ملتقى طلاب وطالبات جامعة الملك فيصل,جامعة الدمام - مركز غرب الرياض 12 طالبات ( الحق ينقال)

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - مركز غرب الرياض 12 طالبات ( الحق ينقال) (https://vb.ckfu.org/showthread.php?t=327868)

أررريج

2012- 5- 12 10:13 AM

مركز غرب الرياض 12 طالبات ( الحق ينقال)

السلام عليكم ...

لاحظت كثير مواضيع بالمنتدى كلها تشتكي من مراكز الاختبارات والتعامل والطريقه
وانا درست في اكثر من مركز قبل ما يحطون اختيار الحي الي يناسب كل طالب

وفيها الزين وفيها الشين

وانا بما اني في غرب الرياض اخترت الغرب ,,

مكانها
مركز غرب الرياض 12 طالبات
قصر الأمير أحمد يقابله محطة بنزين من الجهة الشمالية تقع المدرسة خلفهاعبارة عن مجمع مدارس ابتدائية392 ومتوسطة 199 المركز في المتوسطة 199 بحي لبن الشرقي

والله هالمره بقول كلمة حق ..

المديره جدا رائعه بنت الدوسري الله يوفقها تعامل رقي المدرسه نظيفه جدا والغريب انها حكوميه
المكيفات رائعه حتى الساحه بارده وتفتح النفس كلها مكيفات صحراويه ..

والشي الغريب بالموضوع ان المديره لبا قلبها مسويه طاولات وحاطه فيها زمازم شاهي وقهوه وحلاو وبساكيت وكراتين مويه .. الي استغربته انه ضيافه

فاهمين وش معنى ضيافه يعني مجانيه ,,, يعني انتى تجين تاخذين كاس وتصبين قهوه وفيه تمر بعد ومو اي تمر تمر سكري بعد ...

انواع الدلع ,,,
بس اشوا طلعو الطالبات ذوق مافيه زحمه ولا شي ههههههه
حتى المديره تقول للطالبات وشفيكم تراه ضيافه ههههههه لان الكل ما تجرء ياخذ لانه جد شي غريب

هذا غير ان المديره قالت لنا كلنا ياطالبات لا تجيبون بطاقة الاحوال ولا تجيبون كرت العائله ولا الجواز تكفيني ورقة التعريف الي تطبعونها من الجامعه لاني خايفه تضيع ..

والله اني ارتحت نفسيا.,

هذا غير النظام .. المعروف ان اول يوم يكون ربكه .. وحوسه
مشاء الله المديره روعه ما تاخرو بالاوراق واسامينا موجوده .. ولا فيه ربكه نهائيا ..
وحتى المويه يوزعونها علينا مجاني وقت الاختبار لان واحد قالنا هنا انه ياخذون عليهم فلوس

هذا غير ان المديره تمر على القاعات وتسئل ايش تبون

هذا انطباعي عن اول يوم الي مفروض تكون فيه حوسه وربكه وكل شي يضيق الصدر ....

:sm5:
يالبا ذويقات غرب الرياض بس هههههه

عشق القصيد

2012- 5- 12 10:32 AM

رد: مركز غرب الرياض 12 طالبات ( الحق ينقال)

عادي اجي معكم :biggrin:
هه
والله شي ضيافه
> ليه حنا لا بنات البطه السوداء
انا من الشرقيه بس والله كلمة حق كل شي يهيل
مع انها مدرسه حكوميه مثلكم < مو متعودين هههه
الله يوفقنا وياااك :106:

Good luck555

2012- 5- 12 11:32 AM

رد: مركز غرب الرياض 12 طالبات ( الحق ينقال)

كلامك صحيح مررره راحه الله يتمم علينا يارب ويعطي المشرفه والمراقبات العافيه حتى المراقبات مره متعاونات وهاديات وتعاملهم راقي كانت مشرفتي رقمها 21 مره يهبل اسلوبها:d5:

أررريج

2012- 5- 12 11:36 AM

رد: مركز غرب الرياض 12 طالبات ( الحق ينقال)

كل المشرفات ارقامهم ياقلبي 21

❤ Ρąŧćħį ..}

2012- 5- 12 09:43 PM

رد: مركز غرب الرياض 12 طالبات ( الحق ينقال)

’
-

صحيح كلآآآمككَ :(204):

المركز جداً رآإئع وتعاملهم رآإقــــــيَ :(204):

الله يعطيهم العآإفيه
:004::004:

دمـ البحرـوع

2012- 5- 12 09:56 PM

رد: مركز غرب الرياض 12 طالبات ( الحق ينقال)

عارفه انك جبتي العيد هههههه

الحين الجامعه تطالب ببطاقة الاحوال وانتي ذكرتي انها ماتطالبكم يعني من بكره الله يعينها

على التحقيق الي بيجيها لان هنا معنا عماله مندسين

عدلي مشاركتك لاتوهقي الحرمه والله يجزاها خير

بسووم*

2012- 5- 12 10:38 PM

رد: مركز غرب الرياض 12 طالبات ( الحق ينقال)

صراحه كل شي فيها يهبل :71:
:d5::d5:
الله يعطيهم العافيه:119:

رجعت ادرس

2012- 5- 12 11:02 PM

رد: مركز غرب الرياض 12 طالبات ( الحق ينقال)

يعطيهم الف عافيه ماقصروا والله

ام الاخيار

2012- 5- 13 01:51 AM

رد: مركز غرب الرياض 12 طالبات ( الحق ينقال)

انا بعد لاحظت انهم جدا محترمين

ونظامهم حلو

لكن الضيافة ما دريت عنها لاني اطلع على طول

بس اللي متعبني في المركز انه بعيد شوي

وهذا وهو اقرب واحد لي

لكن الحمد لله تروحين للمكان وتنسين تعب الطريق

الله يعطيهم العافية

نوره الدريس

2012- 5- 13 10:24 AM

رد: مركز غرب الرياض 12 طالبات ( الحق ينقال)

اوووممممااا عااد نظااافه :sm4:
صح الظيافه :(269): بس تعامل ونظافه والمديره تدور ماشفناه امس :(177):

zozo123

2012- 5- 13 10:46 AM

رد: مركز غرب الرياض 12 طالبات ( الحق ينقال)

اقتباس:

المشاركة الأصلية كتبت بواسطة نوره الدريس (المشاركة 6408623)

اوووممممااا عااد نظااافه :sm4:
صح الظيافه :(269): بس تعامل ونظافه والمديره تدور ماشفناه امس :(177):

أذكري الله كل شي تمام التمام ولا أحلى من كذا شكراً لهم لحسن تعاملهم وأهتمامهم أكثر من كذا وش تبون أستقبال عرايس :060:

.. شــــــام ..

2012- 5- 13 05:19 PM

رد: مركز غرب الرياض 12 طالبات ( الحق ينقال)

اي والله عنجد مشاء الله كتير شي حلوو ومرتب .. انا ارتحت فيه كتير ..

بس اللي زعجنا .. ماعرفنا نحل بالاختبار .. هو اللي عكر علينا مزاجنا .. :139::139:

Nina2011

2012- 5- 13 05:34 PM

رد: مركز غرب الرياض 12 طالبات ( الحق ينقال)

الله يعطيهم العافيه ماقصروا حتى اسلوب المراقبات واخلاقهم جدا جميله
الله يوفقهم ويوفقنا :d5:

.. JoOoOoDiy ..

2012- 5- 13 05:45 PM

رد: مركز غرب الرياض 12 طالبات ( الحق ينقال)

من جد ناااااااااااااااااااااايس المركز ..

وووربي لماا دخلت المنتدى بعد الاختباار ..

واشووف العاالم يتشكوون من مرااكزهم .. انصدمت ..

جلست اتذكر اقوول فيهـ شي صاار من هالنووع عندنااا ..؟؟!!

ماا شااء الله .. هدوووووووء .. ونظااام .. وكل شي رووووعهـ ..

حتى مشرفتناا رقمهاا 16 .. الله يسعدهاااا ..

ع طوول مبتسمهـ .. وتساااعد الكل ..

و الطاالبهـ اللي بيانااتهاا نااقصهـ .. يخلونهااا تعدلهاا وتضبطهاا ..

مو مثل بعض المشرفاات .. تااخذ الورقهـ وتحطهاا ع جنب .. وموو مهم تعبئتك للنموذج صحيحهـ او لا ..

و شهاادهـ التعرريف و الاثباتاات ووووربي ماا جابوو خبرهااا .. ولااا خطرت ع باالهم ..

جد جد ماا شاااء الله .. شي رااااااااقي و ذووووق .. وماا قصرواا معناا ابدااً ..

الله يووفقهم .. وان شااء الله بكل ايااام الاختباراات يضل مستمر هالشغل السنع ..

قلتلكم من اوول لا تستهينوون بغرب الرياااااااض .. ترااهم يعرفوون السنع << :(204)::53:

سو84س

2012- 5- 13 10:03 PM

رد: مركز غرب الرياض 12 طالبات ( الحق ينقال)

:53::53::53::53:

صدقتي والله اروجة

المكان واللي بالمكان يفتح،ن النفس

لاحظت حتى الطالبات يعني مو ذاك الاستعراض اللي قد شفته من قبل

الله يوفقهم يارب

:106::106::106::106:

الا على الضيافة والله استحيت او مادريت مدري وش السالفة بس الاكيد ان القهوة فاتتني :bawling:

بنتبه لها المرة الجاية :biggrin::biggrin:

ميامي2011

2012- 5- 13 10:16 PM

رد: مركز غرب الرياض 12 طالبات ( الحق ينقال)

الحمد لله كل شي حلو بس بعض المراقبات مااعجبوني
بس اخف تعقيد من الترم الاول

سو84س

2012- 5- 13 10:22 PM

رد: مركز غرب الرياض 12 طالبات ( الحق ينقال)

ابغى افهم ليه الحظور المهيمن فقط ( طالبات علم اجتماع ماشاء الله ) :060:

وين قمورات الانجليزي :sm1: حتى بالمركز ناااااادر جدا اسال وحدة وتقول لي انجليزي يمكن بس طالبتين !! وشكلي الثالثة :sm18:

ادب	2012- 5- 13 10:25 PM

رد: مركز غرب الرياض 12 طالبات ( الحق ينقال)

انا مراقبتي رقمها 11 لبي قلبها مرة تجنن روعة ذوق وادب واخلاق حتى ما تزعجك

والله ذوق الي رقمها 11 الله يتممها باخلاقها يارب ويفتحلها ما ازعجتنا ولا طنطنت على روسنا يالله يا رب تجعلها دوم تراقب علينا

ما انسى المراقبة رقم 13 على ما اذكر والله بعد اخلاق تراعيك لابعد الحدود ولا تزعجك والله ما قصرت
الله يعطيهم العافية يارب

وين قبل المشرفات تقعد تطقطق بالكعب وتوقف على راسك تقولين تحل معك الامتحان ورايحة جاية تقولين شارع الحوامل ولا تسوي رياضة المشي بالقاعة قالبتها مضمار ولا بعد وتخز كل وحدة بعين كنها بتخطب ولا بتطلع الاخطاء السبعة يمة يروعون المدارس الي قبل

اما المدرسة باين انها من اول يوم مغسولة ومنضفة وحمماتها نضيفة والطاولات مهي مثل قبل مليانة غبار ووسخة لا نظيفة الله يعطيهم العافية
هذا غير الضيافة جزاهم الله خير والله اول يوم ما تضيفت مستحية من الكرم واليوم اخذت موية بس بكرة بشرب فنجال وبعده اخذ تمره لين اتم ضيافه هههه

.. JoOoOoDiy ..

2012- 5- 14 03:27 AM

رد: مركز غرب الرياض 12 طالبات ( الحق ينقال)

بكرهـ اذاا شفتوو وحدهـ قطعت شووشتهاااا من القهر ..

معناهااا انااا << :bawling::bawling:

ما ذااااااااااااااااااااكرت ولسى نص المقرر .. :Cry111:

بسووم*

2012- 5- 14 10:46 AM

رد: مركز غرب الرياض 12 طالبات ( الحق ينقال)

سوس انا انجليزي ومن جد مالقيت انجليزي كلهكم علم اجتمااااااع

.. شــــــام ..

2012- 5- 14 11:25 AM

رد: مركز غرب الرياض 12 طالبات ( الحق ينقال)

اقتباس:

المشاركة الأصلية كتبت بواسطة .. JoOoOoDiy .. (المشاركة 6425781)

هههههههههههههههههههههه والله متلي .. الله يعين بس .. :bawling:

A.Majeed

2012- 5- 14 11:54 AM

رد: مركز غرب الرياض 12 طالبات ( الحق ينقال)

اي والله يعطيهم العافيه التعامل كان مررررره مررررره راقي حتى المديره وضيافتها :lllolll::lllolll::lllolll:

بالتوفيق للجميع يارب

الدمام الحق يقال مرتبين بس مافي ضياااااافه

All times are GMT +3. الوقت الآن حسب توقيت السعودية: 05:55 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه