|
عشر درجات لــ منتدى الحوار كيف المشاركه فيه ؟؟
مساء الووورد
استفسار بسيط يقولون 30 درجه بجيبك تقدر تاخذها 10 ع الواحبات وعرفناها 10 درجات ع المحاضرات المباشره وعرفناها لكن فيه 10 درجات ع المشاركه بمنتدى الحوار هنا السؤال وين اشارك لان فيها مناقشات مدري ضروري ارد عليها او يكتفى باالررد ع لوحة الماده او الاختبار الموجوده يعني المناقشات الموجوده لابد نشارك فيها ولا لا ؟؟؟؟ وشلووون آظمن 10 درجات مالت منتدى الحوار |
رد: عشر درجات لــ منتدى الحوار كيف المشاركه فيه ؟؟
هلا أخوووي ,,
ضروري تشااركـ بالمناقشات لأنه هي اللي عليها العشر درجااات :000: وهذا رااابط تأكيد الخبر :wink: http://www.ckfu.org/vb/t174780.html ألحق عمركـ وشااركـ قبل الإختبارات ,, لأنه سمعت أنه راح تتقفل المناقشات قبل الإختبارات بيومين :000:<<< مدري هو صحيح الخبر وإلا لا :(107): موفق :106: |
رد: عشر درجات لــ منتدى الحوار كيف المشاركه فيه ؟؟
منتدى الحوار تلقى طلاب اللي شاركو 14مشاركه تسمى قضايا لكل ماده مايحتاج تكتب انسخ والصق الافي مدتين مبادي الاداره والعقيده الاسلاميه ممنوع اللصق والنسخ وراح تحذف من اخذ من زميله بدون مايكتب طبعا بس في ذي المادتين اما باقي المواد فالدكاتره متعاونين ومشين النسخ واللصق
|
رد: عشر درجات لــ منتدى الحوار كيف المشاركه فيه ؟؟
اقتباس:
فالك طيب وصراحه ماعاد نعرف للجامعه مايجوزون عن سوالفهم مشكور ع الرابط وردك كان >> الأحلى ... والأجمل ... والأمثل ... والأكمل :lllolll: شــااااااوووووووووووو |
رد: عشر درجات لــ منتدى الحوار كيف المشاركه فيه ؟؟
اقتباس:
انا ياصاحبي شاركة 14 رد لكل ماده بس كان ردي ع لوحة الماده اما المناقشات مارديت لان يقولون يكفي 14 رد فالك طيب |
رد: عشر درجات لــ منتدى الحوار كيف المشاركه فيه ؟؟
لا طبعا اهم شي القضيه اللي ينزلها الدكتور اما الردود ماتنفع
|
رد: عشر درجات لــ منتدى الحوار كيف المشاركه فيه ؟؟
بصراحه لقيت هاالرد لـــ العضوه >>> حلم مستحيل وآعجبني ردها
........................... ماتعبتوا من موضوع المناقشاات والمشاركات بالحواار؟ ياعااالم متى تستوعبون ان الوضع ماتغير وانه مثل ماهو وفي ادله بس انتوا مهملينها تبون الادله: 1- الدكتور محمد العنزي قال بالمحاضره المباشره موذاكرته نصا بس اللي اذكره (انا ماحطيت اي مناقشه بالمنتدى لان الطلبه مطالبين 14 مشاركه مهما كان مضمونها عشان ياخذون 10 درجات فـ انتوا شاركوا 14 مشاركه وخلاص) 2- الدكتور جزاء بالمحاضره المباشره بعد قال ان الدرجات ماتنحسب من المناقشات اهم شيء 14 مشاركه وبس ويكون مضمونها مفيد(سؤال - بحث- رد ع سؤال ) وبس 3-الدرجات ماتنقص مهما زاادت يعني لو شاركتوا 1000 مره بتاخذون 10 درجات لو شاركتوا 10 مرات بتاخذون اقل من 10 يعني شاركوا 14 مره ووقفواا اسهل طريقه واسرع طريقه وانا اتبعها صرااحه وخلصصتهم كلهم ومريحه باالي ومهتمه بالمذاكره وبس 1- افتحوا قوقل 2-ابحثوا عن بحث خاص بالماده مثلا عن فن الألقاء للقراءه والتلاوه بيكون طويل قسمووه ع الأقل اربع اقسام او خمس كل قسم في رد كذا موضوع واحد 5 ردود ضمنتوا ع الاقل 3 درجات او 4 فيها شيء؟ ملاحظه: احيانا يكون خطاء من النظام نفسه يعني لو سمحتوا لا تسكرون صفحه المشاركه اللي كتبتوها لين يطلع لكم شريط اخضر فوق هذا يعني ان المشاركه تمت بنجاح والدرجه انحسبت اذا طلع لكم شريط احمر هذا يعني المشاركه ماتمت وان الدرجه مانحسبت فـ راح تضطرون تشاركون من جديد تعوذوا من الشيطان واذكروا ربكم تراها 10 درجات انا مومستهينه فيها وعارفه انها مهمه وخصوصا للي حاملين مواد ومعدلهم نازل لاكن هذا ماينمع اني ماادمر صحتي واقلق واتعب واتضايق بس عشان منتدى انا مجبره اشارك فيه بعدين حطوا ببالكم ان اخر موعد للمشاركات بيكون قبل الإختبار بيومين يعني يوم الثلثاااء -- ولو جينا للجد فكروا فيها في المقرر الواحد مايقارب 20 الف طالب وطالبه وأكثر معقووله بيتابعون مشاركات كل واحد؟ على كذا يبي لهم يوظفون مراقبين كل مراقب مسئول عن طالب يعني لو قلنا 20 الف طالب وطالبه في المستوى الثاني مثلا مثلا يبيلهم يوظفون 20 الف مراقب كل مراقب مسئول عن طالب فهمتوا؟ اتمنى تكونوا فهمتوا اللي اقصده لأن الموضوع هذا كثر في كل المنتديات الخاصه بالتعليم عن بعد والسالفه اذا كثرت تصير ماصخه ادري كثرت هرج الخلاصه: شاركوا 14 مره واسحبوا ع المنتدى وركزوا بمذاكرتكم وبس بالتوفيق |
رد: عشر درجات لــ منتدى الحوار كيف المشاركه فيه ؟؟
جزاك الله خير
|
رد: عشر درجات لــ منتدى الحوار كيف المشاركه فيه ؟؟
بس للعلم ان ههالكلام اللي قالته الأخت حلم مستحيل قبل المحاضرة المباشره الثالثة...
شوف معاااي .. 1- الدكتور محمد العنزي قال بالمحاضره المباشره موذاكرته نصا بس اللي اذكره (انا ماحطيت اي مناقشه بالمنتدى لان الطلبه مطالبين 14 مشاركه مهما كان مضمونها عشان ياخذون 10 درجات فـ انتوا شاركوا 14 مشاركه وخلاص) حبيت أنبهكـ أنه الدكتور نزل 14 منااقشه مرة وحده <<<<< وهذا دليل أنه المناقشة هي اللي تحسب عليها الدرجه ,, وإلا وش اللي يخليه يغير كلاامه ....!!!!؟؟ 2- الدكتور جزاء بالمحاضره المباشره بعد قال ان الدرجات ماتنحسب من المناقشات اهم شيء 14 مشاركه وبس ويكون مضمونها مفيد(سؤال - بحث- رد ع سؤال ) وبس بالرابط اللي حطيته لكـ بأول رد لي بالموضوع <<<<<< كلااام الدكتوور جزاء :(204): يعني شاااركـ بالمنااقشاات أضمن :119: موفق :106: |
رد: عشر درجات لــ منتدى الحوار كيف المشاركه فيه ؟؟
اقتباس:
المشاركه باالمناقشات ممكن آضمن وتريح قلبك انك تاخذ 10 درجات مشكوووره مره ثانيه وفالك طيب |
| All times are GMT +3. الوقت الآن حسب توقيت السعودية: 01:58 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه