ملتقى طلاب وطالبات جامعة الملك فيصل,جامعة الدمام - وهــي دي بـــقـــى نـــدالــــة أهـــلــهــا..

قصيدة كتبها مصري

ميت ألف فرصة عشان أسيب مصر...
ولا عمري سبتها

علشان هي بلادي... إللي بجد بحبها

بحبها بكدبها وصدقها

بحب فيها أصالة وندالة أهلها

بحب فيها السهر

بحب زيفها وأصلها

بحب فيها طلعة الشمس... تنور وشها

بحب فيها القمر... طالع يغازل حسنها

حب فيها المشي... على شط نيلها وبحرها

بحب فيها بناتها... راسمين ملامح شعبها

دي بنت مايصه... وحاطه ورده فـ شعرها

ودي بنت جد... ونازله جري لشغلها

هتلاقي فين بلد فيها الكنايس والجوامع.... بتحضن بعضها

مسلم مسيحي... إخوات راضعين طيبة من صدرها

نبع الحنان... ويناموا حاضنين أرضها

هتلاقي فين تاني... بلد كل حاجه فيها تخليك تحبها

هتقولي ظالمه... هقولك برضو بحبها

هتقولي ظلمه... ما هو ده سواد شعرها

هتقولي زحمه... هقولك علشان بنعشق أرضها

هتقولي فيها فساد... هقولك ده من طيبة شعبها

جرب كده تسهر ولو وحدك على ضف نيلها... وحبها

جرب تشوف بنت حلوه مع صحبتها جمبها بتحبها...

شايلة في قلبها هموم الدنيا كلها... وبرضو بتحبها

جرب كده تاكل دره وترمس على شطها...

وتشوف وشوش الناس واضحك زيها

طب وانت ماشي لوحدك ووقعت في مشكله...

مش بتلاقي ألف واحد جمبك بيحلها...

لا تعرفهم ولا يعرفوك بس جمعكم حبها

أهي هي دي مصر...

زاحمه ظالمه...

فاسده ظلمه...

مش مهم...

ده كفايه خفت دمها...

هاأفضل لمصر أقول وأعيد...

أنا أصلي عاشق أرضها...

وطبعا ده كله كلام في الهوا...

أنا لو تجيني نص فرصة هقول لها...

بالسلامه يا مصر...

ومش عايز أشوف وشها...

وهي دي بقى ندالة أهلها...

أعجبتني وحبيت أنقلها لكم