|
كيف اسوق للمشروع بعيدا عن الاقارب ؟؟
.
السلام عليكم ورحمه الله بدات بمشروع صغير لكن ربحه ولله الحمد كبير طبعا ما بدات فيه الا بعد دراسه جدوى.. سوقت للمشروع بين صحباتي الي بمدن مختلفه لكن عند الاقارب لا لاني مو حابه يعرفون ابدا طبعا امي وافقتني ع الراي ؛ ابوي العزيز ما زال يفكر اما اخواني فما بالظروره اقلهم :16.jpg: المهيم ابي اعرف كيف اسوق لهالشي بعيدا عن الاقارب خاصة انها نسائي :060: وبعد ابي اعرف خبراتكم لو بداتم بمشاريع صغيره وكبرت ^ هههه بزر :hahahahahah: بعض المشاريع مهما قابلت اصحابها فشل يستمرون لان اول خطوات النجاح الفشل :(204): وشكرا لكل من يفيدني :004: |
رد: كيف اسوق للمشروع بعيدا عن الاقارب ؟؟
عليكم السلام ورحمة الله وبركاته
كثير مشاريع صغيرة اشوفها في وسائل التواصل الاجتماعيه مثل انستقرام ممكن تفتحين لك حسابات بإسم المشروع وتسوقين لمنتجاتك مع الإحتراز من ضعاف النفوس وربي ييسر امرك |
رد: كيف اسوق للمشروع بعيدا عن الاقارب ؟؟
..
نسيت اسال بطاقه التسوق الالكتروني تبع الراجحي اقدر اطلعها بيوم ولا ؟؟ .. اقدر اطلع بطاقه راجحي يعني يكون الحساب باسم البوتيك تبعي ولا ؟ لازم موسسه مدري وخرابيط.. لان مو حابه يكون اسمي :cheese: |
رد: كيف اسوق للمشروع بعيدا عن الاقارب ؟؟
اقتباس:
اي فتحت حساب بس متابعيني 21 بكم يوم مشكلة الكل ما يحلل احد ينشر عنده :hahahahahah: صحبتي متابعينها 12 الف نشرت لي بس لان الحساب جديد مش الكل يعمل فلو :139: |
رد: كيف اسوق للمشروع بعيدا عن الاقارب ؟؟
مع الوقت بيصير عندك متابعين
لو 10 متابعين جادين بالشراء افضل من 1000 متابع ما فيهم من يشتري |
رد: كيف اسوق للمشروع بعيدا عن الاقارب ؟؟
قواك الله ووفقك ربي
خطوة جيدة جدا ،، وياليت اقدر افيدك ،، واذا احتجتي اي شي حاضر وفقك الباري من حيث لاتعلمين |
رد: كيف اسوق للمشروع بعيدا عن الاقارب ؟؟
بالتوفيق لكن ماعندي خبرات تجاريه
مع اني حاولت ودخلت اكثر من مشروع لكن لم يكتب الله لي فيه نصيب حاولي وبالعكس المشروع الصغير ممكن في يوم من الايام يكون عملاق توكلي على الله ولازم تصبري وتتحملي جميع العقبات واذا الله كتب لك نصيب راح تحققي هدفك |
رد: كيف اسوق للمشروع بعيدا عن الاقارب ؟؟
أولآ .. عليك بإعداد خطة تسويقية تساعدك على معرفة طرق إيجاد العملاء والحفاظ عليهم وتحقيق أهدافك من خلال مواقع التواصل الاجتماعي ثانياً .. كوني لديك فكرة عن منافسيك، وتعرفي على ما يتعلق بعملهم وبإعلاناتهم أيضاً أبحثي عن المعلومات الإحصائية واستخدميها فمن خلالها ستتعرفين على سوق العمل والعملاء المتوقعين للمشروع أخيراً .. أنصحك بأن تستمتعي بمشروعك فأحد مقاييس نجاح مشروعك الصغير هو إحساسك بالفرح والإثارة عند نجاحه ونموه ولا تستسلمي أبداً إذا فشلتي في البداية ، لا تكفي عن المحاولة ويجب أن تعرفي أختي الكريمة أن كثيراً من أصحاب المشاريع الناجحة فشلوا أكثر من مرة قبل أن يحققوا ذلك النجاح الذي ترينه الآن بين أيديهم دعواتي القلبية لك بالنجاح والتوفيق |
رد: كيف اسوق للمشروع بعيدا عن الاقارب ؟؟
وعليكم السلام ورحمة الله
هلا شوجي .. اشتقت لك !!:verycute: شوفي حبيبتي .. انا فتحت مشروع من كم شهر .. كنت مندوبه لشركه .. وبعدين ماحسيت براحه .. لحد ماكسبت راس مال بسيط والحمدلله الحين وكيله لشركه معروفه .. اول شي ابعدي عن الاقارب وخلي لك رقم للتواصل مع زباينك يختلف عن رقمك تبع الاهل !! مش خوف منهم !! لا بس تجنباً للكلام اللي ماله طعم وانا مجربه قبلك هالشي .. ثاني شي مايهم عدد المتابعين .. اخلصي نيتك لله وربي بيرزقك لو من زبون واحد بس .. حاولي تتعرفي على منافسينك بس من بعيد لبعيد وشوفي كيف طريقتهم بالتسويق .. خلي حسابك نشط ولاتهملينه اكثر من يوم .. فيه حسابات كفيله بالنشر التجاري ابحثي عنها بالبرامج اللي مسجلها فيها حسابك .. الهاشتاقات تنفع :(204): مدري عندي كلام كثير .. :(107): بس اتمنى اني ساعدتك لو بشي بسيط .. دعواتي لك بالرزق الحلال ويغنيك بحلاله عن حرامه :rose: اذا احتجتي شي لايردك الا كيبوردك الجميل :5aga::tongue: |
رد: كيف اسوق للمشروع بعيدا عن الاقارب ؟؟
صباح الخير
انا لي خبره بالتسويق الالكتروني بالنسبة اذا كان شغلك نسائي فقط .. غير مواقع التواصل الاجتماعي .. ادخلي المنتديات النسائيه واقسام التاجرات فيها والبيع واكتبي مواضيع لك وتابعيها كل فتره وارفعيها كل اسبوع مره مثلا .. وضيفي فيها كل روابط حسابات مواقع التواصل الاجتماعي ورابط الموقع ان وجد عندك او مدونه والاخيره افضل تفتحيها وكثير تلقي مجاني لانه صداقاتها مع محركات البحث افضل بكثير وطبعا ارقام التواصل معك بهالشكل بسهوله للي يبحث عن خدمه تشبه الخدمات الي تقدميها يوصل لك بسرعه عن طريق جوجل .. غير طبعا ممكن لو سويتي تجربه النشر عن طريق باقات البريديه ,,, بتفيدك ايضا ومثل ما قالوا لك الاخوه لا تستعجلي كله مع الوقت يجي حددي هدفك وركزي عليه فتره وبعدها فكي ارتباطك فيه .. بيتحقق بإذن الله العبارات الاخيره تخص تطوير الذات تحياتي لك :rose: |
| All times are GMT +3. الوقت الآن حسب توقيت السعودية: 11:54 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه