|
موظفي القطاع العسكري الوظائف الحكومية لمن هم على راس الغمل وللمتقاعدين
موظفي القطاع العسكري>الوظائف الحكوميه لمن هم على راس العمل وللمتقاعدين
السلام عليكم ورحمة الله وبركاته فيه موضوع مهم بخصوص الوظائف الحكوميه والتقديم عليها وصراحه حبا للخير نزلت هالموضوع لاني ادري كثير من العسكريين لايعلم عنه ...وهو مايسمى بالتبادل الوظيفي بين العسكري والمدني هالموضوع ماجبته من راسي ..وتاكدت شخصيا منه ببدا لكم بالعسكريين اللي على راس العمل اولا شي عادي تقدم ببرنامج جداره حتى لو معك الثانويه العامه.. لاحد يضحك عليك ويقول سجل مدني وانت عسكري ماله اي علاقه جداره لاتقول بيكفشوني ترى شي عادي تقدم نزل ترشيحك على حسب مؤهلك براحتك تبي ولا طنش ..اذا تبي الوظيفه تروح للخدمه المدنيه وتاخذ قرارك معك اسبوعين للمباشره ضبط وضعك بعدها داوم بوظيفتك الجديده لاتقول مايمديني اخلص من العسكريه باشر لو يوم وفهمهم انك تبي تخلي طرف مالهم اي علاقه خذ قرارك وعلى مرجعك وقل ابرفع فصل بخصوص المتقاعدين ويستلم تقاعد يقدم عادي بعد مايترشح على وظيفه ياخذ قراره وعلى مؤسسة التقاعد يوقف تقاعده ويستلم وظيفته ويضم خدمته طبعا فيه شرط وهو ان يكون راتب الوظيفه الجديده اعلى لو ب 5 ريال عن راتبه التقاعدي للمعلوميه بجداره كل 6 شهور ينزل مالا يقل عن 35000 وظيفه من الكفاءه الى الدكتوراه الموضوع مهم وكثير جدا وخاصه من العسكريين مايعرف عن هالموضوع.. منقوووووول |
رد: موظفي القطاع العسكري الوظائف الحكومية لمن هم على راس الغمل وللمتقاعدين
ياليت
|
رد: موظفي القطاع العسكري الوظائف الحكومية لمن هم على راس الغمل وللمتقاعدين
جداره لاصحاب الدبلومات والجامعة
ساعد للثانوية العامة والكفاءة والابتدائي لي سنتين ما اعلنوا عن وظائف |
رد: موظفي القطاع العسكري الوظائف الحكومية لمن هم على راس الغمل وللمتقاعدين
كلامك صحيح
لكن هل يقبل عسكري راتبه عشر الاف بوظيفه مدنية على المرتبه الخامسه براتب خمس الاف ريال |
رد: موظفي القطاع العسكري الوظائف الحكومية لمن هم على راس الغمل وللمتقاعدين
بيض الله وجهك على هالمعلومه والكثير سوف يستفيد من معلومتك
|
رد: موظفي القطاع العسكري الوظائف الحكومية لمن هم على راس الغمل وللمتقاعدين
اقتباس:
مشكلة القطاعات العسكريه رواتبها ضخمه بالبدلات فمثلا الرقيب يوصل راتبه ببعض القطاعات إلى فوق 17 الف واذا تقاعد يتقاعد على الاساسي لان ال 17 الف كلها بدلات والاساسي اللي عليه الكلام بالتقاعد مايجي 7 الاف.. |
رد: موظفي القطاع العسكري الوظائف الحكومية لمن هم على راس الغمل وللمتقاعدين
موضوعك حلو لكن فرق الراتب صعبة تخليه ينقل وظيفته
حتى لو كانت كلها بدلات انا زوجي عسكري ويتقاضى فوق 10,000 احس ماراح اقبل بالعيش اقل من هذا الراتب لان اكيد راح تنقصني اشياء كنت متعوده عليها وانت عارف متطلبات لعيال والحياه وزمن الغلا كل واحد محتاج لكل ريال |
رد: موظفي القطاع العسكري الوظائف الحكومية لمن هم على راس الغمل وللمتقاعدين
الله يسسسعدك ويجزاك خير... بالنسبه ل ام الرضا: الانسانه اللي شاريه زوجها مايهمها راتبه كم ومصاريفه كيف المهم الحياه تمشي معاهم تمام واللي فلتها معاه بأيام الفله تصبر وتتحمل ايام الشح والراتب القليل ولعل فيه بركه ومع الايام راح يتعدل وضعه وتضبط اموره وتفلوها من جديد فسبحان الله دوام الحال من المحال
|
رد: موظفي القطاع العسكري الوظائف الحكومية لمن هم على راس الغمل وللمتقاعدين
الموضوع هذا انفتح مرتين وش السالفة خلاص بح مواضيع الوضع ولا كيف :hahahahahah:
|
رد: موظفي القطاع العسكري الوظائف الحكومية لمن هم على راس الغمل وللمتقاعدين
يعني يا ام الرضا لو يشيلون البدلات عنه سحبتي عليه
|
| All times are GMT +3. الوقت الآن حسب توقيت السعودية: 04:01 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه