|
خــلال ثـلاثة أتـرام هذه الحقيــقة المــره ولكن هل من مزيد ....!
السـلام عليكم ورحمة الله وبركاته
الترم الأول / 1_ حسن غصـان ( دكتور الأقتصـاد ) شالوهـ والسبب رسائل الملاقيف الى يبون يفهمون ومايبون الأسئلة تتكرر خربتو على الدفعه الي ورانا .. الترم الثاني / 2_ خالد عطيه ( دكتور المحاسبة ) تسـربت الأسئلة وغيرها وجاب ألعن منها ومع هذا للملاقيف وقفه بطلب أعادة الأختبار ... 3_ المحاسبة الأدارية + الأحصاء في الأدارة + الأدارة المالية ( لين ماطلع قرار وزع على جميع هيئة أعضاء التدريس من دكاتره وأساتذه محاضرين ) بتغيير الأسـئلة جذرياً نظراً لكثافة رسائل الملاقيف وحبهم للأجتهاد وأن يكون هناك عدل ومساواه لأنهم مساكين يدرسون الملزمه والكتاب المقرر من الجلده للجلده ولأ أزيدكم من الشعر بيت حتى دكتور النظم غير الأسئلة وربطهم من الجلده للجلده الله يكون في عون الدفعه الى ورانا ... بداية هذا الترم بدأت البشائر 1_ عدد الطلاب ان كان أقل من 100 سوف تكون الأسئلة مقاليه ( المصدر المباشرة الأولى اليوم قال الدكتور في محاضرة أدارة الموارد البشرية ) 2_ أسئلة الأعوام السابقة بتكون نازله الأسابيع القادمه في الخدمات الطلابيه ( هلا بالعيد ) 3_ بالنسبة للطلبة الي يحملون من مكتبات بسبب أشغالهم وضروفهم من أسرة وبيت ونحوهـ معليش ياحبيبي لأزم تستأجر لك عامل هالمره وتدفع دبل الى كنت تدفعه لأن خلاص النظام ماراح يقبل اكثر من جهازين يحملون المحاضرات ويحلون المناقشات فيها الدراسة كل مالها تصعب أكثر وأكثر وبالنهايه حنـــا ياملقوف أنتساب فيك خير ( أدرس برا ) الكلام طويل بس ماقول غير حسبي الله ونعم الوكيل في كل شخص يصف نفسه بالمثاليه على حساب زملائه ويزاود عليهم أذا كانت ضروفك تسمحلك أن تشتغل في أيديك ورجولك غيرك مايقدر يحك راسه من مشاغله عموماً باقي المشوار قدامنا طويل فيه صدمات أكثر من كذا ..! ملاحظة 1/ فلوس الترم ذا تصدق ياملقوف أني متسلفها ..؟ مو بس انا كثير بس والله أنا متسلفها يامطنوخ يلي تشتري الكتاب بـ 500 ريال ملاحظة 2/ الملاقيف تشمل كلا الجنسين ... ( اللهم أشغل كل من أراد بنـا سوءاً فأشغله في نفسـه وأجعل كيدهـ في نحرهـ ) حسبي الله ونعم الوكيـل . |
رد: خــلال ثـلاثة أتـرام هذه الحقيــقة المــره ولكن هل من مزيد ....!
بعض الناس ينسى اننا مجرد طلاب انتساب عن بعد
لايعلم ان الاغلبيه موظفين واباء وعندهم مسؤليات لا يعلم بها الا الله سبحانه اختبار المحاسبه اللي تسرب وشاهدوه قليل من الناس قبل الاختبار بساعتين او 3 واتذكر ان الاداره في المنتدى بمجهود يشكرون عليه اوقفوا الموضوع واخفوه بعدها بساعه ومع هذا ظهروا لنا بعض الناس وطالبوا بالاعاده وكادت ان تتكرر الاعاده المستوى السابقه بالاداره الماليه والاحصاء بعدما كرروا الدكاتره نماذج قديمه وظالبوا بالاعاده اما سالفة المقالي ذي بلحالها مصيبه ؟؟ ما اقول الا حسبي الله ونعم الوكيل :) |
رد: خــلال ثـلاثة أتـرام هذه الحقيــقة المــره ولكن هل من مزيد ....!
ماتنم هذه التصرفات الا من دنائه وحسد
ومرض بالنفوس طيب جت الاسئله سهله او تكرار للاعوام الماضيه وشراح يضرك خذ درجتها كامله وش يمنعك يادافور -او انك تريد ان تنجح باعلئ الدرجات وتكتمل وتزيد فرحتك بحمل غيرك للماده بئس للمثاليه اذا ضرت غيرك بارك الله فيك |
رد: خــلال ثـلاثة أتـرام هذه الحقيــقة المــره ولكن هل من مزيد ....!
صبراً جميل والله المستعان فعلاً كل ترم تحصل سالفه الى متى ؟!! واحنا ع اعصابنا وحقوقنا ماتنفذت:24: كل الجامعات انتساب عندهم صيفي واحنا تحت الدراسه:25: وللأسف الخير يخص والشر يعم ناس تخرب ع ناس حرام عليهم مو الكل متفرغ احنا مادخلنا انتساب الا لظروفنا ((( دوامات* بيت* مسؤليات ,....... ))) يعطيك العافيه ع طرح الموضوع:2: |
رد: خــلال ثـلاثة أتـرام هذه الحقيــقة المــره ولكن هل من مزيد ....!
ومع هذا كله يا ليت شهادتنا قوية مثل الانتظام يا دوب تمشي حالها :) |
رد: خــلال ثـلاثة أتـرام هذه الحقيــقة المــره ولكن هل من مزيد ....!
والله ما ألومك .. لا تعليق .. الله يستر من الجايات .. انسدت انفسنا عن كل شي .. صاار الواحد خايف مين يطلع يتكلم ويشكي .. بالنهاية الكل خسران .. لكن لاحياة لمن تنادي .. ما نقول غير كل شي مكتوب .. ويارب تسهل لنا كل عسير .. روق ياخوي وربك يفرجها .. |
رد: خــلال ثـلاثة أتـرام هذه الحقيــقة المــره ولكن هل من مزيد ....!
تصدق والا احلفلك :13: انه فيه ناس الترم اللي راح قالت ان المشاركات عن طريق النت ما نبغها مسوي :19: ويبغى مثل جامعة الملك عبدالعزيز 100 درجه على الورقه:32: هذا مثل اللي يقولك دوك خير قال ما يشيله جيبي |
رد: خــلال ثـلاثة أتـرام هذه الحقيــقة المــره ولكن هل من مزيد ....!
\ موِ كأأن موضوعك قويِ شويِ عن الملاقيفِ ..؟؟؟ <<-(( سجلي عندك واحد هطف وملقووف :biggrin:)) - ع العمومً ..!! الشرر يعم والخير يخص .. وهذا قدرناااً والظررب في الميت حراام ..! <<- قااعد يكيف عمررره .. علىِ تقبل الصدمااتً اللي بتجيِ بعدين ..لاكنً بشويش :(269): واخيرااً وليس اخرااً روقوِ المنقى // انا عن نفسي مانيب اخذ بالاسئله تبع العاام وقراشيعها بمعنى احاول اذااكر قد ما اقدر مع العلم ان عندي شغلِ ولا القى وقت .. !! وبالتوفيق للجميع ><" :16: |
رد: خــلال ثـلاثة أتـرام هذه الحقيــقة المــره ولكن هل من مزيد ....!
المشكلة الحقيقية بادارة الجامعة
اذا جاهم اقتراح سلبي على طول يطبقونه والاشياء اللي تفيد الطالب لا ينظر لها عموما الله يسهل الامور وكل ماله الامور تمشي من جرف لدحديره |
رد: خــلال ثـلاثة أتـرام هذه الحقيــقة المــره ولكن هل من مزيد ....!
سبحان الله
ناس تفكيرها غريب. طيب .. رزقك مكتوب وبيجيك يجيك ومااحد ياخذ غير نصيبه. يبغالنا نشد الحيل هالترم تفادياً لهالضربات:20: الله يعين:39: |
| All times are GMT +3. الوقت الآن حسب توقيت السعودية: 03:12 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه