السلام عليكم يابني آدمين,,,


والله مادري من وين ابدأ ولكن راح اقول الي في خاطري واتوقع في خاطر اغلب الطلاب والطالبات لانه بصراحة طفح الكيل وقرفت من هذي الجامعة الي تثبت في كل مرة فشلها وسرقتها لحقوقنا.
بكل بجاحة يتم خصم درجات المشاركة من كل المواد وكأنهم يتفاخروا بحرماني حقوقي وهذي مي المرة الاولى الي تخصم فيها الدرجات بدون وجه حق والي اصبحت اعاني منها تقريبا في كل مستوى واثرت على معدلي والمشكلة اني اقوم بعمل تظلم في كل مرة ولكن للاسف لايتم انصافي ويأتي الرد بان التظلم غير صحيح وان الجامعة هي الصح. والان عملت تظلم على كل المواد لكن اشك انه راح يصير شي.
ما يكفي الي شفناه من الدكاتره وكيف تفننوا في تعقيدنا.
يشهد الله اني عملت كل ماهو مطلوب مني من تحميل المحاضرات المسجلة ومشاهدتها اكثر من مرة للتأكيد والمشاركة في كل المناقشات وحل جميع الواجبات وحضور كل المحاضرات المباشرة وتحميلها وهذ كله عشان لاتنخصم اي درحة من المشاركة ولكن للاسف لا حياة لمن تنادي كأني اقولهم اخصموا ما عليكم مني. الي يصير من الجامعة الموقرة والله اعتبره ظلم وحرام ولا يحق لهم ان يحرموني تعبي وجهدي وكأنهم يحاولون احباطي وتشويه صورة الجامعة في نظري. والمشكله اني حاولت الاتصال بهم على الرقم المجاني اكثر من مره قبل رصد الدرجات للتأكد لاني شكيت في الخارطة الاكاديمية بان هناك غلط ولكن للاسف انلطع على التلفون مابغى ابالغ ولكن والله كل مره قرابة الساعة ولا احد يرد وكتبت موضوع في المنتدى بخصوص هذه المشكلة ولكن بعض الطلاب ردوا ان اوضع طبيعي وسوف تتغير بعد تحديث الخارطة ولكن حدث ماكنت اخشاه.
ما اقول الا حسبي الله ونعم الوكيل اذا هم ظلمونا او انهم يقبلوا الحرام والله ارسلت للفريدان في توتر وكتبت له يشهد الله اني متنازل عن حافز التفوق وما ابغاه بس لا عاد يخصمون من درجات المشاركة بغير وجه حق الي تعبت فيها واتمنى انه يلتفت لحقوقنا ويراعي الامانه الي في رقبته وانتظر انه يرد علي ولكن ماني متوقع انه راح يرد.
عموما كل ترم يمر علي اكتشف فيه اني درست مع افضل دفعة من طالبات وطلاب وتشرفت بزمالتهم ولهم الفضل بعد الله في نجاحي ولكن للاسف درست في اسوأ جامعة في البلد.
اخيرا, اقول الف مبروك للي نجح وهاردلك للي حمل مواد.

المجال مفتوح لك أخي لترفع تظلم عن درجات المشاركة

وأفيدك حتى طلاب المستوى الثامن أشتكوووا من نقص بدرجات المشاركة

وبادروا بالتظلم ...