[ تمت الأجابه ] الستجيل للترم الثاني عام 1433 هـ
 

السلام عليكم
كيفكم بنات
أنا تو قبل ساعة اتصلت ب كلية سعد و سألتهم عن التسجيل للترم الثاني
قالت لي يبدأ 31 ديسمبر يوم السبت الأسبوع الجاي
اعتقد يصير بالهجري 6 صفر
للبنات اللي حابين يستفسروا عن معادلة المواد ، قالت لي مافيه معادلة للمواد بالكلية
’,
عندي كم استفسار ياليت يجاوبوني اللي عندهم خلفيه
- كلية سعد معترف بها عند وزارة التعليم العالي و الهيئة الصحية !؟ ممكن رابط من الوزارة لـ حتى اتأكد ، فتحت موقعهم و ما عرفت وين القى هالشي :)
- كلية سعد عندها ترم تحضيري واحد فقط ، سؤالي هنا بعد ما نعدي الترم و نبدأ نيرسينق ، للي حابة تسجل بالمنح الداخلية ، هل المنح الداخلية تعترف بترم تحضيري واحد فقط !؟ لأن البعض قال لي لازم تكون الطالبة انهت فصلين دراسيين عشان تقدر تسجل في المنح الداخلية
- هل يكون فيه تسجيل تابع للموارد ، لدراسة التحضيري و إلا بس التخصص نيرسينق !؟
’,
اسئلة عن الكلية ..
- الجوال الكام ممنوع !؟
- كيف لبس طالبات التحضيري !؟
- لازم يلبسوا لاب كوت و إلا لا !؟
- طاقم التدريس في التحضيري ، بس نساء و إلا رجال !؟
- لو اختبرت و عدّيت الإختبار ، دايركت راح ادرس نيرسينق ، طيب لو أنا ابي ادرس تحضيري يصير و إلا لا !؟
- طالبات التحضيري في نفس مبنى طالبات النيرسينق !؟
- شنو جنسية طاقم التدريس في التحضيري !؟
- ممكن اسماء المواد في التحضيري !؟
- الكتب تكون في التحضيري مجانًا من الكلية و إلا نشتريها من خارج الكلية !؟
و يعطيكم العافية سلفًا ، اسئلة تحتاجها أي بنت راح تدرس بالكلية
تكون عندها خلفية بسيطة :)
و إذا عندي أي سؤال ثاني راح ادرجه :mh318:

رد: الستجيل للترم الثاني عام 1433 هـ
 

يعطيك ربي العافيه وانا بعد مثلك ^:71:

رد: الستجيل للترم الثاني عام 1433 هـ
 

يعطيك العافيه على ابلاغك لطالبات بوقت التسجيل ..

- كلية سعد معترف بها عند وزارة التعليم العالي و الهيئة الصحية !؟ ممكن رابط من الوزارة لـ حتى اتأكد ، فتحت موقعهم و ما عرفت وين القى هالشي :)

اي نعم معترف فيها من وزارة الصحه و التعليم العالي .. و من جامعة بريطانيا " اولستر "

وهذا الرابط

http://grants.mohe.gov.sa/ApprovedFaculties.aspx#univ57

- كلية سعد عندها ترم تحضيري واحد فقط ، سؤالي هنا بعد ما نعدي الترم و نبدأ نيرسينق ، للي حابة تسجل بالمنح الداخلية ، هل المنح الداخلية تعترف بترم تحضيري واحد فقط !؟ لأن البعض قال لي لازم تكون الطالبة انهت فصلين دراسيين عشان تقدر تسجل في المنح الداخلية

ترمين تحضيري ..
طبعاً لا المنح من التعليم العالي او الموارد تعترف بترم التحضيري لآنه يكون على حسابك الخاص

ومش شرط تنهين فصلين .. ان عديتي فونديشن 1 و تخصصتي تمريض و جاتك منحه .. فماله داعي الترم الثاني ..

" البعض ياخذه لجل يقوي نفسه بالأنقلش قبل التخصص "

- هل يكون فيه تسجيل تابع للموارد ، لدراسة التحضيري و إلا بس التخصص نيرسينق !؟

فقط النيرسنق

- الجوال الكام ممنوع !؟

طبعاً ممنوع واذا كنتي فونديشن ينوخذ منك وما يرجع الا نهاوية الترم اذا نيرس ما يرجع الا وقت التخرج

- كيف لبس طالبات التحضيري !؟

تلبسين اي شي المهم موش قصير و ساتر

- لازم يلبسوا لاب كوت و إلا لا !؟

موش ضروري

- طاقم التدريس في التحضيري ، بس نساء و إلا رجال !؟

نساء فقط

- لو اختبرت و عدّيت الإختبار ، دايركت راح ادرس نيرسينق ، طيب لو أنا ابي ادرس تحضيري يصير و إلا لا !؟

الا يصير بس اذا كان جايتك منحه من التعليم العالي او الموارد تروح عليك

- طالبات التحضيري في نفس مبنى طالبات النيرسينق !؟

اي نعم بس يختلفون بالأدوار او لكلاسات

- شنو جنسية طاقم التدريس في التحضيري !؟

سعوديات و لبنانيات و اردنيات و مصريات

بس الله يشهد ان كل وحده للغتها تقول الزود عندي

- ممكن اسماء المواد في التحضيري !؟

فونديشن 1 : مديكل ترمونلجي - انترودكشن تو ساينس - انترودكشن تو ماث - اسايمنت - سبيكينق - رايتنق - للسينينق - ريدينق - ستركتشر - اثكس

- الكتب تكون في التحضيري مجانًا من الكلية و إلا نشتريها من خارج الكلية !؟

تاخذين اصل الكتب من مكتبة الكليه و تطبعينها ثم ترجعين الأصل للكليه

كلها مناهج من جامعة اولستر ببريطانيا

و طريقة التدريس مختلفه اختلاف تام عن جامعات المملكه

بتوفيق للجميع:106:

رد: الستجيل للترم الثاني عام 1433 هـ
 

يوم السبت الجاي التقديم .. والله مشكوره اختي على الخبريه :(204):

رد: الستجيل للترم الثاني عام 1433 هـ
 

اسكآد : الله يعافيك و يوفقك
حور الحوراء : العفو و موفقة
عز سنان ’,
أهلًا عزيزتي
من جد يعطيك ألف عافية و ما تقصرين تعبتك معاي
أنتِ كاتبة ترمين تحضيري ، و الموظفة قالت لي ترم واحد :|
الحين كيف يعني !؟
أنتِ كتبتِ مواد فاونديشن 1 لو انهيته ضروري ادرس فاونديشن 2 ؟!
’,
اختبار البت بـ 750 اختبره وين ، بمركز و إلا بنفس الكلية !؟
بعد ما اختبره ، فيه اختبار ثاني قبل القبول !؟
’,
ايش متطلبات القبول ، آخذ معي شنو للتسجيل
مشكورات جميعًا :106:

رد: الستجيل للترم الثاني عام 1433 هـ
 

..

ترم واحد بعدها يختبرونك اختبار البت وان ما جبتي فوق 70 .. تاخذين ترم ثاني

اختبار البت اول ما تروحين قيمته 750 ريال

و يكون بنفس الكليه

و بعد تختبريه و تطلع نتيجتك فيه مقابله

و الأوراق

شهادة الثانويه و 3 نسخ عنها

و صوره من بطاقة العائله

و صور من قياس القدرات و التحصيلي

رد: الستجيل للترم الثاني عام 1433 هـ
 

طيب أختي عز سنــآن كيف وضع التدريس عندكم

؟؟؟:smile:

رد: الستجيل للترم الثاني عام 1433 هـ
 

والله حلو ..

صحيح فيه شوي من طبع المدارس :biggrin:

بس التدريس ماعليه وانا بحكم اني جربت الدراسه بكل مكان

بجامعة الملك فيصل و الأكاديميه


هذي افضل كليه عندي

رد: الستجيل للترم الثاني عام 1433 هـ
 

الححين التسسجيل ع الموااارد ولا ؟؟
وش التخصصات ؟
انا نسسبتي 76 يقبلوني او لا ؟
القدرات 70 والتحصيلي 65
ابي الكلام الاكيد عششان اروح اقدم
:106:

رد: الستجيل للترم الثاني عام 1433 هـ