|
تكفون دلوني اختبرت بشعبة ثانيه عند دكتوور ثاني
السلام عليكم ورحمة الله وبركاته امس الخميس كان عندي اختبار شركات 1 والماده لها شعبتين عند دكتوررين مختلفين الدكتور اسامه عبدالمقصود والدكتور ماهر ابو ليلى انا عند اسامه وبالغلط اختبرت عند ماهر .. واكتشفت هالشي يوم طلعت من الاختبار .. رحت لدكتوري اسامه قالي كلم مجلس الكليه انا مقدر اسويلك شي .. الشي الي اقدر اسويلك اياه اني اخذ درجتك من الدكتور ماهر واحسبها كأنك مختبر عندي .. هالشي مو من صالحي لاني جبت العيد باعتبار انو في مواضيع حاذفها دكتورنا وجايبها الدكتور الي اختبرت عنده ... في احد صارله مثل هالموضوع ي ليت يدلني ... بكرا السبت بروح لمجلس الكلية واشوف وش يطلع معاي بس م استغني عن خبراتكم وتوجيهاتكم |
رد: تكفون دلوني اختبرت بشعبة ثانيه عند دكتوور ثاني
السلام عليكم
يالغالي اول شي لما تروح مجلس الكلية بيقولك وش عذرك الدكاتره حاطين اعلانات عن الدكاتره والمقرر الي راح تختبر فيه و كذا هي واحد من الحلين : اما انك تروح للدكتورين نفسهم وتقولهم عن المشكلة وتقنعهم لان ترى انت طالب عند دكتور ثاني يعني يحق لك تعيد الاختبار دام ان الدكتور غيره . الحل الثاني تكتب خطاب بيدك الى سعادة العميد وكذا وكذا اني انا اختبرت عند دكتور ثاني غير عن دكتوري الي يدرسني و الي تم اختياره بالبانر يعني تكتب خطاب مقنع ومرتب . وان شاء الله ربي يسهل لك وانا اخوك ولاتنسى الدعاء والصلاه اخر الليل عشان ربي يسهل امورك وبالتوفييق |
| All times are GMT +3. الوقت الآن حسب توقيت السعودية: 02:33 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه