
 
يعطيك العافية أخي على النصيحة

لكن صعب لان ما ودي أأجل من مواد سابع لمستوى ثامن

بخليها لوقتها وربي بيسرها

يعطيك العافية

محمدالفهد 2016- 5- 12 12:33 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة مــنى (المشاركة 1057206036)
ههههههههههههههههههه
يعطيك العافية ع النصيحة يامحمد
بس نظريات ومشروع :icon120:
ابد والله مو وارد عندي اضيفها بسابع
بخليها مكانها والي فيها فيها

يعافيك ربي يامنى
توكلي على الله وأخذيها، ذاكري الأسئلة بس
وبتعدينها ان شاءالله، ترى الخريف يصعب بعض الإسئلة
لكن يسهل بعضها عشان يعطي فرصة للنجاح.
وإذا حملتيها لا قدر الله يمديك تنزلينها في مستوى ثامن.
ربي يوفقك ويسهل لك كل صعب.

كن كن 2016- 5- 12 12:39 AM

رد: دفعتنا العزيزة .. نصيحة نزلوا مادة النظريات الإجتماعية
 
بالعكس ياليت يغيرون الخريف والله ابركها من ساعه الصراحه محد حاسنا الا هو واسألته المعقده مهما كانت الماده سهله لازم يعقدها ويلف ويدور انسان معقد من جد يبيله :41jg:
الا خلها محلها على قولت الشباب ولي فيها فيها الله الي بيسرها ان شاء الله


محمدالفهد 2016- 5- 12 12:46 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة Dr.Ray (المشاركة 1057206041)
يعطيك العافية أخي على النصيحة

لكن صعب لان ما ودي أأجل من مواد سابع لمستوى ثامن

بخليها لوقتها وربي بيسرها

يعطيك العافية

Dr.Ray يعافيك رب البيت
نصيحة نزليها وأفتكي منها، أنا يوم فتحت الملزمة عشان
أذاكر، صدع راسي وقلت معاد يبي لها نشدة حامل المادة
حاملها، فذاكرت الأسئلة.
ويوم اختبرتها أمس إلا سهود ومهود، طلع عندي
2 أخطاء تقريباً.
ربي يوفقك ويسهل لك كل أمور حياتك.

محمدالفهد 2016- 5- 12 12:55 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة كن كن (المشاركة 1057206094)
بالعكس ياليت يغيرون الخريف والله ابركها من ساعه الصراحه محد حاسنا الا هو واسألته المعقده مهما كانت الماده سهله لازم يعقدها ويلف ويدور انسان معقد من جد يبيله :41jg:
الا خلها محلها على قولت الشباب ولي فيها فيها الله الي بيسرها ان شاء الله


فعلاً الخريف يحوس ويعقد، بس تراه يعطي فرص للنجاح
على قولة العالم ايميل دور كايم : يجرح ويداوي.
خل عنك الكنكنة وأخذها الترم الجاي.
ربي يكتب لك التوفيق والنجاح والسداد

هلاله العسيري 2016- 5- 12 01:24 AM

رد: دفعتنا العزيزة .. نصيحة نزلوا مادة النظريات الإجتماعية
 
معك حق أخوي
شفت مجموعة من قروب ثامن معنا بالمركز يشكون منها
بس اللي فاتني ما سألتهم كيف جا الاختبار
بشوف لجدولي اذا مو متعارضة مع مواد من سابع ماخذتها بإذن الله
وعلى قولتك الخريف جاثم على صدورنا في المواد الماضية
لكن زي مايقولون وجهٍ تعرفه ولا وجهٍ تنكره

طموح منتسب 2016- 5- 12 01:26 AM

رد: دفعتنا العزيزة .. نصيحة نزلوا مادة النظريات الإجتماعية
 

اللي يبي ينزلها بالسابع راح يكون قبلها بيوم المشكلات

لكن لو كانت بالثامن قبلها يوم فاضي

huynh 2016- 5- 12 02:08 AM

رد: دفعتنا العزيزة .. نصيحة نزلوا مادة النظريات الإجتماعية
 
انا مع الاخ محمد الفهد نزلتها الترم ذا لانها دسممممممممممه دسممممممه
اخرتها حلفت ماافتحً الملزمه وانا مو من عادتي ذاكرت اسئلة العام وبتركيز ومع ذلك عجزت اخلصهن
بس الحمد لله جاوبت بعكس اللي ذاكر الملزمه كلها لخبط تخيلو يتغير الدكتور وتذاكرون الملزمه كلها
والله غير تنجلطون والحمد لله يارب افتكيت منها هي وحقوق انسان الترم اللي راح

ســــاري 2016- 5- 12 02:47 AM

رد: دفعتنا العزيزة .. نصيحة نزلوا مادة النظريات الإجتماعية
 
اخوي محمد جزاك الله خير ع النصيحه
من ناحيتي انا مع اللي يقولون ( خلها على مبنى الشايب )
المستوى السابع مواده كثير ويالله الخراج
دمتم بود:004:

الهواش 2016- 5- 12 06:07 AM

رد: دفعتنا العزيزة .. نصيحة نزلوا مادة النظريات الإجتماعية
 
امر الله من سعه

مواد ثامن ما غيرها اللي راح اختبر فيها 6 مواد .. وماخذ الترم الثامن ماخذه .. ما فيه مجال من الهروب .. لو انه ما باقي الا هالماده ممكن .. لكن دام مدرج معاها مواد .. راح اخليها بمكانها و بموعدها .. ولا اضغط على نفسي بسابع .. لأني قررت اخذ من ثامن .. (مشروع البحث) .. ومع مواد سابع .. راح تكون 10 مواد .. خير ونعمه


والله يمد بأعمارنا ويبارك لنا في علمنا .. ويعطينا خيره ويصرف عنا شره

وبالتوفيق للجميع

محمدالفهد 2016- 5- 12 12:36 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة هلاله العسيري (المشاركة 1057206257)
معك حق أخوي
شفت مجموعة من قروب ثامن معنا بالمركز يشكون منها
بس اللي فاتني ما سألتهم كيف جا الاختبار
بشوف لجدولي اذا مو متعارضة مع مواد من سابع ماخذتها بإذن الله
وعلى قولتك الخريف جاثم على صدورنا في المواد الماضية
لكن زي مايقولون وجهٍ تعرفه ولا وجهٍ تنكره

ايه حتى أنا اختبرت معهم في آخر يوم اللي هو يوم الثلاثاء
وشفت حال بعضهم، اللي يفرك عيونه واللي ينفصها
واللي يقدم الكرسي ومره يرجعه.
بالنسبة للإختبار مثل العادة، لف ومراوغة وتشتيت وتشابه
في بعض إجابات الأسئلة، ولاحظت بالمنتدى رد أحد طلبة
مستوى ثامن قال : ان فيه بعض الأسئلة وبعض إختيارات
الأجوبة خارجة عن المنهج وانه بيرفع شكوى تظلم.
ان كان فيه متسع للمادة أعلاه في جدولك القادم
توكلي على الله وأخذيها.
ربي يوفقك ويسهل لك كل صعب ويسعدك.

محمدالفهد 2016- 5- 12 12:43 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة ســــاري (المشاركة 1057206489)
اخوي محمد جزاك الله خير ع النصيحه
من ناحيتي انا مع اللي يقولون ( خلها على مبنى الشايب )
المستوى السابع مواده كثير ويالله الخراج
دمتم بود:004:

هلابك أخوي ساري
جزاك المولى جنة عرضها السموات والأرض
إذا جدولك مضغوط لا تنزلها.
ربي يوفقك ويسهل لك صعب ويبارك فيك
دمت لنا ولمن تحب.

محمدالفهد 2016- 5- 12 12:55 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة الهواش (المشاركة 1057206835)
امر الله من سعه

مواد ثامن ما غيرها اللي راح اختبر فيها 6 مواد .. وماخذ الترم الثامن ماخذه .. ما فيه مجال من الهروب .. لو انه ما باقي الا هالماده ممكن .. لكن دام مدرج معاها مواد .. راح اخليها بمكانها و بموعدها .. ولا اضغط على نفسي بسابع .. لأني قررت اخذ من ثامن .. (مشروع البحث) .. ومع مواد سابع .. راح تكون 10 مواد .. خير ونعمه


والله يمد بأعمارنا ويبارك لنا في علمنا .. ويعطينا خيره ويصرف عنا شره

وبالتوفيق للجميع

على راحتك باللي تشوفه مناسب لك.
في الترم هذا استغليت مواعيدالاختبارات
انها بالفترة الثانية ونزلت 11 مادة
باستثناء كان عندي مادة فترة أولى
والحمدلله طلعت سهود ومهود وعدت
جميع الإختبارات على خير.
آمين الله يمد في أعمار الجميع ويوفقنا جميعاً
بالتوفيق والنجاح.

timeout 2016- 5- 12 01:17 PM

رد: دفعتنا العزيزة .. نصيحة نزلوا مادة النظريات الإجتماعية
 
كنت مفكر انزلها ،،، لكن بسبب انه قبلها بيوم يوجد مقرر للاختبار فغيرت رايي ،،، المقرر صعب وقبلها اختبار يعني مايمديك تذاكر ،،،على الأقل بمستوى ثامن راح يكون في مجال تذاكر يومين قبل الاختبار أفضل ،،، المقرر صعب وماعندك الا يوم فقط تذاكر فيه وآخر يوم في الاختبارات يعني تركيز مافيه ،،، نخليه لآخر مستوى أفضل ،،،

بتول عبدالعزيز1 2016- 5- 12 01:50 PM

رد: دفعتنا العزيزة .. نصيحة نزلوا مادة النظريات الإجتماعية
 
هالترم باخذ تاريخ الخليج :000: وماني ناوية أشوف الخريف مرتين:41jg:

الفيحاني 2016- 5- 12 02:28 PM

رد: دفعتنا العزيزة .. نصيحة نزلوا مادة النظريات الإجتماعية
 
وش موضوع الخريف هذا حسبي الله عليه
ان شاء الله يجيه نقل السودان

الأريج 2016- 5- 12 02:36 PM

رد: دفعتنا العزيزة .. نصيحة نزلوا مادة النظريات الإجتماعية
 
فعلا كلامك صحيح وانا اخذتها الترم هذا مع مشروع التخرج وافتكيت منها
مادة غثيثة بكمل ماتحمله الكلمة من معنى

منــوه 2016- 5- 12 02:45 PM

رد: دفعتنا العزيزة .. نصيحة نزلوا مادة النظريات الإجتماعية
 
اتركونا من التشكي على الخريف
خلوه زي ماهو ولا يجيه قرار يصير وزير التعليم
ونتوهق :sm12:

طالبه2013 2016- 5- 12 03:24 PM

رد: دفعتنا العزيزة .. نصيحة نزلوا مادة النظريات الإجتماعية
 
والله انا المادة اللي اشيل همها اخذها وافتك وبعد مايمر المستوى واشوف ان دفعتي مااخذتها وشايله همها احمد ربي اني افتككيييت واخذتها وموضوع النظريات تحت الدراسه يااني اخربها واخذها او اني اروق المنقا واتعوذ من ابليس هههههههه

طموح منتسب 2016- 5- 12 06:05 PM

رد: دفعتنا العزيزة .. نصيحة نزلوا مادة النظريات الإجتماعية
 


اللي ينتقدون النظريات هل هي اصعب من نظرية المعرفة كمحتوى

هلاله العسيري 2016- 5- 12 06:39 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة محمدالفهد (المشاركة 1057207426)
ايه حتى أنا اختبرت معهم في آخر يوم اللي هو يوم الثلاثاء
وشفت حال بعضهم، اللي يفرك عيونه واللي ينفصها
واللي يقدم الكرسي ومره يرجعه.
بالنسبة للإختبار مثل العادة، لف ومراوغة وتشتيت وتشابه
في بعض إجابات الأسئلة، ولاحظت بالمنتدى رد أحد طلبة
مستوى ثامن قال : ان فيه بعض الأسئلة وبعض إختيارات
الأجوبة خارجة عن المنهج وانه بيرفع شكوى تظلم.
ان كان فيه متسع للمادة أعلاه في جدولك القادم
توكلي على الله وأخذيها.
ربي يوفقك ويسهل لك كل صعب ويسعدك.

بإذن الله اخذها جدولي تمام الحمد لله والأمور ماشية
ويوفقك ويسعدك يارب

هلاله العسيري 2016- 5- 12 06:42 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة طموح منتسب (المشاركة 1057208227)


اللي ينتقدون النظريات هل هي اصعب من نظرية المعرفة كمحتوى

الى الحين باقي والله ما شفتها لكن شفت مستوى ثامن يشكون منها ليلة الثلاثاء قبل يبدأ الأختبار
وكنا مخلصين احنا اختبار نظام اجتماعي وفاتني أسألهم بعدين كيف جا لكن شكله جا جامد عليهم
المهم اني حصلت لها مكان بجدولي وبإذن الله ماخذتها

ابووتركي 2016- 5- 12 07:41 PM

رد: دفعتنا العزيزة .. نصيحة نزلوا مادة النظريات الإجتماعية
 
فيك فيك أخترت أم أبيت

صح اللي ما عنده مقرر المشكلات فيه مجال ياخذها

أما اذا دسمه على ما وصلني لا والله في محلها أبرك قبلها يوم فاضي

وكل مطرود ملحوق أعمل اللي عليك والباقي على ربك الله لا يضيع تعب من تعب في خير

ويجزاك يا صاحب الموضوع ألف خير

ابوراااشد 2016- 5- 12 08:02 PM

رد: دفعتنا العزيزة .. نصيحة نزلوا مادة النظريات الإجتماعية
 
خلها في محلها يابن الحلاال

محمدالفهد 2016- 5- 12 11:00 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة timeout (المشاركة 1057207514)
كنت مفكر انزلها ،،، لكن بسبب انه قبلها بيوم يوجد مقرر للاختبار فغيرت رايي ،،، المقرر صعب وقبلها اختبار يعني مايمديك تذاكر ،،،على الأقل بمستوى ثامن راح يكون في مجال تذاكر يومين قبل الاختبار أفضل ،،، المقرر صعب وماعندك الا يوم فقط تذاكر فيه وآخر يوم في الاختبارات يعني تركيز مافيه ،،، نخليه لآخر مستوى أفضل ،،،

أصلاً لو بتذاكر المادة منت بلاقي شي تفهمه منها
عليك بالأسئلة هي اللي بتفيدك.

محمدالفهد 2016- 5- 12 11:08 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة بتول عبدالعزيز1 (المشاركة 1057207600)
هالترم باخذ تاريخ الخليج :000: وماني ناوية أشوف الخريف مرتين:41jg:

الترم هذا كان معي في 3 مواد
وأبشرك صار بيني وبينه عشرة
واحتمال أناسبه عشان تتقوى أواصر القربى.
نزلي مواده عشان يصير بينكم عيش
وملح.

محمدالفهد 2016- 5- 12 11:12 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة الفيحاني (المشاركة 1057207698)
وش موضوع الخريف هذا حسبي الله عليه
ان شاء الله يجيه نقل السودان

أغلب اللي تعمقوا في علم النفس والفلسفة
هذا مصيرهم.
تلقاهم مخفات وشكاكين ومعقدين.

محمدالفهد 2016- 5- 12 11:19 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة الأريج (المشاركة 1057207720)
فعلا كلامك صحيح وانا اخذتها الترم هذا مع مشروع التخرج وافتكيت منها
مادة غثيثة بكمل ماتحمله الكلمة من معنى

سبحان الله أحس اللي فرضها علينا خصوصاً انها
في آخر مستوى يبي مضرتنا.
هناك المخلاص، فالك التوفيق والنجاح.

محمدالفهد 2016- 5- 12 11:23 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة منــوه (المشاركة 1057207747)
اتركونا من التشكي على الخريف
خلوه زي ماهو ولا يجيه قرار يصير وزير التعليم
ونتوهق :sm12:

بالنسبة لي ماأستبعد هالشي، كل شي جائز.

محمدالفهد 2016- 5- 12 11:31 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة طالبه2013 (المشاركة 1057207868)
والله انا المادة اللي اشيل همها اخذها وافتك وبعد مايمر المستوى واشوف ان دفعتي مااخذتها وشايله همها احمد ربي اني افتككيييت واخذتها وموضوع النظريات تحت الدراسه يااني اخربها واخذها او اني اروق المنقا واتعوذ من ابليس هههههههه

كلامك سليم، همها مرة أفضل من انه يطاولني عدات مرات.
أفقعي راس ابليس وأخذيها ترى العزايم معها الغنايم.

محمدالفهد 2016- 5- 12 11:54 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة طموح منتسب (المشاركة 1057208227)


اللي ينتقدون النظريات هل هي اصعب من نظرية المعرفة كمحتوى

نظرية المعرفة نزلتها قبل ترمين، دكتورها طيب وسهل الأسئلة.
النظريات الإجتماعية نزلتها الترم هذا، دكتورها يراوغ بس
مهوب شين، أغلب الأسئلة سهلها.
المادتين يغلب عليهن طابع الفلسفة.

محمدالفهد 2016- 5- 12 11:59 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة هلاله العسيري (المشاركة 1057208311)
بإذن الله اخذها جدولي تمام الحمد لله والأمور ماشية
ويوفقك ويسعدك يارب

ياعسى أمورك دائماً تمام، وعسى النجاح حليفك دائماً.

محمدالفهد 2016- 5- 13 12:06 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة ابووتركي (المشاركة 1057208441)
فيك فيك أخترت أم أبيت

صح اللي ما عنده مقرر المشكلات فيه مجال ياخذها

أما اذا دسمه على ما وصلني لا والله في محلها أبرك قبلها يوم فاضي

وكل مطرود ملحوق أعمل اللي عليك والباقي على ربك الله لا يضيع تعب من تعب في خير

ويجزاك يا صاحب الموضوع ألف خير

نزلها وذاكر أسئلتها ان عديتها كان بها وإذا كان العكس
هي بتنزل لك في مستوى ثامن.
أسأل الله بأن لا يضيع تعبك وأن يرزقك الفردوس الأعلى.

محمدالفهد 2016- 5- 13 12:09 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة ابوراااشد (المشاركة 1057208475)
خلها في محلها يابن الحلاال

دامك شايف كذا فخلها زي ماهي.

محمدالفهد 2016- 5- 13 12:11 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة طالبه2013 (المشاركة 1057207868)
والله انا المادة اللي اشيل همها اخذها وافتك وبعد مايمر المستوى واشوف ان دفعتي مااخذتها وشايله همها احمد ربي اني افتككيييت واخذتها وموضوع النظريات تحت الدراسه يااني اخربها واخذها او اني اروق المنقا واتعوذ من ابليس هههههههه

كلامك سليم، همها مرة أفضل من انه يطاولني عدات مرات.
أفقي راس ابليس وأخذيها ترى العزايم معها الغنايم.

روووما 2016- 5- 13 12:50 PM

رد: دفعتنا العزيزة .. نصيحة نزلوا مادة النظريات الإجتماعية
 
انا افكر اخذها لان خذيت النظام الاجتماعي
اخذها وافتك منها

mαsн3ℓ 2016- 5- 13 06:29 PM

رد: دفعتنا العزيزة .. نصيحة نزلوا مادة النظريات الإجتماعية
 
انا افضل اخليها مستوى ثامن ..
لاني فكرت انزلها الترم الجاي بس بيكون قبلها المشكلات الاجتماعية ولا راح يكون بينها يوم فاضي للمذاكره
وانا ماودي اضغط علي نفسي زي كل ترم ...
اخليها في مستوى ثامن عشان يكون قبلها يوم فاضي اقدر اذاكر من غير ما أوتر نفسي ..
وانا ب الاصل ماعندي مشكله اذا الدكتور اتغير ولا لا كذا ولا كذا مذاكر مذاكر وخاصه اذا بتكون اخر ماده راح اختبرها بتكون مذاكرتها غيرر

محمدالفهد 2016- 5- 13 11:36 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة روووما (المشاركة 1057209830)
انا افكر اخذها لان خذيت النظام الاجتماعي
اخذها وافتك منها

تمنياتي لك بالتوفيق والنجاح.

محمدالفهد 2016- 5- 13 11:38 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة mαsн3ℓ (المشاركة 1057210524)
انا افضل اخليها مستوى ثامن ..
لاني فكرت انزلها الترم الجاي بس بيكون قبلها المشكلات الاجتماعية ولا راح يكون بينها يوم فاضي للمذاكره
وانا ماودي اضغط علي نفسي زي كل ترم ...
اخليها في مستوى ثامن عشان يكون قبلها يوم فاضي اقدر اذاكر من غير ما أوتر نفسي ..
وانا ب الاصل ماعندي مشكله اذا الدكتور اتغير ولا لا كذا ولا كذا مذاكر مذاكر وخاصه اذا بتكون اخر ماده راح اختبرها بتكون مذاكرتها غيرر

تمنياتي لك بالتوفيق والنجاح.

خوله تركي 2016- 5- 14 05:10 AM

رد: دفعتنا العزيزة .. نصيحة نزلوا مادة النظريات الإجتماعية
 
اقول من مستوى اول وانتم نزلوا هالماده حطوا هالماده دكتورها غثيث دكتورها يصععب الاسئله ماعاد نبي نصايح خلاص نصايحكم دمار بنمشي بمزاجنا هف انت تبيها خذها انت اعوذ بالله

نكهة القهوة* 2016- 5- 14 05:35 AM

رد: دفعتنا العزيزة .. نصيحة نزلوا مادة النظريات الإجتماعية
 
من جدك بعد اللي قلته عن الماده تتوقع احد ينزلها بسابع ؟؟؟؟؟

تقعد بارضها ازين لها ولنا :007:

همسات خالدة 2016- 5- 14 08:48 AM

رد: دفعتنا العزيزة .. نصيحة نزلوا مادة النظريات الإجتماعية
 
ماقصرت .... يعطيك العافية ... وربي يختار الأصلح لي ولكم ....


بالتوفيق....

أوراق مبعثره 2016- 5- 14 01:30 PM

رد: دفعتنا العزيزة .. نصيحة نزلوا مادة النظريات الإجتماعية
 
اله كريم ان شاءالله .. مستوى سابع مليان مواد دسمه لايحتمل الزياده لاسيما مع اضافة المشروع والتدريب الميداني.. والله الموفق

ماجد مزهر 2016- 5- 14 02:50 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة هلاله العسيري (المشاركة 1057208311)
بإذن الله اخذها جدولي تمام الحمد لله والأمور ماشية
ويوفقك ويسعدك يارب




برضوه انا جدولي يسمح

هاني بتشا 2016- 5- 14 04:01 PM

رد: دفعتنا العزيزة .. نصيحة نزلوا مادة النظريات الإجتماعية
 
انا باخذها واتوكل على الله

محمدالفهد 2016- 5- 14 05:44 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة خوله تركي (المشاركة 1057211671)
اقول من مستوى اول وانتم نزلوا هالماده حطوا هالماده دكتورها غثيث دكتورها يصععب الاسئله ماعاد نبي نصايح خلاص نصايحكم دمار بنمشي بمزاجنا هف انت تبيها خذها انت اعوذ بالله

تمنياتي لك بالشفاء العاجل.

محمدالفهد 2016- 5- 14 05:51 PM

رد: دفعتنا العزيزة .. نصيحة نزلوا مادة النظريات الإجتماعية
 
:tongue::tongue::tongue:
اقتباس:

المشاركة الأصلية كتبت بواسطة نكهة القهوة* (المشاركة 1057211704)
من جدك بعد اللي قلته عن الماده تتوقع احد ينزلها بسابع ؟؟؟؟؟

تقعد بارضها ازين لها ولنا :007:

من جدي ومن عمي ومن خالي ومن جماعة الربع.

خوله تركي 2016- 5- 14 06:06 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة محمدالفهد (المشاركة 1057212553)
تمنياتي لك بالشفاء العاجل.

ههههههههههههههههههههه ياحليلك زعول :71::71: بس بكل جديه من اول سنه دراسيه وناس مثلك ازعجونا صعبه صعبه وربي يسرها استغفرالله :(284)::(284):

محمدالفهد 2016- 5- 14 06:08 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة همسات خالدة (المشاركة 1057211834)
ماقصرت .... يعطيك العافية ... وربي يختار الأصلح لي ولكم ....


بالتوفيق....

يعافيك ربي، اللهم آمين جزاك الله خيراً على هذا الدعاء الطيب.
سائلاً المولى عز وجل بأن يوفقك ويختار لك الأصلح.

محمدالفهد 2016- 5- 14 06:13 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة أوراق مبعثره (المشاركة 1057212093)
اله كريم ان شاءالله .. مستوى سابع مليان مواد دسمه لايحتمل الزياده لاسيما مع اضافة المشروع والتدريب الميداني.. والله الموفق

سبحانه وتعالى
إذا جدولك مزحوم، فلا تنزلينها.
تمنياتي لك بالتوفيق والنجاح.

محمدالفهد 2016- 5- 14 06:15 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة ماجد مزهر (المشاركة 1057212222)



برضوه انا جدولي يسمح

نزلها وافتك منها.
تمنياتي لك بالتوفيق والنجاح

محمدالفهد 2016- 5- 14 06:19 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة هاني بتشا (المشاركة 1057212340)
انا باخذها واتوكل على الله

ومن لنا غير الله
فمن توكل عليه فهو حسبه.
تمنياتي لك بالتوفيق والنجاح.

حسن احمد الحسن 2016- 5- 14 07:44 PM

رد: دفعتنا العزيزة .. نصيحة نزلوا مادة النظريات الإجتماعية
 
شكرا لك
انا اخذتها والله حست بغثيان فيها
الحمدلله ان شاءالله نفتك منها

حسن احمد الحسن 2016- 5- 14 07:46 PM

رد: دفعتنا العزيزة .. نصيحة نزلوا مادة النظريات الإجتماعية
 
حنا خايفين من مشروع التخرج

محمدالفهد 2016- 5- 14 09:00 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة حسن احمد الحسن (المشاركة 1057212814)
شكرا لك
انا اخذتها والله حست بغثيان فيها
الحمدلله ان شاءالله نفتك منها

لاشكر على واجب
اي والله معك حق ان المادة غثيثة.
أسأل الله تعالى بأن يوفقك فيها وفي جميع أمور حياتك

محمدالفهد 2016- 5- 14 09:04 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة حسن احمد الحسن (المشاركة 1057212817)
حنا خايفين من مشروع التخرج

لاتشيل هم مشروع التخرج
راسلني خاص، أمره سهل بإذن الله.

يوسف الزعيم 2016- 5- 15 08:45 AM

رد: دفعتنا العزيزة .. نصيحة نزلوا مادة النظريات الإجتماعية
 
انا بنزلها
والله يستر منها

•• شجون ~ 2016- 5- 15 10:55 AM

رد: دفعتنا العزيزة .. نصيحة نزلوا مادة النظريات الإجتماعية
 
-




وعليكم السلام و الرحمه



اضحكتني والله
شرحك للماده يسسسطل :hahahahahah:

.


لا خوف مع الخريف ذاكر من قلبك وافهم و تؤكل على ربي
بتحل :004::(204): ، كذا اسلوبه يعتمد على حفظ و فهم
يعجبني :verycute: ، صحيح احياناً اتنرفز من لكاعه بالاسئله بس يظل اسلوبه
جميل .:004::sm5:


الحمد لله كل موادي عنده a+ ، وان شاء الله نظريات كذلك
هي ثقه بالله ، و بمجهودي :icon19:




سلمت :106:

محمدالفهد 2016- 5- 15 02:46 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة يوسف الزعيم (المشاركة 1057213858)
انا بنزلها
والله يستر منها

استعن بالله ونزلها، بتلقاها سهالات بإذن الله.
تمنياتي لك بالتوفيق والنجاح.

محمدالفهد 2016- 5- 15 03:22 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة •• شجون ~ (المشاركة 1057214067)
-




وعليكم السلام و الرحمه



اضحكتني والله
شرحك للماده يسسسطل :hahahahahah:

.


لا خوف مع الخريف ذاكر من قلبك وافهم و تؤكل على ربي
بتحل :004::(204): ، كذا اسلوبه يعتمد على حفظ و فهم
يعجبني :verycute: ، صحيح احياناً اتنرفز من لكاعه بالاسئله بس يظل اسلوبه
جميل .:004::sm5:


الحمد لله كل موادي عنده a+ ، وان شاء الله نظريات كذلك
هي ثقه بالله ، و بمجهودي :icon19:




سلمت :106:

هلا براعية المزاكرة، عسى الضحكة ماتفارق هالخشة دوم.
وش أسوي ياشجون، يوم فتحت الملزمة عشان أذاكر
لقيتها كلها قال وقيل، على طول تزبنت الأسئلة.

فعلاً الفهم مطلوب، لأن بعض الأسئلة يحتاج لها فهم
خصوصاً إذا استلكع أي دكتور في مادته.
طريقتي في حل الأسئلة هي :
إذا ماعرفت الإجابة أقول للسؤال : انثبر في مكانك
كل مطرود ملحوق منت بطايرٍ من مكانك، أطلع للسؤال
اللي بعده وأحل الإجابة وعيني عليه، أقراه مرة ثانية
سبحان الله تتيسر الإجابة أما من السؤال اللي بعده
أو من ثالث سؤال، وبعض المرات لا والله الإجابة ماتجي
إلا لين أخلص كل الأسئلة، وأتفرغ له ولباقي الأسئلة
اللي ماحليتها.
علماً ان الأغلب الأسئلة، أجوبتها واضحة من خلال الكلمات
الموجودة بالسؤال، أو من خلال الأسئلة والأجوبة الموجودة
بنفس ورقة الإختبار.

أما ان أسلوب الخريف جميل، بالنسبة لي لا والله مهوب جميل.
أنا عرفت أسلوبه، عشان كذا جبت درجات كويسة في مواده ولله الحمد.

سلمك رب البيت :rose::rose:

فالك الإمتياز في مادة النظريات، وفي جميع المواد بإذن الله

al_hawawy 2016- 5- 15 06:02 PM

رد: دفعتنا العزيزة .. نصيحة نزلوا مادة النظريات الإجتماعية
 
انا انصحكم تنزلون اهم شيء المشروع واذا فيه امكانية او جدولك يسمح نزل التدريب والنظريات ولكن الاولوية للمشروع ,,


النظريات الي بيأجلها يحط في بالة مذاكرتها من اول السنة ويصمها صم درس بدرس ولا سالفة انك بتذاكرها قبل

الاختبار بيومين انسى وفيها مغامره كبيره ,,


وصدقوني يسهلها الله سبحانه ياكم من شيء استصعب علينا في البداية وتسهل في الاخير ..


والله يسمعنا وياكم النتايج الزينة ان شاء الله

محمدالفهد 2016- 5- 15 06:35 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة al_hawawy (المشاركة 1057214888)
انا انصحكم تنزلون اهم شيء المشروع واذا فيه امكانية او جدولك يسمح نزل التدريب والنظريات ولكن الاولوية للمشروع ,,


النظريات الي بيأجلها يحط في بالة مذاكرتها من اول السنة ويصمها صم درس بدرس ولا سالفة انك بتذاكرها قبل

الاختبار بيومين انسى وفيها مغامره كبيره ,,


وصدقوني يسهلها الله سبحانه ياكم من شيء استصعب علينا في البداية وتسهل في الاخير ..


والله يسمعنا وياكم النتايج الزينة ان شاء الله

جزاك الله خيراً على النصيحة
تمنياتي لك بالتوفيق والنجاح

عيوني سهاري ان 2016- 5- 18 08:02 PM

رد: دفعتنا العزيزة .. نصيحة نزلوا مادة النظريات الإجتماعية
 
عندى الجليزي كتابة من مستوى ثاني راسبه فيهام
متى أخذها اقدر اخليها مستوى ثامن

mascara 2016- 5- 19 01:30 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة خوله تركي (المشاركة 1057211671)
اقول من مستوى اول وانتم نزلوا هالماده حطوا هالماده دكتورها غثيث دكتورها يصععب الاسئله ماعاد نبي نصايح خلاص نصايحكم دمار بنمشي بمزاجنا هف انت تبيها خذها انت اعوذ بالله

ليش كذا ؟؟
ليه بعض الناس كذا ماتثمن ولا تقدر نصايح غيرها؟
الرجال ماقصر ونصحنا باللي يشوفه الاصلح لنا والله يجزاه عنا كل خير:106:
انا عن نفسي وكثير مني بدون هاللي ينصحون امثال الاخ محمد الفهد والجارح وغيرهم ضايعين من زمممان
هم اللي يدبرونا وينصحونا كل ترم والحمدلله الامور ماشية الله يجزاهم عنا كل خير يارب والله يوفقهم ويسعدهم
ماقصروا من جد نصايح ثمينه
اذا انتي ماتبين نصايحهم غيرك يبيها :41jg:
وشي ثاني وش الله حادك تردين وتكلفين ع نفسك !!
اططلعي من هالموضوع ولا تعبين عمرك برد ما اقول الا الحمدلله الذي عافانا:139:

غربة الروووح 2016- 5- 19 11:36 AM

رد: دفعتنا العزيزة .. نصيحة نزلوا مادة النظريات الإجتماعية
 
بالعكس مشكور اخوي محمد على نصيحتك والله محتاجين للتنبيهات هذي وخاصه من ناس مجربين ومايبونا نوقع باللي وقعوا فيه ..
لكن مااتوقع انزلها لأني راح انزل رعاية الفئات اضافه للتدريب 3 وكمان مشروع التخرج اضافه ل 5 مواد الي باقي علي من خطة السابع

محمدالفهد 2016- 5- 20 01:26 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة عيوني سهاري ان (المشاركة 1057221623)
عندى الجليزي كتابة من مستوى ثاني راسبه فيهام
متى أخذها اقدر اخليها مستوى ثامن

إذا فيه مجال تنزلينها بالترم القادم فنزليها، حتى يكون عندك
فرصة لو حملتيها، تنزلينها في مستوى ثامن أفضل من انك
تاخذين ترم تاسع بسببها.

حاولي تتطلعين على موضوع لي سابق وهو : لايفوتكم معهد المنتسبين
ونفذي نصائح الزميلات همسات خالدة والعنود الحربي بخصوص
مادة الإنجليزي.

تمنياتي لك بالتوفيق والنجاح.

محمدالفهد 2016- 5- 20 01:31 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة mascara (المشاركة 1057222096)
ليش كذا ؟؟
ليه بعض الناس كذا ماتثمن ولا تقدر نصايح غيرها؟
الرجال ماقصر ونصحنا باللي يشوفه الاصلح لنا والله يجزاه عنا كل خير:106:
انا عن نفسي وكثير مني بدون هاللي ينصحون امثال الاخ محمد الفهد والجارح وغيرهم ضايعين من زمممان
هم اللي يدبرونا وينصحونا كل ترم والحمدلله الامور ماشية الله يجزاهم عنا كل خير يارب والله يوفقهم ويسعدهم
ماقصروا من جد نصايح ثمينه
اذا انتي ماتبين نصايحهم غيرك يبيها :41jg:
وشي ثاني وش الله حادك تردين وتكلفين ع نفسك !!
اططلعي من هالموضوع ولا تعبين عمرك برد ما اقول الا الحمدلله الذي عافانا:139:

الدين النصيحة ...
يعلم الله ان ماقدمته من نصائح أو ماسأقدمه، انه نصح خالص من القلب لزملائي الطلاب
ولزميلاتي الطالبات، وان ماتمنيته لنفسي تمنيته لكم جميعاً.
وبالنسبة لكلام الأخت خولة تركي، مازلت ألتمس لها العذر، فقد تكون عانت من
آراء بعض الزملاء أو الزميلات خصوصاً ممن حذروا من صعوبة بعض المواد لعدم
مذاكرتهم لها، وعند مذاكرتها هي لتلك المادة وجدت كلامهم عكس ماحذروا منه لسهولة
المادة بعد المذاكرة.

mascara
شكري الجزيل وعظيم إمتناني على طيبة قلبك
وأخذك بالنصيحة، ودفاعك عني، سائلاً المولى عز وجل
التوفيق والنجاح والسداد لك في جميع أمور حياتك
وأن يجعل الفردوس الأعلى مستقرك أنتِ ووالديك ومن تحبين. :rose::rose:

prensesa 22 2016- 5- 20 01:57 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة محمدالفهد (المشاركة 1057223853)
الدين النصيحة ...
يعلم الله ان ماقدمته من نصائح أو ماسأقدمه، انه نصح خالص من القلب لزملائي الطلاب
ولزميلاتي الطالبات، وان ماتمنيته لنفسي تمنيته لكم جميعاً.
وبالنسبة لكلام الأخت خولة تركي، مازلت ألتمس لها العذر، فقد تكون عانت من
آراء بعض الزملاء أو الزميلات خصوصاً ممن حذروا من صعوبة بعض المواد لعدم
مذاكرتهم لها، وعند مذاكرتها هي لتلك المادة وجدت كلامهم عكس ماحذروا منه لسهولة
المادة بعد المذاكرة.

Mascara
شكري الجزيل وعظيم إمتناني على طيبة قلبك
وأخذك بالنصيحة، ودفاعك عني، سائلاً المولى عز وجل
التوفيق والنجاح والسداد لك في جميع أمور حياتك
وأن يجعل الفردوس الأعلى مستقرك أنتِ ووالديك ومن تحبين. :rose::rose:

جزاك الله خيرا الجزاء ماقصرت .
.أنا كل المستويات الي راحت كنت أخذ الجدول الي يناسبني وارتاح لة والحمدلله أموري تمام التمام
.والمستوى الجاي الي هو مستوى7 قررت أمشي مع دفعتي وأخذ معهم مشروع التخرج لانها
مادة تحتاج تعاون ونصائح أستفيد منها في المشروع ...الحمدلله المستوى7 ماعندي غير المشروع
.هو الوحيد الي محتاج تعب وجهد ...وبالنسبة لتدريب 3 خلصت منة بالمستوى6
.أخوي صاحب الموضوع أرجو أن ﻻتتضايق من الاراء السلبية .

محمدالفهد 2016- 5- 20 02:09 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة غربة الروووح (المشاركة 1057222830)
بالعكس مشكور اخوي محمد على نصيحتك والله محتاجين للتنبيهات هذي وخاصه من ناس مجربين ومايبونا نوقع باللي وقعوا فيه ..
لكن مااتوقع انزلها لأني راح انزل رعاية الفئات اضافه للتدريب 3 وكمان مشروع التخرج اضافه ل 5 مواد الي باقي علي من خطة السابع

لاشكر على واجب
أبشري فأنا ونيابة عن الزملاء والزميلات في خدمتكم ولن نبخل عليكم بالنصيحة
فنحن جميعاً يد واحدة، فمن رأى الصواب عليه النصح به، ومن وجد الخطأ فيجب عليه التحذير منه.

إذا جدولك مزحوم لا تضغطين على نفسك، أجليها للترم الثامن.
أسأل الله العلي القدير بأن يجعل التوفيق والنجاح والسداد حليفك
وأن يجعل الفردوس مستقرك أنتِ ووالديك ومن تحبين، وأن نكون
عند حسن ظنك وظن الجميع بنا.

محمدالفهد 2016- 5- 21 12:40 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة prensesa 22 (المشاركة 1057223891)
جزاك الله خيرا الجزاء ماقصرت .
.أنا كل المستويات الي راحت كنت أخذ الجدول الي يناسبني وارتاح لة والحمدلله أموري تمام التمام
.والمستوى الجاي الي هو مستوى7 قررت أمشي مع دفعتي وأخذ معهم مشروع التخرج لانها
مادة تحتاج تعاون ونصائح أستفيد منها في المشروع ...الحمدلله المستوى7 ماعندي غير المشروع
.هو الوحيد الي محتاج تعب وجهد ...وبالنسبة لتدريب 3 خلصت منة بالمستوى6
.أخوي صاحب الموضوع أرجو أن ﻻتتضايق من الاراء السلبية .

جزاك المولى جنة عرضها السموات والأرض
وجعل مستقرك الفردوس الأعلى أنتِ ووالديك ومن تحبين.

خطتك رائعة، الحمدلله على توفيقه لك، وتنزيل المشروع في مستوى سابع ممتاز
خصوصاً ان أغلب الزملاء والزميلات بينزلونه، ولن يبخلوا عليك أو علينا بما نحتاجه
من نصح أو توجيه، ولهم منا جزيل الشكر وصادق الدعاء لما وجدناه منهم من نصائح
وآراء وأفكار نيرة.
بالعكس إحترام الآراء واجب، وصاحب الرأي عندما يطرحه يجب إحترامه مهما كان
وعلينا كذلك الإحساس بمعاناته، لأن نظرته قد تكون من عدة زوايا نجهلها نحن.
أسأل المولى عز وجل بأن يكون التوفيق والنجاح والسداد حليفك في جميع أمور
حياتك.

mascara 2016- 5- 22 08:15 AM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة محمدالفهد (المشاركة 1057223853)
الدين النصيحة ...
يعلم الله ان ماقدمته من نصائح أو ماسأقدمه، انه نصح خالص من القلب لزملائي الطلاب
ولزميلاتي الطالبات، وان ماتمنيته لنفسي تمنيته لكم جميعاً.
وبالنسبة لكلام الأخت خولة تركي، مازلت ألتمس لها العذر، فقد تكون عانت من
آراء بعض الزملاء أو الزميلات خصوصاً ممن حذروا من صعوبة بعض المواد لعدم
مذاكرتهم لها، وعند مذاكرتها هي لتلك المادة وجدت كلامهم عكس ماحذروا منه لسهولة
المادة بعد المذاكرة.

Mascara
شكري الجزيل وعظيم إمتناني على طيبة قلبك
وأخذك بالنصيحة، ودفاعك عني، سائلاً المولى عز وجل
التوفيق والنجاح والسداد لك في جميع أمور حياتك
وأن يجعل الفردوس الأعلى مستقرك أنتِ ووالديك ومن تحبين. :rose::rose:

طيب اذا ماتقبلت رايك ونصيحتك او نصيحة غيرك ترد بذوق وادب واحترام مو رد ينرفز القاري
معليش يعني اذا ماقتنعت في انها تنزل المادة لاتنزلها بكيفها
بس ماهي مجبوره ترد بقلة ذوق يعني كذا الواحد يقابل الحسنة بالسيئة!

واذا ماتبي تتقبل النصيحة بسلامتها لاتتقبلها ولاتاخذها غيرها يستفيد وبالعكس يحتاج .. وموضوعك جا في وقته
انا كنت متردده انزلها او لا متردددة وفي حيره صراحة لكن بعد موضوعك هذا وقراءة كل الردود اقتنعت اني انزلها بإذن الله
والله يجزاك خير يارب
واللهم امممين يارب ولك بالمثل في كل دعوه دعيتها ..

معليييش تنرفززت مع النآس المستفزه :40::40:

..


ايضا محتاره في مادة الثقافة والعولمة انزلها في مستوى سابع !
لاني خلصت من الارشاد بس لسى محتاره اذا تنصحني انزلها واذا دكتورها عسل ومن النوع اللي ي ك ر ر 😕:44:

عيوني سهاري ان 2016- 5- 22 10:12 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة محمدالفهد (المشاركة 1057223848)
إذا فيه مجال تنزلينها بالترم القادم فنزليها، حتى يكون عندك
فرصة لو حملتيها، تنزلينها في مستوى ثامن أفضل من انك
تاخذين ترم تاسع بسببها.

حاولي تتطلعين على موضوع لي سابق وهو : لايفوتكم معهد المنتسبين
ونفذي نصائح الزميلات همسات خالدة والعنود الحربي بخصوص
مادة الإنجليزي.


تمنياتي لك بالتوفيق والنجاح.

شكرا على النصيحة
وين القى موضوع المعهد لمنتسبين في اي مستوى
واكرر لك كل الشكر على تفاعلك لموضوع
الله يسعد والوالدينك

محمدالفهد 2016- 5- 24 06:48 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة mascara (المشاركة 1057227296)
طيب اذا ماتقبلت رايك ونصيحتك او نصيحة غيرك ترد بذوق وادب واحترام مو رد ينرفز القاري
معليش يعني اذا ماقتنعت في انها تنزل المادة لاتنزلها بكيفها
بس ماهي مجبوره ترد بقلة ذوق يعني كذا الواحد يقابل الحسنة بالسيئة!

واذا ماتبي تتقبل النصيحة بسلامتها لاتتقبلها ولاتاخذها غيرها يستفيد وبالعكس يحتاج .. وموضوعك جا في وقته
انا كنت متردده انزلها او لا متردددة وفي حيره صراحة لكن بعد موضوعك هذا وقراءة كل الردود اقتنعت اني انزلها بإذن الله
والله يجزاك خير يارب
واللهم امممين يارب ولك بالمثل في كل دعوه دعيتها ..

معليييش تنرفززت مع النآس المستفزه :40::40:

..


ايضا محتاره في مادة الثقافة والعولمة انزلها في مستوى سابع !
لاني خلصت من الارشاد بس لسى محتاره اذا تنصحني انزلها واذا دكتورها عسل ومن النوع اللي ي ك ر ر 😕:44:

بالنسبة لي ماحملت مثقال ذرة زعل على أحد، لأن الهدف من طرح الموضوع سامي ونبيل
ويعلم الله اني التمست لها العذر، لأن ردة فعلها قد تكون طبيعية.
علماً انه حتى لو أتتني إساءة متعمدة لا سمح الله من أحد الزملاء أو الزميلات فلن تهز شعرة فيني
أولاً : لثقتي بالله تعالى أنه يعلم بصدق نيتي
ثانياً : لأن مشاركتي ستطلع عليها عقول راجحة
وستميزها إن كانت على صواب أو عكس ذلك.
نصيحة : وسعي صدرك وخليك سموح لأن الدنيا
رحلة قصيرة جداً، ماتستدعي ان الواحد يزعل أو يشيل
بخاطره على أحد، فإذا كان المسلم في صلاته وفي دعاءه
يدعو لاخوانه المسلمين والمسلمات والمؤمنين والمؤمنات الأحياء
منهم والأموات، فحري به أن يتغاضى ويتجاوز عنهم
ويسامحهم بل ويدعو لهم بالخير والتوفيق والهداية.

بخصوص الثقافة والعولمة هي إحدى مواد مستوى ثامن
عند قراءتي لإستفسارك سألت بعض الزملاء في العمل واحد قال : انها سلهة
والثاني قال : يبي لها تركيز.
تصفحت منتدى مستوى ثامن، فوجدت ان المادة آراء ونظريات علماء، ولفت إنتباهي ان بعض مواضيعها شبيه لبعض مواضيع مادة النظريات الإجتماعية.
أنصحك بالإطلاع على منتدى مستوى ثامن ولاحظي المثبتات اللي فوق أدخلي على موضوع أسئلة اختبارات مستوى ثامن للزميلة n.bent.h
بعد ذلك أنظري لصفحات المنتدى التي بالأسفل ادخلي على صفحة 19 واللي بعدها لأن أغلب مواضيعها عن نفس المادة.
مدري عن الدكتور يكرر أو لا، إن شاءالله انه يكون عسل.
شكراً من الأعماق على صدق دعاءك ولك بالمثل، وفقك الله ورزقك سعادة الدارين وجعل الفردوس الأعلى مستقرك.

محمدالفهد 2016- 5- 24 07:23 PM

رد: دفعتنا العزيزة .. نصيحة نزلوا مادة النظريات الإجتماعية
 
اقتباس:

المشاركة الأصلية كتبت بواسطة عيوني سهاري ان (المشاركة 1057231942)
شكرا على النصيحة
وين القى موضوع المعهد لمنتسبين في اي مستوى
واكرر لك كل الشكر على تفاعلك لموضوع
الله يسعد والوالدينك

الموضوع في منتدانا هذا، اللي هو مستوى سادس
أفتحي صفحة رقم 2 بتلقين موضوع لي عنوانه : لا يفوتكم معهد المنتسبين، بتلقين رد للأخت همسات خالدة والأخت العنود الحربي بيعجبك ردهن ان شاءالله.
هذا رد الأخت همسات خالدة :
الله يسعدك ويوفقك ماقصرت جزاك الله خير ... بس أحب أطمئنك بالنسبة للإنجليزي سواء قراءة أو كتابة اذكر واحد يدرسها الدكتور عثمان وواحد الدكتور الملحم اذا نفس الدكاترة تراهم يحددوا والتزموا بالتحديد لا تشيل هم ربي يسهلها باْذن الله ....

أسعدكم الرحمن دنيا وآخرة أنتِ ووالديك ورزقكم الفردوس الأعلى.

متفاائله 2016- 7- 14 02:58 AM

رد: دفعتنا العزيزة .. نصيحة نزلوا مادة النظريات الإجتماعية
 
اشكركم اخوتي واخواتي الأعضاء على افادتكم لنا عن الماده

ابوجيداء 2016- 10- 9 07:24 AM

رد: دفعتنا العزيزة .. نصيحة نزلوا مادة النظريات الإجتماعية
 
لايهمونكم يااخوان في بعض الاخوان عنده تحطيم وان المادة صعبة والدكتور غثيث

نصيحة لكم والله لاتعتمدوا على المتشائمين والمحطمين توكلوا جميعا على الله

انا لم انزلها ولن الا المقرر


All times are GMT +3. الوقت الآن حسب توقيت السعودية: 04:31 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه