|
استفسار
انا طالبة ب كلية محمد المانع وتوه أول سمستر لي بس حبيت اسأل كيف أعرف نتيجتي ومعدلي ومن له أروح ؟ولو فيه رقم أقدر أدق عليه ويعطوني إياهآآ أو موقع لأني مو بالخبر وصعبه أروح الكلية...ولكم مني أجمل تحيه:119:
|
رد: استفسار
[align=center]
هلاا اختي النتاائج تطول شوي وماا أضن راح تقدري تآخذيهاا عن طريق الاتصال بالكليه بس اذاا فيه وحده من صااحباتك تقدر تروح المعهد او من سكان الخبر خليهاا تأخذ نتيجتك وهذاا رقم المعهد يمكن يسااعدوك 038649066 موفقه [/align] |
رد: استفسار
هلا قلبي
يا انك تروحي لكل مستر او مس لكل ماده تاخذي منهم النتائج او انك مثل ماقال جيفارا ترسلي احد وتلاقينهم معلقين بالكليه بعض النتائج او تدقي على مكتب الاستقبال للمعهد هذا رقمهم 038937158 تحويلة 115 وبس يردون اطلبي تحويلة المس الي تبينها بالتوفيق وان شاء الله النتيجه حلوة ... :) |
رد: استفسار
مشكورين حبايبي والله انكم ماقصرتوا ....
دعواتكم نتيجتي تشرّف.... |
رد: استفسار
ربي يوفقك يالغلا
وان شاء الله تجيبي ننسسسبه عسسل |
رد: استفسار
الله يوفقش
طيب متى النتايج بالضبط ما ابغى ادق مشوار عالفاضي ابغى النتيجة كاملة متى النتايج ؟؟؟؟؟؟؟؟ هل طلعت نتايج الفاينل؟؟؟؟ والله خايف كثير |
رد: استفسار
هلاا رجل الخير فيه نتاائج اغلب المواد طلعت انت اي تخصص واي مستوى ؟
|
رد: استفسار
اهلين جيفارا ان سئلتك سؤال ترد علي بسؤال
ان اسئلك متى النتايج بشكل عام؟؟؟؟؟؟ |
رد: استفسار
هلاا رجل الخير فيه نتاائج اغلب المواد طلعت انت اي تخصص واي مستوى ؟
عامل نفسك ما تعرفني علينا هالحركات ما سمعت المثل الي يقول (الله ما شفناه بالعقل عرفناه) :119: يعني ما يحتاج تشوفني علشان تعرفني في اشياء تعرفه بعقلك وبعدين لا تذكر شي عني في مكان عام اذا في شي تقدر تراسلني برسايل الخاصة سلاااام |
رد: استفسار
هلا رجل الخير بس حبيت اخدمك لاني اعرف كل نتائج دفعتناا وتخصصي
للاسف ماا اعرفك شخصياا ولا ابي اعرفك ايهاا الشخص المجهول ما اتعامل بالرساائل الخاصهـ للاسف :hahahahahah: :hahahahahah: |
رد: استفسار
على راحتك يا عالم جيفارا
شخص مجهووووول؟؟؟؟ شخص مجهوووول شالمشكلة :hahahahahah: بس الأمير بيني وبينه كلام تراها يعرفني زين اقول لا يكثر :hahahahahah: |
رد: استفسار
:s12: :s12:
|
رد: استفسار
:sdfgdsf:
|
رد: استفسار
اقتباس:
النتايج باذن الله تكون مضمونة على اخر هالاسبوع اتوقع لانه راح ياخذون اجازة الدكاترة بعض النتائج طلعت اخووي خذ ارقام الدكاترة وكلمهم او ارسل لهم ايميل بالتوفيق |
رد: استفسار
مرحبآآ جيفارآآ ورجل الخير سويتوها قصه>اليوم صديقاتي راحوا الكلية وأخذوا درجات المواد من كل الأدفايزر وقالوا لهم بكره بيعلقونهم ف الكلية..>ولا يندرى إذا صادقين>واتوقع أنكم رجال وماعندكم مانع أنكم تروحوا تدقوا مشوار كل يوم عشان نتايجكم أحنا البنات اللي مغلوب على أمرنا ومانقدر نروح كل يوم...>ويارجل الخير غريبه أنا أول مره أشوف شاب يخاف من نتيجه>شكلك من الدوافير ماشاء الله هههههههه:hahahahahah:
|
رد: استفسار
إبتسامة طفله الله يوفقك..
رجل الخير بالنسبه لتخصصك طلعت نتائجكم ماعدا آخر يوم .. وكذلك مثل ماتفضلت أبتسامة طفله أنك تقدر تأخذها من الأدفايزر .. |
رد: استفسار
ما عليش اختي ابتسامة طفلة اخذنا الكثير من موضوعش
يعني طلعت النتائج لطلاب ولا بس الطالبات يعني نتائج الطلاب لجميع التخصصات طلعت عند الادفايزر أكيد ما ابغى ادق مشوار عالفاضي اختي شرقاوية المدرسين متى بياخذون اجازتهم المدرسين مدته شهر الاجازة لانه ابغى اخذ النتيجة من الادفايزر ولا ابغاها يسافر ؟؟؟؟؟؟؟؟؟؟ النتائج طلعت عند الادفايزر المشكلة الادفايزر تبعي مره كريها ما اطيقه بكره بس اروح له بيسفل فيني من كثر ما احمل مواد المفروض النتايج على موقع الكلية يحطونها تحط رقم السجل المدني وتطلع النتيجة كل الجامعات النتايج عبر الانترنت الا المانع دق مشاوير وروح وتعال الله يعين على الادفايزر |
رد: استفسار
كل احمل مواد بس والله اتعب واذاكر واجي الامتحانات ما ني عارف احل شي
يمكن المشكلة من الدراسة الصحية يقولون الشباب اصعب شي الصحه يمكن الجامعات الثانية اسهل الله يعين على كل حال والمعذرة اختي ابتسامة طفلة اخذت الكثير من موضوعش |
رد: استفسار
اقتباس:
مدرري يمكن اسبوع وبعضهم اسبوعين ... ترى النتايج تقريبا كلهااااا اليوم طلعت وعلى بكرا والي بعده روح بكرا باذن الله كلهم طلعوا وبالتوفيق اخوي ... |
رد: استفسار
اقتباس:
ترى والله ان الجامعات الثانية اصصصصصعب من المانع وخذها مني وربي جربت غير المانع وكان اصعب يعني الحمدلله غير ان الاسئلة سهله والدكاترة تساعد الحمدلله انت اعمل الي عليك والباقي على ربك .. :119: |
رد: استفسار
ما عليش اختي ابتسامة طفلة اخذنا الكثير من موضوعش
>وش دعوه يعني رجل الخير موضوعي كله حلالك كم رجل خير عندنا!!!!... يعني طلعت النتائج لطلاب ولا بس الطالبات>>والله أتوقع الكل. يعني نتائج الطلاب لجميع التخصصات طلعت عند الادفايزر أكيد ما ابغى ادق مشوار عالفاضي>>رح الربوع عشان تضمن كل موادك طلعت وتفتك. النتائج طلعت عند الادفايزر المشكلة الادفايزر تبعي مره كريها ما اطيقه بكره بس اروح له بيسفل فيني من كثر ما احمل مواد>>هذا جد ضحكتني عليها أن شاء يارب هالسمستر ماتحمل ولا مادة بس أنتبه لازم تجيبلي هدية>>إللي يشوفني أنا مذاكره بدالك هههههههه:hahahahahah: المفروض النتايج على موقع الكلية يحطونها تحط رقم السجل المدني وتطلع النتيجة كل الجامعات النتايج عبر الانترنت الا المانع دق مشاوير وروح وتعال الله يعين على الادفايزر>>صراحة هذا المفروض بس شنسوي مابيدنا الا الصبر تطلع عيونه على مانعرف نتيجتنا والمشكله لما نكون مو ساكنين قريب من الكلية:011:الله المعين ..... |
رد: استفسار
كل احمل مواد بس والله اتعب واذاكر واجي الامتحانات ما ني عارف احل شي>يمكن مذاكرتك وأجتهادك يفتقر للتركيز سوآء أثناء المذاكره أو أثناء أداء الأختبار..>اللي ماخذ عقلك يتهنى به>ركز وحاول وذاكر زين وأن شاء الله ماراح تحمل مواد.
يمكن المشكلة من الدراسة الصحية يقولون الشباب اصعب شي الصحه>>أنت دخلت هذي الكلية وأنت قدهآآ ف خلّك قدهآآ وكمّل وكل جامعه وكلية ولها صعوبتها مافي شيء يستوي بدون صعوبه وهالصعوبه ماتنزاح إلا بالمحاوله. الله يوفقك يارجل الخيــــــــــر وينجحك يااااااااااااارب وأن شاء الله ماتحمل ولا ماده وكمّل مشوارك بهالكلية مابقى الا القليل وتتوظف ف مكان سنع حط هدفك ومستقبلك قدام عيونك وبتقدر تكمل >>لاتنسى طمنا لماتأخذ النتيجه>>سلآآم |
رد: استفسار
هذا جد ضحكتني عليها أن شاء يارب هالسمستر ماتحمل ولا مادة بس أنتبه لازم تجيبلي هدية>>إللي يشوفني أنا مذاكره بدالك هههههههه
تعالي اختبر بدالي يمكن انجح ياليت يرضون :cheese: والله ابذل كل مجهودي لكن مادري ليش ماني قادر انجح يقولون الي ما ينجح في البداية ما ينجح في النهاية وهذا كلام صحيح اسئل مجرب وبعد يقولون الي اوله كذا ينعاف تاليه شسوي اذا هذي بدايتي ويش بسوي بالتالي المواد كل ماجاله وتصعب اذا رسبت في البداية ما بتنجح في الباقي لا تقول بنجح لانه المواد الي جايه اصعب من الي قبل بس مو شرط خذها قاعدة دايما اختبر نفسك في اول سمستر نجحت كمل ما نجحت ما بتنجح في السمستر الجاي لانه السمستر الجاي اصعب خلي السمستر الاول اختبار لك اذا نجحت كمل ما نجحت لا تكمل بس مو شرط هذا كلام سمعته من احد المدرسين ابتسامة طفلة اكيد اذا نجحت ما بقصر والهديه بسلمش وياها ابو سليم العامل بمطعم بيت السندويش :hahahahahah: اختي شرقاوية يعني اسبوع او اسبوعيين ويعطلوا المدرسين شهر كامل لاني ابغى اخذ النتيجة خايف يسافرون؟؟؟؟؟؟؟؟ سلاااام ااسف على الاطالة |
رد: استفسار
اقتباس:
ماهو كل مقولة تنطبق ولاتخلي المقوله الي تتطبق عليك انت الي اخلق ظروفك ومشها على كيفك وراحتك العاقل والذكي هو الي يمشي ظروفه مش ظروفه الي تمشيه ومافيه شيئ مسستحيل بهالدنيا ابداااااا وبالنسبة للاجازة مابي اعطيك كلام ويطلع غلط انت روح تأكد او خذ رقمهم اخوي وكلمهم و اسئلهم متى الدكاترة تاخذ اجازة :) بالتوفيق |
رد: استفسار
صح كلامك شرقاوية صح لسانك ياقلبي>>أهم شيء يارجل الخير تكون عندك عزيمه تكمّل وتشد حيلك وتنجح >أتخيل لو يسمحون البنات يدخلوا يختبروا بدال الأولاد كان كل القاعه تصير بنات ويبدأ يشكون المراقبين هذا أختبار شباب ولا بنات!!
أمآآ عاد عند بيت السندويتش حلوآآ هذي..>عسى بس مو هديتي سندويتش كباب!!هههههههههههه |
| All times are GMT +3. الوقت الآن حسب توقيت السعودية: 12:10 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام