|
مثل الفرس في مسيرتها ووقفتها // تمشي على الارض كن الارض ملغومه
:004: يالــجوهرة ودي أكتب فيك منضـــومه منضومة من قراها ضاعت علــــومه مرصـــعه بالذهب واللمـــاس والفـضه وحقــوقهـا ثابـته ماهي بمهضـــومه مبــتديــة بالــنفــل والـعــود والـعنبــر وبالورد والمستكا والمسك مختومه بين الشطر والشطر والبيت والثاني فلــه وريحــانه وورده ويـــشمـــومه كلــه لعينــاك لبــا والله عــيــونــــك الي هدبها تجاهي يرسل سهومه ســود مـظاليــل لاترحــم ولا تاوي كنها عيون النداوي لا نوى الحـــومه نظراتها تطلق المسجون من سجنه وارمااشها يفجــع النــوام من نـــومه والطول والعرض والمنتوق والقامه تجذبك فالجلسه وتجــذبك فالقـــومه مثل الفرس في مسيرتها ووقفتها تمشي على الارض كن الارض ملغومه وان جات للطيب والاخلاق والرفعه وصــايفك في بنـــات الجيـل معــدومه وان جـــات للكبر والزومات والزمــه مـــافيـــك كبــره ولا زمـــه ولا زومه وان جات للزين والموضات والكشخه فكنك على الستر والناموس معزومه من كثر حشمتك سموك العرب حشمه ويدلعونك بعض الاحيان محشــــومه فعـــز الله انــك هــواي وغـــاية مـــرادي مالـــوم قلب تولـــع فيــــك مالـــومه من يوم شفتك وانا ميت على شوفك شوفتك تجلى عماس الراس وهمومه فتكــفين لا تحــرميني لا حــرمك الله من شــوفة ثانيــه بالـــود مدعــــومه الاولــه واجـبــه والثــانيــه سـنــه والثالثه سلم شيخ(ن) تعرف سلومه ماني راعي علوم(ن) مالها داعي يسعى ورى الذنب لين يحقق حلومه نبغى النقى والشرف والطهر والعفه اربـع وفي غيرهـــا مـانتـي بملـــزومه فــان كــان ودك فــانا والله بعد ودي باطب في السوق الاقصى وافرق السومه وان كانت عزومك تسوقك على غيري يامكثــر الـــي علي تســـوقه عـــزومه مايــاخذ الـعبد رزق(ن) مـاهـو بـرزقه وان مات ماهو بمتوفي قبل يومه من ألبوم : [glint]مشاعر شاعر[/glint] للشـاعــر : [glint]سعد شفلوت [/glint] ومثل ما يقولون المعنى في بطن الشاعر ... لكن والله العالم انه يقصد في فرسه محشومه ... |
رد: مثل الفرس في مسيرتها ووقفتها // تمشي على الارض كن الارض ملغومه
صح لسان قايلها وسلمت على النقل اخوي خالد
وكل عام وانت بخير. :16: |
رد: مثل الفرس في مسيرتها ووقفتها // تمشي على الارض كن الارض ملغومه
منضومة من قراها ضاعت علــــومه :5aga: مالـــــوم قلب تولـــع فيــــك مالــــــومه :71: عجبتني القصيده وهالبيتين بالخصوص :5: سلمت عالذائقه والنقل .. :16: |
رد: مثل الفرس في مسيرتها ووقفتها // تمشي على الارض كن الارض ملغومه
:21::16:
|
رد: مثل الفرس في مسيرتها ووقفتها // تمشي على الارض كن الارض ملغومه
مايــاخذ الـعبد رزق(ن) مـاهـو بـرزقه
وان مات ماهو بمتوفي قبل يومه صح لسانك اختيار أنيق لك :16: |
رد: مثل الفرس في مسيرتها ووقفتها // تمشي على الارض كن الارض ملغومه
والطول والعرض والمنتوق والقامه
تجذبك فالجلسه وتجــذبك فالقـــومه مثل الفرس في مسيرتها ووقفتها تمشي على الارض كن الارض ملغومه جميل اختيارك اخي خالد ومميز قصيده جداً رائعهه صح الله لسان شاعرها لا هنت وموفق بحضورك تقديري |
رد: مثل الفرس في مسيرتها ووقفتها // تمشي على الارض كن الارض ملغومه
اقتباس:
_ يآويل حالي أول مره اقول ليت اسمي الجوهره , آبيآت غزليَه خقه بالحيَل والوصف يآويل حالي بهـــآ .. عجبني البيت ذا كثير مير حسيت الشاعر نيته صافيه ههههههههههههههـ .ِ وربي يرزق كل خليل بخلَه .. صح لسآن شآعرهآ وسلمت ع النقلَه دوك :16: |
رد: مثل الفرس في مسيرتها ووقفتها // تمشي على الارض كن الارض ملغومه
/
ابدعت ف انتقائك للقصيدة جميل ماطرحت استاذي الكريم الله يعطيك العافية ....لاهنت |
رد: مثل الفرس في مسيرتها ووقفتها // تمشي على الارض كن الارض ملغومه
شاكر لكم مروركم ... نورتوا الموضوع ... :004:
|
| All times are GMT +3. الوقت الآن حسب توقيت السعودية: 12:35 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه