ليت ربي ماكتب لحظة وداع
ولافراق ولادموع ولاضياع
ليت كل الناس خل مع خليل
وكل ماقيل النهاية بين الاحباب الرحيل
قلت احبه حيل


لو يوقف لحظة الفرح الزمان
والمكان عيونك انت احلى مكان
في يدي يديك والحاسد ذليل


وان غدت كل الاماني في يدي
ابتدي مع كل لحظة تبتدي
اعشق الدنيا مثل طير جميل


اه ياحلو الامل والذكريات
والسعادة ماتجي بالامنيات
صبحها يبطي وانا ليلي طويل


كل ماادفن خيالك ياعنيد
تمطر الدمعة وينبت من جديد
شفت وش سوى بي الحب الاصيل
شفت وش سوى بي حبك يابخيل


لونويت اعاتبك القى الكلام
يعتذر لي منك ويلوم الملام
والقى حتى كلمة احبك قليل


كنت اهدد بك همومي والارق
كنت انت النار وهمومي ورق
لين صرت اليوم همي المستحيل


ياللي طيفك يملي دايم مدمعي
قلي ليه وانت معي منت معي
لو تجاملني تسوي بي جميل


من يقول الحب بسمة ماتفوت
لو يحب يشوف كم مرة يموت
في الجفا وقبل الجفا وبعد الرحيل

ذكرتك والزمان غروب
ذكرتك والمكان الشط .. بالصدفة
ذكرتك والعيون تذوب
دمع من حنيني ماستر خافي
ذكرتك يوم شفت الشمس غابت والقمر ينساب من شرفة
ذكرتك والنجوم تلون لحاف السما وتعاتب الجافي
ذكرتك نصف قلبي هم شوق وهم حبك ماخذ نصفه
ذكرتك كل ما فيني حنين ودمعتين وكفي الدافي
ذكرتك
ماذكرت إلا عيونك والجبين
وكل ما اعرفه
ذكرتك مانسيت إلا جروحي والانين
ودمعي الصافي
انا اول عزاي اني حملت العاشق اللي ما نسى حلفه
وانا اخر عزاي انك نسيتيني و انا طيفك معي وافي
تلوم اللي تفانى في طريق مالقى في اخره ولفه
الى منه بكى كل الندم في حجر عينه غصب ينشافي
اروح ولا طرت حنيت مثل مضيع ركض على حتفه
ولا ناديتها كسر حنيني جوف صدري مثل مجدافي
يبيك اللي عيونه ماقوت تحمل قليل من بعض عطفه
يبيك اللي مشى لك
او مشى بك او مشى في سكتك حافي
يبيك اللي الى شافك تلعثم بالكلام و ينصعب ووصفه
يبيك اللي يشوفك شمس والدنيا ظلام ودفتره طافي
انا قلت ازعلي خليني اشوف الحنين وش مدى نزفه
انا ماقلت خليني اقول من الوفا يالله يا كافي
اموت .. وما اعود اتذكرك
والمشكلة طيفك ملا الغرفة
واموت وما اعود انساك
ياحبي القديم الصادق الوافي

كلمات في غاية الجمال
في تصويرها ومعانيها
يسعدك ربي ويرضى عليك

صح لسان الشاعر ورحم الله الفقيد ..

انتققاءء مميز ..


اشكرك ..