|
تقدم الدنـيـــــــــــــا لنا درس جديد بكل يوم
مما راق لي .. علها ترتقي الى ذائقتكم [poem=font=",6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] تقدم الدنـيـــــــــــــا لنا درس جديد بكل يوم=والناس تسلم من غثا الدنيا بحفظ دروسها وعلى حسب حفظ المواجيب وتعاليم السلوم=نعرف مقاســـــات البشر بالمرجله ونقوسها صيت الرجــــال الوافيه بأفعالها ولاّ الرخوم=ينبيك عنها قل نفعتهــــــــا وشين نفـــوسها تطرد ورى الدنيا وتكشخ بالمواتر والهدوم=مثل الحريم أغلب دراهمها على ملبوسها والامعه والشايب الكذاب وضعيف العزوم=ناس مع العالم بلا هيبه تدربي روسها والبخل خلانه بهايم ولا تسام ولا تسوم=ا شفتها ترفع يدك حمد و شكر و تبوسها على الصحن هم أول الجلاس وآخر من يقوم=يعيّفك حلو الاكل والشرب طول جلوسها ما هيب للازم سند ولا ذخر عند اللزوم=تموت ما سرك مهايطها و كثر فلوسها وسوالف الخبلان رفعة ضغط وصداع وهموم=فلاوة تخطف علوم العرب وتحوسها واجب عليك إليا حكت عن جملة حكاها تشوم=الهند مايراس حكومتها سوى هندوسها وربع المصالح و المجامل خوة ما هيب دوم=اقولها و التجربه قطع وريدي موسها وقت الرخا مثل الصقور اللي على المرقب تحوم=في يذري ساقك الرمضا وحر شموسها واليا احتمت صكات بقعا وامست علومك علوم=اتلوي خششها وتجحد خوتك وتدوسها من عقب ماانت الطيب وقدرك معزز ومحشوم=تصير اردى ماخلق ربي ودم ضروسها ابعد عن الاشكال ذي بعدالثرى عن النجوم=وش حاجتك في قرب رديان العرب ونجوسها ماهوب عيب ليا عزموك تقول يالربع معزوم=العيب لارحت لعزايمها وجيت عروسها وخلك فطين تعلمك دنياك درس بكل يوم=والرجل يسلم من غثا الدنيا بحفظ دروسها [/poem] دمتم بود:16: |
رد: تقدم الدنـيـــــــــــــا لنا درس جديد بكل يوم
ابعـد عـن الاشكـال ذي بعدالثـرى عــن النـجـوم ........وش حاجتك فـي قـرب رديـان العـرب ونجوسهـا ماهـوب عيـب ليـا عزمـوك تقـول يالـربـع مـعـزوم..........العـيـب لارحـــت لعزايـمـهـا وجـيــت عـروسـهـا وخلـك فطـيـن تعلـمـك دنـيـاك درس بـكـل يــوم............والرجـل يسلـم مـن غثـا الدنيـا بحفـظ دروسـهـا صح لسانكـ ولسان قايلها .. :21::16: |
رد: تقدم الدنـيـــــــــــــا لنا درس جديد بكل يوم
اقتباس:
صح بدن راعيهاااااا وصح بدنك من هنا ليوم الدين .. بوسي كات .. وشكراً على المرور .. وطله ماننحرم منها .. تحياتي :16: |
رد: تقدم الدنـيـــــــــــــا لنا درس جديد بكل يوم
وخـلـك فطـيـن تعلـمـك دنـيـاك درس بـكـل يــوم والرجـل يسلـم مـن غثـا الدنيـا بحفـظ دروسـهـا عز الله أبيات في الصميم وفي منتهى الروعه .. صح السان شاعرها وتسلم يمناك .. |
رد: تقدم الدنـيـــــــــــــا لنا درس جديد بكل يوم
صبحكم الله بالخير واحسنت جدا بالاختيار :16:
تحياتي لك |
| All times are GMT +3. الوقت الآن حسب توقيت السعودية: 07:05 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه