|
شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي ...
بسم الله الرحمن الرحيم السلام عليكم ورحمة الله وبركاتة قبل ما أبتدى أحب أقول مبروك لكل الناجحين والى حمل بعض المواد ان شاء الله تعوضونها لاتخافون المستويات الأولى خاصه مستوى 1 ومستوى 2 ومستوى 3 ومستوى 4 هذول المستويات تقدرون ترفعون معدلكم فيها بالراحة يعني الى يشوف معدلة نازل لايفكر كثير يقدر يعدل وضعه ويجيب حتى ممتاز ... الحين ركزو معي في الخطوات ================================================ الخطوة الاولى في كل سمستر دراسي وهذي أهم نقطة تعرفونها طول مشواركم الدراسي بعد مانخلص الاختبارات النهائية بعدها بأسبوع كذا الجامعة تروح تنزل التقويم الدراسي الجديد للفصل الدراسي الجديد هذا التقويم تحفظونه في المفضلة عندكم http://www.kfu.edu.sa/ar/Deans/E-Learning/Pages/calender.aspx ------------------------------------------------ راح تشوفون في هذا التقويم كل التواريخ المهمة الى تحتاجونها طوال دراستكم للفصل الدراسي - تاريخ بداية تسجيل المواد الجديدة ( المقررات ) ومتى ينتهي - تاريخ بداية دفع الرسوم للمواد الجديدة ( المقررات ) ومتى ينتهي - تاريخ طلب العودة للدراسة ومتى ينتهي - تاريخ بداية اختيار مراكز الاختبارات النهائية ومتى تنتهي - تاريخ بداية الاختبارات النهاية . الخ الخ الخ من تواريخ مهمة للفصل الدراسي هذا وغيره من الفصول الدراسية في المستقبل ..... أتوقع الأن واضح للجميع رابط التقويم الدراسي سأمحوني ذكرت هذي المعلومة لنا بصراحة في نأس كثيرة تفتح مواضيع وتكتب متى ينتهي التسجيل ومتى ينتهي دفع الرسوم ومتى ومتى ومتى ويجيلك واحد يفتى بتاريخ على كيفة او غلطان في التاريخ وفي نأس موظفين او ربأت منزل ماهم فاضين ولا يعرفون عن رابط التقويم هذا ويعتمدون من بعد الله على الردود الخطأ الى مثل كذا ويروحون فيها هذا رابط التقويم الدراسي عندكم وكل شي واضح فيه .... . . تاريخ بداء تسجيل المواد ( المقررات ) يوم الاحد الساعة 6 مساءً 2014/1/26 1435/3/25 الأحد . وراح ينتهي يوم الأحد الساعة 5.59 مساءً . 2014/2/2 1435/4/2 الأحد ================================================ الخطوة الثانية . شروط تسجيل المواد ( المقررات ) هي تعتمد على معدلك التراكمي . - أذا كان معدلك التراكمي (أقل من 2) مسموح لك 12 ساعة كحد أقصى . - إذا كان معدلك التراكمي ( من 2 حتى 2.49) يعني أقل من 2.5 مسموح لك من 12 الى 15 ساعة - أذا كان معدلك التراكمي (من 2.5 الى 5 ) مسموح لك من 12 الى 18 ساعة . - المستوى السابع و المستوى الثامن مسموح لك 22 ساعة تسجل ( وهي تعتمد على عدد الساعات الى خلصتها طول دراستك مثل تخصص أنجلش الى يخلص 88 ساعة بنجاح مسموح له بعدها يأخذ 22 ساعة ) . . هذي الشروط والى عرفته الفترة الأخيرة ان اي طالب يقدر يسجل أقل مواد على كيفة يعني يختار له مادة او مادتين بس و يدرسها طول الفصل الدراسي ------------------------------------------------ بعد ماتعرفون تاريخ بداية تسجيل المقررات تروحون تجهزون أرقام CNR للمواد ( المقررات ) الى راح تسجلونها . ------------------------------------------------ هذي الأرقام CNR تحصلونها من الرابط التألي http://www.kfu.edu.sa/ar/Deans/e-learning/Pages/courses_tables_page.aspx http://www.kfu.edu.sa/ar/Deans/E-Lea...mages/03ov.jpg ------------------------------------------------ http://www.kfu.edu.sa/ar/Deans/E-Lea..._edara_dis.jpghttp://www.kfu.edu.sa/ar/Deans/E-Lea...n_adab_act.jpg ------------------------------------------------ بعدها تختارون مواد المستوى للطلاب http://www.kfu.edu.sa/ar/Deans/E-Lea...evel02_Mov.jpg للطالبات http://www.kfu.edu.sa/ar/Deans/E-Lea...evel02_Fov.jpg أنتبهو أرقام المواد للطلاب يختلف عن أرقام الطالبات . راح تشوفون المواد ( المقررات ) و أرقام CNR في ملف بصيغة PDF . . الى ماعنده في جهازه برنامج PDF . يحمله من الرابط هذا . . ------------------------------------------------ . بعد ماتحملون الملف في اجهزتكم . تفتحون الملف وراح تشوفونه مثل الصورة هذي . . طبعاً الصورة والمواد ( المقررات ) تختلف من تخصص لتخصص . تروحون تأخذون أرقام CNR للمادة الى تبون تسجلونها في البانر . ================================================ . الخطوة الثالثة . تدخلون على نظأم البأنر من هذا الرابط . . . لمن تدخلون على نظأم البانر . تروحون لرابط خدمات الطالب والمكافآت المالية . بعدها التسجيل . بعدها التسجيل/الحذف والإضافة . بعدها راح يجيكم مربع اختر فصل دراسي: الفصل الثاني 1434هــ . ( هم دايم كذا في كل السمسترات ( الفصول الدراسية الجديدة ) يحطون تاريخ العام الى فأت يعني لاتحاتون تسجيلكم سليم ) . أضغطو على تقديم . . بعدها راح تدخلون على صفحة تعبئة أرقام CNR للمواد ( المقررات ) . مثل هذي الصورة . . . تحطون رقم CNR للمادة ( المقرر ) الى تبون تدرسونه لهذا الفصل في المربع . مايحتاج تحطون رقم CNR في كل المربعات فقط حطوه في المربع الأول ( مربع واحد يكفي ) . بعدها تضغطون على تنفيذ التغييرات ( في كل مادة ( مقرر ) تعملون الطريقة هذي ) . ------------------------------------------------ . لمن تشوفون المواد ( المقررات ) تم تسجيلها مثل الصورة التالية .. . . بعد ماخلصتو تسجيل المواد ( المقررات ) . تجلسون مع نفسكم كذا ويطقكم الوسواس شوية :064: وتتأكدون ان المواد هذي خلاص راح تدرسونها لهذا الفصل ماراح تغيرون شي . خلاص متأكدين ان هذا المواد ( المقررات ) الى راح تدرسونها . راح تشوفون مربع صغير في خانة العملية . جنب كل مادة مكتوب فيه لايوجد . لمن تضغطون على هذا المربع راح تشوفون خيارات . حذف . وتأكيد التسجيل . مثل هذي الصورة . أختارو تأكيد التسجيل لكل المواد ( المقررات ) الى أكيد خلاص راح تدرسونها . وبعدها أضغطو على كلمة تنفيذ التغييرات . . كذا خلاص مبروك عليكم تسجيل المواد ( المقررات ) الجديده للفصل الدراسي الجديد . يبقى لكم تسديد الرسوم . ------------------------------------------------ . تنتظرون لمن تنزل لكم في البنك وتسددونها . بس اذا تبون تعرفون الرسوم الدراسية عن طريق الجامعة . . ادخلو على رابط الخدمات الطلابية http://del.kfu.edu.sa/entisab_app/index.asp وبعدها ادخلو على الايقونة هذي http://del.kfu.edu.sa/entisab_app/images/08ov.jpg . وراح تشوفون الرسوم الدراسية . أنتبهو لحد يسدد الرسوم الدراسية الا لمن يشوفها صحيحة . يعني الى يشوف رسومه الدراسية ناقصة لا يسدد ينتظر لمن يجيه تحديث ويسدد . . نصيحتي للجميع في تسديد الرسوم . أنتظرو لاتسددون الأن حتى لو رسومكم صحيحة . أنتظرو لمن تشوفون أنظمة الجامعة كلها سليمة وبعدها سددو . يعني سددو بعد أسبوع أسبوعين شهر . وكل واحد براحتة . ------------------------------------------------ . الى يبي يتأكد ان مواده تسجلت خلاص وراح يدرسها لهذا الفصل ومضمون راح يدرسها . يدخل على نظأم البانر . وبعدها يدخل بعدها التسجيل . بعدها التسجيل الحالي . . وبكذا تتأكدون ان موادكم تسجلت لهذا الفصل ( السمستر ) . ================================================ .. الملاحظات . . تأكدو ان أرقام الــ CNR خاصة لكم يالطلاب والطالبات الأثنين أرقامهم تختلف . تأكدو من رقم CNR لكل مادة . ------------------------------------------------ . بالنسبة للي حمل مادة ويبي يسجلها ويدرسها عادي يقدر بس أهم شي انه مايكون فيه تعارض . يعني يوم الاختبار يكون في يوم واحد وفي فترة وحده بكذا يكون تعارض . تقدرون تتأكدون من هالشي من جدول الاختبارات النهائية . والحمد لله في مواضيع كثيره لبعض الأخوان رتبو فيه جداول الأختبارات النهائية لجميع التخصصات . ومن هذا الجدول تقدرون تعرفون منه هل في تعارض أو لا . وهذا رابط جدول الاختبارات النهائية الجديد لتخصص اللغة الانجليزية . .. باقي التخصصات أبحثو عنها في المنتدى العام وراح تحصلونها . ------------------------------------------------ . سأمحوني على الاطالة في الشرح . لنا في نأس مايعرفون ولا شي عشأن كذا شرحت كل نقطة . ولأني محب أعيد وأزيد في الشرح :30: :hahahahahah: أحب اوضح الشي بكل تفاصيلة مرة وحدة :biggrin: . . بالتوفيق للجميع |
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
الله يعطيك العافيه ماقصرت
|
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
يعطيك العافيه
|
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
الله يعطيك العافية
|
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
تشكرت ياخيو
|
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
أنا معدلي ٢و٤٣ هل بإمكاني أسجل جميع المواد لان سجلتها جميع وحذفت النحو وهو ومستغرب كيف قبل ١٨ساعة وانا معدلي المفروض ١٥ساعة ياليت اللي يعرف يقولي ضروري
|
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
تنبية مهم جداً جداً جداً
بصراحة الجامعة نكبه وحركه مال امها داعي يبلغون الجميع ان الكل يقدر يسجل من تاريخ 1435/3/25 الى تاريخ 1435/4/2 والحين تسحب السيفون وتوزع التسجيل على فترات وعلى حسب الارقام انا ماعندي مشكلة انتبهت لهذا الشي بس وشذنب ربأت البيوت و الموظفين الى معتمدين راح يسجلون على اخر يوم او اخر يومين المفروض الجامعة تنبه جميع الطلاب برسائل جوال لنا رسائل الجوال احنا ندفع عليها رسوم اشتراك ماهي ببلاش ورسوم رسائل الجوال ندفعها في كل سمستر ومستوى دراسي 10 ريال انا ادفع عشان توصلني مثل هذي الاخبار أول بأول وبدون تأخير لنا اذا فأتني التسجيل يقولون خلاص فأتك وانا محب احط نفسي في مواقف بايخه هههههههه :hahahahahah:فديت عادل امام هع ننتظر الجامعة ممكن ترسل رسائل جوال للجميع وتنبه لهذا الشي عن طريق رسائل الجوال .... |
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
يسلموا .. ويعطيك الف عافيه
توني مسجله المواد ما اخذت خمس دقايق وانا اسجل .. :16.jpg: |
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
جهد مبارك
|
رد: شرح بالصور طريقة تسجيل المقررات ( المواد ) في البانر + شرح كيفية الحصول على أرقام cnr لجميع المواد ( التخصصات ) وكيفية تسجيل هذه الأرقام + التقويم الدراسي .
اقتباس:
ناس تتعب ومن أمس وهي تحاول تسجل وهذي في 5 دقايق أوله :(158)::(158)::(158): https://www.youtube.com/watch?v=tcnl3X92S0c خلاص تعبت كل اشلخها عين كل اشلخها ومافي فايدة :verycute: |
| All times are GMT +3. الوقت الآن حسب توقيت السعودية: 07:35 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه