|
مجرد سؤال !
مرحبــآ .. ان شاء الله احد يقدر يفيدني
حاب اسأل عن اختبار الهيئه للتخصصات الصحيه ! سمعت انه فقط للدبلوم .. واليوم اسمع بنت خالتي تقول ان ادا كنت تدرس في كلية اهلية فلازم تختبره حتى لو كنت باكلريوس :017: تحطمت بجد .. ماادري ادا في احد عنده علم يقدر يفيدني لان ادا يطلع الكلام صحيح بتكون مشكله كبيره :Cry111: |
رد: مجرد سؤال !
مرحبتين
ماادري الي اختبرناه غير برومترك وكان بس انجليزي خرابيط مافيه اشياء طبيه حتى وترى فيه امتحان هيئه بس اذا خلصت مش احين تاكد من الموقع حقهم http://arabic.scfhs.org.sa/ وحتى لو كان فيه بيكون بس انجليزي اما الي بعد ماتخلص بيكون عن تخصصك |
رد: مجرد سؤال !
أهلاً...
أختبار الهئيه إللي تمتحنه من بعد ماتخلص دراستك كلها بالتدريب.. سواء كنت بكلريوس أو دبلوم.. ومُلزم به كونك تدرس بكليه آهليه.. هذا بالآضافه إلى أن صديقتي خريجة معهد حكومي إلا أنها أُجبرت لهذا الآمتحان.. أي يعني الجميع مُلزم به.. والله يوفق. |
رد: مجرد سؤال !
جوري يسلمو ماقصرتي
البرستيج .. انا اختي خلصت تمريض باكلريوس بس مااختبرت اختبار الهيئه لانه غير ملزوم على طلاب درجة الباكلريوس .. بس الحين اسمع ان لازم لو كنت في كلية أهليه |
رد: مجرد سؤال !
يُعتمد من متى هي تخرجت..؟
|
رد: مجرد سؤال !
الاختباار للبكلوريوس والدبلوم الأهلية والحكومية
|
رد: مجرد سؤال !
صار ليها 4 سنين
شوفي هالكلام دا من السنة الي فاتت : شترطت وزارة الصحة اجتياز جميع خريجي المعاهد الصحية الحكومية والأهلية لاختبارات هيئة التخصصات السعودية لمنحهم شهادة التصنيف المهني باعتبارها الجهة المختصة في المجال الصحي ولن يتم استثناء أي خريج من هذا الشرط. وأوضح المتحدث الرسمي لوزارة الصحة الدكتور خالد بن محمد مرغلاني أن معالي وزير الصحة الدكتور حمد بن عبدالله المانع وخلال لقائه مؤخرا مع عدد من خريجي الكليات الصحية لم يستثن أي خريج من الخضوع لقرار الهيئة السعودية للتخصصات الصحية المتضمن إلزام جميع خريجي البرامج الحكومية لما دون البكالوريوس أسوة بالبرامج الأهلية خاصة وأن خريجي الكليات والمعاهد الصحية الحكومية مشمولون بقواعد ومعايير المفاضلة الوظيفية مع خريجي الجهات الأخرى. وأفاد بأن معالي وزير الصحة وعد بإيجاد حل لتعيين الخريجين عن طريق الوزارة مباشرة وبالتنسيق مع الجهات المعنية الأخرى وبحسب الوظائف المعتمدة في الميزانية كما أكد معاليه على ضرورة الاستفادة من مؤهلاتهم لسد احتياج الوزارة من الكفاءات الصحية الوطنية |
رد: مجرد سؤال !
والله مااعرف بس حسب علمي بإننا كونا ندرس بكليه آهليه مُلزمين به..
حِنا لسه بدري علينا من هِنا لوقتها تغيرت شغلات كثيره... لاتشغل بالك.. وأنت قده.. |
رد: مجرد سؤال !
بصراحه انا من سمعت الخبر اليوم قلت المستقبل ضاع ! مع العلم ان عندي ثلاث محاولات فقط !
لازم اشغل روحي من الحين هع ان شاء الله اكون قده يسلمو جيفآرا ويسلمو البرستيج :) |
رد: مجرد سؤال !
أخوي لاتشغل بالك وخلك مطئن...
صديقتي في المره الثالثه صابت معها.. بس لأنها بالمرات الأولى ما أستعدت له.. وقلت لك أنت قدها .. |
رد: مجرد سؤال !
موفق ياااشنب ترااا لااتخااف لك اكثر من فرصه وماافيه لاازم تعديه معليك ماايااخذون بالاختباار ينجحون على كيفهم اهم شي عندهم رسووم الاختباار لا اكثر ولا اقل
|
رد: مجرد سؤال !
في اكثر من اختبار للهيئة السعودية لتخصصات الصحية
ان ماني فاهم ايش تقصدون بضبط تقصدون اختبار البرومترك؟؟؟؟؟؟ ان الي اعرفه اختبار البرومترك فقط لدبلوم والبكالوريوس غير ملزمين بلاختبار هذا الكلام سمعناه وضحته ادارة المانع واذا صحيح الكلام والبكالوريوس مطالبين باختبار البرومترك المفروض ادارة المانع توضح هالشي لطلاب اثناء الدراسة |
رد: مجرد سؤال !
الاختباار اللي نتكلم عنه هو الاختباار هيئة التخصصات الصحية يكون في نخصصك الاختباار ويكون بعد مااتخلص درااستك
مااتقدر تزاول المهنه الاا وانت نااجح في هالاختبار |
رد: مجرد سؤال !
صح كلامك ياجيفار ! ماتستلم رخصة العمل الى لمى تعدي الأختبار ولك ثلاث محاولات وادا ماعديت فيهم سلم على الخمس سنين
|
رد: مجرد سؤال !
[align=center]
اسمحوا لي بالمداخله : اولاً اختبار هيئة التخصصات الصحية يختلف عن اختبار البرومترك اختلاف كامل لتوضيح اختبار البرومترك هو اختبار للغة الانجليزيه ولطالب خمس محاولات فقط وبعدها اذا لم يتم اجتياز الطالب للامتحان يعمم اسمه على جميع المعاهد بعدم قبوله .. يعني شرط من شروط هيئة التخصصات اجتياز اختبار اللغه واجادته للغة الانجليزيه اما اختبار هيئة التخصصات الصحية او كما يسمى اختبار التصنيف وهذاا راح يكون بعد اجتياز الطالب فتره الطبيق واللي هي 6 شهور يقوم المعهد التابع له الطالب باصدار شهادة باجتياز الطالب فتره الطبيقة ورسالها لهيئة التخصصات بالرياض ويتم تحدد موعد للاختبار ويلزم على الطالب اجتياز الاختيار لكي يتم تصنيفه على حسب تخصصه وطبعاً يحق للطالب 3 محاولات للاختبار ويشمل الاختبار طلاب المعاهد الخاصه والحكوميه دون الكليات الحكوميه .. فالسابق الاختبار كان ملزم لطلاب المعاهد الخاصة دون الحكوميه اما ترخيص مزوالة المهنة : يشترط على كل شخص منتسب لاي وظيفه حكوميه استخراج ترخيص مزاوله المهنه الطبيه للمستشفى التابع له .. اي بمعنى الاطباء والممرضين الصيادله وفنيي الصيدله وكذلك التخدير السكرتاريه الطبيه والاخصائية الاجتماعيه كل الوظائف المذكوره يجب عليهم استخراج ترخيص مزواله المهنه ويتم استخراجه من المستشفى او المنشأه التابع لها بالنسبه للاختبار هيئة التخصصات : هي بعدد معين تقريباً 500 سؤال ودائماً لا تخرج الاسئلة عن نطاق 500 سؤال .. عن فكل امحتان للهيئة اللي 60 سؤال من بين 500 وهكذا واللي يحتاج مذكره لقسم الصيدله راح اوفرها له بس يراسلني على الخاص وان شاء الله ماله إلا طبية خاطر اسف على الاطاله واتمنى الصوره وضحت الحين تمنياتي للجميع بالتوفيق ان شاء الله اخوكم ... الخارجين على القانون [/align] |
رد: مجرد سؤال !
كفيت ووفيت اخوي والله يعطيك الف عافيه .. طيب انا ادرس بكلريوس تمريض هل راح يكون عندي او لا .. بصراحه كلامك حيرني شوي
|
رد: مجرد سؤال !
معليش فكرت اختبار البرومترك
اختبارات الهيئة السعودية لتخصصات الصحية الكل مطالب فيها سواء بكالوريوس او دبلوم الاختبار اعتقد قبل العمل بالمستشفى وهذا معروف والكل يعرف هالشي لكل تخصص يوجد اختبار قبل التوظيف ان ودي اساعد لكن احد يجاوبني اسئلة الدبلوم والبكالوريوس بالنسبة للهيئة السعودية لتخصصات الصحية موحدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ واختبار الهيئة السعودية الصحية اختبار واحد بس قبل التوظيف؟؟؟ ان عندي بعض من نماذج اسئلة الهيئة السعودية لتخصصات الصحية لجميع التخصصات وان شاء الله برفعها بالمنتدى بس احد يجاوبني بلأول |
رد: مجرد سؤال !
انا زي ما ذكرت لكم من اول الدبلوم والبكالوريوس لابد انهم يدخلون الاختبار سواء معاهد حكوميه او خاصه
ما عدا بكالوريوس الجامعه الحكوميه بالنسبه لنماذج الاختبارات هي موحده لكل تخصص يعني الصيدلية سواء دبلوم او بكالوريوس الاسئلة تكون موحده وينطبق على باقي التخصصات |
رد: مجرد سؤال !
السلام عليكم ورحمة الله وبركاته
لو سمحت الي يعرف الرقم يحطه ضروري موفقين |
رد: مجرد سؤال !
انا زي ما ذكرت لكم من اول الدبلوم والبكالوريوس لابد انهم يدخلون الاختبار سواء معاهد حكوميه او خاصه ما عدا بكالوريوس الجامعه الحكوميه بالنسبه لنماذج الاختبارات هي موحده لكل تخصص يعني الصيدلية سواء دبلوم او بكالوريوس الاسئلة تكون موحده وينطبق على باقي التخصصات ما قصرت اخوووي يعطيك العافية طيب اختبار الهيئة السعودية الصحية اختبار واحد بس قبل التوظيف ولا في اكثر من اختبار ومتى موعد الاختبار ؟؟؟؟ ياليت تفيدوووني اكثر عندي نماذج بعض من نماذج اسئلة الهيئة السعودية لتخصصات الصحية لجميع التخصصات وان شاء الله برفعها بالمنتدى قريبا |
رد: مجرد سؤال !
بعد مااتخلص فترة التدريب
الهيئة تحدد وقت اختباار يعني لااتهمه من اللحين انت خلص الدراسهـ وبعدهاا فكر في الاختباار موفق |
رد: مجرد سؤال !
اقتباس:
وعليكم السلام ورحمة الله وبركاته اقتباس:
إي رقم بالضبط..؟؟ |
رد: مجرد سؤال !
اقتباس:
[align=center] لا طبعاً اخوي هو اختبار واحد فقط بالنسبه للموعد الاختبار زي ما ذكر جيفارا يتم تحديده من قبل الهيئة وهو عاده في الواحد يكون 4 اختبارات يعني كل 3 شهور يكون في اختبارات وتكون في نفس الموعد على مستوى المملكه ...... بالنسبه للاختبار لا تحاتي هو سهل ترى بس انتي شد على نفسك راح تحصل كل شي معاك اوكي بالتوفيق لك ان شاء الله لباقي الطلاب [/align] |
رد: مجرد سؤال !
اختبار الهيئة لتخصصات الصحية قبل التوظيف اعتقد يعني باقي عليه كثير
وفي وقت كافي لتدريب والتعود على اسئلة الهيئة السعودية الصحية الاختبار ما يبيله غير تدريب وتعود على الاسئلة وان شاء الله الكل يعديه هذي بعض نماذج اختبارات الهيئة السعودية لتخصصات الصحية على الرابط http://klmty.blogspot.com/2010/04/blog-post_466.html بحثت لموقع مخصص لاختبارات الهيئة السعودية الصحية ماشفت موقع الاخوان مو مقصرين في نماذج كثير لاسئلة الهيئة السعودية لتخصصات الصحية موزعه في المنتديات الكل يعرف محرك البحث (Google) ويعرف طريقة استخدامه اكتب في محرك البحث (Google) ((مثلا اسئلة الهيئة السعودية لتخصصات الصحية تمريض)) وتطلعلك نماذج كثير لاسئلة التمريض ومجاب عليه ممكن في كتب لتدريب على اسئلة الهيئة الصحية لكن ماعندي خبر بهالموضوع الاختبار يبغاله تعود وتدريب على الاسئلة وان شاء الله الكل ينجح فيها بالتوفيق للجميع ااسف على الاطالة سلاااااامي |
| All times are GMT +3. الوقت الآن حسب توقيت السعودية: 09:24 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام