|
ظروري لسكان الرياض
سلام عليكم ورحمة الله وبركاتة
كيفكم يا اخوان ويا اخوات الله يوفقكم ياكريم عندي طلب اذا يتوفر عندكم الله يعافيكم انا في حاجكم وكذالك خواني واخواتي الذين في مستواي انا مستوى اول ادارة اعمال ولكن جيت لكم ابي تفيدونني بطريقة سهلة لكي اتخلص من المستوى الاول ولعلمكم الظروف العمل وظروف الحياة لها شان اخر ولكن الي ابية منكم الي ساكن فالرياض وعنده ملخصات المستوى الاول ونماذج الاسئلة ياليت يفيدني اذا شاب ارسلي رقمك عالخاص عشان اكلمك ونحدد مكان اتقابل معك فية واخذ منك المخلصات وكل شيء عندك شخص المستوى الاول واضع نسخه منه لااخواني واخواتي واذا انت خسران علية شيء ابشر بالي يعطيك حقك وزيادة واا ذا بنت الي عندها الملخصات ترسلي رقم اخوها عالخاص واتصل عليه ونحدد مكان نتقابل فية للمعلومية مشاركاتي ماوصلت 100 يعني مقدر ارسل خاص الي متوفرة الملخصات عنده لايبخل علينا تكفون احنا في امس الحاجه اليكم انتظركم وشكرا مقدما |
رد: ظروري لسكان الرياض
هلا بك
بصراحه الملخصات اول ماعديت المستوى الاول تخلصت منها على طول بس اللي محتفظ فيها الى الان ان شالله ماراح يقصر معك او عندك في الحقيبه الدراسيه للمستوى الاول (الموضوع تلقاه مثيت بقسمكم ) انسخ الملخصات والاسئله في فلاش واقرب خدمات طلابيه راح يطبع لك او شوف مركز تميم او صدى الحروف تلقا اعلانهم في اول الصفحه اذا دخلت المنتدى كلمهم واكيد راح تلقى الملخصات مطبوعه وجاهزه واوفر لك من انك تنسخ الملخصات في فلاش لانك اذا جيت تطبعهم راح يحسبون عليك كل ورقه بريالين :sm5: بالتوفيق:106: |
رد: ظروري لسكان الرياض
يعطيك الف عافية
انا عندي طابعه وكل اموري تمام لكن الي ابيه اني اخذ ملخصات من شخص استخدمها في نفسة اضمن من انوه ابحث عنها بشكل عام فياليت من اخواني او اخواتي الي الى الان متواجده عندة الملخصات مايبخل ع صدقوني في امس الحاجه لها حيث اني انسان مافتحت ولا محاضرة ماسويت الا حل المناقشات وانا انسان استمتع فالحفظ وابي ملخصات موثوقة عشان اذاكر من بدري واذا خسران عليها شي ابشر بالي يعطيك حقك وزيادة انتظركم الله يخليكم ابي تفاعل للي يقدر لايبخل او يتعاجز نبي الخير والفايدة لنا ولغيرنا واش تسوا الحياة اذا قالك احد الله يعافيك ويجزاك خير هذا الهدف وجعل ربي يوفقكم انتظركم |
رد: ظروري لسكان الرياض
بانتظاركم
ياليت احد يساعدني |
رد: ظروري لسكان الرياض
اخ شخصيه مجهوله
السلام عليكم تحصل جميع ماتبحث عنه فى مكتبة مركز تميم السويدى وبعدين تكد من دكتور المواد ممكن يكونو مختلفين عندك |
رد: ظروري لسكان الرياض
موفق يالغالي ، لكن بقول لكك ترى الملخصات تلقاها كلها بينزلونها في قسم المستوى الأول ونصيحة خلك متابع وفي الإختبارات بعد المذاكره حل أسئلة اختبارات سابقه لأنها تجي تقريباً منها في الغالب ..
|
رد: ظروري لسكان الرياض
والله تعبت :sm1:
انا واثق اني الاقيها وكذا في المكتبات لكن هل هي صحيح :007: لان بكل امانه عندي ظروف واشغال:007: وتمنيت احلصها من شخص درس فيها واختبر منها هو بنفسة :(204): اخذها منه واكون على كذا في ثقة :(204): ولكن الله كريم:mad: |
رد: ظروري لسكان الرياض
حتى لو خذتها منه ... لازم تتأكد من دكتور المادة لان المنهج يختلف بإختلاف الدكتور .. طبعا اختلاف جزئي
وصدقني وانا اخوك دامك مشغول ولا عندك وقت .. لا تخسر وقتك وجهدك و مالك .. الدراسة تبغى واحد يتابعها .. ومهتم .. عموما الله يوفقك وييسر أمرك |
رد: ظروري لسكان الرياض
ابشر ياخوي عندي كل شي يخص المستوى الاول كتب وملخصات واسئلة وبغا الفكه منها تعال خذها بس كيف اتواصل معك مدري الجوال ممنوع تكتب رقمك ولا كيف شف طريقه وبشر انا ساكن في الشفا
|
رد: ظروري لسكان الرياض
الله يوفقك اخوي والله لو ها عندي كان حطيتها باي مكان وتروح تاخذها بس مو عندي بس جاك الاخ فوزان الله يبيض وجهه ويوفقه يارب :2:
|
| All times are GMT +3. الوقت الآن حسب توقيت السعودية: 04:06 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه