|
ام عمر وكل من يعرف الرجاء الدخول
انا طلبت العوده للدراسه والحمد لله اليوم حالتي الاكاديميه فعال :004:
ماهي الخطوه التاليه و متى تسجيل المواد لآني ان شاء الله بأكون مستوى اول آداب قسم تاريخ :004: ساعدوني الله يوفق الجميع |
رد: ام عمر وكل من يعرف الرجاء الدخول
اتوقع مستوى اول هم يسجلون موادك تلقائي
على اي حال كل فترة شيك على السجل الاكاديمي وشوف وش يصير لك حتنور قسم التاريخ يالذيب :(204): |
رد: ام عمر وكل من يعرف الرجاء الدخول
ماتسجلين مواد ولا شي لأنك مستوى أول بيعطونك الجدول مثل ماهو
ماأعتقد أن في شي ممكن تسوينه بعد ماتفعلتي غير إنتظار بداية الدراسه |
رد: ام عمر وكل من يعرف الرجاء الدخول
تابعي التقويم الجامعي عشان تعرفين متى موعد دفع الرسوم
|
رد: ام عمر وكل من يعرف الرجاء الدخول
لا اذا كنتي مسوى اول واجلتي ترم والحين سويتي اعادة طلب
انتي اللي تسجلين موادك لأنك تعتبرين من الطلبه القدامى انا صار لي زيك قالو لي لاتسجلين موادك تنزل لك تلقائي ومانزلت لي وراجعت الجامعه والحمدلله سجلوها لي انتنبهي وتابعي التقويم اول بأول وسجليها انتي بنفسكك |
رد: ام عمر وكل من يعرف الرجاء الدخول
اقتباس:
لاني الاحظ كثر الاستفسارات لان المستوى الاول يبدو ان كثير منهم مسوين تأجيل الترم اللي راح والان عاملين اعادة طلب للرجوع للدراسة وبالعادة اللي مستوى اول يسجلون له تلقائي لكن اللي مسوي تأجيل توهقنا وش نقولهم الصدق :064: هل يسجلون له تلقائي او هو يسجلها بنفسه والان يبدو ان الصورة اتضحت ان اللي مسوي تأجيل للمستوى الاول_هو يسجل مواده بنفسه شكرا لكم :d5: |
رد: ام عمر وكل من يعرف الرجاء الدخول
اقتباس:
مرحبا اختي لاتقعين في نفس خطئي انا سجلت الترم الثاني السنه الماضيه واجلت لظروف صحيه وطلبت عودة للدراسه في رمضان ورجعوني ومن بداية الترم وهم يرسلون لي ع الجوال ضرورة تسجيل المواد وقالو لي ناس لاتسجلين انتي مستجده ولما جيت عى شهر 12 افتح الافتراضي لقيتهم كاتبين لم تقم بتسجيل المواد وبعدين انحست حوسه الله لايوريك ارسل للفريدان مارد ودقيت على الرقم المجاني وجزاهم الله خير ماقصرو اعطوني خطوات اتبعها عشان اسجل المواد وبعد شهر كامل تسجلت لي نصيحه اول مايرسلون لك رساله يطلبون تسجيل المواد على طول ادخلي وسجلي المواد الموجوده كلها لانها اجباريه وترى يعتبرونك طالبه قديمه مو مستجده |
رد: ام عمر وكل من يعرف الرجاء الدخول
صحيح لا بد من تسجيل المواد انته بنفسك لانه لو كنتي مستجده ما ختبرتي او اجلتى هم ينزلون المواد لا كين اذا اجلتي او كنت غياب لا بد من تسجيل المواد بنفسك
|
رد: ام عمر وكل من يعرف الرجاء الدخول
بالتوفيق
|
رد: ام عمر وكل من يعرف الرجاء الدخول
مشكورين على تعاونكم و فالكم التوفيق
|
| All times are GMT +3. الوقت الآن حسب توقيت السعودية: 11:56 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه