النتايج بالويكيند "اليوم السبت"
 

السلام عليكم ورحمة الله وبركاته ..
اولا ان شاء الله كلنا ننجح ونعدي بأحلى الدرجات و اطيبها .. :004:
دوكم بمناسبة العطله .. :rose:

الحين نجي بـ موضوعنا الرئيسي ,, الشعيبي الله يطول بعمره ,, الي ما اعرف وش منصبه صراحه بس اسمع الكل يقول كلمت الشعيبي و قالي الشعيبي و الشعيبي عندي بالواتس اب .. :Looking_anim: !!

خصوصا البنات ,, مدري وش وضعهم .. -_-

ماعلينا ,, الرجال ذا قال ان النتايج بتطلع الويكيند ,, خلص الويكيند طيب .. :Looking_anim:

ماعلينا ماعلينا يمقن يقصد ويكيند الاجانب الي هو سبت احد .. :biggrin:

بس بوضح شي ,, للناس الي يقولون وراكم مستعجلين و اصبروا تمتعوا بالاجازه ومن هالكلام ..

لا ياحبايبي ,, كيف نستمتع واحنا تعبنا ودرسنا وسهرنا عشان ذي الدرجات ,, والله ان الجامعات الباقيه يومين بعد الاختبار وتنزلهم ,, ماده ماده كل ماده تنزل بعد يومين من اختبارها ..

واحنا حتى درجات المشاركه الي مقفله لها الحين شهر و زود مانزلوها .. !!

الناس كلها بالعطله مستانسه وماوراها هم الا احنا ماندري وش وضعنا ولا نعرف وش السالفه ..

والله كل احد يسألني هاه طلعت درجاتك اقول لا يقولون أمااا عاد .. !!!!!!!!!

محد يصدق .. :biggrin:

يحسبوني جايبه درجات زفت وقاعد اصرف ,, بس جد والله لنا كامل الحق بالـ مطالبه بالدرجات ..

انا مو دافوره اعترف ودايمن بارده لدرجه اختبار القدرات ماشيكت عليه الا لمى طفشت صديقتي مني واخذت رقمي المدني عشان تطلعه لي .. :biggrin:

بس انا تعبت بالجامعه .. :Cry111:

تعبي بالثانوي مايجي ربع تعبي بالجامعه ,, اصلا مافيه تعب بالثانوي ماكنت ادرس الحمدلله اني كنت بأهليه نجحوني بالتشويت مو بس الدف .. :biggrin:

بالنهايه اعتذر لو طولت عليكم << يقالها مؤدبه .. :biggrin::biggrin:

وان شاء الله بعد موضوعي هذا ساعتين بالكثير وتنزل الدرجات .. :icon120::004:

وشكرا .. :)

رد: النتايج بالويكيند "اليوم السبت"
 

ايه حتى انا :41jg::41jg::41jg:

رد: النتايج بالويكيند "اليوم السبت"
 

ساعتين بالكثير وتنزل الدرجات ..!!

ماشاءلله عليكي ..انسانة واقعية الصراحة ..

الله يهدي سرك وتبشرينا قريبا ..مو باليد حيلة ..

صبرا ..

رد: النتايج بالويكيند "اليوم السبت"
 

معك حق
الدرجات تأخرت .. وعساها خيرة إن شاء الله ..

رد: النتايج بالويكيند "اليوم السبت"
 

[align=justify]
~






انآ معععك واوآفقك الرآي ..
ولآ إحد يقدر يقول إستمتعو بالاجآزه خصوصآ ان كل وآحد فينآ شآيل هم النتآيج ..
لكن إلجآمعه إعلنت إعلآن صريح الي هو ثلآث اسآبيع ..
صحيح طويله لكن الشكوى للهـ واحنآ ننتظر ..
والي يفرق بين جآمعتنآ والجآمعآت البآقي .. ان جآمعتنآ مرآكزهآ كثيره سوآء بالسعوديه او خآرجهآ ..
وكلنآ نتفق ان الوقت الي تآخذه إكثر من اللآزم ..
يعني من إسبوع ونص إلى إسبوعين اشوفهآ كفآيه وزيآده ..
ويآليت يخلونهآ كل مآده لحآلهآ إحسن .. وشي يصبرنآ لشي ..
لكن قآلهآ إبن فطيس { ولآ لك إلآ ـآلصصبر وش ودآك لهـ .. :biggrin:
[/align]

رد: النتايج بالويكيند "اليوم السبت"
 

متفائلة اكثر من واقعيه .. :060:
نقول ان شاء الله ,, محد يدري وش بيصير بعد 5 دقايق حتى .. ^_^
سنكيو عالمرور القميل .. :004::rose:

رد: النتايج بالويكيند "اليوم السبت"
 

بالمستوى الثاني نزلوا المواد بالقطاره كل ساعه ماده اقسم بالله كان عذاب وتعب نفسي وانا قدام اللاب وأحدث الصفحه بالثانيه !
الحين عندي انتظر شهر وتنزل مع بعض ولا تنزل كل ماده بساعه :Looking_anim:
وبس :biggrin::004:

رد: النتايج بالويكيند "اليوم السبت"
 

هههههههههههههههههههه تبين الصدق كلنا في الثانوي نجحنا بالبركة:lllolll::lllolll:


يوم صرنا ف الجامعة مدري وش صار فينا كلنا طلعنا مصطفى:biggrin:


ومع الاجتهاد والسهر والتعب يدينا على قلوبنا:mh12:

ف الثانوي مانذاكر الا بـ:41jg: :biggrin: ولا نهتم للنتايج بالعكس ودنا يأخرونها عشان نستمع ف الاجازة:019:

والحين ماغير نناقز ع المنتدئ :Cry111:

ماقول غير الله يسااامحهم يوم اهتمينا لحطونا وحنا ننتظر:41jg:

ف نصيحة حاولي تحطين اعصابك ف الثلاجة وو سعي صدرك وامر الله من السعه كلها كم يووم ونبارك لبعض:004:

<< :d5: التفائل جمييل

رد: النتايج بالويكيند "اليوم السبت"
 

الويكند / هذي أكله كثير يأكلوها ويجيهم مغص مو طبيعي ..


انا مره شفت ناس يأكلونها ياااااع ماتصلح :biggrin:

رد: النتايج بالويكيند "اليوم السبت"
 

:Looking_anim:


سؤال ملقوف مابيك تزعلين


بس بجد يعني ماني عارفه وش قصدك لما تقولين البنات يكلمون الشعيبي يكلمونه عن الجامعه ونتايجها

وهم مفتخرين انهم كلمو على الاقل مسؤول واحد في الجامعه على الاقل


ياليت تحسنين النية يا اختي في الله


الله يهديك لما قلتي هالكلمة انا وحده من البنات اللي ما ارضى احد يشككني اني مسويه جرم او شي حرام ادري ما جيتي لصوبي بس حددتي البنات عموما


عذرا للاطاله



:Looking_anim: