ملتقى طلاب وطالبات جامعة الملك فيصل,جامعة الدمام

- - مــركز 9 الــرياض (https://vb.ckfu.org/showthread.php?t=263969)

مــركز 9 الــرياض

http://im14.gulfup.com/2011-12-14/132386974521.jpg

للأسف حاولت وسألت مركز 15 و 6 و 7 و13 كلها تبعد عني أقل من 15 دقيقه وصل لها

وانا بيني وبين مركز 9 خمسين كيلو ساكن بأشبيليا الذهبي خلف ماك اللى مقابل مركز 20 اللى يبعد عني اقل من 3 دقائق:Cry111: وش الحل ابي مركز قريب للمستوى الثاني

منهو مستوى ثاني ومركزه شرق الرياض يدلني على المركز تكفوووووون

رد: مــركز 9 الــرياض

اللي سمعت

انك تكلم المشرف المسؤل عن المركز اللي تبيه ..

وقولهم اذا في امكانيه ينقلون موقعكك ..

فالك وفالنا التوفيق ي رب :106:

رد: مــركز 9 الــرياض

كلمت اكثر من مركز يقولون بس عدنا مستوى أول فقط ؟

في ارقام جوالات مركز مغلقه يعنى لدرجه حنا يستخف بعقولنا بهالطريقة ؟

أتمنى من هو في أحد مراكز شرق ووسط الرياض ( مستوى ثاني ) انا يفيدنا تكفون الوضع لا يحتمل من جد مع زحمه الرياض تكره العيشه اللى انت فيها لا حول ولا قوة الا بالله

وفق الله الجميع لما يحب ويرضى

رد: مــركز 9 الــرياض

انا ساكن بالروضه وطلع لي مركز 9
يعني مشوااااااااااااااااااااااااااار

تكفون اذا فيه طريقة نغير مراكزنا ونقدر نشوف اي مركز حولنا
ياليت يعلمنا

رد: مــركز 9 الــرياض

سلام عليكم

انا بعد طلع لي مركز 9 بجنوب الرياض ، مع اني ساكن خلف سابك مخرج 8 :bawling:، يعني بيني وبين مركز 9 اكثر من 50 كيلو :sdfgdsf:.
حسبي الله عليهم ، العام الماضي كان الطالب يختار المدينة ويختار المركز اللي قريب من بيته لكن الترم الماضي والترم هذا خلو الاختيار على كيفهم الله لا يوفقهم مثل ما ابعدو عنا المراكز :mad:.

عاد تصدقون اني ساكن الرياض من 22 سنه ولا عمري جيت حي الشفا هذا ولا اعرفه :sdfgdsf:

رد: مــركز 9 الــرياض

انا مو عارفه علي اي اساس يوزعونا!!!
المفروض لما نختار المدينه يخلونا نسجل بعد المنطقه اللي ساكنين فيها،،ومن اول االكورس هالكلام عشان يصير عندهم وقت ينظمون اللجان!!!
الرياض مو صغيره!!!
الرياض دوله!!!
يعني المفروض التوزيع يكون علي اساس المنطقه اللي انت ساكن فيها!!
إحنا مانطلب المستحيل،،إحنا نطلب المفروض يكون!!
ومثل ما يطلبون منا نحمل محاضرات من موقع ونناقش ونحل واجبات من موقع ثاني،،ولا قلنا شي،،،قدروا انتو بعد ظروفنا!
:Cry111::Cry111:

رد: مــركز 9 الــرياض

وانا مثلكم بعد ساكن بشرق الرياض وطلع لي مركز 9 وفيه طلاب بغرب الرياض مراكزهم طلعت
بشرق الرياض :(107):
اعتقد ما احد شايف حل لوضعنا نظرا لضيق الوقت وهذا طبعا غلط من الجامعه لذا نطلب من إدارة الجامعه في المستويات القادمه النظر والاهتمام في هذا الموضوع وعدم اهماله

رد: مــركز 9 الــرياض

وهذا واحد من الاخوان في المنتدى كتب لنا وصف الموقع الله يوفقه

للفائدة لمعرفة موقع المركز

يمكن أستخدام طريق الملك فهد ولا انصح فيه للأزدحام وخصوصا هذه الأيام لذا ننصح بأي طريق بديل لكن الوصف للموقع بالنسبة لي راح يكون من طريق الملك فهد بأتجاه الجنوب وحتى الوصول الى تقاطع الكباري الموزع الى جهة اليمين الى السويدي والبديعة والمتجه الى اليسار الى العزيزية والحائر يجب الأستمرار بأتجاه الجنوب حتى الدخول على بداية طريق ديراب وأنصح مباشرة بعد تجاوز مجمع الكباري وبداية طريق ديراب دخول خط الخدمة والاستمرار حتى يأتي على يمينك مركز على كيفك أستمر قليلا حتى يأتيك دوران(مديور) أرجع معه وأستمر على خط الخدمة والآن أصبح أتجاهك شمال على نفس طريق ديراب حتى يأتيك على اليمين مسجد وبعده بعمارة بزاويتها يوجد مركز توزيع لشركة (قو للانترنت) تدخل بالشارع اللي بعد (قو) مباشرة طبعا يمين أصبح على يسار الآن مطعم الطازج وقو على يمينك هذا الشارع أسمه أبن المفلح شارع في نهايه حرف(t) وتقابلك فلل المدرسة المتوسط الحكومية التمامي خلف هذه الفلل أبحث عن طريق يوصلك الى خلف هذه الفلل وتشاهد المدرسة.

رد: مــركز 9 الــرياض

والله ياني مادل شي هناك

تكفون ياربع عطون الاحداثيه للقارمن للمركز رقم 9 عجلو علينا اختباري بكره